15. යො අනඤ්ඤාතඤ්ඤස්සාමීතින්ද්රියං න භාවිත්ථ සො අඤ්ඤින්ද්රියං න භාවිත්ථා’ති: ආමන්තා.
යො වා පන අඤ්ඤින්ද්රියං න භාවිත්ථ සො අනඤ්ඤාතඤ්ඤස්සාමීතින්ද්රියං න භාවිත්ථා’ති: ඡ පුග්ගලා අඤ්ඤින්ද්රියං න භාවිත්ථ, නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා අඤ්ඤින්ද්රියඤ්ච න භාවිත්ථ, අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
යො අනඤ්ඤාතඤ්ඤස්සාමීතින්ද්රියං න භාවිත්ථ සො අඤ්ඤාතාවින්ද්රියං න සච්ඡිකරිත්ථා’ති: ආමන්තා.
යො වා පන අඤ්ඤාතාවින්ද්රියං න සච්ඡිකරිත්ථ සො අනඤ්ඤාතඤ්ඤස්සාමීතින්ද්රියං න භාවිත්ථා’ති: සත්ත පුග්ගලා අඤ්ඤාතාවින්ද්රියං න සච්ඡිකරිත්ථ, නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා අඤ්ඤාතාවින්ද්රියඤ්ච න සච්ඡිකරිත්ථ, අනඤ්ඤාතඤ්ඤාස්සාමීතින්ද්රියඤ්ච න භාවිත්ථ.
16. යො අඤ්ඤින්ද්රියං න භාවිත්ථ සො අඤ්ඤාතාවින්ද්රියං න සච්ඡිකරිත්ථා’ති: ආමන්තා.
යො වා පන අඤ්ඤාතාවින්ද්රියං න සච්ඡිකරිත්ථ සො අඤ්ඤින්ද්රියං න භාවිත්ථා’ති: යො අග්ගඵලං සච්ඡිකරොති සො අඤ්ඤාතාවින්ද්රියං න සච්ඡිකරිත්ථ, නො ච අඤ්ඤින්ද්රියං න භාවිත්ථ. අට්ඨපුග්ගලා අඤ්ඤාතාවින්ද්රියඤ්ච න සච්ඡිකරිත්ථ, අඤ්ඤින්ද්රියඤ්ච න භාවිත්ථ. (පච්චනීකං).
අතීතවාරො.
17. යො චක්ඛුන්ද්රියං පරිජානිස්සති සො දොමනස්සින්ද්රියං පජහිස්සතී’ති: ද්වෙ පුග්ගලා චක්ඛුන්ද්රියං පරිජානිස්සන්ති, නො ච දොමනස්සින්ද්රියං පජහිස්සන්ති. පඤ්ච පුග්ගලා චක්ඛුන්ද්රියඤ්ච පරිජානිස්සන්ති, දොමනස්සින්ද්රියඤ්ච පජහිස්සන්ති.
යො වා පන දොමනස්සින්ද්රියං පජහිස්සති සො චක්ඛුන්ද්රියං පරිජානිස්සතී’ති: ආමන්තා.
යො චක්ඛුන්ද්රියං පරිජානිස්සති සො අනඤ්ඤාතඤ්ඤස්සාමීතින්ද්රියං භාවෙස්සතී’ති:{1} ඡ පුග්ගලා චක්ඛුන්ද්රියං පරිජානිස්සන්ති, නො ච අනඤ්ඤාතඤ්ඤස්සාමීතින්ද්රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ චක්ඛුන්ද්රියඤ්ච පරිජානිස්සන්ති, අනඤ්ඤාතඤ්ඤස්සාමීතින්ද්රියඤ්ච භාවෙස්සන්ති.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො චක්ඛුන්ද්රියං පරිජානිස්සතී’ති: ආමන්තා.
යො චක්ඛුන්ද්රියං පරිජානිස්සති සො අඤ්ඤින්ද්රියං භාවෙස්සතී’ති: ආමන්තා.
යො වා පන අඤ්ඤින්ද්රියං භාවෙස්සති සො චක්ඛුන්ද්රියං පරිජානිස්සතී’ති: ආමන්තා.
