විලෙපනදායක අණ්ඩජ සුත්තං
404. -පෙ- විලෙපනං දෙති -පෙ- උපපජ්ජතීති.
9. 1. 14.
සෙය්යදායක අණ්ඩජ සුත්තං
405. -පෙ- සෙය්යං දෙති -පෙ- උපපජ්ජතීති.
9. 1. 15.
ආවසථදායක අණ්ඩජ සුත්තං
406. -පෙ- ආවසථං දෙති -පෙ- උපපජ්ජතීති.
9. 1. 16.
පදීපෙය්යදායක අණ්ඩජ සුත්තං
407. -පෙ- පදීපෙය්යං දෙති සො කායස්ස භෙදා පරම්මරණා අණ්ඩජානං සුපණ්ණානං සහබ්යතං උපපජ්ජති.
අයං ඛො භික්ඛු, හෙතු, අයං පච්චයො, යෙනමිධෙකච්චො කායස්ස භෙදා පරම්මරණා අණ්ඩජානං සුපණ්ණානං සහබ්යතං උපපජ්ජතීති.
9. 1. 17-36.
අන්නදායකාදිජලාබුජ සංසෙදජ සුත්තානි
408-427. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා ජලාබුජානං සුපණ්ණානං සහබ්යතං උපපජ්ජතීති. -පෙ- සංසෙදජානං සුපණ්ණානං -පෙ- උපපජ්ජති.
9. 1. 37.
අන්නදායක ඔපපාතික සුත්තං
428. -පෙ- ඔපපාතිකානං සුපණ්ණානං සහබ්යතං උපපජ්ජතී”ති.
ඉධ භික්ඛු එකච්චො කායෙන ද්වයකාරී හොති, වාචාය ද්වයකාරී, මනසා ද්වයකාරී. තස්ස සුතං හොති : “ඔපපාතිකා සුපණ්ණා දීඝායුකා වණ්ණවන්තො සුඛබහුලා”ති. තස්ස එවං හොති : “අහො වතාහං කායස්ස භෙදා පරම්මරණා ඔපපාතිකානං සුපණ්ණානං සහබ්යතං උපපජ්ජෙය්ය”න්ති. සො අන්නං දෙති -පෙ- උපපජ්ජති.
9. 1. 38.
පානදායක ඔපපාතික සුත්තං
429. -පෙ- පානං දෙති -පෙ- උපපජ්ජතීති.
9. 1. 39.
වත්ථදායක ඔපපාතික සුත්තං
430. -පෙ- වත්ථං දෙති -පෙ- උපපජ්ජතීති.
9. 1. 40.
යානදායක ඔපපාතික සුත්තං
431. -පෙ- යානං දෙති -පෙ- උපපජ්ජතීති.
9. 1. 41.
මාලාදායක ඔපපාතික සුත්තං
432. -පෙ- මාලං දෙති -පෙ- උපපජ්ජතීති.
9. 1. 42.
ගන්ධදායක ඔපපාතික සුත්තං
433. -පෙ- ගන්ධං දෙති -පෙ- උපපජ්ජතීති.
9. 1. 43.
විලෙපනදායක ඔපපාතික සුත්තං
434. -පෙ- විලෙපනං දෙති -පෙ- උපපජ්ජතීති.
9. 1. 44.
සෙය්යදායක ඔපපාතික සුත්තං
435. -පෙ- සෙය්යං දෙති -පෙ- උපපජ්ජතීති.
9. 1. 45.
ආවසථදායක ඔපපාතික සුත්තං
436. -පෙ- ආවසථං දෙති -පෙ- උපපජ්ජතීති.
9. 1. 46.
පදීපෙය්යදායක ඔපපාතික සුත්තං
437. -පෙ- පදීපෙය්යං දෙති සො කායස්ස භෙදා පරම්මරණා ඔපපාතිකානං සුපණ්ණානං සහබ්යතං උපපජ්ජති.
