Yamaka · Pali MS · SuttaWiki

ya7.2.1:290.1

Yassa vā pana avijjānusayo nānuseti tassa kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca nānusentīti? Āmantā. (Chakkamūlakaṁ.)

ya7.2.1:291.0

7.2.1.5. Paṭilomaokāsa

ya7.2.1:291.1

Yattha kāmarāgānusayo nānuseti tattha paṭighānusayo nānusetīti?

ya7.2.1:292.1

Dukkhāya vedanāya ettha kāmarāgānusayo nānuseti, no ca tattha paṭighānusayo nānuseti. Rūpadhātuyā arūpadhātuyā apariyāpanne ettha kāmarāgānusayo ca nānuseti paṭighānusayo ca nānuseti.

ya7.2.1:293.1

Yattha vā pana paṭighānusayo nānuseti tattha kāmarāgānusayo nānusetīti?

ya7.2.1:294.1

Kāmadhātuyā dvīsu vedanāsu ettha paṭighānusayo nānuseti, no ca tattha kāmarāgānusayo nānuseti. Rūpadhātuyā arūpadhātuyā apariyāpanne ettha paṭighānusayo ca nānuseti kāmarāgānusayo ca nānuseti.

ya7.2.1:295.1

Yattha kāmarāgānusayo nānuseti tattha mānānusayo nānusetīti?

ya7.2.1:296.1

Rūpadhātuyā arūpadhātuyā ettha kāmarāgānusayo nānuseti, no ca tattha mānānusayo nānuseti. Dukkhāya vedanāya apariyāpanne ettha kāmarāgānusayo ca nānuseti mānānusayo ca nānuseti.

ya7.2.1:297.1

Yattha vā pana mānānusayo nānuseti tattha kāmarāgānusayo nānusetīti? Āmantā.

ya7.2.1:298.1

Yattha kāmarāgānusayo nānuseti tattha diṭṭhānusayo …pe… vicikicchānusayo nānusetīti?

ya7.2.1:299.1

Dukkhāya vedanāya rūpadhātuyā arūpadhātuyā ettha kāmarāgānusayo nānuseti, no ca tattha vicikicchānusayo nānuseti. Apariyāpanne ettha kāmarāgānusayo ca nānuseti vicikicchānusayo ca nānuseti.

ya7.2.1:300.1

Yattha vā pana vicikicchānusayo nānuseti tattha kāmarāgānusayo nānusetīti? Āmantā.

ya7.2.1:301.1

Yattha kāmarāgānusayo nānuseti tattha bhavarāgānusayo nānusetīti?

ya7.2.1:302.1

Rūpadhātuyā arūpadhātuyā ettha kāmarāgānusayo nānuseti, no ca tattha bhavarāgānusayo nānuseti. Dukkhāya vedanāya apariyāpanne ettha kāmarāgānusayo ca nānuseti bhavarāgānusayo ca nānuseti.

ya7.2.1:303.1

Yattha vā pana bhavarāgānusayo nānuseti tattha kāmarāgānusayo nānusetīti?

ya7.2.1:304.1

Kāmadhātuyā dvīsu vedanāsu ettha bhavarāgānusayo nānuseti, no ca tattha kāmarāgānusayo nānuseti. Dukkhāya vedanāya apariyāpanne ettha bhavarāgānusayo ca nānuseti kāmarāgānusayo ca nānuseti.

ya7.2.1:305.1

Yattha kāmarāgānusayo nānuseti tattha avijjānusayo nānusetīti?

ya7.2.1:306.1

Dukkhāya vedanāya rūpadhātuyā arūpadhātuyā ettha kāmarāgānusayo nānuseti, no ca tattha avijjānusayo nānuseti. Apariyāpanne ettha kāmarāgānusayo ca nānuseti avijjānusayo ca nānuseti.

ya7.2.1:307.1

Yattha vā pana avijjānusayo nānuseti tattha kāmarāgānusayo nānusetīti? Āmantā.

ya7.2.1:308.1

Yattha paṭighānusayo nānuseti tattha mānānusayo nānusetīti?

