4. “ඉධ පන භික්ඛවෙ, භික්ඛුස්ස න හොති ආපත්ති දට්ඨබ්බා. න හොති ආපත්ති පටිකාතබ්බා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො, ආපන්නො. පස්සසෙතං ආපත්තිං. පටිකරොහි තං ආපත්ති’න්ති. සො එවං වදෙති: ‘නත්ථි මෙ ආවුසො, ආපත්ති යමහං පස්සෙය්යං. නත්ථි මෙ ආපත්ති{1} යමහං පටිකරෙය්ය’න්ති. තං සඞ්ඝො අදස්සනෙ වා අප්පටිකම්මෙ වා උක්ඛිපති, අධම්මකම්මං.
5. “ඉධ පන භික්ඛවෙ, භික්ඛුස්ස න හොති ආපත්ති දට්ඨබ්බා. න හොති පාපිකා දිට්ඨි පටිනිස්සජෙතා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො, ආපන්නො. පස්සසෙතං ආපත්තිං. පාපිකා තෙ දිට්ඨි, පටිනිස්සජෙතං පාපිකං දිට්ඨි’න්ති. සො එවං වදෙති: ‘නත්ථි මෙ ආවුසො, ආපත්ති යමහං පස්සෙය්යං. නත්ථි මෙ පාපිකා දිට්ඨි යමහං පටිනිස්සජ්ජෙය්ය’න්ති. තං සඞ්ඝො අදස්සනෙ වා අප්පටිනිස්සග්ගෙ වා උක්ඛිපති, අධම්මකම්මං.
6. “ඉධ පන භික්ඛවෙ, භික්ඛුස්ස න හොති ආපත්ති පටිකාතබ්බා. න හොති පාපිකා දිට්ඨි පටිනිස්සජෙතා.{2} තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො, ආපන්නො. පටිකරොහි තං ආපත්තිං. පාපිකා තෙ දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති:– ‘නත්ථි මෙ ආවුසො, ආපත්ති යමහං පටිකරෙය්යං. නත්ථි මෙ පාපිකා දිට්ඨි යමහං පටිනිස්සජ්ජෙය්ය’න්ති. තං සඞ්ඝො අප්පටිකම්මෙ වා අප්පටිනිස්සග්ගෙ වා උක්ඛිපති, අධම්මකම්මං.
7. “ඉධ පන භික්ඛවෙ, භික්ඛුස්ස න හොති ආපත්ති දට්ඨබ්බා. න හොති ආපත්ති පටිකාතබ්බා. න හොති පාපිකා දිට්ඨි පටිනිස්සජෙතා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො ආපන්නො, පස්සසෙතං ආපත්තිං. පටිකරොහි තං ආපත්තිං. පාපිකා තෙ දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති: ‘නත්ථි මෙ ආවුසො ආපත්ති, යමහං පස්සෙය්යං. නත්ථි මෙ ආපත්ති, යමහං පටිකරෙය්යං. නත්ථි මෙ පාපිකා දිට්ඨි, යමහං පටිනිස්සජෙය්ය’න්ති. තං සඞ්ඝො අදස්සනෙ වා අප්පටිකම්මෙ වා අප්පටිනිස්සග්ගෙ වා උක්ඛිපති, අධම්මකම්මං.
8. “ඉධ පන භික්ඛවෙ, භික්ඛුස්ස හොති ආපත්ති දට්ඨබ්බා. තමෙනං චොදෙති. සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො ආපන්නො. පස්සසෙතං ආපත්ති’න්ති. සො එවං වදෙති: ‘ආමාවුසො, පස්සාමී’ති. තං සඞ්ඝො ආපත්තියා අදස්සනෙ උක්ඛිපති, අධම්මකම්මං.
9. “ඉධ පන භික්ඛවෙ, භික්ඛුස්ස හොති ආපත්ති පටිකාතබ්බා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො, ආපන්නො. පටිකරොහි තං ආපත්ති’න්ති. සො එවං වදෙති: ‘ආමාවුසො පටිකරිස්සාමී’ති. තං සඞ්ඝො ආපත්තියා අප්පටිකම්මෙ උක්ඛිපති, අධම්මකම්මං.
10. “ඉධ පන භික්ඛවෙ, භික්ඛුස්ස හොති පාපිකා දිට්ඨි පටිනිස්සජෙතා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘පාපිකා තෙ ආවුසො, දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති: ‘ආමාවුසො, පටිනිස්සජිස්සාමී’ති. තං සඞ්ඝො පාපිකාය දිට්ඨියා අප්පටිනිස්සග්ගෙ උක්ඛිපති, අධම්මකම්මං.
11. “ඉධ පන භික්ඛවෙ, භික්ඛුස්ස හොති ආපත්ති දට්ඨබ්බා. හොති ආපත්ති පටිකාතබ්බා -පෙ- හොති ආපත්ති දට්ඨබ්බා. හොති පාපිකා දිට්ඨි පටිනිස්සජෙතා -පෙ- හොති ආපත්ති පටිකාතබ්බා, හොති පාපිකා දිට්ඨි පටිනිස්සජෙතා -පෙ- හොති ආපත්ති දට්ඨබ්බා, හොති ආපත්ති පටිකාතබ්බා, හොති පාපිකා දිට්ඨි පටිනිස්සජෙතා, තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො ආපන්නො. පස්සසෙතං ආපත්තිං. පටිකරොහි තං ආපත්තිං. පාපිකා තෙ දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති: ‘ආමාවුසො පස්සාමි. ආම, පටිකරිස්සාමි. ආම, පටිනිස්සජිස්සාමී”ති. තං සඞ්ඝො අදස්සනෙ වා අප්පටිකම්මෙ වා අප්පටිනිස්සග්ගෙ වා උක්ඛිපති, අධම්මකම්මං.
