Aṅguttara Nikāya · Pali BJT

an-4-5:428.4

සප්පුරිසවග්ගො පඨමො.{*}

2. පරිසසොභනවග්ගො

4. 5. 2. 1.

[පරිසසොභනසුත්තං]

[සාවත්ථිනිදානං]

11. චත්තාරො’මෙ භික්ඛවෙ පරිසදූසනා. කතමෙ චත්තාරො?

an-4-5:430.6

භික්ඛු භික්ඛවෙ දුස්සීලො පාපධම්මො පරිසදූසනො. භික්ඛුනී භික්ඛවෙ දුස්සීලා පාපධම්මා පරිසදූසනා. උපාසකො භික්ඛවෙ දුස්සීලො පාපධම්මො පරිසදූසනො. උපාසිකා භික්ඛවෙ දුස්සීලා පාපධම්මා පරිසදූසනා. ඉමෙ ඛො භික්ඛවෙ චත්තාරො පරිසදුසනාති.

an-4-5:430.7

චත්තාරොමෙ භික්ඛවෙ පරිසසොභනා. කතමෙ චත්තාරො?

an-4-5:430.8

භික්ඛූ භික්ඛවෙ සීලවා කල්යාණධම්මො පරිසසොභනො. භික්ඛුනී භික්ඛවෙ සීලවතී කල්යාණධම්මා පරිසසොභනා. උපාසකො භික්ඛවෙ සීලවා කල්යාණධම්මො පරිසසොභනො උපාසිකා භික්ඛවෙ සීලවතී කල්යාණධම්මා පරිසසොභනා. ඉමෙ ඛො භික්ඛවෙ චත්තාරො පරිසසොභනාති.

an-4-5:430.9

4. 5. 2. 2.

an-4-5:430.10

[පඨම නිරය සග්ගනික්ඛිත්තසුත්තං]

an-4-5:430.11

12. චතූහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං නිරයෙ. කතමෙහි චතූහි?

an-4-5:430.12

කායදුච්චරිතෙන, වචීදුච්චරිතෙන, මනොදුච්චරිතෙන, මිච්ඡාදිට්ඨියා. ඉමෙහි ඛො භික්ඛවෙ චතුහි ධම්මෙහි සමන්නාගතො යථාභතං නික්ඛිත්තො එවං නිරයෙති.

an-4-5:430.13

චතූහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං සග්ගෙ. කතමෙහි චතූහි?

an-4-5:430.14

කායසුචරිතෙන, වචීසුචරිතෙන, මනොසුචරිතෙන, සම්මාදිට්ඨියා, ඉමෙහි ඛො භික්ඛවෙ චතූහි ධම්මෙහි සමන්නාගතො යථාභතං නික්ඛිත්තො එවං සග්ගෙති.

an-4-5:432.1

4. 5. 2. 3.

an-4-5:432.2

[දුතිය නිරය-සග්ග නික්ඛිත්තසුත්තං]

an-4-5:432.3

13. චතුහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං නිරයෙ. කතමෙහි චතූහි?

an-4-5:432.4

කායදුච්චරිතෙන, වචීදුච්චරිතෙන, මනොදුච්චරිතෙන, අකතඤ්ඤුතා අකතවෙදිතා. ඉමෙහි ඛො භික්ඛවෙ චතුහි ධම්මෙහි සමන්නාගතො යථාභතං නික්ඛිත්තො එවං නිරයෙති.

an-4-5:432.5

චතූහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං සග්ගෙ. කතමෙහි චතූහි?

an-4-5:432.6

කායසුචරිතෙන, වචීසුචරිතෙන, මනොසුචරිතෙන, කතඤ්ඤුතා කතවෙදිතා. ඉමෙහි ඛො භික්ඛවෙ චතුහි ධම්මෙහි සමන්නාගතො යථාභතං නික්ඛිත්තො එවං සග්ගෙති.

an-4-5:432.7

4. 5. 2. 4.

an-4-5:432.8

[තතිය නිරය-සග්ග නික්ඛිත්ත සුත්තං]

an-4-5:432.9

14. [චතුහි භික්ඛවෙ ධම්මෙහි සමන්නාගතො -පෙ-]

an-4-5:432.10

පාණාතිපාතී හොති. අදින්නාදායී හොති. කාමෙසු මිච්ඡාචාරී හොති. මුසාවාදී හොති. -පෙ- [යථාභතං නික්ඛිත්තො එවං නිරයෙති.]

