Yamaka · Pali MS · SuttaWiki

ya6.2.2:78.1

Yassa vā pana cittasaṅkhāro nirujjhittha tassa vacīsaṅkhāro nirujjhatīti?

ya6.2.2:79.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṁ asaññasattānaṁ tesaṁ cittasaṅkhāro nirujjhittha, no ca tesaṁ vacīsaṅkhāro nirujjhati. Vitakkavicārānaṁ bhaṅgakkhaṇe tesaṁ cittasaṅkhāro ca nirujjhittha vacīsaṅkhāro ca nirujjhati.

ya6.2.2:80.0

6.2.2.4.2. Anulomaokāsa

ya6.2.2:80.1

Yattha kāyasaṅkhāro nirujjhati …pe….

ya6.2.2:81.0

6.2.2.4.3. Anulomapuggalokāsa

ya6.2.2:81.1

Yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?

ya6.2.2:82.1

Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁ tattha kāyasaṅkhāro nirujjhati, no ca tesaṁ tattha vacīsaṅkhāro nirujjhittha. Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁ tattha kāyasaṅkhāro ca nirujjhati vacīsaṅkhāro ca nirujjhittha.

ya6.2.2:83.1

Yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?

ya6.2.2:84.1

Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe rūpāvacarānaṁ arūpāvacarānaṁ tesaṁ tattha vacīsaṅkhāro nirujjhittha, no ca tesaṁ tattha kāyasaṅkhāro nirujjhati. Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁ tattha vacīsaṅkhāro ca nirujjhittha kāyasaṅkhāro ca nirujjhati.

ya6.2.2:85.1

Yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.

ya6.2.2:86.1

Yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?

ya6.2.2:87.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe tesaṁ tattha cittasaṅkhāro nirujjhittha, no ca tesaṁ tattha kāyasaṅkhāro nirujjhati. Assāsapassāsānaṁ bhaṅgakkhaṇe tesaṁ tattha cittasaṅkhāro ca nirujjhittha kāyasaṅkhāro ca nirujjhati.

ya6.2.2:88.1

Yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.

ya6.2.2:89.1

Yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?

ya6.2.2:90.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe tesaṁ tattha cittasaṅkhāro nirujjhittha, no ca tesaṁ tattha vacīsaṅkhāro nirujjhati. Vitakkavicārānaṁ bhaṅgakkhaṇe tesaṁ tattha cittasaṅkhāro ca nirujjhittha vacīsaṅkhāro ca nirujjhati.

ya6.2.2:91.0

6.2.2.4.4. Paccanīkapuggala

ya6.2.2:91.1

Yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.

ya6.2.2:92.1

Yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.

ya6.2.2:93.1

Yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.

ya6.2.2:94.1

Yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.

ya6.2.2:95.1

Yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.

ya6.2.2:96.1

Yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.

ya6.2.2:97.0

6.2.2.4.5. Paccanīkaokāsa

ya6.2.2:97.1

Yattha kāyasaṅkhāro na nirujjhati …pe….

ya6.2.2:98.0

6.2.2.4.6. Paccanīkapuggalokāsa

ya6.2.2:98.1

Yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?

ya6.2.2:99.1

Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe rūpāvacarānaṁ arūpāvacarānaṁ tesaṁ tattha kāyasaṅkhāro na nirujjhati, no ca tesaṁ tattha vacīsaṅkhāro na nirujjhittha. Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha kāyasaṅkhāro ca na nirujjhati vacīsaṅkhāro ca na nirujjhittha.

ya6.2.2:100.1

Yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?

ya6.2.2:101.1

Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁ tattha vacīsaṅkhāro na nirujjhittha, no ca tesaṁ tattha kāyasaṅkhāro na nirujjhati. Dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe catutthajjhānaṁ samāpannānaṁ suddhāvāsānaṁ dutiye citte vattamāne asaññasattānaṁ tesaṁ tattha vacīsaṅkhāro ca na nirujjhittha kāyasaṅkhāro ca na nirujjhati.

ya6.2.2:102.1

Yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?

ya6.2.2:103.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe tesaṁ tattha kāyasaṅkhāro na nirujjhati, no ca tesaṁ tattha cittasaṅkhāro na nirujjhittha. Suddhāvāsaṁ upapajjantānaṁ asaññasattānaṁ tesaṁ tattha kāyasaṅkhāro ca na nirujjhati cittasaṅkhāro ca na nirujjhittha.