ya7.2.1:309.1

Kāmadhātuyā dvīsu vedanāsu rūpadhātuyā arūpadhātuyā ettha paṭighānusayo nānuseti, no ca tattha mānānusayo nānuseti. Apariyāpanne ettha paṭighānusayo ca nānuseti mānānusayo ca nānuseti.

ya7.2.1:310.1

Yattha vā pana mānānusayo nānuseti tattha paṭighānusayo nānusetīti?

ya7.2.1:311.1

Dukkhāya vedanāya ettha mānānusayo nānuseti, no ca tattha paṭighānusayo nānuseti. Apariyāpanne ettha mānānusayo ca nānuseti paṭighānusayo ca nānuseti.

ya7.2.1:312.1

Yattha paṭighānusayo nānuseti tattha diṭṭhānusayo …pe… vicikicchānusayo nānusetīti?

ya7.2.1:313.1

Kāmadhātuyā dvīsu vedanāsu rūpadhātuyā arūpadhātuyā ettha paṭighānusayo nānuseti, no ca tattha vicikicchānusayo nānuseti. Apariyāpanne ettha paṭighānusayo ca nānuseti vicikicchānusayo ca nānuseti.

ya7.2.1:314.1

Yattha vā pana vicikicchānusayo nānuseti tattha paṭighānusayo nānusetīti? Āmantā.

ya7.2.1:315.1

Yattha paṭighānusayo nānuseti tattha bhavarāgānusayo nānusetīti?

ya7.2.1:316.1

Rūpadhātuyā arūpadhātuyā ettha paṭighānusayo nānuseti, no ca tattha bhavarāgānusayo nānuseti. Kāmadhātuyā dvīsu vedanāsu apariyāpanne ettha paṭighānusayo ca nānuseti bhavarāgānusayo ca nānuseti.

ya7.2.1:317.1

Yattha vā pana bhavarāgānusayo nānuseti tattha paṭighānusayo nānusetīti?

ya7.2.1:318.1

Dukkhāya vedanāya ettha bhavarāgānusayo nānuseti, no ca tattha paṭighānusayo nānuseti. Kāmadhātuyā dvīsu vedanāsu apariyāpanne ettha bhavarāgānusayo ca nānuseti paṭighānusayo ca nānuseti.

ya7.2.1:319.1

Yattha paṭighānusayo nānuseti tattha avijjānusayo nānusetīti?

ya7.2.1:320.1

Kāmadhātuyā dvīsu vedanāsu rūpadhātuyā arūpadhātuyā ettha paṭighānusayo nānuseti, no ca tattha avijjānusayo nānuseti. Apariyāpanne ettha paṭighānusayo ca nānuseti avijjānusayo ca nānuseti.

ya7.2.1:321.1

Yattha vā pana avijjānusayo nānuseti tattha paṭighānusayo nānusetīti? Āmantā.

ya7.2.1:322.1

Yattha mānānusayo nānuseti tattha diṭṭhānusayo …pe… vicikicchānusayo nānusetīti?

ya7.2.1:323.1

Dukkhāya vedanāya ettha mānānusayo nānuseti, no ca tattha vicikicchānusayo nānuseti. Apariyāpanne ettha mānānusayo ca nānuseti vicikicchānusayo ca nānuseti.

ya7.2.1:324.1

Yattha vā pana vicikicchānusayo nānuseti tattha mānānusayo nānusetīti? Āmantā.

ya7.2.1:325.1

Yattha mānānusayo nānuseti tattha bhavarāgānusayo nānusetīti? Āmantā.

ya7.2.1:326.1

Yattha vā pana bhavarāgānusayo nānuseti tattha mānānusayo nānusetīti?

ya7.2.1:327.1

Kāmadhātuyā dvīsu vedanāsu ettha bhavarāgānusayo nānuseti, no ca tattha mānānusayo nānuseti. Dukkhāya vedanāya apariyāpanne ettha bhavarāgānusayo ca nānuseti mānānusayo ca nānuseti.

ya7.2.1:328.1

Yattha mānānusayo nānuseti tattha avijjānusayo nānusetīti?

