Yamaka · Pali MS · SuttaWiki

ya10.2.1:735.1

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha paññindriyañca na uppajjati jīvitindriyañca na uppajjati.

ya10.2.1:736.1

Yassa yattha jīvitindriyaṁ na uppajjati tassa tattha manindriyaṁ na uppajjatīti? Āmantā.

ya10.2.1:737.1

Yassa vā pana yattha manindriyaṁ na uppajjati tassa tattha jīvitindriyaṁ na uppajjatīti?

ya10.2.1:738.1

Acittakānaṁ upapajjantānaṁ tesaṁ tattha manindriyaṁ na uppajjati, no ca tesaṁ tattha jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ tattha manindriyañca na uppajjati jīvitindriyañca na uppajjati. (Jīvitindriyamūlakaṁ.)

ya10.2.1:739.1

Yassa yattha somanassindriyaṁ na uppajjati tassa tattha upekkhindriyaṁ na uppajjatīti?

ya10.2.1:740.1

Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe somanassavippayuttaupekkhāvippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati upekkhindriyañca na uppajjati.

ya10.2.1:741.1

Yassa vā pana yattha upekkhindriyaṁ na uppajjati tassa tattha somanassindriyaṁ na uppajjatīti?

ya10.2.1:742.1

Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasomanassavippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati somanassindriyañca na uppajjati.

ya10.2.1:743.1

Yassa yattha somanassindriyaṁ na uppajjati tassa tattha saddhindriyaṁ na uppajjatīti?

ya10.2.1:744.1

Vinā somanassena sahetukānaṁ upapajjantānaṁ pavatte somanassavippayuttasaddhāsampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe somanassavippayuttasaddhāvippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati saddhindriyañca na uppajjati.

ya10.2.1:745.1

Yassa vā pana yattha saddhindriyaṁ na uppajjati tassa tattha somanassindriyaṁ na uppajjatīti?

ya10.2.1:746.1

Pavatte saddhāvippayuttasomanassasampayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe saddhāvippayuttasomanassavippayuttacittassa uppādakkhaṇe asaññasattānaṁ tesaṁ tattha saddhindriyañca na uppajjati somanassindriyañca na uppajjati.

ya10.2.1:747.1

Yassa yattha somanassindriyaṁ na uppajjati tassa tattha paññindriyaṁ na uppajjatīti?

ya10.2.1:748.1

Vinā somanassena ñāṇasampayuttānaṁ upapajjantānaṁ pavatte somanassavippayuttañāṇasampayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cittassa bhaṅgakkhaṇe somanassavippayuttañāṇavippayuttacittassa uppādakkhaṇe asaññasattānaṁ tesaṁ tattha somanassindriyañca na uppajjati paññindriyañca na uppajjati.

ya10.2.1:749.1

Yassa vā pana yattha paññindriyaṁ na uppajjati tassa tattha somanassindriyaṁ na uppajjatīti?

ya10.2.1:750.1

Ñāṇavippayuttānaṁ somanassena upapajjantānaṁ pavatte ñāṇavippayuttasomanassasampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha somanassindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasomanassavippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati somanassindriyañca na uppajjati.

ya10.2.1:751.1

Yassa yattha somanassindriyaṁ na uppajjati tassa tattha manindriyaṁ na uppajjatīti?

ya10.2.1:752.1

Vinā somanassena sacittakānaṁ upapajjantānaṁ pavatte somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha somanassindriyañca na uppajjati manindriyañca na uppajjati.

ya10.2.1:753.1

Yassa vā pana yattha manindriyaṁ na uppajjati tassa tattha somanassindriyaṁ na uppajjatīti? Āmantā. (Somanassindriyamūlakaṁ.)

ya10.2.1:754.1

Yassa yattha upekkhindriyaṁ na uppajjati tassa tattha saddhindriyaṁ na uppajjatīti?

ya10.2.1:755.1

Vinā upekkhāya sahetukānaṁ upapajjantānaṁ pavatte upekkhāvippayuttasaddhāsampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasaddhāvippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati saddhindriyañca na uppajjati.

ya10.2.1:756.1

Yassa vā pana yattha saddhindriyaṁ na uppajjati tassa tattha upekkhindriyaṁ na uppajjatīti?

ya10.2.1:757.1

Ahetukānaṁ upekkhāya upapajjantānaṁ pavatte saddhāvippayuttaupekkhāsampayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe saddhāvippayuttaupekkhāvippayuttacittassa uppādakkhaṇe asaññasattānaṁ tesaṁ tattha saddhindriyañca na uppajjati upekkhindriyañca na uppajjati.

ya10.2.1:758.1

Yassa yattha upekkhindriyaṁ na uppajjati tassa tattha paññindriyaṁ na uppajjatīti?

