Yamaka · Pali MS · SuttaWiki

ya2.2.3:112.1

Yassa vā pana yattha vedanākkhandho na nirujjhissati tassa tattha rūpakkhandho nuppajjatīti?

ya2.2.3:113.1

Asaññasattaṁ upapajjantānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho nuppajjati. Parinibbantānaṁ asaññasattā cavantānaṁ tesaṁ tattha vedanākkhandho ca na nirujjhissati rūpakkhandho ca nuppajjati.

ya2.2.3:114.1

Yassa yattha vedanākkhandho nuppajjati tassa tattha saññākkhandho na nirujjhissatīti?

ya2.2.3:115.1

Catuvokārā pañcavokārā cavantānaṁ tesaṁ tattha vedanākkhandho nuppajjati, no ca tesaṁ tattha saññākkhandho na nirujjhissati. Parinibbantānaṁ asaññasattānaṁ tesaṁ tattha vedanākkhandho ca nuppajjati saññākkhandho ca na nirujjhissati.

ya2.2.3:116.1

Yassa vā pana yattha saññākkhandho na nirujjhissati tassa tattha vedanākkhandho nuppajjatīti? Āmantā.

ya2.2.3:117.0.1

2.2.3.6. Atītānāgatavāra

ya2.2.3:117.0.2

2.2.3.6.1. Anulomapuggala

ya2.2.3:117.1

Yassa rūpakkhandho uppajjittha tassa vedanākkhandho nirujjhissatīti?

ya2.2.3:118.1

Parinibbantānaṁ tesaṁ rūpakkhandho uppajjittha, no ca tesaṁ vedanākkhandho nirujjhissati. Itaresaṁ tesaṁ rūpakkhandho ca uppajjittha vedanākkhandho ca nirujjhissati.

ya2.2.3:119.1

Yassa vā pana vedanākkhandho nirujjhissati tassa rūpakkhandho uppajjitthāti? Āmantā.

ya2.2.3:120.1

Yassa vedanākkhandho uppajjittha tassa saññākkhandho nirujjhissatīti?

ya2.2.3:121.1

Parinibbantānaṁ tesaṁ vedanākkhandho uppajjittha, no ca tesaṁ saññākkhandho nirujjhissati. Itaresaṁ tesaṁ vedanākkhandho ca uppajjittha saññākkhandho ca nirujjhissati.

ya2.2.3:122.1

Yassa vā pana saññākkhandho nirujjhissati tassa vedanākkhandho uppajjitthāti? Āmantā.

ya2.2.3:123.0

2.2.3.6.2. Anulomaokāsa

ya2.2.3:123.1

Yattha rūpakkhandho uppajjittha …pe….

ya2.2.3:124.0

2.2.3.6.3. Anulomapuggalokāsa

ya2.2.3:124.1

Yassa yattha rūpakkhandho uppajjittha tassa tattha vedanākkhandho nirujjhissatīti?

ya2.2.3:125.1

Pañcavokāre parinibbantānaṁ asaññasattānaṁ tesaṁ tattha rūpakkhandho uppajjittha, no ca tesaṁ tattha vedanākkhandho nirujjhissati. Itaresaṁ pañcavokārānaṁ tesaṁ tattha rūpakkhandho ca uppajjittha vedanākkhandho ca nirujjhissati.

ya2.2.3:126.1

Yassa vā pana yattha vedanākkhandho nirujjhissati tassa tattha rūpakkhandho uppajjitthāti?

ya2.2.3:127.1

Suddhāvāsaṁ upapajjantānaṁ arūpānaṁ tesaṁ tattha vedanākkhandho nirujjhissati, no ca tesaṁ tattha rūpakkhandho uppajjittha. Itaresaṁ pañcavokārānaṁ tesaṁ tattha vedanākkhandho ca nirujjhissati rūpakkhandho ca uppajjittha.