12. ඉධ පන භික්ඛවෙ, භික්ඛුස්ස හොති ආපත්ති දට්ඨබ්බා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො ආපන්නො. පස්සසෙතං ආපත්ති’න්ති? සො එවං වදෙති: ‘නත්ථි මෙ ආවුසො, ආපත්ති, යමහං පස්සෙය්ය’න්ති. තං සඞ්ඝො ආපත්තියා අදස්සනෙ උක්ඛිපති, ධම්මකම්මං.
13. “ඉධ පන භික්ඛවෙ, භික්ඛුස්ස හොති ‘ආපත්ති පටිකාතබ්බා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපත්තිං ත්වං ආවුසො, ආපන්නො. පටිකරොහි තං ආපත්ති’න්ති. සො එවං වදෙති: ‘නත්ථි මෙ ආවුසො, ආපත්ති යමහං පටිකරෙය්ය’න්ති. තං සඞ්ඝො ආපත්තියා අප්පටිකම්මෙ උක්ඛිපති, ධම්මකම්මං.
14. “ඉධ පන භික්ඛවෙ, භික්ඛුස්ස හොති පාපිකා දිට්ඨි පටිනිස්සජෙතා. තමෙනං චොදෙති සඞ්ඝො වා සම්බහුලා වා එකපුග්ගලො වා ‘පාපිකා තෙ ආවුසො, දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති: ‘නත්ථි මෙ ආවුසො, පාපිකා දිට්ඨි යමහං පටිනිස්සජෙය්ය’න්ති. තං සඞ්ඝො පාපිකාය දිට්ඨියා අප්පටිනිස්සග්ගෙ උක්ඛිපති, ධම්මකම්මං.
15. “ඉධ පන භික්ඛවෙ, භික්ඛුස්ස හොති ආපත්ති දට්ඨබ්බා, හොති ආපත්ති පටිකාතබ්බා, -පෙ- හොති ආපත්ති දට්ඨබ්බා, හොති පාපිකා දිට්ඨි පටිනිස්සජෙතා, -පෙ- හොති ආපත්ති පටිකාතබ්බා, හොති පාපිකා දිට්ඨි පටිනිස්සජෙතා -පෙ- හොති ආපත්ති දට්ඨබ්බා, හොති ආපත්ති පටිකාතබ්බා, හොති පාපිකා දිට්ඨි පටිනිස්සජෙතා, තමෙනං චොදෙති සඞ්ඝො වා සම්බහුලා වා එකපුග්ගලො වා ‘ආපන්නො ත්වං ආවුසො, ආපන්නො. පස්සසෙතං ආපත්තිං. පටිකරොහි තං ආපත්තිං. පාපිකා තෙ දිට්ඨි. පටිනිස්සජෙතං පාපිකං දිට්ඨි’න්ති. සො එවං වදෙති: ‘නත්ථි මෙ ආවුසො, ආපත්ති යමහං පස්සෙය්යං. නත්ථි මෙ ආවුසො ආපත්ති යමහං පටිකරෙය්යං. නත්ථි මෙ පාපිකා දිට්ඨි යමහං පටිනිස්සජෙය්ය’න්ති. තං සඞ්ඝො අදස්සනෙ වා අප්පටිකම්මෙ වා අප්පටිනිස්සග්ගෙ වා උක්ඛිපති, ධම්මකම්ම”න්ති.
16. අථ ඛො ආයස්මා උපාලි යෙන භගවා තෙනුපසඞ්කමි. උපසඞ්කමිත්වා භගවන්තං අභිවාදෙත්වා එකමන්තං නිසීදි. එකමන්තං නිසින්නො ඛො ආයස්මා උපාලි භගවන්තං එතදවොච:
17. “යො නු ඛො භන්තෙ, සමග්ගො සඞ්ඝො සම්මුඛා කරණීයං කම්මං අසම්මුඛා කරොති, ධම්මකම්මං නු ඛො{1} තං භන්තෙ, විනයකම්ම”න්ති. “අධම්මකම්මං තං උපාලි, අවිනයකම්මං.” “යො නු ඛො භන්තෙ, සමග්ගො සඞ්ඝො පටිපුච්ඡා කරණීයං කම්මං අප්පටිපුච්ඡා කරොති, -පෙ- පටිඤ්ඤාය කරණීයං කම්මං අපටිඤ්ඤාය කරොති. -පෙ- සතිවිනයාරහස්ස අමූළ්හවිනයං දෙති, -පෙ- අමූළ්හවිනයාරහස්ස තස්සපාපිය්යසිකාකම්මං කරොති, -පෙ- තස්සපාපිය්යසිකාකම්මාරහස්ස තජ්ජනීයකම්මං කරොති, -පෙ- තජ්ජනීයකම්මාරහස්ස නියස්සකම්මං කරොති, -පෙ- නියස්සකම්මාරහස්ස පබ්බාජනීයකම්මං කරොති, -පෙ- පබ්බාජනීයකම්මාරහස්ස පටිසාරණීයකම්මං කරොති, -පෙ- පටිසාරණීයකම්මාරහස්ස උක්ඛෙපනීයකම්මං කරොති, -පෙ- උක්ඛෙපනීයකම්මාරහස්ස පරිවාසං දෙති, -පෙ- පරිවාසාරහං මූලාය පටිකස්සති, -පෙ- මූලායපටිකස්සනාරහස්ස මානත්තං දෙති. -පෙ- මානත්තාරහං අබ්භෙති, -පෙ- අබ්භානාරහං උපසම්පාදෙති, [-පෙ- උපසම්පදාරහං අබ්භෙති],{2} ධම්මකම්මං නු ඛො තං, භන්තෙ, විනයකම්ම”න්ති? “අධම්මකම්මං තං උපාලි, අවිනයකම්මං.”{*}
