උද්ධුමාතකසුත්තානි
627-632. උද්ධුමාතකසඤ්ඤා භික්ඛවෙ -පෙ- සංවත්තතීති.
2. 7. 31-36.
මෙත්තාසුත්තානි
633-638. මෙත්තා භික්ඛවෙ -පෙ- සංවත්තතීති.
2. 7. 37-42.
කරුණාසුත්තානි
639-644. කරුණා භික්ඛවෙ -පෙ- සංවත්තතීති.
2. 7. 43-48.
මුදිතාසුත්තානි
645-650. මුදිතා භික්ඛවෙ -පෙ- සංවත්තතීති.
2. 7. 49-54.
උපෙඛාසුත්තානි
651-656. උපෙඛා භික්ඛවෙ -පෙ- සංවත්තතීති.
2. 7. 55-60.
ආනාපානසතිසුත්තානි
657-662. ආනාපානසති භික්ඛවෙ -පෙ- සංවත්තතීති.
ආනාපානවග්ගො සත්තමො.
තස්සුද්දානං:
අට්ඨි පුළව විනීල විච්ඡිද්දකොද්ධුමාතකා මෙත්තා කරුණා මුදිතොපෙඛානාපානෙන චාති.
8. නිරොධවග්ගො
2. 8. 1-6.
අසුභසුත්තානි
663-668. අසුභසඤ්ඤා භික්ඛවෙ -පෙ- සංවත්තතීති.
2. 8. 7-12.
මරණසුත්තානි
669-674. මරණසඤ්ඤා භික්ඛවෙ -පෙ- සංවත්තතීති.
2. 8. 13-18.
ආහාරෙ පටික්කූලසුත්තානි
675-680. ආහාරෙ පටික්කූලසඤ්ඤා භික්ඛවෙ -පෙ- සංවත්තතීති.
2. 8. 19-24.
සබ්බලොකෙ අනභිරතසුත්තානි
681-686. සබ්බලොකෙ අනභිරතසඤ්ඤා භික්ඛවෙ -පෙ- සංවත්තතීති.
2. 8. 25-30.
අනිච්චසුත්තානි
687-692. අනිච්චසඤ්ඤා භික්ඛවෙ -පෙ- සංවත්තතීති.
2. 8. 31-36.
අනිච්චෙ දුක්ඛසුත්තානි
693-698. අනිච්චෙ දුක්ඛසඤ්ඤා භික්ඛවෙ -පෙ- සංවත්තතීති.
2. 8. 37-42.
දුක්ඛෙ අනත්තසුත්තානි
699-704. දුක්ඛෙ අනත්තසඤ්ඤා භික්ඛවෙ -පෙ- සංවත්තතීති.
2. 8. 43-48.
පහානසුත්තානි
705-710. පහානසඤ්ඤා භික්ඛවෙ -පෙ- සංවත්තතීති.
2. 8. 49-54.
විරාගසුත්තානි
711-716. විරාගසඤ්ඤා භික්ඛවෙ -පෙ- සංවත්තතීති.
2. 8. 55.
නිරොධසුත්තං
717. නිරොධසඤ්ඤා භික්ඛවෙ, භාවිතා බහුලීකතා මහප්ඵලා හොති මහානිසංසා. කථං භාවිතා ච භික්ඛවෙ, නිරොධසඤ්ඤා කථං බහුලීකතා මහප්ඵලා හොති මහානිසංසා: ඉධ භික්ඛවෙ, භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතා ඛො භික්ඛවෙ, නිරොධසඤ්ඤා එවං බහුලීකතා මහප්ඵලා හොති මහානිසංසාති.
2. 8. 56.
දුතිය නිරොධසුත්තං
718. නිරොධසඤ්ඤාය භික්ඛවෙ, භාවිතාය බහුලීකතාය ද්වින්නං ඵලානං අඤ්ඤතරං ඵලං පාටිකඞ්ඛං: දිට්ඨෙව ධම්මෙ අඤ්ඤා, සති වා උපාදිසෙසෙ අනාගාමිතා. කථං භාවිතාය භික්ඛවෙ, නිරොධසඤ්ඤාය කථං බහුලීකතාය ද්වින්නං ඵලානං අඤ්ඤතරං ඵලං පාටිකඞ්ඛං: දිට්ඨෙව ධම්මෙ අඤ්ඤා, සති වා උපාදිසෙසෙ අනාගාමිතා. ඉධ භික්ඛවෙ, භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතාය ඛො භික්ඛවෙ, නිරොධසඤ්ඤාය එවං බහුලීකතාය ද්වින්නං ඵලානං අඤ්ඤතරං ඵලං පාටිකඞ්ඛං: දිට්ඨෙව ධම්මෙ අඤ්ඤා, සති වා උපාදිසෙසෙ අනාගාමිතාති.
2. 8. 57.
තතිය නිරොධසුත්තං
719. නිරොධසඤ්ඤා භික්ඛවෙ, භාවිතා බහුලීකතා මහතො අත්ථාය සංවත්තති. කථං භාවිතා ච භික්ඛවෙ, නිරොධසඤ්ඤා කථං බහුලීකතා මහතො අත්ථාය සංවත්තති: ඉධ භික්ඛවෙ භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතා ඛො භික්ඛවෙ නිරොධසඤ්ඤා එවං බහුලීකතා මහතො අත්ථාය සංවත්තතීති.
2. 8. 58.
චතුත්ථ නිරොධසුත්තං
720. නිරොධසඤ්ඤා භික්ඛවෙ, භාවිතා බහුලීකතා මහතො යොගක්ඛෙමාය සංවත්තති. කථං භාවිතා ච භික්ඛවෙ, නිරොධසඤ්ඤා කථං බහුලීකතා මහතො යොගක්ඛෙමාය සංවත්තති: ඉධ භික්ඛවෙ, භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතා ඛො භික්ඛවෙ නිරොධසඤ්ඤා එවං බහුලීකතා මහතො අත්ථාය සංවත්තතීති.
