4821. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං
4822. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිඋක්කාධාරකො ථෙරො ඉමා ගාථායො අභාසිත්ථාති.
තිඋක්කාධාරකත්ථෙරස්ස අපදානං චතුත්ථං.
455. අක්කමනදායකත්ථෙරාපදානං
4823. කකුසන්ධස්ස මුනිනො බ්රාහ්මණස්ස වුසීමතො, දිවාවිහාරං වජතො අක්කමනමදාසහං.
4824. ඉමස්මිං යෙව කප්පස්මිං යං දානමදදිං තදා, දුග්ගතිං නාභිජානාමි අක්කමනස්සිදං ඵලං.
4825. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.
4826. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4827. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අක්කමනදායකො ථෙරො ඉමා ගාථායො අභාසිත්ථාති.
අක්කමනදායකත්ථෙරස්ස අපදානං පඤ්චමං.
456. වනකොරණ්ඩියත්ථෙරාපදානං
4828. සිද්ධත්ථස්ස භගවතො ලොකජෙට්ඨස්ස තාදිනො, වනකොරණ්ඩමාදාය බුද්ධස්ස අභිරොපයිං.
4829. චතුනවුතෙ ඉතො කප්පෙ යං පුප්ඵමභිරොපයිං, දුග්ගතිං නාභිජානාමි බුද්ධපූජායිදං ඵලං.
4830. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.
4831. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං
4832. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වනකොරණ්ඩියො ථෙරො ඉමා ගාථායො අභාසිත්ථාති.
වනකොරණ්ඩියත්ථෙරස්ස අපදානං ඡට්ඨිං.
වීසතිමං භාණවාරං.
457. එකඡත්තියත්ථෙරාපදානං
4833. අඞ්ගාරජාතා පඨවී{1} කුක්කුලානුගතා මහී, පදුමුත්තරො භගවා අබ්භොකාසම්හි චඞ්කමි.
4834. පණ්ඩරං ඡත්තමාදාය අද්ධාන පටිපජ්ජහං, තත්ථ දිස්වාන සම්බුද්ධං විත්ති මෙ උපපජ්ජථ.
4835. මරීචියොත්ථටා{1} භූමි අඞ්ගාරව මහී අයං, උපවායන්ති{2} මහාවාතා සරීරස්සාසුඛෙපනා.{3}
4836. සීතං උණ්හං විහනන්තං{4} වාතාතපනිවාරණං, පටිගණ්හ ඉමං ඡත්තං ඵස්සයිස්සාමි නිබ්බුතිං.
4837. අනුකම්පකො කාරුණිකො පදුමුත්තරො මහාඉසි,{5} මමසඞ්කප්පමඤ්ඤාය පටිගණ්හි තදා ජිනො.
4838. තිංසකප්පානි දෙවින්දො දෙවරජ්ජමකාරයිං, සතානං පඤ්චක්ඛත්තුඤ්ච චක්කවත්ති අහොසහං.
4839. පදෙසරජ්ජං විපුලං ගණනාතො අසඞ්ඛියං, අනුභොමි සකං කම්මං පුබ්බෙ සුකතමත්තනො.
4840. අයං මෙ පච්ඡිමා ජාති චරිමො වත්තතෙ භවො, අජ්ජාපි සෙතච්ඡත්තං මෙ සබ්බකාලං ධරීයති.
4841. සතසහස්සෙ ඉතො කප්පෙ යං ඡත්තමදදිං තදා, දුග්ගතිං නාභිජානාමි ඡත්තදානස්සිදං ඵලං.
4842. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.
4843. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4844. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකඡත්තියො ථෙරො ඉමා ගාථායො අභාසිත්ථාති.
එකඡත්තියත්ථෙරස්ස අපදානං සත්තමං.
458. ජාතිපුප්ඵියත්ථෙරාපදානං
4845. ජරිනිබ්බුතෙ භගවති පදුමුත්තරෙ මහායසෙ, පුප්ඵවටංසකෙ කත්වා{6} සරීරමභිරොපයිං.
4846. තත්ථ චිත්තං පසාදෙත්වා නිම්මාණං අගමාසහං, දෙවලොකගතො සන්තො පුඤ්ඤකම්මං සරාමහං.
4847. අම්බරා පුප්ඵවස්සො මෙ සබ්බකාලං පවස්සති, සංසරාමි මනුස්සෙ චෙ රාජා හොමි මහායසො.
4848. තහිං කුසුමවස්සො මෙ අභිවස්සති සබ්බදා, තස්සෙව{1} පුප්ඵපූජාය වාහසා සබ්බදස්සිනො
4849. අයං පච්ඡිමකො මය්හං චරිමො වත්තතෙ භවො, අජ්ජාපි පුප්ඵවස්සො මෙ අභිවස්සති සබ්බදා.
4850. සතසහස්සෙ ඉතො කප්පෙ යං පුප්ඵමභිරොපයිං, දුග්ගතිං නාභිජානාමි දෙහපූජායිදං ඵලං.
4851. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.
4852. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4853. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ජාතිපුප්ඵියො{2} ථෙරො ඉමා ගාථායො අභාසිත්ථාති.
ජාතිපුප්ඵියත්ථෙරස්ස අපදානං අට්ඨමං.
