Yamaka · Pali MS · SuttaWiki

ya3.2.2:445.1

Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ ghānāyatanaṁ nirujjhittha, no ca tesaṁ rūpāyatanaṁ nirujjhissati. Itaresaṁ tesaṁ ghānāyatanañca nirujjhittha rūpāyatanañca nirujjhissati.

ya3.2.2:446.1

Yassa vā pana …pe… ? Āmantā.

ya3.2.2:447.1

Yassa ghānāyatanaṁ nirujjhittha tassa manāyatanaṁ …pe… dhammāyatanaṁ nirujjhissatīti?

ya3.2.2:448.1

Parinibbantānaṁ tesaṁ ghānāyatanaṁ nirujjhittha, no ca tesaṁ dhammāyatanaṁ nirujjhissati. Itaresaṁ tesaṁ ghānāyatanañca nirujjhittha dhammāyatanañca nirujjhissati.

ya3.2.2:449.1

Yassa vā pana …pe… ? Āmantā.

ya3.2.2:450.1

Yassa rūpāyatanaṁ nirujjhittha tassa manāyatanaṁ …pe… dhammāyatanaṁ nirujjhissatīti?

ya3.2.2:451.1

Parinibbantānaṁ tesaṁ rūpāyatanaṁ nirujjhittha, no ca tesaṁ dhammāyatanaṁ nirujjhissati. Itaresaṁ tesaṁ rūpāyatanañca nirujjhittha dhammāyatanañca nirujjhissati.

ya3.2.2:452.1

Yassa vā pana …pe… ? Āmantā.

ya3.2.2:453.1

Yassa manāyatanaṁ nirujjhittha tassa dhammāyatanaṁ nirujjhissatīti?

ya3.2.2:454.1

Parinibbantānaṁ tesaṁ manāyatanaṁ nirujjhittha, no ca tesaṁ dhammāyatanaṁ nirujjhissati. Itaresaṁ tesaṁ manāyatanañca nirujjhittha dhammāyatanañca nirujjhissati.

ya3.2.2:455.1

Yassa vā pana …pe… ? Āmantā.

ya3.2.2:456.0

3.2.2.6.2. Anulomaokāsa

ya3.2.2:456.1

Yattha cakkhāyatanaṁ nirujjhittha …pe….

ya3.2.2:457.0

3.2.2.6.3. Anulomapuggalokāsa

ya3.2.2:457.1

Yassa yattha cakkhāyatanaṁ nirujjhittha tassa tattha sotāyatanaṁ nirujjhissatīti?

ya3.2.2:458.1

Pañcavokāre parinibbantānaṁ tesaṁ tattha cakkhāyatanaṁ nirujjhittha, no ca tesaṁ tattha sotāyatanaṁ nirujjhissati. Itaresaṁ pañcavokārānaṁ tesaṁ tattha cakkhāyatanañca nirujjhittha sotāyatanañca nirujjhissati.

ya3.2.2:459.1

Yassa vā pana yattha sotāyatanaṁ nirujjhissati tassa tattha cakkhāyatanaṁ nirujjhitthāti?

ya3.2.2:460.1

Suddhāvāsaṁ upapajjantānaṁ tesaṁ tattha sotāyatanaṁ nirujjhissati, no ca tesaṁ tattha cakkhāyatanaṁ nirujjhittha. Itaresaṁ pañcavokārānaṁ tesaṁ tattha sotāyatanañca nirujjhissati cakkhāyatanañca nirujjhittha.

ya3.2.2:461.1

Yassa yattha cakkhāyatanaṁ nirujjhittha tassa tattha ghānāyatanaṁ nirujjhissatīti?

ya3.2.2:462.1

Kāmāvacare parinibbantānaṁ rūpāvacarānaṁ tesaṁ tattha cakkhāyatanaṁ nirujjhittha, no ca tesaṁ tattha ghānāyatanaṁ nirujjhissati. Itaresaṁ kāmāvacarānaṁ tesaṁ tattha cakkhāyatanañca nirujjhittha ghānāyatanañca nirujjhissati.

ya3.2.2:463.1

Yassa vā pana yattha ghānāyatanaṁ nirujjhissati tassa tattha cakkhāyatanaṁ nirujjhitthāti? Āmantā.

ya3.2.2:464.1

Yassa yattha cakkhāyatanaṁ nirujjhittha tassa tattha rūpāyatanaṁ nirujjhissatīti?

