යං වා න චිත්තං උප්පජ්ජිත්ථ තං චිත්තං උප්පජ්ජිතීති: නො.
50. යං චිත්තං න උප්පජ්ජති තං චිත්තං න උප්පජ්ජිත්ථාති: අතීතං චිත්තං න උප්පජ්ජති, නො ච තං චිත්තං න උප්පජ්ජිත්ථ, භඞ්ගක්ඛණෙ අනාගතං චිත්තං න චෙව උප්පජ්ජති, න ච උප්පජ්ජිත්ථ.
යං වා පන චිත්තං න උප්පජ්ජිත්ථ තං චිත්තං න උප්පජ්ජිතීති: උප්පාදක්ඛණෙ චිත්තං න උප්පජ්ජිත්ථ, නො ච තං චිත්තං න උප්පජ්ජති. භඞ්ගක්ඛණෙ අනාගතං ච චිත්තං න චෙව උප්පජ්ජිත්ථ, න ච උප්පජ්ජති.
51. යං චිත්තං උප්පජ්ජති තං චිත්තං උප්පජ්ජිස්සතීති: නො.
යං වා පන චිත්තං උප්පජ්ජිස්සති තං චිත්තං උප්පජ්ජතීති: නො.
52. යං චිත්තං න උප්පජ්ජති තං චිත්තං න උප්පජ්ජිස්සතීති: අනාගතං චිත්තං න උප්පජ්ජති, නො ච තං චිත්තං න උප්පජ්ජිස්සති, භඞ්ගක්ඛණෙ අතීතං ච චිත්තං න චෙව උප්පජ්ජති, න ච උප්පජ්ජිස්සති.
යං වා පන චිත්තං න උප්පජ්ජිස්සති තං චිත්තං න උප්පජ්ජතීති: උප්පාදක්ඛණෙ චිත්තං න උප්පජ්ජිස්සති, නො ච තං චිත්තං න උප්පජ්ජති, භඞ්ගක්ඛණෙ අතීතං ච චිත්තං න චෙව උප්පජ්ජිස්සති, න ච උප්පජ්ජති.
53. යං චිත්තං උප්පජ්ජිත්ථ තං චිත්තං උප්පජ්ජිස්සතීති: නො.
යං වා පන චිත්තං උප්පජ්ජිස්සති තං චිත්තං උප්පජ්ජිත්ථාති: නො.
54. යං චිත්තං න උප්පජ්ජිත්ථ තං චිත්තං න උප්පජ්ජිස්සතීති: අනාගතං චිත්තං න උප්පජ්ජිත්ථ, නො ච තං චිත්තං න උප්පජ්ජිස්සති. පච්චුප්පන්නං චිත්තං න චෙව උප්පජ්ජිත්ථ, න ච උප්පජ්ජිස්සති.
යං වා පන චිත්තං න උප්පජ්ජිස්සති තං චිත්තං නං උප්පජ්ජිත්ථාති: අතීතං චිත්තං න උප්පජ්ජිස්සති, නො ච තං චිත්තං න උප්පජ්ජිත්ථ, පච්චුප්පන්නං චිත්තං න චෙව උප්පජ්ජිස්සති, න ච උප්පජ්ජිත්ථ.
උප්පාදවාරො.
55. යං චිත්තං නිරුජ්ඣති තං චිත්තං නිරුජ්ඣිත්ථාති: නො.
යං වා පන චිත්තං නිරුජ්ඣිත්ථ තං චිත්තං නිරුජ්ඣතීති: නො.
56. යං චිත්තං න නිරුජ්ඣති තං චිත්තං න නිරුජ්ඣිත්ථාති: අතීතං චිත්තං න නිරුජ්ඣති නො ච තං චිත්තං න නිරුජ්ඣිත්ථ, උප්පාදක්ඛණෙ අනාගතං ච චිත්තං න චෙව නිරුජ්ඣති, න ච නිරුජ්ඣිත්ථ.
