2348. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සණ්ඨිතො ථෙරො ඉමා ගාථායො අභාසිත්ථාති.
සණ්ඨිතත්ථෙරස්ස අපදානං ඡට්ඨං.
217. තාලවණ්ටදායකත්ථෙරාපදානං
2349. තාලවණ්ටං මයා දින්නං තිස්සස්සා’ දිච්චබන්ධුනො, ගිම්හනිබ්බාපනත්ථාය පරිළාහොපසන්තියා.
2350. සන්නිබ්බාපෙමි රාගග්ගිං දොසග්ගිඤ්ච තදුත්තරිං, නිබ්බාපෙමි ච මොහග්ගිං තාලවණ්ටස්සිදං ඵලං.
2351. කිලෙසා ඣාපිතා මය්හං භවා සබ්බෙ සමූහතා, ධාරෙමි අන්තිමං දෙහං සම්මාසම්බුද්ධසාසනං.
2352. ද්වෙ නවුතෙ ඉතො කප්පෙ යං කම්මමකරිං තදා, දුග්ගතිං නාභිජානාමි බුද්ධපූජායිදං{1} ඵලං.
2353. තොසට්ඨිම්හි ඉතො කප්පෙ මහානාම සනාමකො, සත්තරතනසම්පන්නො චක්කවත්තී මහබ්බලො.
2354. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තාලවණ්ටදායකො ථෙරො ඉමා ගාථායො අභාසිත්ථාති.
තාලවණ්ටදායකත්ථෙරස්ස අපදානං සත්තමං.
218. අක්කන්තසඤ්ඤකත්ථෙරාපදානං.
2355. කුසාටකං ගහෙත්වාන උපජ්ඣායස්ස’හං පුරෙ, මන්තං ච අනුසික්ඛාමි කණ්ඩභෙදස්ස{2} පත්තියා,
2356. අද්දසං විරජං බුද්ධං ආහුතීනං පටිග්ගහං, උසභං පවරං අග්ගං තිස්සං බුද්ධං ගණුත්තමං.
2357. කුසාටක පත්ථරිතං අක්කමන්තං නරුත්තමං, සමුග්ගතං මහාවීරං ලොකජෙට්ඨං නරාසභං.
2358. දිස්වා තං ලොකපජ්ජොතං විමලං චන්දසන්නිභං, අවන්දිං සත්ථුනො පාදෙ විප්පසන්නෙන චෙතසා.
2359. චතුනවුතෙ{3} ඉතො කප්පෙ යං අදාසිං කුසාටකං, දුග්ගතිං නාභිජානාමි කුසාටකස්සිදං ඵලං.
2360. සත්තතිංසෙ ඉතො කප්පෙ එකො ආසිං ජනාධිපො, සුනන්දො නාම නාමෙන චක්කවත්තී මහබ්බලො.
2361. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අක්කන්තසඤ්ඤකො ථෙරො ඉමා ගාථායො අභාසිත්ථාති.
අක්කන්තසඤ්ඤකත්ථෙරස්ස අපදානං අට්ඨමං.
219. සප්පිදායකත්ථෙරාපදානං.
2362. නිසින්නො පාසාදවරෙ නාරීගණපුරක්ඛතො, ව්යාධිතං සමණං දිස්වා අභිනාමෙසහං{1} ඝරං.
2363. උපවිට්ඨං මහාවීරං දෙවදෙවං නරාසභං, සප්පිතෙලං මයා දින්නං සිද්ධත්ථස්ස මහෙසිනො.
2364. පස්සද්ධදරථං දිස්වා විප්පසන්නමුඛින්ද්රියං, වන්දිත්වා සත්ථුනො පාදෙ අනුසංසාවයිං පුරෙ.
2365. දිස්වා මං සුප්පසන්නත්තං{2} ඉද්ධියා පාරමිඞ්ගතො, නභං අබ්භුග්ගමී ධීරො හංසරාජාව අම්බරෙ.
2366. චතුන තෙ ඉතො කප්පෙ යං දානමදදිං තදා, දුග්ගතිං නාභිජානාමි සප්පිතෙලස්සිදං ඵලං.
2367. ඉතො සත්තරසෙ කප්පෙ ජුතිදෙව{3} සනාමකො, සත්තරතනසම්පන්නො චක්කවත්තී මහබ්බලො.
2368. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සප්පිදායකො ථෙරො ඉමා ගාථායො අභාසිත්ථාති.
සප්පිදායකත්ථෙරස්ස අපදානං නවමං.