අයං ඛො භික්ඛු, හෙතු, අයං පච්චයො, යෙනමිධෙකච්චො කායස්ස භෙදා පරම්මරණා ඔපපාතිකානං සුපණ්ණානං සහබ්යතං උපපජ්ජතීති. (එවං පිණ්ඩකෙන ඡචත්තාලීසං සුත්තන්තා හොන්ති.)
සුපණ්ණවග්ගො පඨමො.
තත්රුද්දානං :
සුද්ධකං හරන්ති චෙව ද්වයකාරී චතුරො ච, දානූපකාරා චත්තාරි සුපණ්ණෙ ඡ චත්තාලීසාති.
සුපණ්ණසංයුත්තං සමත්තං.
10. ගන්ධබ්බකායසංයුත්තං
1. ගන්ධබ්බවග්ගො
10. 1. 1.
සුද්ධික සුත්තං
438. සාවත්ථියං:
ගන්ධබ්බකායිකෙ වො භික්ඛවෙ, දෙවෙ දෙසිස්සාමි. තං සුණාථ.
කතමා ච භික්ඛවෙ, ගන්ධබ්බකායිකා දෙවා? සන්ති භික්ඛවෙ, මූලගන්ධෙ අධිවත්ථා දෙවා. සන්ති භික්ඛවෙ, සාරගන්ධෙ අධිවත්ථා දෙවා. සන්ති භික්ඛවෙ, ඵෙග්ගුගන්ධෙ අධිවත්ථා දෙවා. සන්ති භික්ඛවෙ, තචගන්ධෙ අධිවත්ථා දෙවා. සන්ති භික්ඛවෙ, පපටිකාගන්ධෙ{1} අධිවත්ථා දෙවා. සන්ති භික්ඛවෙ, පත්තගන්ධෙ අධිවත්ථා දෙවා. සන්ති භික්ඛවෙ, පුප්ඵගන්ධෙ අධිවත්ථා දෙවා. සන්ති භික්ඛවෙ, ඵලගන්ධෙ අධිවත්ථා දෙවා. සන්ති භික්ඛවෙ, රසගන්ධෙ අධිවත්ථා දෙවා. සන්ති භික්ඛවෙ, ගන්ධගන්ධෙ අධිවත්ථා දෙවා. ඉමෙ වුච්චන්ති භික්ඛවෙ, ගන්ධබ්බකායිකා දෙවාති.
10. 1. 2.
සුචරිත සුත්තං
439. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා ගන්ධබ්බකායිකානං දෙවානං සහබ්යතං උපපජ්ජතීති.
ඉධ භික්ඛු, එකච්චො කායෙන සුචරිතං චරති, වාචාය සුචරිතං චරති, මනසා සුචරිතං චරති. තස්ස සුතං හොති : “ගන්ධබ්බකායිකා දෙවා දීඝායුකා වණ්ණවන්තො සුඛබහුලා”ති. තස්ස එවං හොති : “අහො වතාහං කායස්ස භෙදා පරම්මරණා ගන්ධබ්බකායිකානං දෙවානං සහබ්යතං උපපජ්ජෙය්ය”න්ති. සො කායස්ස භෙදා පරම්මරණා ගන්ධබ්බකායිකානං දෙවානං සහබ්යතං උපපජ්ජති.
අයං ඛො භික්ඛු, හෙතු, අයං පච්චයො, යෙන මිධෙකච්චො කායස්ස භෙදා පරම්මරණා ගන්ධබ්බකායිකානං දෙවානං සහබ්යතං උපපජ්ජතීති.
10. 1. 3.
මූලගන්ධ සුත්තං
440. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා මූලගන්ධෙ අධිවත්ථානං දෙවානං සහබ්යතං උපපජ්ජතීති.
