යො වා පන අඤ්ඤින්ද්රියං භාවෙස්සති සො දොමනස්සින්ද්රියං පජහතී’ති: ඡ පුග්ගලා අඤ්ඤින්ද්රියං භාවෙස්සන්ති, නො ච දොමනස්සින්ද්රියං පජහන්ති. අනාගාමිමග්ගසමඞ්ගී අඤ්ඤින්ද්රියඤ්ච භාවෙස්සති, දොමනස්සින්ද්රියඤ්ච පජහති.{2}
යො දොමනස්සින්ද්රියං පජහති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති යො දොමනස්සින්ද්රියං පජහතී’ති: සත්ත පුග්ගලා අඤ්ඤාතාවින්ද්රියං සච්ඡිකරිස්සන්ති, නො ච දොමනස්සින්ද්රියං පජහන්ති. අනාගාමිමග්ගසමඞ්ගී අඤ්ඤාතාවින්ද්රියඤ්ච සච්ඡිකරිස්සති, දොමනස්සින්ද්රියඤ්ච පජහති.
35. යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤින්ද්රියං භාවෙස්සතී’ති: ආමන්තා.
යො වා පන අඤ්ඤින්ද්රියං භාවෙස්සති සො අනඤ්ඤාතඤ්ඤස්සාමීතින්ද්රියං භාවෙතී’ති: ඡ{1} පුග්ගලා අඤ්ඤින්ද්රියං භාවෙස්සන්ති. නො ච අනඤ්ඤාතඤ්ඤස්සාමීතින්ද්රියං භාවෙන්ති. අට්ඨමකො අඤ්ඤින්ද්රියඤ්ච භාවෙස්සති, අනඤ්ඤාතඤ්ඤස්සාමීතින්ද්රියඤ්ච භාවෙති.
යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං{2} සච්ඡිකරිස්සති සො අනඤ්ඤාතඤ්ඤස්සාමීතින්ද්රියං භාවෙතී’ති: සත්ත පුග්ගලා{3} අඤ්ඤාතාවින්ද්රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්රියං භාවෙති. අට්ඨමකො අඤ්ඤාතාවින්ද්රියඤ්ච සච්ඡිකරිස්සති, අනඤ්ඤාතඤ්ඤස්සාමීතින්ද්රියඤ්ච භාවෙති.
36. යො අඤ්ඤින්ද්රියං භාවෙති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො අඤ්ඤින්ද්රියං භාවෙතී’ති: පඤ්ච පුග්ගලා{4} අඤ්ඤාතාවින්ද්රියං සච්ඡිකරිස්සන්ති, නො ච අඤ්ඤින්ද්රියං භාවෙන්ති. තයො මග්ගසමඞ්ගිනො{5} අඤ්ඤාතාවින්ද්රියඤ්ච සච්ඡිකරිස්සන්ති, අඤ්ඤින්ද්රියඤ්ච භාවෙන්ති. (අනුලොමං).
37. යො චක්ඛුන්ද්රියං න පරිජානාති සො දොමනස්සින්ද්රියං නප්පජහිස්සතී’ති: පඤ්ච පුග්ගලා චක්ඛුන්ද්රියං න පරිජානන්ති, නො ච දොමනස්සින්ද්රියං නප්පජහිස්සන්ති. චත්තාරො පුග්ගලා චක්ඛුන්ද්රියඤ්ච න පරිජානන්ති, දොමනස්සින්ද්රියඤ්ච නප්පජහිස්සන්ති.
යො වා පන දොමනස්සින්ද්රියං නප්පජහිස්සති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී දොමනස්සින්ද්රියං නප්පජහිස්සති නො ච චක්ඛුන්ද්රියං න පරිජානාති. චත්තාරො පුග්ගලා දොමනස්සින්ද්රියඤ්ච නප්පජහිස්සන්ති. චක්ඛුන්ද්රියඤ්ච න පරිජානන්ති.
යො චක්ඛුන්ද්රියං න පරිජානාති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්රියං න පරිජානන්ති. නො ච අනඤ්ඤාතඤ්ඤස්සාමීතින්ද්රියං න භාවෙස්සන්ති. අට්ඨ පුග්ගලා චක්ඛුන්ද්රියඤ්ච න පරිජානන්ති. අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති.
යො වා පන අනඤ්ඤාතඤ්ඤස්සාමීතින්ද්රියං න භාවෙස්සති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී අනඤ්ඤාතඤ්ඤස්සාමිතීන්ද්රියං න භාවෙස්සති, නො ච චක්ඛුන්ද්රියං න පරිජානාති අට්ඨ පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, චක්ඛුන්ද්රියඤ්ච න පරිජානන්ති.
