Pācittiya

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTනවමසික්ඛාපදං.

Pali BJT8. 6. 10.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ ආවුධපාණිස්ස{1} ධම්මං දෙසෙන්ති -පෙ-

Pali BJTන ආයුධපාණිස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. ආයුධං නාම: චාපො කොදණ්ඩො.

Pali BJTන ආවුධපාණිස්ස අගිලානස්ස ධම්මො දෙසෙතබ්බො. යො අනාදරියං පටිච්ච ආවුධපාණිස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච, අසතියා, අජානන්තස්ස, ගිලානස්ස, ආපදාසු, උම්මත්තකස්ස, ආදිකම්මිකස්සාති.

Pali BJTදසමසික්ඛාපදං.

Pali BJTසුරුසුරුවග්ගො ඡට්ඨො.

Pali BJTපාදුකවග්ගො

Pali BJT8. 7. 1.

Pali BJT1. තෙන සමයෙන බුද්ධො භගවා සාවත්ථියං විහරති ජෙතවනෙ අනාථපිණ්ඩිකස්ස ආරාමෙ. තෙන ඛො පන සමයෙන ඡබ්බග්ගියා භික්ඛූ පාදුකාරූළ්හස්ස ධම්මං දෙසෙන්ති. -පෙ-

Pali BJTන පාදුකාරූළ්හස්ස අගිලානස්ස ධම්මං දෙසිස්සාමීති සික්ඛාකරණීයා”ති.

Pali BJT2. න පාදුකාරූළ්හස්ස අගිලානස්ස ධම්මො දෙසෙතබ්බො, යො අනාදරියං පටිච්ච අක්කන්තස්ස වා පටිමුක්කස්ස වා ඔමුක්කස්ස වා අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTපඨමසික්ඛාපදං.

Pali BJT8. 7. 2.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ උපාහනාරූළ්හස්ස ධම්මං දෙසෙන්ති. -පෙ-

Pali BJTන උපාහනාරූළ්හස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. න උපාහනාරූළ්හස්ස අගිලානස්ස ධම්මො දෙසෙතබ්බො. යො අනාදරියං පටිච්ච අක්කන්තස්ස වා පටිමුක්කස්ස වා ඔමුක්කස්ස වා අගිලානස්ස ධම්මං දෙසෙති ආපත්ති දුක්කටස්ස.

Pali BJT3. අනාපත්ති: අසඤ්චිච්ච -පෙ- ආදිකම්මිකස්සාති.

Pali BJTදුතියසික්ඛාපදං.

Pali BJT8. 7. 3.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ යානගතස්ස ධම්මං දෙසෙන්ති. -පෙ-

Pali BJTන යානගතස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. යානං නාම: වය්හං රථො සකටං සන්දමානිකා සිවිකා පාටඞ්කී.

Pali BJTන යානගතස්ස අගිලානස්ස ධම්මො දෙසෙතබ්බො. යො අනාදරියං පටිච්ච යානගතස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTතතියසික්ඛාපදං.

Pali BJT8. 7. 4.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ සයනගතස්ස ධම්මං දෙසෙන්ති -පෙ-

Pali BJTන සයනගතස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. න සයනගතස්ස අගිලානස්ස ධම්මො දෙසෙතබ්බො. යො අනාදරියං පටිච්ච අන්තමසො ඡමායපි නිපන්නස්ස සයනගතස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJT3. අනාපත්ති: අසඤ්චිච්ච -පෙ- ආදිකම්මිකස්සාති.

Pali BJTචතුත්ථසික්ඛාපදං.

Pali BJT8. 7. 5.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ පල්ලත්ථිකාය නිසින්නස්ස ධම්මං දෙසෙන්ති -පෙ-

Pali BJTන පල්ලත්ථිකාය නිසින්නස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. න පල්ලත්ථිකාය නිසින්නස්ස අගිලානස්ස ධම්මො දෙසෙතබ්බො. යො අනාදරියං පටිච්ච හත්ථපල්ලත්ථිකාය වා දුස්සපල්ලත්ථිකාය වා නිසින්නස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJT3. අනාපත්ති: අසඤ්චිච්ච -පෙ- ආදිකම්මිකස්සාති.

Pali BJTපඤ්චමසික්ඛාපදං.

Pali BJT8. 7. 6.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ වෙඨිතසීසස්ස ධම්මං දෙසෙන්ති -පෙ-

Pali BJTන වෙඨිතසීසස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJT2. වෙඨිතසීසො නාම: කෙසන්තං න දස්සාපෙත්වා වෙඨිතො හොති.

Pali BJTන වෙඨිතසීසස්ස අගිලානස්ස ධම්මො දෙසෙතබ්බො. යො අනාදරියං පටිච්ච වෙඨිතසීසස්ස අගිලානස්ස ධම්මං දෙසෙති, ආපත්ති දුක්කටස්ස.

