Petavatthu

Sinhala BJT276. “අසය්හ සිටුහුගේ මේ නිවසෙහි දන්දෙනු ලැබේ. මෙතැනට යවු, තොපට යහපතක් වේවා”යි මම දකුණ’ත දිගුකොට කීවෙමි.

Sinhala BJT(ඝතපණ්ඩිත:)

Sinhala BJT277. ඒ පුණ්‍ය කර්‍ම හේතුයෙන් මාගේ අත කැමැති සම්පත් දෙන්නේ වෙයි. ඒ හේතුයෙන් මාගේ අත ඉෂ්ටවස්තු ගුරුවන්නේ වෙයි. මාගේ ඒ උතුම් හැසිරීම් හේතුයෙන් මා අත්හි පින්පල පහළ වේ.

Sinhala BJT278. තෙපි වූ කලි සිය අතින් කිසිවකුට දනක් නුදුන්නාව. අනෙකකුගේ දානය අනුමෝදන් වෙමින් අත දිගු කොට කීවහු වනැ.

Sinhala BJT(කෙසව:)

Sinhala BJT279. ඒ හේතුයෙන් තොපගේ අත කැමැති සම්පත් දෙන්නේ වෙයි. ඒ හේතුයෙන් තොප අත ඉෂ්ටවස්තු ප්‍රසව කරන්නේ වෙයි. තොපගේ ඒ බ්‍රහ්මචර්‍ය්‍යායෙන් අත්හි පුණ්‍ය ඵලය පහළ වෙයි.

Sinhala BJT280. පින්වත. යම් අසය්හ නම් සිටුවරයෙක් පහන් සිතැතිව සියතින් දන් දුන්නේ ද, හේ මිනිස් සිරුර හැර පියා කවර දෙසකට ගියේ වේ ද?

Sinhala BJT(ඝතපණ්ඩිත:)

Sinhala BJT281. අන්‍යයන් විසින් ඉවසිය නොහැකි පරිත්‍යාගාදිය ඉවසන, සිරුරින් රැස් විහිදෙන අසය්හ සිටුහුගේ පරලොව ගමන හෝ යළි මෙලොවට ආගමනය මම නොදනිමි. වැළිත් අසය්හ සිටුතුමා ශක්‍රයාගේ සහභාවයට ගියේ යැ යි මා විසින් වෙසවුණු සමීපයෙහි දී අසන ලද.

Sinhala BJT282. කිසියම් පිනක් කරන්නට සුදුසු ම ය, ශක්ති පරිදි දනක් දෙන්නට සුදුසු ම ය. කැමති සම්පත් දෙන අත දැක (මා වැනි) කවරෙක් නම් පිනක් නො කරන්නේ ද?

Sinhala BJT283. ඒ මම මේ වලිකතරින් ඉවත් වැ ගොස් ද්වාරවතී නුවරට පැමිණ යම් පිනක් මට සැප ඵලවනුයේ වේ නම් ඒ දානමය පින පවත්වන්නෙමි.

Sinhala BJT284. අහර හා පැන් ද පිළී සහ සෙනසුන් ද දෙමි. පැන්හල් හා ළිං ද දුර්‍ගයන්හි හේ දඬු ද පිහිටුවන්නෙමි.

Sinhala BJT285. කුමක් නිසා තොපගේ ඇඟිලි කුණුව වකුටු වී ද? මුහුණ කොඬොලක් මෙන් විකාර වූයේ ද? ඇසින් කබ වැහෙන්නේ ද? තොප විසින් කිනම් පවක් කරන ලද ද?

Sinhala BJT286. සිරුරෙන් රැස් විහිදෙන, ගැහැවියෙක් වූ, සැදැහැති, ගිහිගෙයි වසන, ඒ අසය්හ සිටුහුගේ දන්දෙන තැන දන් දීමෙහි අධිකාරි වශයෙන් මම පත්කරන ලද වෙමි.

Sinhala BJT287. එහි අහර පිණිස පැමිණි යදියන් දැක මම එකත් පසෙකට ඉවත් වැ මුහුණ හැකිළවූයෙමි.