යං වා පන චිත්තං න නිරුජ්ඣිත්ථ තං චිත්තං න නිරුජ්ඣතීති: භඞ්ගක්ඛණෙ චිත්තං න නිරුජ්ඣිත්ථ, නො ච තං චිත්තං න නිරුජ්ඣති, උප්පාදක්ඛණෙ අනාගතං ච චිත්තං න චෙව නිරුජ්ඣිත්ථ, න ච නිරුජ්ඣති.
57. යං චිත්තං නිරුජ්ඣති තං චිත්තං නිරුජ්ඣිස්සතීති: නො.
යං වා පන චිත්තං නිරුජ්ඣිස්සති තං චිත්තං නිරුජ්ඣතීති: නො.
58. යං චිත්තං න නිරුජ්ඣති තං චිත්තං න නිරුජ්ඣිස්සතීති: උප්පාදක්ඛණෙ අනාගතං ච චිත්තං න නිරුජ්ඣති, නො ච තං චිත්තං න නිරුජ්ඣිස්සති, අතීතං චිත්තං න චෙව නිරුජ්ඣති, න ච නිරුජ්ඣිස්සති.
යං වා පන චිත්තං න නිරුජ්ඣිස්සති තං චිත්තං න නිරුජ්ඣතීති: භඞ්ගක්ඛණෙ චිත්තං න නිරුජ්ඣිස්සති, නො ච තං චිත්තං න නිරුජ්ඣති, අතීතං චිත්තං න චෙව නිරුජ්ඣිස්සති, න ච නිරුජ්ඣති.
59. යං චිත්තං නිරුජ්ඣිත්ථ තං චිත්තං නිරුජ්ඣිස්සතීති: නො
යං වා පන චිත්තං නිරුජ්ඣිස්සති තං චිත්තං නිරුජ්ඣිත්ථාති: නො.
60. යං චිත්තං න නිරුජ්ඣිත්ථ තං චිත්තං න නිරුජ්ඣිස්සතීති: උප්පාදක්ඛණෙ අනාගතං ච චිත්තං න නිරුජ්ඣිත්ථ, නො ච තං චිත්තං න නිරුජ්ඣිස්සති, භඞ්ගක්ඛණෙ චිත්තං න චෙ ව නිරුජ්ඣිත්ථ, න ච නිරුජ්ඣිස්සති.
යං වා පන චිත්තං න නිරුජ්ඣිස්සති තං චිත්තං න නිරුජ්ඣිත්ථාති: අතීතං චිත්තං න නිරුජ්ඣිස්සති, නො ච තං චිත්තං න නිරුජ්ඣිත්ථ, භඞ්ගක්ඛණෙ චිත්තං න චෙව නිරුජ්ඣිස්සති, න ච නිරුජ්ඣිත්ථ.
නිරොධවාරො.
61. යං චිත්තං උප්පජ්ජති තං චිත්තං නිරුජ්ඣිත්ථාති: නො.
යං වා පන චිත්තං නිරුජ්ඣිත්ථ තං චිත්තං උප්පජ්ජතීති: නො.
62. යං චිත්තං න උප්පජ්ජති තං චිත්තං න නිරුජ්ඣිත්ථාති: අතීතං චිත්තං න උප්පජ්ජති, නො ච තං චිත්තං න නිරුජ්ඣිත්ථ, භඞ්ගක්ඛණෙ අනාගතං ච චිත්තං න චෙව උප්පජ්ජති, න ච නිරුජ්ඣිත්ථ.
යං වා පන චිත්තං න නිරුජ්ඣිත්ථ තං චිත්තං න උප්පජ්ජතීති: උප්පාදක්ඛණෙ චිත්තං න නිරුජ්ඣිත්ථ, නො ච තං චිත්තං න උප්පජ්ජති. භඞ්ගක්ඛණෙ අනාගතං ච චිත්තං න චෙව නිරුජ්ඣිත්ථ, න ච උප්පජ්ජති.
63. යං චිත්තං උප්පජ්ජති තං චිත්තං නිරුජ්ඣිස්සතීති: ආමන්තා.