an-4-5:432.11

[චතුහි භික්ඛවෙ ධම්මෙහි සමන්නාගතො -පෙ-]

an-4-5:432.12

පාණාතිපාතා පටිවිරතො හොති. අදින්නාදානා පටිවිරතො හොති. කාමෙසු මිච්ඡාචාරා පටිවිරතො හොති. මුසාවාදා පටිවිරතො හොති -පෙ- [යථාභතං නික්ඛිත්තො එවං සග්ගෙති.]

an-4-5:432.13

4. 5. 2. 5.

an-4-5:432.14

[චතුත්ථ නිරය-සග්ග නික්ඛිත්ත සුත්තං]

an-4-5:432.15

15. [චතුහි භික්ඛවෙ ධම්මෙහි සමන්නාගතො -පෙ-]

an-4-5:432.16

මිච්ඡාදිට්ඨිකො හොති. මිච්ඡාසඞ්කප්පො හොති. මිච්ඡාවාචො හොති. මිච්ඡාකම්මන්තො හොති -පෙ- [යථාභතං නික්ඛිත්තො එවං නිරයෙති.]

an-4-5:432.17

[චතුහි භික්ඛවෙ ධම්මෙහි සමන්නාගතො -පෙ-]

an-4-5:432.18

සම්මාදිට්ඨිකො හොති. සම්මාසඞ්කප්පො හොති. සම්මාවාචො හොති. සම්මාකම්මන්තො හොති. -පෙ- [යථාභතං නික්ඛිත්තො එවං සග්ගෙති.]

an-4-5:434.1

4. 5. 2. 6.

an-4-5:434.2

[පඤ්චම නිරය - සග්ග නික්ඛිත්ත සුත්තං]

an-4-5:434.3

16. [චතුහි භික්ඛවෙ ධම්මෙහි සමන්නාගතො -පෙ-]

an-4-5:434.4

මිච්ඡාආජීවො හොති. මිච්ඡාවායාමො හොති. මිච්ඡාසති හොති. මිච්ඡාසමාධි හොති. -පෙ- [යථාභතං නික්ඛිත්තො එවං නිරයෙති.]

an-4-5:434.5

[චතූහි භික්ඛවෙ ධම්මෙහි සමන්නාගතො -පෙ-]

an-4-5:434.6

සම්මාආජීවො හොති. සම්මාවායාමො හොති. සම්මාසතී හොති. සම්මාසමාධී හොති -පෙ- [යථාභතං නික්ඛිත්තො එවං සග්ගෙති.]

an-4-5:434.7

4. 5. 2. 7.

an-4-5:434.8

[ඡට්ඨම නිරය - සග්ග නික්ඛිත්ත සුත්තං]

an-4-5:434.9

17. [චතුහි භික්ඛවෙ ධම්මෙහි සමන්නාගතො -පෙ-]

an-4-5:434.10

අදිට්ඨෙ දිට්ඨවාදී හොති. අසුතෙ සුතවාදී හොති. අමුතෙ මුතවාදී හොති. අවිඤ්ඤාතෙ විඤ්ඤාතවාදී හොති -පෙ- [යථාභතං නික්ඛිත්තො එවං නිරයෙති.]

an-4-5:434.11

[චතූහි භික්ඛවෙ ධම්මෙහි සමන්නාගතො -පෙ-]

an-4-5:434.12

අදිට්ඨෙ අදිට්ඨවාදී හොති. අසුතෙ අසුතවාදී හොති. අමුතෙ අමුතවාදී හොති. අවිඤ්ඤාතෙ අවිඤ්ඤාතවාදී හොති -පෙ- [යථාභතං නික්ඛිත්තො එවං සග්ගොති.]

an-4-5:434.13

4. 5. 2. 8.

an-4-5:434.14

[සත්තම නිරය - සග්ග නික්ඛි ත්ත සුත්තං]

an-4-5:434.15

18. [චතුහි භික්ඛවෙ ධම්මෙහි සමන්නාගතො -පෙ-]

an-4-5:434.16

දිට්ඨෙ අදිට්ඨවාදී හොති. සුතෙ අසුතවාදී හොති. මුතෙ අමුතවාදී හොති. විඤ්ඤාතෙ අවිඤ්ඤාතවාදී හොති -පෙ- [යථාභතං නික්ඛිත්තො එවං නිරයෙති.]

an-4-5:434.17

[චතුහි භික්ඛවෙ ධම්මෙහි සමන්නාගතො -පෙ-]

an-4-5:434.18

දිට්ඨෙ දිට්ඨවාදී හොති. සුතෙ සුතවාදී හොති. මුතෙ මුතවාදී හොති. විඤ්ඤාතෙ විඤ්ඤාතවාදී හොති -පෙ- [යථාභතං නික්ඛිත්තො එවං සග්ගෙති.]

an-4-5:436.1

4. 5. 2. 9.

