යස්ස යත්ථ පුරිසින්ද්රියං න උප්පජ්ජිත්ථ තස්ස තත්ථ උපෙක්ඛින්ද්රියං න උප්පජ්ජිස්සතී’ති: රූපාවචරානං අරූපාවචරානං තෙසං තත්ථ පුරිසින්ද්රියං න උප්පජ්ජිත්ථ, නො ච තෙසං තත්ථ උපෙක්ඛින්ද්රියං න උප්පජ්ජිස්සති. රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ පුරිසින්ද්රියඤ්ච න උප්පජ්ජිත්ථ, උපෙක්ඛින්ද්රියඤ්ච න උප්පජ්ජිස්සති.
යස්ස වා පන යත්ථ උපෙක්ඛින්ද්රියං න උප්පජ්ජිස්සති තස්ස තත්ථ පුරිසින්ද්රියං න උප්පජ්ජිත්ථා’ති: කාමාවචරෙ පච්ඡිමභවිකානං, යෙ ච පුරිසා සොමනස්සෙන උපපජ්ජිත්වා පරිනිබ්බායිස්සන්ති තෙසං තත්ථ උපෙක්ඛින්ද්රියං න උප්පජ්ජිස්සති. නො ච තෙසං තත්ථ පුරිසින්ද්රියං න උප්පජ්ජිත්ථ. රූපාවචරෙ අරූපාවචරෙ පච්ඡිමභවිකානං, අසඤ්ඤසත්තානං තෙසං තත්ථ උපෙක්ඛින්ද්රියඤ්ච න උප්පජ්ජිස්සති. පුරිසින්ද්රියඤ්ච න උප්පජ්ජිත්ථ.
යස්ස යත්ථ පුරිසින්ද්රියං න උප්පජ්ජිත්ථ තස්ස තත්ථ සද්ධින්ද්රියං -පෙ- පඤ්ඤින්ද්රියං -පෙ- මනින්ද්රියං න උප්පජ්ජිස්සතී’ති: රූපාවචරානං අරූපාවචරානං තෙසං තත්ථ පුරිසින්ද්රියං න උප්පජ්ජිත්ථ, නො ච තෙසං තත්ථ මනින්ද්රියං න උප්පජ්ජිස්සති. රූපාවචරෙ අරූපාවචරෙ පච්ඡිමභවිකානං, අසඤ්ඤසත්තානං තෙසං තත්ථ පුරිසින්ද්රියඤ්ච න උප්පජ්ජිත්ථ, මනින්ද්රියඤ්ච න උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ පුරිසින්ද්රියං න උප්පජ්ජිත්ථා’ති: කාමාවචරෙ පච්ඡිමභවිකානං තෙසං තත්ථ මනින්ද්රියං න උප්පජ්ජිස්සති, නො ච තෙසං තත්ථ පුරිසින්ද්රියං න උප්පජ්ජිත්ථ. රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ මනින්ද්රියඤ්ච න උප්පජ්ජිස්සති, පුරිසින්ද්රියඤ්ච න උප්පජ්ජිත්ථ.
320. යස්ස යත්ථ ජීවිතින්ද්රියං න උප්පජ්ජිත්ථ තස්ස තත්ථ සොමනස්සින්ද්රියං න උප්පජ්ජස්සතී’ති: උප්පජ්ජිස්සති.{1}
යස්ස වා පන යත්ථ සොමනස්සින්ද්රියං න උප්පජ්ජිස්සති තස්ස තත්ථ ජීවිතින්ද්රියං න උප්පජ්ජිත්ථා’ති: උප්පජ්ජිත්ථ.
යස්ස යත්ථ ජීවිතින්ද්රියං න උප්පජ්ජිත්ථ තස්ස තත්ථ උපෙක්ඛින්ද්රියං -පෙ- සද්ධින්ද්රියං -පෙ- පඤ්ඤින්ද්රියං -පෙ- මනින්ද්රියං න උප්පජ්ජිස්සතී’ති: උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ ජීවිතින්ද්රියං න උප්පජ්ජිත්ථා’ති: උප්පජ්ජිත්ථ.
321. යස්ස යත්ථ සොමනස්සින්ද්රියං න උප්පජ්ජිත්ථ තස්ස තත්ථ උපෙක්ඛින්ද්රියං න උප්පජ්ජිස්සතී’ති: සුද්ධාවාසානං දුතියෙ චිත්තෙ වත්තමානෙ තෙසං තත්ථ සොමනස්සින්ද්රියං න උප්පජ්ජිත්ථ, නො ච තෙසං තත්ථ උපෙක්ඛින්ද්රියං න උප්පජ්ජිස්සති. අසඤ්ඤසත්තානං තෙසං තත්ථ සොමනස්සින්ද්රියඤ්ච න උප්පජ්ජිත්ථ, උපෙක්ඛින්ද්රියඤ්ච න උප්පජ්ජිස්සති.