220. පාපනිවාරියත්ථෙරාපදානං.
2369. පියදස්සිස්ස භගවතො චඞ්කමං සොධිතං මයා, නළකෙහි පටිච්ඡන්නං වාතාතපනිවාරණං.
2370. පාපං විවජ්ජනත්ථාය කුසලස්සුපසම්පදා, කිලෙසානං පහානාය පදහිං සත්ථුසාසනෙ.
2371. ඉතො එකාදසෙ කප්පෙ යං අග්ගිදෙවොති විස්සුතො, සත්තරතනසම්පන්නො චක්කවත්තී මහබ්බලො.
2372. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පාපනිවාරියො ථෙරො ඉමා ගාථායො අභාසිත්ථාති.
පාපනිවාරියත්ථෙරස්ස අපදානං දසමං.
උද්දානං:
හත්ථි පානධි සච්චඤ්ච එකසඤ්ඤී ච රංසියො සණ්ඨිතො තාලවණ්ටී ච{4} තථා අක්කන්තසඤ්ඤකො සප්පි පාපනිචාරී ච චතුපඤ්ඤාස ගාථකාති.
හත්ථිවග්ගො බාවීසතිමො.
23. ආලම්බනදායකවග්ගො
221. ආලම්බනදායකත්ථෙරාපදානං.
2373. අත්ථදස්සිස්ස{1} භගවතො ලොකජෙට්ඨස්ස තාදිනො, ආලම්බනං මයා දින්නං දිපදින්දස්ස තාදිනො.
2374. ධරණිං පටිපජ්ජාමි විපුලං සාගරප්පරං, පාණෙසු ච ඉස්සරියං වත්තෙමි වසුධාය ච.
2375. කිලෙසා ඣාපිතා මය්හං භවා සබ්බෙ සමූහතා, තිස්සො විජ්ජා අනුප්පත්තා කතං බුද්ධස්ස සාසනං.
2376. ඉතො ද්වෙසට්ඨිකප්පම්භි තයො ආසිංසු ඛත්තියා, එකාපස්සිත නාමා තෙ චක්කවත්තී මහබ්බලා.
2377. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආලම්බනදායකො ථෙරො ඉමා ගාථායො අභාසිත්ථාති.
ආලම්බනදායකත්ථෙරස්ස අපදානං පඨමං.
222. අජිනදායකත්ථෙරාපදානං.
2378. එකතිංසෙ{2} ඉතො කප්පෙ ගණසත්ථා අහොසහං, අද්දසං විරජං බුද්ධං ආහුතීනං පටිග්ගහං.
2379. චම්මඛණ්ඩං මයා දින්නං සිඛිනො ලොකබන්ධුනො, තෙන කම්මෙන දිපදින්දෙ{3} ලොකජෙට්ඨෙ නරාසභෙ.
2380. සම්පත්තිං අනුභොත්වාන කිලෙසෙ ඣාපයිං අහං, ධාරෙමි අන්තිමං දෙහං සම්මාසම්බුද්ධසාසනෙ.
2381. එකතිංසෙ ඉතො කප්පෙ අජිනං යමදාස’හං, දුග්ගතිං නාභිජානාමි අජිනස්ස ඉදං ඵලං.
2382. ඉතො පඤ්චමකෙ කප්පෙ රාජා ආසිං සුදායකො, සත්තරතනසම්පන්නො චක්කවත්තී මහබ්බලො.
2383. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අජිනදායකො ථෙරො ඉමා ගාථායො අභාසිත්ථාති.
අජිනදායකත්ථෙරස්ස අපදානං දුතියං.
223. ද්විරතනියත්ථෙරාපදානං{*}
2384. මිගලුද්දො පුරෙ ආසිං අරඤ්ඤෙ කානනෙ අහං, අද්දසං විරජං බුද්ධං ආහුතීනං පටිග්ගහං.
2385. මංසපෙසී මයා දින්නා විපස්සිස්ස මහෙසිනො, සදෙවකස්මිං ලොකස්මිං ඉස්සරං කාරයාමහං.
2386. ඉමිනා මංසදානෙන රතනං නිබ්බත්තතෙ මම, දුවෙ’මෙ රතනා ලොකෙ දිට්ඨධම්මස්ස පත්තියා.
2387. තෙහං සබ්බෙ අනුභොමි මංසදානස්ස සත්තියා, ගත්තඤ්ච මුදුකං මය්හං පඤ්ඤා නිපුණවෙදිනී{1}.
