‘ඉදං දුක්ඛනිරොධො{1} අරියසච්ච’න්ති සොතාවධානං, තංපජානනා පඤ්ඤා සුතමයෙ ඤාණං.
‘ඉදං දුක්ඛනිරොධගාමිනී පටිපදා අරියසච්ච’න්ති සොතාවධානං, තංපජානනා පඤ්ඤා සුතමයෙ ඤාණං.
(2)
කථං ‘ඉමෙ ධම්මා අභිඤ්ඤෙය්යා’ති සොතාවධානං, තංපජානනා පඤ්ඤා සුතමයෙ ඤාණං:
එකො ධම්මො අභිඤ්ඤෙය්යො: සබ්බෙ සත්තා ආහාරට්ඨිතිකා
ද්වෙ ධම්මා අභිඤ්ඤෙය්යා: ද්වෙ ධාතුයො.
තයො ධම්මා අභිඤ්ඤෙය්යා: තිස්සො ධාතුයො.
චත්තාරො ධම්මා අභිඤ්ඤෙය්යා: චත්තාරි අරියසච්චානි.
පඤ්ච ධම්මා අභිඤ්ඤෙය්යා: පඤ්ච විමුත්තායතනානි.
ඡ ධම්මා අභිඤ්ඤෙය්යා: ඡ අනුත්තරියානි.
සත්ත ධම්මා අභිඤ්ඤෙය්යා: සත්ත නිද්දසවත්ථූනි.
අට්ඨ ධම්මා අභිඤ්ඤෙය්යා: අට්ඨ අභිභායතනානි.
නව ධම්මා අභිඤ්ඤෙය්යා: නව අනුපුබ්බවිහාරා.
දස ධම්මා අභිඤ්ඤෙය්යා: දස නිජ්ජරවත්ථූනි.
(3)
“සබ්බං භික්ඛවෙ, අභිඤ්ඤෙය්යං. කිඤ්ච භික්ඛවෙ, සබ්බං අභිඤ්ඤෙය්යං:
චක්ඛුං{2} භික්ඛවෙ, අභිඤ්ඤෙය්යං, රූපා අභිඤ්ඤෙය්යා, චක්ඛුවිඤ්ඤාණා අභිඤ්ඤෙය්යං, චක්ඛුසම්ඵස්සො අභිඤ්ඤෙය්යො, යම්පිදං{3} චක්ඛුසම්ඵස්සපච්චයා උප්පජ්ජති වෙදයිතං සුඛං වා දුක්ඛං වා අදුක්ඛමසුඛං වා තම්පි අභිඤ්ඤෙය්යං.
සොතං අභිඤ්ඤෙය්යං, සද්දා අභිඤ්ඤෙය්යා -පෙ- ඝානං අභිඤ්ඤෙය්යං, ගන්ධා අභිඤ්ඤෙය්යා, -පෙ- ජිව්හා අභිඤ්ඤෙය්යා, රසා අභිඤ්ඤෙය්යා -පෙ- කායො අභිඤ්ඤෙය්යා, ඵොට්ඨබ්බා අභිඤ්ඤෙය්යා -පෙ- මනොඅභිඤ්ඤෙය්යා, ධම්මා අභිඤ්ඤෙය්යා, මනොවිඤ්ඤාණං අභිඤ්ඤෙය්යං, මනොසම්ඵස්සො අභිඤ්ඤෙය්යො, යම්පිදං මනොසම්ඵස්සපච්චයා උප්පජ්ජති වෙදයිතං සුඛං වා දුක්ඛං වා අදුක්ඛමසුඛං වා, තම්පි අභිඤ්ඤෙය්යං. {a}
රූපං අභිඤ්ඤෙය්යං, වෙදනා අභිඤ්ඤෙය්යා, සඤ්ඤා අභිඤ්ඤෙය්යා, සඞ්ඛාරා අභිඤ්ඤෙය්යා, විඤ්ඤාණං අභිඤ්ඤෙය්යං.
චක්ඛුං අභිඤ්ඤෙය්යං, සොතං අභිඤ්ඤෙය්යං, ඝානං{1} අභිඤ්ඤෙය්යං, ජිව්හා අභිඤ්ඤෙය්යා, කායො අභිඤ්ඤෙය්යො, මනො අභිඤ්ඤෙය්යො.
රූපා අභිඤ්ඤෙය්යා, සද්දා අභිඤ්ඤෙය්යා, ගන්ධා අභිඤ්ඤෙය්යා, රසා අභිඤ්ඤෙය්යා, ඵොට්ඨබ්බා අභිඤ්ඤෙය්යා, ධම්මා අභිඤ්ඤෙය්යො.
චක්ඛුවිඤ්ඤාණං අභිඤ්ඤෙය්යං, සොතවිඤ්ඤාණං අභිඤ්ඤෙය්යං, ඝානවිඤ්ඤාණං අභිඤ්ඤෙය්යං, ජිව්හාවිඤ්ඤාණං අභිඤ්ඤෙය්යා, කායවිඤ්ඤාණං අභිඤ්ඤෙය්යං, මනොවිඤ්ඤාණං අභිඤ්ඤෙය්යං.
චක්ඛුසම්ඵස්සො අභිඤ්ඤෙය්යො, සොතසම්ඵස්සො අභිඤ්ඤෙය්යො, ඝානසම්ඵස්සො අභිඤ්ඤෙය්යො, ජිව්හාසම්ඵස්සො අභිඤ්ඤෙය්යො, කායසම්ඵස්සො අභිඤ්ඤෙය්යො, මනොසම්ඵස්සො අභිඤ්ඤෙය්යො.
චක්ඛුසම්ඵස්සජා වෙදනා අභිඤ්ඤෙය්යා, සොතසම්ඵස්සජා වෙදනා අභිඤ්ඤෙය්යා, ඝානසම්ඵස්සජා වෙදනා අභිඤ්ඤෙය්යො, ජිව්හාසම්ඵස්සජා වෙදනා අභිඤ්ඤෙය්යා, කායසම්ඵස්සජා වෙදනා අභිඤ්ඤෙය්යා, මනොසම්ඵස්සජා වෙදනා අභිඤ්ඤෙය්යා.
රූපසඤ්ඤා අභිඤ්ඤෙය්යා, සද්දාසඤ්ඤා අභිඤ්ඤෙය්යා, ගන්ධසඤ්ඤා අභිඤ්ඤෙය්යා, රසසඤ්ඤා අභිඤ්ඤෙය්යා, ඵොට්ඨබ්බසඤ්ඤා අභිඤ්ඤෙය්යා, ධම්මසඤ්ඤා අභිඤ්ඤෙය්යො.
රූපසඤ්චෙතනා අභිඤ්ඤෙය්යා, සද්දසඤ්චෙතනා අභිඤ්ඤෙය්යා, ගන්ධසඤ්චෙතනා අභිඤ්ඤෙය්යා, රසසඤ්චෙතනා අභිඤ්ඤෙය්යා, ඵොට්ඨබ්බසඤ්චෙතනා අභිඤ්ඤෙය්යා, ධම්මසඤ්චෙතනා අභිඤ්ඤෙය්යා.
රූපතණ්හා අභිඤ්ඤෙය්යා, සද්දතණ්හා අභිඤ්ඤෙය්යා, ගන්ධතණ්හා අභිඤ්ඤෙය්යා, රසතණ්හා අභිඤ්ඤෙය්යා, ඵොට්ඨබ්බතණ්හා අභිඤ්ඤෙය්යා, ධම්මතණ්හා අභිඤ්ඤෙය්යො.
රූපවිතක්කො අභිඤ්ඤෙය්යා, සද්දවිතක්කො අභිඤ්ඤෙය්යො, ගන්ධවිතක්කො අභිඤ්ඤෙය්යො, රසවිතක්කො අභිඤ්ඤෙය්යො, ඵොට්ඨබ්බවිතක්කො අභිඤ්ඤෙය්යො, ධම්මවිතක්කො අභිඤ්ඤෙය්යො.
රූපවිචාරො අභිඤ්ඤෙය්යො, සද්දවිචාරො අභිඤ්ඤෙය්යො, ගන්ධවිචාරො අභිඤ්ඤෙය්යො, රසවිචාරො අභිඤ්ඤෙය්යො, ඵොට්ඨබ්බවිචාරො අභිඤ්ඤෙය්යො, ධම්මවිචාරො අභිඤ්ඤෙය්යො.
පඨවීධාතු{2} අභිඤ්ඤෙය්යා, ආපොධාතු අභිඤ්ඤෙය්යා, තොජොධාතු අභිඤ්ඤෙය්යා, වායොධාතු අභිඤ්ඤෙය්යා, ආකාසධාතු අභිඤ්ඤෙය්යා, විඤ්ඤාණධාතු අභිඤ්ඤෙය්යා.
පඨවීකසිණං{3} අභිඤ්ඤෙය්යං, ආපොකසිණං අභිඤ්ඤෙය්යං, තෙජොසිකනං අභිඤ්ඤෙය්යං, වායොකසිකං අභිඤ්ඤෙය්යං, නීලකසිණං අභිඤ්ඤෙය්යං, පීතකසිණං අභිඤ්ඤෙය්යං. ලොහිතකසිණං අභිඤ්ඤෙය්යං, ඔදාතකසිණං අභිඤ්ඤෙං, ආකාසකසිණං අභිඤ්ඤෙය්යං විඤ්ඤාණකසිණං අභිඤ්ඤෙය්යං.
