යස්ස වා පන චිත්තසඞ්ඛාරො න නිරුජ්ඣිස්සති තස්ස වචීසඞ්ඛාරො නූප්පජ්ජතීති: ආමන්තා. (පච්චනීකපුග්ගල)
163-165. යත්ථ කායසඞ්ඛාරො නූප්පජ්ජති -පෙ- (පච්චනීකඔකාස)
166. යස්ස යත්ථ කායසඞ්ඛාරො නූප්පජ්ජති තස්ස තත්ථ වචීසඞ්ඛාරො නිරුජ්ඣිස්සතීති: පඨමජ්ඣානං සමාපන්නානං, කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, රූපාවචරානං, අරූපාවචරානං තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ වචීසඞ්ඛාරො න නිරුජ්ඣිස්සති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්ක අවිචාරපච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං සමාපන්නානං, අස්සාසපස්සාසානං භඞ්ගක්ඛණෙ, තෙසං යෙච විනා අස්සාසපස්සාසෙහි චිත්තස්ස උප්පාදක්ඛණෙ චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, වචීසඞ්ඛාරො ච න නිරුජ්ඣිස්සති.
යස්ස වා පන යත්ථ වචීසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො නූප්පජ්ජතීති: දුතියජ්ඣානං තතියජ්ඣානං සමාපන්නානං, අස්සාසපස්සාසානං උප්පාදක්ඛණෙ, තෙසං තත්ථ වචීසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො නූප්පජ්ජති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං සමාපන්නානං, අසඤ්ඤසත්තානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ වචීසඞ්ඛාරො ච න නිරුජ්ඣිස්සති, කායසඞ්ඛාරො ච නූප්පජ්ජති.
167. යස්ස යත්ථ කායසඞ්ඛාරො නූප්පජ්ජති තස්ස තත්ථ චිත්තසඞ්ඛාරො න නිරුජ්ඣිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, චිත්තසඞ්ඛාරො ච න නිරුජ්ඣිස්සති.
යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො නූප්පජ්ජතීති: ආමන්තා.
168. යස්ස යත්ථ වචීසඞ්ඛාරො නූප්පජ්ජති තස්ස තත්ථ චිත්තසඞ්ඛාරො න නිරුජ්ඣිස්සතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, තෙසං තත්ථ වචීසඞ්ඛාරො නූප්පජ්ජති. නො ච තෙසං තත්ථ චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජති, චිත්තසඞ්ඛාරො ච න නිරුජ්ඣිස්සති.
යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ වචීසඞ්ඛාරො නූප්පජ්ජතීති: ආමන්තා. (පච්චනීකපුග්ගලොකාස)
පච්චුප්පන්නානාගතවාරො.
169. යස්ස කායසඞ්ඛාරො උප්පජ්ජිත්ථ තස්ස වචීසඞ්ඛාරො නිරුජ්ඣිස්සතීති: සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො උප්පජ්ජිත්ථ, නො ච තෙසං වචීසඞ්ඛාරො නිරුජ්ඣිස්සති. ඉතරෙසං තෙසං කායසඞ්ඛාරො ච උප්පජ්ජිත්ථ, වචීසඞ්ඛාරො ච නිරුජ්ඣිස්සති.
යස්ස වා පන වචීසඞ්ඛාරො නිරුජ්ඣිස්සති තස්ස කායසඞ්ඛාරො උප්පජ්ජිත්ථාති: ආමන්තා.
170-180. යස්ස කායසඞ්ඛාරො උප්පජ්ජිත්ථ තස්ස චිත්තසඞ්ඛාරො නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං කායසඞ්ඛාරො උප්පජ්ජිත්ථ, නො ච තෙසං චිත්තසඞ්ඛාරො නිරුජ්ඣිස්සති. ඉතරෙසං තෙසං කායසඞ්ඛාරො ච උප්පජ්ජිත්ථ, චිත්තසඞ්ඛාරො ච නිරුජ්ඣිස්සති.
යස්ස වා පන චිත්තසඞ්ඛාරො නිරුජ්ඣිස්සති තස්ස කායසඞ්ඛාරො උප්පජ්ජිත්ථාති: ආමන්තා. -පෙ-
(යථා නිරොධවාරෙ අතීතානාගතා පුච්ඡා අනුලොමම්පි පච්චනීකම්පි විත්තා එවං උප්පාදනිරොධවාරෙපි අතීතානාගතා පුච්ඡා අනුලොමම්පි පච්චනීකම්පි විභජිතබ්බා අසම්මොහන්තෙන, නිරොධවාරෙන සදිසං, නත්ථි නානාකරණං.) (අනුලොමපුග්ගල)
අතීතානාගතවාරො.
