Yamaka · Pali MS · SuttaWiki

ya5.2.2:138.0

5.2.2.5.4. Paccanīkapuggala

ya5.2.2:138.1

Yassa dukkhasaccaṁ na nirujjhati tassa samudayasaccaṁ na nirujjhissatīti?

ya5.2.2:139.1

Sabbesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ dukkhasaccaṁ na nirujjhati, no ca tesaṁ samudayasaccaṁ na nirujjhissati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ dukkhasaccañca na nirujjhati samudayasaccañca na nirujjhissati.

ya5.2.2:140.1

Yassa vā pana samudayasaccaṁ na nirujjhissati tassa dukkhasaccaṁ na nirujjhatīti?

ya5.2.2:141.1

Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ samudayasaccaṁ na nirujjhissati, no ca tesaṁ dukkhasaccaṁ na nirujjhati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ samudayasaccañca na nirujjhissati dukkhasaccañca na nirujjhati.

ya5.2.2:142.1

Yassa dukkhasaccaṁ na nirujjhati tassa maggasaccaṁ na nirujjhissatīti?

ya5.2.2:143.1

Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ dukkhasaccaṁ na nirujjhati, no ca tesaṁ maggasaccaṁ na nirujjhissati. Arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ dukkhasaccañca na nirujjhati maggasaccañca na nirujjhissati.

ya5.2.2:144.1

Yassa vā pana maggasaccaṁ na nirujjhissati tassa dukkhasaccaṁ na nirujjhatīti?

ya5.2.2:145.1

Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ maggasaccaṁ na nirujjhissati, no ca tesaṁ dukkhasaccaṁ na nirujjhati. Arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ maggasaccañca na nirujjhissati dukkhasaccañca na nirujjhati.

ya5.2.2:146.1

Yassa samudayasaccaṁ na nirujjhati tassa maggasaccaṁ na nirujjhissatīti?

ya5.2.2:147.1

Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ samudayasaccaṁ na nirujjhati, no ca tesaṁ maggasaccaṁ na nirujjhissati. Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ samudayasaccañca na nirujjhati maggasaccañca na nirujjhissati.

ya5.2.2:148.1

Yassa vā pana maggasaccaṁ na nirujjhissati tassa samudayasaccaṁ na nirujjhatīti?

ya5.2.2:149.1

Ye puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ maggasaccaṁ na nirujjhissati, no ca tesaṁ samudayasaccaṁ na nirujjhati. Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ maggasaccañca na nirujjhissati samudayasaccañca na nirujjhati.

ya5.2.2:150.0

5.2.2.5.5. Paccanīkaokāsa

ya5.2.2:150.1

Yattha dukkhasaccaṁ na nirujjhati …pe….

ya5.2.2:151.0

5.2.2.5.6. Paccanīkapuggalokāsa

ya5.2.2:151.1

Yassa yattha dukkhasaccaṁ na nirujjhati tassa tattha samudayasaccaṁ na nirujjhissatīti?

ya5.2.2:152.1

Catuvokāraṁ pañcavokāraṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha samudayasaccaṁ na nirujjhissati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ arūpe aggamaggassa ca phalassa ca bhaṅgakkhaṇe tesaṁ tattha dukkhasaccañca na nirujjhati samudayasaccañca na nirujjhissati.

ya5.2.2:153.1

Yassa vā pana yattha samudayasaccaṁ na nirujjhissati tassa tattha dukkhasaccaṁ na nirujjhatīti?

ya5.2.2:154.1

Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattā cavantānaṁ tesaṁ tattha samudayasaccaṁ na nirujjhissati, no ca tesaṁ tattha dukkhasaccaṁ na nirujjhati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe asaññasattaṁ upapajjantānaṁ tesaṁ tattha samudayasaccañca na nirujjhissati dukkhasaccañca na nirujjhati.

ya5.2.2:155.1

Yassa yattha dukkhasaccaṁ na nirujjhati tassa tattha maggasaccaṁ na nirujjhissatīti?

ya5.2.2:156.1

Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha maggasaccaṁ na nirujjhissati. Arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ arūpe aggamaggassa ca phalassa ca bhaṅgakkhaṇe tesaṁ tattha dukkhasaccañca na nirujjhati maggasaccañca na nirujjhissati.

ya5.2.2:157.1

Yassa vā pana yattha maggasaccaṁ na nirujjhissati tassa tattha dukkhasaccaṁ na nirujjhatīti?

