සුඤ්ඤාගාරෙ අභිරතීති පඨමෙන ඣානෙන සුඤ්ඤාගාරෙ අභිරති, දුතියෙන ඣානෙන සුඤ්ඤාගාරෙ අභිරති, තතියෙන ඣානෙන සුඤ්ඤාගාරෙ අභිරති, චතුත්ථෙන ඣානෙන සුඤ්ඤාගාරෙ අභිරති.
<hr/>
1. තීහාකාරෙහි පඨමං ඣානං සමාපජ්ජින්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති මුසා භණිස්සන්ති, භණන්තස්ස හොති මුසා භණාමීති, භණිතස්ස හොති මුසා මයා භණිතන්ති.
2. චතූහාකාරෙහි පඨමං ඣානං සමාපජ්ජින්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති මුසා භණිස්සන්ති, භණන්තස්ස හොති මුසා භණාමීති, භණිතස්ස හොති මුසා මයා භණිතන්ති, විනිධාය දිට්ඨිං.
3. පඤ්චහාකාරෙහි පඨමං ඣානං සමාපජ්ජින්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති මුසා භණිස්සන්ති, භණන්තස්ස හොති මුසා භණාමීති, භණිතස්ස හොති මුසා මයා භණිතන්ති, විනිධාය දිට්ඨිං, විනිධාය ඛන්තිං.
4. ඡහාකාරෙහි පඨමං ඣානං සමාපජ්ජින්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති මුසා භණිස්සන්ති, භණන්තස්ස හොති මුසා භණාමීති, භණිතස්ස හොති මුසා මයා භණිතන්ති, විනිධාය දිට්ඨිං, විනිධාය ඛන්තිං, විනිධාය රුචිං.
5. සත්තහාකාරෙහි පඨමං ඣානං සමාපජ්ජින්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිතන්ති,” විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
6. තීහාකාරෙහි පඨමං ඣානං සමාපජ්ජාමීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
7. චතූහාකාරෙහි පඨමං ඣානං සමාපජ්ජාමීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං.
8. පඤ්චහාකාරෙහි පඨමං ඣානං සමාපජ්ජාමීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං.
9. ඡහාකාරෙහි පඨමං ඣානං සමාපජ්ජාමීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං.
10. සත්තහාකාරෙහි පඨමං ඣානං සමාපජ්ජාමීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
11. තීහාකාරෙහි පඨමං ඣානං සමාපන්නොති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
12. චතූහාකාරෙහි පඨමං ඣානං සමාපන්නොති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං.
13. පඤ්චහාකාරෙහි පඨමං ඣානං සමාපන්නොති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං.
14. ඡහාකාරෙහි පඨමං ඣානං සමාපන්නොති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං.
15. සත්තහාකාරෙහි පඨමං ඣානං සමාපන්නොති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
16. තීහාකාරෙහි පඨමස්ස ඣානස්ස ලාභී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
17. චතූහාකාරෙහි පඨමස්ස ඣානස්ස ලාභී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං.
18. පඤ්චහාකාරෙහි පඨමස්ස ඣානස්ස ලාභීම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති , භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං.
19. ඡහාකාරෙහි පඨමස්ස ඣානස්ස ලාභී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං.
20. සත්තහාකාරෙහි පඨමස්ස ඣානස්ස ලාභී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
21. තීහාකාරෙහි පඨමස්ස ඣානස්ස වසී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
22. චතූහාකාරෙහි පඨමස්ස ඣානස්ස වසී’ම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං.
23. පඤ්චහාකාරෙහි පඨමස්ස ඣානස්ස වසීම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං.
24. ඡහාකාරෙහි පඨමස්ස ඣානස්ස වසීම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං.
25. සත්තහාකාරෙහි පඨමස්ස ඣානස්ස වසීම්හීති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
26. තීහාකාරෙහි “පඨමං ඣානං සච්ඡිකතං මයා”ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
27. චතූහාකාරෙහි “පඨමං ඣානං සච්ඡිකතං මයා”ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං.
28. පඤ්චහාකාරෙහි “පඨමං ඣානං සච්ඡිකතං මයා”ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං.
29. ඡහාකාරෙහි “පඨමං ඣානං සච්ඡිකතං මයා”ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං.
