Yamaka · Pali MS · SuttaWiki

ya7.2.3:77.1

Yato paṭighānusayaṁ pajahati tato avijjānusayaṁ pajahatīti? Āmantā.

ya7.2.3:78.1

Yato vā pana avijjānusayaṁ pajahati tato paṭighānusayaṁ pajahatīti?

ya7.2.3:79.1

Kāmadhātuyā dvīsu vedanāsu rūpadhātuyā arūpadhātuyā tato avijjānusayaṁ pajahati, no ca tato paṭighānusayaṁ pajahati. Dukkhāya vedanāya tato avijjānusayañca pajahati paṭighānusayañca pajahati.

ya7.2.3:80.1

Yato mānānusayaṁ pajahati tato diṭṭhānusayaṁ …pe… vicikicchānusayaṁ pajahatīti? Āmantā.

ya7.2.3:81.1

Yato vā pana vicikicchānusayaṁ pajahati tato mānānusayaṁ pajahatīti?

ya7.2.3:82.1

Dukkhāya vedanāya tato vicikicchānusayaṁ pajahati, no ca tato mānānusayaṁ pajahati. Kāmadhātuyā dvīsu vedanāsu rūpadhātuyā arūpadhātuyā tato vicikicchānusayañca pajahati mānānusayañca pajahati.

ya7.2.3:83.1

Yato mānānusayaṁ pajahati tato bhavarāgānusayaṁ pajahatīti?

ya7.2.3:84.1

Kāmadhātuyā dvīsu vedanāsu tato mānānusayaṁ pajahati, no ca tato bhavarāgānusayaṁ pajahati. Rūpadhātuyā arūpadhātuyā tato mānānusayañca pajahati bhavarāgānusayañca pajahati.

ya7.2.3:85.1

Yato vā pana bhavarāgānusayaṁ pajahati tato mānānusayaṁ pajahatīti? Āmantā.

ya7.2.3:86.1

Yato mānānusayaṁ pajahati tato avijjānusayaṁ pajahatīti? Āmantā.

ya7.2.3:87.1

Yato vā pana avijjānusayaṁ pajahati tato mānānusayaṁ pajahatīti?

ya7.2.3:88.1

Dukkhāya vedanāya tato avijjānusayaṁ pajahati, no ca tato mānānusayaṁ pajahati. Kāmadhātuyā dvīsu vedanāsu rūpadhātuyā arūpadhātuyā tato avijjānusayañca pajahati mānānusayañca pajahati.

ya7.2.3:89.1

Yato diṭṭhānusayaṁ pajahati tato vicikicchānusayaṁ pajahatīti? Āmantā.

ya7.2.3:90.1

Yato vā pana vicikicchānusayaṁ pajahati tato diṭṭhānusayaṁ pajahatīti? Āmantā …pe….

ya7.2.3:91.1

Yato vicikicchānusayaṁ pajahati tato bhavarāgānusayaṁ pajahatīti?

ya7.2.3:92.1

Kāmadhātuyā tīsu vedanāsu tato vicikicchānusayaṁ pajahati, no ca tato bhavarāgānusayaṁ pajahati. Rūpadhātuyā arūpadhātuyā tato vicikicchānusayañca pajahati bhavarāgānusayañca pajahati.

ya7.2.3:93.1

Yato vā pana bhavarāgānusayaṁ pajahati tato vicikicchānusayaṁ pajahatīti? Āmantā.

ya7.2.3:94.1

Yato vicikicchānusayaṁ pajahati tato avijjānusayaṁ pajahatīti? Āmantā.

ya7.2.3:95.1

Yato vā pana avijjānusayaṁ pajahati tato vicikicchānusayaṁ pajahatīti? Āmantā.

ya7.2.3:96.1

Yato bhavarāgānusayaṁ pajahati tato avijjānusayaṁ pajahatīti? Āmantā.

ya7.2.3:97.1

Yato vā pana avijjānusayaṁ pajahati tato bhavarāgānusayaṁ pajahatīti?

