කිස්මින්නු ඛො භික්ඛවෙ, සති කිං උපාදාය කිං අභිනිවිස්ස එවං දිට්ඨි උප්පජ්ජති : “එතං මම, එසො හමස්මි, එසො මෙ අත්තා”ති?
භගවම්මූලකා නො භන්තෙ, ධම්මා, -පෙ- එසො මෙ අත්තාති.
(යථා පුරිමගමනසුත්තන්තං එවං විත්ථාරෙතබ්බං.)
3. 2. 3.
සො අත්තාසුත්තං
226. සාවත්ථියං:
-පෙ- “සො අත්තා, සො ලොකො, සො පෙච්ච භවිස්සාමි, නිච්චො ධුවො සස්සතො අවිපරිනාමධම්මොති? -පෙ-
භගවංමූලකා නො භන්තෙ, ධම්මා, -පෙ- අවිපරිනාමධම්මොති.
3. 2. 4.
නොච මෙ සියාසුත්තං
227. සාවත්ථියං:
-පෙ- “නො චස්සං, නො ච මෙ සියා, න භවිස්සාමි, න මෙ භවිස්සතී”ති. -පෙ- න මෙ භවිස්සතීති.
3. 2. 5.
නත්ථි දින්නසුත්තං
228. සාවත්ථියං:
-පෙ- “නත්ථි දින්නං නත්ථි යිට්ඨං -පෙ- කායස්ස භෙදා උච්ඡිජ්ජන්ති, විනස්සන්ති න හොන්ති පරම්මරණා”ති -පෙ-
භගවංමූලකා නො භන්තෙ, ධම්මා, -පෙ- පරම්මරණාති.
3. 2. 6.
කරතොසුත්තං
229. සාවත්ථියං:
-පෙ- “නත්ථි පුඤ්ඤං, නත්ථි පුඤ්ඤස්ස ආගමො”ති. -පෙ- භගවම්මූලකා නො භන්තෙ, ධම්මා, -පෙ- නත්ථි පුඤ්ඤස්ස ආගමොති.
3. 2. 7.
නත්ථි හෙතුසුත්තං
230. සාවත්ථියං:
-පෙ- “නත්ථි හෙතු නත්ථි පච්චයො සත්තානං සඞ්කිලෙසාය. අහෙතු අප්පච්චයා සත්තා සඞ්කිලිස්සන්ති -පෙ- ඡස්වෙවාභිජාතීසු සුඛදුක්ඛං පටිසංවෙදෙන්තී”ති. -පෙ- පටිසංවෙදෙන්තීති.
3. 2. 8.
මහාදිට්ඨි සුත්තං
231. සාවත්ථියං:
-පෙ- “සත්ති’මෙ කායා අකටා අකටවිධා -පෙ- නිබ්බෙඨියමානා සුඛදුක්ඛං පලෙන්තීති. භගවම්මූලකා -පෙ- සුඛදුක්ඛං පලෙන්තීති.
3. 2. 9.
සස්සතලොකසුත්තං
232. සාවත්ථියං:
-පෙ- “සස්සතො ලොකොති? භගවම්මූලකා -පෙ- සස්සතො ලොකොති.
3. 2. 10.
අසස්සතලොකසුත්තං
233. සාවත්ථියං:
-පෙ- “අසස්සතො ලොකො”ති? භගවම්මූලකා -පෙ- අසස්සතො ලොකොති.
3. 2. 11.
අන්තවාලොක සුත්තං
234. සාවත්ථියං:
-පෙ- “අන්තවා ලොකො”ති? භගවම්මූලකා -පෙ- අන්තවා ලොකොති.
3. 2. 12.
අනන්තවාලොක සුත්තං
235. සාවත්ථියං:
-පෙ- “අනන්තවාලොකොති? භගවම්මූලකා -පෙ- අනන්තවා ලොකොති.
3. 2. 13.
තංජීවතං සරීර සුත්තං
236. සාවත්ථියං:
-පෙ- “තංජීවංතං සරීර”න්ති? භගවම්මූලකා -පෙ- තංජීවං තං සරීරන්ති.
3. 2. 14.
අඤ්ඤං ජීව අඤ්ඤං සරීර සුත්තං
237. සාවත්ථියං:
-පෙ- අඤ්ඤං ජීවං අඤ්ඤං සරීර”න්ති? භගවම්මූලකා -පෙ- අඤ්ඤං ජීවං අඤ්ඤං සරීරන්ති.
3. 2. 15.
හොති තථාගත සුත්තං
238. සාවත්ථියං:
-පෙ- “හොති තථාගතො පරම්මරණා”ති? භගවම්මූලකා -පෙ- හොති තථාගතො පරම්මරණාති.
3. 2. 16.
නහොති තථාගත සුත්තං
239. සාවත්ථියං:
-පෙ- “න හොති තථාගතො පරම්මරණා”ති? භගවම්මූලකා -පෙ- න හොති තථාගතො පරම්මරණාති.