30. සත්තහාකාරෙහි “පඨමං ඣානං සච්ඡිකතං මයා”ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
(යථා ඉදං පඨමං ඣානං විත්ථාරිතං එවං සබ්බං විත්ථාරෙතබ්බං.)
31. තීහාකාරෙහි - දුතියං ඣානං -පෙ- තතියං ඣානං -පෙ- චතුත්ථං ඣානං -පෙ- සමාපජ්ජිං -පෙ- සමාපජ්ජාමි -පෙ- සමාපන්නො -පෙ- චතුත්ථස්ස ඣානස්ස ලාභීම්හි -පෙ- වසීම්හි -පෙ- චතුත්ථං ඣානං සච්ඡිකතං මයාති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, -පෙ- විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
32. තීහාකාරෙහි - සුඤ්ඤතං විමොක්ඛං -පෙ- අනිමිත්තං විමොක්ඛං -පෙ- අප්පණිහිතං විමොක්ඛං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- අප්පණිහිතස්ස විමොක්ඛස්ස ලාභීම්හි -පෙ- වසීම්හි -පෙ- ‘අප්පණිහිතො විමොක්ඛො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-{1}
33. තීහාකාරෙහි - සුඤ්ඤතං සමාධිං -පෙ- අනිමිත්තං සමාධිං -පෙ- අප්පණිහිතං සමාධිං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- අප්පණිහිතස්ස සමාධිස්ස ලාභීම්හි -පෙ- වසීම්හි -පෙ- ‘අප්පණිහිතො සමාධි සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
34. තීහාකාරෙහි - සුඤ්ඤතං සමාපත්තිං -පෙ- අනිමිත්තං සමාපත්තිං -පෙ- අප්පණිහිතං සමාපත්තිං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- අප්පණිහිතාය සමාපත්තියා ලාභීම්හි -පෙ- වසීම්හි -පෙ- ‘අප්පණිහිතා සමාපත්ති සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
35. තීහාකාරෙහි - තිස්සො විජ්ජා සමාපජ්ජිං, -පෙ- සමාපජ්ජාමි -පෙ- සමාපන්නො -පෙ- තිස්සන්නං විජ්ජානං ලාභීම්හි -පෙ- වසීම්හි -පෙ- ‘තිස්සො විජ්ජා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
36. තීහාකාරෙහි - චත්තාරො සතිපට්ඨානෙ -පෙ- චත්තාරො සම්මප්පධානෙ -පෙ- චත්තාරො ඉද්ධිපාදෙ සමාපජ්ජිං -පෙ- සමාපජ්ජාමි -පෙ- සමාපන්නො -පෙ- චතුන්නං ඉද්ධිපාදානං ලාභීම්හි -පෙ- වසීම්හි -පෙ- ‘චත්තාරො ඉද්ධිපාදා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
37. තීහාකාරෙහි - පඤ්චින්ද්රියානි -පෙ- පඤ්ච බලානි -පෙ- සමාපජ්ජිං සමාපජ්ජාමි -පෙ- සමාපන්නො -පෙ- පඤ්චන්නං බලානං ලාභීම්හි -පෙ- වසීම්හි -පෙ- ‘පඤ්ච බලානි සච්ඡිකතානි මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
38. තීහාකාරෙහි - සත්ත බොජ්ඣඞ්ගෙ සමාපජ්ජිං -පෙ- සමාපජ්ජාමි -පෙ- සමාපන්නො -පෙ- සත්තන්නං බොජ්ඣඞ්ගානං ලාභීම්හි -පෙ- වසීම්හි -පෙ- ‘සත්ත බොජ්ඣඞ්ගා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
39. තීහාකාරෙහි - අරියං අට්ඨඞ්ගිකං මග්ගං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- අරියස්ස අට්ඨඞ්ගිකස්ස මග්ගස්ස ලාභීම්හි -පෙ- වසීම්හි -පෙ- ‘අරියො අට්ඨඞ්ගිකො මග්ගො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
40. තීහාකාරෙහි - සොතාපත්තිඵලං -පෙ- සකදාගාමිඵලං -පෙ- අනාගාමිඵලං -පෙ- අරහත්තං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- අරහත්තස්ස ලාභීම්හි -පෙ- වසීම්හි -පෙ- ‘අරහත්තං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
41. තීහාකාරෙහි - ‘රාගො මෙ චත්තො, වන්තො, මුත්තො, පහීනො, පටිනිස්සට්ඨො, උක්ඛෙටිතො, සමුක්ඛෙටිතො’ති සම්පජානමුසා භණන්තස්ස ආපත්ති පාරාජිකස්ස -පෙ-
42. තීහාකාරෙහි - දොසො මෙ චත්තො, වන්තො, මුත්තො, පහීනො, පටිනිස්සට්ඨො, උක්ඛෙටිතො, සමුක්ඛෙටිතො’ති සම්පජානමුසා භණන්තස්ස ආපත්ති පාරාජිකස්ස -පෙ-
43. තීහාකාරෙහි - මොහො මෙ චත්තො, වන්තො, මුත්තො, පහීනො පටිනිස්සට්ඨො, උක්ඛෙටිතො, සමුක්ඛෙටිතො’ති සම්පජානමුසා භණන්තස්ස ආපත්ති පාරාජිකස්ස -පෙ-
44. තීහාකාරෙහි - රාගා මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස -පෙ-
45. තීහාකාරෙහි - දොසා මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස -පෙ-
46. තීහාකාරෙහි - මොහා මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති: “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති.