ya7.2.3:98.1

Kāmadhātuyā tīsu vedanāsu tato avijjānusayaṁ pajahati no ca tato bhavarāgānusayaṁ pajahati. Rūpadhātuyā arūpadhātuyā tato avijjānusayañca pajahati bhavarāgānusayañca pajahati. (Ekamūlakaṁ.)

ya7.2.3:99.1

Yato kāmarāgānusayañca paṭighānusayañca pajahati tato mānānusayaṁ pajahatīti? Natthi.

ya7.2.3:100.1

Yato vā pana mānānusayaṁ pajahati tato kāmarāgānusayañca paṭighānusayañca pajahatīti?

ya7.2.3:101.1

Rūpadhātuyā arūpadhātuyā tato mānānusayaṁ pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato mānānusayañca kāmarāgānusayañca pajahati, no ca tato paṭighānusayaṁ pajahati.

ya7.2.3:102.1

Yato kāmarāgānusayañca paṭighānusayañca pajahati tato diṭṭhānusayaṁ …pe… vicikicchānusayaṁ pajahatīti? Natthi.

ya7.2.3:103.1

Yato vā pana vicikicchānusayaṁ pajahati tato kāmarāgānusayañca paṭighānusayañca pajahatīti?

ya7.2.3:104.1

Rūpadhātuyā arūpadhātuyā tato vicikicchānusayaṁ pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato vicikicchānusayañca kāmarāgānusayañca pajahati, no ca tato paṭighānusayaṁ pajahati. Dukkhāya vedanāya tato vicikicchānusayañca paṭighānusayañca pajahati, no ca tato kāmarāgānusayaṁ pajahati.

ya7.2.3:105.1

Yato kāmarāgānusayañca paṭighānusayañca pajahati tato bhavarāgānusayaṁ pajahatīti? Natthi.

ya7.2.3:106.1

Yato vā pana bhavarāgānusayaṁ pajahati tato kāmarāgānusayañca paṭighānusayañca pajahatīti? No.

ya7.2.3:107.1

Yato kāmarāgānusayañca paṭighānusayañca pajahati tato avijjānusayaṁ pajahatīti? Natthi.

ya7.2.3:108.1

Yato vā pana avijjānusayaṁ pajahati tato kāmarāgānusayañca paṭighānusayañca pajahatīti?

ya7.2.3:109.1

Rūpadhātuyā arūpadhātuyā tato avijjānusayaṁ pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato avijjānusayañca kāmarāgānusayañca pajahati, no ca tato paṭighānusayaṁ pajahati. Dukkhāya vedanāya tato avijjānusayañca paṭighānusayañca pajahati, no ca tato kāmarāgānusayaṁ pajahati. (Dukamūlakaṁ.)

ya7.2.3:110.1

Yato kāmarāgānusayañca paṭighānusayañca mānānusayañca pajahati tato diṭṭhānusayaṁ …pe… vicikicchānusayaṁ pajahatīti? Natthi.

ya7.2.3:111.1

Yato vā pana vicikicchānusayaṁ pajahati tato kāmarāgānusayañca paṭighānusayañca mānānusayañca pajahatīti?

ya7.2.3:112.1

Rūpadhātuyā arūpadhātuyā tato vicikicchānusayañca mānānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato vicikicchānusayañca kāmarāgānusayañca mānānusayañca pajahati, no ca tato paṭighānusayaṁ pajahati. Dukkhāya vedanāya tato vicikicchānusayañca paṭighānusayañca pajahati, no ca tato kāmarāgānusayañca mānānusayañca pajahati.

ya7.2.3:113.1

Yato kāmarāgānusayañca paṭighānusayañca mānānusayañca pajahati tato bhavarāgānusayaṁ pajahatīti? Natthi.

ya7.2.3:114.1

Yato vā pana bhavarāgānusayaṁ pajahati tato kāmarāgānusayañca paṭighānusayañca mānānusayañca pajahatīti?

ya7.2.3:115.1

Mānānusayaṁ pajahati.

ya7.2.3:116.1

Yato kāmarāgānusayañca paṭighānusayañca mānānusayañca pajahati tato avijjānusayaṁ pajahatīti? Natthi.