ya5.2.2:158.1

Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha maggasaccaṁ na nirujjhissati, no ca tesaṁ tattha dukkhasaccaṁ na nirujjhati. Arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe asaññasattaṁ upapajjantānaṁ tesaṁ tattha maggasaccañca na nirujjhissati dukkhasaccañca na nirujjhati.

ya5.2.2:159.1

Yassa yattha samudayasaccaṁ na nirujjhati tassa tattha maggasaccaṁ na nirujjhissatīti?

ya5.2.2:160.1

Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ tattha samudayasaccaṁ na nirujjhati, no ca tesaṁ tattha maggasaccaṁ na nirujjhissati. Aggamaggassa bhaṅgakkhaṇe arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca na nirujjhati maggasaccañca na nirujjhissati.

ya5.2.2:161.1

Yassa vā pana yattha maggasaccaṁ na nirujjhissati tassa tattha samudayasaccaṁ na nirujjhatīti?

ya5.2.2:162.1

Āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ tattha maggasaccaṁ na nirujjhissati, no ca tesaṁ tattha samudayasaccaṁ na nirujjhati. Aggamaggassa bhaṅgakkhaṇe arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca na nirujjhissati samudayasaccañca na nirujjhati.

ya5.2.2:163.0.1

5.2.2.6. Atītānāgatavāra

ya5.2.2:163.0.2

5.2.2.6.1. Anulomapuggala

ya5.2.2:163.1

Yassa dukkhasaccaṁ nirujjhittha tassa samudayasaccaṁ nirujjhissatīti?

ya5.2.2:164.1

Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ nirujjhittha, no ca tesaṁ samudayasaccaṁ nirujjhissati. Itaresaṁ tesaṁ dukkhasaccañca nirujjhittha samudayasaccañca nirujjhissati.

ya5.2.2:165.1

Yassa vā pana …pe… ? Āmantā.

ya5.2.2:166.1

Yassa dukkhasaccaṁ nirujjhittha tassa maggasaccaṁ nirujjhissatīti?

ya5.2.2:167.1

Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ dukkhasaccaṁ nirujjhittha, no ca tesaṁ maggasaccaṁ nirujjhissati. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ dukkhasaccañca nirujjhittha maggasaccañca nirujjhissati.

ya5.2.2:168.1

Yassa vā pana …pe… ? Āmantā.

ya5.2.2:169.1

Yassa samudayasaccaṁ nirujjhittha tassa maggasaccaṁ nirujjhissatīti?

ya5.2.2:170.1

Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ samudayasaccaṁ nirujjhittha, no ca tesaṁ maggasaccaṁ nirujjhissati. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ samudayasaccañca nirujjhittha maggasaccañca nirujjhissati.

ya5.2.2:171.1

Yassa vā pana …pe… ? Āmantā.

ya5.2.2:172.0

5.2.2.6.2. Anulomaokāsa

ya5.2.2:172.1

Yattha dukkhasaccaṁ nirujjhittha …pe….

ya5.2.2:173.0

5.2.2.6.3. Anulomapuggalokāsa

ya5.2.2:173.1

Yassa yattha dukkhasaccaṁ nirujjhittha tassa tattha samudayasaccaṁ nirujjhissatīti?

ya5.2.2:174.1

Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha dukkhasaccaṁ nirujjhittha, no ca tesaṁ tattha samudayasaccaṁ nirujjhissati. Itaresaṁ catuvokārānaṁ pañcavokārānaṁ tesaṁ tattha dukkhasaccañca nirujjhittha samudayasaccañca nirujjhissati.

ya5.2.2:175.1

Yassa vā pana yattha samudayasaccaṁ nirujjhissati tassa tattha dukkhasaccaṁ nirujjhitthāti?

ya5.2.2:176.1

Suddhāvāsaṁ upapajjantānaṁ tesaṁ tattha samudayasaccaṁ nirujjhissati, no ca tesaṁ tattha dukkhasaccaṁ nirujjhittha. Itaresaṁ catuvokārānaṁ pañcavokārānaṁ tesaṁ tattha samudayasaccañca nirujjhissati dukkhasaccañca nirujjhittha.

ya5.2.2:177.1

Yassa yattha dukkhasaccaṁ nirujjhittha tassa tattha maggasaccaṁ nirujjhissatīti?