18. “යො ඛො උපාලි, සමග්ගො සඞ්ඝො සම්මුඛා කරණීයං කම්මං අසම්මුඛා කරොති, එවං ඛො උපාලි, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති. යො ඛො උපාලි, සමග්ගො සඞ්ඝො පටිපුච්ඡා කරණීයං කම්මං අපටිපුච්ඡා කරොති, -පෙ- පටිඤ්ඤාය කරණීයං කම්මං අපටිඤ්ඤාය කරොති, -පෙ- සතිවිනයාරහස්ස අමූළ්හවිනයං දෙති, -පෙ- අමූළ්හවිනයාරහස්ස තස්සපාපිය්යසිකා කම්මං කරොති, -පෙ- තස්සපාපිය්යසිකාකම්මාරහස්ස තජ්ජනීයකම්මං කරොති, -පෙ- තජ්ජනීයකම්මාරහස්ස නියස්සකම්මං කරොති, -පෙ- නියස්සකම්මාරහස්ස පබ්බාජනීයකම්මං කරොති, -පෙ- පබ්බාජනීයකම්මාරහස්ස පටිසාරණීයකම්මං කරොති, -පෙ- පටිසාරණීයකම්මාරහස්ස උක්ඛෙපනීයකම්මං කරොති, -පෙ- උක්ඛෙපනීයකම්මාරහස්ස පරිවාසං දෙති, -පෙ- පරිවාසාරහං මූලාය පටිකස්සති, -පෙ- මූලාය පටිකස්සනාරහස්ස මානත්තං දෙති, -පෙ- මානත්තාරහං අබ්භෙති, -පෙ- අබ්භානාරහං උපසම්පාදෙති [උපසම්පදාරහං අබ්භෙති], එවං ඛො උපාලි, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොතී”ති.{*}
19. “යො නු ඛො භන්තෙ, සමග්ගො සඞ්ඝො සම්මුඛා කරණීයං කම්මං සම්මුඛා කරොති, ධම්මකම්මං නු ඛො තං භන්තෙ, විනයකම්ම”න්ති. “ධම්මකම්මං තං උපාලි, විනයකම්මං.” “යො නු ඛො භන්තෙ, සමග්ගො සඞ්ඝො පටිපුච්ඡා කරණීයං කම්මං පටිපුච්ඡා කරොති, -පෙ- පටිඤ්ඤාය කරණීයං කම්මං පටිඤ්ඤාය කරොති, -පෙ- සතිවිනයාරහස්ස සතිවිනයං දෙති, -පෙ- අමූළ්හවිනයාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පබ්බාජනීයකම්මං කරොති, -පෙ- පටිසාරණීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස උක්ඛෙපනීයකම්මං කරොති, පරිවාසාරහස්ස පරිවාසං දෙති, -පෙ- මූලාය පටිකස්සනාරහං මූලාය පටිකස්සති, -පෙ- මානත්තාරහස්ස මානත්තං දෙති, -පෙ- අබ්භානාරහං අබ්භෙති, -පෙ- උපසම්පදාරහං උපසම්පාදෙති, ධම්මකම්මං නු ඛො තං භන්තෙ විනයකම්ම”න්ති. “ධම්මකම්මං තං උපාලි, විනයකම්මං.”{*}
20. “යො ඛො උපාලි, සමග්ගො සඞ්ඝො සම්මුඛා කරණීයං කම්මං සම්මුඛා කරොති, එවං ඛො උපාලි, ධම්මකම්මං හොති විනයකම්මං. එවඤ්ච පන සඞ්ඝො අනතිසාරො හොති. යො ඛො උපාලි, සමග්ගො සඞ්ඝො පටිපුච්ඡා කරණීයං කම්මං පටිපුච්ඡා කරොති, -පෙ- පටිඤ්ඤාය කරණීයං කම්මං පටිඤ්ඤාය කරොති. -පෙ- සතිවිනයාරහස්ස සතිවිනයං දෙති, -පෙ- අමූළ්හවිනයාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පබ්බාජනීයකම්මං කරොති, -පෙ- පටිසාරණීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස උක්ඛෙපනීයකම්මං කරොති, -පෙ- පරිවාසාරහස්ස පරිවාසං දෙති, -පෙ- මූලායපටිකස්සනාරහං මූලාය පටිකස්සති, -පෙ- මානත්තාරහස්ස මානත්තං දෙති, -පෙ- අබ්භානාරහං අබ්භෙති, -පෙ- උපසම්පදාරහං උපසම්පාදෙති, එවං ඛො උපාලි, ධම්මකම්මං හොති විනය කම්මං. එවඤ්ච පන සඞ්ඝො අනතිසාරො හොතී”ති.{*}
21. “යො නු ඛො, භන්තෙ, සමග්ගො සඞ්ඝො සතිවිනයාරහස්ස අමූළ්හවිනයං දෙති, අමූළ්හවිනයාරහස්ස සතිවිනයං දෙති, ධම්මකම්මං නු ඛො තං භන්තෙ, විනයකම්ම”න්ති. “අධම්මකම්මං තං උපාලි, අවිනය කම්ම”. “යො නු ඛො භන්තෙ, සමග්ගො සඞ්ඝො අමූළ්හවිනයාරහස්ස තස්සපාපිය්යසිකාකම්මං කරොති, තස්සපාපිය්යසිකාකම්මාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තජ්ජනීයකම්මං කරොති, තජ්ජනීයකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස නියස්සකම්මං කරොති, නියස්සකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස පබ්බාජනීයකම්මං කරොති, පබ්බාජනීයකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පටිසාරණීයකම්මං කරොති, පටිසාරණීයකම්මාරහස්ස පබ්බාජනීයකම්මං කරොති, -පෙ- පටිසාරණීයකම්මාරහස්ස උක්ඛෙපනීයකම්මං කරොති, උක්ඛෙපනීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස පරිවාසං දෙති, පරිවාසාරහස්ස උක්ඛෙපනීයකම්මං කරොති, -පෙ- පරිවාසාරහං මූලාය පටිකස්සති, මූලාය පටිකස්සනාරහස්ස පරිවාසං දෙති, -පෙ- මූලාය පටිකස්සනාරහස්ස මානත්තං දෙති, මානත්තාරහං මූලාය පටිකස්සති, -පෙ- මානත්තාරහං අබ්භෙති, අබ්භානාරහස්ස මානත්තං දෙති, -පෙ- අබ්භානාරහං උපසම්පාදෙති, උපසම්පදාරහං අබ්භෙති, -පෙ- ධම්මකම්මං නු ඛො තං භන්තෙ, විනයකම්ම”න්ති. “අධම්මකම්මං තං උපාලි, අවිනයකම්ම.”{1}