ya6.2.2:104.1

Yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.

ya6.2.2:105.1

Yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?

ya6.2.2:106.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe tesaṁ tattha vacīsaṅkhāro na nirujjhati, no ca tesaṁ tattha cittasaṅkhāro na nirujjhittha. Suddhāvāsaṁ upapajjantānaṁ asaññasattānaṁ tesaṁ tattha vacīsaṅkhāro ca na nirujjhati cittasaṅkhāro ca na nirujjhittha.

ya6.2.2:107.1

Yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.

ya6.2.2:108.0.1

6.2.2.5. Paccuppannānāgatavāra

ya6.2.2:108.0.2

6.2.2.5.1. Anulomapuggala

ya6.2.2:108.1

Yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.

ya6.2.2:109.1

Yassa vā pana vacīsaṅkhāro nirujjhissati tassa kāyasaṅkhāro nirujjhatīti?

ya6.2.2:110.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṁ asaññasattānaṁ tesaṁ vacīsaṅkhāro nirujjhissati, no ca tesaṁ kāyasaṅkhāro nirujjhati. Assāsapassāsānaṁ bhaṅgakkhaṇe tesaṁ vacīsaṅkhāro ca nirujjhissati kāyasaṅkhāro ca nirujjhati.

ya6.2.2:111.1

Yassa kāyasaṅkhāro nirujjhati tassa cittasaṅkhāro nirujjhissatīti? Āmantā.

ya6.2.2:112.1

Yassa vā pana cittasaṅkhāro nirujjhissati tassa kāyasaṅkhāro nirujjhatīti?

ya6.2.2:113.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṁ asaññasattānaṁ tesaṁ cittasaṅkhāro nirujjhissati, no ca tesaṁ kāyasaṅkhāro nirujjhati. Assāsapassāsānaṁ bhaṅgakkhaṇe tesaṁ cittasaṅkhāro ca nirujjhissati kāyasaṅkhāro ca nirujjhati.

ya6.2.2:114.1

Yassa vacīsaṅkhāro nirujjhati tassa cittasaṅkhāro nirujjhissatīti?

ya6.2.2:115.1

Savitakkasavicārapacchimacittassa bhaṅgakkhaṇe tesaṁ vacīsaṅkhāro nirujjhati, no ca tesaṁ cittasaṅkhāro nirujjhissati. Itaresaṁ vitakkavicārānaṁ bhaṅgakkhaṇe tesaṁ vacīsaṅkhāro ca nirujjhati cittasaṅkhāro ca nirujjhissati.

ya6.2.2:116.1

Yassa vā pana cittasaṅkhāro nirujjhissati tassa vacīsaṅkhāro nirujjhatīti?

ya6.2.2:117.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṁ asaññasattānaṁ tesaṁ cittasaṅkhāro nirujjhissati, no ca tesaṁ vacīsaṅkhāro nirujjhati. Vitakkavicārānaṁ bhaṅgakkhaṇe tesaṁ cittasaṅkhāro ca nirujjhissati vacīsaṅkhāro ca nirujjhati.

ya6.2.2:118.0

6.2.2.5.2. Anulomaokāsa

ya6.2.2:118.1

Yattha kāyasaṅkhāro nirujjhati …pe….

ya6.2.2:119.0

6.2.2.5.3. Anulomapuggalokāsa

ya6.2.2:119.1

Yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?

ya6.2.2:120.1

Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁ tattha kāyasaṅkhāro nirujjhati, no ca tesaṁ tattha vacīsaṅkhāro nirujjhissati. Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁ tattha kāyasaṅkhāro ca nirujjhati vacīsaṅkhāro ca nirujjhissati.

ya6.2.2:121.1

Yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?

ya6.2.2:122.1

Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe rūpāvacarānaṁ arūpāvacarānaṁ tesaṁ tattha vacīsaṅkhāro nirujjhissati, no ca tesaṁ tattha kāyasaṅkhāro nirujjhati. Paṭhamajjhānaṁ samāpannānaṁ kāmāvacarānaṁ assāsapassāsānaṁ bhaṅgakkhaṇe tesaṁ tattha vacīsaṅkhāro ca nirujjhissati kāyasaṅkhāro ca nirujjhati.

ya6.2.2:123.1

Yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.

