20. යස්ස වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො උප්පජ්ජිත්ථාති: ආමන්තා.
යස්ස වා පන සඤ්ඤාක්ඛන්ධො උප්පජ්ජිත්ථ තස්ස වෙදනාක්ඛන්ධො උප්පජ්ජතී’ති: සබ්බෙසං චවන්තානං අසඤ්ඤසත්තං උපපජ්ජන්තානං තෙසං සඤ්ඤාක්ඛන්ධො උප්පජ්ජිත්ථ. නො ච තෙසං වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො ච උප්පජ්ජිත්ථ. වෙදනාක්ඛන්ධො ච උප්පජ්ජති. (අනුලොමපුග්ගල)
21. යත්ථ රූපක්ඛන්ධො උප්පජ්ජති. තත්ථ වෙදනාක්ඛන්ධො උප්පජ්ජිත්ථාති: අසඤ්ඤසත්තෙ තත්ථ රූපක්ඛන්ධො උප්පජ්ජති. නො ච තත්ථ වෙදනාක්ඛන්ධො උප්පජ්ජිත්ථ. පඤ්චවොකාරෙ තත්ථ රූපක්ඛන්ධො ච උප්පජ්ජති වෙදනාක්ඛන්ධො ච උප්පජ්ජිත්ථ.
යත්ථ වා පන වෙදනාක්ඛන්ධො උප්පජ්ජිත්ථ තත්ථ රූපක්ඛන්ධො උප්පජ්ජතී’ති අරූපෙ තත්ථ වෙදනාක්ඛන්ධො උප්පජ්ජිත්ථ. නො ච තත්ථ රූපක්ඛන්ධො උප්පජ්ජති, පඤ්චවොකාරෙ තත්ථ වෙදනාක්ඛන්ධො ච උප්පජ්ජිත්ථ, රූපක්ඛන්ධො ච උප්පජ්ජති.
22. යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො උප්පජ්ජිත්ථාති: ආමන්තා.
යත්ථ වා පන සඤ්ඤාක්ඛන්ධො උප්පජ්ජිත්ථ තත්ථ වෙදනාක්ඛන්ධො උප්පජ්ජතී’ති: ආමන්තා. (අනුලොම ඔකාස)
23. යස්ස යත්ථ රූපක්ඛන්ධො උප්පජ්ජති, තස්ස තත්ථ වෙදනාක්ඛන්ධො උප්පජ්ජිත්ථාති: සුද්ධාවාසං උපපජ්ජන්තානං, අසඤ්ඤසත්තං උප්පජ්ජන්තානං තෙසං තත්ථ රූපක්ඛන්ධො උප්පජ්ජති. නො ච තෙසං තත්ථ වෙදනාක්ඛන්ධො උප්පජ්ජිත්ථ. ඉතරෙසං පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති. වෙදනාක්ඛන්ධො ච උප්පජ්ජිත්ථ.
යස්ස වා පන යත්ථ වෙදනාක්ඛන්ධො උප්පජ්ජිත්ථ තස්ස තත්ථ රූපක්ඛන්ධො උප්පජ්ජතී’ති: පඤ්චවොකාරා චවන්තානං, අරූපානං තෙසං තත්ථ වෙදනාක්ඛන්ධො උප්පජ්ජිත්ථ. නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජිත්ථ. රූපක්ඛන්ධො ච උප්පජ්ජති.
24. යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො උප්පජ්ජිත්ථාති: සුද්ධාවාසං උප්පජ්ජන්තානං තෙසං තත්ථ වෙදනාක්ඛන්ධො උප්පජ්ජති. නො ච තෙසං තත්ථ සඤ්ඤාක්ඛන්ධො උප්පජ්ජිත්ථ. ඉතරෙසං චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති. සඤ්ඤාක්ඛන්ධො ච උප්පජ්ජිත්ථ.
යස්ස වා පන යත්ථ සඤ්ඤාක්ඛන්ධො උප්පජ්ජිත්ථ, තස්ස තත්ථ වෙදනාක්ඛන්ධො උප්පජ්ජතීති: චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො උප්පජ්ජිත්ථ. නො ච තෙසං තත්ථ වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජති. (අනුලොමපුග්ගලොකාස)
25. යස්ස රූපක්ඛන්ධො නූප්පජ්ජති, තස්ස වෙදනාක්ඛන්ධො නූප්පජ්ජිත්ථාති: උප්පජ්ජිත්ථ.
යස්ස වා පන වෙදනාක්ඛන්ධො නූප්පජ්ජිත්ථ තස්ස රූපක්ඛන්ධො නූප්පජ්ජතීති: නත්ථි.
26. යස්ස වෙදනාක්ඛන්ධො නූප්පජ්ජති තස්ස සඤ්ඤාක්ඛන්ධො නූප්පජ්ජිත්ථාති: උප්පජ්ජිත්ථ.
යස්ස වා පන සඤ්ඤාක්ඛන්ධො නූප්පජ්ජිත්ථ තස්ස වෙදනාක්ඛන්ධො නූප්පජ්ජතීති: නත්ථි. (පච්චනීකපුග්ගල)
27. යත්ථ රූපක්ඛන්ධො නූප්පජ්ජති, තත්ථ වෙදනාක්ඛන්ධො නූප්පජ්ජිත්ථාති: උප්පජ්ජිත්ථ.