22. “යො ඛො උපාලි සමග්ගො සඞ්ඝො සතිවිනයාරහස්ස අමූළ්හවිනයං දෙති, අමූළ්හවිනයාරහස්ස සතිවිනයං දෙති, එවං ඛො උපාලි, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති. යො ඛො උපාලි, සමග්ගො සඞ්ඝො අමූළ්හවිනයාරහස්ස තස්සපාපිය්යසිකාකම්මං කරොති, තස්සපාපිය්යසිකාකම්මාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තජ්ජනීයකම්මං කරොති, තජ්ජනීයකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස නියස්සකම්මං කරොති, නියස්සකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස පබ්බාජනීයකම්මං කරොති, පබ්බාජනීයකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පටිසාරණීයකම්මං කරොති, පටිසාරණීයකම්මාරහස්ස පබ්බාජනීයකම්මං කරොති, -පෙ- පටිසාරණීයකම්මාරහස්ස උක්ඛෙපනීයකම්මං කරොති, උක්ඛෙපනීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස පරිවාසං දෙති, පරිවාසාරහස්ස උක්ඛෙපනීයකම්මං කරොති, -පෙ- පරිවාසාරහං මූලාය පටිකස්සති, මූලාය පටිකස්සනාරහස්ස පරිවාසං දෙති, -පෙ- මූලාය පටිකස්සනාරහස්ස මානත්තං දෙති, මානත්තාරහං මූලාය පටිකස්සති, -පෙ- මානත්තාරහං අබ්භෙති, අබ්භානාරහස්ස මානත්තං දෙති, -පෙ- අබ්භානාරහං උපසම්පාදෙති, උපසම්පදාරහං අබ්භෙති, එවං ඛො, උපාලි, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොතී.”{1}
23. “යො නු ඛො භන්තෙ, සමග්ගො සඞ්ඝො සතිවිනයාරහස්ස සතිවිනයං දෙති. ධම්මකම්මං නු ඛො තං භන්තෙ, විනයකම්ම”න්ති. “ධම්මකම්මං තං උපාලි, විනයකම්ම.” “යො නු ඛො භන්තෙ, සමග්ගො සඞ්ඝො අමූළ්හවිනයාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පබ්බාජනීයකම්මං කරොති -පෙ- පටිසාරණීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස උක්ඛෙපනීයකම්මං කරොති, -පෙ- පරිවාසාරහස්ස පරිවාසං දෙති, -පෙ- මූලාය පටිකස්සනාරහං මූලාය පටිකස්සති, -පෙ- මානත්තාරහස්ස මානත්තං දෙති, -පෙ- අබ්භානාරහං අබ්භෙති, -පෙ- උපසම්පදාරහං උපසම්පාදෙති, ධම්මකම්මං නු ඛො තං භන්තෙ, විනයකම්ම”න්ති. “ධම්මකම්මං තං උපාලි, විනයකම්මං.”
24. “යො ඛො උපාලි, සමග්ගො සඞ්ඝො සතිවිනයාරහස්ස සතිවිනයං දෙති, එවං ඛො උපාලි, ධම්මකම්මං හොති. විනයකම්මං. එවඤ්ච පන සඞ්ඝො අනතිසාරො හොති. යො ඛො උපාලි, සමග්ගො සඞ්ඝො අමූළ්හවිනයාරහස්ස අමූළ්හවිනයං දෙති, -පෙ- තස්සපාපිය්යසිකාකම්මාරහස්ස තස්සපාපිය්යසිකාකම්මං කරොති, -පෙ- තජ්ජනීයකම්මාරහස්ස තජ්ජනීයකම්මං කරොති, -පෙ- නියස්සකම්මාරහස්ස නියස්සකම්මං කරොති, -පෙ- පබ්බාජනීයකම්මාරහස්ස පබ්බාජනීයකම්මං කරොති, -පෙ- පටිසාරණීයකම්මාරහස්ස පටිසාරණීයකම්මං කරොති, -පෙ- උක්ඛෙපනීයකම්මාරහස්ස උක්ඛෙපනීයකම්මං කරොති, -පෙ- පරිවාසාරහස්ස පරිවාසං දෙති, -පෙ- මූලාය පටිකස්සනාරහං මූලාය පටිකස්සති, -පෙ- මානත්තාරහස්ස මානත්තං දෙති, -පෙ- අබ්භානාරහං අබ්භෙති, උපසම්පදාරහං උපසම්පාදෙති, එවං ඛො උපාලි, ධම්මකම්මං හොති විනයකම්මං. එවඤ්ච පන සඞ්ඝො අනතිසාරො හොතී”ති.