යො චක්ඛුන්ද්රියං පරිජානිස්සති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො චක්ඛුන්ද්රියං පරිජානිස්සතී’ති: අග්ගමග්ගසමඞ්ගී අඤ්ඤාතාවින්ද්රියං සච්ඡිකරිස්සති, නො ච චක්ඛුන්ද්රියං පරිජානිස්සති. සත්ත පුග්ගලා අඤ්ඤාතාවින්ද්රියඤ්ච සච්ඡිකරිස්සන්ති, චක්ඛුන්ද්රියඤ්ච පරිජානිස්සන්ති.
18. යො දොමනස්සින්ද්රියං පජහිස්සති සො අනඤ්ඤාතඤ්ඤස්සාමීතින්ද්රියං භාවෙස්සතී’ති: චත්තාරො පුග්ගලා දොමනස්සින්ද්රියං පජහිස්සන්ති, නො ච අනඤ්ඤාතඤ්ඤස්සාමීතින්ද්රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ දොමනස්සින්ද්රියඤ්ච පජහිස්සන්ති, අනඤ්ඤාතඤ්ඤස්සාමීතින්ද්රියඤ්ච භාවෙස්සන්ති.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො දොමනස්සින්ද්රියං පජහිස්සතී’ති: ආමන්තා.
යො දොමනස්සින්ද්රියං පජහිස්සති සො අඤ්ඤින්ද්රියං භාවෙස්සතී’ති : ආමන්තා.
යො වා පන අඤ්ඤින්ද්රියං භාවෙස්සති සො දොමනස්සින්ද්රියං පජහිස්සතී’ති: ද්වෙ පුග්ගලා අඤ්ඤින්ද්රියං භාවෙස්සන්ති, නො ච දොමනස්සින්ද්රියං පජහිස්සන්ති. පඤ්ච පුග්ගලා අඤ්ඤින්ද්රියඤ්ච භාවෙස්සන්ති, දොමනස්සින්ද්රියඤ්ච පජහිස්සන්ති.
යො දොමනස්සින්ද්රියං පජහිස්සති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො දොමනස්සින්ද්රියං පජහිස්සතී’ති: තයො පුග්ගලා අඤ්ඤාතාවින්ද්රියං සච්ඡිකරිස්සන්ති. නො ච දොමනස්සින්ද්රියං පජහිස්සන්ති. පඤ්ච පුග්ගලා අඤ්ඤාතාවින්ද්රියඤ්ච සච්ඡිකරිස්සන්ති, දොමනස්සින්ද්රියඤ්ච පජහිස්සන්ති.
19. යො අනඤ්ඤාතඤ්ඤස්සාමීතින්ද්රියං භාවෙස්සති සො අඤ්ඤින්ද්රියං භාවෙස්සතී’ති: ආමන්තා.
යො වා පන අඤ්ඤින්ද්රියං භාවෙස්සති සො අනඤ්ඤාතඤ්ඤස්සාමීතින්ද්රියං භාවෙස්සතී’ති: ඡ පුග්ගලා අඤ්ඤින්ද්රියං භාවෙස්සන්ති, නො ච අනඤ්ඤාතඤ්ඤස්සාමීතින්ද්රියං භාවෙස්සන්ති, යෙ පුථුජ්ජනා මග්ගං පටිලභිස්සන්ති තෙ අඤ්ඤින්ද්රියඤ්ච භාවෙස්සන්ති, අනඤ්ඤාතඤ්ඤස්සාමීතින්ද්රියඤ්ච භාවෙස්සන්ති.
යො අනඤ්ඤාතඤ්ඤස්සාමීතින්ද්රියං භාවෙස්සති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො අනඤ්ඤාතඤ්ඤස්සාමීතින්ද්රියං භාවෙස්සතී’ති: සත්ත පුග්ගලා අඤ්ඤාතාවින්ද්රියං සච්ඡිකරිස්සන්ති, නො ච අනඤ්ඤාතඤ්ඤස්සාමීතින්ද්රියං භාවෙස්සන්ති. යෙ පුථුජ්ජනා මග්ගං පටිලභිස්සන්ති තෙ අඤ්ඤාතාවින්ද්රියඤ්ච සච්ඡිකරිස්සන්ති, අනඤ්ඤාතඤ්ඤස්සාමීතින්ද්රියඤ්ච භාවෙස්සන්ති.
