10. 3. 3. 7.
සත්තම සුත්තං
දස ඉමෙ භික්ඛවෙ ධම්මා භාවිතා බහුලීකතා මහප්ඵලා හොන්ති මහානිසංසා නාඤ්ඤත්ර සුගතවිනයා. කතමෙ දස: සම්මාදිට්ඨි -පෙ- සම්මාවිමුත්ති. ඉමෙ ඛො භික්ඛවෙ දසධම්මා භාවිතා බහුලීකතා මහප්ඵලා හොන්ති මහානිසංසා, නාඤ්ඤත්ර සුගතවිනයාති.
10. 3. 3. 8.
අට්ඨම සුත්තං
දස ඉමෙ භික්ඛවෙ ධම්මා භාවිතා බහුලීකතා රාගවිනයපරියොසානා හොන්ති, දොසවිනයපරියොසානා හොන්ති, මොහවිනයපරියොසානා හොන්ති, නාඤ්ඤත්ර සුගතවිනයා කතමෙ දස: සම්මාදිට්ඨි -පෙ- සම්මාවිමුත්ති. ඉමෙ ඛො භික්ඛවෙ දසධම්මා භාවිතා බහුලීකතා රාගවිනයපරියොසානා හොන්ති, දොසවිනයපරියොසානා හොන්ති, මොහවිනයරියොසානා හොන්ති, නාඤ්ඤත්ර සුගතවිනයාති.
10. 3. 3. 9.
නවම සුත්තං
දස ඉමෙ භික්ඛවෙ ධම්මා භාවිතා ධම්මා බහුලීකතා එකන්තනිබ්බිදාය විරාගාය නිරොධාය උපසමාය අභිඤ්ඤාය සම්බොධාය නිබ්බානාය සංවත්තන්ති, නාඤ්ඤත්ර සුගතවිනයා. කතමෙ දස: සම්මාදිට්ඨි -පෙ- සම්මාවිමුත්ති. ඉමෙ ඛො භික්ඛවෙ දසධම්මා භාවිතා බහුලීකතා එකන්තනිබ්බිදාය විරාගාය නිරොධාය උපසමාය අභිඤ්ඤාය සම්බොධාය නිබ්බානාය සංවත්තන්ති, නාඤ්ඤත්ර සුගතවිනයාති.
10. 3. 3. 10.
දසම සුත්තං
දස ඉමෙ භික්ඛවෙ මිච්ඡත්තා. කතමෙ දස: මිච්ඡාදිට්ඨි මිච්ඡාසඞ්කප්පො මිච්ඡාවාචා මිච්ඡාකම්මන්තො මිච්ඡාආජීවො මිච්ඡාවායාමො මිච්ඡාසති මිච්ඡාසමාධි මිච්ඡාඤාණං මිච්ඡාවිමුත්ති. ඉමෙ ඛො භික්ඛවෙ දස මිච්ඡත්තාති.
10. 3. 3. 11.
එකාදසම සුත්තං
දස ඉමෙ භික්ඛවෙ සම්මත්තා. කතමෙ දස: සම්මාදිට්ඨි සම්මා සඞ්කප්පො සම්මාවාචා සම්මාකම්මන්තො සම්මාආජීවො සම්මාවායාමො සම්මාසති සම්මාසමාධි සම්මාඤාණං සම්මාවිමුත්ති. ඉමෙ ඛො භික්ඛවෙ දස සම්මත්තාති.
පරිසුද්ධවග්ගො තතියො.
4. සාධුවග්ගො
10. 3. 4. 1.
සාධු සුත්තං
සාධුඤ්ච වො භික්ඛවෙ දෙසිස්සාමි, අසාධුඤ්ච. තං සුණාථ සාධුකං මනසිකරොථ භාසිස්සාමීති. එවම්භන්තෙති ඛො තෙ භික්ඛු භගවතො පච්චස්සොසුං. භගවා එතදවොච:
කතමඤ්ච භික්ඛවෙ ආසාධුං{1}: මිච්ඡාදිට්ඨි මිච්ඡාසඞ්කප්පො මිච්ඡාවාචා මිච්ඡාකම්මන්තො මිච්ඡාආජීවො මිච්ඡාවායාමො මිච්ඡාසති මිච්ඡාසමාධි මිච්ඡාඤාණං විච්ඡාවිමුත්ති. ඉදං වුච්චති භික්ඛවෙ අසාධුං{1}.