an-4-5:436.2

[අට්ඨම නිරය-සග්ග නික්ඛිත්ත සුත්තං]

an-4-5:436.3

19. [චතුහි භික්ඛවෙ ධම්මෙහි සමන්නාගතො -පෙ-]

an-4-5:436.4

අස්සද්ධො හොති. දුස්සීලො හොති. අහිරිකො හොති. අනොත්තප්පී හොති -පෙ- [යථාභතං නික්ඛිත්තො එවං නිරයෙති.]

an-4-5:436.5

[චතූහි භික්ඛවෙ ධම්මෙහි සමන්නාගතො -පෙ-]

an-4-5:436.6

සද්ධො හොති. සීලවා හොති. හිරිමා හොති. ඔත්තප්පී හොති -පෙ- [යථාභතං නික්ඛිත්තො එවං සග්ගෙති.]

an-4-5:436.7

4. 5. 2. 10.

an-4-5:436.8

[නවම නිරය-සග්ග නික්ඛිත්ත සුත්තං]

an-4-5:436.9

20. චතූහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං නිරයෙ. කතමෙහි චතූහි?

an-4-5:436.10

අස්සද්ධො හොති. දුස්සීලො හොති. කුසීතො හොති. දුප්පඤ්ඤො හොති. ඉමෙහි ඛො භික්ඛවෙ චතුහි ධම්මෙහි සමන්නාගතො යථාභතං නික්ඛිත්තො එවං නිරයෙති.

an-4-5:436.11

චතුහි භික්ඛවෙ ධම්මෙහි සමන්නාගතො යථාභතං නික්ඛිත්තො එවං සග්ගෙ. කතමෙහි චතූහි?

an-4-5:436.12

සද්ධො හොති. සීලවා හොති. ආරද්ධවිරියො හොති. පඤ්ඤවා හොති. ඉමෙහි ඛො භික්ඛවෙ චතූහි ධම්මෙහි සමන්නාගතො යථාභතං නික්ඛිත්තො එවං සග්ගෙති.

an-4-5:436.13

පරිසසොභනවග්ගො දුතියො.{*}

3. සුචරිතවග්ගො

4. 5. 3. 1.

[වචීසුචරිතසුත්තං]

[සාවත්ථිනිදානං]

21. චත්තාරිමානි භික්ඛවෙ වචීදුච්චරිතානි. කතමානි චත්තාරි?

an-4-5:438.6

මුසාවාදො, පිසුණාවාචා, ඵරුසාවාචා, සම්ඵප්පලාපො. ඉමානි ඛො භික්ඛවෙ චත්තාරි වචීදුච්චරිතානි.

an-4-5:438.7

චත්තාරිමානි භික්ඛවෙ වචීසුචරිතානි. කතමානි චත්තාරි?

an-4-5:438.8

සච්චවාචා, අපිසුණාවාචා, සණ්හවාචා, මත්තාභස්සං. ඉමානි ඛො භික්ඛවෙ චත්තාරි වචීසුචරිතානි.

an-4-5:438.9

4. 5. 3. 2.

an-4-5:438.10

[පඨම බාල-පණ්ඩිතසුත්තං]

an-4-5:438.11

22. චතුහි භික්ඛවෙ ධම්මෙහි සමන්නාගතො බාලො අබ්යත්තො, අසප්පුරිසො ඛතං උපහතං අත්තානං පරිහරති. සාවජ්ජො ච හොති සානුවජ්ජො විඤ්ඤූනං. බහුඤ්ච අපුඤ්ඤං පසවති. කතමෙහි චතූහි?

an-4-5:438.12

කායදුච්චරිතෙන, වචීදුච්චරිතෙන, මනොදුච්චරිතෙන, මිච්ඡාදිට්ඨියා. ඉමෙහි ඛො භික්ඛවෙ චතූහි ධම්මෙහි සමන්නාගතො බාලො අබ්යත්තො අසප්පුරිසො ඛතං උපහතං අත්තානං පරිහරති. සාවජ්ජො ච හොති සානුවජ්ජො විඤ්ඤූනං. බහුඤ්ච අපුඤ්ඤං පසවති.

an-4-5:438.13

චතුහි භික්ඛවෙ ධම්මෙහි සමන්නාගතො පණ්ඩිතො බ්යත්තො සප්පුරිසො අක්ඛතං අනුපහතං අත්තානං පරිහරති. අනවජ්ජො ච හොති. අනනුවජ්ජො විඤ්ඤූනං. බහුඤ්ච පුඤ්ඤං පසවති. කතමෙහි චතුහි?

