Saṁyutta Nikāya

Pali BJTඑවං දාරුණො ඛො භික්ඛවෙ, ලාභසක්කාරසිලොකො කටුකො ඵරුසො අන්තරායිකො අනුත්තරස්ස යොගක්ඛෙමස්ස අධිගමාය. තස්මාතිහ භික්ඛවෙ, සික්ඛිතබ්බං: ‘උප්පන්නං ලාභසක්කාරසිලොකං පජහිස්සාම. න ච නො උප්පන්නො ලාභසක්කාරසිලොකො චිත්තං පරියාදාය ඨස්සතී’ති. එවං හි වො භික්ඛවෙ, සික්ඛිතබ්බන්ති.

Pali BJTඉදමවොච භගවා. ඉදං වත්වා සුගතො අථාපරං එතදවොච සත්ථා:

Pali BJTයස්ස සක්කරියමානස්ස අසක්කාරෙන චූභයං,සමාධි න විකම්පති අප්පමාණවිහාරිනො.{1}

Pali BJTතං ඣායිනං සාතතිකං සුඛුමදිට්ඨිවිපස්සකං,උපාදානක්ඛයාරාමං ආහු සප්පුරිසො ඉතීති.

Pali BJTදාරුණවග්ගො පඨමො

Pali BJTදාරුණො බළිසං කුම්මො දීඝලොමිං මීළ්හකං,{2} අසනි දිද්ධං සිගාලඤ්ච වෙරම්බෙන සගාථකන්ති.

Pali BJT2. පාතිවග්ගො.

Pali BJT5. 2. 1.

Pali BJTසුවණ්ණපාතිසුත්තං

Pali BJT307. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො -පෙ-

Pali BJTඉධාහං භික්ඛවෙ, එකච්චං පුග්ගලං එවං චෙතසා චෙතො පරිච්ච පජානාමි. “න චායමායස්මා සුවණ්ණපාතියාපි රූපියචුණ්ණපරිපූරාය හෙතු සම්පජානමුසා භාසෙය්යා”ති. තමෙනං පස්සාමි අපරෙන සමයෙන ලාභසක්කාරසිලොකෙන අභිභූතං පරියාදින්නචිත්තං සම්පජානමුසා භාසන්තං.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 2. 2.

Pali BJTරූපියපාතිසුත්තං

Pali BJT308. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො -පෙ-

Pali BJTඉධාහං භික්ඛවෙ, එකච්චං පුග්ගලං එවං චෙතසා චෙතො පරිච්ච පජානාමි “න චායමායස්මා රූපියපාතියාපි සුවණ්ණචුණ්ණපරිපූරාය හෙතු සම්පජානමුසා භාසෙය්යා”ති. තමෙනං පස්සාමි අපරෙන සමයෙන ලාභසක්කාරසිලොකෙන අභිභූතං පරියාදින්නචිත්තං සම්පජානමුසා භාසන්තං.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 2. 3-10.

Pali BJTසුවණ්ණනික්ඛසුත්තාදිඅට්ඨකං.

Pali BJT309-316. සාවත්ථියං–

Pali BJT[දාරුණො භික්ඛවෙ, ලාභසක්කාරසිලොකො -පෙ-]

Pali BJTඉධාහං භික්ඛවෙ, එකච්චං පුග්ගලං එවං චෙතසා චෙතො පරිච්ච පජානාමි: න චායමායස්මා -

Pali BJTසුවණ්ණනික්ඛස්සාපි හෙතු -පෙ- (තතියං)

Pali BJTසුවණ්ණනික්ඛසතස්සාපි හෙතු -පෙ- (චතුත්ථං)

Pali BJTසිඞ්ගීනික්ඛස්සපි හෙතු -පෙ- (පඤ්චමං)

Pali BJTසිඞ්ගීනික්ඛසතස්සාපි හෙතු -පෙ- (ඡට්ඨං)

Pali BJTපඨවියාපි ජාතරූපපරිපූරාය හෙතු -පෙ- (සත්තමං)

Pali BJTආමිසකිඤ්චික්ඛහෙතුපි -පෙ- (අට්ඨමං)

Pali BJTජීවිතහෙතුපි -පෙ- (නවමං)

Pali BJTජනපදකල්යාණියාපි හෙතු සම්පජානමුසා භාසෙය්යාති. තමෙනං පස්සාමි අපරෙන සමයෙන ලාභසක්කාරසිලොකෙන අභිභූතං පරියාදින්නචිත්තං සම්පජානමුසා භාසන්තං.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති. (දසමං)

Pali BJTපාතිවග්ගො දුතියො.