20. යො අඤ්ඤින්ද්රියං භාවෙස්සති සො අඤ්ඤාතාවින්ද්රියං සච්ඡිකරිස්සතී’ති: ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො අඤ්ඤින්ද්රියං භාවෙස්සතී’ති: අග්ගමග්ගසමඞ්ගී අඤ්ඤාතාවින්ද්රියං සච්ඡිකරිස්සති, නො ච අඤ්ඤින්ද්රියං භාවෙස්සති. සත්ත පුග්ගලා අඤ්ඤාතාවින්ද්රියඤ්ච සච්ඡිකරිස්සන්ති, අඤ්ඤින්ද්රියඤ්ච භාවෙස්සන්ති. (අනුලොමං).
21. යො චක්ඛුන්ද්රියං න පරිජානිස්සති සො දොමනස්සින්ද්රියං න පජහිස්සතී’ති: ආමන්තා.
යො වා පන දොමනස්සින්ද්රියං න පජහිස්සති සො චක්ඛුන්ද්රියං න පරිජානිස්සතී’ති: ද්වෙ පුග්ගලා දොමනස්සින්ද්රියං න පජහිස්සන්ති, නො ච චක්ඛුන්ද්රියං න පරිජානිස්සන්ති. තයො පුග්ගලා දොමනස්සින්ද්රියඤ්ච න පජහිස්සන්ති. චක්ඛුන්ද්රියඤ්ච න පරිජානිස්සන්ති.
යො චක්ඛුන්ද්රියං න පරිජානිස්සති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං න භාවෙස්සති සො චක්ඛුන්ද්රියං න පරිජානිස්සතී’ති: ඡ පුග්ගලා අනඤ්ඤාතඤ්ඤස්සාමිතීන්ද්රියං න භාවෙස්සන්ති, නො ච චක්ඛුන්ද්රියං න පරිජානිස්සන්ති. තයො පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, චක්ඛුන්ද්රියඤ්ච න පරිජානිස්සන්ති.
යො චක්ඛුන්ද්රියං න පරිජානිස්සති සො අඤ්ඤින්ද්රියං න භාවෙස්සතී’ති: ආමන්තා.
යො වා පන අඤ්ඤින්ද්රියං න භාවෙස්සති සො චක්ඛුන්ද්රියං න පරිජානිස්සතී’ති: ආමන්තා.
යො චක්ඛුන්ද්රියං න පරිජානිස්සති සො අඤ්ඤාතාවින්ද්රියං න සච්ඡිකරිස්සතී’ති: අග්ගමග්ගසමඞ්ගී චක්ඛුන්ද්රියං න පරිජානිස්සති, නො ච අඤ්ඤාතාවින්ද්රියං න සච්ඡිකරිස්සති. ද්වෙ පුග්ගලා චක්ඛුන්ද්රියඤ්ච න පරිජානිස්සන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො චක්ඛුන්ද්රියං න පරිජානිස්සතී’ති: ආමන්තා.
22. යො දොමනස්සින්ද්රියං න පජහිස්සති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං න භාවෙස්සති සො දොමනස්සින්ද්රියං න පජහිස්සතී’ති: චත්තාරො පුග්ගලා අනඤ්ඤාතඤ්ඤස්සාමිතීන්ද්රියං න භාවෙස්සන්ති, නො ච දොමනස්සින්ද්රියං න පජහිස්සන්ති. පඤ්චපුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, දොමනස්සින්ද්රියඤ්ච න පජහිස්සන්ති.
යො දොමනස්සින්ද්රියං න පජහිස්සති සො අඤ්ඤින්ද්රියං න භාවෙස්සතී’ති: ද්වෙ පුග්ගලා දොමනස්සින්ද්රියං නප්පජහිස්සන්ති, නො ච අඤ්ඤින්ද්රියං න භාවෙස්සන්ති. තයො පුග්ගලා දොමනස්සින්ද්රියඤ්ච නප්පජහිස්සන්ති, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො දොමනස්සින්ද්රියං නප්පජහිස්සතී’ති: ආමන්තා.
යො දොමනස්සින්ද්රියං නප්පජහිස්සති සො අඤ්ඤාතාවින්ද්රියං න සච්ඡිකරිස්සතී’ති: තයො පුග්ගලා දොමනස්සින්ද්රියං නප්පජහිස්සන්ති. නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගලා දොමනස්සින්ද්රියඤ්ච නප්පජහිස්සන්ති. අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො දොමනස්සින්ද්රියං නප්පජහිස්සතී’ති: ආමන්තා.