2388. එකනවුතෙ ඉතො{2} කප්පෙ යං මංසමදදිං අහං, දුග්ගතිං නාභිජානාමි මංසදානස්සිදං ඵලං.
2389. ඉතො චතුත්ථකෙ කප්පෙ එකො ආසිං ජනාධිපො, මහාරොහිත නාමො සො චක්කවත්තී මහබ්බලො.
2390. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ද්විරතනියො ථෙරො ඉමා ගාථායො අභාසිත්ථාති.
ද්විරතනියත්ථෙරස්ස අපදානං තතියං.
224. ආරක්ඛදායකත්ථෙරාපදානං
2391. සිද්ධත්ථස්ස භගවතො වෙදි කාරාපිතා{3} මයා, ආරක්ඛො ච මයා දින්නො සුගතස්ස මහෙසිනො.
2392. තෙන කම්මවිසෙසෙන න පස්සෙ{4} භයභෙරවං, කුහිඤ්චි උප්පන්නස්ස තාසො මය්හං න විජ්ජති.
2393. චතුනවුතෙ ඉතො{5} කප්පෙ යං වෙදිං කාරයිං අහං,{6} දුග්ගතිං නාභිජානාමි වෙදිකාය ඉදං ඵලං.
2394. ඉතො ඡට්ටම්භි කප්පම්හි අපස්සෙන සනාමකො, සත්තරතනසම්පන්නො චක්කවත්තී මහබ්බලො.
2395. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආරක්ඛදායකො ථෙරො ඉමා ගාථායො අභාසිත්ථාති.
ආරක්ඛදායකත්ථෙරස්ස අපදානං චතුත්ථං.
225. අව්යාධිකත්ථෙරාපදානං{*}
2396. විපස්සිස්ස භගවතො අග්ගිසාලමදාසහං, ව්යාධිතානඤ්ච ආවාසං උණ්හොදකපටිග්ගහං.
2397. තෙන කම්මෙනයං මය්හං අත්තභාවො සුනිම්මිතො, ව්යාධාහං නාභිජානාමි පුඤ්ඤකම්මස්සිදං ඵලං.
2398. එකනවුතෙ ඉතො කප්පෙ යං සාලමදදිං තදා, දුග්ගතිං නාභිජානාමි අග්ගිසාලායිදං ඵලං.
2399. ඉතො සත්තමකෙ කප්පෙ එකො’සිං අපරාජිතො, සත්තරතනසම්පන්නො චක්කවත්තී මහබ්බලො.
2400. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අව්යාධිකො ථෙරො ඉමා ගාථායො අභාසිත්ථාති.
අව්යාධිකත්ථෙරස්ස අපදානං පඤ්චමං.
226. අඞ්කොලපුප්ඵියත්ථෙරාපදානං
2401. නාරදො ඉති මෙ නාමං කස්සපො ඉති මං විදූ, අද්දසං සමණානග්ගං විපස්සිං දෙවසක්කතං.
2402. අනුබ්යඤ්ජනධරං බුද්ධං ආහුතීනං පටිග්ගහං, අඞ්කොලපුප්ඵං පග්ගය්හ බුද්ධස්ස අභිරොපයිං.
2403. එකනවුතෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි බුද්ධපූජායිදං ඵලං.
2404. චතුසත්තතිතො කප්පෙ රොමසො නාම ඛත්තියො, ආමුත්තමාලාභරණො සයොග්ගබලවාහනො.
2405. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අඞ්කොලපුප්ඵියො ථෙරො ඉමා ගාථායො අභාසිත්ථාති.
අඞ්කොලපුප්ඵියත්ථෙරස්ස අපදානං ඡට්ඨං.
227. සොවණ්ණවටංසකියයත්ථෙරාපදානං{*}
2406. උය්යානභූමිං නිය්යන්තො අද්දසං ලොකනායකං, වටංසකං ගහෙත්වාන සොවණ්ණං සාධුනිම්මිතං.
2407. සීඝං තතො සමොරුය්හ{1} හත්ථික්ඛන්වධගතො අහං, බුද්ධස්ස අභිරොපෙසිං සිඛිනො ලොකබන්ධුනො.
2408. එකතිංසෙ ඉතො කප්පෙ යං පුප්ඵමභිපූජයිං{2}, දුග්ගතිං නාභිජානාමි බුද්ධපූජායිදං{3} ඵලං.
2409. සත්තවීසෙ ඉතො කප්පෙ එකො ආසිං ජනාධිපො, මහාපතාප නාමෙන චක්කවත්තී මහබ්බලො.
2410. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.