Yamaka · Pali MS · SuttaWiki

ya2.2.2:109.1

Yassa vā pana yattha saññākkhandho nirujjhissati tassa tattha vedanākkhandho nirujjhatīti?

ya2.2.2:110.1

Catuvokāraṁ pañcavokāraṁ upapajjantānaṁ tesaṁ tattha saññākkhandho nirujjhissati, no ca tesaṁ tattha vedanākkhandho nirujjhati. Catuvokārā pañcavokārā cavantānaṁ tesaṁ tattha saññākkhandho ca nirujjhissati vedanākkhandho ca nirujjhati.

ya2.2.2:111.0

2.2.2.5.4. Paccanīkapuggala

ya2.2.2:111.1

Yassa rūpakkhandho na nirujjhati tassa vedanākkhandho na nirujjhissatīti?

ya2.2.2:112.1

Sabbesaṁ upapajjantānaṁ arūpā cavantānaṁ tesaṁ rūpakkhandho na nirujjhati, no ca tesaṁ vedanākkhandho na nirujjhissati. Arūpe parinibbantānaṁ tesaṁ rūpakkhandho ca na nirujjhati vedanākkhandho ca na nirujjhissati.

ya2.2.2:113.1

Yassa vā pana vedanākkhandho na nirujjhissati tassa rūpakkhandho na nirujjhatīti?

ya2.2.2:114.1

Pañcavokāre parinibbantānaṁ tesaṁ vedanākkhandho na nirujjhissati, no ca tesaṁ rūpakkhandho na nirujjhati. Arūpe parinibbantānaṁ tesaṁ vedanākkhandho ca na nirujjhissati rūpakkhandho ca na nirujjhati.

ya2.2.2:115.1

Yassa vedanākkhandho na nirujjhati tassa saññākkhandho na nirujjhissatīti? Nirujjhissati.

ya2.2.2:116.1

Yassa vā pana saññākkhandho na nirujjhissati tassa vedanākkhandho na nirujjhatīti? Nirujjhati.

ya2.2.2:117.0

2.2.2.5.5. Paccanīkaokāsa

ya2.2.2:117.1

Yattha rūpakkhandho na nirujjhati …pe….

ya2.2.2:118.0

2.2.2.5.6. Paccanīkapuggalokāsa

ya2.2.2:118.1

Yassa yattha rūpakkhandho na nirujjhati tassa tattha vedanākkhandho na nirujjhissatīti?

ya2.2.2:119.1

Pañcavokāraṁ upapajjantānaṁ arūpānaṁ tesaṁ tattha rūpakkhandho na nirujjhati, no ca tesaṁ tattha vedanākkhandho na nirujjhissati. Arūpe parinibbantānaṁ asaññasattaṁ upapajjantānaṁ tesaṁ tattha rūpakkhandho ca na nirujjhati vedanākkhandho ca na nirujjhissati.

ya2.2.2:120.1

Yassa vā pana yattha vedanākkhandho na nirujjhissati tassa tattha rūpakkhandho na nirujjhatīti?

ya2.2.2:121.1

Pañcavokāre parinibbantānaṁ asaññasattā cavantānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho na nirujjhati. Arūpe parinibbantānaṁ asaññasattaṁ upapajjantānaṁ tesaṁ tattha vedanākkhandho ca na nirujjhissati rūpakkhandho ca na nirujjhati.

ya2.2.2:122.1

Yassa yattha vedanākkhandho na nirujjhati tassa tattha saññākkhandho na nirujjhissatīti?

ya2.2.2:123.1

Catuvokāraṁ pañcavokāraṁ upapajjantānaṁ tesaṁ tattha vedanākkhandho na nirujjhati, no ca tesaṁ tattha saññākkhandho na nirujjhissati. Asaññasattānaṁ tesaṁ tattha vedanākkhandho ca na nirujjhati saññākkhandho ca na nirujjhissati.

ya2.2.2:124.1

Yassa vā pana yattha saññākkhandho na nirujjhissati tassa tattha vedanākkhandho na nirujjhatīti?

ya2.2.2:125.1

Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho na nirujjhati. Asaññasattānaṁ tesaṁ tattha saññākkhandho ca na nirujjhissati vedanākkhandho ca na nirujjhati.

ya2.2.2:126.0.1

2.2.2.6. Atītānāgatavāra

ya2.2.2:126.0.2

2.2.2.6.1. Anulomapuggala

ya2.2.2:126.1

Yassa rūpakkhandho nirujjhittha tassa vedanākkhandho nirujjhissatīti?