යත්ථ වා පන වෙදනාක්ඛන්ධො නූප්පජ්ජිත්ථ. තත්ථ රූපක්ඛන්ධො නූප්පජ්ජතීති: උප්පජ්ජති.
28. යත්ථ වෙදනාක්ඛන්ධො නූප්පජ්ජති තත්ථ සඤ්ඤාක්ඛන්ධො නූප්පජ්ජිත්ථාති: ආමන්තා.
යත්ථ වා පන සඤ්ඤාක්ඛන්ධො නූප්පජ්ජිත්ථ තත්ථ වෙදනාක්ඛන්ධො නූප්පජ්ජතීති: ආමන්තා. (පච්චනීක ඔකාස)
29. යස්ස යත්ථ රූපක්ඛන්ධො නූප්පජ්ජති තස්ස තත්ථ වෙදනාක්ඛන්ධො නූප්පජ්ජිත්ථාති: පඤ්චවොකාරා චවන්තානං අරූපානං තෙසං තත්ථ රූපක්ඛන්ධො නූප්පජ්ජති. නො ච තෙසං තත්ථ වෙදනාක්ඛන්ධො නූප්පජ්ජිත්ථ. සුද්ධාවාසෙ පරිනිබ්බන්තානං, අසඤ්ඤසත්තා චවන්තානං තෙසං තත්ථ රූපක්ඛන්ධො ච නූප්පජ්ජති, වෙදනාක්ඛන්ධො ච නූප්පජ්ජිත්ථ.
යස්ස වා පන යත්ථ වෙදනාක්ඛන්ධො නූප්පජ්ජිත්ථ තස්ස තත්ථ රූපක්ඛන්ධො නූප්පජ්ජතීති: සුද්ධාවාසං උපපජ්ජන්තානං, අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො නූප්පජ්ජිත්ථ. නො ච තෙසං තත්ථ රූපක්ඛන්ධො නූප්පජ්ජති. සුද්ධාවාසෙ පරිනිබ්බන්තානං අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච නූප්පජ්ජිත්ථ. රූපක්ඛන්ධො ච නූප්පජ්ජති.
30. යස්ස යත්ථ වෙදනාක්ඛන්ධො නූප්පජ්ජති තස්ස තත්ථ සඤ්ඤාක්ඛන්ධො නූප්පජ්ජිත්ථාති: චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නූප්පජ්ජති. නො ච තෙසං තත්ථ සඤ්ඤාක්ඛන්ධො නූප්පජ්ජිත්ථ. සුද්ධාවාසෙ පරිනිබ්බන්තානං, අසඤ්ඤසත්තා{1} චවන්තානං තෙසං තත්ථ වෙදනාක්ඛන්ධො ච නූප්පජ්ජති සඤ්ඤාක්ඛන්ධො ච නූප්පජ්ජිත්ථ.
යස්ස වා පන යත්ථ සඤ්ඤාක්ඛන්ධො නූප්පජ්ජිත්ථ තස්ස තත්ථ වෙදනාක්ඛන්ධො නූප්පජ්ජතීති: සුද්ධාවාසං උපපජ්ජන්තානං තෙසං තත්ථ සඤ්ඤාක්ඛන්ධො නූප්පජ්ජිත්ථ. නො ච තෙසං තත්ථ වෙදනාක්ඛන්ධො නූප්පජ්ජති, සුද්ධාවාසෙ පරිනිබ්බන්තානං, අසඤ්ඤසත්තා{1} චවන්තානං තෙසං තත්ථ සඤ්ඤාක්ඛන්ධො ච නූප්පජ්ජිත්ථ. වෙදනාක්ඛන්ධො ච නූප්පජ්ජති. (පච්චනීක පුග්ගලොකාස)
පච්චුප්පන්නාතීතවාරො.
31. යස්ස රූපක්ඛන්ධො උප්පජ්ජති තස්ස වෙදනාක්ඛන්ධො උප්පජ්ජිස්සතී’ති: පච්ඡිමභවිකානං පඤ්චවොකාරං උපපජ්ජන්තානං තෙසං රූපක්ඛන්ධො උප්පජ්ජති, නො ච තෙසං වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරං උපපජ්ජන්තානං, අසඤ්ඤසත්තං උපපජ්ජන්තානං තෙසං රූපක්ඛන්ධො ච උප්පජ්ජති. වෙදනාක්ඛන්ධො ච උප්පජ්ජිස්සති.
යස්ස වා පන වෙදනාක්ඛන්ධො උප්පජ්ජිස්සති තස්ස රූපක්ඛන්ධො උප්පජ්ජතීති: සබ්බෙසං චවන්තානං, අරූපං උපපජ්ජන්තානං තෙසං වෙදනාක්ඛන්ධො උප්පජ්ජිස්සති. නො ච තෙසං රූපක්ඛන්ධො උප්පජ්ජති. පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො ච උප්පජ්ජිස්සති. රූපක්ඛන්ධො ච උප්පජ්ජති.
