Samādhindriyaṁ indriyañceva samādhindriyañca. Avasesā indriyā na samādhindriyaṁ.
Paññā indriyanti? Āmantā.
Indriyā paññindriyanti?
Paññindriyaṁ indriyañceva paññindriyañca. Avasesā indriyā na paññindriyaṁ.
Anaññātaññassāmīti indriyanti? Āmantā.
Indriyā anaññātaññassāmītindriyanti?
Anaññātaññassāmītindriyaṁ indriyañceva anaññātaññassāmītindriyañca. Avasesā indriyā na anaññātaññassāmītindriyaṁ.
Aññaṁ indriyanti? Āmantā.
Indriyā aññindriyanti?
Aññindriyaṁ indriyañceva aññindriyañca. Avasesā indriyā na aññindriyaṁ.
Aññātāvī indriyanti? Āmantā.
Indriyā aññātāvindriyanti?
Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ.
10.1.2.3.2. Paccanīka
Na cakkhu na indriyanti?
Cakkhuṁ ṭhapetvā avasesā indriyā na cakkhu, indriyā. Cakkhuñca indriye ca ṭhapetvā avasesā na ceva cakkhu na ca indriyā.
Na indriyā na cakkhundriyanti? Āmantā.
Na sotaṁ na indriyanti?
Sotaṁ ṭhapetvā avasesā indriyā na sotaṁ, indriyā. Sotañca indriye ca ṭhapetvā avasesā na ceva sotaṁ na ca indriyā.
Na indriyā na sotindriyanti? Āmantā.
Na ghānaṁ na indriyanti?
Ghānaṁ ṭhapetvā avasesā indriyā na ghānaṁ, indriyā. Ghānañca indriye ca ṭhapetvā avasesā na ceva ghānaṁ na ca indriyā.
Na indriyā na ghānindriyanti? Āmantā.
Na jivhā na indriyanti?
Jivhaṁ ṭhapetvā avasesā indriyā na jivhā, indriyā. Jivhañca indriye ca ṭhapetvā avasesā na ceva jivhā na ca indriyā.
Na indriyā na jivhindriyanti? Āmantā.
Na kāyo na indriyanti? Āmantā.
Na indriyā na kāyindriyanti? Āmantā.
Na mano na indriyanti?
Manaṁ ṭhapetvā avasesā indriyā na mano, indriyā. Manañca indriye ca ṭhapetvā avasesā na ceva mano na ca indriyā.
Na indriyā na manindriyanti? Āmantā.
Na itthī na indriyanti?
Itthiṁ ṭhapetvā avasesā indriyā na itthī, indriyā. Itthiñca indriye ca ṭhapetvā avasesā na ceva itthī na ca indriyā.
Na indriyā na itthindriyanti? Āmantā.
Na puriso na indriyanti?
Purisaṁ ṭhapetvā avasesā indriyā na puriso, indriyā. Purisañca indriye ca ṭhapetvā avasesā na ceva puriso na ca indriyā.
Na indriyā na purisindriyanti? Āmantā.
Na jīvitaṁ na indriyanti?
Jīvitaṁ ṭhapetvā avasesā indriyā na jīvitaṁ, indriyā. Jīvitañca indriye ca ṭhapetvā avasesā na ceva jīvitaṁ na ca indriyā.
Na indriyā na jīvitindriyanti? Āmantā.
Na sukhaṁ na indriyanti?
Sukhaṁ ṭhapetvā avasesā indriyā na sukhaṁ, indriyā. Sukhañca indriye ca ṭhapetvā avasesā na ceva sukhaṁ na ca indriyā.
Na indriyā na sukhindriyanti? Āmantā.
Na dukkhaṁ na indriyanti?
Dukkhaṁ ṭhapetvā avasesā indriyā na dukkhaṁ, indriyā. Dukkhañca indriye ca ṭhapetvā avasesā na ceva dukkhaṁ na ca indriyā.
Na indriyā na dukkhindriyanti? Āmantā.
Na somanassaṁ na indriyanti?
Somanassaṁ ṭhapetvā avasesā indriyā na somanassaṁ, indriyā. Somanassañca indriye ca ṭhapetvā avasesā na ceva somanassaṁ na ca indriyā.
Na indriyā na somanassindriyanti? Āmantā.
Na domanassaṁ na indriyanti?
