2653. පඤ්ඤො වජ්ඣො මහොසධොති යදි තෙ මන්තයිතං ජනින්ද දොසං, භරියාය රහොගතො අසංසි ගුය්හං පාතුකතං සුතං මමෙතං.
2654. යං සාලවනස්මිං සෙනකො පාපකම්මං අකාසි අසබ්භිරූපං, සඛිනොව රහො ගතො අසංසි ගුය්හං පාතුකතං සුතං මමෙතං.
2655. පුක්කුසපුරිසස්ස තෙ ජනින්ද උප්පන්නො රොගො අරාජයුත්තො, භාතුච්ච රහො ගතො අසංසි ගුය්හං පාතුකතං සුතං මමෙතං
2656. ආබාධොයං අසබ්භිරූපො කාවින්දො නරදෙවෙන ඵුට්ඨො, පුත්තස්ස රහොගතො අසංසි ගුය්හං පාතුකතං සුතං මමෙතං
2657. අට්ඨවඞ්කං මණිරතනං උළාරං සක්කො තෙ අදදා පිතාමහස්ස, දෙවින්දස්ස ගතං තදජ්ජ හත්ථං මාතුච්ච රහො ගතො අසංසි ගුය්හං පාතුකතං සුතං මමෙතං
2658. ගුය්හස්ස හි ගුය්හමෙව සාධු න හි ගුය්හස්ස පසත්ථමාවිකම්මං, අනිප්ඵාදාය සහෙය්ය ධීරො නිප්ඵන්නත්ථො යථාසුඛං භණෙය්ය.
2659. න ගුය්හමත්ථං විවරෙය්ය රක්ඛෙය්ය නං යථා නිධිං, නහි පාතුකතො සාධු ගුය්හො අත්ථො පජානතා.
2660. ථියා ගුය්හං න සංසෙය්ය අමිත්තස්ස ච පණ්ඩිතො, යො චාමිසෙන සංහීරො හදයත්ථෙනො ච යො නරො.
2661. ගුය්හමත්ථමසංබුද්ධං සංබොධයති යො නරො, මන්තභෙදභයා තස්ස දාසභූතො{1} තිතික්ඛති.
2662. යාවන්තො පුරිසස්සත්ථං ගුය්හං ජානන්තී මන්තිතං, තාවන්තො තස්ස උබ්බෙගා තස්මා ගුය්හං නවිස්සජෙ.
2663. විවිච්ච භාසෙය්ය දිවා රහස්සං. රත්තිං ගිරං{2} නාතිවෙලං පමුඤ්චෙ, උපස්සුතිකා හි සුණන්ති මන්තං තස්මා මන්තො ඛිප්පමුපෙති භෙදන්ති.
පඤ්චපණ්ඩිතපඤ්හොං.
13. හත්ථිපාලජාතකං.
2664. චිරස්සං වත පස්සාම බ්රාහ්මණං දෙවවණ්ණිනං, මහාජටං ඛාරිධරං පඞ්කදන්තං රජස්සිරං.
2665. චිරස්සං වත පස්සාම ඉසිං ධම්මගුණෙ රතං, කාසායවත්තවසනං වාකචීරං පටිච්ඡදං.
2666. ආසනං උදකං පජ්ජං පතිගණ්හාතු{1} නො භවං, අග්ඝෙ භවන්තං පුච්ඡාම අග්ඝං කුරුතු නො භවං.
2667. අධිච්ච වෙදෙ පරියෙස චිත්තං පුත්තෙ ගෙහෙ{2} තාත පතිට්ඨපෙත්වා, ගන්ධෙ රසෙ පච්චනුභුය්ය සබ්බං අරඤ්ඤං සාධු මුනි සො පසත්ථො.
2668. වෙදා න සච්චා න ච චිත්තලාභො න පුත්තලාභෙන ජරං විහන්ති, ගන්ධෙ රසෙ මුඤ්චනමාහු සන්තෙ සකම්මනා{3} හෙති ඵලූපපත්ති.
2669. අද්ධා හි සච්චං වචනං තවෙතං සකම්මනා හොති ඵලූපපත්ති ජිණ්ණා ච මාතාපිතරො තවයිමෙ පස්සෙය්යු{4} තං වස්සසතං අරොගං.
2670. යස්සස්ස{5} සක්ඛි{6} මරණෙන රාජ ජරාය මෙත්ති නරවිරියසෙට්ඨ,{7} යොචාපි ජඤ්ඤා න මරිස්සං කදාචි පස්සෙය්යු තං වස්සසතං ආරොගං.