යස්ස වා පන යත්ථ උපෙක්ඛින්ද්රියං න උප්පජ්ජිස්සති තස්ස තත්ථ සොමනස්සින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං, යස්ස චිත්තස්ස අනන්තරා සොමනස්සසම්පයුත්ත පච්ඡිමචිත්තං උප්පජ්ජිස්සති. තෙසං තත්ථ උපෙක්ඛින්ද්රියං න උප්පජ්ජිස්සති, නො ච තෙසං තත්ථ සොමනස්සින්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ උපෙක්ඛින්ද්රියඤ්ච න උප්පජ්ජිස්සති. සොමනස්සින්ද්රියඤ්ච න උප්පජ්ජිත්ථ.
යස්ස යත්ථ සොමනස්සින්ද්රියං න උප්පජ්ජිත්ථ තස්ස තත්ථ සද්ධින්ද්රියං -පෙ- පඤ්ඤින්ද්රියං -පෙ- මනින්ද්රියං න උප්පජ්ජිස්සතී’ති: සුද්ධාවාසානං දුතියෙ චිත්තෙ වත්තමානෙ තෙසං තත්ථ සොමනස්සින්ද්රියං න උප්පජ්ජිත්ථ, නො ච තෙසං තත්ථ මනින්ද්රියං න උප්පජ්ජිස්සති. අසඤ්ඤසත්තානං තෙසං තත්ථ සොමනස්සින්ද්රියඤ්ච න උප්පජ්ජිත්ථ, මනින්ද්රියඤ්ච න උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ සොමනස්සින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං තෙසං තත්ථ මනින්ද්රියං න උප්පජ්ජිස්සති. නො ච තෙසං තත්ථ සොමනස්සින්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ මනින්ද්රියඤ්ච න උප්පජ්ජිස්සති, සොමනස්සින්ද්රියඤ්ච න උප්පජ්ජිත්ථ.
322. යස්ස යත්ථ උපෙක්ඛින්ද්රියඤ්ච න උප්පජ්ජිත්ථ තස්ස තත්ථ සද්ධින්ද්රියං න උප්පජ්ජිස්සතී’ති: සුද්ධාවාසං{2} උපපජ්ජන්තානං තෙසං තත්ථ උපෙක්ඛින්ද්රියං න උප්පජ්ජිත්ථ, නො ච තෙසං තත්ථ සද්ධින්ද්රියං න උප්පජ්ජිස්සති, අසඤ්ඤසත්තානං තෙසං තත්ථ උපෙක්ඛින්ද්රියඤ්ච න උප්පජ්ජිත්ථ, සද්ධින්ද්රියඤ්ච න උප්පජ්ජිස්සති.
යස්ස වා පන යත්ථ සද්ධින්ද්රියං න උප්පජ්ජිස්සති තස්ස තත්ථ උපෙක්ඛින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං තෙසං තත්ථ සද්ධින්ද්රියං න උප්පජ්ජිස්සති, නො ච තෙසං තත්ථ උපෙක්ඛින්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ සද්ධින්ද්රියඤ්ච න උප්පජ්ජිස්සති, උපෙක්ඛින්ද්රියඤ්ච න උප්පජ්ජිත්ථ.
යස්ස යත්ථ උපෙක්ඛින්ද්රියං න උප්පජ්ජිත්ථ තස්ස තත්ථ පඤ්ඤින්ද්රියං -පෙ- මනින්ද්රියං න උප්පජ්ජිස්සතී’ති: සුද්ධාවාසං උපපජ්ජන්තානං තෙසං තත්ථ උපෙක්ඛින්ද්රියං න උප්පජ්ජිත්ථ, නො ච තෙසං තත්ථ මනින්ද්රියං න උප්පජ්ජිස්සති. අසඤ්ඤසත්තානං තෙසං තත්ථ උපෙක්ඛින්ද්රියඤ්ච න උප්පජ්ජිත්ථ, මනින්ද්රියඤ්ච න උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ උපෙක්ඛින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං තෙසං තත්ථ මනින්ද්රියං න උප්පජ්ජිස්සති. නො ච තෙසං තත්ථ උපෙක්ඛීන්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ මනින්ද්රියඤ්ච න උප්පජ්ජිස්සති. උපෙක්ඛින්ද්රියඤ්ච න උප්පජ්ජිත්ථ.
