Yamaka · Pali MS · SuttaWiki

ya3.2.3:270.1

Yassa vā pana dhammāyatanaṁ na nirujjhissati tassa manāyatanaṁ nuppajjatīti? Āmantā.

ya3.2.3:271.0

3.2.3.5.5. Paccanīkaokāsa

ya3.2.3:271.1

Yattha cakkhāyatanaṁ nuppajjati …pe….

ya3.2.3:272.0

3.2.3.5.6. Paccanīkapuggalokāsa

ya3.2.3:272.1

Yassa yattha cakkhāyatanaṁ nuppajjati tassa tattha sotāyatanaṁ na nirujjhissatīti?

ya3.2.3:273.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha sotāyatanaṁ na nirujjhissati. Pañcavokāre parinibbantānaṁ asaññasattānaṁ arūpānaṁ tesaṁ tattha cakkhāyatanañca nuppajjati sotāyatanañca na nirujjhissati.

ya3.2.3:274.1

Yassa vā pana yattha sotāyatanaṁ na nirujjhissati tassa tattha cakkhāyatanaṁ nuppajjatīti? Āmantā.

ya3.2.3:275.1

Yassa yattha cakkhāyatanaṁ nuppajjati tassa tattha ghānāyatanaṁ na nirujjhissatīti?

ya3.2.3:276.1

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha ghānāyatanaṁ na nirujjhissati. Kāmāvacare parinibbantānaṁ rūpāvacarā cavantānaṁ asaññasattānaṁ arūpānaṁ tesaṁ tattha cakkhāyatanañca nuppajjati ghānāyatanañca na nirujjhissati.

ya3.2.3:277.1

Yassa vā pana yattha ghānāyatanaṁ na nirujjhissati tassa tattha cakkhāyatanaṁ nuppajjatīti?

ya3.2.3:278.1

Rūpāvacaraṁ upapajjantānaṁ tesaṁ tattha ghānāyatanaṁ na nirujjhissati, no ca tesaṁ tattha cakkhāyatanaṁ nuppajjati. Kāmāvacare parinibbantānaṁ rūpāvacarā cavantānaṁ asaññasattānaṁ arūpānaṁ tesaṁ tattha ghānāyatanañca na nirujjhissati cakkhāyatanañca nuppajjati.

ya3.2.3:279.1

Yassa yattha cakkhāyatanaṁ nuppajjati tassa tattha rūpāyatanaṁ na nirujjhissatīti?

ya3.2.3:280.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha cakkhāyatanaṁ nuppajjati, no ca tesaṁ tattha rūpāyatanaṁ na nirujjhissati. Pañcavokāre parinibbantānaṁ arūpānaṁ tesaṁ tattha cakkhāyatanañca nuppajjati rūpāyatanañca na nirujjhissati.

ya3.2.3:281.1

Yassa vā pana yattha rūpāyatanaṁ na nirujjhissati tassa tattha cakkhāyatanaṁ nuppajjatīti? Āmantā.

ya3.2.3:282.1

Yassa yattha cakkhāyatanaṁ nuppajjati tassa tattha manāyatanaṁ na nirujjhissatīti?

ya3.2.3:283.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tasaṁ tattha cakkhāyatanaṁ nuppajjati, no ca tesaṁ tattha manāyatanaṁ na nirujjhissati. Parinibbantānaṁ asaññasattānaṁ tesaṁ tattha cakkhāyatanañca nuppajjati manāyatanañca na nirujjhissati.

ya3.2.3:284.1

Yassa vā pana yattha manāyatanaṁ na nirujjhissati tassa tattha cakkhāyatanaṁ nuppajjatīti? Āmantā.

ya3.2.3:285.1

Yassa yattha cakkhāyatanaṁ nuppajjati tassa tattha dhammāyatanaṁ na nirujjhissatīti?

ya3.2.3:286.1

Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha dhammāyatanaṁ na nirujjhissati. Parinibbantānaṁ tesaṁ tattha cakkhāyatanañca nuppajjati dhammāyatanañca na nirujjhissati.

ya3.2.3:287.1

Yassa vā pana yattha dhammāyatanaṁ na nirujjhissati tassa tattha cakkhāyatanaṁ nuppajjatīti? Āmantā. (Cakkhāyatanamūlakaṁ.)