ya2.2.3:128.1

Yassa yattha vedanākkhandho uppajjittha tassa tattha saññākkhandho nirujjhissatīti?

ya2.2.3:129.1

Parinibbantānaṁ tesaṁ tattha vedanākkhandho uppajjittha, no ca tesaṁ tattha saññākkhandho nirujjhissati. Itaresaṁ catuvokārānaṁ pañcavokārānaṁ tesaṁ tattha vedanākkhandho ca uppajjittha saññākkhandho ca nirujjhissati.

ya2.2.3:130.1

Yassa vā pana yattha saññākkhandho nirujjhissati tassa tattha vedanākkhandho uppajjitthāti?

ya2.2.3:131.1

Suddhāvāsaṁ upapajjantānaṁ tesaṁ tattha saññākkhandho nirujjhissati, no ca tesaṁ tattha vedanākkhandho uppajjittha. Itaresaṁ catuvokārānaṁ pañcavokārānaṁ tesaṁ tattha saññākkhandho ca nirujjhissati vedanākkhandho ca uppajjittha.

ya2.2.3:132.0

2.2.3.6.4. Paccanīkapuggala

ya2.2.3:132.1

Yassa rūpakkhandho nuppajjittha tassa vedanākkhandho na nirujjhissatīti? Natthi.

ya2.2.3:133.1

Yassa vā pana vedanākkhandho na nirujjhissati tassa rūpakkhandho nuppajjitthāti? Uppajjittha.

ya2.2.3:134.1

Yassa vedanākkhandho nuppajjittha tassa saññākkhandho na nirujjhissatīti? Natthi.

ya2.2.3:135.1

Yassa vā pana saññākkhandho na nirujjhissati tassa vedanākkhandho nuppajjitthāti? Uppajjittha.

ya2.2.3:136.0

2.2.3.6.5. Paccanīkaokāsa

ya2.2.3:136.1

Yattha rūpakkhandho nuppajjittha …pe….

ya2.2.3:137.0

2.2.3.6.6. Paccanīkapuggalokāsa

ya2.2.3:137.1

Yassa yattha rūpakkhandho nuppajjittha tassa tattha vedanākkhandho na nirujjhissatīti?

ya2.2.3:138.1

Suddhāvāsaṁ upapajjantānaṁ arūpānaṁ tesaṁ tattha rūpakkhandho nuppajjittha, no ca tesaṁ tattha vedanākkhandho na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha rūpakkhandho ca nuppajjittha vedanākkhandho ca na nirujjhissati.

ya2.2.3:139.1

Yassa vā pana yattha vedanākkhandho na nirujjhissati tassa tattha rūpakkhandho nuppajjitthāti?

ya2.2.3:140.1

Pañcavokāre parinibbantānaṁ asaññasattānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho nuppajjittha. Suddhāvāse parinibbantānaṁ arūpe parinibbantānaṁ tesaṁ tattha vedanākkhandho ca na nirujjhissati rūpakkhandho ca nuppajjittha.

ya2.2.3:141.1

Yassa yattha vedanākkhandho nuppajjittha tassa tattha saññākkhandho na nirujjhissatīti?

ya2.2.3:142.1

Suddhāvāsaṁ upapajjantānaṁ tesaṁ tattha vedanākkhandho nuppajjittha, no ca tesaṁ tattha saññākkhandho na nirujjhissati. Suddhāvāse parinibbantānaṁ asaññasattānaṁ tesaṁ tattha vedanākkhandho ca nuppajjittha saññākkhandho ca na nirujjhissati.

ya2.2.3:143.1

Yassa vā pana yattha saññākkhandho na nirujjhissati tassa tattha vedanākkhandho nuppajjitthāti?

ya2.2.3:144.1

Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho nuppajjittha. Suddhāvāse parinibbantānaṁ asaññasattānaṁ tesaṁ tattha saññākkhandho ca na nirujjhissati vedanākkhandho ca nuppajjittha.

