ඉමෙ දස ධම්මා අභිඤ්ඤෙය්යා.
කතමෙ දස ධම්මා සච්ඡිකාතබ්බා? දස අසෙක්ඛා ධම්මා: අසෙක්ඛා සම්මාදිට්ඨි, අසෙක්ඛො සම්මාසඞ්කප්පො, අසෙක්ඛා සම්මාවාචා, අසෙක්ඛො සම්මාකම්මන්තො, අසෙක්ඛො සම්මාආජීවො, අසෙක්ඛො සම්මාවායාමො, අසෙක්ඛා සම්මාසති, අසෙක්ඛො සම්මාසමාධි, අසෙක්ඛං සම්මාඤාණං, අසෙක්ඛා සම්මාවිමුත්ති.
ඉමෙ දස ධම්මා සච්ඡිකාතබ්බා.
ඉති ඉමෙ සත ධම්මා භූතා තච්ඡා තථා අවිතථා අනඤ්ඤථා සම්මා තථාගතෙන අභිසම්බුද්ධා’ති.
ඉදමවොචායස්මා සාරිපුත්තො. අත්තමනා තෙ භික්ඛූ ආයස්මතො සාරිපුත්තස්ස භාසිතං අභිනන්දුන්ති.
දසුත්තරසුත්තං නිට්ඨිතං එකාදසමං.
පාථිකවග්ගො{1} නිට්ඨිතො.
තස්සුද්දානං:
පාටිකො ච උදුම්බරං{2} චක්කවත්තී අග්ගඤ්ඤකං සම්පසාදං ච පාසාදං{3} මහාපුරිසලක්ඛණං සිගාලාටානාටියකං{4} සඞ්ගීති ච දසුත්තරං එකාදසහි සුත්තෙහි පාථිකවග්ගො’ති වුච්චති.
නිට්ඨිතො දීඝනිකායො.