Yassa yaṁ cittaṁ uppajjati tassa taṁ cittaṁ uppajjissatīti? No.
Yassa vā pana yaṁ cittaṁ uppajjissati tassa taṁ cittaṁ uppajjatīti? No.
Yassa yaṁ cittaṁ na uppajjati tassa taṁ cittaṁ na uppajjissatīti?
Anāgataṁ cittaṁ na uppajjati, no ca tassa taṁ cittaṁ na uppajjissati. Bhaṅgakkhaṇe atītañca cittaṁ na ceva uppajjati na ca uppajjissati.
Yassa vā pana yaṁ cittaṁ na uppajjissati tassa taṁ cittaṁ na uppajjatīti?
Uppādakkhaṇe cittaṁ na uppajjissati, no ca tassa taṁ cittaṁ na uppajjati. Bhaṅgakkhaṇe atītañca cittaṁ na ceva uppajjissati na ca uppajjati.
Yassa yaṁ cittaṁ uppajjittha tassa taṁ cittaṁ uppajjissatīti? No.
Yassa vā pana yaṁ cittaṁ uppajjissati tassa taṁ cittaṁ uppajjitthāti? No.
Yassa yaṁ cittaṁ na uppajjittha tassa taṁ cittaṁ na uppajjissatīti?
Anāgataṁ cittaṁ na uppajjittha, no ca tassa taṁ cittaṁ na uppajjissati. Paccuppannaṁ cittaṁ na ceva uppajjittha na ca uppajjissati.
Yassa vā pana yaṁ cittaṁ na uppajjissati tassa taṁ cittaṁ na uppajjitthāti?
Atītaṁ cittaṁ na uppajjissati, no ca tassa taṁ cittaṁ na uppajjittha. Paccuppannaṁ cittaṁ na ceva uppajjissati na ca uppajjittha.
8.2.1.3.5. Nirodhavāra
Yassa yaṁ cittaṁ nirujjhati tassa taṁ cittaṁ nirujjhitthāti? No.
Yassa vā pana yaṁ cittaṁ nirujjhittha tassa taṁ cittaṁ nirujjhatīti? No.
Yassa yaṁ cittaṁ na nirujjhati tassa taṁ cittaṁ na nirujjhitthāti?
Atītaṁ cittaṁ na nirujjhati, no ca tassa taṁ cittaṁ na nirujjhittha. Uppādakkhaṇe anāgatañca cittaṁ na ceva nirujjhati na ca nirujjhittha.
Yassa vā pana yaṁ cittaṁ na nirujjhittha tassa taṁ cittaṁ na nirujjhatīti?
Bhaṅgakkhaṇe cittaṁ na nirujjhittha, no ca tassa taṁ cittaṁ na nirujjhati. Uppādakkhaṇe anāgatañca cittaṁ na ceva nirujjhittha na ca nirujjhati.
Yassa yaṁ cittaṁ nirujjhati tassa taṁ cittaṁ nirujjhissatīti? No.
Yassa vā pana yaṁ cittaṁ nirujjhissati tassa taṁ cittaṁ nirujjhatīti? No.
Yassa yaṁ cittaṁ na nirujjhati tassa taṁ cittaṁ na nirujjhissatīti?
Uppādakkhaṇe anāgatañca cittaṁ na nirujjhati, no ca tassa taṁ cittaṁ na nirujjhissati. Atītaṁ cittaṁ na ceva nirujjhati na ca nirujjhissati.
Yassa vā pana yaṁ cittaṁ na nirujjhissati tassa taṁ cittaṁ na nirujjhatīti?
Bhaṅgakkhaṇe cittaṁ na nirujjhissati, no ca tassa taṁ cittaṁ na nirujjhati. Atītaṁ cittaṁ na ceva nirujjhissati na ca nirujjhati.
Yassa yaṁ cittaṁ nirujjhittha tassa taṁ cittaṁ nirujjhissatīti? No.
Yassa vā pana yaṁ cittaṁ nirujjhissati tassa taṁ cittaṁ nirujjhitthāti? No.
Yassa yaṁ cittaṁ na nirujjhittha tassa taṁ cittaṁ na nirujjhissatīti?
Uppādakkhaṇe anāgatañca cittaṁ na nirujjhittha, no ca tassa taṁ cittaṁ na nirujjhissati. Bhaṅgakkhaṇe cittaṁ na ceva nirujjhittha na ca nirujjhissati.