32. යස්ස වෙදනාක්ඛන්ධො උප්පජ්ජති. තස්ස සඤ්ඤාක්ඛන්ධො උප්පජ්ජිස්සතීති: පච්ඡිමභවිකානං උපපජ්ජන්තානං තෙසං වෙදනාක්ඛන්ධො උප්පජ්ජති. නො ච තෙසං සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරං පඤ්චවොකාරං උපපජ්ජන්තානං තෙසං වෙදනාක්ඛන්ධො ච උප්පජ්ජති සඤ්ඤාක්ඛන්ධො ච උප්පජ්ජිස්සති.
යස්ස වා පන සඤ්ඤාක්ඛන්ධො උප්පජ්ජිස්සති තස්ස වෙදනාක්ඛන්ධො උප්පජ්ජතීති: සබ්බෙසං චවන්තානං, අසඤ්ඤසත්තං උපපජ්ජන්තානං තෙසං සඤ්ඤාක්ඛන්ධො උප්පජ්ජිස්සති. නො ච තෙසං වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො ච උප්පජ්ජිස්සති. වෙදනාක්ඛන්ධො ච උප්පජ්ජති. (අනුලොම පුග්ගල)
33. යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො උප්පජ්ජිස්සතීති: අසඤ්ඤසත්තෙ තත්ථ රූපක්ඛන්ධො උප්පජ්ජති. නො ච තත්ථ වෙදනාක්ඛන්ධො උප්පජ්ජිස්සති. පඤ්චවොකාරෙ තත්ථ රූපක්ඛන්ධො ච උප්පජ්ජති. වෙදනාක්ඛන්ධො ච උප්පජ්ජිස්සති.
යත්ථ වා පන වෙදනාක්ඛන්ධො උප්පජ්ජිස්සති, තත්ථ රූපක්ඛන්ධො උප්පජ්ජතීති: අරූපෙ තත්ථ වෙදනාක්ඛන්ධො උප්පජ්ජිස්සති. නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජති.
34. යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො උප්පජ්ජිස්සතීති: ආමන්තා.
යත්ථ වා පන සඤ්ඤාක්ඛන්ධො උප්පජ්ජිස්සති තත්ථ වෙදනාක්ඛන්ධො උප්පජ්ජතීති ආමන්තා. (අනුලොමඔකාස)
35. යස්ස යත්ථ රූපක්ඛන්ධො උප්පජ්ජති, තස්ස තත්ථ වෙදනාක්ඛන්ධො උප්පජ්ජිස්සතීති: පච්ඡිමභවිකානං, පඤ්චවොකාරං උපපජ්ජන්තානං, අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො උප්පජ්ජති. නො ච තෙසං තත්ථ වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරං උපපජ්ජන්තානං තෙසං තත්ථ රූපක්ඛන්ධො ච උප්පජ්ජති. වෙදනාක්ඛන්ධො ච උප්පජ්ජිස්සති.
යස්ස වා පන යත්ථ වෙදනාක්ඛන්ධො උප්පජ්ජිස්සති තස්ස තත්ථ රූපක්ඛන්ධො උප්පජ්ජතීති: පඤ්චවොකාරා චවන්තානං, අරූපානං තෙසං තත්ථ වෙදනාක්ඛන්ධො උප්පජ්ජිස්සති, නො ච තෙසං තත්ථ රූපක්ඛන්ධො උප්පජ්ජති. පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජිස්සති රූපක්ඛන්ධො ච උප්පජ්ජති.
36. යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො උප්පජ්ජිස්සතීති: පච්ඡිමභවිකානං උපපජ්ජන්තානං තෙසං තත්ථ වෙදනාක්ඛන්ධො උප්පජ්ජති. නො ච තෙසං තත්ථ සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො ච උප්පජ්ජති. සඤ්ඤාක්ඛන්ධො ච උප්පජ්ජිස්සති.
යස්ස වා පන යත්ථ සඤ්ඤාක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො උප්පජ්ජතීති: චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො උප්පජ්ජිස්සති. නො ච තෙසං තත්ථ වෙදනාක්ඛන්ධො උප්පජ්ජති. චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො ච උප්පජ්ජිස්සති වෙදනාක්ඛන්ධො ච උප්පජ්ජති. (අනුලොම පුග්ගලොකාස)
37. යස්ස රූපක්ඛන්ධො නූප්පජ්ජති තස්ස වෙදනාක්ඛන්ධො නූප්පජ්ජිස්සතීති: සබ්බෙසං චවන්තානං, අරූපං උපපජ්ජන්තානං තෙසං රූපක්ඛන්ධො නූප්පජ්ජති. නො ච තෙසං වෙදනාක්ඛන්ධො නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං රූපක්ඛන්ධො ච නූප්පජ්ජති. වෙදනාක්ඛන්ධො ච නූප්පජ්ජිස්සති.