කතමඤ්ච භික්ඛවෙ සාධුං{1}: සම්මාදිට්ඨි සම්මාසඞ්කප්පො සම්මාවාචා සම්මාකම්මන්තො සම්මාආජීවො සම්මාවායාමො සම්මාසති සම්මාසමාධි සම්මාඤාණං සම්මාවිමුත්ති. ඉදං වුච්චති භික්ඛවෙ සාධුන්ති.
10. 3. 4. 2.
අරියධම්ම සුත්තං
අරියධම්මඤ්ච වො භික්ඛවෙ දෙසිස්සාමි{2} අනරියධම්මඤ්ච. තං සුණාථ සාධුකං මනසිකරොථ -පෙ- කතමො ච භික්ඛවෙ අනරියො ධම්මො. මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අනරියො ධම්මො. කතමො ච භික්ඛවෙ අරියො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අරියො ධම්මොති.
10. 3. 4. 3.
කුසල සුත්තං
කුසලඤ්ච{3} වො භික්ඛවෙ දෙසිස්සාමි{2} අකුසලඤ්ච{4}. තං සුණාථ -පෙ- කතමඤ්ච භික්ඛවෙ අකුසලං: මිච්ඡාදිට්ඨි -පෙ- මිච්ඡාවිමුත්ති. ඉදං වුච්චති භික්ඛවෙ අකුසලං. කතමඤ්ච භික්ඛවෙ කුසලං: සම්මාදිට්ඨි -පෙ- සම්මාවිමුත්ති. ඉදං වුච්චති භික්ඛවෙ කුසලන්ති.
10. 3. 4. 4.
අත්ථ සුත්තං
අත්ථඤ්ච වො භික්ඛවෙ දෙසිස්සාමි අනත්ථඤ්ච. තං සුණාථ -පෙ- කතමො ච භික්ඛවෙ අනත්ථො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අනත්ථො. කතමො ච භික්ඛවෙ අත්ථො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අත්ථොති.
10. 3. 4. 5.
ධම්ම සුත්තං
ධම්මඤ්ච වො භික්ඛවෙ දෙසිස්සාමි, අධම්මඤ්ච. තං සුණාථ -පෙ- කතමො ච භික්ඛවෙ අධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අධම්මො. කතමො ච භික්ඛවෙ ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ ධම්මොති.
10. 3. 4. 6.
සාසව සුත්තං
සාසවඤ්ච වො භික්ඛවෙ ධම්මං දෙසිස්සාමි, අනාසවඤ්ච. තං සුණාථ -පෙ- කතමො ච භික්ඛවෙ සාසවො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ සාසවො ධම්මො. කතමො ච භික්ඛවෙ අනාසවො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අනාසවො ධම්මොති.
10. 3. 4. 7.
සාවජ්ජ සුත්තං
සාවජ්ජඤ්ච ඛො භික්ඛවෙ ධම්මං දෙසිස්සාමි, අනවජ්ජඤ්ච. තං සුණාථ -පෙ- කතමො ච භික්ඛවෙ සාවජ්ජො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ සාවජ්ජො ධම්මො. කතමො ච භික්ඛවෙ අනවජ්ජො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අනවජ්ජො ධම්මොති.
10. 3. 4. 8.
තපනීය සුත්තං
තපනීයඤ්ච වො භික්ඛවෙ ධම්මං දෙසිස්සාමි, අතපනීයඤ්ච. තං සුණාථ -පෙ- කතමො ච භික්ඛවෙ තපනීයො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ කතමො ච තපනීයො ධම්මො. කතමො ච භික්ඛවෙ අතපනීයො ධම්මො: සම්මා දිට්ඨි -පෙ- සම්මාවිමුත්ති. අයං වුච්චති භික්ඛවෙ අතපනීයො ධම්මොති.
10. 3. 4. 9.
ආචයගාමී සුත්තං
ආචයගාමිඤ්ච වො භික්ඛවෙ දෙසිස්සාමි, අපචයගාමිඤ්ච. තං සුණාථ -පෙ- කතමො ච භික්ඛවෙ ආචයගාමී ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ ආචයගාමී ධම්මො. කතමො ච භික්ඛවෙ අපචයගාමී ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අපචයගාමී ධම්මොති.
10. 3. 4. 10.