කෙසා අභිඤ්ඤෙය්යා, ලොමා අභිඤ්ඤෙය්යා, නඛා අභිඤ්ඤෙය්යා, දන්තා අභිඤ්ඤෙය්යා, තචො අභිඤ්ඤෙය්යා, මංසං අභිඤ්ඤෙය්යං, නහාරූ{1} අභිඤ්ඤෙය්යා, අට්ඨි අභිඤ්ඤෙය්යා, අට්ඨිමිඤ්ජං{2} අභිඤ්ඤෙය්යං, වක්කං අභිඤ්ඤෙය්යං, හදයං අභිඤ්ඤෙය්යං, යකනං අභිඤ්ඤෙය්යං, කිලොමකං අභිඤ්ඤෙය්යං, පිහකං අභිඤ්ඤෙය්යං, පප්ඵාසං අභිඤ්ඤෙය්යං, අන්තං අභිඤ්ඤෙය්යං, අන්තගුණං අභිඤ්ඤෙය්යං, උදරියං අභිඤ්ඤෙය්යං, කරීසං අභිඤ්ඤෙය්යං, පිත්තං අභිඤ්ඤෙය්යං, සෙම්හං අභිඤ්ඤෙය්යං, පුබ්බො අභිඤ්ඤෙය්යං, ලොහිතං අභිඤ්ඤෙය්යං, සොදො අභිඤ්ඤෙය්යං, මෙදො අභිඤ්ඤෙය්යං, අස්සු අභිඤ්ඤෙය්යං, වසා අභිඤ්ඤෙය්යො, ඛෙළො අභිඤ්ඤෙය්යො, සිඞ්ඝාණිකා අභිඤ්ඤෙය්යා, ලසිකා අභිඤ්ඤෙය්යා, මුත්තං අභිඤ්ඤෙය්යං, මත්ථලුඞ්ගං අභිඤ්ඤෙය්යං.
චක්ඛායතනං අභිඤ්ඤෙය්යං, රූපායතනං අභිඤ්ඤෙය්යං, සොතායතනං අභිඤ්ඤෙය්යං, සද්දායතනං අභිඤ්ඤෙය්යං, ඝානායතනං අභිඤ්ඤෙය්යං, ගන්ධායතනං අභිඤ්ඤෙය්යං, ජිව්හායතනං අභිඤ්ඤෙය්යං, රසායතනං අභිඤ්ඤෙය්යං, කායායතනං අභිඤ්ඤෙය්යං, ඵොට්ඨබ්බායතනං අභිඤ්ඤෙය්යං, මනායතනං අභිඤ්ඤෙය්යං, ධම්මායතනං අභිඤ්ඤෙය්යං.
චක්ඛුධාතු අභිඤ්ඤෙය්යා, රූපාධාතු අභිඤ්ඤෙය්යා, චක්ඛුවිඤ්ඤාණධාතු අභිඤ්ඤෙය්යා, සොතධාතු අභිඤ්ඤෙය්යා, සද්දධාතු අභිඤ්ඤෙය්යා, සොතවිඤ්ඤාණධාතු අභිඤ්ඤෙය්යා, ඝානධාතු අභිඤ්ඤෙය්යා, ගන්ධධාතු අභිඤ්ඤෙය්යා, ඝානවිඤ්ඤාණධාතු අභිඤ්ඤෙය්යා, ජිව්හාධාතු අභිඤ්ඤෙය්යා, රසධාතු අභිඤ්ඤෙය්යා, ජිව්හාවිඤ්ඤාණධාතු අභිඤ්ඤෙය්යා, කායාධාතු අභිඤ්ඤෙය්යා, ඵොට්ඨබ්බධාතු අභිඤ්ඤෙය්යා, කායවිඤ්ඤාණධාතු අභිඤ්ඤෙය්යා, මනොධාතු අභිඤ්ඤෙය්යා, ධම්මධාතු අභිඤ්ඤෙය්යා, මනොවිඤ්ඤාණධාතු අභිඤ්ඤෙය්යා.
චක්ඛුන්ද්රියං අභිඤ්ඤෙය්යං, සොතින්ද්රියං අභිඤ්ඤෙය්යං, ඝානින්ද්රියං අභිඤ්ඤෙය්යං, ජිව්හින්ද්රියං අභිඤ්ඤෙයං, කායින්ද්රියං අභිඤ්ඤෙය්යං, මනින්ද්රියං අභිඤ්ඤෙය්යං, ජීවිතින්ද්රියං අභිඤ්ඤෙය්යං, ඉත්ථින්ද්රියං අභිඤ්ඤෙය්යං, පුරිසින්ද්රියං අභිඤ්ඤෙය්යං, සුඛින්ද්රියං අභිඤ්ඤෙය්යං, දුක්ඛින්ද්රියං අභිඤ්ඤෙය්යං, සොමනස්සින්ද්රියං අභිඤ්ඤෙය්යං, දොමනස්සින්ද්රියං අභිඤ්ඤෙය්යං, උපෙක්ඛින්ද්රියං අභිඤ්ඤෙය්යං, සද්ධින්ද්රියං අභිඤ්ඤෙය්යං, විරියින්ද්රියං{3} අභිඤ්ඤෙය්යං, සතින්ද්රියං අභිඤ්ඤෙය්යං, සමාධින්ද්රියං අභිඤ්ඤෙය්යං, පඤ්ඤින්ද්රියං අභිඤ්ඤෙය්යං. අනඤ්ඤාතඤ්ඤස්සාමීතින්ද්රියං අභිඤ්ඤෙය්යං, අඤ්ඤින්ද්රියං අභිඤ්ඤෙය්යං, අඤ්ඤාතාවින්ද්රියං අභිඤ්ඤෙය්යං.
කාමධාතු අභිඤ්ඤෙය්යා, රූපධාතු අභිඤ්ඤෙය්යා, අරූපධාතු අභිඤ්ඤෙය්යා, කාමභවො අභිඤ්ඤෙය්යො, රූපභවො අභිඤ්ඤෙය්යො, අරූපභවො අභිඤ්ඤෙය්යො, සඤ්ඤාභවො අභිඤ්ඤෙය්යො, අසඤ්ඤාභවො අභිඤ්ඤෙය්යො, නෙවසඤ්ඤානාසඤ්ඤාභවො අභිඤ්ඤෙය්යො, එකවොකාරභවො අභිඤ්ඤෙය්යො, චතුවොකාරභවො අභිඤ්ඤෙය්යො, පඤ්චවොකාරභවො අභිඤ්ඤෙය්යො.
පඨමං ඣානං{4} අභිඤ්ඤෙය්යං, දුතියං ඣානං අභිඤ්ඤෙය්යං, තතියං ඣානං අභිඤ්ඤෙය්යං, චතුත්ථං ඣානං අභිඤ්ඤෙය්යං, මෙත්තා චෙතොවිමුත්ති අභිඤ්ඤෙය්යා, කරුණාචෙතොවිමුත්ති අභිඤ්ඤෙය්යා, මුදිතාචෙතොවිමුත්ති අභිඤ්ඤෙය්යා, උපෙක්ඛාචෙතොවිමුත්ති අභිඤ්ඤෙය්යා, ආකාසානඤ්චායතනසමාපත්ති අභිඤ්ඤෙය්යා, විඤ්ඤාණඤ්චායතනසමාපත්ති අභිඤ්ඤෙය්යා, ආකිඤ්චඤ්ඤායතනසමාපත්ති අභිඤ්ඤෙය්යා, නෙවසඤ්ඤානාසඤ්ඤායතනසමාපත්ති අභිඤ්ඤෙය්යා.
අවිජ්ජා අභිඤ්ඤෙය්යා, සඞ්ඛාරා අභිඤ්ඤෙය්යා, විඤ්ඤාණං අභිඤ්ඤෙය්යං, නාමරූපං අභිඤ්ඤෙය්යං, සළායතනං අභිඤ්ඤෙය්යං, ඵස්සො අභිඤ්ඤෙය්යො, වෙදනා අභිඤ්ඤෙය්යා, තණ්හා අභිඤ්ඤෙය්යා, උපාදානං අභිඤ්ඤෙය්යං, භවො අභිඤ්ඤෙය්යො, ජාති අභිඤ්ඤෙය්යා, ජරාමරණං අභිඤ්ඤෙය්යං.
දුක්ඛං අභිඤ්ඤෙය්යං, දුක්ඛසමුදයො අභිඤ්ඤෙය්යො, දුක්ඛනිරොධො අභිඤ්ඤෙය්යො, දුක්ඛනිරොධගාමිනී පටිපදා අභිඤ්ඤෙය්යා.
රූපං අභිඤ්ඤෙය්යං, රූපසමුදයො අභිඤ්ඤෙය්යො, රූපනිරොධො අභිඤ්ඤෙය්යො, රූපනිරොධගාමිනී පටිපදා අභිඤ්ඤෙය්යා.
වෙදනා අභිඤ්ඤෙය්යා -පෙ- සඤ්ඤා අභිඤ්ඤෙය්යා -පෙ- සඞ්ඛාරා අභිඤ්ඤෙය්යා -පෙ- විඤ්ඤාණං අභිඤ්ඤෙය්යං -පෙ-
චක්ඛුං{1} අභිඤ්ඤෙය්යං -පෙ- ජරාමරණං අභිඤ්ඤෙය්යං, ජරාමරණසමුදයො අභිඤ්ඤෙය්යො, ජරාමරණනිරොධො අභිඤ්ඤෙය්යො, ජරාමරණනිරොධගාමිනී පටිපදා අභිඤ්ඤෙය්යා.