2671. යථාපි නාවං පුරිසො දකම්හි එරෙති චෙනං උපනෙති තීරං, එවම්පි ව්යාධි සතතං ජරා ච උපනෙන්ති මච්චං{8} වසමන්තකස්ස.
2672. පඞ්කො ව කාමා පලිපො ච කාමා මනොහරාදුත්තරා මච්චුධෙය්යා, එතස්මිං පඞ්කෙ පලිපෙ ව්යසන්නා{9} හීනත්තරූපා න තරන්ති පාරං.
2673. අයං පුරෙ ලුද්දමකාසි කම්මං ස්වායං ගහීතො න හි මොක්ඛිතො මෙ, ඔරුන්ධියානං{1} පරිරක්ඛිස්සාමි මායං පුනලුද්දමකාසි කම්මං.
2674. ගාවංව නට්ඨං පුරිසො යථා වනෙ පරියෙසති{2} රාජ අපස්සමානො, එවං නට්ඨො එසුකාරී මමත්ථො සොහං කථං න ගවෙසෙය්ය{3} රාජ.
2675. හිය්යොති හීයති පොසො පරෙථ පරිහායති, අනාගතං නෙතමත්ථිති ඤත්වා, උප්පන්නං ඡන්දං{4} කොපනුදෙය්ය ධීරො.
2676. පස්සාමි වොහං දහරිං කුමාරිං මත්තූපමං කෙතක{5} පුප්ඵනෙත්තං, අභුත්තභොගෙ{6} පඨමෙ වයස්මිං ආදාය මච්චු වජතෙ කුමාරිං.
2677. යුවා සුජාතො සුමුඛො සුදස්සනො සාමො කුසුම්භපරිකිණ්ණමස්සු, හිත්වාන කාමෙ පටිගච්ච ගෙහං අනුජාන මං පබ්බජිස්සාමි දෙව.
2678. සාඛාහි රුක්ඛො ලභතෙ සමඤ්ඤං පහිනසාඛං පන ඛාණුමාහු, පහීනපුත්තස්ස මමජ්ජ හොති වාසෙට්ඨි භික්ඛාචරියාය කාලො.
2679. අඝස්මිං කොඤ්චාව යථා හිමච්චයෙ තන්තානි{7} ජාලානි පදාළෙය්ය හංසා, ගච්ඡන්ති පුත්තා ච පතී ච මය්හං සාහං කථං නානුවජෙ පජානං.
2680. එතෙ භුත්වා වමිත්වා ච පක්කමන්ති විහඞ්ගමා, යෙ ච භුත්වා න වමිංසු තෙ මෙ හත්ථත්ථමාගතා.
2681. අවමී බ්රාහ්මණො කාමෙ තෙ ත්වං පච්චාවමිස්සසි, වන්තාදො පුරිසො රාජ න සො හොති පසංසියො.
2682. පඞ්කෙව පොසං පලිපෙ ව්යසන්නං{1} ඛලී යථා දුබ්බලං උද්ධරෙය්ය, එවම්පි මං ත්වං උදතාරි හොති පඤ්චාලි ගාථාහි සුභාසිතාහි.
2683. ඉදං වත්වා මහාරාජා එසුකාරී දිසම්පති, රට්ඨං හිත්වාන පබ්බජි{2} නාගො ඡෙත්වා{3} ව බන්ධනං.
2684. රාජා ච පබ්බජ්ජමරොචයිත්ථ රට්ඨං පහාය නරවිරියසෙට්ඨා, තුවම්පි නො හොහි යථෙව රාජා අම්හෙහි ගුත්තං අනුසාස රජ්ජං.
2685. රාජා ච පබ්බජ්ජමරොචයිත්ථ රට්ඨං පහාය නරවිරියසෙට්ඨො,{4} අහම්පි එකාව චරිස්සාමි ලොකෙ හිත්වාන කාමානි යථොධිකානි.
2686. අච්චෙන්ති කාලා තරයන්ති රත්තියො වයොගුණා අනුපුබ්බං ජහන්ති, අහම්පි එකාව චරිස්සාමි ලෙකෙ හිත්වාන කාමානි මනොරමානි.
2687. අච්චෙන්ති කාලා තරයන්ති රත්තියො වයො ගුණා අනුපුබ්බං ජහන්ති, අහම්පි එකාව චරිස්සාමි ලොකෙ හිත්වාන කාමානි යථොධිකානි.
2688. අච්චෙන්ති කාලා තරයන්ති රත්තියො වයො ගුණා අනුපුබ්බං ජහන්ති, අහම්පි එකාව චරිස්සාමි ලොකෙ සීතීභූතා සබ්බමතීච්ච සඞ්ගන්ති.