ya10.2.1:759.1

Vinā upekkhāya ñāṇasampayuttānaṁ upapajjantānaṁ pavatte upekkhāvippayuttañāṇasampayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha paññindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttañāṇavippayuttacittassa uppādakkhaṇe asaññasattānaṁ tesaṁ tattha upekkhindriyañca na uppajjati paññindriyañca na uppajjati.

ya10.2.1:760.1

Yassa vā pana yattha paññindriyaṁ na uppajjati tassa tattha upekkhindriyaṁ na uppajjatīti?

ya10.2.1:761.1

Ñāṇavippayuttānaṁ upekkhāya upapajjantānaṁ pavatte ñāṇavippayuttaupekkhāsampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha upekkhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttaupekkhāvippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati upekkhindriyañca na uppajjati.

ya10.2.1:762.1

Yassa yattha upekkhindriyaṁ na uppajjati tassa tattha manindriyaṁ na uppajjatīti?

ya10.2.1:763.1

Vinā upekkhāya sacittakānaṁ upapajjantānaṁ pavatte upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati manindriyañca na uppajjati.

ya10.2.1:764.1

Yassa vā pana yattha manindriyaṁ na uppajjati tassa tattha upekkhindriyaṁ na uppajjatīti? Āmantā. (Upekkhindriyamūlakaṁ.)

ya10.2.1:765.1

Yassa yattha saddhindriyaṁ na uppajjati tassa tattha paññindriyaṁ na uppajjatīti? Āmantā.

ya10.2.1:766.1

Yassa vā pana yattha paññindriyaṁ na uppajjati tassa tattha saddhindriyaṁ na uppajjatīti?

ya10.2.1:767.1

Ñāṇavippayuttānaṁ sahetukānaṁ upapajjantānaṁ pavatte ñāṇavippayuttasaddhāsampayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha saddhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasaddhāvippayuttacittassa uppādakkhaṇe asaññasattānaṁ tesaṁ tattha paññindriyañca na uppajjati saddhindriyañca na uppajjati.

ya10.2.1:768.1

Yassa yattha saddhindriyaṁ na uppajjati tassa tattha manindriyaṁ na uppajjatīti?

ya10.2.1:769.1

Ahetukānaṁ sacittakānaṁ upapajjantānaṁ pavatte saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha saddhindriyañca na uppajjati manindriyañca na uppajjati.

ya10.2.1:770.1

Yassa vā pana yattha manindriyaṁ na uppajjati tassa tattha saddhindriyaṁ na uppajjatīti? Āmantā. (Saddhindriyamūlakaṁ.)

ya10.2.1:771.1

Yassa yattha paññindriyaṁ na uppajjati tassa tattha manindriyaṁ na uppajjatīti?

ya10.2.1:772.1

Ñāṇavippayuttānaṁ sacittakānaṁ upapajjantānaṁ pavatte ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha manindriyaṁ na uppajjati. Sabbesaṁ cittassa bhaṅgakkhaṇe asaññasattānaṁ tesaṁ tattha paññindriyañca na uppajjati manindriyañca na uppajjati.

ya10.2.1:773.1

Yassa vā pana yattha manindriyaṁ na uppajjati tassa tattha paññindriyaṁ na uppajjatīti? Āmantā. (Paññindriyamūlakaṁ.)

ya10.2.1:774.0.1

10.2.1.2. Atītavāra

ya10.2.1:774.0.2

10.2.1.2.1. Anulomapuggala

ya10.2.1:774.1

Yassa cakkhundriyaṁ uppajjittha tassa sotindriyaṁ uppajjitthāti? Āmantā.

ya10.2.1:775.1

Yassa vā pana sotindriyaṁ uppajjittha tassa cakkhundriyaṁ uppajjitthāti? Āmantā.

ya10.2.1:776.1

Yassa cakkhundriyaṁ uppajjittha tassa ghānindriyaṁ uppajjitthāti? Āmantā.

ya10.2.1:777.1

Yassa vā pana ghānindriyaṁ uppajjittha tassa cakkhundriyaṁ uppajjitthāti? Āmantā.

ya10.2.1:778.1

Yassa cakkhundriyaṁ uppajjittha tassa itthindriyaṁ …pe… purisindriyaṁ uppajjitthāti? Āmantā.

ya10.2.1:779.1

Yassa vā pana purisindriyaṁ uppajjittha tattha cakkhundriyaṁ uppajjitthāti? Āmantā.

ya10.2.1:780.1

Yassa cakkhundriyaṁ uppajjittha tassa jīvitindriyaṁ uppajjitthāti? Āmantā.