323. යස්ස යත්ථ සද්ධින්ද්රියං න උප්පජ්ජිත්ථ තස්ස තත්ථ පඤ්ඤින්ද්රියං -පෙ- මනින්ද්රියං න උප්පජ්ජිස්සතී’ති: සුද්ධාවාසං උපපජ්ජන්තානං තෙසං තත්ථ සද්ධින්ද්රියං න උප්පජ්ජිත්ථ, නො ච තෙසං තත්ථ මනින්ද්රියං න උප්පජ්ජිස්සති. අසඤ්ඤසත්තානං තෙසං තත්ථ සද්ධින්ද්රියඤ්ච න උප්පජ්ජිත්ථ, මනින්ද්රියඤ්ච න උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ සද්ධින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං තෙසං තත්ථ මනින්ද්රියං න උප්පජ්ජිස්සති. නො ච තෙසං තත්ථ සද්ධින්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ මනින්ද්රියඤ්ච න උප්පජ්ජිස්සති, සද්ධින්ද්රියඤ්ච න උප්පජ්ජිත්ථ.
324. යස්ස යත්ථ පඤ්ඤින්ද්රියං න උප්පජ්ජිත්ථ තස්ස තත්ථ මනින්ද්රියං න උප්පජ්ජිස්සතී’ති: සුද්ධාවාසං උපපජ්ජන්තානං තෙසං තත්ථ පඤ්ඤින්ද්රියං න උප්පජ්ජිත්ථ, නො ච තෙසං තත්ථ මනින්ද්රියං න උප්පජ්ජිස්සති. අසඤ්ඤසත්තානං තෙසං තත්ථ පඤ්ඤින්ද්රියඤ්ච න උප්පජ්ජිත්ථ. මනින්ද්රියඤ්ච න උප්පජ්ජිස්සති.
යස්ස වා පන යත්ථ මනින්ද්රියං න උප්පජ්ජිස්සති තස්ස තත්ථ පඤ්ඤින්ද්රියං න උප්පජ්ජිත්ථා’ති: පච්ඡිමචිත්තසමඞ්ගීනං තෙසං තත්ථ මනින්ද්රියං න උප්පජ්ජිස්සති, නො ච තෙසං තත්ථ පඤ්ඤින්ද්රියං න උප්පජ්ජිත්ථ. අසඤ්ඤසත්තානං තෙසං තත්ථ මනින්ද්රියඤ්ච න උප්පජ්ජිස්සති. පඤ්ඤින්ද්රියඤ්ච න උප්පජ්ජිත්ථ.
අතීතානාගතවාරො.
පවත්තිවාරො නිට්ඨිතො.
4. පරිඤ්ඤාවාරො
1. යො චක්ඛුන්ද්රියං පරිජානාති සො සොතින්ද්රියං පරිජානාතී’ති: ආමන්තා.
යො වා පන සොතින්ද්රියං පරිජානාති සො චක්ඛුන්ද්රියං පරිජානාතී’ති: ආමන්තා.{1}
යො චක්ඛුන්ද්රියං පරිජානාති සො දොමනස්සින්ද්රියං පජහතී’ති: නො.
යො වා පන දොමනස්සින්ද්රියං පජහති සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
යො වා පන අනඤ්ඤාතඤ්ඤස්සාමීතින්ද්රියං භාවෙති සො චක්ඛුන්ද්රියං පරිජානාතී’ති: නො.
යො චක්ඛුන්ද්රියං පරිජානාති සො අඤ්ඤින්ද්රියං භාවෙතී’ති: ආමන්තා.
යො වා පන අඤ්ඤින්ද්රියං භාවෙති සො චක්ඛුන්ද්රියං පරිජානාතී’ති: ආමන්තා.
යො චක්ඛුන්ද්රියං පරිජානාති සො අඤ්ඤාතාවින්ද්රියං සච්ඡිකරොතී’ති: නො
යො වා පන අඤ්ඤාතාවින්ද්රියං සච්ඡිකරොති සො චක්ඛුන්ද්රියං පරිජානාතී’ති: නො.
2. යො දොමනස්සින්ද්රියං පජහති සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
යො වා පන අනඤ්ඤාතඤ්ඤස්සාමීතින්ද්රියං භාවෙති සො දොමනස්සින්ද්රියං පජහතී’ති: නො.
යො දොමනස්සින්ද්රියං පජහති සො අඤ්ඤින්ද්රියං භාවෙතී’ති: ආමන්තා.
යො වා පන අඤ්ඤින්ද්රියං භාවෙති සො දොමනස්සින්ද්රියං පජහතී’ති: ද්වෙ පුග්ගලා අඤ්ඤින්ද්රියං භාවෙන්ති{2} නො ච දොමනස්සින්ද්රියං පජහන්ති. අනාගාමී මග්ගසමඞ්ගී අඤ්ඤින්ද්රියඤ්ච භාවෙති, දොමනස්සින්ද්රියඤ්ච පජහති.