ya3.2.3:288.1

Yassa yattha ghānāyatanaṁ nuppajjati tassa tattha rūpāyatanaṁ na nirujjhissatīti?

ya3.2.3:289.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha rūpāyatanaṁ na nirujjhissati. Pañcavokāre parinibbantānaṁ arūpānaṁ tesaṁ tattha ghānāyatanañca nuppajjati rūpāyatanañca na nirujjhissati.

ya3.2.3:290.1

Yassa vā pana yattha rūpāyatanaṁ na nirujjhissati tassa tattha ghānāyatanaṁ nuppajjatīti? Āmantā.

ya3.2.3:291.1

Yassa yattha ghānāyatanaṁ nuppajjati tassa tattha manāyatanaṁ na nirujjhissatīti?

ya3.2.3:292.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha manāyatanaṁ na nirujjhissati. Parinibbantānaṁ asaññasattānaṁ tesaṁ tattha ghānāyatanañca nuppajjati manāyatanañca na nirujjhissati.

ya3.2.3:293.1

Yassa vā pana yattha manāyatanaṁ na nirujjhissati tassa tattha ghānāyatanaṁ nuppajjatīti? Āmantā.

ya3.2.3:294.1

Yassa yattha ghānāyatanaṁ nuppajjati tassa tattha dhammāyatanaṁ na nirujjhissatīti?

ya3.2.3:295.1

Sabbesaṁ cavantānaṁ aghānakānaṁ upapajjantānaṁ tesaṁ tattha ghānāyatanaṁ nuppajjati, no ca tesaṁ tattha dhammāyatanaṁ na nirujjhissati. Parinibbantānaṁ tesaṁ tattha ghānāyatanañca nuppajjati dhammāyatanañca na nirujjhissati.

ya3.2.3:296.1

Yassa vā pana yattha dhammāyatanaṁ na nirujjhissati tassa tattha ghānāyatanaṁ nuppajjatīti? Āmantā. (Ghānāyatanamūlakaṁ.)

ya3.2.3:297.1

Yassa yattha rūpāyatanaṁ nuppajjati tassa tattha manāyatanaṁ na nirujjhissatīti?

ya3.2.3:298.1

Pañcavokārā cavantānaṁ arūpānaṁ tesaṁ tattha rūpāyatanaṁ nuppajjati, no ca tesaṁ tattha manāyatanaṁ na nirujjhissati. Parinibbantānaṁ asaññasattā cavantānaṁ tesaṁ tattha rūpāyatanañca nuppajjati manāyatanañca na nirujjhissati.

ya3.2.3:299.1

Yassa vā pana yattha manāyatanaṁ na nirujjhissati tassa tattha rūpāyatanaṁ nuppajjatīti?

ya3.2.3:300.1

Asaññasattaṁ upapajjantānaṁ tesaṁ tattha manāyatanaṁ na nirujjhissati, no ca tesaṁ tattha rūpāyatanaṁ nuppajjati. Parinibbantānaṁ asaññasattā cavantānaṁ tesaṁ tattha manāyatanañca na nirujjhissati rūpāyatanañca nuppajjati.

ya3.2.3:301.1

Yassa yattha rūpāyatanaṁ nuppajjati tassa tattha dhammāyatanaṁ na nirujjhissatīti?

ya3.2.3:302.1

Sabbesaṁ cavantānaṁ arūpakānaṁ upapajjantānaṁ tesaṁ tattha rūpāyatanaṁ nuppajjati, no ca tesaṁ tattha dhammāyatanaṁ na nirujjhissati. Parinibbantānaṁ tesaṁ tattha rūpāyatanañca nuppajjati dhammāyatanañca na nirujjhissati.

ya3.2.3:303.1

Yassa vā pana yattha dhammāyatanaṁ na nirujjhissati tassa tattha rūpāyatanaṁ nuppajjatīti? Āmantā.

ya3.2.3:304.1

Yassa yattha manāyatanaṁ nuppajjati tassa tattha dhammāyatanaṁ na nirujjhissatīti?