47. චතූහාකාරෙහි -පෙ- පඤ්චහාකාරෙහි -පෙ- ඡහාකාරෙහි -පෙ- සත්තහාකාරෙහි මොහා මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
සුද්ධිකං නිට්ඨිතං.
1. තීහාකාරෙහි - පඨමඤ්ච ඣානං දුතියඤ්ච ඣානං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- පඨමස්ස ච ඣානස්ස දුතියස්ස ච ඣානස්ස ලාභීම්හි -පෙ- වසී’ම්හි -පෙ- ‘පඨමඤ්ච ඣානං දුතියඤ්ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
2. තීහාකාරෙහි - පඨමං ච ඣානං තතියං ච ඣානං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- පඨමස්ස ච ඣානස්ස තතියස්ස ච ඣානස්ස ලාභී’ම්හි -පෙ- වසීම්හි -පෙ- ‘පඨමඤ්ච ඣානං තතියඤ්ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
3. තීහාකාරෙහි - පඨමඤ්ච ඣානං චතුත්ථඤ්ච ඣානං සමාපජ්ජිං -පෙ- සමාපජ්ජාමි -පෙ- සමාපන්නො -පෙ- පඨමස්ස ච ඣානස්ස චතුත්ථස්ස ච ඣානස්ස ලාභීම්හි -පෙ- වසී’ම්හි -පෙ- ‘පඨමඤ්ච ඣානං චතුත්ථඤ්ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
4. තීහාකාරෙහි - පඨමඤ්ච ඣානං සුඤ්ඤතඤ්ච විමොක්ඛං, පඨමඤ්ච ඣානං අනිමිත්තඤ්ච විමොක්ඛං, පඨමඤ්ච ඣානං අප්පණිහිතඤ්ච විමොක්ඛං සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස අප්පණිහිතස්ස ච විමොක්ඛස්ස ලාභීම්හි, වසීම්හි, පඨමඤ්ච ඣානං අප්පණිහිතො ච විමොක්ඛො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
5. තීහාකාරෙහි - පඨමඤ්ච ඣානං සුඤ්ඤතඤ්ච සමාධිං, පඨමඤ්ච ඣානං අනිමිත්තඤ්ච සමාධිං, පඨමඤ්ච ඣානං අප්පණිහිතඤ්ච සමාධිං සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස අප්පණිහිතස්ස ච සමාධිස්ස ලාභීම්හි, වසීම්හි, ‘පඨමඤ්ච ඣානං අප්පණිහිතො ච සමාධි සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
6. තීහාකාරෙහි - පඨමඤ්ච ඣානං සුඤ්ඤතඤ්ච සමාපත්තිං, පඨමඤ්ච ඣානං අනිමිත්තඤ්ච සමාපත්තිං, පඨමඤ්ච ඣානං අප්පණිහිතඤ්ච සමාපත්තිං, සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස අප්පණිහිතාය ච සමාපත්තියා ලාභීම්හි, වසීම්හි, ‘පඨමං ච ඣානං අප්පණිහිතා ච සමාපත්ති සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
7. තීහාකාරෙහි - පඨමං ච ඣානං තිස්සො ච විජ්ජා සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස තිස්සන්නං ච විජ්ජානං ලාභීම්හි, වසීම්හි, ‘පඨමං ච ඣානං තිස්සො ච විජ්ජා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