ya2.2.2:127.1

Parinibbantānaṁ tesaṁ rūpakkhandho nirujjhittha, no ca tesaṁ vedanākkhandho nirujjhissati. Itaresaṁ tesaṁ rūpakkhandho ca nirujjhittha vedanākkhandho ca nirujjhissati.

ya2.2.2:128.1

Yassa vā pana vedanākkhandho nirujjhissati tassa rūpakkhandho nirujjhitthāti? Āmantā.

ya2.2.2:129.1

Yassa vedanākkhandho nirujjhittha tassa saññākkhandho nirujjhissatīti?

ya2.2.2:130.1

Parinibbantānaṁ tesaṁ vedanākkhandho nirujjhittha, no ca tesaṁ saññākkhandho nirujjhissati. Itaresaṁ tesaṁ vedanākkhandho ca nirujjhittha saññākkhandho ca nirujjhissati.

ya2.2.2:131.1

Yassa vā pana saññākkhandho nirujjhissati tassa vedanākkhandho nirujjhitthāti? Āmantā.

ya2.2.2:132.0

2.2.2.6.2. Anulomaokāsa

ya2.2.2:132.1

Yattha rūpakkhandho nirujjhittha …pe….

ya2.2.2:133.0

2.2.2.6.3. Anulomapuggalokāsa

ya2.2.2:133.1

Yassa yattha rūpakkhandho nirujjhittha tassa tattha vedanākkhandho nirujjhissatīti?

ya2.2.2:134.1

Pañcavokāre parinibbantānaṁ asaññasattānaṁ tesaṁ tattha rūpakkhandho nirujjhittha, no ca tesaṁ tattha vedanākkhandho nirujjhissati. Itaresaṁ pañcavokārānaṁ tesaṁ tattha rūpakkhandho ca nirujjhittha vedanākkhandho ca nirujjhissati.

ya2.2.2:135.1

Yassa vā pana yattha vedanākkhandho nirujjhissati tassa tattha rūpakkhandho nirujjhitthāti?

ya2.2.2:136.1

Suddhāvāsaṁ upapajjantānaṁ arūpānaṁ tesaṁ tattha vedanākkhandho nirujjhissati, no ca tesaṁ tattha rūpakkhandho nirujjhittha. Itaresaṁ pañcavokārānaṁ tesaṁ tattha vedanākkhandho ca nirujjhissati rūpakkhandho ca nirujjhittha.

ya2.2.2:137.1

Yassa yattha vedanākkhandho nirujjhittha tassa tattha saññākkhandho nirujjhissatīti?

ya2.2.2:138.1

Parinibbantānaṁ tesaṁ tattha vedanākkhandho nirujjhittha, no ca tesaṁ tattha saññākkhandho nirujjhissati. Itaresaṁ catuvokārānaṁ pañcavokārānaṁ tesaṁ tattha vedanākkhandho ca nirujjhittha saññākkhandho ca nirujjhissati.

ya2.2.2:139.1

Yassa vā pana yattha saññākkhandho nirujjhissati tassa tattha vedanākkhandho nirujjhitthāti?

ya2.2.2:140.1

Suddhāvāsaṁ upapajjantānaṁ tesaṁ tattha saññākkhandho nirujjhissati, no ca tesaṁ tattha vedanākkhandho nirujjhittha. Itaresaṁ catuvokārānaṁ pañcavokārānaṁ tesaṁ tattha saññākkhandho ca nirujjhissati vedanākkhandho ca nirujjhittha.

ya2.2.2:141.0

2.2.2.6.4. Paccanīkapuggala

ya2.2.2:141.1

Yassa rūpakkhandho na nirujjhittha tassa vedanākkhandho na nirujjhissatīti? Natthi.

ya2.2.2:142.1

Yassa vā pana vedanākkhandho na nirujjhissati tassa rūpakkhandho na nirujjhitthāti? Nirujjhittha.

ya2.2.2:143.1

Yassa vedanākkhandho na nirujjhittha tassa saññākkhandho na nirujjhissatīti? Natthi.

ya2.2.2:144.1

Yassa vā pana saññākkhandho na nirujjhissati tassa vedanākkhandho na nirujjhitthāti? Nirujjhittha.

ya2.2.2:145.0

2.2.2.6.5. Paccanīkaokāsa

ya2.2.2:145.1

Yattha rūpakkhandho na nirujjhittha …pe….

ya2.2.2:146.0

2.2.2.6.6. Paccanīkapuggalokāsa

ya2.2.2:146.1

Yassa yattha rūpakkhandho na nirujjhittha tassa tattha vedanākkhandho na nirujjhissatīti?

ya2.2.2:147.1

Suddhāvāsaṁ upapajjantānaṁ arūpānaṁ tesaṁ tattha rūpakkhandho na nirujjhittha, no ca tesaṁ tattha vedanākkhandho na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha rūpakkhandho ca na nirujjhittha, vedanākkhandho ca na nirujjhissati.