දුක්ඛස්ස පරිඤ්ඤට්ඨො අභිඤ්ඤෙය්යො, දුක්ඛසමුදයස්ස පහානට්ඨො අභිඤ්ඤෙය්යො, දුක්ඛනිරොධස්ස සච්ඡිකිරියට්ඨො අභිඤ්ඤෙය්යො, දුක්ඛනිරොධගාමිනියා පටිපදාය භාවනට්ඨො අභිඤ්ඤෙය්යො.
රූපස්ස පරිඤ්ඤට්ඨො අභිඤ්ඤෙය්යො, රූපසමුදයස්ස පහානට්ඨො අභිඤ්ඤෙය්යො, රූපනිරොධස්ස සච්ඡිකිරියට්ඨො අභිඤ්ඤෙය්යො, රූපනිරොධගාමිනියා පටිපදාය භාවනට්ඨො අභිඤ්ඤෙය්යො.
වෙදනාය -පෙ- සඤ්ඤාය -පෙ- සඞ්ඛාරානං -පෙ- විඤ්ඤාණස්ස -පෙ- චක්ඛුස්ස -පෙ- ජරාමරණස්ස පරිඤ්ඤට්ඨො අභිඤ්ඤෙය්යො, ජරාමරණසමුදයස්ස පහානට්ඨො අභිඤ්ඤෙය්යො, ජරාමරණනිරොධස්ස සච්ඡිකිරියට්ඨො අභිඤ්ඤෙය්යො, ජරාමරණනිරොධගාමිනියා පටිපදාය භාවනට්ඨො අභිඤ්ඤෙය්යො.
දුක්ඛස්ස පරිඤ්ඤාපටිවෙධට්ඨො අභිඤ්ඤෙය්යො, දුක්ඛසමුදයස්ස පහානපටිවෙධට්ඨො අභිඤ්ඤෙය්යො, දුක්ඛනිරොධස්ස සච්ඡිකිරියාපටිවෙධට්ඨො අභිඤ්ඤෙය්යො, දුක්ඛනිරොධගාමිනියා පටිපාදාය භාවනාපටිවෙධට්ඨො අභිඤ්ඤෙය්යො.
රූපස්ස පරිඤ්ඤාපටිවෙධට්ඨො අභිඤ්ඤෙය්යො, රූපසමුදයස්ස පහානපටිවෙධට්ඨො අභිඤ්ඤෙය්යො, රූපනිරොධස්ස සච්ඡිකිරියාපටිවෙධට්ඨො අභිඤ්ඤෙය්යො, රූපනිරොධගාමිනියා පටිපාදාය භාවනාපටිවෙධට්ඨො අභිඤ්ඤෙය්යො.
වෙදනාය -පෙ- සඤ්ඤාය -පෙ- සඞ්ඛාරානං -පෙ- විඤ්ඤාණස්ස -පෙ- චක්ඛුස්ස -පෙ- ජරාමරණස්ස පරිඤ්ඤාපටිවෙධට්ඨො අභිඤ්ඤෙය්යො, ජරාමරණසමුදයස්ස පහානපටිවෙධට්ඨො අභිඤ්ඤෙය්යො, ජරාමරණනිරොධස්ස සච්ඡිකිරියාපටිවෙධට්ඨො අභිඤ්ඤෙය්යො, ජරාමරණනිරොධගාමිනියා පටිපදාය භාවනාපටිවෙධට්ඨො අභිඤ්ඤෙය්යො.
දුක්ඛං අභිඤ්ඤෙය්යං, දුක්ඛසමුදයො අභිඤ්ඤෙය්යො, දුක්ඛනිරොධො අභිඤ්ඤෙය්යො, දුක්ඛස්ස සමුදයනිරොධො අභිඤ්ඤෙය්යො, දුක්ඛස්ස ඡන්දරාගනිරොධො අභිඤ්ඤෙය්යො, දුක්ඛස්ස අස්සාදො අභිඤ්ඤෙය්යො, දුක්ඛස්ස ආදීනවො අභිඤ්ඤෙය්යො, දුක්ඛස්ස නිස්සරණං අභිඤ්ඤෙය්යං.
රූපං අභිඤ්ඤෙය්යං, රූපසමුදයො අභිඤ්ඤෙය්යො, රූපනිරොධො අභිඤ්ඤෙය්යො, රූපස්ස සමුදයනිරොධො අභිඤ්ඤෙය්යො, රූපස්ස ඡන්දරාගනිරොධො අභිඤ්ඤෙය්යො, රූපස්ස අස්සාදො අභිඤ්ඤෙය්යො, රූපස්ස ආදීනවො අභිඤ්ඤෙය්යො, රූපස්ස නිස්සරණං අභිඤ්ඤෙය්යං.
වෙදනා අභිඤ්ඤෙය්යා -පෙ- සඤ්ඤා අභිඤ්ඤෙය්යා -පෙ- සඞ්ඛාරා අභිඤ්ඤෙය්යා, -පෙ- විඤ්ඤාණං අභිඤ්ඤෙය්යං -පෙ- චක්ඛුං අභිඤ්ඤෙය්යං, -පෙ- ජරාමරණං අභිඤ්ඤෙය්යං, ජරාමරණසමුදයො අභිඤ්ඤෙය්යො. ජරාමරණනිරොධො අභිඤ්ඤෙය්යො, ජරාමරණස්ස සමුදයනිරොධො අභිඤ්ඤෙය්යො, ජරාමරණස්ස ඡන්දරාගනිරොධො අභිඤ්ඤෙය්යො, ජරාමරණස්ස අස්සාදො අභිඤ්ඤෙය්යො, ජරාමරණස්ස ආදීනවො අභිඤ්ඤෙය්යො, ජරාමරණස්ස නිස්සරණං අභිඤ්ඤෙය්යං.
දුක්ඛං අභිඤ්ඤෙය්යං, දුක්ඛසමුදයො අභිඤ්ඤෙය්යො, දුක්ඛනිරොධො අභිඤ්ඤෙය්යො, දුක්ඛනිරොධගාමිනී පටිපදා අභිඤ්ඤෙය්යො, දුක්ඛස්ස අස්සාදො අභිඤ්ඤෙය්යො, දුක්ඛස්ස ආදීනවො අභිඤ්ඤෙය්යො, දුක්ඛස්ස නිස්සරණං අභිඤ්ඤෙය්යං.
රූපං අභිඤ්ඤෙය්යං, රූපසමුදයො අභිඤ්ඤෙය්යො, රූපනිරොධො අභිඤ්ඤෙය්යො, රූපනිරොධගාමිනී පටිපදා අභිඤ්ඤෙය්යො, රූපස්ස අස්සාදො අභිඤ්ඤෙය්යො, රූපස්ස ආදීනවො අභිඤ්ඤෙය්යො, රූපස්ස නිස්සරණං අභිඤ්ඤෙය්යං.
වෙදනා අභිඤ්ඤෙය්යා -පෙ- සඤ්ඤා අභිඤ්ඤෙය්යං -පෙ- සඞ්ඛාරා අභිඤ්ඤෙය්යා, -පෙ- විඤ්ඤාණං අභිඤ්ඤෙය්යං -පෙ- ජරාමරණං අභිඤ්ඤෙය්යං, ජරාමරණසමුදයො අභිඤ්ඤෙය්යො, ජරාමරණනිරොධො අභිඤ්ඤෙය්යො, ජරාමරණනිරොධගාමිනී පටිපදා අභිඤ්ඤෙය්යා, ජරාමරණස්ස අස්සාදො අභිඤ්ඤෙය්යො. ජරාමරණස්ස ආදීනවො අභිඤ්ඤෙය්යො. ජරාමරණස්ස නිස්සරණං අභිඤ්ඤෙය්යං.
අනිච්චානුපස්සනා අභිඤ්ඤෙය්යා, දුක්ඛානුපස්සනා අභිඤ්ඤෙය්යා, අනත්තානුපස්සනා අභිඤ්ඤෙය්යා, නිබ්බිදානුපස්සනා අභිඤ්ඤෙය්යා, විරාගානුපස්සනා අභිඤ්ඤෙය්යා, නිරොධානුපස්සනා අභිඤ්ඤෙය්යා, පටිනිස්සග්ගානුපස්සනා අභිඤ්ඤෙය්යා.
රූපෙ අනිච්චානුපස්සනා අභිඤ්ඤෙය්යා, රූපෙ දුක්ඛානුපස්සනා අභිඤ්ඤෙය්යා, රූපෙ අනත්තානුපස්සනා අභිඤ්ඤෙය්යා, රූපෙ නිබ්බිදානුපස්සනා{1} අභිඤ්ඤෙය්යා, රූපෙ විරාගානුපස්සනා අභිඤ්ඤෙය්යා, රූපෙ නිරොධානුපස්සනා අභිඤ්ඤෙය්යා, රූපෙ පටිනිස්සග්ගානුපස්සනා අභිඤ්ඤෙය්යා.
වෙදනාය -පෙ- සඤ්ඤාය -පෙ- සඞ්ඛාරෙසු -පෙ- විඤ්ඤාණෙ -පෙ- චක්ඛුස්මිං -පෙ- ජරාමරණෙ අනිච්චානුපස්සනා අභිඤ්ඤෙය්යා, ජරාමරණෙ දුක්ඛානුපස්සනා අභිඤ්ඤෙය්යා, ජරාමරණෙ අනත්තානුපස්සනා අභිඤ්ඤෙය්යා, ජරාමරණෙ නිබ්බිදානුපස්සනා අභිඤ්ඤෙය්යා, ජරාමරණෙ විරාගානුපස්සනා අභිඤ්ඤෙය්යා, ජරාමරණෙ නිරොධානුපස්සනා අභිඤ්ඤෙය්යා, ජරාමරණෙ පටිනිස්සග්ගානුපස්සනා අභිඤ්ඤෙය්යා.