යස්ස වා පන වෙදනාක්ඛන්ධො නූප්පජ්ජිස්සති තස්ස රූපක්ඛන්ධො නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං වෙදනාක්ඛන්ධො නූප්පජ්ජිස්සති. නො ච තෙසං රූපක්ඛන්ධො නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං වෙදනාක්ඛන්ධො ච නූප්පජ්ජිස්සති: රූපක්ඛන්ධො ච නූප්පජ්ජති.
38. යස්ස වෙදනාක්ඛන්ධො නූප්පජ්ජති, තස්ස සඤ්ඤාක්ඛන්ධො නූප්පජ්ජිස්සතීති: සබ්බෙසං චවන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො නූප්පජ්ජති. නො ච තෙසං සඤ්ඤාක්ඛන්ධො නූප්පජ්ජිස්සති. පරිනිබ්බන්තානං තෙසං වෙදනාක්ඛන්ධො ච නූප්පජ්ජති, සඤ්ඤාක්ඛන්ධො ච නූප්පජ්ජිස්සති,
යස්ස වා පන සඤ්ඤාක්ඛන්ධො නූප්පජ්ජිස්සති තස්ස වෙදනාක්ඛන්ධො නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං{1} තෙසං සඤ්ඤාක්ඛන්ධො නූප්පජ්ජිස්සති, නො ච තෙසං වෙදනාක්ඛන්ධො නූප්පජ්ජති, පරිනිබ්බන්තානං තෙසං සඤ්ඤාක්ඛන්ධො ච නූප්පජ්ජිස්සති, වෙදනාක්ඛන්ධො ච නූප්පජ්ජති. (පච්චනීකපුග්ගල)
39. යත්ථ රූපක්ඛන්ධො නූප්පජ්ජති තත්ථ වෙදනාක්ඛන්ධො නූප්පජ්ජිස්සතීති: උප්පජ්ජිස්සති.
යත්ථ වා පන වෙදනාක්ඛන්ධො නූප්පජ්ජිස්සති තත්ථ රූපක්ඛන්ධො නූප්පජ්ජතීති: උප්පජ්ජති.
40. යත්ථ වෙදනාක්ඛන්ධො නූප්පජ්ජති තත්ථ සඤ්ඤාක්ඛන්ධො නූප්පජ්ජිස්සතීති: ආමන්තා.
යත්ථ වා පන සඤ්ඤාක්ඛන්ධො නූප්පජ්ජිස්සති තත්ථ වෙදනාක්ඛන්ධො නූප්පජ්ජතීති: ආමන්තා. (පච්චනීකඔකාස)
41. යස්ස යත්ථ රූපක්ඛන්ධො නූප්පජ්ජති, තස්ස තත්ථ වෙදනාක්ඛන්ධො නූප්පජ්ජිස්සතීති: පඤ්චවොකාරා චවන්තානං, අරූපානං තෙසං තත්ථ රූපක්ඛන්ධො නූප්පජ්ජති. නො ච තෙසං තත්ථ වෙදනාක්ඛන්ධො නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ රූපක්ඛන්ධො ච නූප්පජ්ජති, වෙදනාක්ඛන්ධො ච නූප්පජ්ජිස්සති.
යස්ස වා පන යත්ථ වෙදනාක්ඛන්ධො නූප්පජ්ජිස්සති තස්ස තත්ථ රූපක්ඛන්ධො නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං, අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො නූප්පජ්ජිස්සති. නො ච තෙසං තත්ථ රූපක්ඛන්ධො නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං, අසඤ්ඤසත්තා චවන්තානං, තෙසං තත්ථ වෙදනාක්ඛන්ධො ච නූප්පජ්ජිස්සති, රූපක්ඛන්ධො ච නූප්පජ්ජති.
42. යස්ස යත්ථ වෙදනාක්ඛන්ධො නූප්පජ්ජති, තස්ස තත්ථ සඤ්ඤාක්ඛන්ධො නූප්පජ්ජිස්සතීති: චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො නූප්පජ්ජති. නො ච තෙසං තත්ථ සඤ්ඤාක්ඛන්ධො නූප්පජ්ජිස්සති. පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො ච නූප්පජ්ජති. සඤ්ඤාක්ඛන්ධො ච නූප්පජ්ජිස්සති.
යස්ස වා පන යත්ථ සඤ්ඤාක්ඛන්ධො නූප්පජ්ජිස්සති, තස්ස තත්ථ වෙදනාක්ඛන්ධො නූප්පජ්ජතීති: පච්ඡිමභවිකානං උපපජ්ජන්තානං තෙසං තත්ථ සඤ්ඤාක්ඛන්ධො නූප්පජ්ජිස්සති, නො ච තෙසං තත්ථ වෙදනාක්ඛන්ධො නූප්පජ්ජති. පරිනිබ්බන්තානං, අසඤ්ඤසත්තානං තෙසං තත්ථ සඤ්ඤාක්ඛන්ධො ච නූප්පජ්ජිස්සති. වෙදනාක්ඛන්ධො ච නූප්පජ්ජති. (පච්චනීක පුග්ගලොකාස)
පච්චුප්පන්නානාගතවාරො.