8. තීහාකාරෙහි - පඨමං ච ඣානං චත්තාරො ච සතිපට්ඨානෙ, පඨමං ච ඣානං චත්තාරො ච සම්මප්පධානෙ, පඨමං ච ඣානං චත්තාරො ච ඉද්ධිපාදෙ සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස චතුන්නඤ්ච ඉද්ධිපාදානං ලාභීම්හි, වසීම්හි, ‘පඨමං ච ඣානං චත්තාරො ච ඉද්ධිපාදා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
9. තීහාකාරෙහි - පඨමං ච ඣානං පඤ්ච ච ඉන්ද්රියානි, පඨමං ච ඣානං පඤ්ච ච බලානි සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස පඤ්චන්නං ච බලානං ලාභීම්හි, වසීම්හි, ‘පඨමං ච ඣානං පඤ්ච ච බලානි සච්ඡිකතානි මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
10. තීහාකාරෙහි - පඨමං ච ඣානං සත්ත ච බොජ්ඣඞ්ගෙ සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස සත්තන්නඤ්ච බොජ්ඣඞ්ගානං ලාභීම්හි, වසීම්හි, ‘පඨමං ච ඣානං සත්ත ච බොජ්ඣඞ්ගා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
11. තීහාකාරෙහි - පඨමං ච ඣානං අරියං ච අට්ඨඞ්ගිකං මග්ගං සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස අරියස්ස ච අට්ඨඞ්ගිකස්ස මග්ගස්ස ලාභීම්හි, වසීම්හි, ‘පඨමං ච ඣානං අරියො ච අට්ඨඞ්ගිකො මග්ගො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
12. තීහාකාරෙහි - පඨමං ච ඣානං සොතාපත්තිඵලං ච, පඨමං ච ඣානං සකදාගාමිඵලං ච, පඨමං ච ඣානං අනාගාමිඵලං ච, පඨමං ච ඣානං අරහත්තං ච සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස අරහත්තස්ස ච ලාභීම්හි, වසීම්හි, ‘පඨමං ච ඣානං අරහත්තඤ්ච සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
13. තීහාකාරෙහි - පඨමං ච ඣානං, සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස ලාභීම්හි, වසීම්හි, පඨමං ච ඣානං සච්ඡිකතං මයා, රාගො ච මෙ චත්තො, දොසො ච මෙ චත්තො, මොහො ච මෙ චත්තො, වන්තො, මුත්තො, පහීනො, පටිනිස්සට්ඨො, උක්ඛෙටිතො, සමුක්ඛෙටිතො’ති සම්පජානමුසා භණන්තස්ස ආපත්ති පාරාජිකස්ස -පෙ-
14. තීහාකාරෙහි -පෙ- සත්තහාකාරෙහි- පඨමං ච ඣානං සමාපජ්ජිං, සමාපජ්ජාමි, සමාපන්නො, පඨමස්ස ච ඣානස්ස ලාභීම්හි, වසීම්හි, පඨමං ච ඣානං සච්ඡිකතං මයා, රාගා ච මෙ චිත්තං විනීවරණං, දොසා ච මෙ චිත්තං විනීවරණං, මොහා ච මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
ඛණ්ඩචක්කං නිට්ඨිතං.