යො දොමනස්සින්ද්රියං පජහති සො අඤ්ඤාතාවින්ද්රියං සච්ඡිකරොතී’ති: නො.
යො වා පන අඤ්ඤාතාවින්ද්රියං සච්ඡිකරොති සො දොමනස්සින්ද්රියං පජහතී’ති: නො.
3. යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤින්ද්රියං භාවෙතී’ති: නො.
යො වා පන අඤ්ඤින්ද්රියං භාවෙති සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
යො අනඤ්ඤාතඤ්ඤස්සාමීතින්ද්රියං භාවෙති සො අඤ්ඤාතාවින්ද්රියං සච්ඡිකරොතී’ති: නො.
යො වා පන අඤ්ඤාතාවින්ද්රියං සච්ඡිකරොති සො අනඤ්ඤාතඤ්ඤස්සාමීතින්ද්රියං භාවෙතී’ති: නො.
4. යො අඤ්ඤින්ද්රියං භාවෙති සො අඤ්ඤාතාවින්ද්රියං සච්ඡිකරොතී’ති: නො.
යො වා පන අඤ්ඤාතාවින්ද්රියං සච්ඡිකරොති සො අඤ්ඤින්ද්රියං භාවෙතී’ති: නො. (අනුලොමං)
5. යො චක්ඛුන්ද්රියං න පරිජානාති සො දොමනස්සින්ද්රියං න පජහතී’ති: අනාගාමිමග්ගසමඞ්ගී චක්ඛුන්ද්රියං න පරිජානාති. නො ච දොමනස්සින්ද්රියං නප්පජහති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා චක්ඛුන්ද්රියඤ්ච න පරිජානන්ති. දොමනස්සින්ද්රියඤ්ච න පජහන්ති.
යො වා පන දොමනස්සින්ද්රියං නප්පජහති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී දොමනස්සින්ද්රියං න පජහති. නො ච චක්ඛුන්ද්රියං න පරිජානාති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා දොමනස්සින්ද්රියඤ්ච න පජහන්ති. චක්ඛුන්ද්රියඤ්ච න පරිජානන්ති.
යො චක්ඛුන්ද්රියං න පරිජානාති සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො චක්ඛුන්ද්රියං න පරිජානාති, නො ච අනඤ්ඤාතඤ්ඤස්සාමීතින්ද්රියං න භාවෙති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා චක්ඛුන්ද්රියඤ්ච න පරිජානන්ති, අනඤ්ඤාතඤ්ඤස්සාමීතින්ද්රියඤ්ච න භාවෙන්ති.
යො වා පන අනඤ්ඤාතඤ්ඤස්සාමීතින්ද්රියං න භාවෙති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී{1} අනඤ්ඤාතඤ්ඤස්සාමීතින්ද්රියං න භාවෙති. නො ච චක්ඛුන්ද්රියං න පරිජානාති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති, චක්ඛුන්ද්රියඤ්ච න පරිජානන්ති.
යො චක්ඛුන්ද්රියං න පරිජානාති සො අඤ්ඤින්ද්රියං න භාවෙතී’ති: ආමන්තා.
යො වා පන අඤ්ඤින්ද්රියං න භාවෙති සො චක්ඛුන්ද්රියං න පරිජානාතී’ති: ආමන්තා.
යො චක්ඛුන්ද්රියං න පරිජානාති සො අඤ්ඤාතාවින්ද්රියං න සච්ඡිකරොතී’ති: යො අග්ගඵලං සච්ඡිකරොති සො චක්ඛුන්ද්රියං න පරිජානාති. නො ච අඤ්ඤාතාවින්ද්රියං න සච්ඡිකරොති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා චක්ඛුන්ද්රියඤ්ච න පරිජානන්ති. අඤ්ඤාතාවින්ද්රියඤ්ච න සච්ඡිකරොන්ති.
යො වා පන අඤ්ඤාතාවින්ද්රියං න සච්ඡිකරොති සො චක්ඛුන්ද්රියං න පරිජානාතී’ති: අග්ගමග්ගසමඞ්ගී අඤ්ඤාතාවින්ද්රියං න සච්ඡිකරොති නො ච චක්ඛුන්ද්රියං න පරිජානාති. අග්ගමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා අඤ්ඤාතාවින්ද්රියඤ්ච න සච්ඡිකරොන්ති. චක්ඛුන්ද්රියඤ්ච න පරිජානන්ති.
6. යො දොමනස්සින්ද්රියං න පජහති සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො දොමනස්සින්ද්රියං න පජහති නො ච අනඤ්ඤාතඤ්ඤස්සාමීතින්ද්රියං න භාවෙති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා දොමනස්සින්ද්රියඤ්ච න පජහන්ති, අනඤ්ඤාතඤ්ඤාස්සාමීතින්ද්රියඤ්ච න භාවෙන්ති.