43. යස්ස රූපක්ඛන්ධො උප්පජ්ජිත්ථ, තස්ස වෙදනාක්ඛන්ධො උප්පජ්ජිස්සතීති: පච්ඡිමභවිකානං තෙසං රූපක්ඛන්ධො උප්පජ්ජිත්ථ. නො ච තෙසං වෙදනාක්ඛන්ධො උප්පජ්ජිස්සති. ඉතරෙසං තෙසං රූපක්ඛන්ධො ච උප්පජ්ජිත්ථ, වෙදනාක්ඛන්ධො ච උප්පජ්ජිස්සති,
යස්ස වා පන වෙදනාක්ඛන්ධො උප්පජ්ජිස්සති, තස්ස රූපක්ඛන්ධො උප්පජ්ජිත්ථාති: ආමන්තා.
44. යස්ස වෙදනාක්ඛන්ධො උප්පජ්ජිත්ථ තස්ස සඤ්ඤාක්ඛන්ධො උප්පජ්ජිස්සතීති: පච්ඡිමභවිකානං තෙසං වෙදනාක්ඛන්ධො උප්පජ්ජිත්ථ, නො ච තෙසං සඤ්ඤාක්ඛන්ධො උප්පජ්ජිස්සති, ඉතරෙසං තෙසං වෙදනාක්ඛන්ධො ච උප්පජ්ජිත්ථ, සඤ්ඤාක්ඛන්ධො ච උප්පජ්ජිස්සති.
යස්ස වා පන සඤ්ඤාක්ඛන්ධො උප්පජ්ජිස්සති තස්ස වෙදනාක්ඛන්ධො උප්පජ්ජිත්ථාති: ආමන්තා. (අනුලොම පුග්ගල)
45. යත්ථ රූපක්ඛන්ධො උප්පජ්ජිත්ථ තත්ථ වෙදනාක්ඛන්ධො උප්පජ්ජිස්සතීති: අසඤ්ඤසත්තෙ තත්ථ රූපක්ඛන්ධො උප්පජ්ජිත්ථ. නො ච තත්ථ වෙදනාක්ඛන්ධො උප්පජ්ජිස්සති. පඤ්චවොකාරෙ තත්ථ රූපක්ඛන්ධො ච උප්පජ්ජිත්ථ වෙදනාක්ඛන්ධො ච උප්පජ්ජිස්සති.
යත්ථ වා පන වෙදනාක්ඛන්ධො උප්පජ්ජිස්සති තත්ථ රූපක්ඛන්ධො උප්පජ්ජිත්ථාති: අරූපෙ තත්ථ වෙදනාක්ඛන්ධො උප්පජ්ජිස්සති, නො ච තත්ථ රූපක්ඛන්ධො උප්පජ්ජිත්ථ. පඤ්චවොකාරෙ තත්ථ වෙදනාක්ඛන්ධො ච උප්පජ්ජිස්සති, රූපක්ඛන්ධො ච උප්පජ්ජිත්ථ.
46. යත්ථ වෙදනාක්ඛන්ධො උප්පජ්ජිත්ථ තත්ථ සඤ්ඤාක්ඛන්ධො උප්පජ්ජිස්සතීති: ආමන්තා.
යත්ථ වා පන සඤ්ඤාක්ඛන්ධො උප්පජ්ජිස්සති තත්ථ වෙදනාක්ඛන්ධො උප්පජ්ජිත්ථාති: ආමන්තා. (අනුලොම ඔකාස)
47. යස්ස යත්ථ රූපක්ඛන්ධො උප්පජ්ජිත්ථ තස්ස තත්ථ වෙදනාක්ඛන්ධො උප්පජ්ජිස්සතීති: පඤ්චවොකාරෙ පච්ඡිමභවිකානං, අසඤ්ඤසත්තානං තෙසං තත්ථ රූපක්ඛන්ධො උප්පජ්ජිත්ථ. නො ච තෙසං තත්ථ වෙදනාක්ඛන්ධො උප්පජ්ජිස්සති. ඉතරෙසං පඤ්චවොකාරානං තෙසං තත්ථ රූපක්ඛන්ධො ච උප්පජ්ජිත්ථ, වෙදනාක්ඛන්ධො ච උප්පජ්ජිස්සති.
යස්ස වා පන යත්ථ වෙදනාක්ඛන්ධො උප්පජ්ජිස්සති තස්ස තත්ථ රූපක්ඛන්ධො උප්පජ්ජිත්ථාති: අරූපානං තෙසං තත්ථ වෙදනාක්ඛන්ධො උප්පජ්ජිස්සති. නො ච තෙසං තත්ථ රූපක්ඛන්ධො උප්පජ්ජිත්ථ. පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිස්සති, රූපක්ඛන්ධො ච උප්පජ්ජිත්ථ.
48. යස්ස යත්ථ වෙදනාක්ඛන්ධො උප්පජ්ජිත්ථ තස්ස තත්ථ සඤ්ඤාක්ඛන්ධො උප්පජ්ජිස්සතීති: පච්ඡිමභවිකානං තෙසං තත්ථ වෙදනාක්ඛන්ධො උප්පජ්ජිත්ථ. නො ච තෙසං තත්ථ සඤ්ඤාක්ඛන්ධො උප්පජ්ජිස්සති. ඉතරෙසං චතුවොකාරානං, පඤ්චවොකාරානං තෙසං තත්ථ වෙදනාක්ඛන්ධො ච උප්පජ්ජිත්ථ, සඤ්ඤාක්ඛන්ධො ච උප්පජ්ජිස්සති.