1. තීහාකාරෙහි දුතියඤ්ච ඣානං තතියඤ්ච ඣානං සමාපජ්ජිං- සමාපජ්ජාමි- සමාපන්නො- දුතියස්ස ච ඣානස්ස තතියස්ස ච ඣානස්ස ලාභීම්හි- වසීම්හි- දුතියං ච ඣානං තතියං ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
2. තීහාකාරෙහි දුතියං ච ඣානං චතුත්ථං ච ඣානං සමාපජ්ජිං- සමාපජ්ජාමි- සමාපන්නො- දුතියස්ස ච ඣානස්ස චතුත්ථස්ස ච ඣානස්ස ලාභීම්හි- වසීම්හි- දුතියං ච ඣානං චතුත්ථංච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
3. තීහාකාරෙහි දුතියං ච ඣානං සුඤ්ඤතඤ්ච විමොක්ඛං- අනිමිත්තං ච විමොක්ඛං- අප්පණිහිතං ච විමොක්ඛං- සුඤ්ඤතං ච සමාධිං- අනිමිත්තං ච සමාධිං- අප්පණිහිතං ච සමාධිං- සුඤ්ඤතං ච සමාපත්තිං- අනිමිත්තං ච සමාපත්තිං- අප්පණිහිතං ච සමාපත්තිං- තිස්සො ච විජ්ජා- චත්තාරො ච සතිපට්ඨානෙ- චත්තාරො ච සම්මප්පධානෙ- චත්තාරො ච ඉද්ධිපාදෙ- පඤ්ච ච ඉන්ද්රියානි- පඤ්ච ච බලානි- සත්ත ච බොජ්ඣඞ්ගෙ- අරියඤ්ච අට්ඨඞ්ගිකං මග්ගං- සොතාපත්තිඵලං ච- සකදාගාමිඵලං ච- අනාගාමිඵලං ච- අරහත්තං ච- සමාපජ්ජිං- සමාපජ්ජාමි- සමාපන්නො- දුතියස්ස ච ඣානස්ස අරහත්තස්ස ච ලාභීම්හි- වසීම්හි- දුතියං ච ඣානං අරහත්තඤ්ච සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
4. තීහාකාරෙහි දුතියං ච ඣානං සමාපජ්ජිං- සමාපජ්ජාමි- සමාපන්නො- දුතියස්ස ච ඣානස්ස ලාභීම්හි- වසීම්හි- දුතියඤ්ච ඣානං සච්ඡිකතං මයා- රාගො ච මෙ චත්තො- දොසො ච මෙ චත්තො- මොහො ච මෙ චත්තො- වන්තො මුත්තො පහීනො පටිනිස්සට්ඨො උක්ඛෙටිතො- සමුක්ඛෙටිතො රාගා ච මෙ චිත්තං විනීවරණං- දොසා ච මෙ චිත්තං විනීවරණං- මොහා ච මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස -පෙ-
5. තීහාකාරෙහි -පෙ- සත්තහාකාරෙහි දුතියං ච ඣානං පඨමං ච ඣානං සමාපජ්ජිං- සමාපජ්ජාමි- සමාපන්නො- දුතියස්ස ච ඣානස්ස පඨමස්ස ච ඣානස්ස ලාභීම්හි- වසීම්හි- දුතියං ච ඣානං පඨමං ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
බද්ධචක්කං.
එවං එකෙකං මූලං කාතූන බද්ධචක්කං{1} පරිවත්තකං කත්තබ්බං.
1. තීහාකාරෙහි තතියඤ්ච ඣානං චතුත්ථඤ්ච ඣානං -පෙ- තතියඤ්ච ඣානං අරහත්තඤ්ච සමාපජ්ජිං- සමාපජ්ජාමි- සමාපන්නො- තතියස්ස ච ඣානස්ස අරහත්තස්ස ච ලාභීම්හි- වසීම්හි- තතියඤ්ච ඣානං අරහත්තඤ්ච සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
2. තීහාකාරෙහි තතියඤ්ච ඣානං සමාපජ්ජිං- සමාපජ්ජාමි- සමාපන්නො- තතියස්ස ච ඣානස්ස ලාභීම්හි- වසීම්හි- තතියඤ්ච ඣානං සච්ඡිකතං මයා- රාගො ච මෙ චත්තො- දොසො ච මෙ චත්තො- මොහො ච මෙ චත්තො වන්තො මුත්තො පහීනො පටිනිස්සට්ඨො උක්ඛෙටිතො සමුක්ඛෙටිතො. රාගා ච මෙ චිත්තං විනීවරණං- දොසා ච මෙ චිත්තං විනීවරණං- මොහා ච මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස -පෙ-