23. යො අනඤ්ඤාතඤ්ඤස්සාමීතින්ද්රියං න භාවෙස්සති සො අඤ්ඤින්ද්රියං න භාවෙස්සතී’ති: ඡ{1} පුග්ගලා අනඤ්ඤාතඤ්ඤස්සාමීතින්ද්රියං න භාවෙස්සන්ති, නො ච අඤ්ඤින්ද්රියං න භාවෙස්සන්ති. තයො{2} පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, අඤ්ඤින්ද්රියඤ්ච න භාවෙස්සන්ති.
යො වා පන අඤ්ඤින්ද්රියං න භාවෙස්සති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: ආමන්තා.
යො අනඤ්ඤාතඤ්ඤස්සාමීතින්ද්රියං න භාවෙස්සති සො අඤ්ඤාතාවින්ද්රියං න සච්ඡිකරිස්සතී’ති: සත්ත පුග්ගලා අනඤ්ඤාතඤ්ඤස්සාමීතින්ද්රියං න භාවෙස්සන්ති, නො ච අඤ්ඤාතාවින්ද්රියං න සච්ඡිකරිස්සන්ති. ද්වෙ පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙස්සන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො අනඤ්ඤාතඤ්ඤස්සාමීතින්ද්රියං න භාවෙස්සතී’ති: ආමන්තා.
24. යො අඤ්ඤින්ද්රියං න භාවෙස්සති සො අඤ්ඤාතාවින්ද්රියං න සච්ඡිකරිස්සතී’ති: අග්ගමග්ගසමඞ්ගී{3} අඤ්ඤින්ද්රියං න භාවෙස්සතී,{4} නො ච අඤ්ඤාතාවින්ද්රියං න සච්ඡිකරිස්සති. ද්වෙ පුග්ගලා අඤ්ඤින්ද්රියඤ්ච න භාවෙස්සන්ති, අඤ්ඤාතාවින්ද්රියඤ්ච න සච්ඡිකරිස්සන්ති.
යො වා පන අඤ්ඤාතාවින්ද්රියං න සච්ඡිකරිස්සති සො අඤ්ඤින්ද්රියං න භාවෙස්සතී’ති: ආමන්තා. (පච්චනීකං).
අනාගතවාරො.
25. යො චක්ඛුන්ද්රියං පරිජානාති සො දොමනස්සින්ද්රියං පජහිත්ථා’ති: ආමන්තා.
යො වා පන දොමනස්සින්ද්රියං පජහිත්ථ සො චක්ඛුන්ද්රියං පරිජානාතී’ති: ද්වෙව පුග්ගලා දොමනස්සින්ද්රියං පජහිත්ථ, නො ච චක්ඛුන්ද්රියං පරිජානන්ති. අග්ගමග්ගසමඞ්ගී දොමනස්සින්ද්රියඤ්ච පජහිත්ථ, චක්ඛුන්ද්රියඤ්ච පරිජානාති.
යො චක්ඛුන්ද්රියං පරිජානාති සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං භාවිත්ථ සො චක්ඛුන්ද්රියං පරිජානාතී’ති: ඡ පුග්ගලා{1} අනඤ්ඤාතඤ්ඤස්සාමීතින්ද්රියං භාවිත්ථ, නො ච චක්ඛුන්ද්රියං පරිජානන්ති. අග්ගමග්ගසමඞ්ගී අනඤ්ඤාතඤ්ඤස්සාමීතින්ද්රියඤ්ච භාවිත්ථ, චක්ඛුන්ද්රියඤ්ච පරිජානාති.
යො චක්ඛුන්ද්රියං පරිජානාති සො අඤ්ඤින්ද්රියං භාවිත්ථා’ති: නො.
යො වා පන අඤ්ඤින්ද්රියං භාවිත්ථ සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අඤ්ඤාතාවින්ද්රියං සච්ඡිකරිත්ථා’ති: නො.
යො වා පන අඤ්ඤාතාවින්ද්රියං සච්ඡිකරිත්ථ සො චක්ඛුන්ද්රියං පරිජානාතී’ති: නො.
26. යො දොමනස්සින්ද්රියං පජහති සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං භාවිත්ථ සො දොමනස්සින්ද්රියං පජහතී’ති: ඡ{2} පුග්ගලා අනඤ්ඤාතඤ්ඤස්සාමීතින්ද්රියං භාවිත්ථ, නො ච දොමනස්සින්ද්රියං පජහන්ති. අනාගාමිමග්ගසමඞ්ගී අනඤ්ඤාතඤ්ඤස්සාමීතින්ද්රියඤ්ච භාවිත්ථ, දොමනස්සින්ද්රියඤ්ච පජහති.