උප්පාදො අභිඤ්ඤෙය්යො. පවත්තං{1} අභිඤ්ඤෙය්යං, නිමිත්තං අභිඤ්ඤෙය්යං, ආයූහනා{2} අභිඤ්ඤෙය්යා, පටිසන්ධි අභිඤ්ඤෙය්යා, ගති අභිඤ්ඤෙය්යා, නිබ්බත්ති අභිඤ්ඤෙය්යා, උපපත්ති අභිඤ්ඤෙය්යා, ජාති අභිඤ්ඤෙය්යා, ජරා අභිඤ්ඤෙය්යා, ව්යාධි අභිඤ්ඤෙය්යො, මරණං අභිඤ්ඤෙය්යං, සොකො අභිඤ්ඤෙය්යො, පරිදෙවො අභිඤ්ඤෙය්යො, උපායාසො අභිඤ්ඤෙය්යො.
අනුප්පාදො අභිඤ්ඤෙය්යො. අප්පවත්තං අභිඤ්ඤෙය්යං, අනිමිත්තං අභිඤ්ඤෙය්යං, අනායූහනා අභිඤ්ඤෙය්යා, අප්පටිසන්ධි අභිඤ්ඤෙය්යා, අගති අභිඤ්ඤෙය්යා, අනිබ්බත්ති අභිඤ්ඤෙය්යා, අනුපපත්ති අභිඤ්ඤෙය්යා, අජාති අභිඤ්ඤෙය්යා, අජරා අභිඤ්ඤෙය්යා, අව්යාධි අභිඤ්ඤෙය්යො, අමරණං අභිඤ්ඤෙය්යං, අසොකො අභිඤ්ඤෙය්යො, අපරිදෙවො අභිඤ්ඤෙය්යො, අනුපායාසො අභිඤ්ඤෙය්යො.
උප්පාදො අභිඤ්ඤෙය්යො, අනුප්පාදො අභිඤ්ඤෙය්යො, පවත්තං අභිඤ්ඤෙය්යං, අප්පවත්තං අභිඤ්ඤෙය්යං, නිමිත්තං අභිඤ්ඤෙය්යං, අනිමිත්තං අභිඤ්ඤෙය්යං, ආයූහනා අභිඤ්ඤෙය්යා, අනායූහනා අභිඤ්ඤෙය්යා, පටිසන්ධි අභිඤ්ඤෙය්යා, අප්පටිසන්ධි අභිඤ්ඤෙය්යා, ගති අභිඤ්ඤෙය්යා, අගති අභිඤ්ඤෙය්යා, නිබ්බත්ති අභිඤ්ඤෙය්යා, අනිබ්බත්ති අභිඤ්ඤෙය්යා, උපපත්ති අභිඤ්ඤෙය්යා, අනුප්පත්ති අභිඤ්ඤෙය්යා, ජාති අභිඤ්ඤෙය්යා, අජාති අභිඤ්ඤෙය්යා, ජරා අභිඤ්ඤෙය්යා, අජරා අභිඤ්ඤෙය්යා, ව්යාධි අභිඤ්ඤෙය්යා, අව්යාධි අභිඤ්ඤෙය්යො, මරණං අභිඤ්ඤෙය්යං, අමරණං අභිඤ්ඤෙය්යං, සොකො අභිඤ්ඤෙය්යො, අසොකො අභිඤ්ඤෙය්යො, පරිදෙවො අභිඤ්ඤෙය්යො, අපරිදෙවො අභිඤ්ඤෙය්යො, උපායාසො අභිඤ්ඤෙය්යො, අනුපායාසො අභිඤ්ඤෙය්යො.
උප්පාදො දුක්ඛන්ති අභිඤ්ඤෙය්යං, පවත්තං දුක්ඛන්ති අභිඤ්ඤෙය්යං, නිමිත්තං දුක්ඛන්ති අභිඤ්ඤෙය්යං, ආයූහනා{2} දුක්ඛන්ති අභිඤ්ඤෙය්යං, පටිසන්ධි දුක්ඛන්ති අභිඤ්ඤෙය්යං, ගති දුක්ඛන්ති අභිඤ්ඤෙය්යං, නිබ්බත්ති දුක්ඛන්ති අභිඤ්ඤෙය්යං. උපපත්ති දුක්ඛන්ති අභිඤ්ඤෙය්යං, ජාති දුක්ඛන්ති අභිඤ්ඤෙය්යං, ජරා දුක්ඛන්ති අභිඤ්ඤෙය්යං, ව්යාධි දුක්ඛන්ති අභිඤ්ඤෙය්යං, මරණං දුක්ඛන්ති අභිඤ්ඤෙය්යං, සොකො දුක්ඛන්ති අභිඤ්ඤෙය්යං, පරිදෙවො දුක්ඛන්ති අභිඤ්ඤෙය්යං, උපායාසො දුක්ඛන්ති අභිඤ්ඤෙය්යං.
අනුප්පාදො සුඛන්ති අභිඤ්ඤෙය්යං, අප්පවත්ති සුඛන්ති අභිඤ්ඤෙය්යං, අනිමිත්තං සුඛන්ති අභිඤ්ඤෙය්යං, අනායූහනා සුඛන්ති අභිඤ්ඤෙය්යං, අප්පටිසන්ධි සුඛන්ති අභිඤ්ඤෙය්යං, අගති සුඛන්ති අභිඤ්ඤෙය්යං, අනිබ්බත්ති සුඛන්ති අභිඤ්ඤෙය්යං. අනුපපත්ති සුඛන්ති අභිඤ්ඤෙය්යං, අජාති සුඛන්ති අභිඤ්ඤෙය්යං, අජරා සුඛන්ති අභිඤ්ඤෙය්යං, අව්යාධි සුඛන්ති අභිඤ්ඤෙය්යං, අමරණං සුඛන්ති අභිඤ්ඤෙය්යං, අසොකො සුඛන්ති අභිඤ්ඤෙය්යං, අපරිදෙවො සුඛන්ති අභිඤ්ඤෙය්යං, අනුපායාසො සුඛන්ති අභිඤ්ඤෙය්යං.
උප්පාදො දුක්ඛං, අනුප්පාදො සුඛන්ති අභිඤ්ඤෙය්යං, පවත්තං දුක්ඛං, අප්පවත්තං සුඛන්ති අභිඤ්ඤෙයං, නිමිත්තං දුක්ඛං, අනිමිත්තං සුඛන්ති අභිඤ්ඤෙය්යං, ආයූහනා දුක්ඛං, අනායූහනා{1} සුඛන්ති අභිඤ්ඤෙය්යං, පටිසන්ධි දුක්ඛං, අප්පටිසන්ධි සුඛන්ති අභිඤ්ඤෙය්යං, ගති දුක්ඛං, අගති සුඛන්ති අභිඤ්ඤෙය්යං, නිබ්බත්ති දුක්ඛං, අනිබ්බත්ති සුඛන්ති අභිඤ්ඤෙය්යං, උපපත්ති දුක්ඛං, අනුපපත්ති සුඛන්ති අභිඤ්ඤෙය්යං, ජාති දුක්ඛං, අජාති සුඛන්ති අභිඤ්ඤෙය්යං, ජරා දුක්ඛං, අජරා සුඛන්ති අභිඤ්ඤෙය්යං, ව්යාධි දුක්ඛං, අව්යාධි සුඛන්ති අභිඤ්ඤෙය්යං, මරණං දුක්ඛං, අමරණං{2} සුඛන්ති අභිඤ්ඤෙය්යං, සොකො දුක්ඛං, අසොකො සුඛන්ති අභිඤ්ඤෙය්යං, පරිදෙවො දුක්ඛං, අපරිදෙවො සුඛන්ති අභිඤ්ඤෙය්යං, උපායාසො දුක්ඛං අනුපායාසො සුඛන්ති අභිඤ්ඤෙය්යං.
උප්පාදො භයන්ති අභිඤ්ඤෙය්යං, පවත්තං භයන්ති අභිඤ්ඤෙය්යං, නිමිත්තං භයන්ති අභිඤ්ඤෙය්යං, ආයූහනා භයන්ති අභිඤ්ඤෙය්යං, පටිසන්ධි භයන්ති අභිඤ්ඤෙය්යං, ගති භයන්ති අභිඤ්ඤෙය්යං, නිබ්බත්ති භයන්ති අභිඤ්ඤෙය්යං, උපපත්ති භයන්ති අභිඤ්ඤෙය්යං, ජාති භයන්ති අභිඤ්ඤෙය්යං, ජරා භයන්ති අභිඤ්ඤෙය්යං, ව්යාධි භයන්ති අභිඤ්ඤෙය්යං, මරණං භයන්ති අභිඤ්ඤෙය්යං, සොකො භයන්ති අභිඤ්ඤෙය්යං, පරිදෙවො භයන්ති අභිඤ්ඤෙය්යං, උපාසායො භයන්ති අභිඤ්ඤෙය්යං.