25. අථ ඛො භගවා භික්ඛූ ආමන්තෙසි: “යො ඛො භික්ඛවෙ සමග්ගො සඞ්ඝො සතිවිනයාරහස්ස අමූළ්හවිනයං දෙති, එවං ඛො භික්ඛවෙ, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති. යො ඛො භික්ඛවෙ, සමග්ගො සඞ්ඝො සතිවිනයාරහස්ස තස්සපාපිය්යසිකාකම්මං කරොති, -පෙ- සතිවිනයාරහස්ස තජ්ජනීයකම්මං කරොති, -පෙ- සතිවිනයාරහස්ස නියස්සකම්මං කරොති, -පෙ- සතිවිනයාරහස්ස පබ්බාජනීයකම්මං කරොති, -පෙ- සතිවිනයාරහස්ස පටිසාරණීයකම්මං කරොති, -පෙ- සතිවිනයාරහස්ස උක්ඛෙපනීයකම්මං කරොති, -පෙ- සතිවිනයාරහස්ස පරිවාසං දෙති, -පෙ- සතිවිනයාරහං මූලාය පටිකස්සති, -පෙ- සතිවිනයාරහස්ස මානත්තං දෙති, -පෙ- සතිවිනයාරහං අබ්භෙති, -පෙ- සතිවිනයාරහං උපසම්පාදෙති, එවං ඛො භික්ඛවෙ අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති.”
26. “යො ඛො භික්ඛවෙ, සමග්ගො සඞ්ඝො අමූළ්හවිනයාරහස්ස සතිවිනයං දෙති, එවං ඛො භික්ඛවෙ, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති. යො ඛො භික්ඛවෙ, සමග්ගො සඞ්ඝො අමූළ්හවිනයාරහස්ස තස්සපාපිය්යසිකාකම්මං කරොති. -පෙ- අමූළ්හවිනයාරහස්ස තජ්ජනීයකම්මං කරොති, -පෙ- අමූළ්හවිනයාරහස්ස නියස්සකම්මං කරොති, -පෙ- අමූළ්හවිනයාරහස්ස පබ්බාජනීයකම්මං කරොති, -පෙ- අමූළ්හවිනයාරහස්ස පටිසාරණීයකම්මං කරොති, -පෙ- අමූළ්හවිනයාරහස්ස උක්ඛෙපනීයකම්මං කරොති, -පෙ- අමූළ්හවිනයාරහස්ස පරිවාසං දෙති, -පෙ- අමූළ්හවිනයාරහං මූලාය පටිකස්සති, -පෙ- අමූළ්හවිනයාරහස්ස මානත්තං දෙති, -පෙ- අමූළ්හවිනයාරහං අබ්භෙති, -පෙ- අමූළ්හවිනයාරහං උපසම්පාදෙති, එවං ඛො භික්ඛවෙ, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති.{*}
27. “යො ඛො භික්ඛවෙ, සමග්ගො සඞ්ඝො තස්සපාපිය්යසිකාකම්මාරහස්ස [සතිවිනයං දෙති,]{1} -පෙ- තජ්ජනීයකම්මාරහස්ස -පෙ- නියස්සකම්මාරහස්ස -පෙ- පබ්බාජනීයකම්මාරහස්ස -පෙ- පටිසාරණීයකම්මාරහස්ස -පෙ- උක්ඛෙපනීයකම්මාරහස්ස -පෙ- පරිවාසාරහස්ස -පෙ- මූලාය පටිකස්සනාරහස්ස -පෙ- මානත්තාරහස්ස -පෙ- අබ්භානාරහස්ස [සතිවිනයං දෙති,] -පෙ- එවං ඛො, භික්ඛවෙ, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොති.{*}
28. “යො ඛො භික්ඛවෙ, සමග්ගො සඞ්ඝො උපසම්පදාරහස්ස සතිවිනයං දෙති, -පෙ- උපසම්පදාරහස්ස අමූළ්හවිනයං දෙති, -පෙ- උපසම්පදාරහස්ස තස්සපාපිය්යසිකාකම්මං කරොති, -පෙ- උපසම්පදාරහස්ස තජ්ජනීයකම්මං කරොති, -පෙ- උපසම්පදාරහස්ස නියස්සකම්මං කරොති, -පෙ- උපසම්පදාරහස්ස පබ්බාජනීයකම්මං කරොති, -පෙ- උපසම්පදාරහස්ස පටිසාරණීයකම්මං කරොති, -පෙ- උපසම්පදාරහස්ස උක්ඛෙපනීයකම්මං කරොති, -පෙ- උපසම්පදාරහස්ස පරිවාසං දෙති, -පෙ- උපසම්පදාරහං මූලාය පටිකස්සති, -පෙ- උපසම්පදාරහස්ස මානත්තං දෙති, -පෙ- උපසම්පදාරහං අබ්භෙති, එවං ඛො භික්ඛවෙ, අධම්මකම්මං හොති අවිනයකම්මං. එවඤ්ච පන සඞ්ඝො සාතිසාරො හොතී”ති.