ya6.2.2:124.1

Yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?

ya6.2.2:125.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe tesaṁ tattha cittasaṅkhāro nirujjhissati, no ca tesaṁ tattha kāyasaṅkhāro nirujjhati. Assāsapassāsānaṁ bhaṅgakkhaṇe tesaṁ tattha cittasaṅkhāro ca nirujjhissati kāyasaṅkhāro ca nirujjhati.

ya6.2.2:126.1

Yassa yattha vacīsaṅkhāro nirujjhati tassa tattha cittasaṅkhāro nirujjhissatīti?

ya6.2.2:127.1

Savitakkasavicārapacchimacittassa bhaṅgakkhaṇe tesaṁ tattha vacīsaṅkhāro nirujjhati, no ca tesaṁ tattha cittasaṅkhāro nirujjhissati. Itaresaṁ vitakkavicārānaṁ bhaṅgakkhaṇe tesaṁ tattha vacīsaṅkhāro ca nirujjhati cittasaṅkhāro ca nirujjhissati.

ya6.2.2:128.1

Yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?

ya6.2.2:129.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe tesaṁ tattha cittasaṅkhāro nirujjhissati, no ca tesaṁ tattha vacīsaṅkhāro nirujjhati. Vitakkavicārānaṁ bhaṅgakkhaṇe tesaṁ tattha cittasaṅkhāro ca nirujjhissati vacīsaṅkhāro ca nirujjhati.

ya6.2.2:130.0

6.2.2.5.4. Paccanīkapuggala

ya6.2.2:130.1

Yassa kāyasaṅkhāro na nirujjhati tassa vacīsaṅkhāro na nirujjhissatīti?

ya6.2.2:131.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṁ asaññasattānaṁ tesaṁ kāyasaṅkhāro na nirujjhati, no ca tesaṁ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati tesaṁ kāyasaṅkhāro ca na nirujjhati vacīsaṅkhāro ca na nirujjhissati.

ya6.2.2:132.1

Yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.

ya6.2.2:133.1

Yassa kāyasaṅkhāro na nirujjhati tassa cittasaṅkhāro na nirujjhissatīti?

ya6.2.2:134.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṁ asaññasattānaṁ tesaṁ kāyasaṅkhāro na nirujjhati, no ca tesaṁ cittasaṅkhāro na nirujjhissati. Pacchimacittassa bhaṅgakkhaṇe tesaṁ kāyasaṅkhāro ca na nirujjhati cittasaṅkhāro ca na nirujjhissati.

ya6.2.2:135.1

Yassa vā pana …pe… ? Āmantā.

ya6.2.2:136.1

Yassa vacīsaṅkhāro na nirujjhati tassa cittasaṅkhāro na nirujjhissatīti?

ya6.2.2:137.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṁ asaññasattānaṁ tesaṁ vacīsaṅkhāro na nirujjhati, no ca tesaṁ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṁ vacīsaṅkhāro ca na nirujjhati cittasaṅkhāro ca na nirujjhissati.

ya6.2.2:138.1

Yassa vā pana cittasaṅkhāro na nirujjhissati tassa vacīsaṅkhāro na nirujjhatīti?

ya6.2.2:139.1

Savitakkasavicārapacchimacittassa bhaṅgakkhaṇe tesaṁ cittasaṅkhāro na nirujjhissati, no ca tesaṁ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṁ cittasaṅkhāro ca na nirujjhissati vacīsaṅkhāro ca na nirujjhati.

ya6.2.2:140.0

6.2.2.5.5. Paccanīkaokāsa

ya6.2.2:140.1

Yattha kāyasaṅkhāro na nirujjhati …pe….

ya6.2.2:141.0

6.2.2.5.6. Paccanīkapuggalokāsa

ya6.2.2:141.1

Yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?

ya6.2.2:142.1

Paṭhamajjhānaṁ samāpannānaṁ kāmāvacarānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe rūpāvacarānaṁ arūpāvacarānaṁ tesaṁ tattha kāyasaṅkhāro na nirujjhati, no ca tesaṁ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe catutthajjhānaṁ samāpannānaṁ asaññasattānaṁ tesaṁ tattha kāyasaṅkhāro ca na nirujjhati vacīsaṅkhāro ca na nirujjhissati.

ya6.2.2:143.1

Yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?