අනුප්පාදො ඛෙමන්ති අභිඤ්ඤෙය්යං, අප්පවත්තං ඛෙමන්ති අභිඤ්ඤෙය්යං. අනිමිත්තං ඛෙමන්ති අභිඤ්ඤෙය්යං, අනායූහනා ඛෙමන්ති අභිඤ්ඤෙය්යං, අප්පටිසන්ධි ඛෙමන්ති අභිඤ්ඤෙය්යං, අගති ඛෙමන්ති අභිඤ්ඤෙය්යං, අනිබ්බත්ති ඛෙමන්ති අභිඤ්ඤෙය්යං, අනුපපත්ති ඛෙමන්ති අභිඤ්ඤෙය්යං, අජාති ඛෙමන්ති අභිඤ්ඤෙය්යං, අජරා ඛෙමන්ති අභිඤ්ඤෙය්යං, අව්යාධි ඛෙමන්ති අභිඤ්ඤෙය්යං, අමරණං{2} ඛෙමන්ති අභිඤ්ඤෙය්යං, අසොකො ඛෙමන්ති අභිඤ්ඤෙය්යං, අපරිදෙවො ඛෙමන්ති අභිඤ්ඤෙය්යං, අනුපායාසො ඛෙමන්ති අභිඤ්ඤෙය්යං.
උප්පාදො භයං, අනුප්පාදො ඛෙමන්ති අභිඤ්ඤෙය්යං, පවත්තං භයං, අප්පවත්තං ඛෙමන්ති අභිඤ්ඤෙයං, නිමිත්තං භයං, අනිමිත්තං ඛෙමන්ති අභිඤ්ඤෙය්යං, ආයූහනා භයං, අනායූහනා{1}, ඛෙමන්ති අභිඤ්ඤෙය්යං, පටිසන්ධි භයං, අප්පටිසන්ධි ඛෙමන්ති අභිඤ්ඤෙය්යං, ගති භයං, අගති ඛෙමන්ති අභිඤ්ඤෙය්යං, නිබ්බත්ති භයං, අනිබ්බත්ති ඛෙමන්ති අභිඤ්ඤෙය්යං, උප්පත්ති භයං, අනුප්පත්ති ඛෙමන්ති අභිඤ්ඤෙය්යං, ජාති භයං, අජාති ඛෙමන්ති අභිඤ්ඤෙය්යං, ජරා භයං, අජරා ඛෙමන්ති අභිඤ්ඤෙය්යං, ව්යාධි භයං, අව්යාධි ඛෙමන්ති අභිඤ්ඤෙය්යං, මරණං භයං, අමරණං,{2} ඛෙමන්ති අභිඤ්ඤෙය්යං, සොකො භයං, අසොකො ඛෙමන්ති අභිඤ්ඤෙය්යං, පරිදෙවො භයං, අපරිදෙවො ඛෙමන්ති අභිඤ්ඤෙය්යං, උපායාසො භයං අනුපායාසො ඛෙමන්ති අභිඤ්ඤෙය්යං.
උප්පාදො සාමිසන්ති අභිඤ්ඤෙය්යං, පවත්තං සාමිසන්ති අභිඤ්ඤෙය්යං, නිමිත්තං සාමිසන්ති අභිඤ්ඤෙය්යං, ආයූහනා{1}, සාමිසන්ති අභිඤ්ඤෙය්යං, පටිසන්ධි සාමිසන්ති අභිඤ්ඤෙය්යං, ගති සාමිසන්ති අභිඤ්ඤෙය්යං, නිබ්බත්ති සාමිසන්ති අභිඤ්ඤෙය්යං, උපපත්ති සාමිසන්ති අභිඤ්ඤෙය්යං, ජාති සාමිසන්ති අභිඤ්ඤෙය්යං, ජරා සාමිසන්ති අභිඤ්ඤෙය්යං, ව්යාධි සාමිසන්ති අභිඤ්ඤෙය්යං, මරණං සාමිසන්ති අභිඤ්ඤෙය්යං, සොකො සාමිසන්ති අභිඤ්ඤෙය්යං, පරිදෙවො සාමිසන්ති අභිඤ්ඤෙය්යං, උපාසායො සාමිසන්ති අභිඤ්ඤෙය්යං.
අනුප්පාදො නිරාමිසන්ති අභිඤ්ඤෙය්යං, අප්පවත්තං නිරාමිසන්ති අභිඤ්ඤෙය්යං. අනිමිත්තං නිරාමිසන්ති අභිඤ්ඤෙය්යං, අනායූහනා නිරාමිසන්ති අභිඤ්ඤෙය්යං, අප්පටිසන්ධි නිරාමිසන්ති අභිඤ්ඤෙය්යං, අගති නිරාමිසන්ති අභිඤ්ඤෙය්යං, අනිබ්බත්ති නිරාමිසන්ති අභිඤ්ඤෙය්යං, අනුපපත්ති නිරාමිසන්ති අභිඤ්ඤෙය්යං, අජාති නිරාමිසන්ති අභිඤ්ඤෙය්යං, අජරා නිරාමිසන්ති අභිඤ්ඤෙය්යං, අව්යාධි නිරාමිසන්ති අභිඤ්ඤෙය්යං, අමරණං{2} නිරාමිසන්ති අභිඤ්ඤෙය්යං, අසොකො නිරාමිසන්ති අභිඤ්ඤෙය්යං, අපරිදෙවො නිරාමිසන්ති අභිඤ්ඤෙය්යං, අනුපායාසො නිරාමිසන්ති අභිඤ්ඤෙය්යං.
උප්පාදො සාමිසං, අනුප්පාදො නිරාමිසන්ති අභිඤ්ඤෙය්යං. පවත්තං සාමිසං, අප්පවත්තං නිරාමිසන්ති අභිඤ්ඤෙය්යං, නිමිත්තං සාමිසං, අනිමිත්තං නිරාමිසන්ති අභිඤ්ඤෙය්යං, ආයූහනා සාමිසං, අනායූහනා නිරාමිසන්ති අභිඤ්ඤෙය්යං, පටිසන්ධි සාමිසං, අප්පටිසන්ධි නිරාමිසන්ති අභිඤ්ඤෙය්යං, ගති සාමිසං, අගති නිරාමිසන්ති අභිඤ්ඤෙය්යං, නිබ්බත්ති සාමිසං, අනිබ්බත්ති නිරාමිසන්ති අභිඤ්ඤෙය්යං, උපපත්ති සාමිසං, අනුපපත්ති නිරාමිසන්ති අභිඤ්ඤෙය්යං, ජාති සාමිසං, අජාති නිරාමිසන්ති අභිඤ්ඤෙය්යං, ජරා සාමිසං, අජරා නිරාමිසන්ති අභිඤ්ඤෙය්යං, ව්යාධි සාමිසං, අව්යාධි නිරාමිසන්ති අභිඤ්ඤෙය්යං, මරණං සාමිසං, අමරණං{2} නිරාමිසන්ති අභිඤ්ඤෙය්යං, සොකො සාමිසං, අසොකො නිරාමිසන්ති අභිඤ්ඤෙය්යං, පරිදෙවො සාමිසං, අපරිදෙවො නිරාමිසන්ති අභිඤ්ඤෙය්යං, උපායාසො සාමිසං, අනුපායාසො නිරාමිසන්ති අභිඤ්ඤෙය්යං.
උප්පාදො සඞ්ඛාරාති අභිඤ්ඤෙය්යං. පවත්තං සඞ්ඛාරාති අභිඤ්ඤෙය්යං, නිමිත්තං සඞ්ඛාරාති අභිඤ්ඤෙය්යං, ආයූහනා සඞ්ඛාරාති අභිඤ්ඤෙය්යං, පටිසන්ධි සඞ්ඛාරාති අභිඤ්ඤෙය්යං, ගති සඞ්ඛාරාති අභිඤ්ඤෙය්යං, නිබ්බත්ති සඞ්ඛාරාති අභිඤ්ඤෙය්යං, උපපත්ති සඞ්ඛාරාති අභිඤ්ඤෙය්යං, ජාති සඞ්ඛාරාති අභිඤ්ඤෙය්යං, ජරා සඞ්ඛාරාති අභිඤ්ඤෙය්යං, ව්යාධි සඞ්ඛාරාති අභිඤ්ඤෙය්යං, මරණං සඞ්ඛාරාති අභිඤ්ඤෙය්යං, සොකො සඞ්ඛාරාති අභිඤ්ඤෙය්යං, පරිදෙවො සඞ්ඛාරාති අභිඤ්ඤෙය්යං, උපායාසො සඞ්ඛාරාති අභිඤ්ඤෙය්යං.
අනුප්පාදො නිබ්බානන්ති අභිඤ්ඤෙය්යං, අප්පවත්තං නිබ්බානන්ති අභිඤ්ඤෙය්යං, අනිමිත්තං නිබ්බානන්ති අභිඤ්ඤෙය්යං, අනායූහනා නිබ්බානන්ති අභිඤ්ඤෙය්යං, අප්පටිසන්ධි නිබ්බානන්ති අභිඤ්ඤෙය්යං, අගති නිබ්බානන්ති අභිඤ්ඤෙය්යං, අනිබ්බත්ති නිබ්බානන්ති අභිඤ්ඤෙය්යං, අනුපපත්ති නිබ්බානන්ති අභිඤ්ඤෙය්යං, අජාති නිබ්බානන්ති අභිඤ්ඤෙය්යං, අජරා නිබ්බානන්ති අභිඤ්ඤෙය්යං, අව්යාධි නිබ්බානන්ති අභිඤ්ඤෙය්යං, අමරණං නිබ්බානන්ති අභිඤ්ඤෙය්යං, අසොකො නිබ්බානන්ති අභිඤ්ඤෙය්යං, අපරිදෙවො නිබ්බානන්ති අභිඤ්ඤෙය්යං, අනුපායාසො නිබ්බානන්ති අභිඤ්ඤෙය්යං.