යො වා පන අනඤ්ඤාතඤ්ඤස්සාමීතින්ද්රියං න භාවෙති සො දොමනස්සින්ද්රියං න පජහතී’ති: අනාගාමිමග්ගසමඞ්ගී අනඤ්ඤාතඤ්ඤස්සාමීතින්ද්රියං න භාවෙති, නො ච දොමනස්සින්ද්රියං න පජහති. ද්වෙ මග්ගසමඞ්ගිනො ඨපෙත්වා අවසෙසා පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති. දොමනස්සින්ද්රියඤ්ච න පජහන්ති.
යො දොමනස්සින්ද්රියං න පජහති සො අඤ්ඤින්ද්රියං න භාවෙතී’ති: ද්වෙ පුග්ගලා දොමනස්සින්ද්රියං න පජහන්ති. නො ච අඤ්ඤින්ද්රියං න භාවෙන්ති. තයො මග්ගසමඞ්ගිනො ඨපෙත්වා අවසෙසා පුග්ගලා දොමනස්සින්ද්රියඤ්ච න පජහන්ති. අඤ්ඤින්ද්රියඤ්ච න භාවෙන්ති.
යො වා පන අඤ්ඤින්ද්රියං න භාවෙති සො දොමනස්සින්ද්රියං න පජහතී’ති ආමන්තා.
යො දොමනස්සින්ද්රියං න පජහති සො අඤ්ඤාතාවින්ද්රියං න සච්ඡිකරොතී’ති: යො අග්ගඵලං{1} සච්ඡිකරොති සො දොමනස්සින්ද්රියං න පජහති, නො ච අඤ්ඤාතාවින්ද්රියං න සච්ඡිකරොති අනාගාමිමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා දොමනස්සින්ද්රියඤ්ච න පජහන්ති, අඤ්ඤාතාවින්ද්රියඤ්ච න සච්ඡිකරොන්ති.
යො වා පන අඤ්ඤාතාවින්ද්රියං න සච්ඡිකරොති සො දොමනස්සින්ද්රියං න පජහතී’ති: අනාගාමිමග්ගසමඞ්ගී අඤ්ඤාතාවින්ද්රියං න සච්ඡිකරොති, නො ච දොමනස්සින්ද්රියං න පජහති. අනාගාමිමග්ගසමඞ්ගිඤ්ච අරහන්තඤ්ච ඨපෙත්වා අවසෙසා පුග්ගලා අඤ්ඤාතාවින්ද්රියඤ්ච න සච්ඡිකරොන්ති, දොමනස්සින්ද්රියඤ්ච න පජහන්ති.
7. යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤින්ද්රියං න භාවෙතී’ති: තයො මග්ගසමඞ්ගිනො{1} අනඤ්ඤාතඤ්ඤස්සාමීතින්ද්රියං න භාවෙන්ති, නො ච අඤ්ඤින්ද්රියං න භාවෙන්ති. චත්තාරො මග්ගසමඞ්ගිනො ඨපෙත්වා{2} අවසෙසා පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති, අඤ්ඤින්ද්රියඤ්ච න භාවෙන්ති.
යො වා පන අඤ්ඤින්ද්රියං න භාවෙති සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො අඤ්ඤින්ද්රියං න භාවෙති, නො ච අනඤ්ඤාතඤ්ඤස්සාමීතින්ද්රියං න භාවෙති. චත්තාරො මග්ගසමඞ්ගිනො ඨපෙත්වා{2} අවසෙසා පුග්ගලා අඤ්ඤින්ද්රියඤ්ච න භාවෙන්ති. අනඤ්ඤාතඤ්ඤාස්සාමීතින්ද්රියඤ්ච න භාවෙන්ති.
යො අනඤ්ඤාතඤ්ඤස්සාමීතින්ද්රියං න භාවෙති සො අඤ්ඤාතාවින්ද්රියං න සච්ඡිකරොතී’ති. යො අග්ගඵලං සච්ඡිකරොති සො අනඤ්ඤාතඤ්ඤස්සාමීතින්ද්රියං න භාවෙති, නො ච අඤ්ඤාතාවින්ද්රියං න සච්ඡිකරොති. අට්ඨමකඤ්ච අරහන්තඤ්ච ඨපෙත්වා අවසෙසා පුග්ගලා අනඤ්ඤාතඤ්ඤස්සාමීතින්ද්රියඤ්ච න භාවෙන්ති, අඤ්ඤාතාවින්ද්රියඤ්ච න සච්ඡිකරොති.