ya7.2.1:329.1

Dukkhāya vedanāya ettha mānānusayo nānuseti, no ca tattha avijjānusayo nānuseti. Apariyāpanne ettha mānānusayo ca nānuseti avijjānusayo ca nānuseti.

ya7.2.1:330.1

Yattha vā pana avijjānusayo nānuseti tattha mānānusayo nānusetīti? Āmantā.

ya7.2.1:331.1

Yattha diṭṭhānusayo nānuseti tattha vicikicchānusayo nānusetīti? Āmantā.

ya7.2.1:332.1

Yattha vā pana vicikicchānusayo nānuseti tattha diṭṭhānusayo nānusetīti? Āmantā.

ya7.2.1:333.1

Yattha diṭṭhānusayo …pe… vicikicchānusayo nānuseti tattha bhavarāgānusayo nānusetīti? Āmantā.

ya7.2.1:334.1

Yattha vā pana bhavarāgānusayo nānuseti tattha vicikicchānusayo nānusetīti?

ya7.2.1:335.1

Kāmadhātuyā tīsu vedanāsu ettha bhavarāgānusayo nānuseti, no ca tattha vicikicchānusayo nānuseti. Apariyāpanne ettha bhavarāgānusayo ca nānuseti vicikicchānusayo ca nānuseti.

ya7.2.1:336.1

Yattha vicikicchānusayo nānuseti tattha avijjānusayo nānusetīti? Āmantā.

ya7.2.1:337.1

Yattha vā pana avijjānusayo nānuseti tattha vicikicchānusayo nānusetīti? Āmantā.

ya7.2.1:338.1

Yattha bhavarāgānusayo nānuseti tattha avijjānusayo nānusetīti?

ya7.2.1:339.1

Kāmadhātuyā tīsu vedanāsu ettha bhavarāgānusayo nānuseti, no ca tattha avijjānusayo nānuseti. Apariyāpanne ettha bhavarāgānusayo ca nānuseti avijjānusayo ca nānuseti.

ya7.2.1:340.1

Yattha vā pana avijjānusayo nānuseti tattha bhavarāgānusayo nānusetīti? Āmantā. (Ekamūlakaṁ.)

ya7.2.1:341.1

Yattha kāmarāgānusayo ca paṭighānusayo ca nānusenti tattha mānānusayo nānusetīti?

ya7.2.1:342.1

Rūpadhātuyā arūpadhātuyā ettha kāmarāgānusayo ca paṭighānusayo ca nānusenti, no ca tattha mānānusayo nānuseti. Apariyāpanne ettha kāmarāgānusayo ca paṭighānusayo ca nānusenti mānānusayo ca nānuseti.

ya7.2.1:343.1

Yattha vā pana mānānusayo nānuseti tattha kāmarāgānusayo ca paṭighānusayo ca nānusentīti?

ya7.2.1:344.1

Dukkhāya vedanāya ettha mānānusayo ca kāmarāgānusayo ca nānusenti, no ca tattha paṭighānusayo nānuseti. Apariyāpanne ettha mānānusayo ca nānuseti kāmarāgānusayo ca paṭighānusayo ca nānusenti.

ya7.2.1:345.1

Yattha kāmarāgānusayo ca paṭighānusayo ca nānusenti tattha diṭṭhānusayo …pe… vicikicchānusayo nānusetīti?

ya7.2.1:346.1

Rūpadhātuyā arūpadhātuyā ettha kāmarāgānusayo ca paṭighānusayo ca nānusenti, no ca tattha vicikicchānusayo nānuseti. Apariyāpanne ettha kāmarāgānusayo ca paṭighānusayo ca nānusenti vicikicchānusayo ca nānuseti.

ya7.2.1:347.1

Yattha vā pana vicikicchānusayo nānuseti tattha kāmarāgānusayo ca paṭighānusayo ca nānusentīti? Āmantā.

ya7.2.1:348.1

Yattha kāmarāgānusayo ca paṭighānusayo ca nānusenti tattha bhavarāgānusayo nānusetīti?

ya7.2.1:349.1

Rūpadhātuyā arūpadhātuyā ettha kāmarāgānusayo ca paṭighānusayo ca nānusenti, no ca tattha bhavarāgānusayo nānuseti. Apariyāpanne ettha kāmarāgānusayo ca paṭighānusayo ca nānusenti bhavarāgānusayo ca nānuseti.