ya2.2.3:145.1

Uppādanirodhavāro.

ya2.2.3:146.1

Pavattivāro niṭṭhito.

ya2.3.1:0.1

2 Khandhayamaka

ya2.3.1:0.2

2.3 Pariññāvāra

ya2.3.1:0.3

2.3.1. Paccuppannavāra

ya2.3.1:1.1

Yo rūpakkhandhaṁ parijānāti so vedanākkhandhaṁ parijānātīti? Āmantā.

ya2.3.1:2.1

Yo vā pana vedanākkhandhaṁ parijānāti so rūpakkhandhaṁ parijānātīti? Āmantā.

ya2.3.1:3.1

Yo rūpakkhandhaṁ na parijānāti so vedanākkhandhaṁ na parijānātīti? Āmantā.

ya2.3.1:4.1

Yo vā pana vedanākkhandhaṁ na parijānāti so rūpakkhandhaṁ na parijānātīti? Āmantā.

2 Khandhayamaka

2.3 Pariññāvāra

2.3.2. Atītavāra

Yo rūpakkhandhaṁ parijānittha so vedanākkhandhaṁ parijānitthāti? Āmantā.

ya2.3.2:2.1

Yo vā pana vedanākkhandhaṁ parijānittha so rūpakkhandhaṁ parijānitthāti? Āmantā.

ya2.3.2:3.1

Yo rūpakkhandhaṁ na parijānittha so vedanākkhandhaṁ na parijānitthāti? Āmantā.

ya2.3.2:4.1

Yo vā pana vedanākkhandhaṁ na parijānittha so rūpakkhandhaṁ na parijānitthāti? Āmantā.

2 Khandhayamaka

2.3 Pariññāvāra

2.3.3. Anāgatavāra

Yo rūpakkhandhaṁ parijānissati so vedanākkhandhaṁ parijānissatīti? Āmantā.

ya2.3.3:2.1

Yo vā pana vedanākkhandhaṁ parijānissati so rūpakkhandhaṁ parijānissatīti? Āmantā.

ya2.3.3:3.1

Yo rūpakkhandhaṁ na parijānissati so vedanākkhandhaṁ na parijānissatīti? Āmantā.

ya2.3.3:4.1

Yo vā pana vedanākkhandhaṁ na parijānissati so rūpakkhandhaṁ na parijānissatīti? Āmantā.

ya2.3.4:0.1

2 Khandhayamaka

ya2.3.4:0.2

2.3 Pariññāvāra

ya2.3.4:0.3

2.3.4. Paccuppannātītavāra

ya2.3.4:1.1

Yo rūpakkhandhaṁ parijānāti so vedanākkhandhaṁ parijānitthāti? No.

ya2.3.4:2.1

Yo vā pana vedanākkhandhaṁ parijānittha so rūpakkhandhaṁ parijānātīti? No.

ya2.3.4:3.1

Yo rūpakkhandhaṁ na parijānāti so vedanākkhandhaṁ na parijānitthāti?

ya2.3.4:4.1

Arahā rūpakkhandhaṁ na parijānāti, no ca vedanākkhandhaṁ na parijānittha. Aggamaggasamaṅgiñca arahantañca ṭhapetvā avasesā puggalā rūpakkhandhañca na parijānanti vedanākkhandhañca na parijānittha.

ya2.3.4:5.1

Yo vā pana vedanākkhandhaṁ na parijānittha so rūpakkhandhaṁ na parijānātīti?

ya2.3.4:6.1

Aggamaggasamaṅgī vedanākkhandhaṁ na parijānittha, no ca rūpakkhandhaṁ na parijānāti. Aggamaggasamaṅgiñca arahantañca ṭhapetvā avasesā puggalā vedanākkhandhañca na parijānittha rūpakkhandhañca na parijānanti.