ya7.2.3:117.1

Yato vā pana avijjānusayaṁ pajahati tato kāmarāgānusayañca paṭighānusayañca mānānusayañca pajahatīti?

ya7.2.3:118.1

Rūpadhātuyā arūpadhātuyā tato avijjānusayañca mānānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato avijjānusayañca kāmarāgānusayañca mānānusayañca pajahati, no ca tato paṭighānusayaṁ pajahati. Dukkhāya vedanāya tato avijjānusayañca paṭighānusayañca pajahati, no ca tato kāmarāgānusayañca mānānusayañca pajahati. (Tikamūlakaṁ.)

ya7.2.3:119.1

Yato kāmarāgānusayañca paṭighānusayañca mānānusayañca diṭṭhānusayañca pajahati tato vicikicchānusayaṁ pajahatīti? Natthi.

ya7.2.3:120.1

Yato vā pana vicikicchānusayaṁ pajahati tato kāmarāgānusayañca paṭighānusayañca mānānusayañca diṭṭhānusayañca pajahatīti?

ya7.2.3:121.1

Rūpadhātuyā arūpadhātuyā tato vicikicchānusayañca mānānusayañca diṭṭhānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato vicikicchānusayañca kāmarāgānusayañca mānānusayañca diṭṭhānusayañca pajahati, no ca tato paṭighānusayaṁ pajahati. Dukkhāya vedanāya tato vicikicchānusayañca paṭighānusayañca diṭṭhānusayañca pajahati, no ca tato kāmarāgānusayañca mānānusayañca pajahati …pe…. (Catukkamūlakaṁ.)

ya7.2.3:122.1

Yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahati tato bhavarāgānusayaṁ pajahatīti? Natthi.

ya7.2.3:123.1

Yato vā pana bhavarāgānusayaṁ pajahati tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahatīti?

ya7.2.3:124.1

Mānānusayañca diṭṭhānusayañca vicikicchānusayañca pajahati.

ya7.2.3:125.1

Yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahati tato avijjānusayaṁ pajahatīti? Natthi.

ya7.2.3:126.1

Yato vā pana avijjānusayaṁ pajahati tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca pajahatīti?

ya7.2.3:127.1

Rūpadhātuyā arūpadhātuyā tato avijjānusayañca mānānusayañca diṭṭhānusayañca vicikicchānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato avijjānusayañca kāmarāgānusayañca mānānusayañca diṭṭhānusayañca vicikicchānusayañca pajahati, no ca tato paṭighānusayaṁ pajahati. Dukkhāya vedanāya tato avijjānusayañca paṭighānusayañca diṭṭhānusayañca vicikicchānusayañca pajahati, no ca tato kāmarāgānusayañca mānānusayañca pajahati. (Pañcakamūlakaṁ.)

ya7.2.3:128.1

Yato kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca pajahati tato avijjānusayaṁ pajahatīti? Natthi.

ya7.2.3:129.1

Yato vā pana avijjānusayaṁ pajahati tato kāmarāgānusayañca paṭighānusayañca mānānusayañca diṭṭhānusayañca vicikicchānusayañca bhavarāgānusayañca pajahatīti?

ya7.2.3:130.1

Rūpadhātuyā arūpadhātuyā tato avijjānusayañca mānānusayañca diṭṭhānusayañca vicikicchānusayañca bhavarāgānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato avijjānusayañca kāmarāgānusayañca mānānusayañca diṭṭhānusayañca vicikicchānusayañca pajahati, no ca tato paṭighānusayañca bhavarāgānusayañca pajahati. Dukkhāya vedanāya tato avijjānusayañca paṭighānusayañca diṭṭhānusayañca vicikicchānusayañca pajahati, no ca tato kāmarāgānusayañca mānānusayañca bhavarāgānusayañca pajahati. (Chakkamūlakaṁ.)

ya7.2.3:131.0

7.2.3.3. Anulomapuggalokāsa

ya7.2.3:131.1

Yo yato kāmarāgānusayaṁ pajahati so tato paṭighānusayaṁ pajahatīti? No.