Sinhala BJT288. එහෙයින් මාගේ ඇඟිලි වකුටු විය. මුහුණ ද හැකුළුණේ විය. ඇසින් කඳුළු වැගිරේ. ඒ පව මා විසින් කරන ලද.

Sinhala BJT289. නින්‍දිත පුරුෂය, තොපි යම් හෙයෙකින් මෙරමා ගේ දනට මුව හැකිළවීම් කළහු ද, එහෙයින් ධර්‍මය අනුව තොපගේ මුහුණ හැකිළිණි. ඇස් ද කඳුළු වගුරයි.

Sinhala BJT(කෙසව:)

Sinhala BJT290. ආහාර පාන ද කෑයුතු දෑ ද පිළී හා සෙනසුන් ද දෙන පුරුෂ කෙසෙයින් මෙරමා ලවා සිදු කටයුත්තක් කරන්නේ ද.

Sinhala BJT291. ඒ මම මෙයින් ගොස් ද්වාරවතී නුවරට පැමිණ මෙලොව පරලොව සැප උපදවන මහදන් පවත්වන්නෙමි.

Sinhala BJT292. ආහාර පාන ද පිළී හා සෙනසුන් ද පැන්සල් සහ දිය පොකුණු ද දුර්‍ගමස්ථානයෙහි හේ දඬු පාලම් ද කරවා දෙන්නෙමි.

Sinhala BJT293. ඒ අංකුර තෙමේ ඒ මරුකතරින් පෙරළා නික්මැ ද්වාරවතී නුවරට පැමිණ යම් දනක් තමහට සැප එළවා නම් ඒ මහදන් පැවැත්වී ය.

Sinhala BJT294. පහන් සිතින් යුතු වැ අහර හා පැන් ද, පිළී සහ සෙනසුන් ද පැන්හල් සහ දියපොකුණු ද දුන්නේ ය.

Sinhala BJT295. කවරෙක් බඩසා ඇත්තේ ද කවරෙක් පවස් ඇත්තේ ද කවරෙක් පිළී වැළඳගන්නේ වේ ද කවරෙකු ගේ රියෙහි ගොන්නු විඩාවට පැමිණියාහු ද මේ වාහන සමූහයෙන් කැමැති වාහනයක් යොදා ගනිත්වා.

Sinhala BJT296. කවරෙක් කුඩ කැමැත්තේ ද කවරෙක් ගඳ - මල් කැමැත්තේ ද කවරෙක් වහන් කැමැත්තේ දෑ යි මෙසේ කියමින් ඒ අංකුරගේ නිවසෙහි කපුවෝ ද අරක්කැමියෝ ද සුවඳ දෙන්නෝ ද හැම දා උදයසවස ඝෝෂා කෙරෙති.

Sinhala BJT297. අංකුර සැපසේ නිදති යි මහජන තෙමේ මා (ගැන) දනියි. සින්‍ධකය, යම් හෙයෙකින් මම යදියන් නො දක්නෙම් ද, එහෙයින් (මම) දුකසේ නිදමි.

Sinhala BJT(වෙළෙඳෝ ධනපාල ප්‍රේතයා දැක මෙසේ විචාරති:)

Sinhala BJT298. අංකුර සැපසේ නිදති යි ජන තෙමේ මා දනියි. ගුණ කියමින් යදිනවුන් (දන්සැලෙහි) මද වූකල්හි සින්‍ධකය මම දුකසේ නිදමි.

Sinhala BJT299. තව්තිසා වැසි දෙවියන්ට ද සියලු ලෝකයාට ද ප්‍රධාන වූ ශක්‍ර තෙමේ තොපට වරයක් දෙන්නේ නම් වර කැමැති වූ තෙපි කිනම් වරයක් අයදිනහු ද?