උපාලිපුච්ඡාභාණවාරං දුතියං{2}
1. ඉධ පන භික්ඛවෙ, භික්ඛු භණ්ඩනකාරකො හොති කලහකාරකො විවාදකාරකො භස්සකාරකො සඞ්ඝෙ අධිකරණකාරකො. තත්ර චෙ භික්ඛූනං එවං හොති: “අයං ඛො ආවුසො, භික්ඛු භණ්ඩනකාරකො කලහකාරකො විවාදකාරකො භස්සකාරකො සඞ්ඝෙ අධිකරණකාරකො. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන වග්ගා.
2. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “අයං ඛො ආවුසො භික්ඛු සඞ්ඝෙන තජ්ජනීයකම්මකතො අධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන සමග්ගා.
3. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මෙන වග්ගා.
4. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො භික්ඛු සඞ්ඝෙන තජ්ජනීයකම්මකතො ධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන වග්ගා.
5. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන සමග්ගා.
6. ඉධ පන, භික්ඛවෙ, භික්ඛු භණ්ඩනකාරකො හොති කලහකාරකො විවාදකාරකො භස්සකාරකො සඞ්ඝෙ අධිකරණකාරකො. තත්ර චෙ භික්ඛූනං එවං හොති: “අයං ඛො ආවුසො, භික්ඛු භණ්ඩනකාරකො කලහකාරකො විවාදකාරකො භස්සකාරකො සඞ්ඝෙ අධිකරණකාරකො. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන සමග්ගා.
7. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මෙන වග්ගා.
8. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො භික්ඛු සඞ්ඝෙන තජ්ජනීයකම්මකතො ධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන වග්ගා.
9. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං කරොමා”ති. තස්ස තජ්ජනීයකම්මං කරොන්ති ධම්මපතිරූපකෙන සමග්ගා.
10. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන වග්ගා.
11. ඉධ පන භික්ඛවෙ, භික්ඛු භණ්ඩනකාරකො හොති කලහකාරකො විවාදකාරකො භස්සකාරකො සඞ්ඝෙ අධිකරණකාරකො. තත්ර චෙ භික්ඛූනං එවං හොති: “අයං ඛො ආවුසො, භික්ඛු භණ්ඩනකාරකො කලහකාරකො විවාදකාරකො භස්සකාරකො සඞ්ඝෙ අධිකරණකාරකො. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මෙන වග්ගා.
12. සො තම්හා ආවාසා අඤ්ඤං ආවාසං ගච්ඡති. තත්ථ{1} භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන වග්ගා.
13. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන සමග්ගා.
14. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන වග්ගා.
15. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන සමග්ගා.
16. ඉධ පන, භික්ඛවෙ, භික්ඛු භණ්ඩනකාරකො හොති කලහකාරකො විවාදකාරකො භස්සකාරකො සඞ්ඝෙ අධිකරණකාරකො. තත්ර චෙ භික්ඛූනං එවං හොති: “අයං ඛො ආවුසො, භික්ඛු භණ්ඩනකාරකො කලහකාරකො විවාදකාරකො භස්සකාරකො සඞ්ඝෙ අධිකරණකාරකො. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන වග්ගා.
17. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන සමග්ගා.
18. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන වග්ගා.
19. සො තම්හාපි ආවාසා අඤ්ඤං ආවාසං ගච්ඡති තත්ථපි භික්ඛූනං. එවං හොති: “අයං ඛො, ආවුසො, භික්ඛු සඞ්ඝෙන තජ්ජනීයකම්මකතො අධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන සමග්ගා.
20. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මෙන වග්ගා.
21. ඉධ පන, භික්ඛවෙ, භික්ඛු භණ්ඩනකාරකො හොති කලහකාරකො විවාදකාරකො භස්සකාරකො සඞ්ඝෙ අධිකරණකාරකො. තත්ර චෙ භික්ඛූනං එවං හොති: “අයං ඛො ආවුසො, භික්ඛු භණ්ඩනකාරකො කලහකාරකො විවාදකාරකො භස්සකාරකො සඞ්ඝෙ අධිකරණකාරකො. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන සමග්ගා.
22. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන වග්ගා.
23. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති අධම්මෙන සමග්ගා.
24. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො අධම්මෙන සමග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මෙන වග්ගා.
25. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො ධම්මෙන වග්ගෙහි. හන්දස්ස මයං තජ්ජනීයකම්මං කරොමා”ති. තෙ තස්ස තජ්ජනීයකම්මං කරොන්ති ධම්මපතිරූපකෙන වග්ගා.
26. ඉධ පන, භික්ඛවෙ, භික්ඛු බාලො හොති අබ්යත්තො ආපත්තිබහුලො අනපදානො ගිහීහි සංසට්ඨො විහරති අනනුලොමිකෙහි ගිහීසංසග්ගෙහි. තත්ර චෙ භික්ඛූනං එවං හොති: “අයං ඛො ආවුසො, භික්ඛු බාලො අබ්යත්තො ආපත්තිබහුලො අනපදානො ගිහීහි සංසට්ඨො විහරති අනනුලොමිකෙහි ගිහීසංසග්ගෙහි. හන්දස්ස මයං නියස්සකම්මං කරොමා”ති. තෙ තස්ස නියස්සකම්මං කරොන්ති අධම්මෙන වග්ගා.
27. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන නියස්සකම්මකතො අධම්මෙන වග්ගෙහි. හන්දස්ස මයං නියස්සකම්මං කරොමා”ති. තෙ තස්ස නියස්සකම්මං කරොන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. යථා හෙට්ඨා, තථා චක්කං කාතබ්බං{*}.