උප්පාදො සඞ්ඛාරා, අනුප්පාදො නිබ්බානන්ති අභිඤ්ඤෙය්යං, පවත්තං සඞ්ඛාරා, අප්පවත්තං නිබ්බානන්ති අභිඤ්ඤෙය්යං, නිමිත්තං සඞ්ඛාරා, අනිමිත්තං නිබ්බානන්ති අභිඤ්ඤෙය්යං, ආයූහනා සඞ්ඛාරා, අනායූහනා නිබ්බානන්ති අභිඤ්ඤෙය්යං, පටිසන්ධි සඞ්ඛාරා, අප්පටිසන්ධි නිබ්බානන්ති අභිඤ්ඤෙය්යං, ගති සඞ්ඛාරා, අගති නිබ්බානන්ති අභිඤ්ඤෙය්යං, නිබ්බත්ති සඞ්ඛාරා, අනිබ්බත්ති නිබ්බානන්ති අභිඤ්ඤෙය්යං, උපපත්ති සඞ්ඛාරා, අනුපපත්ති නිබ්බානන්ති අභිඤ්ඤෙය්යං, ජාති සඞ්ඛාරා, අජාති නිබ්බානන්ති අභිඤ්ඤෙය්යං, ජරා සඞ්ඛාරා, අජරා නිබ්බානන්ති අභිඤ්ඤෙය්යං, ව්යාධි සඞ්ඛාරා, අව්යාධි නිබ්බානන්ති අභිඤ්ඤෙය්යං, මරණං සඞ්ඛාරා, අමරණං නිබ්බානන්ති අභිඤ්ඤෙය්යං, සොකො සඞ්ඛාරා, අසොකො නිබ්බානන්ති අභිඤ්ඤෙය්යං. පරිදෙවො සඞ්ඛාරා, අපරිදෙවො නිබ්බානන්ති අභිඤ්ඤෙය්යං, උපායාසො සඞ්ඛාරා, අනුපායාසො නිබ්බානන්ති අභිඤ්ඤෙය්යං.
පඨමකභාණවාරං.
පරිග්ගහට්ඨො අභිඤ්ඤෙය්යො, පරිවාරට්ඨො අභිඤ්ඤෙය්යො, පරිපූරට්ඨො{1} අභිඤ්ඤෙය්යො, එකග්ගට්ඨො අභිඤ්ඤෙය්යො, අවික්ඛෙපට්ඨො අභිඤ්ඤෙය්යො, පග්ගහට්ඨො අභිඤ්ඤෙය්යො, අවිසාරට්ඨො අභිඤ්ඤෙය්යො, අනාවිලට්ඨො අභිඤ්ඤෙය්යො, අනිඤ්ජනට්ඨො අභිඤ්ඤෙය්යො, එකත්තුපට්ඨානවසෙන{2} චිත්තස්ස ඨිතට්ඨො අභිඤ්ඤෙය්යො, ආරම්මණට්ඨො අභිඤ්ඤෙය්යො, ගොචරට්ඨො අභිඤ්ඤෙය්යො, පහානට්ඨො අභිඤ්ඤෙය්යො, පරිච්චාගට්ඨො අභිඤ්ඤෙය්යො, වුට්ඨානට්ඨො අභිඤ්ඤෙය්යො, නිවත්තනට්ඨො අභිඤ්ඤෙය්යො, සන්තට්ඨො අභිඤ්ඤෙය්යො, පණීතට්ඨො අභිඤ්ඤෙය්යො, විමුත්තට්ඨො අභිඤ්ඤෙය්යො, අනාසවට්ඨො අභිඤ්ඤෙය්යො, තරණට්ඨො අභිඤ්ඤෙය්යො, අනිමිත්තට්ඨො අභිඤ්ඤෙය්යො, අප්පණිහිතට්ඨො අභිඤ්ඤෙය්යො, සුඤ්ඤතට්ඨො අභිඤ්ඤෙය්යො, එකරසට්ඨො අභිඤ්ඤෙය්යො, අනතිවත්තනට්ඨො අභිඤ්ඤෙය්යො, යුගනන්ධට්ඨො,{3} අභිඤ්ඤෙය්යො, නිය්යානට්ඨො අභිඤ්ඤෙය්යො, හෙතුට්ඨො අභිඤ්ඤෙය්යො, දස්සනට්ඨො අභිඤ්ඤෙය්යො, ආධිපතෙය්යට්ඨො අභිඤ්ඤෙය්යො.
සමථස්ස අවික්ඛෙපට්ඨො අභිඤ්ඤෙය්යො, විපස්සනාය අනුපස්සනට්ඨො අභිඤ්ඤෙය්යො, සමථවිපස්සනානං එකරසට්ඨො අභිඤ්ඤෙය්යො, යුගනන්ධස්ස{4} අනතිවත්තනට්ඨො අභිඤ්ඤෙය්යො.
සික්ඛාය සමාදානට්ඨො අභිඤ්ඤෙය්යො, ආරම්මණස්ස ගොචරට්ඨො අභිඤ්ඤෙය්යො, ලීනස්ස චිත්තස්ස පග්ගහට්ඨො අභිඤ්ඤෙය්යො, උද්ධතස්ස චිත්තස්ස නිග්ගහට්ඨො{5} අභිඤ්ඤෙය්යො, උභොවිසුද්ධානා අජ්ඣපෙක්ඛනට්ඨො අභිඤ්ඤෙය්යො, භාවනා විසෙසාධිගමට්ඨො{6} අභිඤ්ඤෙය්යො, උත්තරි පටිවෙධට්ඨො අභිඤ්ඤෙය්යො, සච්චාභිසමයට්ඨො අභිඤ්ඤෙය්යො, නිරොධෙ පතිට්ඨානට්ඨො අභිඤ්ඤෙය්යො.
සද්ධින්ද්රියස්ස අධිමොක්ඛට්ඨො අභිඤ්ඤෙය්යො, විරියින්ද්රියස්ස පග්ගහට්ඨො අභිඤ්ඤෙය්යො, සතින්ද්රියස්ස උපට්ඨානට්ඨො අභිඤ්ඤෙය්යො, සමාධින්ද්රියස්ස අවික්ඛෙපට්ඨො අභිඤ්ඤෙය්යො, පඤ්ඤින්ද්රියස්ස දස්සනට්ඨො අභිඤ්ඤෙය්යො.
සද්ධාබලස්ස අස්සද්ධියෙ අකම්පියට්ඨො අභිඤ්ඤෙය්යො, විරියබලස්ස කොසජ්ජෙ අකම්පියට්ඨො අභිඤ්ඤෙය්යො, සතිබලස්ස පමාදෙ අකම්පියට්ඨො අභිඤ්ඤෙය්යො, සමාධිබලස්ස උද්ධච්චෙ අකම්පියට්ඨො අභිඤ්ඤෙය්යො, පඤ්ඤාබලස්ස අවිජ්ජාය අකම්පියට්ඨො අභිඤ්ඤෙය්යො.
සතිසම්බොජ්ඣඞ්ගස්ස උපට්ඨානට්ඨො අභිඤ්ඤෙය්යො, ධම්මවිචයසම්බොජ්ඣඞ්ගස්ස පවිචයට්ඨො අභිඤ්ඤෙය්යො, විරියසම්බොජ්ඣඞ්ගස්ස පග්ගහට්ඨො අභිඤ්ඤෙය්යො, පීතිසම්බොජ්ඣඞ්ගස්ස උපසමට්ඨො අභිඤ්ඤෙය්යො, සමාධිසම්බොජ්ඣඞ්ගස්ස අවික්ඛෙපට්ඨො අභිඤ්ඤෙය්යො, උපෙක්ඛාසම්බොජ්ඣඞ්ගස්ස පටිසඞ්ඛානට්ඨො අභිඤ්ඤෙය්යො.
සම්මාදිට්ඨියා දස්සනට්ඨො අභිඤ්ඤෙය්යො, සම්මාසඞ්කප්පස්ස අභිනිරොපනට්ඨො අභිඤ්ඤෙය්යො, සම්මාවාචාය පරිග්ගහට්ඨො අභිඤ්ඤෙය්යො, සම්මාකම්මන්තස්ස සමුට්ඨානට්ඨො අභිඤ්ඤෙය්යො, සම්මාආජීවස්ස වොදානට්ඨො අභිඤ්ඤෙය්යො, සම්මාවායාමස්ස පග්ගහට්ඨො අභිඤ්ඤෙය්යො, සම්මාසතියා උපට්ඨානට්ඨො අභිඤ්ඤෙය්යො, සම්මාසමාධිස්ස අවික්ඛෙපට්ඨො අභිඤ්ඤෙය්යො.
ඉන්ද්රියානං ආධිපතෙය්යට්ඨො{1} අභිඤ්ඤෙය්යො, බලානං අකම්පියට්ඨො අභිඤ්ඤෙය්යො, බොජ්ඣඞ්ගානං නිය්යානට්ඨො අභිඤ්ඤෙය්යො, මග්ගස්ස හෙතුට්ඨො අභිඤ්ඤෙය්යො, සතිපට්ඨානානං උපට්ඨානට්ඨො අභිඤ්ඤෙය්යො, සම්මප්පධානානං පදහනට්ඨො{2} අභිඤ්ඤෙය්යො, ඉද්ධිපාදානං ඉජ්ඣනට්ඨො අභිඤ්ඤෙය්යො, සච්චානං තථට්ඨො අභිඤ්ඤෙය්යො, පයොගානං{3} පටප්පස්සදධට්ඨො අභිඤ්ඤෙය්යො, ඵලානං සච්ඡිකිරියට්ඨො අභිඤ්ඤෙය්යො.
