Yamaka · Pali MS · SuttaWiki

ya3.2.1:698.1

Yassa yattha ghānāyatanaṁ nuppajjittha tassa tattha manāyatanaṁ nuppajjissatīti?

ya3.2.1:699.1

Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha manāyatanaṁ nuppajjissati. Rūpāvacare arūpāvacare pacchimabhavikānaṁ asaññasattānaṁ tesaṁ tattha ghānāyatanañca nuppajjittha manāyatanañca nuppajjissati.

ya3.2.1:700.1

Yassa vā pana yattha manāyatanaṁ nuppajjissati tassa tattha ghānāyatanaṁ nuppajjitthāti?

ya3.2.1:701.1

Kāmāvacare pacchimabhavikānaṁ tesaṁ tattha manāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ asaññasattānaṁ tesaṁ tattha manāyatanañca nuppajjissati ghānāyatanañca nuppajjittha.

ya3.2.1:702.1

Yassa yattha ghānāyatanaṁ nuppajjittha tassa tattha dhammāyatanaṁ nuppajjissatīti?

ya3.2.1:703.1

Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha dhammāyatanaṁ nuppajjissati. Rūpāvacare arūpāvacare pacchimabhavikānaṁ tesaṁ tattha ghānāyatanañca nuppajjittha dhammāyatanañca nuppajjissati.

ya3.2.1:704.1

Yassa vā pana yattha dhammāyatanaṁ nuppajjissati tassa tattha ghānāyatanaṁ nuppajjitthāti?

ya3.2.1:705.1

Kāmāvacare pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ tesaṁ tattha dhammāyatanañca nuppajjissati ghānāyatanañca nuppajjittha. (Ghānāyatanamūlakaṁ.)

ya3.2.1:706.1

Yassa yattha rūpāyatanaṁ nuppajjittha tassa tattha manāyatanaṁ nuppajjissatīti?

ya3.2.1:707.1

Arūpānaṁ tesaṁ tattha rūpāyatanaṁ nuppajjittha, no ca tesaṁ tattha manāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha manāyatanañca nuppajjissati.

ya3.2.1:708.1

Yassa vā pana yattha manāyatanaṁ nuppajjissati tassa tattha rūpāyatanaṁ nuppajjitthāti?

ya3.2.1:709.1

Pañcavokāre pacchimabhavikānaṁ asaññasattānaṁ tesaṁ tattha manāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha manāyatanañca nuppajjissati rūpāyatanañca nuppajjittha.

ya3.2.1:710.1

Yassa yattha rūpāyatanaṁ nuppajjittha tassa tattha dhammāyatanaṁ nuppajjissatīti?

ya3.2.1:711.1

Arūpānaṁ tesaṁ tattha rūpāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha dhammāyatanañca nuppajjissati.

ya3.2.1:712.1

Yassa vā pana yattha dhammāyatanaṁ nuppajjissati tassa tattha rūpāyatanaṁ nuppajjitthāti?

ya3.2.1:713.1

Pañcavokāre pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha dhammāyatanañca nuppajjissati rūpāyatanañca nuppajjittha. (Rūpāyatanamūlakaṁ.)

ya3.2.1:714.1

Yassa yattha manāyatanaṁ nuppajjittha tassa tattha dhammāyatanaṁ nuppajjissatīti?

ya3.2.1:715.1

Asaññasattānaṁ tesaṁ tattha manāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ tesaṁ tattha manāyatanañca nuppajjittha dhammāyatanañca nuppajjissati.

ya3.2.1:716.1

Yassa vā pana yattha dhammāyatanaṁ nuppajjissati tassa tattha manāyatanaṁ nuppajjitthāti?

ya3.2.1:717.1

Pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha manāyatanaṁ nuppajjittha. Suddhāvāsānaṁ tesaṁ tattha dhammāyatanañca nuppajjissati manāyatanañca nuppajjittha.

Uppādavāro.