ya3.2.2:465.1

Pañcavokāre parinibbantānaṁ tesaṁ tattha cakkhāyatanaṁ nirujjhittha, no ca tesaṁ tattha rūpāyatanaṁ nirujjhissati. Itaresaṁ pañcavokārānaṁ tesaṁ tattha cakkhāyatanañca nirujjhittha rūpāyatanañca nirujjhissati.

ya3.2.2:466.1

Yassa vā pana yattha rūpāyatanaṁ nirujjhissati tassa tattha cakkhāyatanaṁ nirujjhitthāti?

ya3.2.2:467.1

Suddhāvāsaṁ upapajjantānaṁ asaññasattānaṁ tesaṁ tattha rūpāyatanaṁ nirujjhissati, no ca tesaṁ tattha cakkhāyatanaṁ nirujjhittha. Itaresaṁ pañcavokārānaṁ tesaṁ tattha rūpāyatanañca nirujjhissati cakkhāyatanañca nirujjhittha.

ya3.2.2:468.1

Yassa yattha cakkhāyatanaṁ nirujjhittha tassa tattha manāyatanaṁ nirujjhissatīti?

ya3.2.2:469.1

Pañcavokāre parinibbantānaṁ tesaṁ tattha cakkhāyatanaṁ nirujjhittha, no ca tesaṁ tattha manāyatanaṁ nirujjhissati. Itaresaṁ pañcavokārānaṁ tesaṁ tattha cakkhāyatanañca nirujjhittha manāyatanañca nirujjhissati.

ya3.2.2:470.1

Yassa vā pana yattha manāyatanaṁ nirujjhissati tassa tattha cakkhāyatanaṁ nirujjhitthāti?

ya3.2.2:471.1

Suddhāvāsaṁ upapajjantānaṁ arūpānaṁ tesaṁ tattha manāyatanaṁ nirujjhissati, no ca tesaṁ tattha cakkhāyatanaṁ nirujjhittha. Itaresaṁ pañcavokārānaṁ tesaṁ tattha manāyatanañca nirujjhissati cakkhāyatanañca nirujjhittha.

ya3.2.2:472.1

Yassa yattha cakkhāyatanaṁ nirujjhittha tassa tattha dhammāyatanaṁ nirujjhissatīti?

ya3.2.2:473.1

Pañcavokāre parinibbantānaṁ tesaṁ tattha cakkhāyatanaṁ nirujjhittha, no ca tesaṁ tattha dhammāyatanaṁ nirujjhissati. Itaresaṁ pañcavokārānaṁ tesaṁ tattha cakkhāyatanañca nirujjhittha dhammāyatanañca nirujjhissati.

ya3.2.2:474.1

Yassa vā pana yattha dhammāyatanaṁ nirujjhissati tassa tattha cakkhāyatanaṁ nirujjhitthāti?

ya3.2.2:475.1

Suddhāvāsaṁ upapajjantānaṁ asaññasattānaṁ arūpānaṁ tesaṁ tattha dhammāyatanaṁ nirujjhissati, no ca tesaṁ tattha cakkhāyatanaṁ nirujjhittha. Itaresaṁ pañcavokārānaṁ tesaṁ tattha dhammāyatanañca nirujjhissati cakkhāyatanañca nirujjhittha. (Cakkhāyatanamūlakaṁ.)

ya3.2.2:476.1

Yassa yattha ghānāyatanaṁ nirujjhittha tassa tattha rūpāyatanaṁ nirujjhissatīti?

ya3.2.2:477.1

Kāmāvacare parinibbantānaṁ tesaṁ tattha ghānāyatanaṁ nirujjhittha, no ca tesaṁ tattha rūpāyatanaṁ nirujjhissati. Itaresaṁ kāmāvacarānaṁ tesaṁ tattha ghānāyatanañca nirujjhittha rūpāyatanañca nirujjhissati.

ya3.2.2:478.1

Yassa vā pana yattha rūpāyatanaṁ nirujjhissati tassa tattha ghānāyatanaṁ nirujjhitthāti?

ya3.2.2:479.1

Rūpāvacarānaṁ tesaṁ tattha rūpāyatanaṁ nirujjhissati, no ca tesaṁ tattha ghānāyatanaṁ nirujjhittha. Kāmāvacarānaṁ tesaṁ tattha rūpāyatanañca nirujjhissati ghānāyatanañca nirujjhittha.