28. ඉධ පන, භික්ඛවෙ, භික්ඛු කුලදූසකො හොති පාපසමාචාරො තත්ර චෙ භික්ඛූනං එවං හොති: “අයං ඛො ආවුසො, භික්ඛු කුලදූසකො පාපසමාචාරො. හන්දස්ස මයං පබ්බාජනීයකම්මං කරොමා”ති. තෙ තස්ස පබ්බාජනීයකම්මං කරොන්ති අධම්මෙන වග්ගා.
29. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “අයං ඛො ආවුසො භික්ඛු සඞ්ඝෙන පබ්බාජනීයකම්මකතො අධම්මෙන වග්ගෙහි. හන්දස්ස මයං පබ්බාජනීයකම්මං කරොමා”ති. තෙ තස්ස පබ්බාජනීයකම්මං කරොන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.{*}
30. ඉධ පන භික්ඛවෙ, භික්ඛු ගිහී අක්කොසති; පරිභාසති. තත්ර චෙ භික්ඛූනං එවං හොති: “අයං ඛො ආවුසො, භික්ඛු ගිහී අක්කොසති පරිභාසති. හන්දස්ස මයං පටිසාරණීයකම්මං කරොමා”ති. තෙ තස්ස පටිසාරණීයකම්මං කරොන්ති අධම්මෙන වග්ගා.
31. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “අයං ඛො ආවුසො, භික්ඛු සඞ්ඝෙන පටිසාරණීයකම්මකතො අධම්මෙන වග්ගෙහි. හන්දස්ස මයං පටිසාරණීයකම්මං කරොමා”ති. තෙ තස්ස පටිසාරණීයකම්මං කරොන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.{1}{*}
32. ඉධ පන භික්ඛවෙ, භික්ඛු ආපත්තිං ආපජ්ජිත්වා න ඉච්ඡති ආපත්තිං පස්සිතුං. තත්ර චෙ භික්ඛූනං එවං හොති: “අයං ඛො ආවුසො, භික්ඛු ආපත්තිං ආපජ්ජිත්වා න ඉච්ඡති ආපත්තිං පස්සිතුං. හන්දස්ස මයං ආපත්තියා අදස්සනෙ උක්ඛෙපනීයකම්මං කරොමා”ති. තෙ තස්ස ආපත්තියා අදස්සනෙ උක්ඛෙපනීයකම්මං කරොන්ති අධම්මෙන වග්ගා.
33. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “අයං ඛො ආවුසො, භික්ඛු සඞ්ඝෙන ආපත්තියා අදස්සනෙ උක්ඛෙපනීයකම්මකතො අධම්මෙන වග්ගෙහි. හන්දස්ස මයං ආපත්තියා අදස්සනෙ උක්ඛෙපනීයකම්මං කරොමා”ති. තෙ තස්ස ආපත්තියා අදස්සනෙ උක්ඛෙපනීයකම්මං කරොන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.
34. ඉධ පන භික්ඛවෙ, භික්ඛු ආපත්තිං ආපජ්ජිත්වා න ඉච්ඡති ආපත්තිං පටිකාතුං. තත්ර චෙ භික්ඛූනං එවං හොති: “අයං ඛො ආවුසො, භික්ඛු ආපත්තිං ආපජ්ජිත්වා න ඉච්ඡති ආපත්තිං පටිකාතුං. හන්දස්ස මයං ආපත්තියා අප්පටිකම්මෙ උක්ඛෙපනීයකම්මං කරොමා”ති . තෙ තස්ස ආපත්තියා අප්පටිකම්මෙ උක්ඛෙපනීයකම්මං කරොන්ති අධම්මෙන වග්ගා.
35. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “අයං ඛො ආවුසො භික්ඛු සඞ්ඝෙන ආපත්තියා අප්පටිකම්මෙ උක්ඛෙපනීයකම්මකතො අධම්මෙන වග්ගෙහි. හන්දස්ස මයං ආපත්තියා අප්පටිකම්මෙ උක්ඛෙපනීයකම්මං කරොමා”ති. තෙ තස්ස ආපත්තියා අප්පටිකම්මෙ උක්ඛෙපනීයකම්මං කරොන්ති. අධම්මෙන සමග්ගා -පෙ-. ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.
36. ඉධ පන භික්ඛවෙ, භික්ඛු න ඉච්ඡති පාපිකං දිට්ඨිං පටිනිස්සජ්ජිතුං. තත්ර චෙ භික්ඛූනං එවං හොති: “අයං ඛො ආවුසො භික්ඛු න ඉච්ඡති පාපිකං දිට්ඨිං පටිනිස්සජ්ජිතුං. හන්දස්ස මයං පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මං කරොමා”ති. තෙ තස්ස පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මං කරොන්ති අධම්මෙන වග්ගා.
37. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “අයං ඛො ආවුසො, භික්ඛු සඞ්ඝෙන පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මකතො අධම්මෙන වග්ගෙහි. හන්දස්ස මයං පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මං කරොමා”ති. තෙ තස්ස පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මං කරොන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.
38. ඉධ පන භික්ඛවෙ, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති, නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති.
39. තත්ර චෙ භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන වග්ගා.
40. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන සමග්ගා.
41. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: ‘ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මෙන වග්ගා.
42. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන වග්ගා.
43. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන සමග්ගා.
44. ඉධ පන භික්ඛවෙ, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති.
45. තත්ර චෙ භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන සමග්ගා.
46. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මෙන වග්ගා.
47. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන වග්ගා.
48. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන සමග්ගා.
49. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන වග්ගා.