දුක්ඛුද්රය සුත්තං
දුක්ඛුද්රයඤ්ච වො භික්ඛවෙ ධම්මං දෙසිස්සාමි, සුඛුද්රයඤ්ච. තං සුණාථ -පෙ- කතමො ච භික්ඛවෙ දුක්ඛුද්රයො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ දුක්ඛුද්රයො ධම්මො. කතමො ච භික්ඛවෙ සුඛුද්රයො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ සුඛුද්රයො ධම්මොති.
10. 3. 4. 11.
දුක්ඛවිපාක සුත්තං
දුක්ඛවිපාකඤ්ච වො භික්ඛවෙ ධම්මං දෙසිස්සාමි, සුඛවිපාකඤ්ච, තං සුණාථ -පෙ- කතමො ච භික්ඛවෙ දුක්ඛවිපාකො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ දුක්ඛවිපාකො ධම්මො. කතමො ච භික්ඛවෙ සුඛ විපාකො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ සුඛවිපාකො ධම්මොති.
සාධුවග්ගො චතුත්ථො.
5. අරියවග්ගො
10. 3. 5. 1.
අරියමග්ග සුත්තං
අරියමග්ගඤ්ච වො භික්ඛවෙ{1} දෙසිස්සාමි, අනරියමග්ගඤ්ච. තං සුණාථ -පෙ- කතමො ච භික්ඛවෙ අනරියමග්ගො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අනරියො මග්ගො. කතමො ච භික්ඛවෙ අරියො මග්ගො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අරියො මග්ගොති.
10. 3. 5. 2.
සුක්කමග්ග සුත්තං
සුක්කමග්ගඤ්ච{2} වො භික්ඛවෙ{1} දෙසිස්සාමි කණ්හමග්ගඤ්ච{3}. කතමො ච භික්ඛවෙ කණ්හමග්ගො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ කණ්හමග්ගො. කතමො ච භික්ඛවෙ සුක්කමග්ගො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ සුක්කමග්ගොති.
10. 3. 5. 3.
සද්ධම්ම සුත්තං
සද්ධම්මඤ්ච වො භික්ඛවෙ දෙසිස්සාමි, අසද්ධම්මඤ්ච. තං සුණාථ -පෙ- කතමො ච භික්ඛවෙ අසද්ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අසද්ධම්මො. කතමො ච භික්ඛවෙ සද්ධම්මො: සම්මාදිට්ඨි -පෙ- අයං වුච්චති භික්ඛවෙ සද්ධම්මොති.
10. 3. 5. 4.
සප්පුරිසධම්ම සුත්තං
සප්පුරිසධම්මඤ්ච වො භික්ඛවෙ දෙසිස්සාමි, අසප්පුරිසධම්මඤ්ච. තං සුණාථ -පෙ- කතමො ච භික්ඛවෙ අසප්පුරිසධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ අසප්පුරිසධම්මොති. කතමො ච භික්ඛවෙ සප්පුරිසධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ සප්පුරිසධම්මොති.
10. 3. 5. 5.
උප්පාදෙතබ්බ සුත්තං
උප්පාදෙතබ්බඤ්ච වො භික්ඛවෙ ධම්මං දෙසිස්සාමි, න උප්පාදෙතබ්බඤ්ච. තං සුණාථ -පෙ- කතමො ච භික්ඛවෙ න උප්පාදෙතබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ න උප්පාදෙතබ්බො ධම්මො. කතමො ච භික්ඛවෙ උප්පාදෙතබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ උප්පාදෙතබ්බොධම්මොති.
10. 3. 5. 6.
ආසෙවිතබ්බ සුත්තං
ආසෙවිතබ්බඤ්ච වො භික්ඛවෙ ධම්මං දෙසිස්සාමි, න සෙවිතබ්බඤ්ච. තං සුණාථ -පෙ- කතමො ච භික්ඛවෙ න සෙවිතබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ න සෙවිතබ්බො ධම්මො. කතමො ච භික්ඛවෙ ආසෙවිතබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ ආසෙවිතබ්බො ධම්මොති.
10. 3. 5. 7.
භාවෙතබ්බ සුත්තං
භාවෙතබ්බඤ්ච වො භික්ඛවෙ ධම්මං දෙසිස්සාමි, න භාවෙතබ්බඤ්ච. තං සුණාථ -පෙ- කතමො ච භික්ඛවෙ න භාවෙතබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ න භාවෙතබ්බො ධම්මො. කතමො ච භික්ඛවෙ භාවෙතබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ භාවෙතබ්බො ධම්මොති.
10. 3. 5. 8.