ya3.2.2:480.1

Yassa yattha ghānāyatanaṁ nirujjhittha tassa tattha manāyatanaṁ …pe… dhammāyatanaṁ nirujjhissatīti?

ya3.2.2:481.1

Kāmāvacare parinibbantānaṁ tesaṁ tattha ghānāyatanaṁ nirujjhittha, no ca tesaṁ tattha dhammāyatanaṁ nirujjhissati. Itaresaṁ kāmāvacarānaṁ tesaṁ tattha ghānāyatanañca nirujjhittha dhammāyatanañca nirujjhissati.

ya3.2.2:482.1

Yassa vā pana yattha dhammāyatanaṁ nirujjhissati tassa tattha ghānāyatanaṁ nirujjhitthāti?

ya3.2.2:483.1

Rūpāvacarānaṁ arūpāvacarānaṁ tesaṁ tattha dhammāyatanaṁ nirujjhissati, no ca tesaṁ tattha ghānāyatanaṁ nirujjhittha. Kāmāvacarānaṁ tesaṁ tattha dhammāyatanañca nirujjhissati ghānāyatanañca nirujjhittha. (Ghānāyatanamūlakaṁ.)

ya3.2.2:484.1

Yassa yattha rūpāyatanaṁ nirujjhittha tassa tattha manāyatanaṁ nirujjhissatīti?

ya3.2.2:485.1

Pañcavokāre parinibbantānaṁ asaññasattānaṁ tesaṁ tattha rūpāyatanaṁ nirujjhittha, no ca tesaṁ tattha manāyatanaṁ nirujjhissati. Itaresaṁ pañcavokārānaṁ tesaṁ tattha rūpāyatanañca nirujjhittha manāyatanañca nirujjhissati.

ya3.2.2:486.1

Yassa vā pana yattha manāyatanaṁ nirujjhissati tassa tattha rūpāyatanaṁ nirujjhitthāti?

ya3.2.2:487.1

Suddhāvāsaṁ upapajjantānaṁ arūpānaṁ tesaṁ tattha manāyatanaṁ nirujjhissati, no ca tesaṁ tattha rūpāyatanaṁ nirujjhittha. Itaresaṁ pañcavokārānaṁ tesaṁ tattha manāyatanañca nirujjhissati rūpāyatanañca nirujjhittha.

ya3.2.2:488.1

Yassa yattha rūpāyatanaṁ nirujjhittha tassa tattha dhammāyatanaṁ nirujjhissatīti?

ya3.2.2:489.1

Pañcavokāre parinibbantānaṁ tesaṁ tattha rūpāyatanaṁ nirujjhittha, no ca tesaṁ tattha dhammāyatanaṁ nirujjhissati. Itaresaṁ pañcavokārānaṁ asaññasattānaṁ tesaṁ tattha rūpāyatanañca nirujjhittha dhammāyatanañca nirujjhissati.

ya3.2.2:490.1

Yassa vā pana yattha dhammāyatanaṁ nirujjhissati tassa tattha rūpāyatanaṁ nirujjhitthāti?

ya3.2.2:491.1

Suddhāvāsaṁ upapajjantānaṁ arūpānaṁ tesaṁ tattha dhammāyatanaṁ nirujjhissati, no ca tesaṁ tattha rūpāyatanaṁ nirujjhittha. Itaresaṁ pañcavokārānaṁ asaññasattānaṁ tesaṁ tattha dhammāyatanañca nirujjhissati rūpāyatanañca nirujjhittha. (Rūpāyatanamūlakaṁ.)

ya3.2.2:492.1

Yassa yattha manāyatanaṁ nirujjhittha tassa tattha dhammāyatanaṁ nirujjhissatīti?

ya3.2.2:493.1

Parinibbantānaṁ tesaṁ tattha manāyatanaṁ nirujjhittha, no ca tesaṁ tattha dhammāyatanaṁ nirujjhissati. Itaresaṁ catuvokārānaṁ pañcavokārānaṁ tesaṁ tattha manāyatanañca nirujjhittha dhammāyatanañca nirujjhissati.

ya3.2.2:494.1

Yassa vā pana yattha dhammāyatanaṁ nirujjhissati tassa tattha manāyatanaṁ nirujjhitthāti?