3 Āyatanayamaka

3.2 Pavattivāra

3.2.2. Nirodhavāra

3.2.2.1. Paccuppannavāra

ya3.2.2:1.0.2

3.2.2.1.1. Anulomapuggala

ya3.2.2:1.1

Yassa cakkhāyatanaṁ nirujjhati tassa sotāyatanaṁ nirujjhatīti?

ya3.2.2:2.1

Sacakkhukānaṁ asotakānaṁ cavantānaṁ tesaṁ cakkhāyatanaṁ nirujjhati, no ca tesaṁ sotāyatanaṁ nirujjhati. Sacakkhukānaṁ sasotakānaṁ cavantānaṁ tesaṁ cakkhāyatanañca nirujjhati sotāyatanañca nirujjhati.

ya3.2.2:3.1

Yassa vā pana sotāyatanaṁ nirujjhati tassa cakkhāyatanaṁ nirujjhatīti?

ya3.2.2:4.1

Sasotakānaṁ acakkhukānaṁ cavantānaṁ tesaṁ sotāyatanaṁ nirujjhati, no ca tesaṁ cakkhāyatanaṁ nirujjhati. Sasotakānaṁ sacakkhukānaṁ cavantānaṁ tesaṁ sotāyatanañca nirujjhati cakkhāyatanañca nirujjhati.

ya3.2.2:5.1

Yassa cakkhāyatanaṁ nirujjhati tassa ghānāyatanaṁ nirujjhatīti?

ya3.2.2:6.1

Sacakkhukānaṁ aghānakānaṁ cavantānaṁ tesaṁ cakkhāyatanaṁ nirujjhati, no ca tesaṁ ghānāyatanaṁ nirujjhati. Sacakkhukānaṁ saghānakānaṁ cavantānaṁ tesaṁ cakkhāyatanañca nirujjhati ghānāyatanañca nirujjhati.

ya3.2.2:7.1

Yassa vā pana ghānāyatanaṁ nirujjhati tassa cakkhāyatanaṁ nirujjhatīti?

ya3.2.2:8.1

Saghānakānaṁ acakkhukānaṁ cavantānaṁ tesaṁ ghānāyatanaṁ nirujjhati, no ca tesaṁ cakkhāyatanaṁ nirujjhati. Saghānakānaṁ sacakkhukānaṁ cavantānaṁ tesaṁ ghānāyatanañca nirujjhati cakkhāyatanañca nirujjhati.

ya3.2.2:9.1

Yassa cakkhāyatanaṁ nirujjhati tassa rūpāyatanaṁ nirujjhatīti? Āmantā.

ya3.2.2:10.1

Yassa vā pana rūpāyatanaṁ nirujjhati tassa cakkhāyatanaṁ nirujjhatīti?

ya3.2.2:11.1

Sarūpakānaṁ acakkhukānaṁ cavantānaṁ tesaṁ rūpāyatanaṁ nirujjhati, no ca tesaṁ cakkhāyatanaṁ nirujjhati. Sacakkhukānaṁ cavantānaṁ tesaṁ rūpāyatanañca nirujjhati cakkhāyatanañca nirujjhati.

ya3.2.2:12.1

Yassa cakkhāyatanaṁ nirujjhati tassa manāyatanaṁ nirujjhatīti? Āmantā.

ya3.2.2:13.1

Yassa vā pana manāyatanaṁ nirujjhati tassa cakkhāyatanaṁ nirujjhatīti?

ya3.2.2:14.1

Sacittakānaṁ acakkhukānaṁ cavantānaṁ tesaṁ manāyatanaṁ nirujjhati, no ca tesaṁ cakkhāyatanaṁ nirujjhati. Sacakkhukānaṁ cavantānaṁ tesaṁ manāyatanañca nirujjhati cakkhāyatanañca nirujjhati.

ya3.2.2:15.1

Yassa cakkhāyatanaṁ nirujjhati tassa dhammāyatanaṁ nirujjhatīti? Āmantā.

ya3.2.2:16.1

Yassa vā pana dhammāyatanaṁ nirujjhati tassa cakkhāyatanaṁ nirujjhatīti?

ya3.2.2:17.1

Acakkhukānaṁ cavantānaṁ tesaṁ dhammāyatanaṁ nirujjhati, no ca tesaṁ cakkhāyatanaṁ nirujjhati. Sacakkhukānaṁ cavantānaṁ tesaṁ dhammāyatanañca nirujjhati cakkhāyatanañca nirujjhati. (Cakkhāyatanamūlakaṁ.)

ya3.2.2:18.1

Yassa ghānāyatanaṁ nirujjhati tassa rūpāyatanaṁ nirujjhatīti? Āmantā.

ya3.2.2:19.1

Yassa vā pana rūpāyatanaṁ nirujjhati tassa ghānāyatanaṁ nirujjhatīti?

