7. යස්ස චිත්තං උප්පජ්ජති තස්ස චිත්තං උප්පජ්ජිත්ථාති: ආමන්තා.
යස්ස වා පන චිත්තං උප්පජ්ජිත්ථ තස්ස චිත්තං උප්පජ්ජතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිත්ථ, නො ච තෙසං චිත්තං උපපජ්ජති, චිත්තස්ස උප්පාදක්ඛණෙ තෙසං චිත්තං උප්පජ්ජිත්ථ චෙව උප්පජ්ජති ච.
8. යස්ස චිත්තං න උප්පජ්ජති තස්ස චිත්තං න උප්පජ්ජිත්ථාති: උප්පජ්ජිත්ථ.
යස්ස වා පන චිත්තං න උප්පජ්ජිත්ථ තස්ස චිත්තං න උප්පජ්ජිතීති: නත්ථි.
9. යස්ස චිත්තං උප්පජ්ජති තස්ස චිත්තං උප්පජ්ජිස්සතීති: පච්ඡිමචිත්තස්ස උප්පාදක්ඛණෙ තෙසං චිත්තං උප්පජ්ජති, නො ච තෙසං චිත්තං උප්පජ්ජිස්සති, ඉතරෙසං චිත්තස්ස උප්පාදක්ඛණෙ තෙසං චිත්තං උප්පජ්ජති චෙව උප්පජ්ජිස්සති ච.
යස්ස වා පන චිත්තං උප්පජ්ජිස්සති තස්ස චිත්තං උප්පජ්ජතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිස්සති, නො ච තෙසං චිත්තං උප්පජ්ජති, චිත්තස්ස උප්පාදක්ඛණෙ තෙසං චිත්තං උප්පජ්ජිස්සති චෙව උප්පජ්ජති ච.
10. යස්ස චිත්තං න උප්පජ්ජති තස්ස චිත්තං න උප්පජ්ජිස්සතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං න උප්පජ්ජිස්සති, පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජති න ච උප්පජ්ජිස්සති.
යස්ස වා පන චිත්තං න උප්පජ්ජිස්සති තස්ස චිත්තං න උප්පජ්ජතීති: පච්ඡිමචිත්තස්ස උප්පාදක්ඛණෙ තෙසං චිත්තං න උප්පජ්ජිස්සති, නො ච තෙසං චිත්තං න උප්පජ්ජති, පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජිස්සති න ච උප්පජ්ජති.
11. යස්ස චිත්තං උප්පජ්ජති තස්ස චිත්තං උප්පජ්ජිස්සතීති: පච්ඡිමචිත්තසමඞ්ගීනං තෙසං චිත්තං උප්පජ්ජති, නො ච තෙසං චිත්තං උප්පජ්ජිස්සති, ඉතරෙසං තෙසං චිත්තං උප්පජ්ජිත්ථ චෙව උප්පජ්ජිස්සති ච.
යස්ස වා පන චිත්තං උප්පජ්ජිස්සති තස්ස චිත්තං උප්පජ්ජිත්ථාති: ආමන්තා.
12. යස්ස චිත්තං න උප්පජ්ජිත්ථ තස්ස චිත්තං න උප්පජ්ජිස්සතීති: නත්ථි.
යස්ස වා පන චිත්තං න උප්පජ්ජිස්සති තස්ස චිත්තං න උප්පජ්ජිත්ථාති: උප්පජ්ජිත්ථ.
උප්පාදවාරො.
13. යස්ස චිත්තං නිරුජ්ඣති තස්ස චිත්තං නිරුජ්ඣිත්ථාති: ආමන්තා.
යස්ස වා පන චිත්තං නිරුජ්ඣිත්ථ තස්ස චිත්තං නිරුජ්ඣතීති: චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තං නිරුජ්ඣිත්ථ, නො ච තෙසං චිත්තං නිරුජ්ඣති, චිත්තස්ස භඞ්ගක්ඛණෙ තෙසං චිත්තං නිරුජ්ඣිත්ථ චෙව නිරුජ්ඣති ච.