ya7.2.3:132.1

Yo vā pana yato paṭighānusayaṁ pajahati so tato kāmarāgānusayaṁ pajahatīti? No.

ya7.2.3:133.1

Yo yato kāmarāgānusayaṁ pajahati so tato mānānusayaṁ pajahatīti?

ya7.2.3:134.1

Tadekaṭṭhaṁ pajahati.

ya7.2.3:135.1

Yo vā pana yato mānānusayaṁ pajahati so tato kāmarāgānusayaṁ pajahatīti? No.

ya7.2.3:136.1

Yo yato kāmarāgānusayaṁ pajahati so tato diṭṭhānusayaṁ …pe… vicikicchānusayaṁ pajahatīti? No.

ya7.2.3:137.1

Yo vā pana yato vicikicchānusayaṁ pajahati so tato kāmarāgānusayaṁ pajahatīti?

ya7.2.3:138.1

Aṭṭhamako dukkhāya vedanāya rūpadhātuyā arūpadhātuyā so tato vicikicchānusayaṁ pajahati, no ca so tato kāmarāgānusayaṁ pajahati. Sveva puggalo kāmadhātuyā dvīsu vedanāsu so tato vicikicchānusayaṁ pajahati kāmarāgānusayaṁ tadekaṭṭhaṁ pajahati.

ya7.2.3:139.1

Yo yato kāmarāgānusayaṁ pajahati so tato bhavarāgānusayaṁ pajahatīti? No.

ya7.2.3:140.1

Yo vā pana yato bhavarāgānusayaṁ pajahati so tato kāmarāgānusayaṁ pajahatīti? No.

ya7.2.3:141.1

Yo yato kāmarāgānusayaṁ pajahati so tato avijjānusayaṁ pajahatīti?

ya7.2.3:142.1

Tadekaṭṭhaṁ pajahati.

ya7.2.3:143.1

Yo vā pana yato avijjānusayaṁ pajahati so tato kāmarāgānusayaṁ pajahatīti? No.

ya7.2.3:144.1

Yo yato paṭighānusayaṁ pajahati so tato mānānusayaṁ pajahatīti? No.

ya7.2.3:145.1

Yo vā pana yato mānānusayaṁ pajahati so tato paṭighānusayaṁ pajahatīti? No.

ya7.2.3:146.1

Yo yato paṭighānusayaṁ pajahati so tato diṭṭhānusayaṁ …pe… vicikicchānusayaṁ pajahatīti? No.

ya7.2.3:147.1

Yo vā pana yato vicikicchānusayaṁ pajahati so tato paṭighānusayaṁ pajahatīti?

ya7.2.3:148.1

Aṭṭhamako kāmadhātuyā dvīsu vedanāsu rūpadhātuyā arūpadhātuyā so tato vicikicchānusayaṁ pajahati, no ca so tato paṭighānusayaṁ pajahati. Sveva puggalo dukkhāya vedanāya so tato vicikicchānusayaṁ pajahati paṭighānusayaṁ tadekaṭṭhaṁ pajahati.

ya7.2.3:149.1

Yo yato paṭighānusayaṁ pajahati so tato bhavarāgānusayaṁ pajahatīti? No.

ya7.2.3:150.1

Yo vā pana yato bhavarāgānusayaṁ pajahati so tato paṭighānusayaṁ pajahatīti? No.

ya7.2.3:151.1

Yo yato paṭighānusayaṁ pajahati so tato avijjānusayaṁ pajahatīti?

ya7.2.3:152.1

Tadekaṭṭhaṁ pajahati.

ya7.2.3:153.1

Yo vā pana yato avijjānusayaṁ pajahati so tato paṭighānusayaṁ pajahatīti? No.

ya7.2.3:154.1

Yo yato mānānusayaṁ pajahati so tato diṭṭhānusayaṁ …pe… vicikicchānusayaṁ pajahatīti? No.

ya7.2.3:155.1

Yo vā pana yato vicikicchānusayaṁ pajahati so tato mānānusayaṁ pajahatīti?