යං වා පන චිත්තං නිරුජ්ඣිස්සති තං චිත්තං උප්පජ්ජතීති: අනාගතං චිත්තං නිරුජ්ඣිස්සති, නො ච තං චිත්තං උප්පජ්ජති, උප්පාදක්ඛණෙ චිත්තං නිරුජ්ඣිස්සති චෙ ව උප්පජ්ජති ච.
64. යං චිත්තං න උප්පජ්ජති තං චිත්තං න නිරුජ්ඣිස්සතීති: අනාගතං චිත්තං න උප්පජ්ජති, නො ච තං චිත්තං න නිරුජ්ඣිස්සති, භඞ්ගක්ඛණෙ අතීතං ච චිත්තං න චෙව උප්පජ්ජති, න ච නිරුජ්ඣිස්සති.
යං වා පන චිත්තං න නිරුජ්ඣිස්සති තං චිත්තං න උප්පජ්ජතීති: ආමන්තා.
65. යං චිත්තං උප්පජ්ජිත්ථ තං චිත්තං නිරුජ්ඣිස්සතීති: නො.
යං වා පන චිත්තං නිරුජ්ඣිස්සති තං චිත්තං උප්පජ්ජිත්ථාති: නො.
66. යං චිත්තං න උප්පජ්ජිත්ථ තං චිත්තං න නිරුජ්ඣිස්සතීති: උප්පාදක්ඛණෙ අනාගතං ච චිත්තං න උප්පජ්ජිත්ථ, නො ච තං චිත්තං න නිරුජ්ඣිස්සති, භඞ්ගක්ඛණෙ චිත්තං න චෙව උප්පජ්ජිත්ථ, න ච නිරුජ්ඣිස්සති.
යං වා පන චිත්තං න නිරුජ්ඣිස්සති තං චිත්තං න උප්පජ්ජිත්ථාති: අතීතං චිත්තං න නිරුජ්ඣිස්සති, නො ච තං චිත්තං න උප්පජ්ජිත්ථ, භඞ්ගක්ඛණෙ චිත්තං න චෙව නිරුජ්ඣිස්සති, න ච උප්පජ්ජිත්ථ.
උප්පාදනිරොධවාරො.
67. යං චිත්තං උප්පජ්ජති තං චිත්තං න නිරුජ්ඣතීති: ආමන්තා.
යං වා පන චිත්තං න නිරුජ්ඣති තං චිත්තං උප්පජ්ජතීති, අතීතානාගතං චිත්තං න නිරුජ්ඣති, නො ච තං චිත්තං උප්පජ්ජති: උප්පාදක්ඛණෙ චිත්තං න නිරුජ්ඣති චෙව උප්පජ්ජති ච.
68. යං චිත්තං න උප්පජ්ජති තං චිත්තං නිරුජ්ඣතීති: අතීතානාගතං චිත්තං න උප්පජ්ජති, නො ච තං චිත්තං නිරුජ්ඣති, භඞ්ගක්ඛණෙ චිත්තං න උප්පජ්ජති චෙව නිරුජ්ඣති ච.
යං වා පන චිත්තං නිරුජ්ඣති තං චිත්තං න උප්පජ්ජතීති: ආමන්තා.
උප්පජ්ජමාන න නිරොධවාරො.
69. යං චිත්තං උප්පජ්ජමානං තං චිත්තං උප්පන්නන්ති: ආමන්තා.
යං වා පන චිත්තං උප්පන්නං තං චිත්තං උප්පජ්ජමානන්ති භඞ්ගක්ඛණෙ චිත්තං උප්පන්නං, නො ච තං චිත්තං උප්පජ්ජමානං, උප්පාදක්ඛණෙ චිත්තං උප්පන්නං චෙව උප්පජ්ජමානඤ්ච.
70. යං චිත්තං න උප්පජ්ජමානං තං චිත්තං න උප්පන්නන්ති: භඞ්ගක්ඛණෙ චිත්තං න උප්පජ්ජමානං, නො ච තං චිත්තං න උප්පන්නං, අතීතානාගතං චිත්තං න චෙව උප්පජ්ජමානං න ච උප්පන්නං.
