Apadāna · Pali BJT

kn-ap-1-41:72.1

4362. පදෙසරජ්ජං විපුලං ගණනාතො අසංඛියං, තස්ස කම්මස්ස නිස්සන්දො{1} පුප්ඵානං පූජනාය ච.{2}

kn-ap-1-41:72.2

4363. සීසං නහාතො ච’යං පොසො පුප්ඵමාකඞ්ඛතෙ යදි, පුඤ්ඤකම්මෙන සංයුත්තො{3} පුරතො පාතුභවිස්සති.

kn-ap-1-41:72.3

4364. යං යං ඉච්ඡති කාමෙහි තං තං පාතුභවිස්සති, සංකප්පං පරිපූරෙත්වා නිබ්බායිස්සතනාසවො.”

kn-ap-1-41:72.4

(අට්ඨාරසමං භාණවාරං.)

kn-ap-1-41:72.5

4365. කිලෙසෙ ඣාපයිත්වාන සම්පජානො පතිස්සතො, එකාසනෙ නිසීදිත්වා අරහත්තමපාපුණිං.

kn-ap-1-41:72.6

4366. චඞ්කමන්තො නිපජ්ජන්තො නිසින්නො උදවා ඨිතො, බුද්ධසෙට්ඨං සරිත්වාන විහරාමි අහං සදා.

kn-ap-1-41:72.7

4367. චීවරෙ පිණ්ඩපාතෙ ච පච්චයෙ සයනාසනෙ, තත්ථ මෙ ඌනතා නත්ථි බුද්ධපූජායිදං ඵලං.

kn-ap-1-41:72.8

4368. සො’දානි පත්තො අමතං සන්තං පදමනුත්තරං, සබ්බාසවෙ පරිඤ්ඤාය විහරාමි අනාසවො.

kn-ap-1-41:72.9

4369. ද්වෙනවුතෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි බුද්ධපූජායිදං ඵලං.

kn-ap-1-41:72.10

4370. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.

kn-ap-1-41:72.11

4371. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.

kn-ap-1-41:72.12

4372. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:72.13

ඉත්ථං සුදං ආයස්මා තිණසූලකඡදනියො ථෙරො ඉමා ගාථායො අභාසිත්ථාති.

kn-ap-1-41:72.14

තිණසූලකඡදනියත්ථෙරස්ස අපදානං තතියං.

kn-ap-1-41:72.15

414. මධුමංසදායකත්ථෙරාපදානං

kn-ap-1-41:72.16

4373. නගරෙ බන්ධුමතියා සූකරිකො අහොසහං, උක්කොටකං රන්ධයිත්වා මධු මංසම්හි ඔකිරිං.

kn-ap-1-41:72.17

4374. සන්නිපාතං අහං ගන්ත්වා එකං පත්තං ගහෙසහං, පූරයිත්වාන තං පත්තං භික්ඛුසඞ්ඝස්ස’දාසහං.

kn-ap-1-41:74.1

4375. යො’ත්ථ ථෙරතරො භික්ඛු නිය්යාදෙසි මමං තදා, ඉමිනා පත්තපූරෙන ලභස්සු විපුලං සුඛං.

kn-ap-1-41:74.2

4376. ද්වෙසම්පත්තියො භුත්වා සුක්කමූලෙන චොදිතො, පච්ඡිමෙ වත්තමානම්හි කිලෙසෙ ඣාපයිස්සති.

kn-ap-1-41:74.3

4377. තත්ථ චිත්තං පසාදෙත්වා තාවතිංසං අගච්ඡහං, තත්ථ භුත්වා පිවිත්වා ච ලභාමි විපුලං සුඛං.

kn-ap-1-41:74.4

4378. මණ්ඩපෙ රුක්ඛමූලෙ වා පුබ්බකම්මං අනුස්සරිං, අන්නපානාභිවස්සො මෙ අභිවස්සති තාවදෙ.

kn-ap-1-41:74.5

4379. ඉදං පච්ඡිමකං මය්හං චරිමො වත්තතෙ භවො, ඉධාපි අන්නපානං මෙ වස්සතෙ සබ්බකාලිකං.

kn-ap-1-41:74.6

4380. තෙනෙව මංසදානෙන{1} සන්ධාවිත්වා භවෙ අහං, සබ්බාසවෙ පරිඤ්ඤාය විහරාමි අනාසවො.

kn-ap-1-41:74.7

4381. එකනවුතෙ ඉතො කප්පෙ යං දානමදදිං තදා, දුග්ගතිං නාභිජානාමි මධුදානස්සිදං ඵලං.

kn-ap-1-41:74.8

4382. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.

kn-ap-1-41:74.9

4383. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.