හත්ථිපාල ජාතකං.
14. අයොඝරජාතකං.
2689. යමෙකරත්තිං පඨමං ගබ්භෙ වසති මාණවො, අබ්භුට්ඨිතොව සයති සගච්ඡං න නිවත්තති.
2690. න යුජ්ඣමානා න බලෙන වස්සිතා නරා න ජීරන්ති නවාපි මීයරෙ, සබ්බං හි තං ජාතිජරායුපද්දුතං තම්මෙ මතී හොති චරාමි ධම්මං.
2691. චතුරඞ්ගිනිං සෙනං සුභිංසරූපං ජයන්ති රට්ඨාධිපතී පසය්හ, න මච්චුනො ජයිතුං උස්සහන්ති තම්මෙ මතී හොති චරාමි ධම්මං.
2692. හත්ථීහි අස්සෙහි රථෙහි පත්තිහි පරිවාරිතා මුච්චරෙ{1} එකවෙය්යා,{2} න මච්චුනො මුච්චිතුං{3} උස්සහන්ති{4} තම්මෙ මතී හොති චරාමි ධම්මං.
2693. හත්ථීහි අස්සෙහි රථෙහි පත්තිහි සූරා{4} පහඤ්ජන්ති පධංසයන්ති, න මච්චුනො භඤ්ජිතුං උස්සහන්ති තම්මෙ මතී හොති චරාමි ධම්මං.
2694. මත්තා ගජා භින්නගළා පභින්නා නගරානි මද්දන්ති ජනං හනන්ති, න මච්චුනො මද්දිතුං උස්සහන්ති තම්මෙ මතී හොති චරාමි ධම්මං.
2695. ඉස්සාසිනො කතහත්ථාපි ධීරා දූරෙපාතී අක්ඛණවෙධිනොපි, න මච්චුනො විජ්ඣිතුං උස්සහන්ති තම්මෙ මතී හොති චරාමි ධම්මං.
2696. සරානි ඛීයන්ති සසෙලකානනා සබ්බං හි තං{5} ඛීයති දීඝමන්තරං, සබ්බං හි තං භඤ්ජරෙ කාලපරියං තම්මෙ මතී හොති චරාමි ධම්මං.
2697. සබ්බෙසමෙවං හි නරානනාරිනං චලාවලං පාණභුනොධ ජීවිතං, පටොව ධුත්තස්ස දුමොව කූලජො තම්මෙ මතී හොති චරාමි ධම්මං.
2698. දුමප්ඵලානෙව පතන්ති මාණවා දහරා ච වුද්ධා ච සරීරභෙදා, නාරියො නරා මජ්ඣිමපොරිසා ච තම්මෙ මතී හොති චරාමි ධම්මං.
2699. නායං වයො තාරකරාජසන්නිභො යාදබ්භතීතං ගතමෙවදානි තං, ජිණ්ණස්ස හි නත්ථි රතී කුතො සුඛං තම්මෙ මතී හොති චරාමි ධම්මං.
2700. යක්ඛා පිසාචා අථවාපි පෙතා කුපිතාපි{1} තෙ අස්සසන්තී මනුස්සෙ, න මච්චුනො අස්සසිතුස්සහන්ති{2} තම්මෙ මතී හොති චරාමි ධම්මං.
2701. යක්ඛෙ පිසාචෙ අථවාපි පෙතෙ කුපිතෙපි{3} තෙ නිජ්ඣපනං කරොන්ති, න මච්චුනො නිජ්ඣපනං කරොන්ති තම්මෙ මතී හොති චරාමි ධම්මං.
2702. අපරාධකෙ හෙඨකෙ දූසකෙ ච රාජානො දණ්ඩෙන්ති විදිත්වා දොසං, න මච්චුනො දණ්ඩයිතුස්සහන්ති තම්මෙ මතී හොති චරාමි ධම්මං.
2703. අපරාධකා දූසකා හෙඨකා ච ලභන්ති තෙ රාජිනො නිජ්ඣපෙතුං, න මච්චුනො නිජ්ඣපනං කරොන්ති තම්මෙ මතී හොති චරාමි ධම්මං.
2704. න ඛත්තියොති න පි බ්රාහ්මණොති න අඩ්ඪකා බලවා තෙජවාපි, න මච්චුරාජස්ස අපෙඛමත්ථි තම්මෙ මතී හොති චරාමි ධම්මං.