යො වා පන අඤ්ඤාතාවින්ද්රියං න සච්ඡිකරොති සො අනඤ්ඤාතඤ්ඤස්සාමීතින්ද්රියං න භාවෙතී’ති: අට්ඨමකො අඤ්ඤාතාවින්ද්රියං න සච්ඡිකරොති, නො ච අනඤ්ඤාතඤ්ඤස්සාමීතින්ද්රියං අට්ඨමකඤ්ච අරහන්තඤ්ච ඨපෙත්වා අවසෙසා පුග්ගලා අඤ්ඤාතාවින්ද්රියඤ්ච න සච්ඡිකරොන්ති, අනඤ්ඤාතඤ්ඤස්සාමීතින්ද්රියඤ්ච න භාවෙන්ති.
8. යො අඤ්ඤින්ද්රියං න භාවෙති සො අඤ්ඤාතාවින්ද්රියං න සච්ඡිකරොතී’ති: යො අග්ගඵලං සච්ඡිකරොති සො අඤ්ඤින්ද්රියං න භාවෙති, නො ච අඤ්ඤාතාවින්ද්රියං න සච්ඡිකරොති. තයො මග්ගසමඞ්ගිනො ච අරහන්තඤ්ච ඨපෙත්වා අවසෙසා පුග්ගලා අඤ්ඤින්ද්රියඤ්ච න භාවෙන්ති, අඤ්ඤාතාවින්ද්රියඤ්ච න සච්ඡිකරොන්ති.
යො වා පන අඤ්ඤාතාවින්ද්රියං න සච්ඡිකරොති සො අඤ්ඤින්ද්රියං න භාවෙතී’ති: තයො මග්ගසමඞ්ගිනො අඤ්ඤාතාවින්ද්රියං න සච්ඡිකරොන්ති. නො ච අඤ්ඤින්ද්රියං න භාවෙන්ති. තයො මග්ගසමඞ්ගිනො ච අරහන්තඤ්ච ඨපෙත්වා අවසෙසා පුග්ගලා අඤ්ඤාතාවින්ද්රියඤ්ච න සච්ඡිකරොන්ති. අඤ්ඤින්ද්රියඤ්ච න භාවෙන්ති. (පච්චනීකං).
පච්චුප්පන්නවාරො.
9. යො චක්ඛුන්ද්රියං පරිජානිත්ථ සො දොමනස්සින්ද්රියං පජහිත්ථා’ති: ආමන්තා.
යො වා පන දොමනස්සින්ද්රියං පජහිත්ථ සො චක්ඛුන්ද්රියං පරිජානිත්ථා’ති: ද්වෙ පුග්ගලා දොමනස්සින්ද්රියං පජහිත්ථ, නො ච චක්ඛුන්ද්රියං පරිජානිත්ථ. අරහා දොමනස්සින්ද්රියඤ්ච පජහිත්ථ, චක්ඛුන්ද්රියඤ්ච පරිජානිත්ථ.
යො චක්ඛුන්ද්රියං පරිජානිත්ථ සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං භාවිත්ථ සො චක්ඛුන්ද්රියං පරිජානිත්ථා’ති. ඡ පුග්ගලා අනඤ්ඤාතඤ්ඤස්සාමීතින්ද්රියං භාවිත්ථ, නො ච චක්ඛුන්ද්රියං පරිජානිත්ථ, අරහා අනඤ්ඤාතඤ්ඤස්සාමීතින්ද්රියඤ්ච භාවිත්ථ, චක්ඛුන්ද්රියඤ්ච පරිජානිත්ථ:
යො චක්ඛුන්ද්රියං පරිජානිත්ථ සො අඤ්ඤින්ද්රියං භාවිත්ථා’ති: ආමන්තා.
යො වා පන අඤ්ඤින්ද්රියං භාවිත්ථ සො චක්ඛුන්ද්රියං පරිජානිත්ථා’ති: ආමන්තා.
යො චක්ඛුන්ද්රියං පරිජානිත්ථ සො අඤ්ඤාතාවින්ද්රියං සච්ඡිකරිත්ථා’ති:{1} යො අග්ගඵලං සච්ඡිකරොති, සො චක්ඛුන්ද්රියං පරිජානිත්ථ, නො ච අඤ්ඤාතාවින්ද්රියං සච්ඡිකරිත්ථ යො අග්ගඵලං සච්ඡිකරොති. සො චක්ඛුන්ද්රියඤ්ච පරිජානිත්ථ, අඤ්ඤාතාවින්ද්රියඤ්ච සච්ඡිකරිත්ථ.{2}
යො වා පන අඤ්ඤාතාවින්ද්රියං සච්ඡිකරිත්ථ සො චක්ඛුන්ද්රියං පරිජානිත්ථා’ති: ආමන්තා.