ya3.2.2:495.1

Suddhāvāsaṁ upapajjantānaṁ asaññasattānaṁ tesaṁ tattha dhammāyatanaṁ nirujjhissati, no ca tesaṁ tattha manāyatanaṁ nirujjhittha. Itaresaṁ catuvokārānaṁ pañcavokārānaṁ tesaṁ tattha dhammāyatanañca nirujjhissati manāyatanañca nirujjhittha.

ya3.2.2:496.0

3.2.2.6.4. Paccanīkapuggala

ya3.2.2:496.1

Yassa cakkhāyatanaṁ na nirujjhittha tassa sotāyatanaṁ na nirujjhissatīti? Natthi.

ya3.2.2:497.1

Yassa vā pana sotāyatanaṁ na nirujjhissati tassa cakkhāyatanaṁ na nirujjhitthāti? Nirujjhittha.

ya3.2.2:498.1

Yassa cakkhāyatanaṁ …pe… ghānāyatanaṁ … rūpāyatanaṁ … manāyatanaṁ na nirujjhittha tassa dhammāyatanaṁ na nirujjhissatīti? Natthi.

ya3.2.2:499.1

Yassa vā pana dhammāyatanaṁ na nirujjhissati tassa manāyatanaṁ na nirujjhitthāti? Nirujjhittha.

ya3.2.2:500.0

3.2.2.6.5. Paccanīkaokāsa

ya3.2.2:500.1

Yassa cakkhāyatanaṁ na nirujjhittha …pe….

ya3.2.2:501.0

3.2.2.6.6. Paccanīkapuggalokāsa

ya3.2.2:501.1

Yassa yattha cakkhāyatanaṁ na nirujjhittha tassa tattha sotāyatanaṁ na nirujjhissatīti?

ya3.2.2:502.1

Suddhāvāsaṁ upapajjantānaṁ tesaṁ tattha cakkhāyatanaṁ na nirujjhittha, no ca tesaṁ tattha sotāyatanaṁ na nirujjhissati. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhāyatanañca na nirujjhittha sotāyatanañca na nirujjhissati.

ya3.2.2:503.1

Yassa vā pana yattha sotāyatanaṁ na nirujjhissati tassa tattha cakkhāyatanaṁ na nirujjhitthāti?

ya3.2.2:504.1

Pañcavokāre parinibbantānaṁ tesaṁ tattha sotāyatanaṁ na nirujjhissati, no ca tesaṁ tattha cakkhāyatanaṁ na nirujjhittha. Suddhāvāse parinibbantānaṁ asaññasattānaṁ arūpānaṁ tesaṁ tattha sotāyatanañca na nirujjhissati cakkhāyatanañca na nirujjhittha.

ya3.2.2:505.1

Yassa yattha cakkhāyatanaṁ na nirujjhittha tassa tattha ghānāyatanaṁ na nirujjhissatīti? Āmantā.

ya3.2.2:506.1

Yassa vā pana yattha ghānāyatanaṁ na nirujjhissati tassa tattha cakkhāyatanaṁ na nirujjhitthāti?

ya3.2.2:507.1

Kāmāvacare parinibbantānaṁ rūpāvacarānaṁ tesaṁ tattha ghānāyatanaṁ na nirujjhissati, no ca tesaṁ tattha cakkhāyatanaṁ na nirujjhittha. Suddhāvāsānaṁ asaññasattānaṁ arūpānaṁ tesaṁ tattha ghānāyatanañca na nirujjhissati cakkhāyatanañca na nirujjhittha.

ya3.2.2:508.1

Yassa yattha cakkhāyatanaṁ na nirujjhittha tassa tattha rūpāyatanaṁ na nirujjhissatīti?

ya3.2.2:509.1

Suddhāvāsaṁ upapajjantānaṁ asaññasattānaṁ tesaṁ tattha cakkhāyatanaṁ na nirujjhittha, no ca tesaṁ tattha rūpāyatanaṁ na nirujjhissati. Suddhāvāse parinibbantānaṁ arūpānaṁ tesaṁ tattha cakkhāyatanañca na nirujjhittha rūpāyatanañca na nirujjhissati.

ya3.2.2:510.1

Yassa vā pana yattha rūpāyatanaṁ na nirujjhissati tassa tattha cakkhāyatanaṁ na nirujjhitthāti?