14. යස්ස චිත්තං න නිරුජ්ඣති තස්ස චිත්තං න නිරුජ්ඣිත්ථාති: නිරුජ්ඣිත්ථ.
යස්ස වා පන චිත්තං න නිරුජ්ඣිත්ථ තස්ස චිත්තං න නිරුජ්ඣතීති: නත්ථි.
15. යස්ස චිත්තං නිරුජ්ඣති තස්ස චිත්තං නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං චිත්තං නිරුජ්ඣති, නො ච තෙසං චිත්තං නිරුජ්ඣිස්සති, ඉතරෙසං චිත්තස්ස භඞ්ගක්ඛණෙ තෙසං චිත්තං නිරුජ්ඣති, චෙව නිරුජ්ඣිස්සති ච.
යස්ස වා පන චිත්තං නිරුජ්ඣිස්සති, තස්ස චිත්තං නිරුජ්ඣතීති, චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තං නිරුජ්ඣිස්සති, නො ච තෙසං චිත්තං නිරුජ්ඣති. චිත්තස්ස භඞ්ගක්ඛණෙ තෙසං චිත්තං නිරුජ්ඣිස්සති චෙව නිරුජ්ඣති ච.
16. යස්ස චිත්තං න නිරුජ්ඣති තස්ස චිත්ත න නිරුජ්ඣිස්සතීති: නිරුජ්ඣිස්සති.
යස්ස වා පන චිත්තං න නිරුජ්ඣිස්සති තස්ස චිත්තං න නිරුජ්ඣතීති: නිරුජ්ඣති.
17. යස්ස චිත්තං නිරුජ්ඣිත්ථ තස්ස චිත්තං නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං චිත්තං නිරුජ්ඣිත්ථ, නො ච තෙසං චිත්තං නිරුජ්ඣිස්සති, ඉතරෙසං තෙසං චිත්තං නිරුජ්ඣිත්ථ චෙව නිරුජ්ඣිස්සති ච.
යස්ස වා පන චිත්තං නිරුජ්ඣිස්සති, තස්ස චිත්තං නිරුජ්ඣිත්ථාති: ආමන්තා.
18. යස්ස චිත්තං න නිරුජ්ඣිත්ථ තස්ස චිත්තං න නිරුජ්ඣිස්සතීති: නත්ථි.
යස්ස වා පන චිත්තං න නිරුජ්ඣිස්සති තස්ස චිත්තං න නිරුජ්ඣිත්ථාති: නිරුජ්ඣිත්ථ.
නිරොධවාරො.
19. යස්ස චිත්තං උප්පජ්ජති තස්ස චිත්තං නිරුජ්ඣිත්ථාති: ආමන්තා.
යස්ස වා පන චිත්තං නිරුජ්ඣිත්ථ තස්ස චිත්තං උප්පජ්ජතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං නිරුජ්ඣිත්ථ, නො ච තෙසං චිත්තං උප්පජ්ජති, චිත්තස්ස උප්පාදක්ඛණෙ තෙසං චිත්තං නිරුජ්ඣිත්ථ චෙව උප්පජ්ජති ච.
20. යස්ස චිත්තං න උප්පජ්ජති තස්ස චිත්තං න නිරුජ්ඣිත්ථාති: නිරුජ්ඣිත්ථ.
යස්ස වා පන චිත්තං න නිරුජ්ඣිත්ථ තස්ස චිත්තං න උප්පජ්ජතීති: නත්ථි.
21. යස්ස චිත්තං උප්පජ්ජති තස්ස චිත්තං නිරුජ්ඣිස්සතීති: ආමන්තා.
යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤත්තසානං තෙසං චිත්තං නිරුජ්ඣිස්සති, නො ච තෙසං චිත්තං උප්පජ්ජති, චිත්තස්ස උප්පාදක්ඛණෙ තෙසං චිත්තං නිරුජ්ඣිස්සති චෙව උප්පජ්ජති ච.
22. යස්ස චිත්තං න උප්පජ්ජති තස්ස චිත්තං න නිරුජ්ඣිස්සතීති: චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං න නිරුජ්ඣිස්සති, පච්ඡිමචිත්තස්ස භඞ්ගක්ඛණෙ තෙසං චිත්තං න චෙව උප්පජ්ජති, න ච නිරුජ්ඣිස්සති.
යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජතීති: ආමන්තා.
23. යස්ස චිත්තං උප්පජ්ජිත්ථ තස්ස චිත්තං නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං චිත්තං උප්පජ්ජිත්ථ, නො ච තෙසං චිත්තං නිරුජ්ඣිස්සති. ඉතරෙසං තෙසං චිත්තං උප්පජ්ජිත්ථ චෙව, නිරුජ්ඣිස්සති ච.
යස්ස වා පන චිත්තං නිරුජ්ඣිස්සති තස්ස චිත්තං උප්පජ්ජිත්ථාති: ආමන්තා.
24. යස්ස චිත්තං න උප්පජ්ජිත්ථ තස්ස චිත්තං න නිරුජ්ඣිස්සතීති: නත්ථි.
යස්ස වා පන චිත්තං න නිරුජ්ඣිස්සති තස්ස චිත්තං න උප්පජ්ජිත්ථාති: උප්පජ්ජිත්ථ.
උප්පාදනිරොධවාරො.
25. යස්ස චිත්තං උප්පජ්ජති තස්ස චිත්තං න නිරුජ්ඣතීති: ආමන්තා.
යස්ස වා පන චිත්තං න නිරුජ්ඣති තස්ස චිත්තං උප්පජ්ජතීති: නිරොධසමාපන්නානං අසඤ්ඤසත්තානං තෙසං චිත්තං න නිරුජ්ඣති, නො ච තෙසං චිත්තං උප්පජ්ජති, චිත්තස්ස උප්පාදක්ඛණෙ තෙසං චිත්තං න නිරුජ්ඣති චෙව උප්පජ්ජති ච.
26. යස්ස චිත්තං න උප්පජ්ජති තස්ස චිත්තං නිරුජ්ඣතීති: නිරොධසමාපන්නානං අසඤ්ඤසත්තානං තෙසං චිත්තං න උප්පජ්ජති, නො ච තෙසං චිත්තං නිරුජ්ඣති, චිත්තස්ස භඞ්ගක්ඛණෙ තෙසං චිත්තං න උප්පජ්ජති චෙව නිරුජ්ඣති ච.
යස්ස වා පන චිත්තං න නිරුජ්ඣති තස්ස චිත්තං න උප්පජ්ජතීති: ආමන්තා.
උප්පජ්ජමාන න නිරොධවාරො.
27. යස්ස චිත්තං උප්පජ්ජමානං තස්ස චිත්තං උප්පන්නන්ති: ආමන්තා.
යස්ස වා පන චිත්තං උප්පන්නං තස්ස චිත්තං උප්පජ්ජමානන්ති: චිත්තස්ස භඞ්ගක්ඛණෙ තෙසං චිත්තං උප්පන්නං, නො ච තෙසං චිත්තං උප්පජ්ජමානං, චිත්තස්ස උප්පාදක්ඛණෙ තෙසං චිත්තං උප්පන්නං චෙව උප්පජ්ජමානඤ්ච.
28. යස්ස චිත්තං න උප්පජ්ජමානං තස්ස චිත්තං න උප්පන්නන්ති: චිත්තස්ස භඞ්ගක්ඛණෙ තෙසං චිත්තං න උප්පජ්ජමානං, නො ච තෙසං චිත්තං න උප්පන්නං, නිරොධසමාපන්නානං අසඤ්ඤසත්තානං තෙසං චිත්තං න චෙව උප්පජ්ජමානං න ච උප්පන්නං.