10. යො දොමනස්සින්ද්රියං පජහිත්ථ සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
යො වා පන අනඤ්ඤාතඤ්ඤස්සාමීතින්ද්රියං භාවිත්ථ සො දොමනස්සින්ද්රියං පජහිත්ථා’ති: චත්තාරො පුග්ගලා අනඤ්ඤාතඤ්ඤස්සාමීතින්ද්රියං භාවිත්ථ, නො ච දොමනස්සින්ද්රියං පජහිත්ථ. තයො පුග්ගලා අනඤ්ඤාතඤ්ඤස්සාමීතින්ද්රියඤ්ච භාවිත්ථ, දොමනස්සින්ද්රියඤ්ච පජහිත්ථ.
යො දොමනස්සින්ද්රියං පජහිත්ථ සො අඤ්ඤින්ද්රියං භාවිත්ථා’ති: ද්වෙ පුග්ගලා දොමනස්සින්ද්රියං පජහිත්ථ, නො ච අඤ්ඤින්ද්රියං භාවිත්ථ. අරහා දොමනස්සින්ද්රියඤ්ච පජහිත්ථ, අඤ්ඤින්ද්රියඤ්ච භාවිත්ථ.
යො වා පන අඤ්ඤින්ද්රියං භාවිත්ථ සො දොමනස්සියං පජහිත්ථා’ති: ආමන්තා.
යො දොමනස්සින්ද්රියං පජහිත්ථ සො අඤ්ඤාතාවින්ද්රියං සච්ඡිකරිත්ථා’ති: තයො පුග්ගලා දොමනස්සින්ද්රියං පජහිත්ථ, නො ච අඤ්ඤාතාවින්ද්රියං සච්ඡිකරිත්ථ. අරහා දොමනස්සින්ද්රියඤ්ච පජහිත්ථ, අඤ්ඤාතාවින්ද්රියඤ්ච සච්ඡිකරිත්ථ.
යො වා පන අඤ්ඤාතාවින්ද්රියං සච්ඡිකරිත්ථ සො දොමනස්සින්ද්රියං පජහිත්ථා’ති: ආමන්තා.
11. යො අනඤ්ඤාතඤ්ඤස්සාමීතින්ද්රියං භාවිත්ථ. සො අඤ්ඤින්ද්රියං භාවිත්ථා’ති: ඡ පුග්ගලා අනඤ්ඤාතඤ්ඤස්සාමීතින්ද්රියං භාවිත්ථ, නො ච අඤ්ඤින්ද්රියං භාවිත්ථ. අරහා අනඤ්ඤාතඤ්ඤස්සාමීතින්ද්රියඤ්ච භාවිත්ථ, අඤ්ඤින්ද්රියඤ්ච භාවිත්ථ.
යො වා පන අඤ්ඤින්ද්රියං භාවිත්ථ සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
යො අනඤ්ඤාතඤ්ඤස්සාමීතින්ද්රියං භාවිත්ථ සො අඤ්ඤාතාවින්ද්රියං සච්ඡිකරිත්ථා’ති: සත්ත පුග්ගලා{1} අනඤ්ඤාතඤ්ඤස්සාමීතින්ද්රියං භාවිත්ථ, නො ච අඤ්ඤාතාවින්ද්රියං සච්ඡිකරිත්ථ. අරහා අනඤ්ඤාතඤ්ඤස්සාමීතින්ද්රියඤ්ච භාවිත්ථ, අඤ්ඤාතාවින්ද්රියඤ්ච සච්ඡිකරිත්ථ.
යො වා පන අඤ්ඤාතාවින්ද්රියං සච්ඡිකරිත්ථ සො අනඤ්ඤාතඤ්ඤස්සාමීතින්ද්රියං භාවිත්ථා’ති: ආමන්තා.
12. යො අඤ්ඤින්ද්රියං භාවිත්ථ සො අඤ්ඤාතාවින්ද්රියං සච්ඡිකරිත්ථා’ති: යො අග්ගඵලං සච්ඡිකරොති සො අඤ්ඤින්ද්රියං භාවිත්ථ, නො ච අඤ්ඤාතාවින්ද්රියං සච්ඡිකරිත්ථ යො අග්ගඵලං සච්ඡාකාසි සො අඤ්ඤින්ද්රියඤ්ච භාවිත්ථ, අඤ්ඤාතාවින්ද්රියඤ්ච සච්ඡිකරිත්ථ.
යො වා පන අඤ්ඤාතාවින්ද්රියං සච්ඡිකරිත්ථ සො අඤ්ඤින්ද්රියං භාවිත්ථා’ති: ආමන්තා. (අනුලොමං).