Pali BJTද්වෙ පාති ද්වෙ සුවණ්ණා සිඞ්ගීහි අපරෙ දුවෙ, පඨවී කිඤ්චික්ඛ ජීවිතං ජනපදකල්යාණියා දසාති.

Pali BJT3. මාතුගාමවග්ගො

Pali BJT5. 3. 1.

Pali BJTමාතුගාමසුත්තං

Pali BJT317. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො -පෙ-

Pali BJTන තස්ස භික්ඛවෙ, මාතුගාමො එකො එකස්ස චිත්තං පරියාදාය තිට්ඨති, යස්ස ලාභසක්කාරසිලොකො චිත්තං පරියාදාය තිට්ඨති.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 3. 2.

Pali BJTජනපදකල්යාණීසුත්තං

Pali BJT318. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො -පෙ-

Pali BJTන තස්ස භික්ඛවෙ, ජනපදකල්යාණී එකා එකස්ස චිත්තං පරියාදාය තිට්ඨති, යස්ස ලාභසක්කාරසිලොකො චිත්තං පරියාදාය තිට්ඨති.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 3. 3.

Pali BJTඑකපුත්තසුත්තං

Pali BJT319. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො -පෙ-

Pali BJTසද්ධා භික්ඛවෙ, උපාසිකා එකං පුත්තං පියං මනාපං එවං සම්මා ආයාචමානා ආයාචෙය්ය “තාදිසො තාත භවාහි, යාදිසො චිත්තො ච ගහපති හත්ථකො ච ආළවකො.

Pali BJTඑසා භික්ඛවෙ තුලා, එතං පමාණං, මම සාවකානං උපාසකානං යදිදං චිත්තො ච ගහපති, හත්ථකො ච ආළවකො.

Pali BJT“සචෙ ඛො ත්වං තාත, අගාරස්මා අනගාරියං පබ්බජසි, “තාදිසො තාත භවාහි යාදිසා සාරිපුත්ත-මොග්ගල්ලානා”ති.

Pali BJTඑසා භික්ඛවෙ තුලා, එතං පමාණං, සාවකානං භික්ඛූනං යදිදං සාරිපුත්තමොග්ගලානා .

Pali BJT“මා ච ඛො ත්වං තාත සෙඛං අප්පත්තමානසං ලාභසක්කාරසිලොකො අනුපාපුණාතූ”ති.

Pali BJTතඤ්චෙ භික්ඛවෙ, භික්ඛුං සෙඛං අප්පත්තමානසං ලාභසක්කාරසිලොකො අනුපාපුණාති, සො{1} තස්ස හොති අන්තරායාය.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 3. 4.

Pali BJTඑකධීතුසුත්තං

Pali BJT320. සාවත්ථියං–

Pali BJTදාරුණො භික්ඛවෙ, ලාභසක්කාර සිලොකො -පෙ-

Pali BJTසද්ධා භික්ඛවෙ, උපාසිකා එකං ධීතිකං{2} පියං මනාපං එවං සම්මා ආයාචමානා ආයාචෙය්ය: “තාදිසා අය්යෙ, භවාහි, යාදිසා ඛුජ්ජුත්තරා උපාසිකා වෙළුකණ්ටකියා{3} ච නන්දමාතා”ති.

Pali BJTඑසා භික්ඛවෙ තුලා, එතං පමාණං, මම සාවිකානං උපාසිකානං යදිදං ඛුජ්ජුත්තරා ච උපාසිකා, වෙළුකණ්ටකියා ච නන්දමාතා.