යො දොමනස්සින්ද්රියං පජහති සො අඤ්ඤින්ද්රියං භාවිත්ථා’ති: නො.
යො වා පන අඤ්ඤින්ද්රියං භාවිත්ථ සො දොමනස්සින්ද්රියං පජහතී’ති: නො.
යො දොමනස්සින්ද්රියං පජහති සො අඤ්ඤාතාවින්ද්රියං සච්ඡිකරිත්ථා’ති: නො.
යො වා පන අඤ්ඤාතාවින්ද්රියං සච්ඡිකරිත්ථ සො දොමනස්සින්ද්රියං පජහතී’ති: නො.
27. යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤින්ද්රියං භාවිත්ථා’ති: නො.
යො වා පන අඤ්ඤින්ද්රියං භාවිත්ථ සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤාතාවින්ද්රියං සච්ඡිකරිත්ථා’ති: නො.
යො වා පන අඤ්ඤාතාවින්ද්රියං සච්ඡිකරිත්ථ සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
28. යො අඤ්ඤින්ද්රියං භාවෙති සො අඤ්ඤාතාවින්ද්රියං සච්ඡිකරිත්ථා’ති: නො.
යො වා පන අඤ්ඤාතාවින්ද්රියං සච්ඡිකරිත්ථ සො අඤ්ඤින්ද්රියං භාවෙතී’ති: නො: (අනුලොමං)
29. යො චක්ඛුන්ද්රියං න පරිජානාති සො දොමනස්සින්ද්රියං නප්පජහිත්ථා’ති: ද්වෙ පුග්ගලා චක්ඛුන්ද්රියං{1} න පරිජානන්ති. නො ච දොමනස්සින්ද්රියං නප්පජහිත්ථ, ඡ පුග්ගලා{2} චක්ඛුන්ද්රියඤ්ච න පරිජානන්ති, දොමනස්සින්ද්රියඤ්ච නප්පජහිත්ථ.
යො වා පන දොමනස්සින්ද්රියං නප්පජහිත්ථ සො චක්ඛුන්ද්රියං න පරිජානාතී’ති: ආමන්තා.
යො චක්ඛුන්ද්රියං න පරිජානාති සො අනඤ්ඤාතඤ්ඤස්සාමීතින්ද්රියං න භාවිත්ථා’ති: ඡ පුග්ගලා{3} චක්ඛුන්ද්රියං න පරිජානන්ති, නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා චක්ඛුන්ද්රියඤ්ච න පරිජානන්ති. අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
යො වා පන අනඤ්ඤාතඤ්ඤස්සාමීතින්ද්රියං න භාවිත්ථ සො චක්ඛුන්ද්රියං න පරිජානාතී’ති: ආමන්තා.
යො චක්ඛුන්ද්රියං න පරිජානාති සො අඤ්ඤින්ද්රියං න භාවිත්ථා’ති: අරහා චක්ඛුන්ද්රියං න පරිජානාති, නො ච අඤ්ඤින්ද්රියං න භාවිත්ථ. සත්ත පුග්ගලා චක්ඛුන්ද්රියඤ්ච න පරිජානන්ති, අඤ්ඤින්ද්රියඤ්ච න භාවිත්ථ.
යො වා පන අඤ්ඤින්ද්රියං න භාවිත්ථ සො චක්ඛුන්ද්රියං න පරිජානාතී’ති: අග්ගමග්ගසමඞ්ගී අඤ්ඤින්ද්රියං න භාවිත්ථ, නො ච චක්ඛුන්ද්රියං න පරිජානාති. සත්තපුග්ගලා අඤ්ඤින්ද්රියඤ්ච න භාවිත්ථ, චක්ඛුන්ද්රියඤ්ච න පරිජානන්ති.{1}
යො චක්ඛුන්ද්රියං න පරිජානාති සො අඤ්ඤාතාවින්ද්රියං න සච්ඡිකරිත්ථා’ති: අරහා චක්ඛුන්ද්රියං න පරිජානාති, නො ච අඤ්ඤාතාවින්ද්රියං න සච්ඡිකරිත්ථ, අට්ඨපුග්ගලා චක්ඛුන්ද්රියඤ්ච න පරිජානන්ති, අඤ්ඤාතාවින්ද්රියඤ්ච න සච්ඡිකරිත්ථ.