යං වා පන චිත්තං න උප්පන්නං තං චිත්තං න උප්පජ්ජමානන්ති: ආමන්තා.
උප්පජ්ජමානුප්පන්නවාරො.
71. යං චිත්තං නිරුජ්ඣමානං තං චිත්තං උප්පන්නන්ති: ආමන්තා.
යං වා පන චිත්තං උප්පන්නං තං චිත්තං නිරුජ්ඣමානන්ති: උප්පාදක්ඛණෙ චිත්තං උප්පන්නං, නො ච තං චිත්තං නිරුජ්ඣමානං, භඞ්ගක්ඛණෙ චිත්තං උප්පන්නඤ්චෙව නිරුජ්ඣමානඤ්ච.
72. යං චිත්තං න නිරුජ්ඣමානං තං චිත්තං න උප්පන්නන්ති: උප්පාදක්ඛණෙ චිත්තං න නිරුජ්ඣමානං, නො ච තං චිත්තං න උප්පන්නං, අතීතානාගතං චිත්තං න චෙව නිරුජ්ඣමානං න ච උප්පන්නං.
යං වා පන චිත්තං න උප්පන්නං තං චිත්තං න නිරුජ්ඣමානන්ති: ආමන්තා.
නිරුජ්ඣමානුප්පන්නවාරො.
73. යං චිත්තං උප්පන්නං තං චිත්තං උප්පජ්ජිත්ථාති: නො.
යං වා පන චිත්තං උප්පජ්ජිත්ථ තං චිත්තං උප්පන්නන්ති: නො.
74. යං චිත්තං න උප්පන්නං තං චිත්තං න උප්පජ්ජිත්ථාති: අතීතං චිත්තං න උප්පන්නං, නො ච තං චිත්තං න උප්පජ්ජිත්ථ, අනාගතං චිත්තං න චෙව උප්පන්නං, න ච උප්පජ්ජිත්ථ.
යං වා පන චිත්තං න උප්පජ්ජිත්ථ තං චිත්තං න උප්පන්නන්ති: පච්චුප්පන්නං චිත්තං න උප්පජ්ජිත්ථ, නො ච තං චිත්තං න උප්පන්නං අනාගතං චිත්තං න චෙව උප්පජ්ජිත්ථ, න ච උප්පන්නං.
75. යං චිත්තං උප්පන්නං තං චිත්තං උප්පජ්ජිස්සතීති: නො.
යං වා පන චිත්තං උප්පජ්ජිස්සති තං චිත්තං උප්පන්නන්ති: නො.
76. යං චිත්තං න උප්පන්නං තං චිත්තං න උප්පජ්ජිස්සතීති: අනාගතං චිත්තං න උප්පන්නං, නො ච තං චිත්තං න උප්පජ්ජිස්සති, අතීතං චිත්තං න චෙව උප්පන්නං, න ච උප්පජ්ජිස්සති.
යං වා පන චිත්තං න උප්පජ්ජිස්සති තං චිත්තං න උප්පන්නන්ති: පච්චුප්පන්නං චිත්තං න උප්පජ්ජිස්සති, නො ච තං චිත්තං න උප්පන්නං අතීතං චිත්තං න චෙව උප්පජ්ජිස්සති, න ච උප්පන්නං.
උප්පන්නුප්පාදවාරො.
77. යං චිත්තං උප්පජ්ජිත්ථ නො ච තං චිත්තං උප්පන්නං තං චිත්තං උප්පජ්ජිස්සතීති: නො.
යං වා පන චිත්තං උප්පජ්ජිස්සති නො ච තං චිත්තං උප්පන්නං තං චිත්තං උප්පජ්ජිත්ථාති: නො.
78. යං චිත්තං න උප්පජ්ජිත්ථ නො ච තං චිත්තං න උප්පන්නං තං චිත්තං න උප්පජ්ජිස්සතීති: ආමන්තා.