2705. සීහාච ව්යග්ඝාව අථොපි දීපියො පසය්හ ඛාදන්ති විප්ඵන්දමානං, න මච්චුනො ඛාදිතුං උස්සහන්ති තම්මෙ මතී හොති චරාමි ධම්මං.
2706. මායකාරා{1} රඞ්ගමජ්ඣෙ කරොන්තා මොහෙන්ති චක්ඛූනි ජනස්ස තාවදෙ, න මච්චුනො මොහයිතුස්සහන්ති{2} තම්මෙ මතී හොති චරාමි ධම්මං.
2707. ආසීවිසා කුපිතා උග්ගතෙජා ඩසන්ති මාරෙන්තිපි තෙ මනුස්සෙ, න මච්චුනො ඩසිතුං උස්සහන්ති තම්මෙ මතී හොති චරාමි ධම්මං.
2708. ආසීවිසා කුපිතා{3} යං ඩසන්ති{4} තිකිච්ඡකා තෙසං විසං හනන්ති, න මච්චුනො දට්ඨවිසං හනන්ති තම්මෙ මතී හොති චරාමි ධම්මං.
2709. ධම්මනාරි වෙතරණි{5} ච භොජො විසානි හන්ත්වාන භුජඞ්ගමානං, සූයන්ති තෙ කාලකතා{6} තථෙව තම්මෙ මතී හොති චරාමි ධම්මං.
2710. විජ්ජාධරා ඝොරමධීයමානා අදස්සනං ඔසධෙහි වජන්ති, න මච්චුරාජස්ස වජන්තදස්සනං තම්මෙ මතී හොති චරාමි ධම්මං.
2711. ධම්මො හවෙ රක්ඛති ධම්මචාරිං ධම්මො සුචිණ්ණො සුඛමාවහාති, එසානිසංසො ධම්මෙ සුචිණ්ණෙ න දුග්ගතිං ගච්ඡති ධම්මචාරී.
2712. න හි ධම්මො අධම්මො ච උභො සමවිපාකිනො, අධම්මො නිරයං නෙති ධම්මො පාපෙති සුග්ගතින්ති.
14. අයොඝරජාතකං.
වීසතිනිපාතො නිට්ඨිතො.
තස්සුද්දානං:
මාතඞ්ග සම්භූත සිවි සිරිමන්තො{7} රොහණ හංස සන්තිගුබ්බො භල්ලාටිය, සොමනස්ස චම්පෙය්ය බ්රහ්ම පඤ්ච පණ්ඩිත චිරස්සං වත අයොඝරානි.
16. තිංසතිනිපාතො
1. කිංඡන්දජාතකං
2713. කිං ඡන්දො කිමධිප්පායො එකො සම්මසි ඝම්මනි, කිං පත්ථයානො කිං එසං කෙන අත්ථෙන බ්රාහ්මණ.
2714. යථා මහාවාරිධරො කුම්භො සුපරිනාභවා, තථූපමං අම්බපක්කං වණ්ණගන්ධරසුත්තමං.
2715. තං වුය්හමානං සොතෙන දිස්වානාමලමජ්ඣිමෙ, පාණීහි නං ගහෙත්වාන අග්යායතනමාහරිං.
2716. තතො කදලිපත්තෙසු නික්ඛිපිත්වා සයං අභං, සත්ථෙන නං විකප්පෙත්වා ඛුප්පිපාසං අහාසි මෙ.
2717. සොහං අපෙතදරථො ව්යන්තීභූතො දුඛක්ඛමො,{1} අස්සාදං නාධිගච්ඡාමි ඵලෙසවඤ්ඤෙසු කෙසුපි.
2718. සොසෙත්වා{2} නූන මරණං තං මමං ආවහිසස්ති, අම්බං යස්ස ඵලං සාදුං මධුරග්ගං මනොරමං යමුද්ධරිං වුය්හමානං උදධිස්මා මහණ්ණවෙ.
2719. අක්ඛාතං තෙ මයා සබ්බං යස්මා උපවසාමහං, රම්මං පතිනිසින්නොස්මි පුථුලොමායුතා පුථු.
2720. ත්වං ච ඛො මෙ අක්ඛාසි අත්තානමපලායිනී, කා වා ත්වමසි කල්යාණි කිස්ස වා ත්වං සුමජ්ඣිමෙ.