විතක්කස්ස අභිනිරොපනට්ඨො අභිඤ්ඤෙය්යො, විචාරස්ස උපවිචාරට්ඨො අභිඤ්ඤෙය්යො, පීතියා ඵරණට්ඨො අභිඤ්ඤෙය්යො, සුඛස්ස අභිසන්දනට්ඨො අභිඤ්ඤෙය්යො, චිත්තස්ස එකග්ගට්ඨො අභිඤ්ඤෙය්යො.
ආවජ්ජනට්ඨො අභිඤ්ඤෙය්යො, විජානනට්ඨො{4} අභිඤ්ඤෙය්යො, පජානනට්ඨො අභිඤ්ඤෙය්යො, සඤ්ජානනට්ඨො අභිඤ්ඤෙය්යො, (එකාරම්මණට්ඨො අභිඤ්ඤෙය්යො,) එකොදට්ඨො{5} අභිඤ්ඤෙය්යො, අභිඤ්ඤාය ඤාතට්ඨො අභිඤ්ඤෙය්යො, පරිඤ්ඤාය තීරණට්ඨො අභිඤ්ඤෙය්යො, පහානස්ස පරිච්චාගට්ඨො අභිඤ්ඤෙය්යො, භාවනාය එකරසට්ඨො අභිඤ්ඤෙය්යො, සච්ඡිකිරියාය ඵස්සනට්ඨො අභිඤ්ඤෙය්යො, ඛන්ධානං ඛන්ධට්ඨො අභිඤ්ඤෙය්යො, ධාතූනං ධාතුට්ඨො{6} අභිඤ්ඤෙය්යො, ආයතානානං ආයතනට්ඨො අභිඤ්ඤෙය්යො, සඞ්ඛතානං සඞ්ඛතට්ඨො අභිඤ්ඤෙය්යො, අසඞ්ඛතස්ස අසඞ්ඛතට්ඨො අභිඤ්ඤෙය්යො.
චිත්තට්ඨො අභිඤ්ඤෙය්යො, චිත්තානන්තරියට්ඨො{1} අභිඤ්ඤෙය්යො, චිත්තස්ස වුට්ඨානට්ඨො අභිඤ්ඤෙය්යො, චිත්තස්ස විවට්ටනට්ඨො අභිඤ්ඤෙය්යො, චිත්තස්ස හෙතුට්ඨො{2} අභිඤ්ඤෙය්යො, චිත්තස්ස පච්චයට්ඨො අභිඤ්ඤෙය්යො, චිත්තස්ස වත්ථුට්ඨො අභිඤ්ඤෙය්යො, චිත්තස්ස භුම්මට්ඨො.{3} අභිඤ්ඤෙය්යො, චිත්තස්ස ආරම්මණට්ඨො අභිඤ්ඤෙය්යො, චිත්තස්ස ගොචරට්ඨො අභිඤ්ඤෙය්යො, චිත්තස්ස චරියට්ඨො අභිඤ්ඤෙය්යො, චිත්තස්ස ගතට්ඨො අභිඤ්ඤෙය්යො, චිත්තස්ස අභිනීහාරට්ඨො අභිඤ්ඤෙය්යො, චිත්තස්ස නිය්යානට්ඨො අභිඤ්ඤෙය්යො, චිත්තස්ස නිස්සරණට්ඨො අභිඤ්ඤෙය්යො.
එකත්තෙ ආවජ්ජනට්ඨො අභිඤ්ඤෙය්යො, එකත්තෙ විජානනට්ඨො අභිඤ්ඤෙය්යො, එකත්තෙ පජානනට්ඨො අභිඤ්ඤෙය්යො, එකත්තෙ සඤ්ජානනට්ඨො අභිඤ්ඤෙය්යො, එකත්තෙ එකොදට්ඨො අභිඤ්ඤෙය්යො, එකත්තෙ උපතිබන්ධනට්ඨො{4} අභිඤ්ඤෙය්යො, එකත්තෙ පක්ඛන්දනට්ඨො{5} අභිඤ්ඤෙය්යො, එකත්තෙ පසීදනට්ඨො අභිඤ්ඤෙය්යො, එකත්තෙ සන්තිට්ඨනට්ඨො අභිඤ්ඤෙය්යො, එකත්තෙ විමුච්චනට්ඨො{6} අභිඤ්ඤෙය්යො, එකත්තෙ ‘එතං සන්ත’න්ති පස්සනට්ඨො අභිඤ්ඤෙය්යො, එකත්තෙ යානීකතට්ඨො අභිඤ්ඤෙය්යො, එකත්තෙ වත්ථුකතට්ඨො අභිඤ්ඤෙය්යො, එකත්තෙ අනුට්ඨිතට්ඨො අභිඤ්ඤෙය්යො, එකත්තෙ පරිචිතට්ඨො අභිඤ්ඤෙය්යො, එකත්තෙ සුසමාරද්ධට්ඨො අභිඤ්ඤෙය්යො, එකත්තෙ පරිග්ගහට්ඨො අභිඤ්ඤෙය්යො, එකත්තෙ පරිවාරට්ඨො අභිඤ්ඤෙය්යො, එකත්තෙ පරිපූරට්ඨො අභිඤ්ඤෙය්යො, එකත්තෙ සමොධානට්ඨො අභිඤ්ඤෙය්යො, එකත්තෙ අධිට්ඨානට්ඨො අභිඤ්ඤෙය්යො, එකත්තෙ ආසෙවනට්ඨො අභිඤ්ඤෙය්යො, එකත්තෙ භාවනට්ඨො අභිඤ්ඤෙය්යො, එකත්තෙ බහුලීකම්මට්ඨො අභිඤ්ඤෙය්යො, එකත්තෙ සුසමුග්ගතට්ඨො අභිඤ්ඤෙය්යො, එකත්තෙ සුවිමුත්තට්ඨො අභිඤ්ඤෙය්යො, එකත්තෙ බුජ්ඣනට්ඨො අභිඤ්ඤෙය්යො, එකත්තෙ අනුබුජ්ඣනට්ඨො අභිඤ්ඤෙය්යො, එකත්තෙ පටිබුජ්ඣනට්ඨො අභිඤ්ඤෙය්යො, එකත්තෙ සම්බුජ්ඣනට්ඨො අභිඤ්ඤෙය්යො, එකත්තෙ බොධනට්ඨො අභිඤ්ඤෙය්යො, එකත්තෙ අනුබොධනට්ඨො අභිඤ්ඤෙය්යො, එකත්තෙ පටිබොධනට්ඨො අභිඤ්ඤෙය්යො, එකත්තෙ සම්බොධනට්ඨො අභිඤ්ඤෙය්යො, එකත්තෙ බොධපක්ඛියට්ඨො:{7} අභිඤ්ඤෙය්යො, එකත්තෙ අනුබොධපක්ඛියට්ඨො අභිඤ්ඤෙය්යො, එකත්තෙ පටිබොධපක්ඛියට්ඨො අභිඤ්ඤෙය්යො, එකත්තෙ සම්බොධපක්ඛියට්ඨො අභිඤ්ඤෙය්යො, එකත්තෙ ජොතනට්ඨො අභිඤ්ඤෙය්යො, එකත්තෙ උජ්ජොතනට්ඨො අභිඤ්ඤෙය්යො, එකත්තෙ අනුජොතනට්ඨො අභිඤ්ඤෙය්යො, එකත්තෙ පටිජානනට්ඨො අභිඤ්ඤෙය්යො, එකත්තෙ සඤ්ජොතනට්ඨො අභිඤ්ඤෙය්යො.
පකාසනට්ඨො{1} අභිඤ්ඤෙය්යො, විරොචනට්ඨො අභිඤ්ඤෙය්යො, කිලෙසානං සන්තාපනට්ඨො අභිඤ්ඤෙය්යො, අමලට්ඨො අභිඤ්ඤෙය්යො, විමලට්ඨො අභිඤ්ඤෙය්යො, නිම්මලට්ඨො අභිඤ්ඤෙය්යො, සමට්ඨො අභිඤ්ඤෙය්යො, සමයට්ඨො අභිඤ්ඤෙය්යො, විවෙකට්ඨො අභිඤ්ඤෙය්යො, විවෙකචරියට්ඨො අභිඤ්ඤෙය්යො, විරාගට්ඨො අභිඤ්ඤෙය්යො, විරාගචරියට්ඨො අභිඤ්ඤෙය්යො, නිරොධට්ඨො අභිඤ්ඤෙය්යො, නිරොධචරියට්ඨො අභිඤ්ඤෙය්යො, වොස්සග්ගට්ඨො{2} අභිඤ්ඤෙය්යො, වොස්සග්ගචරියට්ඨො අභිඤ්ඤෙය්යො, විමුත්තට්ඨො අභිඤ්ඤෙය්යො, විමුත්තිචරියට්ඨො අභිඤ්ඤෙය්යො.