යං වා පන චිත්තං න උප්පජ්ජිස්සති නො ච තං චිත්තං න උප්පන්නං තං චිත්තං න උප්පජ්ජිත්ථාති: ආමන්තා.
අතීතානාගතවාරො.
79. උප්පන්නං උප්පජ්ජමානන්ති: භඞ්ගක්ඛණෙ උප්පන්නං නො ච උප්පජ්ජමානං, උප්පාදක්ඛණෙ උප්පන්නං චෙව උප්පජ්ජමානඤ්ච, උප්පජ්ජමානං උප්පන්නන්ති: ආමන්තා.
80. න උප්පන්නං න උප්පජ්ජමානන්ති: ආමන්තා. න උප්පජ්ජමානං න උප්පන්නන්ති: භඞ්ගක්ඛණෙ න උප්පජ්ජමානං, නො ච න උප්පන්නං, අතීතානාගතං චිත්තං න චෙව උප්පජ්ජමානං න ච උප්පන්නං.
උප්පන්නුප්පජ්ජමානවාරො.
81. නිරුද්ධං නිරුජ්ඣමානන්ති: නො. නිරුජ්ඣමානං නිරුද්ධන්ති: නො.
82. න නිරුද්ධං න නිරුජ්ඣමානන්ති: භඞ්ගක්ඛණෙ න නිරුද්ධං, නො ච න නිරුජ්ඣමානං, උප්පාදක්ඛණෙ අනාගතං ච චිත්තං න චෙව නිරුද්ධං න ච නිරුජ්ඣමානං, න නිරුජ්ඣමානං න නිරුද්ධන්ති: අතීතං චිත්තං න නිරුජ්ඣමානං. නො ච න නිරුද්ධං, උප්පාදක්ඛණෙ අනාගතං ච චිත්තං න චෙව නිරුජ්ඣමානං න ච නිරුද්ධං.
නිරුද්ධනිරුජ්ඣමානවාරො.
83. යං චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං, නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තන්ති: භඞ්ගක්ඛණෙ චිත්තං උප්පාදක්ඛණං වීතික්කන්තං භඞ්ගක්ඛණං අතික්කන්තං, අතීතං චිත්තං උප්පාදක්ඛණං ච වීතික්කන්තං භඞ්ගක්ඛණං ච වීතික්කන්තං.
යං වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං, උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තන්ති: අතීතං චිත්තං.
84. යං චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං, න නිරුජ්ඣමානං ඛණං ඛණං වීතික්කන්තං අතික්කන්තකාලං තං චිත්තන්ති: උප්පාදක්ඛණෙ අනාගතං චිත්තං.
යං වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං, න උප්පජ්ජමානං ඛණං ඛණං වීතික්කන්තං අතික්කන්තකාලං තං චිත්තන්ති: භඞ්ගක්ඛණෙ චිත්තං භඞ්ගක්ඛණං අවීතික්කන්තං, නො ච උප්පාදක්ඛණං අවීතික්කන්තං, උප්පාදක්ඛණෙ අනාගතං ච චිත්තං, භඞ්ගක්ඛණං ච අවීතික්කන්තං උප්පාදක්ඛණං ච අවීතික්කන්තං.
අතික්කන්තකාලවාරො.
පුග්ගලධම්මවාරො
85. යස්ස යං චිත්තං උප්පජ්ජති න නිරුජ්ඣති තස්ස තං චිත්තං නිරුජ්ඣිස්සති න උප්පජ්ජිස්සතීති: ආමන්තා.
යස්ස වා පන යං චිත්තං නිරුජ්ඣිස්සති න උප්පජ්ජිස්සති තස්ස තං චිත්තං උප්පජ්ජති න නිරුජ්ඣතීති: ආමන්තා.
86. යස්ස යං චිත්තං න උප්පජ්ජති න නිරුජ්ඣති තස්ස තං චිත්තං න නිරුජ්ඣිස්සති උප්පජ්ජිස්සතීති: නො.