යස්ස වා පන චිත්තං න උප්පන්නං තස්ස චිත්තං න උප්පජ්ජමානන්ති: ආමන්තා.
උප්පජ්ජමානුප්පන්නවාරො.
29. යස්ස චිත්තං නිරුජ්ඣමානං තස්ස චිත්තං උප්පන්නන්ති: ආමන්තා.
යස්ස වා පන චිත්තං උප්පන්නං තස්ස චිත්තං නිරුජ්ඣමානන්ති: චිත්තස්ස උප්පාදක්ඛණෙ තෙසං චිත්තං උප්පන්නං, නො ච තෙසං චිත්තං නිරුජ්ඣමානං, චිත්තස්ස භඞ්ගක්ඛණෙ තෙසං චිත්තං උප්පන්නං චෙව නිරුජ්ඣමානඤ්ච.
30. යස්ස චිත්තං න නිරුජ්ඣමානං තස්ස චිත්තං න උප්පන්නන්ති: චිත්තස්ස උප්පාදක්ඛණෙ තෙසං චිත්තං න නිරුජ්ඣමානං, නො ච තෙසං චිත්තං න උප්පන්නං, නිරොධසමාපන්නානං අසඤ්ඤසත්තානං තෙසං චිත්තං න චෙව නිරුජ්ඣමානං, න ච උප්පන්නං.
යස්ස වා පන චිත්තං න උප්පන්නං තස්ස චිත්තං න නිරුජ්ඣමානන්ති: ආමන්තා.
නිරුජ්ඣමානුප්පන්නවාරො.
31. යස්ස චිත්තං උප්පන්නං තස්ස චිත්තං උප්පජ්ජිත්ථාති: ආමන්තා.
යස්ස වා පන චිත්තං උප්පජ්ජිත්ථ තස්ස චිත්තං උප්පන්නන්ති: නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිත්ථ, නො ච තෙසං චිත්තං උප්පන්නං, චිත්තසමඞ්ගීනං තෙසං චිත්තං උප්පජ්ජිත්ථ චෙව උප්පන්නඤ්ච.
32. යස්ස චිත්තං න උප්පන්නං තස්ස චිත්තං න උප්පජ්ජිත්ථාති: උප්පජ්ජිත්ථ.
යස්ස වා පන චිත්තං න උප්පජ්ජිත්ථ තස්ස චිත්තං න උප්පන්නන්ති: නත්ථි.
33. යස්ස චිත්තං උප්පන්නං තස්ස චිත්තං උප්පජ්ජිස්සතීති: පච්ඡිමචිත්තසමඞ්ගීනං තෙසං චිත්තං උප්පන්නං, නො ච තෙසං චිත්තං උප්පජ්ජිස්සති, ඉතරෙසං චිත්තසමඞ්ගීනං තෙසං චිත්තං උප්පන්නඤ්චෙව උප්පජ්ජිස්සති ච.
යස්ස වා පන චිත්තං උප්පජ්ජිස්සති තස්ස චිත්තං උප්පන්නන්ති: නිරොධසමාපන්නානං අසඤ්ඤසත්තානං තෙසං චිත්තං උප්පජ්ජිස්සති, නො ච තෙසං චිත්තං උප්පන්නං, චිත්තසමඞ්ගීනං තෙසං චිත්තං උප්පජ්ජිස්සති චෙව උප්පන්නඤ්ච.
34. යස්ස චිත්තං න උප්පන්නං තස්ස චිත්තං න උප්පජ්ජිස්සතීති: උප්පජ්ජිස්සති.
යස්ස වා පන චිත්තං න උප්පජ්ජිස්සති තස්ස චිත්තං න උප්පන්නන්ති: උප්පන්නං.