යො චක්ඛුන්ද්රියං න පරිජානාති සො අඤ්ඤින්ද්රියං න භාවෙස්සතී’ති: සත්ත{1} පුග්ගලා චක්ඛුන්ද්රියං න පරිජානන්ති, නො ච අඤ්ඤින්ද්රියං න භාවෙස්සන්ති. ද්වෙ{2} පුග්ගලා චක්ඛුන්ද්රියඤ්ච න පරිජානන්ති, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී අඤ්ඤින්ද්රියං න භාවෙස්සති, නො ච චක්ඛුන්ද්රියං න පරිජානාති. ද්වෙ{2} පුග්ගලා අඤ්ඤින්ද්රියඤ්ච න භාවෙස්සන්ති, චක්ඛුන්ද්රියඤ්ච න පරිජානන්ති.
යො චක්ඛුන්ද්රියං න පරිජානාති සො අඤ්ඤාතාවින්ද්රියං න සච්ඡිකරිස්සතී’ති: සත්ත පුග්ගලා චක්ඛුන්ද්රියං න පරිජානන්ති, නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගලා චක්ඛුන්ද්රියඤ්ච න පරිජානන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො චක්ඛුන්ද්රියං න පරිජානාතී’ති: ආමන්තා.
38. යො දොමනස්සින්ද්රියං නප්පජහති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: යෙ පුථුජ්ජනා මග්ගං පටිලභිස්සන්ති, තෙ දොමනස්සින්ද්රියං නප්පජහන්ති, නො ච අනඤ්ඤාතඤ්ඤස්සාමීතින්ද්රියං න භාවෙස්සන්ති. අට්ඨ පුග්ගලා දොමනස්සින්ද්රියඤ්ච නප්පජහන්ති, අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති.
යො වා පන අනඤ්ඤාතඤ්ඤස්සාමීතින්ද්රියං න භාවෙස්සති සො දොමනස්සින්ද්රියං නප්පජහතී’ති: අනාගාමිමග්ගසමඞ්ගී අනඤ්ඤාතඤ්ඤස්සාමීතින්ද්රියං න භාවෙස්සති, නො ච දොමනස්සින්ද්රියං නප්පජහති. අට්ඨ පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, දොමනස්සින්ද්රියඤ්ච නප්පජහන්ති.
යො දොමනස්සින්ද්රියං නප්පජහති සො අඤ්ඤින්ද්රියං න භාවෙස්සතී’ති: ඡ{1} පුග්ගලා දොමනස්සින්ද්රියං නප්පජහන්ති, නො ච අඤ්ඤින්ද්රියං න භාවෙස්සන්ති. තයො{2} පුග්ගලා දොමනස්සින්ද්රියඤ්ච නප්පජහන්ති, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො දොමනස්සින්ද්රියං නප්පජහතී’ති: ආමන්තා.
යො දොමනස්සින්ද්රියං නප්පජහති සො අඤ්ඤාතාවින්ද්රියං න සච්ඡිකරිස්සතී’ති: සත්තපුග්ගලා{3} දොමනස්සින්ද්රියං නප්පජහන්ති, නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගලා දොමනස්සින්ද්රියඤ්ච නප්පජහන්ති. අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො දොමනස්සින්ද්රියං නප්පජහතී’ති: ආමන්තා.
39. යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤින්ද්රියං න භාවෙස්සතී’ති: ඡ{3} පුග්ගලා අනඤ්ඤාතඤ්ඤස්සාමීතින්ද්රියං න භාවෙන්ති, නො ච අඤ්ඤින්ද්රියං න භාවෙස්සන්ති. තයො පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති, අඤ්ඤින්ද්රින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො අනඤ්ඤාතඤ්ඤස්සාමීතින්ද්රියං න භාවෙතී’ති: ආමන්තා.
යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤාතාවින්ද්රියං න සච්ඡිකරිස්සතී’ති: සත්ත පුග්ගලා අනඤ්ඤාතඤ්ඤස්සාමීතින්ද්රියං න භාවෙන්ති, නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගල අනඤ්ඤාතඤ්ඤස්සාමීතින්ද්රියඤ්ච න භාවෙන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො අනඤ්ඤාතඤ්ඤස්සාමීතින්ද්රියං න භාවෙතී’ති: ආමන්තා.
