9. 2. 21.
සද්ධින්ද්රියසුත්තං
459. කතමො ච භික්ඛවෙ අසඞ්ඛතගාමි මග්ගො: ඉධ භික්ඛවෙ භික්ඛු සද්ධින්ද්රියං භාවෙති විවෙකනිස්සිතං විරාගනිස්සිතං නිරොධස්සි නිස්සිතං වොස්සග්ගපරිණාමිං. අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 22.
විරියින්ද්රියසුත්තං
460. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු විරියින්ද්රියං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 23.
සතින්ද්රියසුත්තං
461. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සතින්ද්රියං භාවෙති. විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 24.
සමාධින්ද්රියසුත්තං
462. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සමාධින්ද්රියං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 25.
පඤ්ඤින්ද්රියසුත්තං
463. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු පඤ්ඤින්ද්රියං භාවෙති විවෙකනිස්සිතං -පෙ- අයං වුච්චති, භික්ඛවෙ, අසඞ්ඛතගාමිමග්ගො -පෙ- අනුසාසනීති.
9. 2. 26.
සද්ධාබලසුත්තං
464. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සද්ධාබලං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 27.
විරියබලසුත්තං
465. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු විරියබලං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 28.
සතිබලසුත්තං
466. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සතිබලං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 29.
සමාධිබලසුත්තං
467. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සමාධිබලං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 30.
පඤ්ඤාබලසුත්තං
468. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු පඤ්ඤාබලං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 31.
සතිසම්බොජ්ඣඞ්ගසුත්තං
469. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සතිසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 32.
ධම්මවිචය සම්බොජ්ඣඞ්ගසුත්තං
470. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු ධම්මවිචයසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමිමග්ගො -පෙ- අනුසාසනීති.
9. 2. 33.
විරියසම්බොජ්ඣඞ්ගසුත්තං
471. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු විරියසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 34.
පීතිසම්බොජ්ඣඞ්ගසුත්තං
472. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු පීතිසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 35.
පස්සද්ධිසම්බොජ්ඣඞ්ගසුත්තං
473. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු පස්සද්ධිසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසඞ්ඛතගාමි මග්ගො -පෙ- අනුසාසනීති.
9. 2. 36.
සමාධිසම්බොජ්ඣඞ්ගසුත්තං
474. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සමාධිසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 37.
උපෙඛාසම්බොජ්ඣඞ්ගසුත්තං
475. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු උපෙඛාසම්බොජ්ඣඞ්ගං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 38.
සම්මාදිට්ඨිසුත්තං
476. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාදිට්ඨිං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමිමග්ගො -පෙ- අනුසාසනීති.
9. 2. 39.
සම්මාසඞ්කප්පසුත්තං
477. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාසඞ්කප්පං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 40.
සම්මාවාචාසුත්තං
478. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාවාචං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 41.
සම්මාකම්මන්තසුත්තං
479. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාකම්මන්තං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 42.
සම්මාආජීවසුත්තං
480. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාආජීවං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 43.
සම්මාවායාමසුත්තං
481. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාවායාමං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 44.
සම්මාසතිසුත්තං
482. කතමො ච භික්ඛවෙ අසංඛතගාමී මග්ගො: ඉධ භික්ඛවෙ භික්ඛු සම්මාසතිං භාවෙති විවෙකනිස්සිතං -පෙ- අයං වුච්චති භික්ඛවෙ අසංඛතගාමී මග්ගො -පෙ- අනුසාසනීති.
9. 2. 45.
සම්මාසමාධිසුත්තං
483. අසඞ්ඛතඤ්ච වො භික්ඛවෙ දෙසිස්සාමි අසඞ්ඛතගාමිඤ්ච මග්ගං. තං සුණාථ. කතමඤ්ච භික්ඛවෙ අසඞ්ඛතං: යො භික්ඛවෙ රාගක්ඛයො දොසක්ඛයො මොහක්ඛයො, ඉදං වුච්චති භික්ඛවෙ අසඞ්ඛතං. කතමො ච භික්ඛවෙ අසඞ්ඛතගාමී මග්ගො: ඉධ භික්ඛවෙ භික්ඛු සම්මාසමාධිං භාවෙති විවෙකනිස්සිතං විරාගනිස්සිතං නිරොධනිස්සිතං වොස්සග්ගපරිණාමිං, අයං වුච්චති භික්ඛවෙ අසංඛතගාමී මග්ගො.
ඉති ඛො භික්ඛවෙ දෙසිතං වො මයා අසඞ්ඛතං, දෙසිතො අසඞ්ඛතගාමී මග්ගො. යං භික්ඛවෙ සත්ථාරා කරණීයං සාවකානං හිතෙසිනා අනුකම්පකෙන, අනුකම්පං උපාදාය. කතං වො තං මයා. එතානි භික්ඛවෙ රුක්ඛමූලානි, එතානි සුඤ්ඤාගාරානි. ඣායථ භික්ඛවෙ, මා පමාදත්ථ, මා පච්ඡා විප්පටිසාරිනො අහුවත්ථ. අයං වො අම්හාකං අනුසාසනීති.
9. 2. 46-101.
අන්තසුත්තානි
484-539. අන්තඤ්ච{1} වො භික්ඛවෙ දෙසිස්සාමි අන්තගාමිඤ්ච{2} මග්ගං. තං සුණාථ. කතමඤ්ච භික්ඛවෙ අන්තං -පෙ- අනුසාසනීති.(යථා අසඞ්ඛතං තථා විත්ථාරෙතබ්බං).
9. 2. 102-157.
අනාසවසුත්තානි
540-595. අනාසවඤ්ච වො භික්ඛවෙ දෙසිස්සාමි අනාසවගාමිඤ්ච මග්ගං. -පෙ- අනුසාසනීති.
9. 2. 158-213.
සච්චසුත්තානි
596-651. සච්චඤ්ච වො භික්ඛවෙ දෙසිස්සාමි සච්චගාමිඤ්ච මග්ගං. -පෙ- අනුසාසනීති.
9. 2. 214-269.
පාරසුත්තානි
652-707. පාරඤ්ච වො භික්ඛවෙ දෙසිස්සාමි පාරගාමිඤ්ච මග්ගං -පෙ- අනුසාසනීති.
9. 2. 270-325.
නිපුණසුත්තානි
708-763. නිපුණඤ්ච වො භික්ඛවෙ දෙසිස්සාමි නිපුණගාමිඤ්ච මග්ගං -පෙ- අනුසාසනීති.
9. 2. 326-381.
සුදුද්දසසුත්තානි
764-819. සුදුද්දසඤ්ච වො භික්ඛවෙ දෙසිස්සාමි සුදුද්දසගාමිඤ්ච මග්ගං -පෙ- අනුසාසනීති.
9. 2. 382-437.
අජරසුත්තානි
820-875. අජරඤ්ච{1} වො භික්ඛවෙ දෙසිස්සාමි අජරගාමිඤ්ච මග්ගං -පෙ- අනුසාසනීති.
9. 2. 438-493.
ධුවසුත්තානි
876-931. ධුවඤ්ච වො භික්ඛවෙ දෙසිස්සාමි ධුවගාමිඤ්ච මග්ගං -පෙ- අනුසාසනීති.