ya7.2.1:350.1

Yattha vā pana bhavarāgānusayo nānuseti tattha kāmarāgānusayo ca paṭighānusayo ca nānusentīti?

ya7.2.1:351.1

Dukkhāya vedanāya ettha bhavarāgānusayo ca kāmarāgānusayo ca nānusenti, no ca tattha paṭighānusayo nānuseti. Kāmadhātuyā dvīsu vedanāsu ettha bhavarāgānusayo ca paṭighānusayo ca nānusenti, no ca tattha kāmarāgānusayo nānuseti. Apariyāpanne ettha bhavarāgānusayo ca nānuseti kāmarāgānusayo ca paṭighānusayo ca nānusenti.

ya7.2.1:352.1

Yattha kāmarāgānusayo ca paṭighānusayo ca nānusenti tattha avijjānusayo nānusetīti?

ya7.2.1:353.1

Rūpadhātuyā arūpadhātuyā ettha kāmarāgānusayo ca paṭighānusayo ca nānusenti, no ca tattha avijjānusayo nānuseti. Apariyāpanne ettha kāmarāgānusayo ca paṭighānusayo ca nānusenti avijjānusayo ca nānuseti.

ya7.2.1:354.1

Yattha vā pana avijjānusayo nānuseti tattha kāmarāgānusayo ca paṭighānusayo ca nānusentīti? Āmantā. (Dukamūlakaṁ.)

ya7.2.1:355.1

Yattha kāmarāgānusayo ca paṭighānusayo ca mānānusayo ca nānusenti tattha diṭṭhānusayo …pe… vicikicchānusayo nānusetīti? Āmantā.

ya7.2.1:356.1

Yattha vā pana vicikicchānusayo nānuseti tattha kāmarāgānusayo ca paṭighānusayo ca mānānusayo ca nānusentīti? Āmantā.

ya7.2.1:357.1

Yattha kāmarāgānusayo ca paṭighānusayo ca mānānusayo ca nānusenti tattha bhavarāgānusayo nānusetīti? Āmantā.

ya7.2.1:358.1

Yattha vā pana bhavarāgānusayo nānuseti tattha kāmarāgānusayo ca paṭighānusayo ca mānānusayo ca nānusentīti?

ya7.2.1:359.1

Dukkhāya vedanāya ettha bhavarāgānusayo ca kāmarāgānusayo ca mānānusayo ca nānusenti, no ca tattha paṭighānusayo nānuseti. Kāmadhātuyā dvīsu vedanāsu ettha bhavarāgānusayo ca paṭighānusayo ca nānusenti, no ca tattha kāmarāgānusayo ca mānānusayo ca nānusenti. Apariyāpanne ettha bhavarāgānusayo ca nānuseti kāmarāgānusayo ca paṭighānusayo ca mānānusayo ca nānusenti.

ya7.2.1:360.1

Yattha kāmarāgānusayo ca paṭighānusayo ca mānānusayo ca nānusenti tattha avijjānusayo nānusetīti? Āmantā.

ya7.2.1:361.1

Yattha vā pana avijjānusayo nānuseti tattha kāmarāgānusayo ca paṭighānusayo ca mānānusayo ca nānusentīti? Āmantā. (Tikamūlakaṁ.)

ya7.2.1:362.1

Yattha kāmarāgānusayo ca paṭighānusayo ca mānānusayo ca diṭṭhānusayo ca nānusenti tattha vicikicchānusayo nānusetīti? Āmantā.

ya7.2.1:363.1

Yattha vā pana vicikicchānusayo nānuseti tattha kāmarāgānusayo ca paṭighānusayo ca mānānusayo ca diṭṭhānusayo ca nānusentīti? Āmantā …pe…. (Catukkamūlakaṁ.)

ya7.2.1:364.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca nānusenti tattha bhavarāgānusayo nānusetīti? Āmantā.

ya7.2.1:365.1

Yattha vā pana bhavarāgānusayo nānuseti tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca nānusentīti?