Pali BJTඅනාපත්ති: අසඤ්චිච්ච, අසතියා, අජානන්තස්ස, ගිලානස්ස, කෙසන්තං විවරාපෙත්වා දෙසෙති, ආපදාසු, උම්මත්තකස්ස, ආදිකම්මිකස්සාති.

Pali BJTඡට්ඨසික්ඛාපදං.

Pali BJT8. 7. 7.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ ඔගුණ්ඨිතසීසස්ස ධම්මං දෙසෙන්ති -පෙ-

Pali BJTන ඔගුණ්ඨිතසීසස්ස අගිලානස්ස ධම්මං දෙසිස්සාමීති සික්ඛා කරණීයා’ති.

Pali BJTඔගුණ්ඨිතසීසො නාම: සසීසං පාරුතො වුච්චති.

Pali BJT2. න ඔගුණ්ඨිතසීසස්ස අගිලානස්ස ධම්මො දෙසෙතබ්බො. යො අනාදරියං පටිච්ච ඔගුණ්ඨිතසීසස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච, අසතියා, අජානන්තස්ස, ගිලානස්ස, සීසං විවරාපෙත්වා දෙසෙති, ආපදාසු උම්මත්තකස්ස, ආදිකම්මිකස්සාති.

Pali BJTසත්තමසික්ඛාපදං.

Pali BJT8. 7. 8.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ ඡමාය නිසීදිත්වා ආසනෙ නිසින්නස්ස ධම්මං දෙසෙන්ති. -පෙ-

Pali BJTන ඡමායං නිසීදිත්වා ආසනෙ නිසින්නස්ස අගිලානස්ස ධම්මං දෙසෙස්සාමීති සික්ඛා කරණීයා’ති.

Pali BJT2. න ඡමායං නිසීදිත්වා ආසනෙ නිසින්නස්ස අගිලානස්ස ධම්මො දෙසෙතබ්බො. යො අනාදරියං පටිච්ච ඡමායං නිසීදිත්වා ආසනෙ නිසින්නස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTඅට්ඨමසික්ඛාපදං.

Pali BJT8. 7. 9.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ නීචෙ ආසනෙ නිසීදිත්වා උච්චෙ ආසනෙ නිසින්නස්ස ධම්මං දෙසෙන්ති. යෙ තෙ භික්ඛූ අප්පිච්ඡා -පෙ- තෙ උජ්ඣායන්ති ඛීයන්ති විපාචෙන්ති. “කථං හි නාම ඡබ්බග්ගියා භික්ඛූ නීචෙ ආසනෙ නිසීදිත්වා උච්චෙ ආසනෙ නිසින්නස්ස ධම්මං දෙසෙස්සන්තී”ති. -පෙ- සච්චං කිර තුම්හෙ භික්ඛවෙ නීචෙ ආසනෙ නිසීදිත්වා උච්චෙ ආසනෙ නිසින්නස්ස ධම්මං දෙසෙථාති. සච්චං භගවා. විගරහි බුද්ධො භගවා. -පෙ- කථං හි නාම තුම්හෙ මොඝපුරිසා නීචෙ ආසනෙ නිසීදිත්වා උච්චෙ ආසනෙ නිසින්නස්ස ධම්මං දෙසෙස්සථ. නෙතං මොඝපුරිසා අප්පසන්නානං වා පසාදාය -පෙ- විගරහිත්වා ධම්මිං කථං කත්වා භික්ඛූ ආමන්තෙසි.

Pali BJT2. භූතපුබ්බං භික්ඛවෙ බාරාණසියං අඤ්ඤතරස්ස ඡපකස්ස පජාපති ගබ්භිනී අහොසි. අථ ඛො භික්ඛවෙ සා ඡපකී තං ඡපකං එතදවොච. ගබ්භිනීම්හි අය්යපුත්ත ඉච්ඡාමි අම්බං ඛාදිතු”න්ති. නත්ථි අම්බො{1} අකාලො අම්බස්සාති. සචාහං{2} න ලභිස්සාමි මරිස්සාමීති. තෙන ඛො පන සමයෙන රඤ්ඤො අම්බො ධුවඵලො හොති. අථ ඛො භික්ඛවෙ සො ඡපකො යෙන සො අම්බො තෙනුපසඞ්කමි. උපසඞ්කමිත්වා තං අම්බං අභිරූහිත්වා නිලීනො අච්ඡි.

Pali BJT3. අථ ඛො භික්ඛවෙ රාජා පුරොහිතෙන බ්රාහ්මණෙන සද්ධිං යෙන සො අම්බො තෙනුපසඞ්කමි. උපසඞ්කමිත්වා උච්චෙ ආසනෙ නිසීදිත්වා මන්තං පරියාපුණාති. අථ ඛො භික්ඛවෙ තස්ස ඡපකස්ස එතදහොසි. යාව අධම්මිකො අයං රාජා යත්ර හි නාම උච්චෙ ආසනෙ නිසීදිත්වා මන්තං පරියාපුණිස්සති. අයඤ්ච බ්රාහ්මණො අධම්මිකො යත්ර හි නාම නීචෙ ආසනෙ නිසීදිත්වා උච්චෙ ආසනෙ නිසින්නස්ස මන්තං වාචෙස්සති. අහඤ්චම්හි අධම්මිකො යොහං ඉත්ථියා කාරණා රඤ්ඤො අම්බං අවහරාමි. සබ්බමිදං චමරිගතන්ති{3} තත්ථෙව පරිපති.