3. 2. 17.
හොති ච නචහොති තථාගත සුත්තං
240. සාවත්ථියං:
-පෙ- “හොති ච න ච හොති තථාගතො පරම්මරණා”ති? භගවම්මූලකා -පෙ- හොති ච න ච හොති තථාගතො පරම්මරණාති.
3. 2. 18.
නෙව හොති න නහොති සුත්තං
241. සාවත්ථියං:
කිස්මිං නු ඛො භික්ඛවෙ, සති කිං උපාදාය කිං අභිනිවිස්ස එවං දිට්ඨි උප්පජ්ජති: “නෙව හොති න න හොති තථාගතො පරම්මරණා”ති?
භගවම්මූලකා නො භන්තෙ, ධම්මා, -පෙ-
රූපෙ ඛො භික්ඛවෙ, සති රූපං උපාදාය රූපං අභිනිවිස්ස එවං දිට්ඨි උප්පජ්ජති: “නෙව හොති න න හොති තථාගතො පරම්මරණා”ති. වෙදනාය සති -පෙ- සඤ්ඤාය සති -පෙ- සඞ්ඛාරෙසු සති -පෙ- විඤ්ඤාණෙ සති විඤ්ඤාණං උපාදාය විඤ්ඤාණං අභිනිවිස්ස එවං දිට්ඨි උප්පජ්ජති: “නෙව හොති න න හොති තථාගතො පරම්මරණා”ති.
තං කිං මඤ්ඤථ භික්ඛවෙ, -පෙ- නෙව හොති න න හොති තථාගතො පරම්මරණාති.
3. 2. 19.
රූපී අත්තා සුත්තං
242. සාවත්ථියං:
කිස්මිං නු ඛො භික්ඛවෙ, සති කිං උපාදාය කිං අභිනිවිස්ස එවං දිට්ඨි උප්පජ්ජති : “රූපී අත්තා හොති අරොගො පරම්මරණා”ති?
භගවම්මූලකා නො භන්තෙ, ධම්මා -පෙ-
රූපෙ ඛො භික්ඛවෙ, සති රූපං උපාදාය රූපං අභිනිවිස්ස එවං දිට්ඨි උප්පජ්ජති : රූපී අත්තා හොති අරොගො පරම්මරණා’ති. වෙදනාය සති -පෙ- සඤ්ඤාය සති -පෙ- සඞ්ඛාරෙසු සති -පෙ- විඤ්ඤාණෙ සති විඤ්ඤාණං උපාදාය විඤ්ඤාණං අභිනිවිස්ස එවං දිට්ඨි උප්පජ්ජති : “රූපී අත්තා හොති අරොගො පරම්මරණා”ති.
තං කිං මඤ්ඤථ භික්ඛවෙ, “රූපං නිච්චං වා අනිච්චං වා”ති -පෙ-
දුක්ඛං විපරිනාමධම්මං අපි නු තං අනුපාදාය එවං දිට්ඨි උප්පජ්ජෙය්ය : “රූපී අත්තා හොති අරොගො පරම්මරණා”’ති?
නො හෙතං භන්තෙ.
“වෙදනා -පෙ- “සඤ්ඤා -පෙ- “සඞ්ඛාරා -පෙ- “විඤ්ඤාණං නිච්චං වා අනිච්චං වා”ති -පෙ-
දුක්ඛං විපරිනාමධම්මං අපි නු තං අනුපාදාය එවං දිට්ඨි උප්පජ්ජෙය්ය “රූපී අත්තා හොති අරොගො පරම්මරණා”ති?
නො හෙතං භන්තෙ.
ඉති ඛො භික්ඛවෙ, දුක්ඛෙ සති දුක්ඛං උපාදාය දුක්ඛං අභිනිවිස්ස එවං දිට්ඨි උප්පජ්ජති; “රූපී අත්තා හොති අරොගො පරම්මරණාති.
3. 2. 20.
අරූපී අත්තා සුත්තං
243. සාවත්ථියං:
කිස්මිං නු ඛො භික්ඛවෙ, සති කිං උපාදාය කිං අභිනිවිස්ස එවං දිට්ඨි උප්පජ්ජති ; “අරූපී අත්තා හොති අරොගො පරම්මරණා”ති.
(සො යෙව පෙය්යාලො විත්ථාරෙතබ්බො.)
3. 2. 21.
රූපීච අරූපීච අත්තා සුත්තං
244. සාවත්ථියං:
-පෙ- “රූපී ච අරූපී ච අත්තා හොති අරොගො පරම්මරණා”ති.
3. 2. 22.
නෙව රූපී නාරූපී අත්තා සුත්තං
245. සාවත්ථියං:
-පෙ- “නෙවරූපී නාරූපී අත්තා හොති අරොගො පරම්මරණා”ති.
3. 2. 23.
එකන්තසුඛී අත්තා සුත්තං