50. ඉධ පන භික්ඛවෙ, භික්ඛු සඞ්ඝෙන තජ්ජනීයකම්මකතො සම්මා වත්තති, ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති.
51. තත්ර චෙ භික්ඛූනං එවං හොති: “අයං ඛො ආවුසො, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මෙන වග්ගා.
52. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන වග්ගා.
53. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන සමග්ගා.
54. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන වග්ගා.
55. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන සමග්ගා.
56. ඉධ පන භික්ඛවෙ, භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති.
57. තත්ර චෙ භික්ඛූනං එවං හොති: “අයං ඛො ආවුසො භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන වග්ගා.
58. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන සමග්ගා.
59. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන වග්ගා.
60. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන සමග්ගා.
61. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො, භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මෙන වග්ගා.
62. ඉධ පන, භික්ඛවෙ, භික්ඛු සඞ්ඝෙන තජ්ජනීයකම්මකතො සම්මා වත්තති, ලොමං පාතෙති, නෙත්ථාරං වත්තති, තජ්ජනීයස්ස කම්මස්ස පටිප්පස්සද්ධිං යාචති.
63. තත්ර චෙ භික්ඛූනං එවං හොති: “අයං ඛො ආවුසො භික්ඛු සඞ්ඝෙන තජ්ජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. තජ්ජනීයස්ස කම්මස්ස පටිප්පස්සද්ධිං යාචති. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන සමග්ගා.
64. සො තම්හා ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මපතිරූපකෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන වග්ගා.
65. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති අධම්මෙන සමග්ගා.
66. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං අධම්මෙන සමග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මෙන වග්ගා.
67. සො තම්හාපි ආවාසා අඤ්ඤං ආවාසං ගච්ඡති. තත්ථපි භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන තජ්ජනීයකම්මං පටිප්පස්සද්ධං ධම්මෙන වග්ගෙහි. හන්දස්ස මයං තජ්ජනීයකම්මං පටිප්පස්සම්භෙමා”ති. තෙ තස්ස තජ්ජනීයකම්මං පටිප්පස්සම්භෙන්ති ධම්මපතිරූපකෙන වග්ගා.
68. ඉධ පන භික්ඛවෙ, භික්ඛු සඞ්ඝෙන නියස්සකම්මකතො{1} සම්මා වත්තති, ලොමං පාතෙති. නෙත්ථාරං වත්තති. නියස්සස්ස කම්මස්ස{2} පටිප්පස්සද්ධිං යාචති.
69. තත්ර චෙ භික්ඛූනං එවං හොති: “අයං ඛො ආවුසො භික්ඛු සඞ්ඝෙන නියස්සකම්මකතො සම්මා වත්තති. ලොමං පාතෙති. නෙත්ථාරං වත්තති. නියස්සස්ස කම්මස්ස2 පටිප්පස්සද්ධිං යාචති. හන්දස්ස මයං නියස්සකම්මං පටිප්පස්සම්භෙමා”ති. තෙ තස්ස නියස්සකම්මං පටිප්පස්සම්භෙන්ති අධම්මෙන වග්ගා.
70. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන නියස්සකම්මං පටිප්පස්සද්ධං අධම්මෙන වග්ගෙහි. හන්දස්ස මයං නියස්සකම්මං පටිප්පස්සම්භෙමා”ති. තෙ තස්ස නියස්සකම්මං පටිප්පස්සම්භෙන්ති අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා. -පෙ- ධම්මපතිරූපකෙන සමග්ගා. චක්කං කාතබ්බං.
71. ඉධ පන භික්ඛවෙ, භික්ඛු සඞ්ඝෙන පබ්බාජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. පබ්බාජනීයස්ස කම්මස්ස පටිප්පස්සද්ධිං යාචති.
72. තත්ර චෙ භික්ඛූනං එවං හොති: “අයං ඛො ආවුසො භික්ඛු සඞ්ඝෙන පබ්බාජනීයකම්මකතො සම්මා වත්තති. ලොමං පාතෙති. නෙත්ථාරං වත්තති. පබ්බාජනීයස්ස කම්මස්ස පටිප්පස්සද්ධිං යාචති. හන්දස්ස මයං පබ්බාජනීයකම්මං පටිප්පස්සම්භෙමා”ති. තෙ තස්ස පබ්බාජනීයකම්මං පටිප්පස්සම්භෙන්ති අධම්මෙන වග්ගා.
73. සො තම්හා ආවාසා අඤ්ඤං ආවාසං ගච්ඡති. තත්ථ භික්ඛූනං එවං හොති: “ඉමස්ස ඛො ආවුසො භික්ඛුනො සඞ්ඝෙන පබ්බාජනීයකම්මං පටිප්පස්සද්ධං අධම්මෙන වග්ගෙහි. හන්දස්ස මයං පබ්බාජනීයකම්මං පටිප්පස්සම්භෙමා”ති. තෙ තස්ස පබ්බාජනීයකම්මං පටිප්පස්සම්භෙන්ති– අධම්මෙන සමග්ගා -පෙ- ධම්මෙන වග්ගා -පෙ- ධම්මපතිරූපකෙන වග්ගා -පෙ- ධම්මපතිරූපකෙන සමග්ගා. චක්කං කාතබ්බං.
74. ඉධ පන භික්ඛවෙ, භික්ඛු සඞ්ඝෙන පටිසාරණීයකම්මකතො සම්මා වත්තති. ලොමං පාතෙති. නෙත්ථාරං වත්තති. පටිසාරණීයස්ස කම්මස්ස පටිප්පස්සද්ධිං යාචති.