an-4-5:438.14

කායසුචරිතෙන, වචීසුචරිතෙන, මනොසුචරිතෙන, සම්මාදිට්ඨියා. ඉමෙහි ඛො භික්ඛවෙ චතුහි ධම්මෙහි සමන්නාගතො පණ්ඩිතො බ්යත්තො සප්පුරිසො අක්ඛතං අනුපහතං අත්තානං පරිහරති. අනවජ්ජො ච හොති අනනුවජ්ජො විඤ්ඤූනං. බහුඤ්ච පුඤ්ඤං පසවතීති.

an-4-5:440.1

4. 5. 3. 3.

an-4-5:440.2

[දුතිය බාල - පණ්ඩිත සුත්තං]

an-4-5:440.3

23. චතුහි භික්ඛවෙ ධම්මෙහි සමන්නාගතො බාලො අබ්යත්තො අසප්පුරිසො ඛතං උපහතං අත්තානං පරිහරති, සාවජ්ජො ච හොති සානුවජ්ජො විඤ්ඤූනං. බහුඤ්ච අපුඤ්ඤං පසවති. කතමෙහි චතූහි?

an-4-5:440.4

කායදුච්චරිතෙන, වචීදුච්චරිතෙන, මනොදුච්චරිතෙන, අකතඤ්ඤුතා අකතවෙදිතාය. [ඉමෙහි -පෙ- අසප්පුරිසො -පෙ- බහුඤ්ච අපුඤ්ඤං පසවති.]

an-4-5:440.5

[චතුහි භික්ඛවෙ ධම්මෙහි සමන්නාගතො -පෙ- සප්පුරිසො -පෙ-]

an-4-5:440.6

කායසුචරිතෙන, වචීසුචරිතෙන, මනොසුචරිතෙන, කතඤ්ඤුතා කතවෙදිතාය. [ඉමෙහි -පෙ- බහුඤ්ච පුඤ්ඤං පසවතී ති.]

an-4-5:440.7

4. 5. 3. 4.

an-4-5:440.8

[තතිය බාල .. පණ්ඩිත සුත්තං]

an-4-5:440.9

24. [චතුහි භික්ඛවෙ ධම්මෙහි සමන්නාගතො -පෙ- අසප්පුරිසො -පෙ-]

an-4-5:440.10

පාණාතිපාතී හොති. අදින්නාදායී හොති. කාමෙසු මිච්ඡාචාරී හොති. මුසාවාදී හොති. [ඉමෙහි -පෙ- බහුඤ්ච අපුඤ්ඤං පසවති.]

an-4-5:440.11

[චතුහි භික්ඛවෙ ධම්මෙහි සමන්නාගතො -පෙ- සප්පුරිසො -පෙ-]

an-4-5:440.12

පාණාතිපාතා පටිවිරතො හොති. අදින්නාදානා පටිවිරතො හොති. කාමෙසු මිච්ඡාචාරා පටිවිරතො හොති. මුසාවාදා පටිවිරතො හොති. [ඉමෙහි -පෙ- බහුඤ්ච පුඤ්ඤං පසවතීති.]

an-4-5:440.13

4. 5. 3. 5.

an-4-5:440.14

[චතුත්ථ බාල - පණ්ඩිත සුත්තං]

an-4-5:440.15

25. [චතුහි භික්ඛවෙ ධම්මෙහි සමන්නාගතො -පෙ- අසප්පුරිසො -පෙ-]

an-4-5:440.16

මිච්ඡාදිට්ඨිකො හොති. මිච්ඡාසඞ්කප්පො හොති. මිච්ඡාවාචො හොති. මිච්ඡාකම්මන්තො හොති. [ඉමෙහි -පෙ- බහුඤ්ච අපුඤ්ඤං පසවති.]

an-4-5:440.17

[චතුහි භික්ඛවෙ ධම්මෙහි සමන්නාගතො -පෙ- සප්පුරිසො -පෙ-]

an-4-5:440.18

සම්මාදිට්ඨිකො හොති. සම්මාසඞ්කප්පො හොති. සම්මාවාචො හොති. සම්මාකම්මන්තො හොති. [ඉමෙහි -පෙ- බහුඤ්ච පුඤ්ඤං පසවතීති.]

an-4-5:442.1

4. 5. 3. 6.

an-4-5:442.2

[පඤ්චම බාල - පණ්ඩිත සුත්තං]

an-4-5:442.3

26. [චතුහි භික්ඛවෙ ධම්මෙහි සමන්නාගතො -පෙ- අසප්පුරිසො -පෙ-]

an-4-5:442.4

මිච්ඡාආජීවො හොති. මිච්ඡාවායාමො හොති. මිච්ඡාසතී හොති. මිච්ඡාසමාධි හොති. [ඉමෙහි -පෙ- බහුඤ්ච අපුඤ්ඤං පසවති.]