ඉධ භික්ඛු, එකච්චො කායෙන සුචරිතං චරති, වාචාය සුචරිතං චරති, මනසා සුචරිතං චරති. තස්ස සුතං හොති : “මූලගන්ධෙ අධිවත්ථා දෙවා දීඝායුකා වණ්ණවන්තො සුඛබහුලා”ති. තස්ස එවං හොති : “අහො වතාහං කායස්ස භෙදා පරම්මරණා මූලගන්ධෙ අධිවත්ථානං දෙවානං සහබ්යතං උපපජ්ජෙය්ය”න්ති. සො දාතා හොති මූලගන්ධානං. සො කායස්ස භෙදා පරම්මරණා මූලගන්ධෙ අධිවත්ථානං දෙවානං සහබ්යතං උපපජ්ජති.
අයං ඛො භික්ඛු, හෙතු අයං පච්චයො යෙනමිධෙකච්චො කායස්ස භෙදා පරම්මරණා මූලගන්ධෙ අධිවත්ථානං දෙවානං සහබ්යතං උපපජ්ජතීති.
10. 1. 4-12.
සාරගන්ධාදි සුත්තානි
441-449. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා සාරගන්ධෙ අධිවත්ථානං දෙවානං සහබ්යතං උපපජ්ජතීති.
ඉධ භික්ඛු එකච්චො කායෙන සුචරිතං චරති, වාචාය සුචරිතං චරති, මනසා සුචරිතං චරති. තස්ස සුතං හොති : “සාරගන්ධෙ අධිවත්ථා දෙවා දීඝායුකා වණ්ණවන්තො සුඛබහුලා”ති. තස්ස එවං හොති : “අහො වතාහං කායස්ස භෙදා පරම්මරණා සාරගන්ධෙ අධිවත්ථානං දෙවානං සහව්යතං උපපජ්ජෙය්ය”න්ති. සො දාතා හොති සාරගන්ධානං -පෙ- සො දාතා හොති ඵෙග්ගුගන්ධානං -පෙ- සො දාතා හොති තචගන්ධානං -පෙ- සො දාතා හොති පපටිකගන්ධානං -පෙ- සො දාතා හොති පත්තගන්ධානං -පෙ- සො දාතා හොති පුප්ඵගන්ධානං -පෙ- සො දාතා හොති ඵලගන්ධානං -පෙ- සො දාතා හොති රසගන්ධානං -පෙ- සො දාතා හොති ගන්ධගන්ධානං. සො කායස්ස භෙදා පරම්මරණා ගන්ධගන්ධෙ අධිවත්ථානං දෙවානං සහව්යතං උපපජ්ජති.
අයං ඛො භික්ඛු, හෙතු, අයං පච්චයො, යෙනමිධෙකච්චො, කායස්ස භෙදා පරම්මරණා ගන්ධගන්ධෙ අධිවත්ථානං දෙවානං සහව්යතං උපපජ්ජතීති.
10. 1. 13-22.
අන්නදානාදි මූලගන්ධ සුත්තානි
450-459. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා මූලගන්ධෙ අධිවත්ථානං දෙවානං සහව්යතං උපපජ්ජතීති.
ඉධ භික්ඛු, එකච්චො කායෙන සුචරිතං චරති. වාචාය සුචරිතං චරති. මනසා සුචරිතං චරති. තස්ස සුතං හොති : “මූලගන්ධෙ අධිවත්ථා දෙවා දීඝායුකා වණ්ණවන්තො සුඛබහුලාති’.
තස්ස එවං හොති : “අහො වතාහං කායස්ස භෙදා පරම්මරණා මූලගන්ධෙ අධිවත්ථානං දෙවානං සහව්යතං උපපජ්ජෙය්ය”න්ති. සො අන්නං දෙති -පෙ- සො පානං දෙති -පෙ- සො වත්ථං දෙති -පෙ- සො යානං දෙති -පෙ- සො මාලං දෙති -පෙ- සො ගන්ධං දෙති -පෙ- සො විලෙපනං දෙති -පෙ- සො සෙය්යං දෙති -පෙ- සො ආවසථං දෙති -පෙ- සො පදීපෙය්යං දෙති. සො කායස්ස භෙදා පරම්මරණා මූලගන්ධෙ අධිවත්ථානං දෙවානං සහව්යතං උපපජ්ජති.