යස්ස වා පන යත්ථ සඤ්ඤාක්ඛන්ධො උප්පජ්ජිස්සති තස්ස තත්ථ වෙදනාක්ඛන්ධො උප්පජ්ජිත්ථාති: ආමන්තා. (අනුලොම පුග්ගලොකාස)
49. යස්ස රූපක්ඛන්ධො නූප්පජ්ජිත්ථ තස්ස වෙදනාක්ඛන්ධො නූප්පජ්ජිස්සතීති: නත්ථි.
යස්ස වා පන වෙදනාක්ඛන්ධො නූප්පජ්ජිස්සති තස්ස රූපක්ඛන්ධො නූප්පජ්ජිත්ථාති: උප්පජ්ජිත්ථ.
50. යස්ස වෙදනාක්ඛන්ධො නූප්පජ්ජිත්ථ තස්ස සඤ්ඤාක්ඛන්ධො නූප්පජ්ජිස්සතීති: නත්ථි.
යස්ස වා පන සඤ්ඤාක්ඛන්ධො නූප්පජ්ජිස්සති තස්ස වෙදනාක්ඛන්ධො නූප්පජ්ජිත්ථාති: උප්පජ්ජිත්ථ. (පච්චනීකපුග්ගල)
51. යත්ථ රූපක්ඛන්ධො නූප්පජ්ජිත්ථ, තත්ථ වෙදනාක්ඛන්ධො නූප්පජ්ජිස්සතීති: උප්පජ්ජිස්සති.
යත්ථ වා පන වෙදනාක්ඛන්ධො නූප්පජ්ජිස්සති තත්ථ රූපක්ඛන්ධො නූප්පජ්ජිත්ථාති: උප්පජ්ජිත්ථ.
52. යත්ථ වෙදනාක්ඛන්ධො නූප්පජ්ජිත්ථ තත්ථ සඤ්ඤාක්ඛන්ධො නූප්පජ්ජිස්සතීති: ආමන්තා.
යත්ථ වා පන සඤ්ඤාක්ඛන්ධො නූප්පජ්ජිස්සති තත්ථ වෙදනාක්ඛන්ධො නූප්පජ්ජිත්ථාති: ආමන්තා. (පච්චනීක ඔකාස)
53. යස්ස යත්ථ රූපක්ඛන්ධො නූප්පජ්ජිත්ථ තස්ස තත්ථ වෙදනාක්ඛන්ධො නූප්පජ්ජිස්සතීති: අරූපානං තෙසං තත්ථ රූපක්ඛන්ධො නූප්පජ්ජිත්ථ, නො ච තෙසං තත්ථ වෙදනාක්ඛන්ධො නූප්පජ්ජිස්සති. සුද්ධාවාසානං අරූපෙ පච්ඡිමභවිකානං තෙසං තත්ථ රූපක්ඛන්ධො ච නූප්පජ්ජිත්ථ, වෙදනාක්ඛන්ධො ච නූප්පජ්ජිස්සති.
යස්ස වා පන යත්ථ වෙදනාක්ඛන්ධො නූප්පජ්ජිස්සති තස්ස තත්ථ රූපක්ඛන්ධො නූප්පජ්ජිත්ථාති: පඤ්චවොකාරෙ පච්ඡිමභවිකානං අසඤ්ඤසත්තානං තෙසං තත්ථ වෙදනාක්ඛන්ධො නූප්පජ්ජිස්සති, නො ච තෙසං තත්ථ රූපක්ඛන්ධො නූප්පජ්ජිත්ථ. සුද්ධාවාසානං, අරූපෙ පච්ඡිමභවිකානං තෙසං තත්ථ වෙදනාක්ඛන්ධො ච නූප්පජ්ජිස්සති, රූපක්ඛන්ධො ච නූප්පජ්ජිත්ථ.
54. යස්ස යත්ථ වෙදනාක්ඛන්ධො නූප්පජ්ජිත්ථ තස්ස තත්ථ සඤ්ඤාක්ඛන්ධො නූප්පජ්ජිස්සතීති: ආමන්තා.
යස්ස වා පන යත්ථ සඤ්ඤාක්ඛන්ධො නූප්පජ්ජිස්සති තස්ස තත්ථ වෙදනාක්ඛන්ධො නූප්පජ්ජිත්ථාති: පච්ඡිමභවිකානං තෙසං තත්ථ සඤ්ඤාක්ඛන්ධො නූප්පජ්ජිස්සති. නො ච තෙසං තත්ථ වෙදනාක්ඛන්ධො නූප්පජ්ජිත්ථ. සුද්ධාවාසානං, අසඤ්ඤසත්තානං තෙසං තත්ථ සඤ්ඤාක්ඛන්ධො ච නූප්පජ්ජිස්සති, වෙදනාක්ඛන්ධො ච නූප්පජ්ජිත්ථ. (පච්චනීක පුග්ගලොකාස)
අතීතානාගතවාරො.