ya2.3.5:0.1

2 Khandhayamaka

ya2.3.5:0.2

2.3 Pariññāvāra

ya2.3.5:0.3

2.3.5. Paccuppannānāgatavāra

ya2.3.5:1.1

Yo rūpakkhandhaṁ parijānāti so vedanākkhandhaṁ parijānissatīti? No.

ya2.3.5:2.1

Yo vā pana vedanākkhandhaṁ parijānissati so rūpakkhandhaṁ parijānātīti? No.

ya2.3.5:3.1

Yo rūpakkhandhaṁ na parijānāti so vedanākkhandhaṁ na parijānissatīti?

ya2.3.5:4.1

Ye maggaṁ paṭilabhissanti te rūpakkhandhaṁ na parijānanti, no ca vedanākkhandhaṁ na parijānissanti. Arahā ye ca puthujjanā maggaṁ na paṭilabhissanti te rūpakkhandhañca na parijānanti vedanākkhandhañca na parijānissanti.

ya2.3.5:5.1

Yo vā pana vedanākkhandhaṁ na parijānissati so rūpakkhandhaṁ na parijānātīti?

ya2.3.5:6.1

Aggamaggasamaṅgī vedanākkhandhaṁ na parijānissati, no ca rūpakkhandhaṁ na parijānāti. Arahā ye ca puthujjanā maggaṁ na paṭilabhissanti te vedanākkhandhañca na parijānissanti rūpakkhandhañca na parijānanti.

ya2.3.6:0.1

2 Khandhayamaka

ya2.3.6:0.2

2.3 Pariññāvāra

ya2.3.6:0.3

2.3.6. Atītānāgatavāra

ya2.3.6:1.1

Yo rūpakkhandhaṁ parijānittha so vedanākkhandhaṁ parijānissatīti? No.

ya2.3.6:2.1

Yo vā pana vedanākkhandhaṁ parijānissati so rūpakkhandhaṁ parijānitthāti? No.

ya2.3.6:3.1

Yo rūpakkhandhaṁ na parijānittha so vedanākkhandhaṁ na parijānissatīti?

ya2.3.6:4.1

Ye maggaṁ paṭilabhissanti te rūpakkhandhaṁ na parijānittha, no ca vedanākkhandhaṁ na parijānissanti. Aggamaggasamaṅgī ye ca puthujjanā maggaṁ na paṭilabhissanti te rūpakkhandhañca na parijānittha vedanākkhandhañca na parijānissanti.

ya2.3.6:5.1

Yo vā pana vedanākkhandhaṁ na parijānissati so rūpakkhandhaṁ na parijānitthāti?

ya2.3.6:6.1

Arahā vedanākkhandhaṁ na parijānissati, no ca rūpakkhandhaṁ na parijānittha. Aggamaggasamaṅgī ye ca puthujjanā maggaṁ na paṭilabhissanti te vedanākkhandhañca na parijānissanti rūpakkhandhañca na parijānittha.

ya2.3.6:7.1

Pariññāvāro.

ya2.3.6:8.1

Khandhayamakapāḷi niṭṭhitā.

ya3.1.1:0.1

3 Āyatanayamaka

ya3.1.1:0.2

3.1 Paṇṇattivāra

ya3.1.1:0.3

3.1.1. Paṇṇattivārauddesa

ya3.1.1:1.1

Namo tassa Bhagavato Arahato Sammāsambuddhassa.

ya3.1.1:2.1

Dvādasāyatanāni—cakkhāyatanaṁ, sotāyatanaṁ ghānāyatanaṁ, jivhāyatanaṁ, kāyāyatanaṁ, rūpāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ, manāyatanaṁ, dhammāyatanaṁ.

ya3.1.1:3.0.1

3.1.1.1. Padasodhanavāra

ya3.1.1:3.0.2

3.1.1.1.1. Anuloma

ya3.1.1:3.1

Cakkhu cakkhāyatanaṁ?