යස්ස වා පන යං චිත්තං න නිරුජ්ඣිස්සති උප්පජ්ජිස්සති තස්ස තං චිත්තං න උප්පජ්ජති නිරුජ්ඣතීති: නත්ථි.
උප්පාදනිරොධකාලසම්භෙදවාරො.
87. යස්ස යං චිත්තං උප්පජ්ජති තස්ස තං චිත්තං උප්පන්නන්ති: ආමන්තා.
යස්ස වා පන යං චිත්තං උප්පන්නං තස්ස තං චිත්තං උප්පජ්ජතීති: භඞ්ගක්ඛණෙ චිත්තං උප්පන්නං, නො ච තස්ස තං චිත්තං උප්පජ්ජති, උප්පාදක්ඛණෙ චිත්තං උප්පන්නං චෙව උප්පජ්ජති ච.
88. යස්ස යං චිත්තං න උප්පජ්ජති තස්ස තං චිත්තං න උප්පන්නන්ති: භඞ්ගක්ඛණෙ චිත්තං න උප්පජ්ජති, නො ච තස්ස තං චිත්තං න උප්පන්නං. අතීතානාගතං චිත්තං න චෙව උප්පජ්ජති, න ච උප්පන්නං.
යස්ස වා පන යං චිත්තං න උප්පන්නං තස්ස තං චිත්තං න උප්පජ්ජතීති: ආමන්තා.
උප්පාදුප්පන්නවාරො.
89. යස්ස යං චිත්තං නිරුජ්ඣති තස්ස තං චිත්තං උප්පන්නන්ති: ආමන්තා.
යස්ස වා පන යං චිත්තං උප්පන්නං තස්ස තං චිත්තං නිරුජ්ඣතීති: උප්පාදක්ඛණෙ චිත්තං උප්පන්නං, නො ච තස්ස තං චිත්තං නිරුජ්ඣති, භඞ්ගක්ඛණෙ චිත්තං උප්පන්නං චෙව නිරුජ්ඣති ච
90. යස්ස යං චිත්තං න නිරුජ්ඣති තස්ස තං චිත්තං න උප්පන්නන්ති: උප්පාදක්ඛණෙ චිත්තං න නිරුජ්ඣති, නො ච තස්ස තං චිත්තං න උප්පන්නං, අතීතානාගතං චිත්තං න චෙව නිරුජ්ඣති. න ච උප්පන්නං.
යස්ස වා පන යං චිත්තං න උප්පන්නං තස්ස තං චිත්තං න නිරුජ්ඣතීති: ආමන්තා.
නිරොධුප්පන්නවාරො.
91. යස්ස යං චිත්තං උප්පජ්ජති තස්ස තං චිත්තං උප්පජ්ජිත්ථාති: නො.
යස්ස වා පන යං චිත්තං උප්පජ්ජිත්ථ තස්ස තං චිත්තං උප්පජ්ජතීති: නො.
92. යස්ස යං චිත්තං න උප්පජ්ජති තස්ස තං චිත්තං න උප්පජ්ජිත්ථාති: අතීතං චිත්තං න උප්පජ්ජති, නො ච තස්ස තං චිත්තං න උප්පජ්ජිත්ථ, භඞ්ගක්ඛණෙ අනාගතං ච චිත්තං න චෙව උප්පජ්ජති, න ච උප්පජ්ජිත්ථ.
යස්ස වා පන යං චිත්තං න උප්පජ්ජිත්ථ තස්ස තං චිත්තං න උප්පජ්ජතීති: උප්පාදක්ඛණෙ චිත්තං න උප්පජ්ජිත්ථ, නො ච තස්ස තං චිත්තං න උප්පජ්ජති, භඞ්ගක්ඛණෙ අනාගතං ච චිත්තං න චෙව උප්පජ්ජිත්ථ, න ච උප්පජ්ජති.
93. යස්ස යං චිත්තං උප්පජ්ජති තස්ස තං චිත්තං උප්පජ්ජිස්සතීති: නො.
යස්ස වා පන යං චිත්තං උප්පජ්ජිස්සති තස්ස තං චිත්තං උප්පජ්ජතීති: නො.