ya10.2.1:781.1

Yassa vā pana jīvitindriyaṁ uppajjittha tassa cakkhundriyaṁ uppajjitthāti? Āmantā.

ya10.2.1:782.1

Yassa cakkhundriyaṁ uppajjittha tassa somanassindriyaṁ uppajjitthāti? Āmantā.

ya10.2.1:783.1

Yassa vā pana somanassindriyaṁ uppajjittha tassa cakkhundriyaṁ uppajjitthāti? Āmantā.

ya10.2.1:784.1

Yassa cakkhundriyaṁ uppajjittha tassa upekkhindriyaṁ uppajjitthāti? Āmantā.

ya10.2.1:785.1

Yassa vā pana upekkhindriyaṁ uppajjittha tassa cakkhundriyaṁ uppajjitthāti? Āmantā.

ya10.2.1:786.1

Yassa cakkhundriyaṁ uppajjittha tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

ya10.2.1:787.1

Yassa vā pana manindriyaṁ uppajjittha tassa cakkhundriyaṁ uppajjitthāti? Āmantā. (Cakkhundriyamūlakaṁ.)

ya10.2.1:788.1

Yassa ghānindriyaṁ …pe… itthindriyaṁ … purisindriyaṁ … jīvitindriyaṁ … somanassindriyaṁ … upekkhindriyaṁ … saddhindriyaṁ … paññindriyaṁ uppajjittha tassa manindriyaṁ uppajjitthāti? Āmantā.

ya10.2.1:789.1

Yassa vā pana manindriyaṁ uppajjittha tassa paññindriyaṁ uppajjitthāti? Āmantā.

ya10.2.1:790.0

10.2.1.2.2. Anulomaokāsa

ya10.2.1:790.1

Yattha cakkhundriyaṁ uppajjittha tattha sotindriyaṁ uppajjitthāti? Āmantā.

ya10.2.1:791.1

Yattha vā pana sotindriyaṁ uppajjittha tattha cakkhundriyaṁ uppajjitthāti? Āmantā.

ya10.2.1:792.1

Yattha cakkhundriyaṁ uppajjittha tattha ghānindriyaṁ uppajjitthāti?

ya10.2.1:793.1

Rūpāvacare tattha cakkhundriyaṁ uppajjittha, no ca tattha ghānindriyaṁ uppajjittha. Kāmāvacare tattha cakkhundriyañca uppajjittha ghānindriyañca uppajjittha.

ya10.2.1:794.1

Yattha vā pana ghānindriyaṁ uppajjittha tattha cakkhundriyaṁ uppajjitthāti? Āmantā.

ya10.2.1:795.1

Yattha cakkhundriyaṁ uppajjittha tattha itthindriyaṁ …pe… purisindriyaṁ uppajjitthāti?

ya10.2.1:796.1

Rūpāvacare tattha cakkhundriyaṁ uppajjittha, no ca tattha purisindriyaṁ uppajjittha. Kāmāvacare tattha cakkhundriyañca uppajjittha purisindriyañca uppajjittha.

ya10.2.1:797.1

Yattha vā pana purisindriyaṁ uppajjittha tattha cakkhundriyaṁ uppajjitthāti? Āmantā.

ya10.2.1:798.1

Yattha cakkhundriyaṁ uppajjittha tattha jīvitindriyaṁ uppajjitthāti? Āmantā.

ya10.2.1:799.1

Yattha vā pana jīvitindriyaṁ uppajjittha tattha cakkhundriyaṁ uppajjitthāti?

ya10.2.1:800.1

Asaññasatte arūpe tattha jīvitindriyaṁ uppajjittha, no ca tattha cakkhundriyaṁ uppajjittha. Pañcavokāre tattha jīvitindriyañca uppajjittha cakkhundriyañca uppajjittha.

ya10.2.1:801.1

Yattha cakkhundriyaṁ uppajjittha tattha somanassindriyaṁ uppajjitthāti? Āmantā.

ya10.2.1:802.1

Yattha vā pana somanassindriyaṁ uppajjittha tattha cakkhundriyaṁ uppajjitthāti? Āmantā.

ya10.2.1:803.1

Yattha cakkhundriyaṁ uppajjittha tattha upekkhindriyaṁ uppajjitthāti? Āmantā.

ya10.2.1:804.1

Yattha vā pana upekkhindriyaṁ uppajjittha tattha cakkhundriyaṁ uppajjitthāti?

ya10.2.1:805.1

Arūpe tattha upekkhindriyaṁ uppajjittha, no ca tattha cakkhundriyaṁ uppajjittha. Pañcavokāre tattha upekkhindriyañca uppajjittha cakkhundriyañca uppajjittha.

ya10.2.1:806.1

Yattha cakkhundriyaṁ uppajjittha tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

ya10.2.1:807.1

Yattha vā pana manindriyaṁ uppajjittha tattha cakkhundriyaṁ uppajjitthāti?