ya2.2.2:148.1

Yassa vā pana yattha vedanākkhandho na nirujjhissati tassa tattha rūpakkhandho na nirujjhitthāti?

ya2.2.2:149.1

Pañcavokāre parinibbantānaṁ asaññasattānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho na nirujjhittha. Suddhāvāse parinibbantānaṁ arūpe parinibbantānaṁ tesaṁ tattha vedanākkhandho ca na nirujjhissati rūpakkhandho ca na nirujjhittha.

ya2.2.2:150.1

Yassa yattha vedanākkhandho na nirujjhittha tassa tattha saññākkhandho na nirujjhissatīti?

ya2.2.2:151.1

Suddhāvāsaṁ upapajjantānaṁ tesaṁ tattha vedanākkhandho na nirujjhittha, no ca tesaṁ tattha saññākkhandho na nirujjhissati. Suddhāvāse parinibbantānaṁ asaññasattānaṁ tesaṁ tattha vedanākkhandho ca na nirujjhittha saññākkhandho ca na nirujjhissati.

ya2.2.2:152.1

Yassa vā pana yattha saññākkhandho na nirujjhissati tassa tattha vedanākkhandho na nirujjhitthāti?

ya2.2.2:153.1

Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho na nirujjhittha. Suddhāvāse parinibbantānaṁ asaññasattānaṁ tesaṁ tattha saññākkhandho ca na nirujjhissati vedanākkhandho ca na nirujjhittha.

Nirodhavāro.

2 Khandhayamaka

2.2 Pavattivāra

2.2.3. Uppādanirodhavāra

ya2.2.3:1.0.1

2.2.3.1 Paccuppannavāra

ya2.2.3:1.0.2

2.2.3.1.1. Anulomapuggala

ya2.2.3:1.1

Yassa rūpakkhandho uppajjati tassa vedanākkhandho nirujjhatīti? No.

ya2.2.3:2.1

Yassa vā pana vedanākkhandho nirujjhati tassa rūpakkhandho uppajjatīti? No.

ya2.2.3:3.1

Yassa vedanākkhandho uppajjati tassa saññākkhandho nirujjhatīti? No.

ya2.2.3:4.1

Yassa vā pana saññākkhandho nirujjhati tassa vedanākkhandho uppajjatīti? No.

ya2.2.3:5.0

2.2.3.1.2. Anulomaokāsa

ya2.2.3:5.1

Yattha rūpakkhandho uppajjati tattha vedanākkhandho nirujjhatīti?

ya2.2.3:6.1

Asaññasatte tattha rūpakkhandho uppajjati, no ca tattha vedanākkhandho nirujjhati. Pañcavokāre tattha rūpakkhandho ca uppajjati vedanākkhandho ca nirujjhati.

ya2.2.3:7.1

Yattha vā pana vedanākkhandho nirujjhati tattha rūpakkhandho uppajjatīti?

ya2.2.3:8.1

Arūpe tattha vedanākkhandho nirujjhati, no ca tattha rūpakkhandho uppajjati. Pañcavokāre tattha vedanākkhandho ca nirujjhati rūpakkhandho ca uppajjati.

ya2.2.3:9.1

Yattha vedanākkhandho uppajjati tattha saññākkhandho nirujjhatīti? Āmantā.

ya2.2.3:10.1

Yattha vā pana saññākkhandho nirujjhati tattha vedanākkhandho uppajjatīti? Āmantā.

ya2.2.3:11.0

2.2.3.1.3. Anulomapuggalokāsa

ya2.2.3:11.1

Yassa yattha rūpakkhandho uppajjati tassa tattha vedanākkhandho nirujjhatīti? No.

ya2.2.3:12.1

Yassa vā pana yattha vedanākkhandho nirujjhati tassa tattha rūpakkhandho uppajjatīti? No.

ya2.2.3:13.1

Yassa yattha vedanākkhandho uppajjati tassa tattha saññākkhandho nirujjhatīti? No.

ya2.2.3:14.1

Yassa vā pana yattha saññākkhandho nirujjhati tassa tattha vedanākkhandho uppajjatīti? No.

ya2.2.3:15.0

2.2.3.1.4. Paccanīkapuggala

ya2.2.3:15.1

Yassa rūpakkhandho nuppajjati tassa vedanākkhandho na nirujjhatīti?