Sinhala BJT(ධනපාල ප්‍රේතයා:)

Sinhala BJT300-301. ඉඳින් තව්තිසා වැසියනට ඉසුරුවූ සක්දෙවිඳු මට වරයක් දෙන්නේ නම් මෙබඳු වරයක් සක්දෙවිඳුගෙන් පතමි. එනම්: අලුයම නගී සිටි මට හිරු උදාවන වේලෙහි ම දිව්‍යමය ආහාරයෝ පහළ වෙත්වා. යදියෝ සිල්වත් වෙත්වා. දන්දෙන මාගේ දානවස්තුව නො ගෙවේවා. දන් දී මම පසුතැවිලි නො වෙම්වා. දන්දෙමින් සිත පහදවම්වා යනු යි.

Sinhala BJT(වෙළෙඳෝ:)

Sinhala BJT302. සියලු වස්තූපකරණයෙන් අන්හට නො දෙන්නේය. දන් ද දෙන්නේ ය, ධනය ද රක්නේ ය. එහෙයින් දන් දීමට වඩා ධනය ම උතුම් වෙයි. අධික දානයෙන් කුලයෝ නො පවතිත්.

Sinhala BJT303. නුවණැත්තෝ අදානයත් අතිදානයත් නො පසසත්, එහෙයින් දානයට වඩා ධනය ම උතුම් වෙයි. දීම් නො දීම් දෙක්හි සම ලෙස පවත්නේ ය, එය වූ කලි නැණැතියන් ගිය මග යි.

Sinhala BJT(ධනපාල:)

Sinhala BJT304. (අංකුර:) භවත, සෝනකය, මම දන් දෙන්නෙම් ම යැ. සන්හුන් තිදොර ඇති සත්පුරුෂයෝ මා ඇසුරු කෙරෙත්වා. පහත්බිම් මනා ලෙස පුරවමින් වසින මහාමේඝයක් මෙන් සියලු යදිදනන්ගේ මන දොළ සන්තර්‍පණය කෙරෙම්වා.

Sinhala BJT305. යදියන් දැක යමෙකුගේ මුඛවර්‍ණය පැහැපත් වේ ද, යමෙක් දන් දී සතුටු සිතැති වේ ද, ඒ ගෙය (එහි) වසන්නහුට සැප වේ.

Sinhala BJT306. යදියන් දැක යමකුගේ මුඛවර්‍ණය පහදී ද, දන් දී යමෙක් තුටු සිත් ඇති වේ ද, මෝ දානය පිළිබඳ සම්පත්තියි.

Sinhala BJT307. දන් දීමෙන් පෙර ම සතුටු සිත් ඇත්තේ වේ ද, දන් දෙන විටත් සිත පහදවන්නේ වේ ද, දන් දී අවසන්හිත් සතුටු සිත් ඇත්තේ වේ ද, මෝ දානයාගේ සම්පත් වේ.

Sinhala BJT308. දන් දීමෙහි ම අදහස් ඇති අංකුර රජුගේ නිවෙසෙහි ගැල් සැටදහසක අහර නිතර සත්ත්‍වවර්‍ගයාට දෙනුලැබේ.

Sinhala BJT309. මහායාග යැ යි නම් කරනු ලැබූ මේ දානයෙහි යෙදී සිටි නොයෙක් මිණිකොඬොල් පැළඳි තුන්දහසක් පමණ අරක්කැමියෝ අංකුර රජු නිසා ජීවත් වෙත්.

Sinhala BJT310. පළන් මිණි කොඬොල් ඇති සැට දහසක් තරුණ පුරුෂයෝ ඒ අංකුර රජුගේ මහාදානයෙහි දර පළත්.

Sinhala BJT311. අංකුර රජුගේ මහාදානයෙහි සව්ලකරින් සැරසුණු සොළොස් දහසක් අඟනෝ කුළුබඩු අඹරා පිඬු කරත්.

Sinhala BJT312. අංකුර රජුගේ මහදනගැ සව්ලකරින් සැරසුණු සොළොස් දහසක් අඟනෝ හැඳිගත් අත් ඇතිව එළඹ සිටියෝ වෙත්.

Sinhala BJT313. ඒ රජ නන් දනහට බොහෝ කලක් බොහෝ දන් දුන්නේ ය. සකස් කොට ද සියතින් ද ගරුබුහුමන් පෙරදැරි කොට පුනපුනා දුන්නේය.