Pali BJT“සචෙ ඛො ත්වං අය්යෙ අගාරස්මා අනගාරියං පබ්බජසි, තාදිසා අය්යෙ භවාහි, යාදිසා ඛෙමා ච භික්ඛුනී, උප්පලවණ්ණාචා”ති.

Pali BJTඑසා භික්ඛවෙ, තුලා, එතං පමාණං, මම සාවිකානං භික්ඛුනීනං යදිදං ඛෙමා ච භික්ඛුනී උප්පලවණ්ණා ච.

Pali BJT“මා ච ඛො ත්වං අය්යෙ සෙඛං අප්පත්තමානසං ලාභසක්කාරසිලොකො අනුපාපුණාතූ”ති.

Pali BJTතඤ්චෙ භික්ඛවෙ, භික්ඛුනිං සෙඛං අප්පත්තමානසං ලාභසක්කාරසිලොකො අනුපාපුණාති, සො තස්සා හොති අන්තරායාය.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාරසිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 3. 5.

Pali BJTසමණබ්රාහ්මණසුත්තං

Pali BJT321. සාවත්ථියං–

Pali BJTයෙ හි කෙචි භික්ඛවෙ, සමණා වා බ්රාහ්මණා වා ලාභසක්කාරසිලොකස්ස අස්සාදඤ්ච ආදීනවඤ්ච නිස්සරණඤ්ච යථාභූතං නප්පජානන්ති, න මෙතෙ භික්ඛවෙ සමණා වා බ්රාහ්මණා වා සමණෙසු වා සමණසම්මතා, බ්රාහ්මණෙසු වා බ්රාහ්මණසම්මතා. න ච පන තෙ ආයස්මන්තො සාමඤ්ඤත්ථං වා බ්රහ්මඤ්ඤත්ථං වා දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරන්ති.

Pali BJTයෙ ච ඛො කෙචි භික්ඛවෙ සමණා වා බ්රාහ්මණා වා ලාභසක්කාරසිලොකස්ස අස්සාදඤ්ච ආදීනවඤ්ච නිස්සරණඤ්ච යථාභූතං පජානන්ති, තෙ ච ඛො මෙ භික්ඛවෙ සමණා වා බ්රාහ්මණා වා සමණෙසු චෙව සමණසම්මතා බ්රාහ්මණෙසු ච බ්රාහ්මණසම්මතා. තෙ ච පනායස්මන්තො සාමඤ්ඤත්ථඤ්ච බ්රහ්මඤ්ඤත්ථඤ්ච දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරන්තීති.

Pali BJT5. 3. 6.

Pali BJTදුතියසමණබ්රාහ්මණසුත්තං

Pali BJT322. සාවත්ථියං–

Pali BJTයෙ හි කෙචි භික්ඛවෙ, සමණා වා බ්රාහ්මණා වා ලාභසක්කාරසිලොකස්ස සමුදයඤ්ච අත්ථගමඤ්ච අස්සාදඤ්ච ආදීනවඤ්ච නිස්සරණඤ්ච යථාභූතං නප්පජානන්ති -පෙ- න ච පන තෙ ආයස්මන්තො සාමඤ්ඤත්ථඤ්ච බ්රහ්මඤ්ඤත්ථඤ්ච දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරන්ති.

Pali BJTයෙ හි කෙචි භික්ඛවෙ, සමණා වා බ්රාහ්මණා වා ලාභසක්කාරසිලොකස්ස සමුදයඤ්ච අත්ථගමඤ්ච අස්සාදඤ්ච ආදීනවඤ්ච නිස්සරණඤ්ච යථාභූතං පජානන්ති -පෙ- තෙ ච පනායස්මන්තො සාමඤ්ඤත්ථඤ්ච බ්රහ්මඤ්ඤත්ථඤ්ච දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරන්ති.

Pali BJT5. 3. 7.