3. තීහාකාරෙහි තතියඤ්ච ඣානං පඨමඤ්ච ඣානං -පෙ- තතියඤ්ච ඣානං දුතියඤ්ච ඣානං සමාපජ්ජිං- සමාපජ්ජාමි- සමාපන්නො- තතියස්ස ච ඣානස්ස දුතියස්ස ච ඣානස්ස ලාභීම්හි- වසීම්හි- තතියඤ්ච ඣානං දුතියඤ්ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
4. තීහාකාරෙහි මොහා ච මෙ චිත්තං විනීවරණං පඨමඤ්ච ඣානං -පෙ- දුතියඤ්ච ඣානං තතියඤ්ච ඣානං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං චතුත්ථස්ස ච ඣානස්ස ලාභීම්හි- වසීම්හි- මොහා ච මෙ චිත්තං විනීවරණං චතුත්ථඤ්ච ඣානං - සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
5. තීහාකාරෙහි මොහා ච මෙ චිත්තං විනීවරණං සුඤ්ඤතඤ්ච විමොක්ඛං අනිමිත්තඤ්ච විමොක්ඛං අප්පණිහිතඤ්ච විමොක්ඛං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං, අප්පණිහිතස්ස ච විමොක්ඛස්ස ලාභීම්හි- වසීම්හි- මොහා ච මෙ චිත්තං විනීවරණං අප්පණිහිතො ච විමොක්ඛො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
6. තීහාකාරෙහි මොහා ච මෙ චිත්තං විනීවරණං සුඤ්ඤතඤ්ච සමාධිං අනිමිත්තඤ්ච සමාධිං අප්පණිහිතඤ්ච සමාධිං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං- අප්පණිහිතස්ස ච සමාධිස්ස ලාභීම්හි- වසීම්හි- මොහා ච මෙ චිත්තං විනීවරණං අප්පණිහිතො ච සමාධි සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
7. තීහාකාරෙහි මොහා ච මෙ චිත්තං විනීවරණං සුඤ්ඤතඤ්ච සමාපත්තිං අනිමිත්තඤ්ච සමාපත්තිං අප්පණිහිතඤ්ච සමාපත්තිං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං- අප්පණිහිතාය ච සමාපත්තියා ලාභීම්හි- වසීම්හි- මොහා ච මෙ චිත්තං විනීවරණං අප්පණිහිතා ච සමාපත්ති සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
8. තීහාකාරෙහි මොහා ච මෙ චිත්තං විනීවරණං තිස්සො ච විජ්ජා සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං තිස්සන්නඤ්ච විජ්ජානං ලාභීම්හි- වසීම්හි- මොහා ච මෙ චිත්තං විනීවරණං තිස්සො ච විජ්ජා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-
9. තීහාකාරෙහි මොහා ච මෙ චිත්තං විනීවරණං චත්තාරො ච සතිපට්ඨානෙ චත්තාරො ච සම්මප්පධානෙ චත්තාරො ච ඉද්ධිපාදෙ සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං චතුන්නංච ඉද්ධිපාදානං ලාභීම්හි- වසීම්හි- මොහා ච මෙ චිත්තං විනීවරණං චත්තාරො ච ඉද්ධිපාදා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-
10. තීහාකාරෙහි මොහා ච මෙ චිත්තං විනීවරණං පඤ්ච ච ඉන්ද්රියානි පඤ්ච ච බලානි සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං පඤ්චන්නඤ්ච බලානං ලාභීම්හි- වසීම්හි- මොහා ච මෙ චිත්තං විනීවරණං පඤ්ච ච බලානි සච්ඡිකතානි මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-
11. තීහාකාරෙහි මොහා ච මෙ චිත්තං විනීවරණං සත්ත ච බොජ්ඣඞ්ගෙ සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං සත්තන්නඤ්ච බොජ්ඣඞ්ගානං ලාභීම්හි- වසීම්හි- මොහා ච මෙ චිත්තං විනීවරණං සත්ත ච බොජ්ඣඞ්ගා සච්ඡිකතා මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-