Sinhala BJT314. අංකුර තෙමේ බොහෝ මාසගණනක් මුළුල්ලෙහි ද බොහෝ පක්‍ෂ ගණනක් මුළුල්ලෙහි ද බොහෝ ඍතු මුළුල්ලෙහි ද බොහෝ අවුරුදු මුළුල්ලෙහි ද දිගුකලක් මහදන් දුන්නේ ය.

Sinhala BJT315. මෙසේ අංකුර දිගුකලක් දන් දී මහායාග කොට මිනිස් සිරුර හැරපියා තව්තිසා දෙව්ලොවට ගියේ ය.

Sinhala BJT316. ඒ ඉන්‍දක තරුණයා අනුරුත් තෙරුන්හට සැන්දක් පමණ බත් දී මිනිසත් බව හැරපියා තව්තිසා දෙව්ලොවට ගියේ ය.

Sinhala BJT317-318. ඉන්‍දක දෙවිඳු අංකුර දෙව්පුතුට වඩා දස කරුණෙකින් අධික වැ බබළයි. මනහර වූ රූපයෙන් ද ශබ්දයෙන් ද රසයෙන් ද සුවඳින් ද පහසින් ද ආයුෂයෙන් ද පරිවාර සම්පත්තියෙන් ද සිරුරු පැහැයෙන් ද සැපයෙන් ද ඉසුරෙන් ද ඉන්‍දක අංකුර පසුබා බබළයි.

Sinhala BJT319. අංකුරය, තොප විසින් දිගුකලක් මහදන් දෙන ලද. තෙපි දැන් ඉතා දුර සිටිනහු, මා වෙත එවු.

Sinhala BJT320. යම් කලෙක පුරුෂෝත්තම වූ බුදුහු තව්තිසා දෙව්ලොවැ පරසතුරුක්මුලැ පඬු ඇඹුල් සලස්නේහි වුසූහු ද,

Sinhala BJT321. දසදහසක් ලෝධාහි දෙවියෝ රැස් වැ මෙර මුදුනෙහි වසන සම්බුදුන් ඇසුරු කෙරෙත්.

Sinhala BJT(අජාසත් රජ ප්‍රේතයා දැක:)

Sinhala BJT322. කිසි දෙවිකෙනෙක් සිරුරු පැහැයෙන් බුදුනට වඩා නො බබළති. බුදුහු ම සියලු දෙවියන් අබිබවා බබළති.

Sinhala BJT323. මේ අංකුර එකලැ දොළොස් යොදනක් පමණ දුරැ විය. ඉන්‍දක වූකලි බුදුන්හට නුදුරු තැන ම අධික වැ බබළයි.

Sinhala BJT(ප්‍රේතයා:)

Sinhala BJT324-325. බුදුහු අංකුර ද ඉන්‍දක ද බලා දන් පිළිගැනීමට සුදුස්සා පැහැදිලි කෙරෙමින් මේ වචන කීහු: අංකුරය, තොප විසින් දිගුකලක් මහදන් දෙන ලද. තෙපි ඉතා දුරැ සිටිනහු. මා වෙත ඒවු.

Sinhala BJT326. භාවිත සිත් ඇති බුදුන් විසින් මෙහෙයුම් ලද අංකුර මේ වචනය කී ය: දක්‍ෂිණාර්‍හයන්ගෙන් හිස් වූ මාගේ දානයෙන් කවර ප්‍රයෝජන ද?

Sinhala BJT327. ඒ මේ ඉන්‍දක දෙව්පිත් සුලු දනක් දී තරුගණ මැද සඳ මෙන් අප අබිබවා බබළයි.

Sinhala BJT328. යම් සේ ඉතා තදබිම ඇති කෙතෙහි වපුළ බිජුවට බොහෝ වුව ද මහත්ඵල නො වේ ද, එය කස්සකයා නො ම සතුටු කෙරේ ද,

Sinhala BJT329. එසේ ම දුශ්ශීලයන් කෙරෙහි පිහිටුවන ලද මහාදානය මහඟු ඵල දෙන්නේ නො වේ. එය කස්සකයා නො ම සතුටු කෙරේ.