kn-ap-1-41:74.10

4384. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:74.11

ඉත්ථං සුදං ආයස්මා මධුමංසදායකො ථෙරො ඉමා ගාථායො අභාසිත්ථාති.

kn-ap-1-41:74.12

මධුමංසදායකත්ථෙරස්ස අපදානං චතුත්ථං.

kn-ap-1-41:74.13

415. නාගපල්ලවකත්ථෙරාපදානං{*}

kn-ap-1-41:74.14

4385. නගරෙ බන්ධුමතියා රාජුය්යානෙ වසාමහං, මම අස්සමසාමන්තා නිසීදි ලොකනායකො.

kn-ap-1-41:74.15

4386. නාගපල්ලවමාදාය බුද්ධස්ස අභිරොපයිං, පසන්නචිත්තො සුමනො සුගතං අභිවාදයිං.

kn-ap-1-41:74.16

4387. එකනවුතෙ ඉතො කප්පෙ යං පල්ලවමපූජයිං, දුග්ගතිං නාභිජානාමි බුද්ධපූජායිදං ඵලං.

kn-ap-1-41:76.1

4388. කිලෙසා ඣාපිතා මය්හං භවා සබ්බෙ සමූහතා, නාගො’ව බන්ධනං ඡෙත්වා විහරාමි අනාසවො.

kn-ap-1-41:76.2

4389. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සෙ විජ්ජා අනුප්පත්තා කතං බුද්ධස්ස සාසනං.

kn-ap-1-41:76.3

4390. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:76.4

ඉත්ථං සුදං ආයස්මා නාගපල්ලවකො ථෙරො ඉමා ගාථායො අභාසිත්ථාති.

kn-ap-1-41:76.5

නාගපල්ලවකත්ථෙරස්ස අපදානං පඤ්චමං.

kn-ap-1-41:76.6

416. එකදීපියත්ථෙරාපදානං

kn-ap-1-41:76.7

4391. පරිනිබ්බුතම්හි{1} සුගතෙ සිද්ධත්ථෙ ලොකනායකෙ, සදෙවමානුසා සබ්බෙ පූජෙන්ති දිපදුත්තමං.

kn-ap-1-41:76.8

4392. ආරොපිතෙ ච චිතකෙ සිද්ධත්ථෙ ලොකනායකෙ, යථාසකෙන ථාමෙන චිතං පූජෙන්ති සත්ථුනො.

kn-ap-1-41:76.9

4393. අවිදූරෙ චිතකස්ස දීපමුජ්ජාලයිං අහං, යාව උදෙති සුරියො දීපං මෙ තාව උජ්ජලි.

kn-ap-1-41:76.10

4394. තෙන කම්මෙන සුකතෙන චෙතනාපණිධීහි ච, ජහිත්වා මානුසං දෙහං තාවතිංසමගච්ඡහං.

kn-ap-1-41:76.11

4395. තත්ථ මෙ සුකතං ව්යම්හං එකදීපිති ඤායති, දීපසතසහස්සානි ව්යම්හෙ පජ්ජලරෙ මම.

kn-ap-1-41:76.12

4396. උදයන්තොව සුරියො දෙහො මෙ ජොතතෙ සදා, සබ්බභාහි සරීරස්ස ආලොකො හොති මෙ සදා.

kn-ap-1-41:76.13

4397. තිරොකුඩ්ඩං තිරොසෙලං සසමතිග්ගය්හං පබ්බතං, සමන්තා යොජනසතං පස්සාමි චක්ඛුනා අහං.

kn-ap-1-41:76.14

4398. සත්තසත්තතික්ඛත්තුඤ්ච දෙවලොකෙ රමිං අහං, එකතිංසතික්ඛත්තුඤ්ච දෙවරජ්ජමකාරයිං.

kn-ap-1-41:76.15

4399. අට්ඨිවීසතික්ඛත්තුඤ්ච චක්කවත්තී අහොසහං, පදෙසරජ්ජං විපුලං ගණනාතො අසංඛියං.

kn-ap-1-41:76.16

4400. දෙවලොකා චවිත්වාන නිබ්බත්තිං මාතුකුච්ඡියං, මාතුකුච්ඡිගතස්සාපි අක්ඛි මෙ න නිමීලති.

kn-ap-1-41:76.17

4401. ජාතියා චතුවස්සොහං පබ්බජිං අනගාරියං, අඩ්ඪමාසෙ අසම්පත්තෙ අරහත්තමපාපුණිං.

kn-ap-1-41:78.1

4402. දිබ්බචක්ඛුං විසොධෙසිං භවා සබ්බෙ සමූහතා, සබ්බෙ කිලෙසා සඤ්ඡින්නා එකදීපස්සිදං ඵලං.