40. යො අඤ්ඤින්ද්රියං න භාවෙති සො අඤ්ඤාතාවින්ද්රියං න සච්ඡිකරිස්සතී’ති: පඤ්ච පුග්ගලා අඤ්ඤින්ද්රියං න භාවෙන්ති, නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගලා අඤ්ඤින්ද්රියඤ්ච න භාවෙන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො අඤ්ඤින්ද්රියං න භාවෙතී’ති: ආමන්තා. (පච්චනීකං).
පච්චුප්පන්නානාගතවාරො.
41. යො චක්ඛුන්ද්රියං පරිජානිත්ථ සො දොමනස්සින්ද්රියං පජහිස්සතී’ති: නො.
යො වා පන දොමනස්සින්ද්රියං පජහිස්සති සො චක්ඛුන්ද්රියං පරිජානිත්ථා’ති: නො.
යො චක්ඛුන්ද්රියං පරිජානිත්ථ සො අනඤ්ඤාතඤ්ඤස්සාමීතින්ද්රියං භාවෙස්සතී’ති: නො.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො චක්ඛුන්ද්රියං පරිජානිත්ථා’ති: නො.
යො චක්ඛුන්ද්රියං පරිජානිත්ථ සො අඤ්ඤින්ද්රියං භාවෙස්සතී’ති: නො.
යො වා පන අඤ්ඤින්ද්රියං භාවෙස්සති සො චක්ඛුන්ද්රියං පරිජානිත්ථා’ති: නො.
යො චක්ඛුන්ද්රියං පරිජානිත්ථ සො අඤ්ඤාතාවින්ද්රියං සච්ඡිකරිස්සතී’ති: නො.
යො වා පන අඤ්ඤාතාවින්ද්රියං සච්ඡිකරිස්සති සො චක්ඛුන්ද්රියං පරිජානිත්ථා’ති: නො.
42. යො දොමනස්සින්ද්රියං පජහිත්ථ සො අනඤ්ඤාතඤ්ඤස්සාමීතින්ද්රියං භාවෙස්සතී’ති නො.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො දොමනස්සින්ද්රියං පජහිත්ථා’ති: නො.
යො දොමනස්සින්ද්රියං පජහිත්ථ සො අඤ්ඤින්ද්රියං භාවෙස්සතී’ති: ද්වෙ පුග්ගලා දොමනස්සින්ද්රියං පජහිත්ථ, නො ච අඤ්ඤින්ද්රියං භාවෙස්සන්ති{1} අනාගාමී දොමනස්සින්ද්රියඤ්ච පජහිත්ථ, අඤ්ඤින්ද්රියඤ්ච භාවෙස්සති.
යො වා පන අඤ්ඤින්ද්රියං භාවෙස්සති{2} සො දොමනස්සින්ද්රියං පජහිත්ථා’ති: ඡ පුග්ගලා{3} අඤ්ඤින්ද්රියං භාවෙස්සන්ති, නො ච දොමනස්සින්ද්රියං පජහිත්ථ. අනාගාමී අඤ්ඤින්ද්රියඤ්ච භාවෙස්සති, දොමනස්සින්ද්රියඤ්ච පජහිත්ථ.
යො දොමනස්සින්ද්රියං පජහිත්ථ සො අඤ්ඤාතාවින්ද්රියං සච්ඡිකරිස්සතී’ති:{4} අරහා දොමනස්සින්ද්රියං පජහිත්ථ නො ච අඤ්ඤාතාවින්ද්රියං සච්ඡිකරිස්සති, ද්වෙ පුග්ගලා දොමනස්සින්ද්රියඤ්ච පජහිත්ථ, අඤ්ඤාතාවින්ද්රියඤ්ච සච්ඡිකරිස්සන්ති.{5}
යො වා පන අඤ්ඤාතාවින්ද්රියං සච්ඡිකරිස්සති සො දොමනස්සින්ද්රියං පජහිත්ථා’ති: ඡ පුග්ගලා අඤ්ඤාතාවින්ද්රියං සච්ඡිකරිස්සන්ති. නො ච දොමනස්සින්ද්රියං පජහිත්ථ. ද්වෙ පුග්ගලා අඤ්ඤාතාවින්ද්රියඤ්ච සච්ඡිකරිස්සන්ති. දොමනස්සින්ද්රියඤ්ච පජහිත්ථ.