ya3.2.3:305.1

Sabbesaṁ cavantānaṁ acittakānaṁ upapajjantānaṁ tesaṁ tattha manāyatanaṁ nuppajjati, no ca tesaṁ tattha dhammāyatanaṁ na nirujjhissati. Parinibbantānaṁ tesaṁ tattha manāyatanañca nuppajjati dhammāyatanañca na nirujjhissati.

ya3.2.3:306.1

Yassa vā pana yattha dhammāyatanaṁ na nirujjhissati tassa tattha manāyatanaṁ nuppajjatīti? Āmantā.

ya3.2.3:307.0.1

3.2.3.6. Atītānāgatavāra

ya3.2.3:307.0.2

3.2.3.6.1. Anulomapuggala

ya3.2.3:307.1

Yassa cakkhāyatanaṁ uppajjittha tassa sotāyatanaṁ nirujjhissatīti?

ya3.2.3:308.1

Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanaṁ uppajjittha, no ca tesaṁ sotāyatanaṁ nirujjhissati. Itaresaṁ tesaṁ cakkhāyatanañca uppajjittha sotāyatanañca nirujjhissati.

ya3.2.3:309.1

Yassa vā pana sotāyatanaṁ nirujjhissati tassa cakkhāyatanaṁ uppajjitthāti? Āmantā.

ya3.2.3:310.1

(Yathā nirodhavāre atītānāgatā pucchā yassakampi yatthakampi yassayatthakampi anulomampi paccanīkampi vibhattaṁ, evaṁ uppādanirodhepi atītānāgatā pucchā vibhajitabbā.)

ya3.2.3:311.1

Uppādanirodhavāro.

ya3.2.3:312.1

Pavattivāro niṭṭhito.

ya3.3.1:0.1

3 Āyatanayamaka

ya3.3.1:0.2

3.3 Pariññāvāra

ya3.3.1:0.3

3.3.1. Paccuppannavāra

ya3.3.1:1.1

Yo cakkhāyatanaṁ parijānāti so sotāyatanaṁ parijānātīti? Āmantā.

ya3.3.1:2.1

Yo vā pana sotāyatanaṁ parijānāti so cakkhāyatanaṁ parijānātīti? Āmantā.

ya3.3.1:3.1

Yo cakkhāyatanaṁ na parijānāti so sotāyatanaṁ na parijānātīti? Āmantā.

ya3.3.1:4.1

Yo vā pana sotāyatanaṁ na parijānāti so cakkhāyatanaṁ na parijānātīti? Āmantā.

3 Āyatanayamaka

3.3 Pariññāvāra

3.3.2. Atītavāra

Yo cakkhāyatanaṁ parijānittha so sotāyatanaṁ parijānitthāti? Āmantā.

ya3.3.2:2.1

Yo vā pana sotāyatanaṁ parijānittha so cakkhāyatanaṁ parijānitthāti? Āmantā.

ya3.3.2:3.1

Yo cakkhāyatanaṁ na parijānittha so sotāyatanaṁ na parijānitthāti? Āmantā.

ya3.3.2:4.1

Yo vā pana sotāyatanaṁ na parijānittha so cakkhāyatanaṁ na parijānitthāti? Āmantā.

3 Āyatanayamaka

3.3 Pariññāvāra

3.3.3. Anāgatavāra

Yo cakkhāyatanaṁ parijānissati so sotāyatanaṁ parijānissatīti? Āmantā.

ya3.3.3:2.1

Yo vā pana sotāyatanaṁ parijānissati so cakkhāyatanaṁ parijānissatīti? Āmantā.

ya3.3.3:3.1

Yo cakkhāyatanaṁ na parijānissati so sotāyatanaṁ na parijānissatīti? Āmantā.

ya3.3.3:4.1

Yo vā pana sotāyatanaṁ na parijānissati so cakkhāyatanaṁ na parijānissatīti? Āmantā.

ya3.3.4:0.1

3 Āyatanayamaka

ya3.3.4:0.2

3.3 Pariññāvāra

ya3.3.4:0.3

3.3.4. Paccuppannātītavāra

ya3.3.4:1.1

Yo cakkhāyatanaṁ parijānāti so sotāyatanaṁ parijānitthāti? No.

ya3.3.4:2.1

Yo vā pana sotāyatanaṁ parijānittha so cakkhāyatanaṁ parijānātīti? No.

