Yamaka · Pali MS · SuttaWiki

Ye keci kusalā dhammā, sabbe te kusalahetū …pe… kusalanidānā …pe… kusalasambhavā …pe… kusalappabhavā …pe… kusalasamuṭṭhānā …pe… kusalāhārā …pe… kusalārammaṇā …pe… kusalapaccayā …pe… kusalasamudayā …pe….

ya1.1.2:2.1

Mūlaṁ hetu nidānañca,

ya1.1.2:2.2

Sambhavo pabhavena ca;

ya1.1.2:2.3

Samuṭṭhānāhārārammaṇā,

ya1.1.2:2.4

Paccayo samudayena cāti.

Uddesavāro niṭṭhito.

1 Mūlayamaka

1.2 Niddesa

1.2.1. Mūlavāraniddesa

ya1.2.1:1.0.1

1.2.1.1. Kusalapada nayacatukka

ya1.2.1:1.0.2

1.2.1.1.1. Mūlanaya

ya1.2.1:1.1

Ye keci kusalā dhammā, sabbe te kusalamūlāti? Tīṇeva kusalamūlāni. Avasesā kusalā dhammā na kusalamūlā.

ya1.2.1:2.1

Ye vā pana kusalamūlā, sabbe te dhammā kusalāti? Āmantā.

ya1.2.1:3.1

Ye keci kusalā dhammā, sabbe te kusalamūlena ekamūlāti? Āmantā.

ya1.2.1:4.1

Ye vā pana kusalamūlena ekamūlā, sabbe te dhammā kusalāti?

ya1.2.1:5.1

Kusalasamuṭṭhānaṁ rūpaṁ kusalamūlena ekamūlaṁ, na kusalaṁ. Kusalaṁ kusalamūlena ekamūlañceva kusalañca.

ya1.2.1:6.1

Ye keci kusalamūlena ekamūlā dhammā, sabbe te kusalamūlena aññamaññamūlāti?

ya1.2.1:7.1

Mūlāni yāni ekato uppajjanti kusalamūlāni ekamūlāni ceva aññamaññamūlāni ca. Avasesā kusalamūlasahajātā dhammā kusalamūlena ekamūlā, na ca aññamaññamūlā.

ya1.2.1:8.1

Ye vā pana kusalamūlena aññamaññamūlā, sabbe te dhammā kusalāti? Āmantā.

ya1.2.1:9.0

1.2.1.1.2. Mūlamūlanaya

ya1.2.1:9.1

Ye keci kusalā dhammā, sabbe te kusalamūlamūlāti? Tīṇeva kusalamūlamūlāni. Avasesā kusalā dhammā na kusalamūlamūlā.

ya1.2.1:10.1

Ye vā pana kusalamūlamūlā, sabbe te dhammā kusalāti? Āmantā.

ya1.2.1:11.1

Ye keci kusalā dhammā, sabbe te kusalamūlena ekamūlamūlāti? Āmantā.

ya1.2.1:12.1

Ye vā pana kusalamūlena ekamūlamūlā, sabbe te dhammā kusalāti?

ya1.2.1:13.1

Kusalasamuṭṭhānaṁ rūpaṁ kusalamūlena ekamūlamūlaṁ, na kusalaṁ. Kusalaṁ kusalamūlena ekamūlamūlañceva kusalañca.

ya1.2.1:14.1

Ye keci kusalamūlena ekamūlamūlā dhammā, sabbe te kusalamūlena aññamaññamūlamūlāti?

ya1.2.1:15.1

Mūlāni yāni ekato uppajjanti kusalamūlāni ekamūlamūlāni ceva aññamaññamūlamūlāni ca. Avasesā kusalamūlasahajātā dhammā kusalamūlena ekamūlamūlā, na ca aññamaññamūlamūlā.

ya1.2.1:16.1

Ye vā pana kusalamūlena aññamaññamūlamūlā, sabbe te dhammā kusalāti? Āmantā.

ya1.2.1:17.0

1.2.1.1.3. Mūlakanaya

ya1.2.1:17.1

Ye keci kusalā dhammā, sabbe te kusalamūlakāti? Āmantā.

ya1.2.1:18.1

Ye vā pana kusalamūlakā, sabbe te dhammā kusalāti?

ya1.2.1:19.1

Kusalasamuṭṭhānaṁ rūpaṁ kusalamūlakaṁ na kusalaṁ. Kusalaṁ kusalamūlakañceva kusalañca.

ya1.2.1:20.1

Ye keci kusalā dhammā, sabbe te kusalamūlena ekamūlakāti? Āmantā.

ya1.2.1:21.1

Ye vā pana kusalamūlena ekamūlakā, sabbe te dhammā kusalāti?

ya1.2.1:22.1

Kusalasamuṭṭhānaṁ rūpaṁ kusalamūlena ekamūlakaṁ, na kusalaṁ. Kusalaṁ kusalamūlena ekamūlakañceva kusalañca.

ya1.2.1:23.1

Ye keci kusalamūlena ekamūlakā dhammā, sabbe te kusalamūlena aññamaññamūlakāti?

ya1.2.1:24.1

Mūlāni yāni ekato uppajjanti kusalamūlāni ekamūlakāni ceva aññamaññamūlakāni ca. Avasesā kusalamūlasahajātā dhammā kusalamūlena ekamūlakā, na ca aññamaññamūlakā.

ya1.2.1:25.1

Ye vā pana kusalamūlena aññamaññamūlakā, sabbe te dhammā kusalāti? Āmantā.

ya1.2.1:26.0

1.2.1.1.4. Mūlamūlakanaya

ya1.2.1:26.1

Ye keci kusalā dhammā, sabbe te kusalamūlamūlakāti? Āmantā.