උප්පන්නුප්පාදවාරො.
35. යස්ස චිත්තං උප්පජ්ජිත්ථ නො ච තස්ස චිත්තං උප්පන්නං තස්ස චිත්තං උප්පජ්ජිස්සතීති: ආමන්තා.
යස්ස වා පන චිත්තං උප්පජ්ජිස්සති නො ච තස්ස චිත්තං උප්පන්නං තස්ස චිත්තං උප්පජ්ජිත්ථාති: ආමන්තා.
36. යස්ස චිත්තං න උප්පජ්ජිත්ථ නො ච තස්ස චිත්තං න උප්පන්නං තස්ස චිත්තං න උප්පජ්ජිස්සතීති: නත්ථි.
යස්ස වා පන චිත්තං න උප්පජ්ජිස්සති නො ච තස්ස චිත්තං න උප්පන්නං තස්ස චිත්තං න උප්පජ්ජිත්ථාති: උප්පජ්ජිත්ථ.
අතීතානාගතවාරො.
37. උප්පන්නං උප්පජ්ජමානන්ති: භඞ්ගක්ඛණෙ උප්පන්නං නො ච උප්පජ්ජමානං උප්පාදක්ඛණෙ උප්පන්නංචෙව උප්පජ්ජමානඤ්ච.
උප්පජ්ජමානං උප්පන්නන්ති: ආමන්තා.
38. න උප්පන්නං න උප්පජ්ජමානන්ති: ආමන්තා.
න උප්පජ්ජමානං න උප්පන්නන්ති: භඞ්ගක්ඛණෙ න උප්පජ්ජමානං නො ච න උප්පන්නං අතීතානාගතචිත්තං න චෙව උප්පජ්ජමානං න ච උප්පන්නං.
උප්පන්නුප්පජ්ජමානවාරො.
39. නිරුද්ධං නිරුජ්ඣමානන්ති: නො
නිරුජ්ඣමානං නිරුද්ධන්ති: නො.
40. න නිරුද්ධං න නිරුජ්ඣමානන්ති: භඞ්ගක්ඛණෙ න නිරුද්ධං නො ච න නිරුජ්ඣමානං. උප්පාදක්ඛණෙ අනාගතඤ්ච චිත්තං නං චෙව නිරුද්ධං, න ච නිරුජ්ඣමානං.
න නිරුජ්ඣමානං, න නිරුද්ධන්ති: අතීතං චිත්තං න නිරුජ්ඣමානං, නො ච න නිරුද්ධං, උප්පාදක්ඛණෙ අනාගතං ච චිත්තං න චෙව නිරුජ්ඣමානං න ච නිරුද්ධං.
නිරුද්ධ නිරුජ්ඣමානවාරො.
41. යස්ස චිත්තං උප්පජ්ජමානං ඛණං ඛණං වීතික්කන්තං අතික්කන්තකාලං නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තන්ති: භඞ්ගක්ඛණෙ චිත්තං උප්පාදක්ඛණං වීතික්කන්තං භඞ්ගක්ඛණං අවීතික්කන්තං, අතීතං චිත්තං උප්පාදක්ඛණං ච වීතික්කන්තං භඞ්ගක්ඛණං ච වීතික්කන්තං.
යස්ස වා පන චිත්තං නිරුජ්ඣමානං ඛණං ඛණං වීතික්කන්තං අතික්කන්තකාලං උප්පජ්ජමානං ඛණං ඛණං වීතික්කන්තං අතික්කන්තකාලං තස්ස චිත්තන්ති: අතීතං චිත්තං.
42. යස්ස චිත්තං න උප්පජ්ජමානං ඛණං ඛණං වීතික්කන්තං අතික්කන්තකාලං න නිරුජ්ඣමානං ඛණං ඛණං වීතික්කන්තං අතික්කන්තකාලං තස්ස චිත්තන්ති: උප්පාදක්ඛණෙ අනාගතං චිත්තං.