උප්පාදනිරොධවාරො නිට්ඨිතො.
6. පරිඤ්ඤාවාරො
1-180. යො කායසඞ්ඛාරං පරිජානාති සො වචීසඞ්ඛාරං පරිජානාතීති: ආමන්තා.
යො වා පන වචීසඞ්ඛාරං පරිජානාති සො කායසඞ්ඛාරං පරිජානාතීති: ආමන්තා.
(යථා ඛන්ධයමකෙ පරිඤ්ඤාවාරං විභත්තං එවං සඞ්ඛාරයමකෙපි පරිඤ්ඤාවාරං විභජිතබ්බං.)
පරිඤ්ඤාවාරො නිට්ඨිතො.
සඞ්ඛාරයමකං නිට්ඨිතං.
7. අනුසයයමකං
උප්පත්තිට්ඨානවාරො
පරිච්ඡෙදවාරො
සත්තානුසයා:
කාමරාගානුසයො පටිඝානුසයො මානානුසයො දිට්ඨානුසයො විචිකිච්ඡානුසයො භවරාගානුසයො අවිජ්ජානුසයො.
පටිච්ඡින්නුද්දෙසවාරො.
1. කත්ථ කාමරාගානුසයො අනුසෙති: කාමධාතුයා ද්වීසු වෙදනාසු. එත්ථ කාමරාගානුසයො අනුසෙති.
2. කත්ථ පටිඝානුසයො අනුසෙති: දුක්ඛාය වෙදනාය. එත්ථ පටිඝානුසයො අනුසෙති.
3. කත්ථ මානානුසයො අනුසෙති: කාමධාතුයා ද්වීසු වෙදනාසු රූපධාතුයා අරූපධාතුයා. එත්ථ මානාගානුසයො අනුසෙති.
4. කත්ථ දිට්ඨානුසයො අනුසෙති: සබ්බසක්කායපරියාපන්නෙසු ධම්මෙසු. එත්ථ දිට්ඨානුසයො අනුසෙති.
5. කත්ථ විචිකිච්ඡානුසයො අනුසෙති: සබ්බසක්කායපරියාපන්නෙසු ධම්මෙසු. එත්ථ විචිකිච්ඡානුසයො අනුසෙති.
6. කත්ථ භවරාගානුසයො අනුසෙති: රූපධාතුයා අරූපධාතුයා, එත්ථ භවරාගානුසයො අනුසෙති.
7. කත්ථ අවිජ්ජානුසයො අනුසෙති: සබ්බසක්කායපරියාපන්නෙසු ධම්මෙසු. එත්ථ අවිජ්ජානුසයො අනුසෙති.
උප්පත්තිට්ඨානවාරො.
1. අනුසයවාරො.
1. යස්ස කාමරානුසයො අනුසෙති තස්ස පටිඝානුසයො අනුසෙතීති: ආමන්තා.
යස්ස වා පන පටිඝානුසයො අනුසෙති තස්ස කාමරාගානුසයො අනුසෙතීති: ආමන්තා.
2. යස්ස කාමරාගානුසයො අනුසෙති තස්ස මානානුසයො අනුසෙතීති: ආමන්තා.
යස්ස වා පන මානානුසයො අනුසෙති තස්ස භවරාගානුසයො අනුසසෙතීති: අනාගාමිස්ස මානානුසයො අනුසෙති, නො ච තස්ස කාමරාගානුසයො අනුසෙති. තිණ්ණං පුග්ගලානං මානානුසයො ච අනුසෙති, කාමරාගානුසයො ච අනුසෙති.
3. යස්ස කාමරාගානුසයො අනුසෙති තස්ස දිට්ඨානුසයො අනුසෙතීති: ද්වින්නං පුග්ගලානං කාමරාගානුසයො අනුසෙති, නො ච තෙසං දිට්ඨානුසයො අනුසෙති. පුථුජ්ජනස්ස කාමරාගානුසයො ච අනුසෙති, දිට්ඨානුසයො ච අනුසෙති.
යස්ස වා පන දිට්ඨානුසයො අනුසෙති තස්ස කාමරාගානුසයො අනුසෙතීති: ආමන්තා.
4. යස්ස කාමරාගානුසයො අනුසෙති තස්ස විචිකිච්ඡානුසයො අනුසෙතීති: ද්වින්නං පුග්ගලානං කාමරාගානුසයො අනුසෙති, නො ච තෙසං විචිකිච්ඡානුසයො අනුසෙති. පුථුජ්ජනස්ස කාමරාගානුසයො ච අනුසෙති, විචිකිච්ඡානුසයො ච අනුසෙති.