2. 8. 59.
පඤ්චම නිරොධසුත්තං
721. නිරොධසඤ්ඤා භික්ඛවෙ, භාවිතා බහුලීකතා මහතො සංවෙගාය සංවත්තති. කථං භාවිතා ච භික්ඛවෙ, නිරොධසඤ්ඤා කථං බහුලීකතා මහතො සංවෙගාය සංවත්තති: ඉධ භික්ඛවෙ, භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතා ඛො භික්ඛවෙ නිරොධසඤ්ඤා එවං බහුලීකතා මහතො සංවෙගාය සංවත්තතීති.
2. 8. 60.
ඡට්ඨ නිරොධසුත්තං
722. නිරොධසඤ්ඤා භික්ඛවෙ, භාවිතා බහුලීකතා මහතො ඵාසුවිහාරාය සංවත්තති. කථං භාවිතා ච භික්ඛවෙ, නිරොධසඤ්ඤා කථං බහුලීකතා මහතො ඵාසුවිහාරාය සංවත්තති: ඉධ භික්ඛවෙ භික්ඛු නිරොධසඤ්ඤාසහගතං සතිසම්බොජ්ඣඞ්ගං භාවෙති -පෙ- නිරොධසඤ්ඤාසහගතං උපෙඛාසම්බොජ්ඣඞ්ගං භාවෙති, විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං භාවිතා ඛො භික්ඛවෙ නිරොධසඤ්ඤා එවං බහුලීකතා මහතො ඵාසුවිහාරාය සංවත්තතීති.
නිරොධවග්ගො අට්ඨමො.
තත්රුද්දානං:
අසුභමරණාහාර පටික්කූලානභිරතා අනිච්චදුක්ඛානත්තපහාන විරාගනිරොධෙනාති.
9. ගඞ්ගාපෙය්යාලො
2. 9. 1-12.
ගඞ්ගාදිසුත්තානි
723-734. සෙය්යථාපි භික්ඛවෙ, ගඞ්ගානදී පාචීනනින්නා පාචීනපොණා පාචීනපබ්භාරා, එවමෙව ඛො භික්ඛවෙ, භික්ඛු සත්ත බොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති, නිබ්බානපොණො නිබ්බානපබ්භාරො. කථඤ්ච භික්ඛවෙ, භික්ඛු සත්ත බොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති නිබ්බානපොණො නිබ්බානපබ්භාරො. ඉධ භික්ඛවෙ, භික්ඛු සතිසම්බොජ්ඣඞ්ගං භාවෙති -පෙ- උපෙඛාසම්බොජ්ඣඞ්ගං භාවෙති විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං. එවං ඛො භික්ඛවෙ, භික්ඛු සත්තබොජ්ඣඞ්ගෙ භාවෙන්තො සත්ත බොජ්ඣඞ්ගෙ බහුලීකරොන්තො නිබ්බානනින්නො හොති නිබ්බානපොණො නිබ්බානපබ්භාරොති. -පෙ- නිබ්බානපබ්භාරොති. (ද්වාදසසුත්තානි විත්ථාරෙතබ්බානි.)
ගඞ්ගාපෙය්යාලො නවමො.
තත්රුද්දානං:
ඡ පාචීනතො නින්නා ඡ නින්නා සමුද්දතො එතෙ ද්වෙව ද්වාදස හොන්ති වග්ගො තෙන පවුච්චතීති.
10. අප්පමාදවග්ගො
2. 10. 1-10.
තථාගතාදි සුත්තානි
735-744. යාවතා භික්ඛවෙ, සත්තා අපදා වා ද්විපදා වා චතුප්පදා වා බහුප්පදා වා -පෙ- බහුලීකරොතීති.
(බොජ්ඣඞ්ගවසෙන දස සුත්තන්තානි විත්ථාරෙතබ්බානි)
අප්පමාදවග්ගො දසමො.
තත්රුද්දානං:
තථාගතං පදං කූටං මූලං සාරෙන වස්සිතං රාජා චන්දිමසූරියා ච වත්ථෙන දසමං පදන්ති.
11. බලකරණීයවග්ගො
2. 11. 1-12.
බලාදිසුත්තානි
745-756. සෙය්යථාපි භික්ඛවෙ, යෙ කෙචි බලකරණීයා කම්මන්තා කාරීයන්ති -පෙ- බහුලීකරොතීති.
(බොජ්ඣඞ්ගවසෙන ද්වාදසසුත්තා විත්ථාරෙතබ්බා).
බලකරණීයවග්ගො එකාදසමො.
තත්රුද්දානං:
බලං බීජඤ්ච නාගො ච රුක්ඛං කුම්භෙන සූකෙන ආකාසෙන ච ද්වෙ මෙඝා නාවා ආගන්තුකා නදීති.
12. එසනාවග්ගො
2. 12. 1-40.
එසනාදිසුත්තානි
757-796. තිස්සො ඉමා භික්ඛවෙ, එසනා. කතමා තිස්සො: කාමෙසනා, භවෙසනා, බ්රහ්මචරියෙසනා -පෙ- භාවෙතබ්බොති.
(මග්ගසංයුත්තස්ස එසනාවග්ගො විය විත්ථාරෙතබ්බො)
එසනාවග්ගො ද්වාදසමො.
තත්රුද්දානං:
එසනා විධා ආසවො භවො ච දුක්ඛතා තිස්සො ඛිලං මලඤ්ච නීඝො ච වෙදනා තණ්හාති තෙදසාති.