2289. පච්ඡිමෙ ච භවෙ අස්මිං ජාතො’හං බ්රාහ්මණෙ කුලෙ, සද්ධිං තීහි සහායෙහි පබ්බජිං සත්ථුසාසනෙ.
පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තරණියො ථෙරො ඉමා ගාථායො අභාසිත්ථාති.
තරණියත්ථෙරස්ස අපදානං චතුත්ථං.
205. නිග්ගුණ්ඩිපුප්ඵියත්ථෙරාපදානං
2290. විපස්සිස්ස භගවතො ආසිමාරාමිකො අහං, නිග්ගුණ්ඩිපුප්ඵං පග්ගය්හ බුද්ධස්ස අභිරොපයිං.
2291. එකනවුතෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි බුද්ධපූජායිදං ඵලං.
2292. පඤ්චතිංසෙ ඉතො කප්පෙ එකො ආසිං ජනාධිපො, මහාපතාපො නාමෙන{1} චක්කවත්තී මහබ්බලො.
2293. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නිග්ගුණ්ඩිපුප්ඵියො ථෙරො ඉමා ගාථායො අභාසිත්ථාති.
නිග්ගුණ්ඩිපුප්ඵියත්ථෙරස්ස අපදානං පඤ්චමං.
206. උදකදායකත්ථෙරාපදානං.
2294. භුඤ්ජන්තං සමණං දිස්වා විප්පසන්නමනාවිලං, ඝටෙනො’දකමාදාය සිද්ධත්ථස්ස අදාසහං.
2295. නිම්මලො හොම’හං අජ්ජ විමලො ඛීණසංසයො, භවෙ නිබ්බත්තමානම්හි ඵලං නිබ්බත්තතෙ සුභං.
2296. චතුනවුතෙ ඉතො කප්පෙ උදකං යං තදා අදං{2}, දුග්ගතිං නාභිජානාමි උදකදානස්සිදං ඵලං.
2297. එකසට්ඨිම්හිතො කප්පෙ එකොව විමලො අහුං, සත්තරතනසම්පන්නො චක්කවත්තී මහබ්බලො.
2298. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදකදායකො ථෙරො ඉමා ගාථායො අභාසිත්ථාති.
උදකදායකත්ථෙරස්ස අපදානං ඡට්ඨං.
207. සලලමාලියත්ථෙරාපදානං
2299. කණිකාරංව ජොතන්තං නිසින්නං පබ්බතන්තරෙ, ඔභාසෙන්තං දිසා සබ්බා සිද්ධත්ථං නරසාරථිං.
2300. ධනුමද්වෙජ්ඣං කත්වාන උසුං සන්නය්හ’හං තදා, පුප්ඵං සවණටං ඡෙත්වාන බුද්ධස්ස අභිරොපයිං.
2301. චතුනවුතෙ ඉතො කප්පෙ යං පුප්ඵමභිපූජයිං{1}, දුග්ගතිං නාභිජානාමි බුද්ධපූජායිදං ඵලං.
2302. එකපඤ්ඤාසි’තො කප්පෙ එකො ආසිං ජුතින්ධරො, සත්තරතනසම්පන්නො චක්කවත්තී මහබ්බලො.
2303. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සල්ලමාලියො ථෙරො ඉමා ගාථායො අභාසිත්ථාති.
සලලමාලියත්ථෙරස්ස අපදානං සත්තමං.
208. කොරණ්ඩපුප්ඵියත්ථෙරාපදානං
2304. අක්කන්තඤ්ච පදං දිස්වා චක්කාලඞ්කාර භූසිතං, පදෙනා’නුපදං යන්තො විපස්සිස්ස මහෙසිනො.
2305. කොරණ්ඩං පුප්ඵිතං දිස්වා සමූලං පූජිතං මයා, හට්ඨො හට්ඨෙන චිත්තෙන අවන්දිං පදමුත්තමං.
2306. එකනවුතෙ ඉතො කප්පෙ යං පුප්ඵමභිපූජයිං, දුග්ගතිං නාභිජානාමි පදපූජායිදං ඵලං.
2307. සත්තපඤ්ඤාසකප්පම්හි එකො වීතමලො අහු, සත්තරතනසම්පන්නො චක්කවත්තී මහබ්බලො.
2308. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කොරණ්ඩපුප්ඵියො ථෙරො ඉමා ගාථායො අභාසිත්ථාති.
කොරණ්ඩපුප්ඵියත්ථෙරස්ස අපදානං අට්ඨමං.