යස්ස වා පන විචිකිච්ඡානුසයො අනුසෙති තස්ස කාමරාගානුසයො අනුසෙතීති: ආමන්තා.
5. යස්ස කාමරාගානුසයො අනුසෙති තස්ස භවරාගානුසයො අනුසෙතීති: ආමන්තා.
යස්ස වා පන භවරාගානුසයො අනුසෙති තස්ස කාමරානුසයො අනුසෙතීති: අනාගාමිස්ස භවරාගානුසයො අනුසෙති, නො ච තස්ස කාමරාගානුසයො අනුසෙති. තිණ්ණං පුග්ගලානං භවරාගානුසයො ච අනුසෙති, කාමරාගානුසයො ච අනුසෙති.
6. යස්ස කාමරාගානුසයො අනුසෙති තස්ස අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස කාමරාගානුසයො අනුසෙතීති: අනාගාමිස්ස අවිජ්ජානුසයො අනුසෙති, නො ච තස්ස කාමරාගානුසයො අනුසෙති. තිණ්ණං පුග්ගලානං අවිජ්ජානුසයො ච අනුසෙති, කාමරාගානුසයො ච අනුසෙති.
7. යස්ස පටිඝානුසයො අනුසෙති තස්ස මානානුසයො අනුසෙතීති: ආමන්තා.
යස්ස වා පන මානානුසයො අනුසෙති තස්ස පටිඝානුසයො අනුසෙතීති: අනාගාමිස්ස මානානුසයො අනුසෙති, නො ච තස්ස පටිඝානුසයො අනුසෙති. තිණ්ණං පුග්ගලානං මානානුසයො ච අනුසෙති, පටිඝානුසයො ච අනුසෙති.
8-9. යස්ස පටිඝානුසයො අනුසෙති තස්ස දිට්ඨානුසයො -පෙ- විචිකිච්ඡානුසයො අනුසෙතීති: ද්වින්නං පුග්ගලානං පටිඝානුසයො අනුසෙති, නො ච තෙසං විචිකිච්ඡානුසයො අනුසෙති. පුථුජ්ජනස්ස පටිඝානුසයො ච අනුසෙති, විචිකිච්ඡානුසයො ච අනුසෙති.
යස්ස වා පන විචිකිච්ඡානුසයො අනුසෙති තස්ස පටිඝානුසයො අනුසෙතීති: ආමන්තා.
10-11. යස්ස පටිඝානුසයො අනුසෙති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස පටිඝානුසයො අනුසෙතීති: අනාගාමිස්ස අවිජ්ජානුසයො අනුසෙති, නො ච තස්ස පටිඝානුසයො අනුසෙති. තිණ්ණං පුග්ගලානං අවිජ්ජානුසයො ච අනුසෙති, පටිඝානුසයො ච අනුසෙති.
12-13. යස්ස මානානුසයො අනුසෙති තස්ස දිට්ඨානුසයො -පෙ- විචිකිච්ඡානුසයො අනුසෙතීති: තිණ්ණං පුග්ගලානං මානානුසයො අනුසෙති, නො ච තෙසං විචිකිච්ඡානුසයො අනුසෙති, පුථුජ්ජනස්ස මානානුසයො ච අනුසෙති, විචිකිච්ඡානුසයො ච අනුසෙති.
යස්ස වා පන විචිකිච්ඡානුසයො අනුසෙති තස්ස මානානුසයො අනුසෙතීති: ආමන්තා.
14-15. යස්ස මානානුසයො අනුසෙති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස මානානුසයො අනුසෙතීති: ආමන්තා.
16. යස්ස දිට්ඨානුසයො අනුසෙති තස්ස විචිකිච්ඡානුසයො අනුසෙතීති: ආමන්තා.
යස්ස වා පන විචිකිච්ඡානුසයො අනුසෙති තස්ස දිට්ඨානුසයො අනුසෙතීති: ආමන්තා.
17-18. යස්ස දිට්ඨානුසයො අනුසෙති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස දිට්ඨානුසයො අනුසෙතීති: තිණ්ණං පුග්ගලානං අවිජ්ජානුසයො අනුසෙති. නො ච තෙසං දිට්ඨානුසයො අනුසෙති. පුථුජ්ජනස්ස අවිජ්ජානුසයො ච අනුසෙති, දිට්ඨානුසයො ච අනුසෙති.
19-20. යස්ස විචිකිච්ඡානුසයො අනුසෙති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස විචිකිච්ඡානුසයො අනුසෙතීති: තිණ්ණං පුග්ගලානං අවිජ්ජානුසයො අනුසෙති, නො ච තෙසං විචිකිච්ඡානුසයො අනුසෙති, පුථුජ්ජනස්ස අවිජ්ජානුසයො ච අනුසෙති, විචිකිච්ඡානුසයො ච අනුසෙති.