බහුලීකත්තබ්බ සුත්තං
බහුලීකත්තබ්බඤ්ච{1} වො භික්ඛවෙ ධම්මං දෙසිස්සාමි, න බහුලීකත්තබ්බඤ්ච{1}. තං සුණාථ -පෙ- කතමො ච භික්ඛවෙ න බහුලීකත්තබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ න බහුලීකත්තබ්බො ධම්මො. කතමො ච භික්ඛවෙ බහුලීකත්තබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ බහුලීකත්තබ්බො ධම්මොති.
10. 3. 5. 9.
අනුස්සරිතබ්බ සුත්තං
අනුස්සරිතබ්බඤ්ච වො භික්ඛවෙ ධම්මං දෙසිස්සාමි, නානුස්සරිතබ්බඤ්ච. තං සුණාථ -පෙ- කතමො ච භික්ඛවෙ නානුස්සරිතබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ නානුස්සරිතබ්බො ධම්මො. කතමො ච භික්ඛවෙ අනුස්සරිතබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ අනුස්සරිතබ්බො ධම්මොති.
10. 3. 5. 10.
සච්ඡිකාතබ්බ සුත්තං
සච්ඡිකාතබ්බඤ්ච වො භික්ඛවෙ ධම්මං දෙසිස්සාමි, න සච්ඡිකාතබ්බඤ්ච. තං සුණාථ -පෙ- කතමො ච භික්ඛවෙ න සච්ඡිකාතබ්බො ධම්මො: මිච්ඡාදිට්ඨි -පෙ- මිච්ඡාවිමුත්ති. අයං වුච්චති භික්ඛවෙ න සච්ඡිකාතබ්බො ධම්මො. කතමො ච භික්ඛවෙ සච්ඡිකාතබ්බො ධම්මො: සම්මාදිට්ඨි -පෙ- සම්මාවිමුත්ති. අයං වුච්චති භික්ඛවෙ සච්ඡිකාතබ්බො ධම්මොති.
අරියවග්ගො පඤ්චමො.
තතියො පණ්ණාසකො.
4. චතුත්ථ පණ්ණාසකො
1. පුග්ගලවග්ගො
10. 4. 1. 1.
සෙවිතබ්බ සුත්තං
දසහි භික්ඛවෙ ධම්මෙහි සමන්නාගතො පුග්ගලො න සෙවිතබ්බො. කතමෙහි දසහි: මිච්ඡාදිට්ඨිකො හොති, මිච්ඡාසඞ්කප්පො හොති, මිච්ඡාවාචො හොති, මිච්ඡාකම්මන්තො හොති, මිච්ඡාආජීවො හොති, මිච්ඡාවායාමො හොති, මිච්ඡාසති හොති, මිච්ඡාසමාධි හොති, මිච්ඡාඤාණී හොති, මිච්ඡාවිමුත්ති හොති. ඉමෙහි ඛො භික්ඛවෙ දසහි ධම්මෙහි සමන්නාගතො පුග්ගලො න සෙවිතබ්බො.
දසහි භික්ඛවෙ ධම්මෙහි සමන්නාගතො පුග්ගලො සෙවිතබ්බො, කතමෙහි දසහි: සම්මාදිට්ඨිකො හොති, සම්මාසඞ්කප්පො හොති, සම්මාවාචො හොති, සම්මාකම්මන්තො හොති, සම්මාආජීවො හොති, සම්මාවායාමො හොති, සම්මාසති හොති, සම්මාසමාධි හොති, සම්මාඤාණී හොති, සම්මාවිමුත්ති හොති. ඉමෙහි ඛො භික්ඛවෙ දසහි ධම්මෙහි සමන්නාගතො පුග්ගලො සෙවිතබ්බොති.
10. 4. 1. 2-12.
භජිතබ්බාදි සුත්තානි
2. දසහි භික්ඛවෙ සමන්නාගතො පුග්ගලො න භජිතබ්බො -පෙ- භජිතබ්බොති.
3.න පයිරුපාසිතබ්බො -පෙ- පයිරුපාසිතබ්බොති.
4. න පුජ්ජො හොති -පෙ- පුජ්ජො හොතීති.
5. න පාසංසො හොති -පෙ- පාසංසො හොතීති.
6. අගාරවො හොති -පෙ- සගාරවො හොතීති.
7. අප්පතිස්සො{1} හොති -පෙ- සප්පතිස්සො{2} හොතීති.