Yassa vā pana yaṁ cittaṁ na nirujjhissati tassa taṁ cittaṁ na nirujjhitthāti?
Atītaṁ cittaṁ na nirujjhissati, no ca tassa taṁ cittaṁ na nirujjhittha. Bhaṅgakkhaṇe cittaṁ na ceva nirujjhissati na ca nirujjhittha.
(Yassa cittake sakabhāvena niddiṭṭhe, yaṁ cittake ca yassa yaṁ cittake ca ekattena niddiṭṭhe.)
8 Cittayamaka
8.2 Niddesa
8.2.2. Suttantacittamissakavisesa
Yassa sarāgaṁ cittaṁ uppajjati na nirujjhati tassa sarāgaṁ cittaṁ nirujjhissati na uppajjissatīti?
Sarāgapacchimacittassa uppādakkhaṇe tesaṁ sarāgaṁ cittaṁ uppajjati na nirujjhati, nirujjhissati na uppajjissati. Itaresaṁ sarāgacittassa uppādakkhaṇe tesaṁ …pe….
8 Cittayamaka
8.2 Niddesa
8.2.3. Abhidhammacittamissakavisesa
Yassa kusalaṁ cittaṁ uppajjati na nirujjhati tassa kusalaṁ cittaṁ nirujjhissati na uppajjissatīti?
Pacchimakusalacittassa uppādakkhaṇe tesaṁ kusalaṁ cittaṁ uppajjati na nirujjhati, nirujjhissati na uppajjissati. Itaresaṁ kusalacittassa uppādakkhaṇe tesaṁ …pe….
Yassa vā pana …pe… ? Āmantā …pe….
Yassa akusalaṁ cittaṁ uppajjati na nirujjhati …pe…. Yassa abyākataṁ cittaṁ uppajjati na nirujjhati …pe….
(Mūlayamakaṁ cittayamakaṁ dhammayamakanti tīṇi yamakāni yāva saraṇaaraṇā gacchanti.)
Cittayamakapāḷi niṭṭhitā.
9 Dhammayamaka
9.1 Paṇṇattivāra
9.1.1. Paṇṇattivārauddesa
9.1.1.1. Padasodhanavāra
9.1.1.1.1. Anuloma
Namo tassa Bhagavato Arahato Sammāsambuddhassa.
Kusalā kusalā dhammā?
Kusalā dhammā kusalā?
Akusalā akusalā dhammā?
Akusalā dhammā akusalā?
Abyākatā abyākatā dhammā?
Abyākatā dhammā abyākatā?
9.1.1.1.2. Paccanīka
Na kusalā na kusalā dhammā?
Na kusalā dhammā na kusalā?
Na akusalā na akusalā dhammā?
Na akusalā dhammā na akusalā?
Na abyākatā na abyākatā dhammā?
Na abyākatā dhammā na abyākatā?
9.1.1.2. Padasodhanamūlacakkavāra
9.1.1.2.1. Anuloma
Kusalā kusalā dhammā?
Dhammā akusalā dhammā?
Kusalā kusalā dhammā?
Dhammā abyākatā dhammā?
Akusalā akusalā dhammā?
Dhammā kusalā dhammā?
Akusalā akusalā dhammā?
Dhammā abyākatā dhammā?
Abyākatā abyākatā dhammā?
Dhammā kusalā dhammā?
Abyākatā abyākatā dhammā?
Dhammā akusalā dhammā?
9.1.1.2.2. Paccanīka
Na kusalā na kusalā dhammā?
Na dhammā na akusalā dhammā?
Na kusalā na kusalā dhammā?
Na dhammā na abyākatā dhammā?
Na akusalā na akusalā dhammā?
Na dhammā na kusalā dhammā?
Na akusalā na akusalā dhammā?
Na dhammā na abyākatā dhammā?
Na abyākatā na abyākatā dhammā?
Na dhammā na kusalā dhammā?
Na abyākatā na abyākatā dhammā?
Na dhammā na akusalā dhammā?
9.1.1.3. Suddhadhammavāra
9.1.1.3.1. Anuloma
Kusalā dhammā?
Dhammā kusalā?
Akusalā dhammā?
Dhammā akusalā?
Abyākatā dhammā?
Dhammā abyākatā?