ya3.2.2:511.1

Pañcavokāre parinibbantānaṁ tesaṁ tattha rūpāyatanaṁ na nirujjhissati, no ca tesaṁ tattha cakkhāyatanaṁ na nirujjhittha. Suddhāvāse parinibbantānaṁ arūpānaṁ tesaṁ tattha rūpāyatanañca na nirujjhissati cakkhāyatanañca na nirujjhittha.

ya3.2.2:512.1

Yassa yattha cakkhāyatanaṁ na nirujjhittha tassa tattha manāyatanaṁ na nirujjhissatīti?

ya3.2.2:513.1

Suddhāvāsaṁ upapajjantānaṁ arūpānaṁ tesaṁ tattha cakkhāyatanaṁ na nirujjhittha, no ca tesaṁ tattha manāyatanaṁ na nirujjhissati. Suddhāvāse parinibbantānaṁ arūpe parinibbantānaṁ asaññasattānaṁ tesaṁ tattha cakkhāyatanañca na nirujjhittha manāyatanañca na nirujjhissati.

ya3.2.2:514.1

Yassa vā pana yattha manāyatanaṁ na nirujjhissati tassa tattha cakkhāyatanaṁ na nirujjhitthāti?

ya3.2.2:515.1

Pañcavokāre parinibbantānaṁ tesaṁ tattha manāyatanaṁ na nirujjhissati, no ca tesaṁ tattha cakkhāyatanaṁ na nirujjhittha. Suddhāvāse parinibbantānaṁ arūpe parinibbantānaṁ asaññasattānaṁ tesaṁ tattha manāyatanañca na nirujjhissati, cakkhāyatanañca na nirujjhittha.

ya3.2.2:516.1

Yassa yattha cakkhāyatanaṁ na nirujjhittha tassa tattha dhammāyatanaṁ na nirujjhissatīti?

ya3.2.2:517.1

Suddhāvāsaṁ upapajjantānaṁ asaññasattānaṁ arūpānaṁ tesaṁ tattha cakkhāyatanaṁ na nirujjhittha, no ca tesaṁ tattha dhammāyatanaṁ na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha cakkhāyatanañca na nirujjhittha dhammāyatanañca na nirujjhissati.

ya3.2.2:518.1

Yassa vā pana yattha dhammāyatanaṁ na nirujjhissati tassa tattha cakkhāyatanaṁ na nirujjhitthāti?

ya3.2.2:519.1

Pañcavokāre parinibbantānaṁ tesaṁ tattha dhammāyatanaṁ na nirujjhissati, no ca tesaṁ tattha cakkhāyatanaṁ na nirujjhittha. Suddhāvāse parinibbantānaṁ arūpe parinibbantānaṁ tesaṁ tattha dhammāyatanañca na nirujjhissati cakkhāyatanañca na nirujjhittha. (Cakkhāyatanamūlakaṁ.)

ya3.2.2:520.1

Yassa yattha ghānāyatanaṁ na nirujjhittha tassa tattha rūpāyatanaṁ na nirujjhissatīti?

ya3.2.2:521.1

Rūpāvacarānaṁ tesaṁ tattha ghānāyatanaṁ na nirujjhittha, no ca tesaṁ tattha rūpāyatanaṁ na nirujjhissati. Rūpāvacare parinibbantānaṁ arūpānaṁ tesaṁ tattha ghānāyatanañca na nirujjhittha rūpāyatanañca na nirujjhissati.

ya3.2.2:522.1

Yassa vā pana yattha rūpāyatanaṁ na nirujjhissati tassa tattha ghānāyatanaṁ na nirujjhitthāti?

ya3.2.2:523.1

Kāmāvacare parinibbantānaṁ tesaṁ tattha rūpāyatanaṁ na nirujjhissati, no ca tesaṁ tattha ghānāyatanaṁ na nirujjhittha. Rūpāvacare parinibbantānaṁ arūpānaṁ tesaṁ tattha rūpāyatanañca na nirujjhissati ghānāyatanañca na nirujjhittha.

ya3.2.2:524.1

Yassa yattha ghānāyatanaṁ na nirujjhittha tassa tattha manāyatanaṁ na nirujjhissatīti?