ඡන්දට්ඨො අභිඤ්ඤෙය්යො, ඡන්දස්ස මූලට්ඨො අභිඤ්ඤෙය්යො, ඡන්දස්ස පාදට්ඨො අභිඤ්ඤෙය්යො, ඡන්දස්ස පධානට්ඨො අභිඤ්ඤෙය්යො, ඡන්දස්ස ඉජ්ඣනට්ඨො අභිඤ්ඤෙය්යො, ඡන්දස්ස අධිමොක්ඛට්ඨො අභිඤ්ඤෙය්යො, ඡන්දස්ස පග්ගහට්ඨො අභිඤ්ඤෙය්යො, ඡන්දස්ස උපට්ඨානට්ඨො අභිඤ්ඤෙය්යො, ඡන්දස්ස අවික්ඛෙපට්ඨො අභිඤ්ඤෙය්යො, ඡන්දස්ස දස්සනට්ඨො අභිඤ්ඤෙය්යො.
විරියට්ඨො{3} අභිඤ්ඤෙය්යො, විරියස්ස{4} මූලට්ඨො අභිඤ්ඤෙය්යො, විරියස්ස පාදට්ඨො අභිඤ්ඤෙය්යො, විරියස්ස පධානට්ඨො අභිඤ්ඤෙය්යො, විරියස්ස ඉජ්ඣනට්ඨො අභිඤ්ඤෙය්යො, විරියස්ස අධිමොක්ඛට්ඨො අභිඤ්ඤෙය්යො, විරියස්ස පග්ගහට්ඨො අභිඤ්ඤෙය්යො, විරියස්ස උපට්ඨානට්ඨො අභිඤ්ඤෙය්යො, විරියස්ස අවික්ඛෙපට්ඨො අභිඤ්ඤෙය්යො, විරියස්ස දස්සනට්ඨො අභිඤ්ඤෙය්යො.
චිත්තට්ඨො අභිඤ්ඤෙය්යො, චිත්තස්ස මූලට්ඨො අභිඤ්ඤෙය්යො, චිත්තස්ස පාදට්ඨො අභිඤ්ඤෙය්යො, චිත්තස්ස පධානට්ඨො අභිඤ්ඤෙය්යො, චිත්තස්ස ඉජ්ඣනට්ඨො අභිඤ්ඤෙය්යො, චිත්තස්ස අධිමොක්ඛට්ඨො අභිඤ්ඤෙය්යො, චිත්තස්ස පග්ගහට්ඨො අභිඤ්ඤෙය්යො, චිත්තස්ස උපට්ඨානට්ඨො අභිඤ්ඤෙය්යො, චිත්තස්ස අවික්ඛෙපට්ඨො අභිඤ්ඤෙය්යො, චිත්තස්ස දස්සනට්ඨො අභිඤ්ඤෙය්යො.
වීමංසට්ඨො අභිඤ්ඤෙය්යො, වීමංසාය මූලට්ඨො අභිඤ්ඤෙය්යො, වීමංසාය පාදට්ඨො අභිඤ්ඤෙය්යො, වීමංසාය පධානට්ඨො අභිඤ්ඤෙය්යො, වීමංසාය ඉජ්ඣනට්ඨො අභිඤ්ඤෙය්යො, වීමංසාය අධිමොක්ඛට්ඨො අභිඤ්ඤෙය්යො, වීමංසාය පග්ගහට්ඨො අභිඤ්ඤෙය්යො, වීමංසාය උපට්ඨානට්ඨො අභිඤ්ඤෙය්යො, වීමංසාය අවික්ඛෙපට්ඨො අභිඤ්ඤෙය්යො, වීමංසාය දස්සනට්ඨො අභිඤ්ඤෙය්යො.
{*}දුක්ඛස්ස පීළනට්ඨො අභිඤ්ඤෙය්යො, දුක්ඛස්ස සඞ්ඛතට්ඨො අභිඤ්ඤෙය්යො, දුක්ඛස්ස සන්තාපට්ඨො අභිඤ්ඤෙය්යො, දුක්ඛස්ස විපරිණාමට්ඨො අභිඤ්ඤෙය්යො, .
සමුදයස්ස ආයූහනට්ඨො{5}, අභිඤ්ඤෙය්යො, සමුදයස්ස නිදානට්ඨො අභිඤ්ඤෙය්යො, සමුදයස්ස සඤ්ඤොගට්ඨො අභිඤ්ඤෙය්යො, සමුදයස්ස පළිබොධට්ඨො{6} අභිඤ්ඤෙය්යො.
නිරොධස්ස නිස්සරණට්ඨො අභිඤ්ඤෙය්යො, නිරොධස්ස විවෙකට්ඨො අභිඤ්ඤෙය්යො, නිරොධස්ස අසඞ්ඛතට්ඨො අභිඤ්ඤෙය්යො, නිරොධස්ස අමතට්ඨො අභිඤ්ඤෙය්යො.
මග්ගස්ස නිය්යානට්ඨො අභිඤ්ඤෙය්යො, මග්ගස්ස හෙතුට්ඨො{1} අභිඤ්ඤෙය්යො, මග්ගස්ස දස්සනට්ඨො අභිඤ්ඤෙය්යො, මග්ගස්ස ආධිපතෙය්යට්ඨො අභිඤ්ඤෙය්යො.
තථට්ඨො අභිඤ්ඤෙය්යො, අනත්තට්ඨො අභිඤ්ඤෙය්යො, සච්චට්ඨො අභිඤ්ඤෙය්යො, පටිවෙධට්ඨො අභිඤ්ඤෙය්යො, අභිජානනට්ඨො අභිඤ්ඤෙය්යො, පරිජානට්ඨො අභිඤ්ඤෙය්යො, ධම්මට්ඨො අභිඤ්ඤෙය්යො, ධාතුට්ඨො{2} අභිඤ්ඤෙය්යො, ඤාතට්ඨො අභිඤ්ඤෙය්යො, සච්ඡිකිරියට්ඨො අභිඤ්ඤෙය්යො, ඵස්සනට්ඨො අභිඤ්ඤෙය්යො, අභිසමයට්ඨො අභිඤ්ඤෙය්යො.
නෙක්ඛම්මං අභිඤ්ඤෙය්යං, අව්යාපාදො අභිඤ්ඤෙය්යො, ආලොකසඤ්ඤා අභිඤ්ඤෙය්යා, අවික්ඛෙපො අභිඤ්ඤෙය්යො, ධම්මවවත්ථානං අභිඤ්ඤෙය්යං, ඤාණං අභිඤ්ඤෙය්යං, පාමොජ්ජං.{3} අභිඤ්ඤෙය්යං.
පඨමං ඣානං{4} අභිඤ්ඤෙය්යං, දුතියං ඣානං අභිඤ්ඤෙය්යං, තතියං ඣානං අභිඤ්ඤෙය්යං, චතුත්ථං ඣානං අභිඤ්ඤෙය්යං, ආකාසානඤ්චායතනසමාපත්ති අභිඤ්ඤෙය්යා, විඤ්ඤාණඤ්චායතනසමාපත්ති අභිඤ්ඤෙය්යා, ආකිඤ්චඤ්ඤායතනසමාපත්ති අභිඤ්ඤෙය්යා, නෙවසඤ්ඤානාසඤ්ඤායතනසමාපත්ති අභිඤ්ඤෙය්යා.
අනිච්චානුපස්සනා අභිඤ්ඤෙය්යා, දුක්ඛානුපස්සනා අභිඤ්ඤෙය්යා, අනත්තානුපස්සනා අභිඤ්ඤෙය්යා, නිබ්බිදානුපස්සනා අභිඤ්ඤෙය්යා, විරාගානුපස්සනා අභිඤ්ඤෙය්යා, නිරොධානුපස්සනා අභිඤ්ඤෙය්යා, පටිනිස්සග්ගානුපස්සනා අභිඤ්ඤෙය්යා, ඛයානුපස්සනා අභිඤ්ඤෙය්යා, වයානුපස්සනා අභිඤ්ඤෙය්යා, විපරිණාමානුපස්සනා අභිඤ්ඤෙය්යා, අනිමිත්තානුපස්සනා අභිඤ්ඤෙය්යා, අප්පණිහිතානුපස්සනා අභිඤ්ඤෙය්යා, සුඤ්ඤතානුපස්සනා අභිඤ්ඤෙය්යා, අධිපඤ්ඤාධම්මවිපස්සනා අභිඤ්ඤෙය්යා, යථාභූතඤාණදස්සනං අභිඤ්ඤෙය්යා, ආදීනවානුපස්සනා අභිඤ්ඤෙය්යා, පටිසඞ්ඛානුපස්සනා අභිඤ්ඤෙය්යා, විවට්ටානුපස්සනා අභිඤ්ඤෙය්යා.
සොතාපත්තිමග්ගො අභිඤ්ඤෙය්යා, සොතාපත්තිඵලසමාපත්ති අභිඤ්ඤෙය්යා, සකදාගාමිමග්ගො අභිඤ්ඤෙය්යා, සකදාගාමිඵලසමාපත්ති අභිඤ්ඤෙය්යා, අනාගාමිමග්ගො අභිඤ්ඤෙය්යා, අනාගාමිඵලසමාපත්ති අභිඤ්ඤෙය්යා, අරහත්තමග්ගො අභිඤ්ඤෙය්යො, අරහත්තඵලසමාපත්ති අභිඤ්ඤෙය්යා.
අධිමොක්ඛට්ඨෙන සද්ධින්ද්රියං අභිඤ්ඤෙය්යං, පග්ගහට්ඨෙන විරියින්ද්රියං{5} අභිඤ්ඤෙය්යං, උපට්ඨානට්ඨෙන සතින්ද්රියං අභිඤ්ඤෙය්යං, අවික්ඛෙපට්ඨෙන සමාධින්ද්රියං අභිඤ්ඤෙය්යං, දස්සනට්ඨෙන පඤ්ඤින්ද්රියං අභිඤ්ඤෙය්යං.