ya6.2.2:144.1

Dutiyajjhānaṁ tatiyajjhānaṁ samāpannānaṁ assāsapassāsānaṁ bhaṅgakkhaṇe tesaṁ tattha vacīsaṅkhāro na nirujjhissati, no ca tesaṁ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati dutiyajjhānaṁ tatiyajjhānaṁ samāpannānaṁ assāsapassāsānaṁ uppādakkhaṇe tesaṁyeva vinā assāsapassāsehi cittassa bhaṅgakkhaṇe catutthajjhānaṁ samāpannānaṁ asaññasattānaṁ tesaṁ tattha vacīsaṅkhāro ca na nirujjhissati kāyasaṅkhāro ca na nirujjhati.

ya6.2.2:145.1

Yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?

ya6.2.2:146.1

Sabbesaṁ cittassa uppādakkhaṇe vinā assāsapassāsehi cittassa bhaṅgakkhaṇe tesaṁ tattha kāyasaṅkhāro na nirujjhati, no ca tesaṁ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṁ tesaṁ tattha kāyasaṅkhāro ca na nirujjhati cittasaṅkhāro ca na nirujjhissati.

ya6.2.2:147.1

Yassa vā pana …pe… ? Āmantā.

ya6.2.2:148.1

Yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?

ya6.2.2:149.1

Sabbesaṁ cittassa uppādakkhaṇe vinā vitakkavicārehi cittassa bhaṅgakkhaṇe tesaṁ tattha vacīsaṅkhāro na nirujjhati, no ca tesaṁ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṁ tesaṁ tattha vacīsaṅkhāro ca na nirujjhati cittasaṅkhāro ca na nirujjhissati.

ya6.2.2:150.1

Yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?

ya6.2.2:151.1

Savitakkasavicārapacchimacittassa bhaṅgakkhaṇe tesaṁ tattha cittasaṅkhāro na nirujjhissati, no ca tesaṁ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṁ tesaṁ tattha cittasaṅkhāro ca na nirujjhissati vacīsaṅkhāro ca na nirujjhati.

ya6.2.2:152.0.1

6.2.2.6. Atītānāgatavāra

ya6.2.2:152.0.2

6.2.2.6.1. Anulomapuggala

ya6.2.2:152.1

Yassa kāyasaṅkhāro nirujjhittha tassa vacīsaṅkhāro nirujjhissatīti?

ya6.2.2:153.1

Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṁ yassa cittassa anantarā avitakkaavicāraṁ pacchimacittaṁ uppajjissati tesaṁ kāyasaṅkhāro nirujjhittha, no ca tesaṁ vacīsaṅkhāro nirujjhissati. Itaresaṁ tesaṁ kāyasaṅkhāro ca nirujjhittha vacīsaṅkhāro ca nirujjhissati.

ya6.2.2:154.1

Yassa vā pana …pe… ? Āmantā.

ya6.2.2:155.1

Yassa kāyasaṅkhāro nirujjhittha tassa cittasaṅkhāro nirujjhissatīti?

ya6.2.2:156.1

Pacchimacittassa bhaṅgakkhaṇe tesaṁ kāyasaṅkhāro nirujjhittha, no ca tesaṁ cittasaṅkhāro nirujjhissati. Itaresaṁ tesaṁ kāyasaṅkhāro ca nirujjhittha cittasaṅkhāro ca nirujjhissati.

ya6.2.2:157.1

Yassa vā pana …pe… ? Āmantā.

ya6.2.2:158.1

Yassa vacīsaṅkhāro nirujjhittha tassa cittasaṅkhāro nirujjhissatīti?

ya6.2.2:159.1

Pacchimacittassa bhaṅgakkhaṇe tesaṁ vacīsaṅkhāro nirujjhittha, no ca tesaṁ cittasaṅkhāro nirujjhissati. Itaresaṁ tesaṁ vacīsaṅkhāro ca nirujjhittha cittasaṅkhāro ca nirujjhissati.

ya6.2.2:160.1

Yassa vā pana …pe… ? Āmantā.

ya6.2.2:161.0

6.2.2.6.2. Anulomaokāsa

ya6.2.2:161.1

Yattha kāyasaṅkhāro nirujjhittha …pe….

ya6.2.2:162.0

6.2.2.6.3. Anulomapuggalokāsa