13. යො චක්ඛුන්ද්රියං න පරිජානිත්ථ සො දොමනස්සින්ද්රියං න පජහිත්ථා’ති: ද්වෙ පුග්ගලා චක්ඛුන්ද්රියං න පරිජානිත්ථ, නො ච දොමනස්සින්ද්රියං න පජහිත්ථ, ඡ පුග්ගලා චක්ඛුන්ද්රියඤ්ච න පරිජානිත්ථ, දොමනස්සින්ද්රියඤ්ච න පජහිත්ථ.
යො වා පන දොමනස්සින්ද්රියං න පජහිත්ථ සො චක්ඛුන්ද්රියං න පරිජානිත්ථා’ති: ආමන්තා.
යො චක්ඛුන්ද්රියං න පරිජානිත්ථ සො අනඤ්ඤාතඤ්ඤස්සාමීතින්ද්රියං න භාවිත්ථා’ති: ඡ පුග්ගලා චක්ඛුන්ද්රියං න පරිජානිත්ථ, නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා චක්ඛුන්ද්රියඤ්ච න පරිජානිත්ථ. අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
යො වා පන අනඤ්ඤාතඤ්ඤස්සාමීතින්ද්රියං න භාවිත්ථ සො චක්ඛුන්ද්රියං න පරිජානිත්ථා’ති: ආමන්තා.
යො චක්ඛුන්ද්රියං න පරිජානිත්ථ සො අඤ්ඤින්ද්රියං න භාවිත්ථා’ති: ආමන්තා.
යො වා පන අඤ්ඤින්ද්රියං න භාවිත්ථ සො චක්ඛුන්ද්රියං න පරිජානිත්ථා’ති: ආමන්තා.
යො චක්ඛුන්ද්රියං න පරිජානිත්ථ සො අඤ්ඤාතාවින්ද්රියං න සච්ඡිකරිත්ථා’ති: ආමන්තා.
යො වා පන අඤ්ඤාතාවින්ද්රියං න සච්ඡිකරිත්ථ සො චක්ඛුන්ද්රියං න පරිජානිත්ථා’ති: යො අග්ගඵලං සච්ඡිකරොති සො අඤ්ඤාතාවින්ද්රියං න සච්ඡිකරිත්ථ, නො ච චක්ඛුන්ද්රියං න පරිජානිත්ථ. අට්ඨපුග්ගලා අඤ්ඤාතාවින්ද්රියඤ්ච න සච්ඡිකරිත්ථ, චක්ඛුන්ද්රියඤ්ච න පරිජානිත්ථ.
14. යො දොමනස්සින්ද්රියං න පජහිත්ථ සො අනඤ්ඤාතඤ්ඤස්සාමීතින්ද්රියං න භාවිත්ථා’ති: චත්තාරො පුග්ගලා දොමනස්සින්ද්රියං න පජහිත්ථ, නො ච අනඤ්ඤාතඤ්ඤස්සාමීතින්ද්රියං න භාවිත්ථ. ද්වෙ පුග්ගලා දොමනස්සින්ද්රියඤ්ච නප්පජහිත්ථ, අනඤ්ඤාතඤ්ඤස්සාමීතින්ද්රියඤ්ච න භාවිත්ථ.
යො වා පන අනඤ්ඤාතඤ්ඤස්සාමීතින්ද්රියං න භාවිත්ථ සො දොමනස්සින්ද්රියං නප්පජහිත්ථා’ති: ආමන්තා.
යො දොමනස්සින්ද්රියං න පජහිත්ථ සො අඤ්ඤින්ද්රියං න භාවිත්ථා’ති: ආමන්තා.
යො වා පන අඤ්ඤින්ද්රියං න භාවිත්ථ සො දොමනස්සින්ද්රියං නප්පජහිත්ථා’ති: ද්වෙ පුග්ගලා අඤ්ඤින්ද්රියං න භාවිත්ථ, නො ච දොමනස්සින්ද්රියං නප්පජහිත්ථ, ඡ පුග්ගලා අඤ්ඤින්ද්රියඤ්ච න භාවිත්ථ, දොමනස්සින්ද්රියඤ්ච න පජහිත්ථ.
යො දොමනස්සින්ද්රියං න පජහිත්ථ සො අඤ්ඤාතාවින්ද්රියං න සච්ඡිකරිත්ථා’ති: ආමන්තා.
යො වා පන අඤ්ඤාතාවින්ද්රියං න සච්ඡිකරිත්ථ සො දොමනස්සින්ද්රියං න පජහිත්ථා’ති: තයො පුග්ගලා අඤ්ඤාතාවින්ද්රියං න සච්ඡිකරිත්ථ, නො ච දොමනස්සින්ද්රියං න පජහිත්ථ. ඡ පුග්ගලා අඤ්ඤාතාවින්ද්රියඤ්ච න සච්ඡිකරිත්ථ, දොමනස්සින්ද්රියඤ්ච න පජහිත්ථ.