ya3.2.2:20.1

Sarūpakānaṁ aghānakānaṁ cavantānaṁ tesaṁ rūpāyatanaṁ nirujjhati, no ca tesaṁ ghānāyatanaṁ nirujjhati. Saghānakānaṁ cavantānaṁ tesaṁ rūpāyatanañca nirujjhati ghānāyatanañca nirujjhati.

ya3.2.2:21.1

Yassa ghānāyatanaṁ nirujjhati tassa manāyatanaṁ nirujjhatīti? Āmantā.

ya3.2.2:22.1

Yassa vā pana manāyatanaṁ nirujjhati tassa ghānāyatanaṁ nirujjhatīti?

ya3.2.2:23.1

Sacittakānaṁ aghānakānaṁ cavantānaṁ tesaṁ manāyatanaṁ nirujjhati, no ca tesaṁ ghānāyatanaṁ nirujjhati. Saghānakānaṁ cavantānaṁ tesaṁ manāyatanañca nirujjhati ghānāyatanañca nirujjhati.

ya3.2.2:24.1

Yassa ghānāyatanaṁ nirujjhati tassa dhammāyatanaṁ nirujjhatīti? Āmantā.

ya3.2.2:25.1

Yassa vā pana dhammāyatanaṁ nirujjhati tassa ghānāyatanaṁ nirujjhatīti?

ya3.2.2:26.1

Aghānakānaṁ cavantānaṁ tesaṁ dhammāyatanaṁ nirujjhati, no ca tesaṁ ghānāyatanaṁ nirujjhati. Saghānakānaṁ cavantānaṁ tesaṁ dhammāyatanañca nirujjhati ghānāyatanañca nirujjhati. (Ghānāyatanamūlakaṁ.)

ya3.2.2:27.1

Yassa rūpāyatanaṁ nirujjhati tassa manāyatanaṁ nirujjhatīti?

ya3.2.2:28.1

Acittakānaṁ cavantānaṁ tesaṁ rūpāyatanaṁ nirujjhati, no ca tesaṁ manāyatanaṁ nirujjhati. Sarūpakānaṁ sacittakānaṁ cavantānaṁ tesaṁ rūpāyatanañca nirujjhati manāyatanañca nirujjhati.

ya3.2.2:29.1

Yassa vā pana manāyatanaṁ nirujjhati tassa rūpāyatanaṁ nirujjhatīti?

ya3.2.2:30.1

Arūpakānaṁ cavantānaṁ tesaṁ manāyatanaṁ nirujjhati, no ca tesaṁ rūpāyatanaṁ nirujjhati. Sarūpakānaṁ sacittakānaṁ cavantānaṁ tesaṁ manāyatanañca nirujjhati rūpāyatanañca nirujjhati.

ya3.2.2:31.1

Yassa rūpāyatanaṁ nirujjhati tassa dhammāyatanaṁ nirujjhatīti? Āmantā.

ya3.2.2:32.1

Yassa vā pana dhammāyatanaṁ nirujjhati tassa rūpāyatanaṁ nirujjhatīti?

ya3.2.2:33.1

Arūpakānaṁ cavantānaṁ tesaṁ dhammāyatanaṁ nirujjhati, no ca tesaṁ rūpāyatanaṁ nirujjhati. Sarūpakānaṁ cavantānaṁ tesaṁ dhammāyatanañca nirujjhati rūpāyatanañca nirujjhati.

ya3.2.2:34.1

Yassa manāyatanaṁ nirujjhati tassa dhammāyatanaṁ nirujjhatīti? Āmantā.

ya3.2.2:35.1

Yassa vā pana dhammāyatanaṁ nirujjhati tassa manāyatanaṁ nirujjhatīti?

ya3.2.2:36.1

Acittakānaṁ cavantānaṁ tesaṁ dhammāyatanaṁ nirujjhati, no ca tesaṁ manāyatanaṁ nirujjhati. Sacittakānaṁ cavantānaṁ tesaṁ dhammāyatanañca nirujjhati manāyatanañca nirujjhati.

ya3.2.2:37.0

3.2.2.1.2. Anulomaokāsa

ya3.2.2:37.1

Yattha cakkhāyatanaṁ nirujjhati …pe… (uppādepi nirodhepi uppādanirodhepi yatthakaṁ sabbattha sadisaṁ.)

ya3.2.2:38.0

3.2.2.1.3. Anulomapuggalokāsa

ya3.2.2:38.1

Yassa yattha cakkhāyatanaṁ nirujjhati tassa tattha sotāyatanaṁ nirujjhatīti …pe… ghānāyatanaṁ … rūpāyatanaṁ … manāyatanaṁ … dhammāyatanaṁ nirujjhatīti? (Yassa yatthakampi sadisaṁ vitthāretabbaṁ.)