459. පටටිපුප්ඵියත්ථෙරාපදානං
4854. නීහරන්තෙ සරීරම්හි වජ්ජමානාසු භෙරිසු, පසන්නචිත්තො සුමනො පට්ටිපුප්ඵමපූජයිං,
4855. සතසහස්සෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි දෙහපූජායිදං ඵලං.
4856. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.
4857. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං
4858. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පටටිපුප්ඵියො ථෙරො ඉමා ගාථායො අභාසිත්ථාති.
පටටිපුප්ඵියත්ථෙරාපදානං නවමං.
460. ගන්ධපූජකත්ථෙරාපදානං
4859. චිතෙසු කයිරමානෙසු{1} නානාගන්ධෙ සමාහටෙ පසන්නචිත්තො සුමනො ගන්ධමුට්ඨිමපූජයිං.
4860. සතසහස්සෙ ඉතො කප්පෙ චිතකං යමපූජයිං, දුග්ගතිං නාභිජානාමි චිතපූජායිදං ඵලං.
4861. කිලෙසා ඣාපිතා මය්හං භවා සබ්බෙ සමූහතා, නාගො’ව බන්ධනං ඡෙත්වා විහරාමි අනාසවො.
4862. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4863. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ගන්ධපූජකො ථෙරො ඉමා ගාථායො අභාසිත්ථාති.
ගන්ධපූජකත්ථෙරස්ස අපදානං දසමං.
උද්දානං:
ජගතී මොරහත්ථී ච ආසනී උක්කධාරකො, අක්කමී වනකොරණ්ඩි ඡත්තදො ජාතිපූජකො. පට්ටිපුප්ඵී ච යො ථෙරො දසමො ගන්ධපූජකො, සත්තසට්ඨි ච ගාථායො ගණිතායො විභාවිහි.
ජගතිදායකවග්ගො ඡචත්තාළීසමො,
47. සාලකුසුමියවග්ගො
461. සාලකුසුමියත්ථෙරාපදානං
4864. පරිනිබ්බුතෙ භගවති ජලජුත්තමනාමකෙ, ආරොපිතම්හි චිතකෙ සාලපුප්ඵමපූජයිං.
4865. සතසහස්සෙ ඉතො කප්පෙ යං පුප්ඵමභිරොපයිං, දුග්ගතිං නාභිජානාමි චිතපූජායිදං{2} ඵලං.
4866. කිලෙසා ඣාපිතා මය්හං භවා සබ්බෙ සමූහතා, සබ්බාසවා පරික්ඛීණා විහරාමි අනාසවො.
4867. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4868. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සාලකුසුමියො ථෙරො ඉමා ගාථායො අභාසිත්ථාති.
සාලකුසුමියත්ථෙරස්ස අපදානං පඨමං.
462. චිතකපූජකත්ථෙරාපදානං
4869. ඣායමානස්ස භගවතො සිඛිනො ලොකබන්ධුනො, අට්ඨචම්පකපුප්ඵානි චිතකං අභිරොපයිං.
4870. එකතිංසෙ ඉතො කප්පෙ යං පුප්ඵමභිරොපයිං, දුග්ගතිං නාභිජානාමි චිතකපූජායිදං ඵලං.
4871. කිලෙසා ඣාපිතා මය්හං භවා සබ්බෙ සමූහතා, නාගො’ව බන්ධනං ඡෙත්වා විහරාමි අනාසවො.
4872. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4873. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං දුතියං.
463. චිතකනිබ්බාපකත්ථෙරාපදානං
4874. දය්හමානෙ සරීරම්හි වෙස්සභුස්ස මහෙසිනො, ගන්ධොදකං ගහෙත්වාන චිතං නිබ්බාපයිං අහං.
4875. එකතිංසෙ ඉතො කප්පෙ චිතං නිබ්බාපයිං අහං, දුග්ගතිං නාභිජානාමි ගන්ධොදකස්සිදං ඵලං.
4876. කිලෙසා ඣාපිතා මය්හං භවා සබ්බෙ සමූහතා, නාගො’ව බන්ධනං ඡෙත්වා විහරාමි අනාසවො.
4877. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4878. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකනිබ්බාපකො ථෙරො ඉමා ගාථායො අභාසිත්ථාති.
චිතකනිබ්බාපකත්ථෙරස්ස අපදානං තතියං.
464. සෙතුදායකත්ථෙරාපදානං
4879. විපස්සිනො භගවතො චඞ්කමන්තස්ස සම්මුඛා, පසන්නචිත්තො සුමනො සෙතුං කාරාපයිං අහං.
4880. එකනවුතෙ ඉතො කප්පෙ යං සෙතුං කාරයිං අහං, දුග්ගතිං නාභිජානාමි සෙතුදානස්සිදං ඵලං.
4881. කිලෙසා ඣාපිතා මය්හං භවා සබ්බෙ සමූහතා, නාගො’ව බන්ධනං ඡෙත්වා විහරාමි අනාසවො.
4882. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.
4883. පටිසම්භිදා චතස්සො ච විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සෙතුදායකත්ථෙරො ඉමා ගාථායො අභාසිත්ථාති.
සෙතුදායකත්ථෙරස්ස අපදානං චතුත්ථං.