kn-ap-1-41:78.2

4403. තිරොකුඩ්ඩං තිරොසෙලං පබ්බතඤ්චාපි කෙවලං, සමතික්කම්ම පස්සාමි එකදීපස්සිදං ඵලං.

kn-ap-1-41:78.3

4404. විසමා මෙ සමා හොන්ති අන්ධකාරො න විප්පති, නාහං පස්සාමි තිමිරං එකදීපස්සිදං ඵලං.

kn-ap-1-41:78.4

4405. චතුනවුතෙ ඉතො කප්පෙ යං දීපමදදිං තදා, දුග්ගතිං නාභිජානාමි දීපදානස්සිදං ඵලං.

kn-ap-1-41:78.5

4406. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.

kn-ap-1-41:78.6

4407. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.

kn-ap-1-41:78.7

4408. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:78.8

ඉත්ථං සුදං ආයස්මා එකදීපියො ථෙරො ඉමා ගාථායො අභාසිත්ථාති.

kn-ap-1-41:78.9

එකදීපියත්ථෙරස්ස අපදානං ඡට්ඨං.

kn-ap-1-41:78.10

417. උච්ඡඞ්ගපුප්ඵියත්ථෙරාපදානං

kn-ap-1-41:78.11

4409. නගරෙ බන්ධුමතියා අහොසිං මාලිකො තදා, උච්ඡඞ්ගං පූරයිත්වාන අගමං අන්තරාපණං.

kn-ap-1-41:78.12

4410. භගවා තම්හි සමයෙ භික්ඛුසඞ්ඝපුරක්ඛතො, මහතා අනුභාවෙන නිය්යාති ලොකනායකො.

kn-ap-1-41:78.13

4411. දිස්වාන ලොකපජ්ජොතං විපස්සිං ලොකතාරණං, පුප්ඵං පග්ගය්හ උච්ඡඞ්ගා බුද්ධසෙට්ඨං අපූජයිං.

kn-ap-1-41:78.14

4412. එකනවුතෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි බුද්ධපූජායිදං ඵලං.

kn-ap-1-41:78.15

4413. කිලෙසා ඣාපිතා මය්හං භවා සබ්බෙ සමූහතා, නාගොව බන්ධනං ඡෙත්වා විහරාමි අනාසවො.

kn-ap-1-41:78.16

4414. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.

kn-ap-1-41:78.17

4415. පටිසම්භිදා චතස්සො විමොක්ඛො පි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:78.18

ඉත්ථං සුදං ආයස්මා උච්ඡඞ්ගපුප්ඵියො ථෙරො ඉමා ගාථායො අභාසිත්ථාති.

kn-ap-1-41:78.19

උච්ඡඞ්ගපුප්ඵියත්ථෙරස්ස අපදානං සත්තමං

kn-ap-1-41:80.1

418. යාගුදායකත්ථෙරාපදානං

kn-ap-1-41:80.2

4416. අතිථිං මෙ ගහෙත්වාන අගච්ඡිං ගාමකං තදා, සම්පුණ්ණනදිකං දිස්වා සඞ්ඝාරාම මුපාගමිං.

kn-ap-1-41:80.3

4417. ආරඤ්ඤකා ධුතධරා ඣායිනො ලූඛචීවරා, විවෙකාභිරතා ධීරා සඞ්ඝරාමෙ වසන්ති තෙ.

kn-ap-1-41:80.4

4418. ගතී තෙසං උපච්ඡින්නා සුවිමුත්තාන තාදිනං, පිණ්ඩාය තෙ න ගච්ඡන්ති ඔරුද්ධනදිතාය හි.

kn-ap-1-41:80.5

4419. පසන්නචිත්තො සුමනො වෙදජාතො කතඤ්ජලී, තණ්ඩුලං මෙ ගහෙත්වාන යාගුදානමදාසහං.

kn-ap-1-41:80.6

4420. පඤ්චන්නං යාගුං දත්වාන පසන්නො සෙහි පාණිහි, සකකම්මාභිරද්ධො’හං තාවතිසංසමගච්ඡහං.

kn-ap-1-41:80.7

4421. මණිමයඤ්ච මෙ ව්යම්හං නිබ්බත්ති තිදසෙ ගණෙ, නාරීගණෙහි සහිතො මොදාමි ව්යම්හමුත්තමෙ.

kn-ap-1-41:80.8

4422. තෙත්තිංසක්ඛත්තුං දෙවින්දො දෙවරජ්ජමකාරයිං, තිංසක්ඛත්තුං චක්කවත්තීමහාරජ්ජමකාරයිං.

kn-ap-1-41:80.9

4423. පදෙසරජ්ජං විපුලං ගණනාතො අසංඛියං, දෙවලොකෙ මනුස්සෙ වා අනුභොත්වා යසං අහං.