ya3.2.2:39.0

3.2.2.1.4. Paccanīkapuggala

ya3.2.2:39.1

Yassa cakkhāyatanaṁ na nirujjhati tassa sotāyatanaṁ na nirujjhatīti?

ya3.2.2:40.1

Acakkhukānaṁ sasotakānaṁ cavantānaṁ tesaṁ cakkhāyatanaṁ na nirujjhati, no ca tesaṁ sotāyatanaṁ na nirujjhati. Sabbesaṁ upapajjantānaṁ acakkhukānaṁ asotakānaṁ cavantānaṁ tesaṁ cakkhāyatanañca na nirujjhati sotāyatanañca na nirujjhati.

ya3.2.2:41.1

Yassa vā pana sotāyatanaṁ na nirujjhati tassa cakkhāyatanaṁ na nirujjhatīti?

ya3.2.2:42.1

Asotakānaṁ sacakkhukānaṁ cavantānaṁ tesaṁ sotāyatanaṁ na nirujjhati, no ca tesaṁ cakkhāyatanaṁ na nirujjhati. Sabbesaṁ upapajjantānaṁ asotakānaṁ acakkhukānaṁ cavantānaṁ tesaṁ sotāyatanañca na nirujjhati cakkhāyatanañca na nirujjhati.

ya3.2.2:43.1

Yassa cakkhāyatanaṁ na nirujjhati tassa ghānāyatanaṁ na nirujjhatīti?

ya3.2.2:44.1

Acakkhukānaṁ saghānakānaṁ cavantānaṁ tesaṁ cakkhāyatanaṁ na nirujjhati, no ca tesaṁ ghānāyatanaṁ na nirujjhati. Sabbesaṁ upapajjantānaṁ acakkhukānaṁ aghānakānaṁ cavantānaṁ tesaṁ cakkhāyatanañca na nirujjhati ghānāyatanañca na nirujjhati.

ya3.2.2:45.1

Yassa vā pana ghānāyatanaṁ na nirujjhati tassa cakkhāyatanaṁ na nirujjhatīti?

ya3.2.2:46.1

Aghānakānaṁ sacakkhukānaṁ cavantānaṁ tesaṁ ghānāyatanaṁ na nirujjhati, no ca tesaṁ cakkhāyatanaṁ na nirujjhati. Sabbesaṁ upapajjantānaṁ aghānakānaṁ acakkhukānaṁ cavantānaṁ tesaṁ ghānāyatanañca na nirujjhati cakkhāyatanañca na nirujjhati.

ya3.2.2:47.1

Yassa cakkhāyatanaṁ na nirujjhati tassa rūpāyatanaṁ na nirujjhatīti?

ya3.2.2:48.1

Acakkhukānaṁ sarūpakānaṁ cavantānaṁ tesaṁ cakkhāyatanaṁ na nirujjhati, no ca tesaṁ rūpāyatanaṁ na nirujjhati. Sabbesaṁ upapajjantānaṁ arūpakānaṁ cavantānaṁ tesaṁ cakkhāyatanañca na nirujjhati rūpāyatanañca na nirujjhati.

ya3.2.2:49.1

Yassa vā pana rūpāyatanaṁ na nirujjhati tassa cakkhāyatanaṁ na nirujjhatīti? Āmantā.

ya3.2.2:50.1

Yassa cakkhāyatanaṁ na nirujjhati tassa manāyatanaṁ na nirujjhatīti?

ya3.2.2:51.1

Acakkhukānaṁ sacittakānaṁ cavantānaṁ tesaṁ cakkhāyatanaṁ na nirujjhati, no ca tesaṁ manāyatanaṁ na nirujjhati. Sabbesaṁ upapajjantānaṁ acittakānaṁ cavantānaṁ tesaṁ cakkhāyatanañca na nirujjhati manāyatanañca na nirujjhati.

ya3.2.2:52.1

Yassa vā pana manāyatanaṁ na nirujjhati tassa cakkhāyatanaṁ na nirujjhatīti? Āmantā.

ya3.2.2:53.1

Yassa cakkhāyatanaṁ na nirujjhati tassa dhammāyatanaṁ na nirujjhatīti?