පවත්ති උප්පාදවාරො නිට්ඨිතො.
4. පවත්ති නිරොධවාරො
1. යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣතීති: අසඤ්ඤසත්තා චවන්තානං තෙසං රූපක්ඛන්ධො නිරුජ්ඣති. නො ච තෙසං වෙදනාක්ඛන්ධො නිරුජ්ඣති, පඤ්චවොකාරා චවන්තානං තෙසං රූපක්ඛන්ධො ච නිරුජ්ඣති. වෙදනාක්ඛන්ධො ච නිරුජ්ඣති.
යස්ස වා පන වෙදනාක්ඛන්ධො නිරුජ්ඣති තස්ස රූපක්ඛන්ධො නිරුජ්ඣතීති: අරූපා චවන්තානං තෙසං වෙදනාක්ඛන්ධො නිරුජ්ඣති, නො ච තෙසං රූපක්ඛන්ධො නිරුජ්ඣති, පඤ්චවොකාරා චවන්තානං තෙසං වෙදනාක්ඛන්ධො ච නිරුජ්ඣති රූපක්ඛන්ධො ච නිරුජ්ඣති. (අනුලොම පුග්ගල)
2. යත්ථ රූපක්ඛන්ධො නිරුජ්ඣති තත්ථ වෙදනාක්ඛන්ධො නිරුජ්ඣතීති: අසඤ්ඤසත්තෙ තත්ථ රූපක්ඛන්ධො නිරුජ්ඣති. නො ච තත්ථ වෙදනාක්ඛන්ධො නිරුජ්ඣති, පඤ්චවොකාරෙ තත්ථ රූපක්ඛන්ධො ච නිරුජ්ඣති වෙදනාක්ඛන්ධො ච නිරුජ්ඣති.
යත්ථ වා පන වෙදනාක්ඛන්ධො නිරුජ්ඣති තත්ථ රූපක්ඛන්ධො නිරුජ්ඣතීති: අරූපෙ තත්ථ වෙදනාක්ඛන්ධො නිරුජ්ඣති නො ච තත්ථ රූපක්ඛන්ධො නිරුජ්ඣති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣති, රූපක්ඛන්ධො ච නිරුජ්ඣති. (අනුලොම ඔකාස)
3. යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣතීති: අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති, නො ච තෙසං තත්ථ වෙදනාක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති, වෙදනාක්ඛන්ධො ච නිරුජ්ඣති.
යස්ස වා පන යත්ථ වෙදනාක්ඛන්ධො නිරුජ්ඣති තස්ස තත්ථ රූපක්ඛන්ධො නිරුජ්ඣතීති: අරූපා චවන්තානං තෙසං තත්ථ වෙදනාක්ඛන්ධො නිරුජ්ඣති. නො ච තෙසං තත්ථ රූපක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති. රූපක්ඛන්ධො ච නිරුජ්ඣති. (අනුලොම පුග්ගලොකාස)
4. යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣතීති: අරූපා චවන්තානං තෙසං රූපක්ඛන්ධො න නිරුජ්ඣති. නො ච තෙසං වෙදනාක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං රූපක්ඛන්ධො ච න නිරුජ්ඣති. වෙදනාක්ඛන්ධො ච න නිරුජ්ඣති.
යස්ස වා පන වෙදනාක්ඛන්ධො න නිරුජ්ඣති තස්ස රූපක්ඛන්ධො න නිරුජ්ඣතීති: අසඤ්ඤසත්තා චවන්තානං තෙසං වෙදනාක්ඛන්ධො න නිරුජ්ඣති. නො ච තෙසං රූපක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං වෙදනාක්ඛන්ධො ච න නිරුජ්ඣති, රූපක්ඛන්ධො ච න නිරුජ්ඣති. (පච්චනීකපුග්ගල)
5. යත්ථ රූපක්ඛන්ධො න නිරුජ්ඣති තත්ථ වෙදනාක්ඛන්ධො න නිරුජ්ඣතීති: නිරුජ්ඣති.
යත්ථ වා පන වෙදනාක්ඛන්ධො න නිරුජ්ඣති තත්ථ රූපක්ඛන්ධො න නිරුජ්ඣතීති: නිරුජ්ඣති. (පච්චනීක ඔකාස)
6. යස්ස යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣතීති: අරූපා චවන්තානං තෙසං තත්ථ රූපක්ඛන්ධො න නිරුජ්ඣති. නො ච තෙසං තත්ථ වෙදනාක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති, වෙදනාක්ඛන්ධො ච න නිරුජ්ඣති.
යස්ස වා පන යත්ථ වෙදනාක්ඛන්ධො න නිරුජ්ඣති තස්ස තත්ථ රූපක්ඛන්ධො න නිරුජ්ඣතීති: අසඤ්ඤසත්තා චවන්තානං තෙසං තත්ථ වෙදනාක්ඛන්ධො න නිරුජ්ඣති, නො ච තෙසං තත්ථ රූපක්ඛන්ධො න නිරුජ්ඣති. සබ්බෙසං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣති, රූපක්ඛන්ධො ච න නිරුජ්ඣති. (පච්චනීක පුග්ගලොකාස)
පච්චුප්පන්නවාරො.