Sinhala BJT330. යම්සේ යහපත් කෙතෙකැ වපුළ බිජුවට අල්ප වුව ද වැසි දහර මොනොවට පවත්නා කලැ ඵලය (අස්වැන්න) ගොවියා සතුටු කෙරේ ද?

Sinhala BJT(ප්‍රේතයා:)

Sinhala BJT331. එසේ ම ධ්‍යානාදි ගුණවත් තාදී (නොසෙල්වෙන) ලක්‍ෂණයෙන් යුත් සිල්වතුන් කෙරෙහි කරන ලද පුණ්‍යෝපකාරය ස්වල්ප වුව ද මහත් ඵල ඇත්තේ වෙයි.

Sinhala BJT332. යමකු විෂයෙහි දෙන දන මහත්ඵල වේ නම් එබඳු පින්කෙත නුවණින් පිරික්සා දියයුතු ය. දායකයෝ නුවණින් පිරික්සා දන් දී සුගතියට යෙති.

Sinhala BJT333. මේ මිනිස් ලොවැ දන් පිළිගැනීමට සුදුසු යම් පුද්ගලයෝ වෙත් ද ඔවුන් නුවණින් පිරික්සා දන් දීම බුදුන් විසින් පසස්නා ලද. යහපත් කෙතෙහි වපුළ බිජුවට යම්සේ ද, එසේ ම මේ දක්‍ෂිණාර්‍හයන් විෂයෙහි දුන් දන ද මහත්ඵල වේ.

Sinhala BJTඅංකුර ප්‍රේතවස්තු යි.

Sinhala BJT2. 10.

Sinhala BJT334.විවරණ වූ බියකරු දැකුම් ඇති ප්‍රෙති දිවාවිහරණයේ යෙදී ගංතෙර හුන් ඒ භික්‍ෂූහු වෙත එළඹියා.

Sinhala BJT335. ඇගේ කෙස් වැටිය ද ඉතා දිග ය. බිම දක්වා එල්බෙයි. කෙහෙයෙන් පිළිසන් වූ ඕ මහණහට මේ වචනය කීවා.

Sinhala BJT336. වහන්ස, මම යම්දවසක කලුරිය කළා වෙම් නම් එතැන් සිට පස්පනස් වසරක් මුළුල්ලෙහි අනුභව කළ අහරක් හෝ පූ පැනක් නො දනිමි. පවසින් පෙළුණෙමි. පැන් පිණිස (ඇවිදිනා) මට තෙපි පැනක් දෙවු.

Sinhala BJT(වෙළඳ බමුණා අංකුර වෙළෙඳහට මෙසේ කියයි:)

Sinhala BJT337. සිහිල් දිය ඇති මේ ගඟ හිමවත් පව්වෙන් ගලා බසී. මේ ගඟින් දිය ගෙන පානය කරව, කුමක් හෙයින් මා (ගෙන්) පැන් යදිහි ද?

Sinhala BJT338. වහන්ස, ඉඳින් මම ගඟෙහි පැන් තොමෝ ම ගන්නෙම් නම් එය මට ලෙයට පෙරළෙයි. එහෙයින් (තොප) පැන් යදිමි.

Sinhala BJT339. කයින් වචනයෙන් සිතින් කිනම් පවක් කරන ලද ද? කිනම් පව්කමක විපාකයෙන් ගඟ (දිය) තිට ලේ වෙයි ද?

Sinhala BJT340-341. මාගේ උත්තර නම් පුත් සැදැහැවත් උපාසකයෙක් විය. හේ මාගේ නො කැමැත්තෙන් මහණුන්හට සිවුරු ද පිණ්ඩපාතය ද සෙනසුන් සහ ගිලන් පස ද දෙයි. මසුරුකමින් පෙළුණු මම ඔහුට මෙසේ පරිභව කෙරෙමි:

Sinhala BJT(බමුණා:)

Sinhala BJT342. යම් හෙයෙකින් තෙපි මාගේ නො කැමැත්තෙන් මහණුන්හට සිවුරු පිණ්ඩපාත ප්‍රත්‍යය සෙනසුන් දෙවු ද?