ya3.2.2:54.1

Acakkhukānaṁ cavantānaṁ tesaṁ cakkhāyatanaṁ na nirujjhati, no ca tesaṁ dhammāyatanaṁ na nirujjhati. Sabbesaṁ upapajjantānaṁ tesaṁ cakkhāyatanañca na nirujjhati dhammāyatanañca na nirujjhati.

ya3.2.2:55.1

Yassa vā pana dhammāyatanaṁ na nirujjhati tassa cakkhāyatanaṁ na nirujjhatīti? Āmantā. (Cakkhāyatanamūlakaṁ.)

ya3.2.2:56.1

Yassa ghānāyatanaṁ na nirujjhati tassa rūpāyatanaṁ na nirujjhatīti?

ya3.2.2:57.1

Aghānakānaṁ sarūpakānaṁ cavantānaṁ tesaṁ ghānāyatanaṁ na nirujjhati, no ca tesaṁ rūpāyatanaṁ na nirujjhati. Sabbesaṁ upapajjantānaṁ arūpakānaṁ cavantānaṁ tesaṁ ghānāyatanañca na nirujjhati rūpāyatanañca na nirujjhati.

ya3.2.2:58.1

Yassa vā pana rūpāyatanaṁ na nirujjhati tassa ghānāyatanaṁ na nirujjhatīti? Āmantā.

ya3.2.2:59.1

Yassa ghānāyatanaṁ na nirujjhati tassa manāyatanaṁ na nirujjhatīti?

ya3.2.2:60.1

Aghānakānaṁ sacittakānaṁ cavantānaṁ tesaṁ ghānāyatanaṁ na nirujjhati, no ca tesaṁ manāyatanaṁ na nirujjhati. Sabbesaṁ upapajjantānaṁ acittakānaṁ cavantānaṁ tesaṁ ghānāyatanañca na nirujjhati manāyatanañca na nirujjhati.

ya3.2.2:61.1

Yassa vā pana manāyatanaṁ na nirujjhati tassa ghānāyatanaṁ na nirujjhatīti? Āmantā.

ya3.2.2:62.1

Yassa ghānāyatanaṁ na nirujjhati tassa dhammāyatanaṁ na nirujjhatīti?

ya3.2.2:63.1

Aghānakānaṁ cavantānaṁ tesaṁ ghānāyatanaṁ na nirujjhati, no ca tesaṁ dhammāyatanaṁ na nirujjhati. Sabbesaṁ upapajjantānaṁ tesaṁ ghānāyatanañca na nirujjhati dhammāyatanañca na nirujjhati.

ya3.2.2:64.1

Yassa vā pana dhammāyatanaṁ na nirujjhati tassa ghānāyatanaṁ na nirujjhatīti? Āmantā. (Ghānāyatanamūlakaṁ.)

ya3.2.2:65.1

Yassa rūpāyatanaṁ na nirujjhati tassa manāyatanaṁ na nirujjhatīti?

ya3.2.2:66.1

Arūpakānaṁ cavantānaṁ tesaṁ rūpāyatanaṁ na nirujjhati, no ca tesaṁ manāyatanaṁ na nirujjhati. Sabbesaṁ upapajjantānaṁ tesaṁ rūpāyatanañca na nirujjhati manāyatanañca na nirujjhati.

ya3.2.2:67.1

Yassa vā pana manāyatanaṁ na nirujjhati tassa rūpāyatanaṁ na nirujjhatīti?

ya3.2.2:68.1

Acittakānaṁ cavantānaṁ tesaṁ manāyatanaṁ na nirujjhati, no ca tesaṁ rūpāyatanaṁ na nirujjhati. Sabbesaṁ upapajjantānaṁ tesaṁ manāyatanañca na nirujjhati rūpāyatanañca na nirujjhati.

ya3.2.2:69.1

Yassa rūpāyatanaṁ na nirujjhati tassa dhammāyatanaṁ na nirujjhatīti?

ya3.2.2:70.1

Arūpakānaṁ cavantānaṁ tesaṁ rūpāyatanaṁ na nirujjhati, no ca tesaṁ dhammāyatanaṁ na nirujjhati. Sabbesaṁ upapajjantānaṁ tesaṁ rūpāyatanañca na nirujjhati dhammāyatanañca na nirujjhati.

ya3.2.2:71.1

Yassa vā pana dhammāyatanaṁ na nirujjhati tassa rūpāyatanaṁ na nirujjhatīti? Āmantā. (Rūpāyatanamūlakaṁ.)