ya5.2.2:178.1

Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha dukkhasaccaṁ nirujjhittha, no ca tesaṁ tattha maggasaccaṁ nirujjhissati. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha dukkhasaccañca nirujjhittha maggasaccañca nirujjhissati.

ya5.2.2:179.1

Yassa vā pana yattha maggasaccaṁ nirujjhissati tassa tattha dukkhasaccaṁ nirujjhitthāti?

ya5.2.2:180.1

Suddhāvāsaṁ upapajjantānaṁ tesaṁ tattha maggasaccaṁ nirujjhissati, no ca tesaṁ tattha dukkhasaccaṁ nirujjhittha. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca nirujjhissati dukkhasaccañca nirujjhittha.

ya5.2.2:181.1

Yassa yattha samudayasaccaṁ nirujjhittha tassa tattha maggasaccaṁ nirujjhissatīti?

ya5.2.2:182.1

Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha samudayasaccaṁ nirujjhittha, no ca tesaṁ tattha maggasaccaṁ nirujjhissati. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha samudayasaccañca nirujjhittha maggasaccañca nirujjhissati.

ya5.2.2:183.1

Yassa vā pana yattha maggasaccaṁ nirujjhissati tassa tattha samudayasaccaṁ nirujjhitthāti.

ya5.2.2:184.1

Suddhāvāsānaṁ dutiye citte vattamāne tesaṁ tattha maggasaccaṁ nirujjhissati, no ca tesaṁ tattha samudayasaccaṁ nirujjhittha. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca nirujjhissati samudayasaccañca nirujjhittha.

ya5.2.2:185.0

5.2.2.6.4. Paccanīkapuggala

ya5.2.2:185.1

Yassa dukkhasaccaṁ na nirujjhittha tassa samudayasaccaṁ na nirujjhissatīti? Natthi.

ya5.2.2:186.1

Yassa vā pana samudayasaccaṁ na nirujjhissati tassa dukkhasaccaṁ na nirujjhitthāti? Nirujjhittha.

ya5.2.2:187.1

Yassa dukkhasaccaṁ na nirujjhittha tassa maggasaccaṁ na nirujjhissatīti? Natthi.

ya5.2.2:188.1

Yassa vā pana maggasaccaṁ na nirujjhissati tassa dukkhasaccaṁ na nirujjhitthāti? Nirujjhittha.

ya5.2.2:189.1

Yassa samudayasaccaṁ na nirujjhittha tassa maggasaccaṁ na nirujjhissatīti? Natthi.

ya5.2.2:190.1

Yassa vā pana maggasaccaṁ na nirujjhissati tassa samudayasaccaṁ na nirujjhitthāti? Nirujjhittha.

ya5.2.2:191.0

5.2.2.6.5. Paccanīkaokāsa

ya5.2.2:191.1

Yattha dukkhasaccaṁ na nirujjhittha …pe….

ya5.2.2:192.0

5.2.2.6.6. Paccanīkapuggalokāsa

ya5.2.2:192.1

Yassa yattha dukkhasaccaṁ na nirujjhittha tassa tattha samudayasaccaṁ na nirujjhissatīti? Nirujjhissati.

ya5.2.2:193.1

Yassa vā pana yattha samudayasaccaṁ na nirujjhissati tassa tattha dukkhasaccaṁ na nirujjhitthāti? Nirujjhittha.

ya5.2.2:194.1

Yassa yattha dukkhasaccaṁ na nirujjhittha tassa tattha maggasaccaṁ na nirujjhissatīti? Nirujjhissati.

ya5.2.2:195.1

Yassa vā pana yattha maggasaccaṁ na nirujjhissati tassa tattha dukkhasaccaṁ na nirujjhitthāti? Nirujjhittha.

ya5.2.2:196.1

Yassa yattha samudayasaccaṁ na nirujjhittha tassa tattha maggasaccaṁ na nirujjhissatīti?

ya5.2.2:197.1

Suddhāvāsānaṁ dutiye citte vattamāne tesaṁ tattha samudayasaccaṁ na nirujjhittha, no ca tesaṁ tattha maggasaccaṁ na nirujjhissati. Asaññasattānaṁ tesaṁ tattha samudayasaccañca na nirujjhittha maggasaccañca na nirujjhissati.

ya5.2.2:198.1

Yassa vā pana yattha maggasaccaṁ na nirujjhissati tassa tattha samudayasaccaṁ na nirujjhitthāti?

ya5.2.2:199.1

Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha maggasaccaṁ na nirujjhissati, no ca tesaṁ tattha samudayasaccaṁ na nirujjhittha. Asaññasattānaṁ tesaṁ tattha maggasaccañca na nirujjhissati samudayasaccañca na nirujjhittha.