ya10.2.1:808.1

Arūpe tattha manindriyaṁ uppajjittha, no ca tattha cakkhundriyaṁ uppajjittha. Pañcavokāre tattha manindriyañca uppajjittha cakkhundriyañca uppajjittha. (Cakkhundriyamūlakaṁ.)

ya10.2.1:809.1

Yattha ghānindriyaṁ uppajjittha tattha itthindriyaṁ …pe… purisindriyaṁ uppajjitthāti? Āmantā.

ya10.2.1:810.1

Yattha vā pana purisindriyaṁ uppajjittha tattha ghānindriyaṁ uppajjitthāti? Āmantā.

ya10.2.1:811.1

Yattha ghānindriyaṁ uppajjittha tattha jīvitindriyaṁ uppajjitthāti? Āmantā.

ya10.2.1:812.1

Yattha vā pana jīvitindriyaṁ uppajjittha tattha ghānindriyaṁ uppajjitthāti?

ya10.2.1:813.1

Rūpāvacare arūpāvacare tattha jīvitindriyaṁ uppajjittha, no ca tattha ghānindriyaṁ uppajjittha. Kāmāvacare tattha jīvitindriyañca uppajjittha ghānindriyañca uppajjittha.

ya10.2.1:814.1

Yattha ghānindriyaṁ uppajjittha tattha somanassindriyaṁ uppajjitthāti? Āmantā.

ya10.2.1:815.1

Yattha vā pana somanassindriyaṁ uppajjittha tattha ghānindriyaṁ uppajjitthāti?

ya10.2.1:816.1

Rūpāvacare tattha somanassindriyaṁ uppajjittha, no ca tattha ghānindriyaṁ uppajjittha. Kāmāvacare tattha somanassindriyañca uppajjittha ghānindriyañca uppajjittha.

ya10.2.1:817.1

Yattha ghānindriyaṁ uppajjittha tattha upekkhindriyaṁ uppajjitthāti? Āmantā.

ya10.2.1:818.1

Yattha vā pana upekkhindriyaṁ uppajjittha tattha ghānindriyaṁ uppajjitthāti?

ya10.2.1:819.1

Rūpāvacare arūpāvacare tattha upekkhindriyaṁ uppajjittha, no ca tattha ghānindriyaṁ uppajjittha. Kāmāvacare tattha upekkhindriyañca uppajjittha ghānindriyañca uppajjittha.

ya10.2.1:820.1

Yattha ghānindriyaṁ uppajjittha tattha saddhindriyaṁ uppajjitthāti? Āmantā.

ya10.2.1:821.1

Yattha vā pana saddhindriyaṁ uppajjittha tattha ghānindriyaṁ uppajjitthāti?

ya10.2.1:822.1

Rūpāvacare arūpāvacare tattha saddhindriyaṁ uppajjittha, no ca tattha ghānindriyaṁ uppajjittha. Kāmāvacare tattha saddhindriyañca uppajjittha ghānindriyañca uppajjittha.

ya10.2.1:823.1

Yattha ghānindriyaṁ uppajjittha tattha paññindriyaṁ …pe… manindriyaṁ uppajjitthāti? Āmantā.

ya10.2.1:824.1

Yattha vā pana manindriyaṁ uppajjittha tattha ghānindriyaṁ uppajjitthāti?

ya10.2.1:825.1

Rūpāvacare arūpāvacare tattha manindriyaṁ uppajjittha, no ca tattha ghānindriyaṁ uppajjittha. Kāmāvacare tattha manindriyañca uppajjittha ghānindriyañca uppajjittha. (Ghānindriyamūlakaṁ.)

ya10.2.1:826.1

Yattha itthindriyaṁ uppajjittha tattha purisindriyaṁ uppajjitthāti? Āmantā.

ya10.2.1:827.1

Yattha vā pana purisindriyaṁ uppajjittha tattha itthindriyaṁ uppajjitthāti? Āmantā …pe….

ya10.2.1:828.1

Yattha purisindriyaṁ uppajjittha tattha jīvitindriyaṁ uppajjitthāti? Āmantā.

ya10.2.1:829.1

Yattha vā pana jīvitindriyaṁ uppajjittha tattha purisindriyaṁ uppajjitthāti?

ya10.2.1:830.1

Rūpāvacare arūpāvacare tattha jīvitindriyaṁ uppajjittha, no ca tattha purisindriyaṁ uppajjittha. Kāmāvacare tattha jīvitindriyañca uppajjittha purisindriyañca uppajjittha.

ya10.2.1:831.1

Yattha purisindriyaṁ uppajjittha tattha somanassindriyaṁ uppajjitthāti? Āmantā.