ya7.2.1:366.1

Dukkhāya vedanāya ettha bhavarāgānusayo ca kāmarāgānusayo ca mānānusayo ca nānusenti, no ca tattha paṭighānusayo ca diṭṭhānusayo ca vicikicchānusayo ca nānusenti. Kāmadhātuyā dvīsu vedanāsu ettha bhavarāgānusayo ca paṭighānusayo ca nānusenti, no ca tattha kāmarāgānusayo ca mānānusayo ca diṭṭhānusayo ca vicikicchānusayo ca nānusenti. Apariyāpanne ettha bhavarāgānusayo ca nānuseti kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca nānusenti.

ya7.2.1:367.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca nānusenti tattha avijjānusayo nānusetīti? Āmantā.

ya7.2.1:368.1

Yattha vā pana …pe… ? Āmantā. (Pañcakamūlakaṁ.)

ya7.2.1:369.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca nānusenti tattha avijjānusayo nānusetīti? Āmantā.

ya7.2.1:370.1

Yattha vā pana avijjānusayo nānuseti tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca nānusentīti? Āmantā. (Chakkamūlakaṁ.)

ya7.2.1:371.0

7.2.1.6. Paṭilomapuggalokāsa

ya7.2.1:371.1

Yassa yattha kāmarāgānusayo nānuseti tassa tattha paṭighānusayo nānusetīti?

ya7.2.1:372.1

Tiṇṇaṁ puggalānaṁ dukkhāya vedanāya tesaṁ tattha kāmarāgānusayo nānuseti, no ca tesaṁ tattha paṭighānusayo nānuseti. Tesaññeva puggalānaṁ rūpadhātuyā arūpadhātuyā apariyāpanne tesaṁ tattha kāmarāgānusayo ca nānuseti paṭighānusayo ca nānuseti. Dvinnaṁ puggalānaṁ sabbattha kāmarāgānusayo ca nānuseti paṭighānusayo ca nānuseti.

ya7.2.1:373.1

Yassa vā pana yattha paṭighānusayo nānuseti tassa tattha kāmarāgānusayo nānusetīti?

ya7.2.1:374.1

Tiṇṇaṁ puggalānaṁ kāmadhātuyā dvīsu vedanāsu tesaṁ tattha paṭighānusayo nānuseti, no ca tesaṁ tattha kāmarāgānusayo nānuseti. Tesaññeva puggalānaṁ rūpadhātuyā arūpadhātuyā apariyāpanne tesaṁ tattha paṭighānusayo ca nānuseti kāmarāgānusayo ca nānuseti. Dvinnaṁ puggalānaṁ sabbattha paṭighānusayo ca nānuseti kāmarāgānusayo ca nānuseti.

ya7.2.1:375.1

Yassa yattha kāmarāgānusayo nānuseti tassa tattha mānānusayo nānusetīti?

ya7.2.1:376.1

Tiṇṇaṁ puggalānaṁ rūpadhātuyā arūpadhātuyā tesaṁ tattha kāmarāgānusayo nānuseti, no ca tesaṁ tattha mānānusayo nānuseti. Tesaññeva puggalānaṁ dukkhāya vedanāya apariyāpanne tesaṁ tattha kāmarāgānusayo ca nānuseti mānānusayo ca nānuseti. Anāgāmissa kāmadhātuyā dvīsu vedanāsu rūpadhātuyā arūpadhātuyā tassa tattha kāmarāgānusayo nānuseti, no ca tassa tattha mānānusayo nānuseti. Tasseva puggalassa dukkhāya vedanāya apariyāpanne tassa tattha kāmarāgānusayo ca nānuseti mānānusayo ca nānuseti. Arahato sabbattha kāmarāgānusayo ca nānuseti mānānusayo ca nānuseti.

ya7.2.1:377.1

Yassa vā pana yattha mānānusayo nānuseti tassa tattha kāmarāgānusayo nānusetīti? Āmantā.

ya7.2.1:378.1

Yassa yattha kāmarāgānusayo nānuseti tassa tattha diṭṭhānusayo …pe… vicikicchānusayo nānusetīti?