Sinhala BJT(අංකුර:)

Sinhala BJT343. “උත්තරය, මේ සියල්ල ම තොපට පරලොව දී ලේ වේවා” යනුයි. ඒ පව්කම්හි විපාකයෙන් ගඟ දිය මට ලේ වෙයි.

Sinhala BJTඋත්තරමාතෘ ප්‍රේතවස්තු යි.

Sinhala BJT(බමුණා:)

Sinhala BJT2. 11.

Sinhala BJT344. පෙර මා වෙත අවුත් (නූල්) ඉල්ලූ පැවිදි වූ කෙලෙසුන් සුන් (එක් පසේ බුදුවරයකුට) මම නූල් දිනිමි. ඒ දන්හි මහත් ඵලය දැන් ලැබේ. බොහෝ වූ වස්ත්‍ර යුගළයෝ මට උපදිති.

Sinhala BJT(අංකුර:)

Sinhala BJT345. මලින් ගැවසුණු මනහර, නොයෙක් චිත්‍ර ඇති, නරනාරීන් විසින් සෙවුනා ලද දෙව්විමන ඒ මම පරිභෝග කරමි. කැමැති පිළියක් පොරොවාගනිමි. බොහෝ සම්පත් ඇත්තී වෙමි. ඒ ධනය ද නො පිරිහෙයි.

Sinhala BJT346. ඒ සූත්‍රදානමය පිනෙහි හේතුවෙන් සුබ විපාක වූ මේ මිහිරි සුවය මේ විමනෙහි දී ලැබේ. නැවතත් මිනිස් ලොවට ගොස් ඒ මම පින් කරන්නෙමි. ස්වාමිපුත්‍රය, මා එහි පමුණුවන්න.

Sinhala BJT347. තෙපි සත්සියවසෙකින් මතුයෙහි මෙහි ආවවු ය. (කර්‍මානුභාවයෙන් තරුණ ලෙසින් මෙතෙක් කල් සිටි තොප මිනිස් ලොවට ගියහොත්) ජරායෙන් දැදුරු වැ එහි දී මහලු වන්නවු ය. තොපගේ සියලු ම නෑයෝ ද කලුරිය කළහ. මෙතැනින් එහි ගොස් තෙපි කුමක් කරන්න වු ද?

Sinhala BJT348. ස්වාමිපුත්‍රය, මෙහි පැමිණි දෙව් සැපත් වැළඳූ මට සත්වසක් ඉක්මියේ යයි හඟිමි. ඒ මම නැවතත් මිනිස් ලොවට ගොස් පින් කරන්නෙමි. මා (මිනිස් ලොවට) පමුණුවන්න.

Sinhala BJT349. ඒ විමාන ප්‍රේත තෙමේ මහලු වූ ඉතා දුබල වූ ඒ ස්ත්‍රිය අතින් අල්වාගෙන බලාත්කාරයෙන් මෙන් ගමට පමුණුවා මෙසේ කී ය; “පින් කරවු සුව ලැබේ”යී මෙතැන පැමිණි අනෙක් ජනයාට ද කියව.

Sinhala BJT(යක්‍ෂයා:)

Sinhala BJT350. රැස් නො කළ කුශලකර්‍මයන් හේතුකොට ගෙන, ප්‍රෙතයෝ ද එසේම මනුෂ්‍යයෝ ද වෙහෙසෙත්. සුව විපාක දෙන පින්කම් කොට සැපතෙහි පිහිටි දෙවි වූත් මනුෂ්‍ය වූත් ප්‍රජා තොමෝ මා විසින් දක්නා ලදු.

Sinhala BJTසුත්ත ප්‍රේතවස්තු යි.

Sinhala BJT2. 12.

Sinhala BJT(දෙවිඳු:)

Sinhala BJT351. ඒ පොකුණෙහි රනින් කළ හිණිපෙති හා පෝරු ද ඇත්තේ ය. රන්මුවා වැල්ලෙන් යුක්ත ය. මනහර වූ සුවඳැති සිත්කලු වූ හෙල්මැලි අත.