209. ආධාරදායකත්ථෙරාපදානං
2309. ආධාරකං මයා දින්නං සිඛිනො ලොකබන්ධුනො, ධාරෙමි පඨවිං{1} සබ්බං කෙවලං වසුධං ඉමං.
2310. කිලෙසා ඣාපිතා මය්හං භවා සබ්බෙ සමූහතා, ධාරෙමි අන්තිමං දෙහං සම්මාසම්බුද්ධසාසනෙ.
2311. සත්තවීසෙ ඉතො කප්පෙ අහෙසුං චතුරො ජනා, සමත්තචරණා{2} නාම චක්කවත්තී මහබ්බලා.
2312. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආධාරදායකො ථෙරො ඉමා ගාථායො අභාසිත්ථාති.
ආධාරදායකත්ථෙරස්ස අපදානං නවමං.
210. වාතාතපනිවාරියත්ථෙරාපදානං{*}
2313. තිස්සස්ස තු භගවතො දෙවදෙවස්ස තාදිනො, එකච්ඡත්තං මයා දින්නං විප්පසන්නෙන චෙතසා.
2314. නිවුතං හොතී මෙ පාපං කුසලස්සු’පසම්පදා, ආකාසෙ ඡත්තං ධාරෙන්ති පුබ්බකම්මස්සිදං ඵලං.
2315. චරිමං වත්තතෙ මය්හං භවා සබ්බෙ සමූහතා, ධාරෙමි අන්තිමං දෙහං සම්මාසම්බුද්ධසාසනෙ.
2316. ද්වෙනවුතෙ ඉතො කප්පෙ යං ඡත්තමදදිං තදා, දුග්ගතිං නාභිජානාමි ඡත්තදානස්සිදං ඵලං.
2317. ද්වෙසත්තතිම්හිතො කප්පෙ අට්ඨාසිංසු ජනාධිපා, මහානිදානනාමෙන රාජානො චක්කවත්තිනො.
2318. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වාතාතපනිවාරියො{*} ථෙරො ඉමා ගාථායො අභාසිත්ථාති.
වාතාපනිවාරියත්ථෙරස්ස අපදානං දසමං.
උද්දානං:
කණිකාරො මිනෙලඤ්ච කිඞ්කිණී තරණෙන ච නිග්ගුණ්ඩිපුප්ඵි දකදො සලලො ච කුරණ්ඩකො ආධාරකොතපවාරී{3} අට්ඨතාළීස ගාථකා.
කණිකාරපුප්ඵියවග්ගො එකවීසතිමො.
22. හත්ථිවග්ගො
211. හත්ථිදායකත්ථෙරාපදානං.
2319. සිද්ධත්ථස්ස භගවතො දිපදින්දස්ස{1} තාදිනො, නාගසෙට්ඨො මයා දින්නො ඊසාදන්තො උරූළ්හවා.
2320. උත්තමත්ථං අනුභොමි සන්තිපදමනුත්තරං, අග්ගදානං{2} මයා දින්නං සබ්බලොකහිතෙසිනො.
2321. චතුනවුතෙ ඉතො කප්පෙ යං නාගමදදිං{3} තදා, දුග්ගතිං නාභිජානාමි නාගදානස්සිදං ඵලං.
2322. අට්ඨසත්තතිකප්පම්භි සොළසා’සිංසු ඛත්තියා, සමන්තපාසාදිකා නාම චක්කවත්තී මහබ්බලා.
2323. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා හත්ථිදායකො ථෙරො ඉමා ගාථායො අභාසිත්ථාති.
හත්ථිදායකත්ථෙරස්ස අපදානං පඨමං.
212. පානධිදායකත්ථෙරාපදානං
2324. ආරඤ්ඤකස්ස{4} ඉසිනො චිරරත්තතපස්සිනො, වුද්ධස්ස{5} භාවිතත්තස්ස අදාසිං පානධිං අහං.
2325. තෙන කම්මෙන දිපදින්ද ලොකජෙට්ඨ නරාසභ, සබ්බං යානං{6} අනුභොමි පුබ්බකම්මස්සිදං ඵලං.
2326. චතුනවුතෙ{7} ඉතො කප්පෙ යං කම්මමකරිං තදා, දුග්ගතිං නාභිජානාමි පානධිස්ස ඉදං ඵලං.
2327. සත්තසත්තති’තො කප්පෙ අට්ඨ ආසිංසු ඛත්තියා, සුයානා නාම නාමෙන චක්කවත්තී මහබ්බලා.