43. යො අනඤ්ඤාතඤ්ඤස්සාමීතින්ද්රියං භාවිත්ථ සො අඤ්ඤින්ද්රියං, භාවෙස්සතී’ති: ද්වෙපුග්ගලා අනඤ්ඤාතඤ්ඤස්සාමිතීන්ද්රියං භාවිත්ථ, නො ච අඤ්ඤින්ද්රියං භාවෙස්සන්ති. පඤ්ච පුග්ගලා අනඤ්ඤාතඤ්ඤස්සාමීතින්ද්රියඤ්ච භාවිත්ථ, අඤ්ඤින්ද්රියඤ්ච භාවෙස්සන්ති.
යො වා පන අඤ්ඤින්ද්රියං භාවෙස්සති සො අනඤ්ඤාතඤ්ඤස්සාමීතින්ද්රියං භාවිත්ථා’ති: ද්වෙපුග්ගලා{1} අඤ්ඤින්ද්රියං භාවෙස්සන්ති, නො ච අනඤ්ඤාතඤ්ඤස්සාමීතින්ද්රියං භාවිත්ථ. පඤ්ච පුග්ගලා අඤ්ඤින්ද්රියඤ්ච භාවෙස්සන්ති, අනඤ්ඤාතඤ්ඤස්සාමීතින්ද්රියඤ්ච භාවිත්ථ.
යො අනඤ්ඤාතඤ්ඤස්සාමීතින්ද්රියං භාවිත්ථ සො අඤ්ඤාතාවින්ද්රියං සච්ඡිකරිස්සතී’ති:{2} අරහා අනඤ්ඤාතඤ්ඤස්සාමීතින්ද්රියං භාවිත්ථ, නො ච අඤ්ඤාතාවින්ද්රියං සච්ඡිකරිස්සති. ඡ පුග්ගලා අනඤ්ඤාතඤ්ඤස්සාමීතින්ද්රියඤ්ච භාවිත්ථ, අඤ්ඤාතාවින්ද්රියඤ්ච සච්ඡිකරිස්සන්ති.
යො වා පන අඤ්ඤාතාවින්ද්රියං සච්ඡිකරිස්සති සො අනඤ්ඤාතඤ්ඤස්සාමීතින්ද්රියං භාවිත්ථා’ති: ද්වෙ පුග්ගලා අඤ්ඤාතාවින්ද්රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්රියං භාවිත්ථ. ඡ පුග්ගලා අඤ්ඤාතාවින්ද්රියඤ්ච{3} සච්ඡිකරිස්සන්ති, අනඤ්ඤාතඤ්ඤස්සාමීතින්ද්රියඤ්ච භාවිත්ථ.
44. යො අඤ්ඤින්ද්රියං භාවිත්ථ සො අඤ්ඤාතාවින්ද්රියං සච්ඡිකරිස්සතී’ති: නො.{4}
යො වා පන අඤ්ඤාතාවින්ද්රියං සච්ඡිකරිස්සති සො අඤ්ඤින්ද්රියං භාවිත්ථා’ති: නො. (අනුලොමං).
45. යො චක්ඛුන්ද්රියං න පරිජානිත්ථ සො දොමනස්සින්ද්රියං නප්පජහිස්සතී’ති: පඤ්ච පුග්ගලා චක්ඛුන්ද්රියං න පරිජානිත්ථ, නො ච දොමනස්සින්ද්රියං නප්පජහිස්සන්ති. තයො පුග්ගලා චක්ඛුන්ද්රියං න පරිජානිත්ථ, දොමනස්සින්ද්රියඤ්ච නප්පජහිස්සන්ති.
යො වා පන දොමනස්සින්ද්රියං නප්පජහිස්සති සො චක්ඛුන්ද්රියං න පරිජානිත්ථා’ති: අරහා දොමනස්සින්ද්රියං නප්පජහිස්සති, නො ච චක්ඛුන්ද්රියං න පරිජානිත්ථ. තයො පුග්ගලා දොමනස්සින්ද්රියඤ්ච නප්පජහිස්සන්ති, චක්ඛුන්ද්රියඤ්ච න පරිජානිත්ථ.
යො චක්ඛුන්ද්රියං න පරිජානිත්ථ සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්රියං න පරිජානිත්ථ, නො ච අනඤ්ඤාතඤ්ඤස්සාමීතින්ද්රියං න භාවෙස්සන්ති. අට්ඨ පුග්ගලා චක්ඛුන්ද්රියඤ්ච න පරිජානිත්ථ, අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති.