Pali BJT“උභො අත්ථං න ජානන්ති උභො ධම්මං න පස්සරෙ, යො චායං මන්තං වාචෙති යො චාධම්මෙන’ධීයති.

Pali BJTසාලීනං ඔදනො භුත්තො සුචිමංසූපසෙචනො තස්මා ධම්මෙ න වත්තාමි ධම්මො අරියෙහි වණ්ණිතො.

Pali BJTධිරත්ථු තං ධනලාභං යසලාභඤ්ච බ්රාහ්මණ, යා වුත්ති විනිපාතෙන අධම්මචරණෙන වා.

Pali BJTපරිබ්බජ මහාබ්රහ්මෙ පචන්තඤ්ඤෙපි පාණිනො මා ත්වං අධම්මො ආචරිතො අස්මා කුම්භමිවාභිදා”ති.

Pali BJT4. තදාපි මෙ භික්ඛවෙ අමනාපා නීචෙ ආසනෙ නිසීදිත්වා උච්චෙ ආසනෙ නිසින්නස්ස මන්තං වාචෙතුං. කිමඞ්ග පන එතරහි න අමනාපා භවිස්සති නීචෙ ආසනෙ නිසීදිත්වා උච්චෙ ආසනෙ නිසින්නස්ස ධම්මං දෙසෙතුං. නෙතං භික්ඛවෙ අප්පසන්නානං වා පසාදාය -පෙ- එවඤ්ච පන භික්ඛවෙ ඉමං සික්ඛාපදං උද්දිසෙය්යාථ:

Pali BJT5. න නීචෙ ආසනෙ නිසීදිත්වා උච්චෙ ආසනෙ නිසින්නස්ස අගිලානස්ස ධම්මො දෙසෙතබ්බො. යො අනාදරියං පටිච්ච නීචෙ ආසනෙ නිසීදිත්වා උච්චෙ ආසනෙ නිසින්නස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTනවමසික්ඛාපදං.

Pali BJT8. 7. 10.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ ඨිතා නිසින්නස්ස ධම්මං දෙසෙන්ති. -පෙ-

Pali BJT2. න ඨිතෙන නිසින්නස්ස අගිලානස්ස ධම්මො දෙසෙතබ්බො. යො අනාදරියං පටිච්ච ඨිතො නිසින්නස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJT3. අනාපත්ති: අසඤ්චිච්ච -පෙ- ආදිකම්මිකස්සාති.

Pali BJTදසමසික්ඛාපදං.

Pali BJT8. 7. 11.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ පච්ඡතො ගච්ඡන්තා පුරතො ගච්ඡන්තස්ස ධම්මං දෙසෙන්ති. -පෙ-

Pali BJT2. න පච්ඡතො ගච්ඡන්තෙන පුරතො ගච්ඡන්තස්ස අගිලානස්ස ධම්මො දෙසෙතබ්බො. යො අනාදරියං පටිච්ච පච්ඡතො ගච්ඡන්තො පුරතො ගච්ඡන්තස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJT3. අනාපත්ති: අසඤ්චිච්ච -පෙ- ආදිකම්මිකස්සාති.

Pali BJTඑකාදසමසික්ඛාපදං.

Pali BJT8. 7. 12.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ උප්පථෙන ගච්ඡන්තා පථෙන ගච්ඡන්තස්ස ධම්මං දෙසෙන්ති. -පෙ-

Pali BJT2. න උප්පථෙන ගච්ඡන්තෙන පථෙන ගච්ඡන්තස්ස අගිලානස්ස ධම්මො දෙසෙතබ්බො. යො අනාදරියං පටිච්ච උප්පථෙන ගච්ඡන්තො පථෙන ගච්ඡන්තස්ස අගිලානස්ස ධම්මං දෙසෙති ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTද්වාදසමසික්ඛාපදං.

Pali BJT8. 7. 13.

Pali BJT1. සාවත්ථිනිදානං – තෙන ඛො පන සමයෙන ඡබ්බග්ගියා භික්ඛූ ඨිතා උච්චාරම්පි පස්සාවම්පි කරොන්ති -පෙ-

Pali BJT2. න ඨිතෙන අගිලානෙන උච්චාරො වා පස්සාවො වා කාතබ්බො. යො අනාදරියං පටිච්ච ඨිතො අගිලානො උච්චාරං වා පස්සාවං වා කරොති, ආපත්ති දුක්කටස්ස.

Pali BJTඅනාපත්ති: අසඤ්චිච්ච -පෙ- ආදිකම්මිකස්සාති.

Pali BJTතෙරසමසික්ඛාපදං.

Pali BJT8. 7. 14.