12. තීහාකාරෙහි මොහා ච මෙ චිත්තං විනීවරණං අරියඤ්ච අට්ඨඞ්ගිකං මග්ගං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං අරියස්ස ච අට්ඨඞ්ගිකස්ස මග්ගස්ස ලාභීම්හි- වසීම්හි- මොහා ච මෙ චිත්තං විනීවරණං අරියො ච අට්ඨඞ්ගිකො මග්ගො සච්ඡිකතො මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-
13. තීහාකාරෙහි මොහා ච මෙ චිත්තං විනීවරණං සොතාපත්තිඵලං ච සකදාගාමිඵලං ච අනාගාමිඵලං ච අරහත්තං ච සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං අරහත්තස්ස{1} ලාභීම්හි- වසීම්හි- මොහා ච මෙ චිත්තං විනීවරණං අරහත්තඤ්ච සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස. -පෙ-{2}
14. තීහාකාරෙහි මොහා ච මෙ චිත්තං විනීවරණං පඨමං ච ඣානං සමාපජ්ජිං- සමාපජ්ජාමි- සමාපන්නො- මොහා ච මෙ චිත්තං විනීවරණං පඨමස්ස ච ඣානස්ස ලාභීම්හි- වසීම්හි- මොහා ච මෙ චිත්තං විනීවරණං පඨමං ච ඣානං සච්ඡිකතං මයා’ති සම්පජානමුසා භණන්තස්ස ආපත්ති පාරාජිකස්ස -පෙ-
15. තීහාකාරෙහි -පෙ- සත්තහාකාරෙහි මොහා ච මෙ චිත්තං විනීවරණං දුතියං ච ඣානං -පෙ- තතියං ච ඣානං -පෙ- චතුත්ථං ච ඣානං -පෙ- සුඤ්ඤතං ච විමොක්ඛං -පෙ- දොසා ච මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස -පෙ- පුබ්බෙවස්ස හොති ‘මුසා භණිස්ස’න්ති, භණන්තස්ස හොති ‘මුසා භණාමී’ති, භණිතස්ස හොති ‘මුසා මයා භණිත’න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
එකමූලකං{3} නිට්ඨිතං.
16. දුමූලකම්පි තිමූලකම්පි චතුමූලකම්පි පඤ්චමූලකම්පි ඡමූලකම්පි සත්තමූලකම්පි අට්ඨමූලකම්පි නවමූලකම්පි දසමූලකම්පි කාතබ්බං. යථා නික්ඛිත්තානි පදානි එකෙකමූලකං වඩ්ඪෙතබ්බං. යථා එකමූලකං විත්ථාරිතං එවමෙව දුමූලකාදි’පි විත්ථාරෙතබ්බං.
<hr/>
1. තීහාකාරෙහි -පෙ- සත්තහාකාරෙහි පඨමංච ඣානං දුතියංච ඣානං තතියඤ්ච ඣානං චතුත්ථං ච ඣානං සුඤ්ඤතං ච විමොක්ඛං අනිමිත්තඤ්ච විමොක්ඛං අප්පණිහිතඤ්ච විමොක්ඛං සුඤ්ඤතං ච සමාධිං අනිමිත්තං ච සමාධිං අප්පණිහිතං ච සමාධිං සුඤ්ඤතං ච සමාපත්තිං අනිමිත්තංච සමාපත්තිං අප්පණිහිතං ච සමාපත්තිං තිස්සො ච විජ්ජා චත්තාරො ච සතිපට්ඨානෙ චත්තාරො ච සම්මප්පධානෙ චත්තාරො ච ඉද්ධිපාදෙ පඤ්ච ච ඉන්ද්රියානි පඤ්ච ච බලානි සත්ත ච බොජ්ඣඞ්ගෙ අරියඤ්ච අට්ඨඞ්ගිකං මග්ගං සොතාපත්තිඵලඤ්ච සකදාගාමිඵලඤ්ච අනාගාමිඵලඤ්ච අරහත්තඤ්ච සමාපජ්ජිං- සමාපජ්ජාමි- සමාපන්නො -පෙ- රාගො ච මෙ චත්තො දොසො ච මෙ චත්තො මොහො ච මෙ චත්තො වන්තො මුත්තො පහීනො පටිනිස්සට්ඨො උක්ඛෙටිතො සමුක්ඛෙටිතො, රාගා ච මෙ චිත්තං විනීවරණං, දොසා ච මෙ චිත්තං විනීවරණං, මොහා ච මෙ චිත්තං විනීවරණන්ති සම්පජානමුසා භණන්තස්ස ආපත්ති පාරාජිකස්ස. -පෙ- පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
සබ්බමූලකං නිට්ඨිතං.
සුද්ධිකවාරකථා නිට්ඨිතා.