ya3.2.2:525.1

Rūpāvacarānaṁ arūpāvacarānaṁ tesaṁ tattha ghānāyatanaṁ na nirujjhittha, no ca tesaṁ tattha manāyatanaṁ na nirujjhissati. Rūpāvacare arūpāvacare parinibbantānaṁ asaññasattānaṁ tesaṁ tattha ghānāyatanañca na nirujjhittha manāyatanañca na nirujjhissati.

ya3.2.2:526.1

Yassa vā pana yattha manāyatanaṁ na nirujjhissati tassa tattha ghānāyatanaṁ na nirujjhitthāti?

ya3.2.2:527.1

Kāmāvacare parinibbantānaṁ tesaṁ tattha manāyatanaṁ na nirujjhissati, no ca tesaṁ tattha ghānāyatanaṁ na nirujjhittha. Rūpāvacare arūpāvacare parinibbantānaṁ asaññasattānaṁ tesaṁ tattha manāyatanañca na nirujjhissati ghānāyatanañca na nirujjhittha.

ya3.2.2:528.1

Yassa yattha ghānāyatanaṁ na nirujjhittha tassa tattha dhammāyatanaṁ na nirujjhissatīti?

ya3.2.2:529.1

Rūpāvacarānaṁ arūpāvacarānaṁ tesaṁ tattha ghānāyatanaṁ na nirujjhittha, no ca tesaṁ tattha dhammāyatanaṁ na nirujjhissati. Rūpāvacare arūpāvacare parinibbantānaṁ tesaṁ tattha ghānāyatanañca na nirujjhittha dhammāyatanañca na nirujjhissati.

ya3.2.2:530.1

Yassa vā pana yattha dhammāyatanaṁ na nirujjhissati tassa tattha ghānāyatanaṁ na nirujjhitthāti?

ya3.2.2:531.1

Kāmāvacare parinibbantānaṁ tesaṁ tattha dhammāyatanaṁ na nirujjhissati, no ca tesaṁ tattha ghānāyatanaṁ na nirujjhittha. Rūpāvacare arūpāvacare parinibbantānaṁ tesaṁ tattha dhammāyatanañca na nirujjhissati ghānāyatanañca na nirujjhittha. (Ghānāyatanamūlakaṁ.)

ya3.2.2:532.1

Yassa yattha rūpāyatanaṁ na nirujjhittha tassa tattha manāyatanaṁ na nirujjhissatīti?

ya3.2.2:533.1

Suddhāvāsaṁ upapajjantānaṁ arūpānaṁ tesaṁ tattha rūpāyatanaṁ na nirujjhittha, no ca tesaṁ tattha manāyatanaṁ na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha rūpāyatanañca na nirujjhittha manāyatanañca na nirujjhissati.

ya3.2.2:534.1

Yassa vā pana yattha manāyatanaṁ na nirujjhissati tassa tattha rūpāyatanaṁ na nirujjhitthāti?

ya3.2.2:535.1

Pañcavokāre parinibbantānaṁ asaññasattānaṁ tesaṁ tattha manāyatanaṁ na nirujjhissati, no ca tesaṁ tattha rūpāyatanaṁ na nirujjhittha. Suddhāvāse parinibbantānaṁ arūpe parinibbantānaṁ tesaṁ tattha manāyatanañca na nirujjhissati rūpāyatanañca na nirujjhittha.

ya3.2.2:536.1

Yassa yattha rūpāyatanaṁ na nirujjhittha tassa tattha dhammāyatanaṁ na nirujjhissatīti?

ya3.2.2:537.1

Suddhāvāsaṁ upapajjantānaṁ arūpānaṁ tesaṁ tattha rūpāyatanaṁ na nirujjhittha, no ca tesaṁ tattha dhammāyatanaṁ na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha rūpāyatanañca na nirujjhittha dhammāyatanañca na nirujjhissati.

ya3.2.2:538.1

Yassa vā pana yattha dhammāyatanaṁ na nirujjhissati tassa tattha rūpāyatanaṁ na nirujjhitthāti?

ya3.2.2:539.1

Pañcavokāre parinibbantānaṁ tesaṁ tattha dhammāyatanaṁ na nirujjhissati, no ca tesaṁ tattha rūpāyatanaṁ na nirujjhittha. Suddhāvāse parinibbantānaṁ arūpe parinibbantānaṁ tesaṁ tattha dhammāyatanañca na nirujjhissati rūpāyatanañca na nirujjhittha. (Rūpāyatanamūlakaṁ.)