ya1.2.1:27.1

Ye vā pana kusalamūlamūlakā, sabbe te dhammā kusalāti?

ya1.2.1:28.1

Kusalasamuṭṭhānaṁ rūpaṁ kusalamūlamūlakaṁ na kusalaṁ. Kusalaṁ kusalamūlamūlakañceva kusalañca.

ya1.2.1:29.1

Ye keci kusalā dhammā, sabbe te kusalamūlena ekamūlamūlakāti? Āmantā.

ya1.2.1:30.1

Ye vā pana kusalamūlena ekamūlamūlakā, sabbe te dhammā kusalāti?

ya1.2.1:31.1

Kusalasamuṭṭhānaṁ rūpaṁ kusalamūlena ekamūlamūlakaṁ, na kusalaṁ. Kusalaṁ kusalamūlena ekamūlamūlakañceva kusalañca.

ya1.2.1:32.1

Ye keci kusalamūlena ekamūlamūlakā dhammā, sabbe te kusalamūlena aññamaññamūlamūlakāti?

ya1.2.1:33.1

Mūlāni yāni ekato uppajjanti kusalamūlāni ekamūlamūlakāni ceva aññamaññamūlamūlakāni ca. Avasesā kusalamūlasahajātā dhammā kusalamūlena ekamūlamūlakā, na ca aññamaññamūlamūlakā.

ya1.2.1:34.1

Ye vā pana kusalamūlena aññamaññamūlamūlakā, sabbe te dhammā kusalāti? Āmantā.

ya1.2.1:35.0.1

1.2.1.2. Akusalapada nayacatukka

ya1.2.1:35.0.2

1.2.1.2.1. Mūlanaya

ya1.2.1:35.1

Ye keci akusalā dhammā, sabbe te akusalamūlāti?

ya1.2.1:36.1

Tīṇeva akusalamūlāni. Avasesā akusalā dhammā na akusalamūlā.

ya1.2.1:37.1

Ye vā pana akusalamūlā, sabbe te dhammā akusalāti? Āmantā.

ya1.2.1:38.1

Ye keci akusalā dhammā, sabbe te akusalamūlena ekamūlāti?

ya1.2.1:39.1

Ahetukaṁ akusalaṁ akusalamūlena na ekamūlaṁ. Sahetukaṁ akusalaṁ akusalamūlena ekamūlaṁ.

ya1.2.1:40.1

Ye vā pana akusalamūlena ekamūlā, sabbe te dhammā akusalāti?

ya1.2.1:41.1

Akusalasamuṭṭhānaṁ rūpaṁ akusalamūlena ekamūlaṁ, na akusalaṁ. Akusalaṁ akusalamūlena ekamūlañceva akusalañca.

ya1.2.1:42.1

Ye keci akusalamūlena ekamūlā dhammā, sabbe te akusalamūlena aññamaññamūlāti?

ya1.2.1:43.1

Mūlāni yāni ekato uppajjanti akusalamūlāni ekamūlāni ceva aññamaññamūlāni ca. Avasesā akusalamūlasahajātā dhammā akusalamūlena ekamūlā, na ca aññamaññamūlā.

ya1.2.1:44.1

Ye vā pana akusalamūlena aññamaññamūlā, sabbe te dhammā akusalāti? Āmantā.

ya1.2.1:45.0

1.2.1.2.2. Mūlamūlanaya

ya1.2.1:45.1

Ye keci akusalā dhammā, sabbe te akusalamūlamūlāti?

ya1.2.1:46.1

Tīṇeva akusalamūlamūlāni. Avasesā akusalā dhammā na akusalamūlamūlā.

ya1.2.1:47.1

Ye vā pana akusalamūlamūlā, sabbe te dhammā akusalāti? Āmantā.

ya1.2.1:48.1

Ye keci akusalā dhammā, sabbe te akusalamūlena ekamūlamūlāti?

ya1.2.1:49.1

Ahetukaṁ akusalaṁ akusalamūlena na ekamūlamūlaṁ. Sahetukaṁ akusalaṁ akusalamūlena ekamūlamūlaṁ.

ya1.2.1:50.1

Ye vā pana akusalamūlena ekamūlamūlā, sabbe te dhammā akusalāti?

ya1.2.1:51.1

Akusalasamuṭṭhānaṁ rūpaṁ akusalamūlena ekamūlamūlaṁ, na akusalaṁ. Akusalaṁ akusalamūlena ekamūlamūlañceva akusalañca.

ya1.2.1:52.1

Ye keci akusalamūlena ekamūlamūlā dhammā, sabbe te akusalamūlena aññamaññamūlamūlāti?

ya1.2.1:53.1

Mūlāni yāni ekato uppajjanti akusalamūlāni ekamūlamūlāni ceva aññamaññamūlamūlāni ca. Avasesā akusalamūlasahajātā dhammā akusalamūlena ekamūlamūlā, na ca aññamaññamūlamūlā.

ya1.2.1:54.1

Ye vā pana akusalamūlena aññamaññamūlamūlā, sabbe te dhammā akusalāti? Āmantā.

ya1.2.1:55.0

1.2.1.2.3. Mūlakanaya

ya1.2.1:55.1

Ye keci akusalā dhammā, sabbe te akusalamūlakāti?

ya1.2.1:56.1

Ahetukaṁ akusalaṁ na akusalamūlakaṁ. Sahetukaṁ akusalaṁ akusalamūlakaṁ.

ya1.2.1:57.1

Ye vā pana akusalamūlakā, sabbe te dhammā akusalāti?

ya1.2.1:58.1

Akusalasamuṭṭhānaṁ rūpaṁ akusalamūlakaṁ na akusalaṁ. Akusalaṁ akusalamūlakañceva akusalañca.