අයං ඛො භික්ඛු හෙතු, අයං පච්චයො, යෙනමිධෙකච්චො කායස්ස භෙදා පරම්මරණා මූලගන්ධෙ අධිවත්ථානං දෙවානං සහව්යතං උපපජ්ජතීති.
10. 1. 23-112.
අනනදානාදි සාරගන්ධාදි සුත්තානි
460-549. සාවත්ථියං:
එකමන්තං නිසින්නො ඛො සො භික්ඛු භගවන්තං එතදවොච : කො නු ඛො භන්තෙ, හෙතු, කො පච්චයො, යෙනමිධෙකච්චො කායස්ස භෙදා පරම්මරණා සාරගන්ධෙ අධිවත්ථානං දෙවානං සහව්යතං උප්පජ්ජති. -පෙ- ඵෙග්ගුගන්ධෙ අධිවත්ථානං දෙවානං -පෙ- තචගන්ධෙ අධිවත්ථානං දෙවානං -පෙ- පපටිකාගන්ධෙ අධිවත්ථානං දෙවානං -පෙ- පත්තගන්ධෙ අධිවත්ථානං දෙවානං -පෙ- පුප්ඵගන්ධෙ අධිවත්ථානං දෙවානං -පෙ- ඵලගන්ධෙ අධිවත්ථානං දෙවානං -පෙ- රසගන්ධෙ අධිවත්ථානං දෙවානං -පෙ- ගන්ධගන්ධෙ අධිවත්ථානං දෙවානං සහව්යතං උපපජ්ජතීති.
ඉධ භික්ඛු, එකච්චො කායෙන සුචරිතං චරති, වාචාය සුචරිතං චරති, මනසා සුචරිතං චරති. තස්ස සුතං හොති : “ගන්ධගන්ධෙ අධිවත්ථා දෙවා දීඝායුකා වණ්ණවන්තො සුඛබහුලා”ති. තස්ස එවං හොති. “අහො වතාහං කායස්ස භෙදා පරම්මරණා ගන්ධගන්ධෙ
අධිවත්ථානං දෙවානං සහව්යතං උපපජ්ජෙය්ය”න්ති. සො අන්නං දෙති -පෙ- සො පානං දෙති -පෙ- සො වත්ථං දෙති -පෙ- සො යානං දෙති -පෙ- සො මාලං දෙති -පෙ- සො ගන්ධං දෙති -පෙ- සො විලෙපනං දෙති -පෙ- සො සෙය්යං දෙති -පෙ- සො ආවසථං දෙති -පෙ- සො පදීපෙය්යං දෙති. සො කායස්ස භෙදා පරම්මරණා ගන්ධගන්ධෙ අධිවත්ථානං දෙවානං සහව්යතං උපපජ්ජති.
අයං ඛො භික්ඛු, හෙතු, අයං පච්චයො, යෙනමිධෙකච්චො කායස්ස භෙදා පරම්මරණා ගන්ධගන්ධෙ අධිවත්ථානං දෙවානං සහව්යතං උපපජ්ජතීති.
(එවං පිණ්ඩකෙන එකසතඤ්ච බාරස ච සුත්තන්තා භවන්ති.)
ගන්ධබ්බවග්ගො පඨමො.
තත්රුද්දානං :
සුද්ධිකඤ්ච සුචරිතං දාතා හි අපරෙ දස, දානූපකාරා දසධා ගන්ධබ්බෙකසතං ද්වාදසාති.
ගන්ධබ්බකායසංයුත්තං සමත්තං.
11. වලාහකසංයුත්තං
1. වලාහකවග්ගො
11. 1. 1.
සුද්ධික සුත්තං