යො වා පන අනඤ්ඤාතඤ්ඤාස්සාමීතින්ද්රියං න භාවෙස්සති සො චක්ඛුන්ද්රියං න පරිජානිත්ථා’ති: අරහා අනඤ්ඤාතඤ්ඤස්සාමීතින්ද්රියං න භාවෙස්සති, නො ච චක්ඛුන්ද්රියං න පරිජානිත්ථ. අට්ඨ පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, චක්ඛුන්ද්රියඤ්ච න පරිජානිත්ථ.
යො චක්ඛුන්ද්රියං න පරිජානිත්ථ සො අඤ්ඤින්ද්රියං න භාවෙස්සතී’ති: සත්ත පුග්ගලා චක්ඛුන්ද්රියං න පරිජානිත්ථ, නො ච අඤ්ඤින්ද්රියං න භාවෙස්සන්ති. ද්වෙ පුග්ගලා{1} චක්ඛුන්ද්රියඤ්ච න පරිජානිත්ථ, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො චක්ඛුන්ද්රියං න පරිජානිත්ථා’ති: අරහා අඤ්ඤින්ද්රියං න භාවෙස්සති, නො ච චක්ඛුන්ද්රියං න පරිජානිත්ථ. ද්වෙ පුග්ගලා අඤ්ඤින්ද්රියඤ්ච න භාවෙස්සන්ති, චක්ඛුන්ද්රියඤ්ච න පරිජානිත්ථ.
යො චක්ඛුන්ද්රියං න පරිජානිත්ථ සො අඤ්ඤාතාවින්ද්රියං න සච්ඡිකරිස්සතී’ති: අට්ඨ පුග්ගලා{2} චක්ඛුන්ද්රියං න පරිජානිත්ථ, නො ච අඤ්ඤාතාවින්ද්රියං න සච්ඡිකරිස්සන්ති. යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්රියඤ්ච න පරිජානිත්ථ, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො චක්ඛුන්ද්රියං න පරිජානිත්ථා’ති: අරහා අඤ්ඤාතාවින්ද්රියං න සච්ඡිකරිස්සති, නො ච චක්ඛුන්ද්රියං න පරිජානිත්ථ. යෙ පුථුජ්ජනා මග්ගං පටිලභිස්සන්ති තෙ අඤ්ඤාතාවින්ද්රියඤ්ච න සච්ඡිකරිස්සන්ති, චක්ඛුන්ද්රියඤ්ච න පරිජානිත්ථ.
46. යො දොමනස්සින්ද්රියං නප්පජහිත්ථ සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්රියං නප්පජහිත්ථ, නො ච අනඤ්ඤාතඤ්ඤස්සාමීතින්ද්රියං න භාවෙස්සන්ති. ඡ පුග්ගලා දොමනස්සින්ද්රියඤ්ච නප්පජහිත්ථ, අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති.
යො වා පන අනඤ්ඤාතඤ්ඤස්සාමීතින්ද්රියං න භාවෙස්සති සො දොමනස්සින්ද්රියං නප්පජහිත්ථා’ති: තයො පුග්ගලා{1} අනඤ්ඤාතඤ්ඤස්සාමීතින්ද්රියං න භාවෙස්සන්ති, නො ච දොමනස්සින්ද්රියං නප්පජහිත්ථ. ඡ පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති. දොමනස්සින්ද්රියඤ්ච නප්පජහිත්ථ.
යො දොමනස්සින්ද්රියං නප්පජහිත්ථ සො අඤ්ඤින්ද්රියං න භාවෙස්සතී’ති: ඡ{2} පුග්ගලා දොමනස්සින්ද්රියං නප්පජහිත්ථ නො ච අඤ්ඤින්ද්රියං න භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්රියඤ්ච නප්පජහිත්ථ, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො දොමනස්සින්ද්රියං නප්පජහිත්ථාතී’ති: ද්වෙ පුග්ගලා අඤ්ඤින්ද්රියං න භාවෙස්සන්ති, තෙ දොමනස්සින්ද්රියං නප්පජහිත්ථ. යෙ පුථුජ්ජනා මග්ගං පටිලභිස්සන්ති{3} තෙ අඤ්ඤින්ද්රියඤ්ච න භාවෙස්සන්ති. දොමනස්සින්ද්රියඤ්ච නප්පජහිත්ථ.