ya7.2.3:156.1

Aṭṭhamako dukkhāya vedanāya so tato vicikicchānusayaṁ pajahati, no ca so tato mānānusayaṁ pajahati. Sveva puggalo kāmadhātuyā dvīsu vedanāsu rūpadhātuyā arūpadhātuyā so tato vicikicchānusayaṁ pajahati mānānusayaṁ tadekaṭṭhaṁ pajahati.

ya7.2.3:157.1

Yo yato mānānusayaṁ pajahati so tato bhavarāgānusayaṁ pajahatīti?

ya7.2.3:158.1

Aggamaggasamaṅgī kāmadhātuyā dvīsu vedanāsu so tato mānānusayaṁ pajahati, no ca so tato bhavarāgānusayaṁ pajahati. Sveva puggalo rūpadhātuyā arūpadhātuyā so tato mānānusayañca pajahati bhavarāgānusayañca pajahati.

ya7.2.3:159.1

Yo vā pana yato bhavarāgānusayaṁ pajahati so tato mānānusayaṁ pajahatīti? Āmantā.

ya7.2.3:160.1

Yo yato mānānusayaṁ pajahati so tato avijjānusayaṁ pajahatīti? Āmantā.

ya7.2.3:161.1

Yo vā pana yato avijjānusayaṁ pajahati so tato mānānusayaṁ pajahatīti?

ya7.2.3:162.1

Aggamaggasamaṅgī dukkhāya vedanāya so tato avijjānusayaṁ pajahati, no ca so tato mānānusayaṁ pajahati. Sveva puggalo kāmadhātuyā dvīsu vedanāsu rūpadhātuyā arūpadhātuyā so tato avijjānusayañca pajahati mānānusayañca pajahati.

ya7.2.3:163.1

Yo yato diṭṭhānusayaṁ pajahati so tato vicikicchānusayaṁ pajahatīti? Āmantā.

ya7.2.3:164.1

Yo vā pana yato vicikicchānusayaṁ pajahati so tato diṭṭhānusayaṁ pajahatīti? Āmantā …pe….

ya7.2.3:165.1

Yo yato vicikicchānusayaṁ pajahati so tato bhavarāgānusayaṁ pajahatīti?

ya7.2.3:166.1

Aṭṭhamako kāmadhātuyā tīsu vedanāsu so tato vicikicchānusayaṁ pajahati, no ca so tato bhavarāgānusayaṁ pajahati. Sveva puggalo rūpadhātuyā arūpadhātuyā so tato vicikicchānusayaṁ pajahati bhavarāgānusayaṁ tadekaṭṭhaṁ pajahati.

ya7.2.3:167.1

Yo vā pana yato bhavarāgānusayaṁ pajahati so tato vicikicchānusayaṁ pajahatīti? No.

ya7.2.3:168.1

Yo yato vicikicchānusayaṁ pajahati so tato avijjānusayaṁ pajahatīti?

ya7.2.3:169.1

Tadekaṭṭhaṁ pajahati.

ya7.2.3:170.1

Yo vā pana yato avijjānusayaṁ pajahati so tato vicikicchānusayaṁ pajahatīti? No.

ya7.2.3:171.1

Yo yato bhavarāgānusayaṁ pajahati so tato avijjānusayaṁ pajahatīti? Āmantā.

ya7.2.3:172.1

Yo vā pana yato avijjānusayaṁ pajahati so tato bhavarāgānusayaṁ pajahatīti?

ya7.2.3:173.1

Aggamaggasamaṅgī kāmadhātuyā tīsu vedanāsu so tato avijjānusayaṁ pajahati, no ca so tato bhavarāgānusayaṁ pajahati. Sveva puggalo rūpadhātuyā arūpadhātuyā so tato avijjānusayañca pajahati bhavarāgānusayañca pajahati. (Ekamūlakaṁ.)

ya7.2.3:174.1

Yo yato kāmarāgānusayañca paṭighānusayañca pajahati so tato mānānusayaṁ pajahatīti? Natthi.

ya7.2.3:175.1

Yo vā pana yato mānānusayaṁ pajahati so tato kāmarāgānusayañca paṭighānusayañca pajahatīti? No.