යස්ස වා පන චිත්තං න නිරුජ්ඣමානං ඛණං ඛණං වීතික්කන්තං අතික්කන්තකාලං න උප්පජ්ජමානං ඛණං ඛණං වීතික්කන්තං අතික්කන්තකාලං තස්ස චිත්තන්ති: භඞ්ගක්ඛණෙ චිත්තං භඞ්ගක්ඛණං අවීතික්කන්තං, නො ච උප්පාදක්ඛණං අවීතික්කන්තං, උප්පාදක්ඛණෙ අනාගතං ච චිත්තං. භඞ්ගක්ඛණං ච අවීතික්කන්තං, උප්පාදක්ඛණං ච අවීතික්කන්තං.
අතික්කන්තකාලවාරො.
ධම්මවාරො.
43. යං චිත්තං උප්පජ්ජති න නිරුජ්ඣති තං චිත්තං නිරුජ්ඣිස්සති න උප්පජ්ජිස්සතීති: ආමන්තා.
යං වා පන චිත්තං නිරුජ්ඣිස්සති න උප්පජ්ජිස්සති තං චිත්තං උප්පජ්ජති න නිරුජ්ඣතීති: ආමන්තා.
44. යං චිත්තං න උප්පජ්ජති නිරුජ්ඣති තං චිත්තං න නිරුජ්ඣිස්සති උප්පජ්ජිස්සතීති: නො.
යං වා පන චිත්තං න නිරුජ්ඣිස්සති උප්පජ්ජිස්සති තං චිත්තං න උප්පජ්ජති නිරුජ්ඣතීති: නත්ථි.
උප්පාද නිරොධකාලසම්හෙදවාරො.
45. යං චිත්තං උප්පජ්ජති තං චිත්තං උප්පන්නන්ති: ආමන්තා.
යං වා පන චිත්තං උප්පන්නං තං චිත්තං උප්පජ්ජතීති, භඞ්ගක්ඛණෙ චිත්තං උප්පන්නං, නො ච තං චිත්තං උප්පජ්ජති උප්පාදක්ඛණෙ චිත්තං උප්පන්නං චෙව උප්පජ්ජති ච.
46. යං චිත්තං න උප්පජ්ජති තං චිත්තං න උප්පන්නන්ති: භඞ්ගක්ඛණෙ චිත්තං න උප්පජ්ජති, නො ච තං චිත්තං න උප්පන්නං, අතීතානාගතං චිත්තං න චෙව උප්පජ්ජති, න ච උප්පන්නං.
යං වා පන චිත්තං න උප්පන්නං ත චිත්තං න උප්පජ්ජතීති: ආමන්තා.
උප්පාදුප්පන්නවාරො.
47. යං චිත්තං නිරුජ්ඣති තං චිත්තං උප්පන්නන්ති: ආමන්තා.
යං වා පන චිත්තං උප්පන්නං තං චිත්තං නිරුජ්ඣතීති: උප්පාදක්ඛණෙ චිත්තං උප්පන්නං, නො ච තං චිත්තං නිරුජ්ඣති, භඞ්ගක්ඛණෙ චිත්තං උප්පන්නං චෙව නිරුජ්ඣති ච.
48. යං චිත්තං න නිරුජ්ඣති තං චිත්තං න උප්පන්නන්ති: උප්පාදක්ඛණෙ චිත්තං න නිරුජ්ඣති, නො ච තං චිත්තං න උප්පන්නං, අතීතානාගතං චිත්තං න චෙව නිරුජ්ඣති න ච උප්පන්නං.
යං වා පන චිත්තං න උප්පන්නං තං චිත්තං න නිරුජ්ඣතීති: ආමන්තා.
නිරොධුප්පන්නවාරො.
49. යං චිත්තං උප්පජ්ජති තං චිත්තං උප්පජ්ජිත්ථාති: නො.