යො දොමනස්සින්ද්රියං නප්පජහිත්ථ සො අඤ්ඤාතාවින්ද්රියං න සච්ඡිකරිස්සතී’ති: ඡ පුග්ගලා{4} දොමනස්සින්ද්රියං නප්පජහිත්ථ, නො ච අඤ්ඤාතාවින්ද්රියං න සච්ඡිකරිස්සන්ති. යෙ පුථුජ්ජනා මග්ගං පටිලභිස්සන්ති{5} තෙ දොමනස්සින්ද්රියඤ්ච නප්පජහිත්ථ, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො දොමනස්සින්ද්රියං නප්පජහිත්ථා’ති: අරහා අඤ්ඤාතාවින්ද්රියං න සච්ඡිකරිස්සති, නො ච දොමනස්සින්ද්රියං නප්පජහිත්ථ. යෙ පුථුජ්ජනා මග්ගං පටිලභිස්සන්ති{6} තෙ අඤ්ඤාතාවින්ද්රියඤ්ච න සච්ඡිකරිස්සන්ති, දොමනස්සින්ද්රියඤ්ච නප්පජහිත්ථ.
47. යො අනඤ්ඤාතඤ්ඤස්සාමීතින්ද්රියං න භාවිත්ථ සො අඤ්ඤින්ද්රියං න භාවෙස්සතී’ති: ද්වෙ පුග්ගලා අනඤ්ඤාතඤ්ඤස්සාමීතින්ද්රියං න භාවිත්ථ, නො ච අඤ්ඤින්ද්රියං න භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ අනඤ්ඤාතඤ්ඤස්සාමීතින්ද්රියඤ්ච න භාවිත්ථ, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සන්ති සො අනඤ්ඤාතඤ්ඤස්සාමීතින්ද්රියං න භාවිත්ථා’ති: ද්වෙ පුග්ගලා අඤ්ඤින්ද්රියං න භාවෙස්සන්ති, නො ච අනඤ්ඤාතඤ්ඤස්සාමීතින්ද්රියං න භාවිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤින්ද්රියඤ්ච න භාවෙස්සන්ති. අනඤ්ඤාතඤ්ඤාස්සාමීතින්ද්රියඤ්ච න භාවිත්ථ.
යො අනඤ්ඤාතඤ්ඤස්සාමීතින්ද්රියං න භාවිත්ථ සො අඤ්ඤාතාවින්ද්රියං න සච්ඡිකරිස්සතී’ති: ද්වෙ පුග්ගලා අනඤ්ඤාතඤ්ඤස්සාමීතින්ද්රියං න භාවිත්ථ, නො ච අඤ්ඤාතාවින්ද්රියං න සච්ඡිකරිස්සන්ති. යෙ පුථුජ්ජනා මග්ගං පටිලභිස්සන්ති තෙ අනඤ්ඤාතඤ්ඤස්සාමීතින්ද්රියඤ්ච න භාවිත්ථ, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සන්ති සො අනඤ්ඤාතඤ්ඤස්සාමීතින්ද්රියං න භාවිත්ථාති: අරහා අඤ්ඤාතාවින්ද්රියං න සච්ඡිකරිස්සති, නො ච අනඤ්ඤාතඤ්ඤස්සාමීතින්ද්රියං න භාවිත්ථ. යෙ පුථුජ්ජනා මග්ගං න පටිලභිස්සන්ති, තෙ අඤ්ඤාතාවින්ද්රියඤ්ච න සච්ඡිකරිස්සන්ති. අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
48. යො අඤ්ඤින්ද්රියං න භාවිත්ථ සො අඤ්ඤාතාවින්ද්රියං න සච්ඡිකරිස්සතී’ති: අට්ඨ පුග්ගලා අඤ්ඤින්ද්රියං න භාවිත්ථ, නො ච අඤ්ඤාතාවින්ද්රියං න සච්ඡිකරිස්සන්ති. යෙ පුථුජ්ජනා මග්ගං පටිලභිස්සන්ති තෙ අඤ්ඤින්ද්රියඤ්ච න භාවිත්ථ, අඤ්ඤාතාවින්ද්රියඤ්ච{1} න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො අඤ්ඤින්ද්රියං න භාවිත්ථා’ති: අරහා අඤ්ඤාතාවින්ද්රියං න සච්ඡිකරිස්සති, නො ච අඤ්ඤින්ද්රියං න භාවිත්ථ. යෙ පුථුජ්ජනා මග්ගං න පටිලභිස්සන්ති තෙ අඤ්ඤාතාවින්ද්රියඤ්ච න සච්ඡිකරිස්සන්ති, අඤ්ඤින්ද්රියඤ්ච න භාවිත්ථා’ති. (පච්චනීකං)
අතීතානාගතවාරො.
ඉන්ද්රිය යමකං නිට්ඨිතං{2}.
යමකප්පකරණං සමත්තං.