2328. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පානධිදායකො ථෙරො ඉමා ගාථායො අභාසිත්ථාති.
පානධිදායකත්ථෙරස්ස අපදානං දුතියං.
213. සච්චසඤ්ඤකත්ථෙරාපදානං
2329. වෙස්සභූ තම්හි සමයෙ භික්ඛුසඞ්ඝපුරක්ඛතො, දෙසෙති අරියසච්චානි නිබ්බාපෙන්තො මහාජනං.
2330. පරමකාරුඤ්ඤපත්තොම්භි සමිතිං අගමාසහං, සොහං නිසින්නකො සන්තො ධම්මස්සොසිං සත්ථුනො.
2331. තස්සාහං ධම්මං සුත්වාන දෙවලොකමගච්ඡහං, තිංසකප්පානි දෙවෙසු අවසිං තත්ථහං පුරෙ.
2332. එකතිංසෙ{1} ඉතො කප්පෙ යං සඤ්ඤමලභිං තදා, දුග්ගතිං නාභිජානාමි සච්චසඤ්ඤායිදං ඵලං.
2333. ඡබ්බීසම්හි ඉතො කප්පෙ එකො ආසිං ජනාධිපො, එකඵුසිතනාමෙන චක්කවත්තී මහබ්බලො.
2334. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සච්චසඤ්ඤකො ථෙරො ඉමා ගාථායො අභාසිත්ථාති.
සච්චසඤ්ඤකත්ථෙරස්ස අපදානං තතියං.
214. එකසඤ්ඤකත්ථෙරාපදානං.
2335. දුමග්ගෙ පංසුකූලිකං ලග්ගං දිස්වාන සත්ථුනො, අඤ්ජලිං පග්ගහෙත්වාන පංසුකූලං අවන්දිහං{2}.
2336. එකතිංසෙ ඉතො කප්පෙ යං සඤ්ඤමලභිං තදා, දුග්ගතිං නාභිජානාමි බුද්ධපූජායිදං ඵලං.
2337. පඤ්චවීසෙ ඉතො කප්පෙ එකො ආසිං ජනාධිපො, අමිතාභොති නාමෙන චක්කවත්තී මහබ්බලො.
2338. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකසඤ්ඤකො ථෙරො ඉමා ගාථායො අභාසිත්ථාති.
එකසඤ්ඤකත්ථෙරස්ස අපදානං චතුත්ථං.
215. රංසිසඤ්ඤකත්ථෙරාපදානං.
2339. උදෙන්තං සතරංසිංව සිතරංසිංව{1} භානුමං, ව්යග්ඝූසභංව පවරං සුජාතං පබ්බතන්තරෙ.
2340. බුද්ධස්ස ආනුභාවො සො ජලතෙ පබ්බතන්තරෙ, රංසෙ චිත්තං පසාදෙත්වා කප්පං සග්ගම්හි මොදහං.
2341. අවසෙසෙසු කප්පෙසු කුසලං සුකතං{2} මයා, තෙන චිත්තප්පසාදෙන බුද්ධානුස්සතියා පි ච.
2342. තිංසකප්පසහස්සෙතො යං සඤ්ඤමලභිං තදා, දුග්ගතිං නාභිජානාමි බුද්ධසඤ්ඤායිදං{3} ඵලං.
2343. සත්තපඤ්ඤාසකප්පම්හි එකො ආසිං ජනාධිපො, සුජාතො නාම නාමෙන චක්කවත්ති මහබ්බලො.
2344. පටිසම්භිදා චතස්සො විමොක්ඛාපි ච අට්ඨිමෙ, ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා රංසිසඤ්ඤකො ථෙරො ඉමා ගාථායො අභාසිත්ථාති.
රංසිසඤ්ඤකත්ථෙරස්ස අපදානං පඤ්චමං.
216. සණ්ඨිතත්ථෙරාපදානං.
2345. අස්සත්ථෙ හරිතොභාසෙ සංවිරූළ්හම්හි පාදපෙ, එකං බුද්ධගතං සඤ්ඤං අලභිස්ස{4} පතිස්සතො.
2346. එකතිංසෙ{5} ඉතො කප්පෙ යං සඤ්ඤමලභිං තදා, තස්සා සඤ්ඤාය වාහසා පත්තො මෙ ආසවක්ඛයො.
2347. ඉතො තෙරසකප්පම්හි ධනිට්ඨො නාම ඛත්තියො, සත්තරතනසම්පන්නො චක්කවත්තී මහබ්බලො.