ya2.2.3:16.1

Catuvokārā pañcavokārā cavantānaṁ tesaṁ rūpakkhandho nuppajjati, no ca tesaṁ vedanākkhandho na nirujjhati. Arūpaṁ upapajjantānaṁ asaññasattā cavantānaṁ tesaṁ rūpakkhandho ca nuppajjati vedanākkhandho ca na nirujjhati.

ya2.2.3:17.1

Yassa vā pana vedanākkhandho na nirujjhati tassa rūpakkhandho nuppajjatīti?

ya2.2.3:18.1

Pañcavokāraṁ upapajjantānaṁ asaññasattaṁ upapajjantānaṁ tesaṁ vedanākkhandho na nirujjhati, no ca tesaṁ rūpakkhandho nuppajjati. Arūpaṁ upapajjantānaṁ asaññasattā cavantānaṁ tesaṁ vedanākkhandho ca na nirujjhati rūpakkhandho ca nuppajjati.

ya2.2.3:19.1

Yassa vedanākkhandho nuppajjati tassa saññākkhandho na nirujjhatīti?

ya2.2.3:20.1

Catuvokārā pañcavokārā cavantānaṁ tesaṁ vedanākkhandho nuppajjati, no ca tesaṁ saññākkhandho na nirujjhati. Asaññasattānaṁ tesaṁ vedanākkhandho ca nuppajjati saññākkhandho ca na nirujjhati.

ya2.2.3:21.1

Yassa vā pana saññākkhandho na nirujjhati tassa vedanākkhandho nuppajjatīti?

ya2.2.3:22.1

Catuvokāraṁ pañcavokāraṁ upapajjantānaṁ tesaṁ saññākkhandho na nirujjhati, no ca tesaṁ vedanākkhandho nuppajjati. Asaññasattānaṁ tesaṁ saññākkhandho ca na nirujjhati vedanākkhandho ca nuppajjati.

ya2.2.3:23.0

2.2.3.1.5. Paccanīkaokāsa

ya2.2.3:23.1

Yattha rūpakkhandho nuppajjati tattha vedanākkhandho na nirujjhatīti? Nirujjhati.

ya2.2.3:24.1

Yattha vā pana vedanākkhandho na nirujjhati tattha rūpakkhandho nuppajjatīti? Uppajjati.

ya2.2.3:25.1

Yattha vedanākkhandho nuppajjati tattha saññākkhandho na nirujjhatīti? Āmantā.

ya2.2.3:26.1

Yattha vā pana saññākkhandho na nirujjhati tattha vedanākkhandho nuppajjatīti? Āmantā.

ya2.2.3:27.0

2.2.3.1.6. Paccanīkapuggalokāsa

ya2.2.3:27.1

Yassa yattha rūpakkhandho nuppajjati tassa tattha vedanākkhandho na nirujjhatīti?

ya2.2.3:28.1

Catuvokārā pañcavokārā cavantānaṁ tesaṁ tattha rūpakkhandho nuppajjati, no ca tesaṁ tattha vedanākkhandho na nirujjhati. Arūpaṁ upapajjantānaṁ asaññasattā cavantānaṁ tesaṁ tattha rūpakkhandho ca nuppajjati vedanākkhandho ca na nirujjhati.

ya2.2.3:29.1

Yassa vā pana yattha vedanākkhandho na nirujjhati tassa tattha rūpakkhandho nuppajjatīti?

ya2.2.3:30.1

Pañcavokāraṁ upapajjantānaṁ asaññasattaṁ upapajjantānaṁ tesaṁ tattha vedanākkhandho na nirujjhati, no ca tesaṁ tattha rūpakkhandho nuppajjati. Arūpaṁ upapajjantānaṁ asaññasattā cavantānaṁ tesaṁ tattha vedanākkhandho ca na nirujjhati rūpakkhandho ca nuppajjati.

ya2.2.3:31.1

Yassa yattha vedanākkhandho nuppajjati tassa tattha saññākkhandho na nirujjhatīti?

ya2.2.3:32.1

Catuvokārā pañcavokārā cavantānaṁ tesaṁ tattha vedanākkhandho nuppajjati, no ca tesaṁ tattha saññākkhandho na nirujjhati. Asaññasattānaṁ tesaṁ tattha vedanākkhandho ca nuppajjati saññākkhandho ca na nirujjhati.

ya2.2.3:33.1

Yassa vā pana yattha saññākkhandho na nirujjhati tassa tattha vedanākkhandho nuppajjatīti?

ya2.2.3:34.1

Catuvokāraṁ pañcavokāraṁ upapajjantānaṁ tesaṁ tattha saññākkhandho na nirujjhati, no ca tesaṁ tattha vedanākkhandho nuppajjati. Asaññasattānaṁ tesaṁ tattha saññākkhandho ca na nirujjhati vedanākkhandho ca nuppajjati.