Pali BJTතතියසමණබ්රාහ්මණසුත්තං

Pali BJT323. සාවත්ථියං–

Pali BJTයෙ හි කෙචි භික්ඛවෙ, සමණා වා බ්රාහ්මණා වා ලාභසක්කාරසිලොකං යථාභූතං නප්පජානන්ති, ලාභසක්කාරසිලොකසමුදයං නප්පජානන්ති, ලාභසක්කාරසිලොකනිරොධං නප්පජානන්ති, ලාභසක්කාරසිලොකනිරොධගාමිනී පටිපදං නප්පජානන්ති -පෙ- යෙ හි කෙචි සමණා වා බ්රාහ්මණා වා -පෙ- පජානන්ති -පෙ- යෙහි කෙචි සමණාචා බ්රාහ්මණාවා -පෙ- පජානන්ති -පෙ- තෙ ච පනායස්මන්තො සාමඤ්ඤත්ථඤ්ච බ්රහ්මඤ්ඤත්ථඤ්ච දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරන්ති.

Pali BJT5. 3. 8.

Pali BJTඡවිසුත්තං

Pali BJT324. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො. ලාභසක්කාරසිලොකො භික්ඛවෙ ඡවිං ඡින්දති, ඡවිං ඡෙත්වා මංසං ඡින්දති, මංසං ඡෙත්වා චම්මං ඡින්දති, චම්මං ඡෙත්වා නහාරුං ඡින්දති, නහාරුං ඡෙත්වා අට්ඨිං ඡින්දති, අට්ඨිං ඡෙත්වා අට්ඨිමිඤ්ජං ආහච්ච තිට්ඨති.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- උප්පන්නං ලාභසක්කාරසිලොකං පජහිස්සාම -පෙ- එවං හි ඛො භික්ඛවෙ, සික්ඛිතබ්බන්ති.

Pali BJT5. 3. 9.

Pali BJTවාලරජ්ජුසුත්තං

Pali BJT325. සාවත්ථියං–

Pali BJTදාරුණො භික්ඛවෙ, ලාභසක්කාරසිලොකො. ලාභසක්කාරසිලොකො භික්ඛවෙ, ඡවිං ඡින්දති, ඡවිං ඡෙත්වා චම්මං ඡින්දති, චම්මං ඡෙත්වා මංසං ඡින්දති, මංසං ඡෙත්වා නහාරුං ඡින්දති, නහාරුං ඡෙත්වා අට්ඨිං ඡින්දති, අට්ඨිං ඡෙත්වා අට්ඨිමිඤ්ජං ආහච්ච තිට්ඨති.

Pali BJTසෙය්යථාපි භික්ඛවෙ, බලවා පුරිසො දළ්හාය වාලරජ්ජුයා{1} ජඞ්ඝං වෙඨෙත්වා ඝංසෙය්ය. සා ඡවිං ඡින්දෙය්ය, ඡවිං ඡෙත්වා චම්මං ඡින්දෙය්ය, චම්මං ඡෙත්වා මංසං ඡින්දෙය්ය, මංසං ඡෙත්වා නහාරුං ඡින්දෙය්ය, නහාරුං ඡෙත්වා අට්ඨිං ඡින්දෙය්ය, අට්ඨිං ඡෙත්වා අට්ඨිමිඤ්ජං ආහච්ච තිට්ඨෙය්ය. එවමෙව ඛො භික්ඛවෙ, ලාභසක්කාරසිලොකො ඡවිං ඡින්දති, ඡවිං ඡෙත්වා චම්මං ඡින්දති, චම්මං ඡෙත්වා මංසං ඡින්දති, මංසං ඡෙත්වා නහාරුං ඡින්දති, නහාරුං ඡෙත්වා අට්ඨිං ඡින්දති, අට්ඨිං ඡෙත්වා අට්ඨිංමිඤ්ජං ආහච්ච තිට්ඨති.

Pali BJTඑවං දාරුණො ඛො භික්ඛවෙ, ලාභසක්කාරසිලොකො -පෙ- [උප්පන්නං ලාභසක්කාර සිලොකං පජහිස්සාම -පෙ-] එවං හි වො භික්ඛවෙ, සික්ඛිතබ්බන්ති.

Pali BJT5. 3. 10.

Pali BJTඛීණාසවභික්ඛුසුත්තං

Pali BJT326. සාවත්ථියං–