1. තීහාකාරෙහි ‘පඨමං ඣානං සමාපජ්ජි’න්ති වත්තුකාමො ‘දුතියං ඣානං සමාපජ්ජි’න්ති සම්පජානමුසාභණන්තස්ස පටිවිජානන්තස්ස ආපත්ති පාරාජිකස්ස; න පටිවිජානන්තස්ස ආපත්ති ථුල්ලච්චයස්ස.
2. තීහාකාරෙහි ‘පඨමං ඣානං සමාපජ්ජි’න්ති වත්තුකාමො ‘තතියං ඣානං -පෙ- චතුත්ථං ඣානං -පෙ- සුඤ්ඤතං විමොක්ඛං -පෙ- අනිමිත්තං විමොක්ඛං -පෙ- අප්පණිහිතං විමොක්ඛං -පෙ- සුඤ්ඤතං සමාධිං -පෙ- අනිමිත්තං සමාධිං -පෙ- අප්පණිහිතං සමාධිං -පෙ- සුඤ්ඤතං සමාපත්තිං -පෙ- අනිමිත්තං සමාපත්තිං -පෙ- අප්පණිහිතං සමාපත්තිං -පෙ- තිස්සො විජ්ජා -පෙ- චත්තාරො සතිපට්ඨානෙ -පෙ- චත්තාරො සම්මප්පධානෙ -පෙ- චත්තාරො ඉද්ධිපාදෙ -පෙ- පඤ්චින්ද්රියානි -පෙ- පඤ්ච බලානි -පෙ- සත්ත බොජ්ඣඞ්ගෙ -පෙ- අරියං අට්ඨංගිකං මග්ගං -පෙ- සොතාපත්තිඵලං -පෙ- සකදාගාමිඵලං -පෙ- අනාගාමිඵලං -පෙ- අරහත්තං සමාපජ්ජිං -පෙ- රාගො මෙ චත්තො -පෙ- දොසො මෙ චත්තො -පෙ- මොහො මෙ චත්තො, වන්තො, මුත්තො, පහීනො, පටිනිස්සට්ඨො, උක්ඛෙටිතො, සමුක්ඛෙටිතො -පෙ- රාගා මෙ චිත්තං විනීවරණං -පෙ- දොසා මෙ චිත්තං විනීවරණං -පෙ- මොහා මෙ චිත්තං විනීවරණ’න්ති සම්පජානමුසා භණන්තස්ස පටිවිජානන්තස්ස ආපත්ති පාරාජිකස්ස, න පටිවිජානන්තස්ස ආපත්ති ථුල්ලච්චයස්ස: පුබ්බෙවස්ස හොති “මුසා භණිස්ස”න්ති, භණන්තස්ස හොති “මුසා භණාමී”ති, භණිතස්ස හොති “මුසා මයා භණිත”න්ති, -පෙ- විනිධාය දිට්ඨිං, විනිධාය ඛන්තිං, විනිධාය රුචිං, විනිධාය භාවං.
වත්තුවිස්සාරකස්ස{1} එකමූලකස්ස ඛණ්ඩචක්කං.
1. තීහාකාරෙහි ‘දුතියං ඣානං සමාපජ්ජින්ති වත්තුකාමො ‘තතියං ඣානං සමාපජ්ජි’න්ති සම්පජානමුසා භණන්තස්ස පටිවිජානන්තස්ස ආපත්ති පාරාජිකස්ස; න පටිවිජානන්තස්ස ආපත්ති ථුල්ලච්චයස්ස.
2. තීහාකාරෙහි ‘දුතියං ඣානං සමාපජ්ජි’න්ති වත්තුකාමො -පෙ- මොහා මෙ චිත්තං විනීවරණ’න්ති සම්පජානමුසා භණන්තස්ස පටිවිජානන්තස්ස ආපත්ති පාරාජිකස්ස; න පටිවිජානන්තස්ස ආපත්ති ථුල්ලච්චයස්ස.
3. තීහාකාරෙහි -පෙ- සත්තහාකාරෙහි ‘දුතියං ඣානං සමාපජ්ජි’න්ති වත්තුකාමො ‘පඨමං ඣානං සමාපජ්ජි’න්ති සම්පජානමුසා භණන්තස්ස පටිවිජානන්තස්ස ආපත්ති පාරාජිකස්ස; න පටිවිජානන්තස්ස ආපත්ති ථුල්ලච්චයස්ස -පෙ- විනිධාය භාවං.