Nirodhavāro.

5 Saccayamaka

5.2 Pavattivāra

5.2.3. Uppādanirodhavāra

ya5.2.3:1.0.1

5.2.3.1 Paccuppannavāra

ya5.2.3:1.0.2

5.2.3.1.1. Anulomapuggala

ya5.2.3:1.1

Yassa dukkhasaccaṁ uppajjati tassa samudayasaccaṁ nirujjhatīti? No.

ya5.2.3:2.1

Yassa vā pana samudayasaccaṁ nirujjhati tassa dukkhasaccaṁ uppajjatīti? No.

ya5.2.3:3.1

Yassa dukkhasaccaṁ uppajjati tassa maggasaccaṁ nirujjhatīti? No.

ya5.2.3:4.1

Yassa vā pana maggasaccaṁ nirujjhati tassa dukkhasaccaṁ uppajjatīti? No.

ya5.2.3:5.1

Yassa samudayasaccaṁ uppajjati tassa maggasaccaṁ nirujjhatīti? No.

ya5.2.3:6.1

Yassa vā pana maggasaccaṁ nirujjhati tassa samudayasaccaṁ uppajjatīti? No.

ya5.2.3:7.0

5.2.3.1.2. Anulomaokāsa

ya5.2.3:7.1

Yattha dukkhasaccaṁ uppajjati tattha samudayasaccaṁ nirujjhatīti?

ya5.2.3:8.1

Asaññasatte tattha dukkhasaccaṁ uppajjati, no ca tattha samudayasaccaṁ nirujjhati …pe….

ya5.2.3:9.1

(Yatthakaṁ uppādavārepi nirodhavārepi uppādanirodhavārepi sadisaṁ natthi nānākaraṇaṁ.)

ya5.2.3:10.0

5.2.3.1.3. Anulomapuggalokāsa

ya5.2.3:10.1

Yassa yattha dukkhasaccaṁ uppajjati tassa tattha samudayasaccaṁ nirujjhatīti? No.

ya5.2.3:11.1

(Yassakampi yassayatthakampi sadisaṁ.)

ya5.2.3:12.0

5.2.3.1.4. Paccanīkapuggala

ya5.2.3:12.1

Yassa dukkhasaccaṁ nuppajjati tassa samudayasaccaṁ na nirujjhatīti?

ya5.2.3:13.1

Taṇhāya bhaṅgakkhaṇe tesaṁ dukkhasaccaṁ nuppajjati, no ca tesaṁ samudayasaccaṁ na nirujjhati. Sabbesaṁ cavantānaṁ pavatte taṇhāvippayuttacittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccañca nuppajjati samudayasaccañca na nirujjhati.

ya5.2.3:14.1

Yassa vā pana samudayasaccaṁ na nirujjhati tassa dukkhasaccaṁ nuppajjatīti?

ya5.2.3:15.1

Sabbesaṁ upapajjantānaṁ pavatte cittassa uppādakkhaṇe tesaṁ samudayasaccaṁ na nirujjhati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte taṇhāvippayuttacittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccañca na nirujjhati dukkhasaccañca nuppajjati.

ya5.2.3:16.1

Yassa dukkhasaccaṁ nuppajjati tassa maggasaccaṁ na nirujjhatīti?

ya5.2.3:17.1

Maggassa bhaṅgakkhaṇe tesaṁ dukkhasaccaṁ nuppajjati, no ca tesaṁ maggasaccaṁ na nirujjhati. Sabbesaṁ cavantānaṁ pavatte maggavippayuttacittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccañca nuppajjati maggasaccañca na nirujjhati.

ya5.2.3:18.1

Yassa vā pana maggasaccaṁ na nirujjhati tassa dukkhasaccaṁ nuppajjatīti?

ya5.2.3:19.1

Sabbesaṁ upapajjantānaṁ pavatte cittassa uppādakkhaṇe tesaṁ maggasaccaṁ na nirujjhati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte maggavippayuttacittassa bhaṅgakkhaṇe arūpe maggassa ca phalassa ca uppādakkhaṇe tesaṁ maggasaccañca na nirujjhati dukkhasaccañca nuppajjati.