ya7.2.1:379.1

Puthujjanassa dukkhāya vedanāya rūpadhātuyā arūpadhātuyā tassa tattha kāmarāgānusayo nānuseti, no ca tassa tattha vicikicchānusayo nānuseti. Tasseva puggalassa apariyāpanne tassa tattha kāmarāgānusayo ca nānuseti vicikicchānusayo ca nānuseti. Dvinnaṁ puggalānaṁ sabbattha kāmarāgānusayo ca nānuseti vicikicchānusayo ca nānuseti.

ya7.2.1:380.1

Yassa vā pana yattha vicikicchānusayo nānuseti tassa tattha kāmarāgānusayo nānusetīti?

ya7.2.1:381.1

Dvinnaṁ puggalānaṁ kāmadhātuyā dvīsu vedanāsu tesaṁ tattha vicikicchānusayo nānuseti, no ca tesaṁ tattha kāmarāgānusayo nānuseti. Tesaññeva puggalānaṁ dukkhāya vedanāya rūpadhātuyā arūpadhātuyā apariyāpanne tesaṁ tattha vicikicchānusayo ca nānuseti kāmarāgānusayo ca nānuseti. Dvinnaṁ puggalānaṁ sabbattha vicikicchānusayo ca nānuseti kāmarāgānusayo ca nānuseti.

ya7.2.1:382.1

Yassa yattha kāmarāgānusayo nānuseti tassa tattha bhavarāgānusayo nānusetīti?

ya7.2.1:383.1

Tiṇṇaṁ puggalānaṁ rūpadhātuyā arūpadhātuyā tesaṁ tattha kāmarāgānusayo nānuseti, no ca tesaṁ tattha bhavarāgānusayo nānuseti. Tesaññeva puggalānaṁ dukkhāya vedanāya apariyāpanne tesaṁ tattha kāmarāgānusayo ca nānuseti bhavarāgānusayo ca nānuseti. Anāgāmissa rūpadhātuyā arūpadhātuyā tassa tattha kāmarāgānusayo nānuseti, no ca tassa tattha bhavarāgānusayo nānuseti. Tasseva puggalassa kāmadhātuyā tīsu vedanāsu apariyāpanne tassa tattha kāmarāgānusayo ca nānuseti bhavarāgānusayo ca nānuseti. Arahato sabbattha kāmarāgānusayo ca nānuseti bhavarāgānusayo ca nānuseti.

ya7.2.1:384.1

Yassa vā pana yattha bhavarāgānusayo nānuseti tassa tattha kāmarāgānusayo nānusetīti?

ya7.2.1:385.1

Tiṇṇaṁ puggalānaṁ kāmadhātuyā dvīsu vedanāsu tesaṁ tattha bhavarāgānusayo nānuseti, no ca tesaṁ tattha kāmarāgānusayo nānuseti. Tesaññeva puggalānaṁ dukkhāya vedanāya apariyāpanne tesaṁ tattha bhavarāgānusayo ca nānuseti kāmarāgānusayo ca nānuseti. Arahato sabbattha bhavarāgānusayo ca nānuseti kāmarāgānusayo ca nānuseti.

ya7.2.1:386.1

Yassa yattha kāmarāgānusayo nānuseti tassa tattha avijjānusayo nānusetīti?

ya7.2.1:387.1

Tiṇṇaṁ puggalānaṁ dukkhāya vedanāya rūpadhātuyā arūpadhātuyā tesaṁ tattha kāmarāgānusayo nānuseti, no ca tesaṁ tattha avijjānusayo nānuseti. Tesaññeva puggalānaṁ apariyāpanne tesaṁ tattha kāmarāgānusayo ca nānuseti avijjānusayo ca nānuseti. Anāgāmissa kāmadhātuyā tīsu vedanāsu rūpadhātuyā arūpadhātuyā tassa tattha kāmarāgānusayo nānuseti, no ca tassa tattha avijjānusayo nānuseti. Tasseva puggalassa apariyāpanne tassa tattha kāmarāgānusayo ca nānuseti avijjānusayo ca nānuseti. Arahato sabbattha kāmarāgānusayo ca nānuseti avijjānusayo ca nānuseti.