7. යස්ස රූපක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣිත්ථාති: ආමන්තා. යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො නිරුජ්ඣිත්ථාති: ආමන්තා. (අනුලොම පුග්ගල)
8. යත්ථ රූපක්ඛන්ධො නිරුජ්ඣිත්ථ තත්ථ වෙදනාක්ඛන්ධො නිරුජ්ඣිත්ථාති: අසඤ්ඤසත්තෙ තත්ථ රූපක්ඛන්ධො නිරුජ්ඣිත්ථ. නො ච තත්ථ වෙදනාක්ඛන්ධො නිරුජ්ඣිත්ථ, පඤ්චවොකාරෙ තත්ථ රූපක්ඛන්ධො ච නිරුජ්ඣිත්ථ, වෙදනාක්ඛන්ධො ච නිරුජ්ඣිත්ථ.
යත්ථ වා පන වෙදනාක්ඛන්ධො නිරුජ්ඣිත්ථ තත්ථ රූපක්ඛන්ධො නිරුජ්ඣිත්ථාති: අරූපෙ තත්ථ වෙදනාක්ඛන්ධො නිරුජ්ඣිත්ථ. නො ච තත්ථ රූපක්ඛන්ධො නිරුජ්ඣිත්ථ. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිත්ථ. රූපක්ඛන්ධො ච නිරුජ්ඣිත්ථ. (අනුලොම ඔකාස)
9. යස්ස යත්ථ රූපක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො නිරුජ්ඣිත්ථාති: අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිත්ථ. නො ච තෙසං තත්ථ වෙදනාක්ඛන්ධො නිරුජ්ඣිත්ථ. පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිත්ථ. වෙදනාක්ඛන්ධො ච නිරුජ්ඣිත්ථ.
යස්ස වා පන යත්ථ වෙදනාක්ඛන්ධො නිරුජ්ඣිත්ථ තස්ස තත්ථ රූපක්ඛන්ධො නිරුජ්ඣිත්ථාති: අරූපානං තෙසං තත්ථ වෙදනාක්ඛන්ධො නිරුජ්ඣිත්ථ. නො ච තෙසං තත්ථ රූපක්ඛන්ධො නිරුජ්ඣිත්ථ. පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිත්ථ, රූපක්ඛන්ධො ච නිරුජ්ඣිත්ථ. (අනුලොම පුග්ගලොකාස)
10. යස්ස රූපක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣිත්ථාති: නත්ථි. යස්ස වා පන වෙදනාක්ඛන්ධො න නිරුජ්ඣිත්ථ තස්ස රූපක්ඛන්ධො න නිරුජ්ඣිත්ථාති: නත්ථි. (පච්චනීකපුග්ගල)
11. යත්ථ රූපක්ඛන්ධො න නිරුජ්ඣිත්ථ තත්ථ වෙදනාක්ඛන්ධො න නිරුජ්ඣිත්ථාති: නිරුජ්ඣිත්ථ. යත්ථ වා පන වෙදනාක්ඛන්ධො න නිරුජ්ඣිත්ථ තත්ථ රූපක්ඛන්ධො න නිරුජ්ඣිත්ථාති: නිරුජ්ඣිත්ථ. (පච්චනීක ඔකාස)
12. යස්ස යත්ථ රූපක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣිත්ථාති: අරූපානං තෙසං තත්ථ රූපක්ඛන්ධො න නිරුජ්ඣිත්ථ. නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසානං තෙසං තත්ථ රූපක්ඛන්ධො ච න නිරුජ්ඣිත්ථ, වෙදනාක්ඛන්ධො ච න නිරුජ්ඣිත්ථ.
යස්ස වා පන යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ රූපක්ඛන්ධො න නිරුජ්ඣිත්ථාති: අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිත්ථ. නො ච තෙසං තත්ථ රූපක්ඛන්ධො න නිරුජ්ඣිත්ථ. සුද්ධාවාසානං තෙසං තත්ථ වෙදනාක්ඛන්ධො ච න නිරුජ්ඣිත්ථ, රූපක්ඛන්ධො ච න නිරුජ්ඣිත්ථ. (පච්චනීක පුග්ගලොකාස)
අතීතවාරො.
13. යස්ස රූපක්ඛන්ධො නිරුජ්ඣිස්සති තස්ස වෙදනාක්ඛන්ධො නිරුජ්ඣිස්සතීති: ආමන්තා.
යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣිස්සතීති: පච්ඡිමභවිකානං අරූපං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං වෙදනාක්ඛන්ධො නිරුජ්ඣිස්සති. නො ච තෙසං රූපක්ඛන්ධො නිරුජ්ඣිස්සති. ඉතරෙසං තෙසං වෙදනාක්ඛන්ධො ච නිරුජ්ඣිස්සති, රූපක්ඛන්ධො ච නිරුජ්ඣිස්සති. (අනුලොමපුග්ගල)