2721. රුප්පපට්ටපළිමට්ඨීව ව්යග්ඝිව ගිරිසානුජා, යා සන්නි නාරියො දෙවෙසු දෙවානං පරිචාරිකා,
2722. යාව මනුස්සලොකස්මිං රූපෙනත්වාගතිත්ථීයො, රූපෙ තෙ සාදිසී නත්ථි දෙවෙසු ගන්ධබ්බමනුස්සලොකෙ,{3} ඵුටඨාසි මෙ චාරුපුබ්බඞ්ගි බ්රූහි අක්ඛාහි මෙ නාමඤ්ච බන්ධවෙ ච.{4}
2723. යං ත්වං පතිනිසින්නොසි රම්මං බ්රාහ්මණ කොසිකිං, සාහං භුසාලයාවුත්ථා වරවාරිවහොඝසා.
2724. නානාදුමගණාකිණ්ණා බහුතා ගිරිකන්දරා, මමෙව පමුඛා හොන්ති අභිසන්දන්ති පාවුසෙ.
2725. අථො බහූ වනා තොදා නීලවාරිවහන්ධරා, බහුකා නාගචිත්තොදා අභිසන්දන්ති වාරිනා.
2726. තා අම්බජම්බුලබුජා නීපා තාලා චුදුම්බරා,{1} බහූනි ඵලජාතානි ආවහන්ති අභිණ්හසො.
2727. යං කිඤ්චි උභතො තීරෙ ඵලං පතති අම්බුනි, අසංසයං තං සොතස්ස ඵලං හොති වසානුගං.
2728. එතදඤ්ඤාය මෙධාවී පුථුපඤ්ඤ සුණොහි මෙ, මා රොචයමභිසඞ්ගං පටිසෙධ ජනාධිප.
2729. න චාහං වද්ධවං මඤ්ඤෙ යං ත්වං රට්ඨාභිවද්ධන, ආචෙය්යමානො රාජිසි මරණං අභිකඞ්ඛසි.
2730. තස්ස ජානන්ති පිතරො ගන්ධබ්බා ච සදෙවකා, යෙ චාපි ඉසයො ලොකෙ සඤ්ඤතත්තා යසස්සිනො{2} අසංසයන්තෙ{3} ජානන්ති වද්ධභූතා යසස්සිනො.
2731. එවං විදිත්වා විදූ සබ්බධම්මං විද්ධංසනං චවනං ජීවිතස්ස, නාචීයති තස්ස නරස්ස පාපං සචෙ න චෙතෙති වධාය තස්ස.
2732. ඉසිපූගසමඤ්ඤාතෙ එවං ලොක්යා විදිතා සති, අනරිය{4} පරිසම්භාසෙ පාපකම්මං ජිගිංසසි.{5}
2733. සචෙ අහං මරිස්සාමි තීරෙ තෙ පුථු සුස්සොණි, අසංසයං අසිලොකො මයි පෙතෙ ආගමිස්සති.
2734. තස්මා හි පාපකං කම්මං රක්ඛස්සෙව{6} සුමජ්ඣිමෙ, මා තං{7} සබ්බො ජනො පච්ඡා පකත්ථාසි මයි මතෙ.
2735. අඤ්ඤාතමෙතං අවිසය්හසාහි අත්තානං අම්බං ච දදාමි තෙ තං, යො දුච්චජෙ කාමගුණෙ පහාය සන්තිඤ්ච ධම්මඤ්ච අධිට්ඨිතොසි.
2736. යො හිත්වා පුබ්බසංයොගං පච්ඡා සංයොජනෙ ඨිතො, අධම්මඤ්චව චරති පාපඤ්චස්ස පවඩ්ඪති.
2737. එහි තං පාපයිස්සාමි කාමං අප්පොස්සුක්කො භව, උපානයාමි සීතස්මිං විහරාහි අනුස්සුකො.
2738. තං පුප්ඵරසමත්තෙහි වක්කඞ්ගෙහි අරින්දම, කොඤ්චා මයූරා දිවියා කොයට්ඨිමධුසාලියා.
2739. කූජිතා හංසපූගෙහි කොකිලෙත්ථ පබොධරෙ, අම්බෙත්ථ විප්පසූනග්ගා පලාලඛලසන්නිභා කොසුම්හසලලා නීපා පක්කතාලවිලම්බීනො.
2740. මාලී තිරීටී කායූරී අඞ්ගදී චන්දනස්සදො, රත්තිං ත්වං පරිචාරෙසි දිවා වෙදෙසි වෙදනං.
2741. සොළසිත්ථිසහස්සානි යා තෙමා පරිචාරිකා, එවං මහානුභාවොසි අබ්භුතො ලොමහංසනො.
2742. කිං කම්මමකරී පුබ්බෙ පාපං අත්තදුඛාවහං, යං කරිත්වා මනුස්සෙසු පිට්ඨිමංසානි ඛාදසි.