ya3.3.4:3.1

Yo cakkhāyatanaṁ na parijānāti so sotāyatanaṁ na parijānitthāti?

ya3.3.4:4.1

Arahā cakkhāyatanaṁ na parijānāti, no ca sotāyatanaṁ na parijānittha. Aggamaggasamaṅgiñca arahantañca ṭhapetvā avasesā puggalā cakkhāyatanañca na parijānanti sotāyatanañca na parijānittha.

ya3.3.4:5.1

Yo vā pana sotāyatanaṁ na parijānittha so cakkhāyatanaṁ na parijānātīti?

ya3.3.4:6.1

Aggamaggasamaṅgī sotāyatanaṁ na parijānittha, no ca cakkhāyatanaṁ na parijānāti. Aggamaggasamaṅgiñca arahantañca ṭhapetvā avasesā puggalā sotāyatanañca na parijānittha cakkhāyatanañca na parijānanti.

ya3.3.5:0.1

3 Āyatanayamaka

ya3.3.5:0.2

3.3 Pariññāvāra

ya3.3.5:0.3

3.3.5. Paccuppannānāgatavāra

ya3.3.5:1.1

Yo cakkhāyatanaṁ parijānāti so sotāyatanaṁ parijānissatīti? No.

ya3.3.5:2.1

Yo vā pana sotāyatanaṁ parijānissati so cakkhāyatanaṁ parijānātīti? No.

ya3.3.5:3.1

Yo cakkhāyatanaṁ na parijānāti so sotāyatanaṁ na parijānissatīti?

ya3.3.5:4.1

Ye maggaṁ paṭilabhissanti te cakkhāyatanaṁ na parijānanti, no ca sotāyatanaṁ na parijānissanti. Arahā ye ca puthujjanā maggaṁ na paṭilabhissanti te cakkhāyatanañca na parijānanti sotāyatanañca na parijānissanti.

ya3.3.5:5.1

Yo vā pana sotāyatanaṁ na parijānissati so cakkhāyatanaṁ na parijānātīti?

ya3.3.5:6.1

Aggamaggasamaṅgī sotāyatanaṁ na parijānissati, no ca cakkhāyatanaṁ na parijānāti. Arahā ye ca puthujjanā maggaṁ na paṭilabhissanti te sotāyatanañca na parijānissanti cakkhāyatanañca na parijānanti.

ya3.3.6:0.1

3 Āyatanayamaka

ya3.3.6:0.2

3.3 Pariññāvāra

ya3.3.6:0.3

3.3.6. Atītānāgatavāra

ya3.3.6:1.1

Yo cakkhāyatanaṁ parijānittha so sotāyatanaṁ parijānissatīti? No.

ya3.3.6:2.1

Yo vā pana sotāyatanaṁ parijānissati so cakkhāyatanaṁ parijānitthāti? No.

ya3.3.6:3.1

Yo cakkhāyatanaṁ na parijānittha so sotāyatanaṁ na parijānissatīti?

ya3.3.6:4.1

Ye maggaṁ paṭilabhissanti te cakkhāyatanaṁ na parijānittha, no ca sotāyatanaṁ na parijānissanti. Aggamaggasamaṅgī ye ca puthujjanā maggaṁ na paṭilabhissanti te cakkhāyatanañca na parijānittha sotāyatanañca na parijānissanti.

ya3.3.6:5.1

Yo vā pana sotāyatanaṁ na parijānissati so cakkhāyatanaṁ na parijānitthāti?

ya3.3.6:6.1

Arahā sotāyatanaṁ na parijānissati, no ca cakkhāyatanaṁ na parijānittha. Aggamaggasamaṅgī ye ca puthujjanā maggaṁ na paṭilabhissanti te sotāyatanañca na parijānissanti cakkhāyatanañca na parijānittha.

ya3.3.6:7.1

Pariññāvāro.

ya3.3.6:8.1

Āyatanayamakapāḷi niṭṭhitā.

ya4.1.1:0.1

4 Dhātuyamaka

ya4.1.1:0.2

4.1 Paṇṇattivāra

ya4.1.1:0.3

4.1.1. Paṇṇattivārauddesa