kn-ap-1-41:80.10

4424. පච්ඡිමභවෙ සම්පත්තෙ පබ්බජිං අනගාරියං, සහ ඔරොපිතෙ කෙසෙ සබ්බං සම්පටිවිජ්ඣහං.

kn-ap-1-41:80.11

4425. ඛයතො වයතො වා පි සම්මසන්තො කලෙබරං, පුරෙ සික්ඛාපදා දානා අරහත්ත මපාපුණිං.

kn-ap-1-41:80.12

4426. සුදින්නං මෙ දානවරං වාණිජ්ජං සුප්පයොජිතං, තෙනෙව යාගුදානෙන පත්තො’ම්හි අචලං පදං.

kn-ap-1-41:80.13

4427. සොකං පරිද්දවං ව්යාධිං දරථං චිත්තතාපනං, නාභිජානාමි උප්පන්නං යාගුදානස්සිදං ඵලං.

kn-ap-1-41:80.14

4428. යාගුං සඞ්ඝස්ස දත්වාන පුඤ්ඤක්ඛෙත්තෙ අනුත්තරෙ, පඤ්චානිසංසෙ අනුභොමි අහො යාගු සුයිට්ඨතා.

kn-ap-1-41:80.15

4429. අව්යාධිතා රූපවතා ඛිප්පං ධම්මනිසන්තිතා, ලාභිතා අන්නපානස්ස ආයු පඤ්චමකං මම.

kn-ap-1-41:82.1

4430. යො කොචි වෙදං ජනයං සඞ්ඝෙ යාගුං දදෙය්ය සො, ඉමානි පඤ්චඨානානි පතිගණ්හෙය්ය පණ්ඩිතො.{*}

kn-ap-1-41:82.2

4431. තිංස කප්පසහස්සම්හි යං දානමදදිං තදා, දුග්ගතිං නාභිජානාමි යාගුදානස්සිදං ඵලං.

kn-ap-1-41:82.3

4432. කිලෙසා ඣාපිතා මය්හං භවා සබ්බෙ සමූහතා, නාගො ච බන්ධනං ඡෙත්වා විහරාමි අනාසවො.

kn-ap-1-41:82.4

4433. ස්වාගතං වත මෙ ආසි බුද්ධසෙට්ඨස්ස සන්තිකෙ, තිස්සො විජ්ජා අනුප්පත්තා කතං බුද්ධස්ස සාසනං.

kn-ap-1-41:82.5

4434. පටිසම්භිදා චතස්සො විමොක්ඛා පි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.

kn-ap-1-41:82.6

ඉත්ථං සුදං ආයස්මා යාගුදායකො ථෙරො ඉමා ගාථායො අභාසිත්ථාති.

kn-ap-1-41:82.7

යාගුදායකත්ථෙරස්ස අපදානං අට්ඨමං.

kn-ap-1-41:82.8

419. පත්ථොදනදායකත්ථෙපාපදානං

kn-ap-1-41:82.9

4435. වනචාරී පුරෙ ආසිං සතතං වනකම්මිකො, පත්ථොදනං ගහෙත්වාන කම්මන්තං ආගමාසහං.

kn-ap-1-41:82.10

4436. තත්ථද්දසාසිං සම්බුද්ධං සයම්භූං අපරාජිතං, වනා පිණ්ඩාය නික්ඛන්තං දිස්වා චිත්තං පසාදයිං.

kn-ap-1-41:82.11

4437. පරකම්මායනෙ යුත්තො පුඤ්ඤඤ්ච මෙ න විජ්ජති, අයං පත්ථොදනො අත්ථි භොජයිස්සාමිමං{1} මුනිං.

kn-ap-1-41:82.12

4438. පත්ථොදනං ගහෙත්වාන සයම්භුස්ස අදාසහං, මම නිජ්ඣායමානස්ස පරිභුඤ්ජි තදා මුනි.

kn-ap-1-41:82.13

4439. තෙන කම්මෙන සුකතෙන චෙතනාපණිධීහි ච, ජහිත්වා මානුසං දෙහං තාවතිංසං අගච්ඡහං.

kn-ap-1-41:82.14

4440. ඡත්තිංසක්ඛත්තුං දෙවින්දො දෙවෙරජ්ජමකාරයිං, තෙත්තිංසක්ඛත්තුං රාජා ච චක්කවත්තී අහොසහං.

kn-ap-1-41:82.15

4441. පදෙසරජ්ජං විපුලං ගණනාතො අසඞ්ඛියං, සුඛිතො යසවා හොමි පත්ථොදනස්සිදං ඵලං.

kn-ap-1-41:82.16

4442. භවාභවෙ සංසරන්තො ලභාමි අමිතං ධනං, භොගෙ මෙ ඌනතා නත්ථි පත්ථොදනස්සිදං ඵලං.