යො වා පන අඤ්ඤාතාවින්ද්රියං න සච්ඡිකරිත්ථ සො චක්ඛුන්ද්රියං න පරිජානාතී’ති: අග්ගමග්ගසමඞ්ගී අඤ්ඤාතාවින්ද්රියං න සච්ඡිකරිත්ථ, නො ච චක්ඛුන්ද්රියං න පරිජානාති. අට්ඨපුග්ගලා අඤ්ඤාතාවින්ද්රියඤ්ච න සච්ඡිකරිත්ථ, චක්ඛුන්ද්රියඤ්ච න පරිජානන්ති.
30. යො දොමනස්සින්ද්රියං නප්පජහති සො අනඤ්ඤාතඤ්ඤස්සාමීතින්ද්රියං න භාවිත්ථා’ති: ඡ පුග්ගලා දොමනස්සින්ද්රියං නප්පජහන්ති. නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා දොමනස්සින්ද්රියඤ්ච නප්පජහන්ති. අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
යො වා පන අනඤ්ඤාතඤ්ඤස්සාමීතින්ද්රියං න භාවිත්ථ සො දොමනස්සින්ද්රියං නප්පජහතී’ති: ආමන්තා.
යො දොමනස්සින්ද්රියං නප්පජහති සො අඤ්ඤින්ද්රියං න භාවිත්ථා’ති: අරහා දොමනස්සින්ද්රියං නප්පජහති, නො ච අඤ්ඤින්ද්රියං න භාවිත්ථ, සත්ත පුග්ගලා දොමනස්සින්ද්රියඤ්ච නප්පජන්ති, අඤ්ඤින්ද්රියඤ්ච න භාවිත්ථ.
යො වා පන අඤ්ඤින්ද්රියං න භාවිත්ථ සො දොමනස්සින්ද්රියං නප්පජහතී’ති: අනාගාමී මග්ගසමඞ්ගී අඤ්ඤින්ද්රියං න භාවිත්ථ, නො ච දොමනස්සින්ද්රියං නප්පජහති. සත්තපුග්ගලා අඤ්ඤින්ද්රියඤ්ච න භාවිත්ථ, දොමනස්සින්ද්රියඤ්ච නප්පජහන්ති.
යො දොමනස්සින්ද්රියං නප්පජහති සො අඤ්ඤාතාවින්ද්රියං න සච්ඡිකරිත්ථා’ති: අරහා දොමනස්සින්ද්රියං නප්පජහති, නො ච අඤ්ඤාතාවින්ද්රියං න සච්ඡිකරිත්ථ. අට්ඨ පුග්ගලා දොමනස්සින්ද්රියඤ්ච නප්පජහන්ති, අඤ්ඤාතාවින්ද්රියඤ්ච න සච්ඡිකරිත්ථ.
යො වා පන අඤ්ඤාතාවින්ද්රියං න සච්ඡිකරිත්ථ සො දොමනස්සින්ද්රියං නප්පජහතී’ති: අනාගාමී මග්ගසමඞ්ගී අඤ්ඤාතාවින්ද්රියං න සච්ඡිකරිත්ථ, නො ච දොමනස්සින්ද්රියං නප්පජහති. අට්ඨපුග්ගලා අඤ්ඤාතාවින්ද්රියඤ්ච න සච්ඡිකරිත්ථ, දොමනස්සින්ද්රියඤ්ච නප්පජහන්ති.
31. යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤින්ද්රියං න භාවිත්ථා’ති: අරහා{1} අනඤ්ඤාතඤ්ඤස්සාමීතින්ද්රියං න භාවෙති,{2} නො ච අඤ්ඤින්ද්රියං න භාවිත්ථ. සත්ත පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති, අඤ්ඤින්ද්රියඤ්ච න භාවිත්ථ.
යො වා පන අඤ්ඤින්ද්රියං න භාවිත්ථ සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො අඤ්ඤින්ද්රියං න භාවිත්ථ, නො ච අනඤ්ඤාතඤ්ඤස්සාමීතින්ද්රියං න භාවෙති. සත්ත පුග්ගලා අඤ්ඤින්ද්රියඤ්ච න භාවිත්ථ, අනඤ්ඤාතඤ්ඤස්සාමීතින්ද්රියඤ්ච න භාවෙන්ති.
යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤාතාවින්ද්රියං න සච්ඡිකරිත්ථා’ති: අරහා අනඤ්ඤාතඤ්ඤස්සාමීතින්ද්රියං න භාවෙති, නො ච අඤ්ඤාතාවින්ද්රියං න සච්ඡිකරිත්ථ. සත්ත පුග්ගලා{3} අනඤ්ඤාතඤ්ඤස්සාමීතින්ද්රියඤ්ච න භාවෙන්ති. අඤ්ඤාතාවින්ද්රියඤ්ච න සච්ඡිකරිත්ථ.
යො වා පන අඤ්ඤාතාවින්ද්රියං න සච්ඡිකරිත්ථ සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො අඤ්ඤාතාවින්ද්රියං න සච්ඡිකරිත්ථ, නො ච අනඤ්ඤාතඤ්ඤස්සාමීතින්ද්රියං න භාවෙති, සත්ත පුග්ගලා{3} අඤ්ඤාතාවින්ද්රියඤ්ච න සච්ඡිකරිත්ථ, අනඤ්ඤාතඤ්ඤස්සාමීතින්ද්රියඤ්ච න භාවෙන්ති.
32. යො අඤ්ඤින්ද්රියං න භාවෙති සො අඤ්ඤාතාවින්ද්රියං න සච්ඡිකරිත්ථා’ති: අරහා අඤ්ඤින්ද්රියං න භාවෙති, නො ච අඤ්ඤාතාවින්ද්රියං න සච්ඡිකරිත්ථ. පඤ්ච පුග්ගලා අඤ්ඤින්ද්රියඤ්ච න භාවෙන්ති, අඤ්ඤාතාවින්ද්රියඤ්ච න සච්ඡිකරිත්ථ.
යො වා පන අඤ්ඤාතාවින්ද්රියං න සච්ඡිකරිත්ථ සො අඤ්ඤින්ද්රියං න භාවෙතී’ති: තයො මග්ගසමඞ්ගී{4} අඤ්ඤාතාවින්ද්රියං න සච්ඡිකරිත්ථ, නො ච අඤ්ඤින්ද්රියං න භාවෙන්ති. පඤ්ච පුග්ගලා{5} අඤ්ඤාතාවින්ද්රියඤ්ච න සච්ඡිකරිත්ථ, අඤ්ඤින්ද්රියඤ්ච න භාවෙන්ති. (පච්චනීකං).
පච්චුප්පන්නාතීතවාරො.
33. යො චක්ඛුන්ද්රියං පරිජානාති සො දොමනස්සින්ද්රියං පජහිස්සතී’ති: නො.
යො වා පන දොමනස්සින්ද්රියං පජහිස්සති සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අනඤ්ඤාතඤ්ඤස්සාමීතින්ද්රියං භාවෙස්සතී’ති: නො.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අඤ්ඤින්ද්රියං භාවෙස්සතී’ති: නො.
යො වා පන අඤ්ඤින්ද්රියං භාවෙස්සති සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අඤ්ඤාතාවින්ද්රියං සච්ඡිකරිස්සතී’ති. ආමන්තා.
යො වා පන අඤ්ඤාතාවින්ද්රියං සච්ඡිකරිස්සති සො චක්ඛුන්ද්රියං පරිජානාතී’ති: සත්ත පුග්ගලා අඤ්ඤාතාවින්ද්රියං සච්ඡිකරිස්සන්ති, නො ච චක්ඛුන්ද්රියං පරිජානන්ති. අග්ගමග්ගසමඞ්ගී අඤ්ඤාතාවින්ද්රියඤ්ච සච්ඡිකරිස්සති, චක්ඛුන්ද්රියඤ්ච පරිජානාති.
34. යො දොමනස්සින්ද්රියං පජහති සො අනඤ්ඤාතඤ්ඤස්සාමීතින්ද්රියං භාවෙස්සතී’ති: නො.
යො වා පන අනඤ්ඤාතඤ්ඤස්සාමීතින්ද්රියං භාවෙස්සති සො දොමනස්සින්ද්රියං පජහතී’ති: නො.
යො දොමනස්සින්ද්රියං පජහති සො අඤ්ඤින්ද්රියං භාවෙස්සතී’ති: ආමන්තා.{1}