Domanassaṁ ṭhapetvā avasesā indriyā na domanassaṁ, indriyā. Domanassañca indriye ca ṭhapetvā avasesā na ceva domanassaṁ na ca indriyā.
Na indriyā na domanassindriyanti? Āmantā.
Na upekkhā na indriyanti?
Upekkhaṁ ṭhapetvā avasesā indriyā na upekkhā, indriyā. Upekkhañca indriye ca ṭhapetvā avasesā na ceva upekkhā na ca indriyā.
Na indriyā na upekkhindriyanti? Āmantā.
Na saddhā na indriyanti?
Saddhaṁ ṭhapetvā avasesā indriyā na saddhā, indriyā. Saddhañca indriye ca ṭhapetvā avasesā na ceva saddhā na ca indriyā.
Na indriyā na saddhindriyanti? Āmantā.
Na vīriyaṁ na indriyanti?
Vīriyaṁ ṭhapetvā avasesā indriyā na vīriyaṁ, indriyā. Vīriyañca indriye ca ṭhapetvā avasesā na ceva vīriyaṁ na ca indriyā.
Na indriyā na vīriyindriyanti? Āmantā.
Na sati na indriyanti?
Satiṁ ṭhapetvā avasesā indriyā na sati, indriyā. Satiñca indriye ca ṭhapetvā avasesā na ceva sati na ca indriyā.
Na indriyā na satindriyanti? Āmantā.
Na samādhi na indriyanti?
Samādhiṁ ṭhapetvā avasesā indriyā na samādhi, indriyā. Samādhiñca indriye ca ṭhapetvā avasesā na ceva samādhi na ca indriyā.
Na indriyā na samādhindriyanti? Āmantā.
Na paññā na indriyanti?
Paññaṁ ṭhapetvā avasesā indriyā na paññā, indriyā. Paññañca indriye ca ṭhapetvā avasesā na ceva paññā na ca indriyā.
Na indriyā na paññindriyanti? Āmantā.
Na anaññātaññassāmīti na indriyanti?
Anaññātaññassāmītiṁ ṭhapetvā avasesā indriyā na anaññātaññassāmīti, indriyā. Anaññātaññassāmītiñca indriye ca ṭhapetvā avasesā na ceva anaññātaññassāmīti na ca indriyā.
Na indriyā na anaññātaññassāmītindriyanti? Āmantā.
Na aññaṁ na indriyanti?
Aññaṁ ṭhapetvā avasesā indriyā na aññaṁ, indriyā. Aññañca indriye ca ṭhapetvā avasesā na ceva aññaṁ na ca indriyā.
Na indriyā na aññindriyanti? Āmantā.
Na aññātāvī na indriyanti?
Aññātāviṁ ṭhapetvā avasesā indriyā na aññātāvī, indriyā. Aññātāviñca indriye ca ṭhapetvā avasesā na ceva aññātāvī na ca indriyā.
Na indriyā na aññātāvindriyanti? Āmantā.
10.1.2.4. Suddhindriyamūlacakkavāra
10.1.2.4.1. Anuloma
Cakkhu indriyanti? Āmantā.
Indriyā sotindriyanti?
Sotindriyaṁ indriyañceva sotindriyañca. Avasesā indriyā na sotindriyaṁ.
Cakkhu indriyanti? Āmantā.
Indriyā ghānindriyanti?
Ghānindriyaṁ indriyañceva ghānindriyañca. Avasesā indriyā na ghānindriyaṁ.
Cakkhu indriyanti? Āmantā.
Indriyā jivhindriyanti?
Jivhindriyaṁ indriyañceva jivhindriyañca. Avasesā indriyā na jivhindriyaṁ.
Cakkhu indriyanti? Āmantā.
Indriyā kāyindriyanti?
Kāyindriyaṁ indriyañceva kāyindriyañca. Avasesā indriyā na kāyindriyaṁ.
Cakkhu indriyanti? Āmantā.
Indriyā manindriyanti?
Manindriyaṁ indriyañceva manindriyañca. Avasesā indriyā na manindriyaṁ.
Cakkhu indriyanti? Āmantā.
Indriyā itthindriyanti?
Itthindriyaṁ indriyañceva itthindriyañca. Avasesā indriyā na itthindriyaṁ.
Cakkhu indriyanti? Āmantā.