21. යස්ස භවරාගානුසයො අනුසෙති තස්ස අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස භවරාගානුසයො අනුසෙතීති: ආමන්තා (එකමූලකං)
22. යස්ස කාමරාගානුසයො ච පරිඝානුසයො ච අනුසෙන්ති තස්ස මානානුසයො අනුසෙතීති: ආමන්තා.
යස්ස වා පන මානානුසයො අනුසෙති තස්ස කාමරාගානුසයො ච පටිඝානුසයො ච අනුසෙන්තීති: අනාගාමිස්ස මානානුසයො අනුසෙති, නො ච තස්ස කාමරාගානුසයො ච පටිඝානුසයො ච අනුසෙන්ති. තිණ්ණං පුග්ගලානං මානානුසයො ච අනුසෙති, කාමරාගානුසයො ච පටිඝානුසයො ච අනුසෙන්ති.
23-24. යස්ස කාමරාගානුසයො ච පටිඝානුසයො ච අනුසෙන්ති තස්ස දිට්ඨානුසයො -පෙ- විචිකිච්ඡානුසයො අනුසෙතීති: ද්වින්නං පුග්ගලානං කාමරාගානුසයො ච පටිඝානුසයො ච අනුසෙන්ති, නො ච තෙසං විචිකිච්ඡානුසයො අනුසෙති. පුථුජ්ජනස්ස කාමරාගානුසයො ච පටිඝානුසයො ච අනුසෙන්ති. විචිකිච්ඡානුසයො ච අනුසෙති.
යස්ස වා පන විචිකිච්ඡානුසයො අනුසෙති තස්ස කාමරාගානුසයො ච පටිඝානුසයො ච අනුසෙන්තීති: ආමන්තා.
25-26. යස්ස කාමරාගානුසයො ච පටිඝානුසයො ච අනුසෙන්ති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති, තස්ස කාමරාගානුසයො ච පටිඝානුසයො ච අනුසෙන්තීති: අනාගාමිස්ස අවිජ්ජානුසයො අනුසෙති. නො ච තස්ස කාමරාගානුසයො ච පටිඝානුසයො ච අනුසෙන්ති. තිණ්ණං පුග්ගලානං අවිජ්ජානුසයො ච අනුසෙති, කාමරාගානුසයො ච පටිඝානුසයො ච අනුසෙන්ති. (දුකමූලකං)
27-28. යස්ස කාමරාගානුසයො ච පටිඝානුසයො ච මානානුසයො ච අනුසෙන්ති තස්ස දිට්ඨානුසයො -පෙ- විචිකිච්ඡානුසයො අනුසෙතීති: ද්වින්නං පුග්ගලානං කාමරාගානුසයො ච පටිඝානුසයො ච මානානුසයො ච අනුසෙන්ති. නො ච තෙසං විචිකිච්ඡානුසයො අනුසෙති. පුථුජ්ජනස්ස කාමරාගානුසයො ච පටිඝානුසයො ච මානානුසයො ච අනුසෙන්ති. විචිකිච්ඡානුසයො ච අනුසෙති.
යස්ස වා පන විචිකිච්ඡානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච අනුසෙන්තීති: ආමන්තා.
29-30. යස්ස කාමරාගානුසයො ච පටිඝානුසයො ච මානානුසයො ච අනුසෙන්තී තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච අනුසෙන්තීති: අනාගාමිස්ස අවිජ්ජානුසයො ච මානානුසයො ච අනුසෙන්තී, නො ච තස්ස කාමරාගානුසයො ච පටිඝානුසයො ච අනුසෙන්ති. තිණ්ණං පුග්ගලානං අවිජ්ජානුසයො ච අනුසෙති, කාමරාගානුසයො ච පටිඝානුසයො ච මානානුසයො ච අනුසෙන්ති. (තිකමූලකං)
31. යස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච අනුසෙන්ති තස්ස විචිකිච්ඡානුසයො අනුසෙතීති: ආමන්තා.
යස්ස වා පන විචිකිච්ඡානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච අනුසෙන්තීති: ආමන්තා.
32-33. යස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච අනුසෙන්ති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච අනුසෙන්තීති: අනාගාමිස්ස අවිජ්ජානුසයො ච මානානුසයො ච අනුසෙන්ති, නො ච තස්ස කාමරාගානුසයො ච පටිඝානුසයො ච දිට්ඨානුසයො ච අනුසෙන්ති. ද්වින්නං පුග්ගලානං අවිජ්ජානුසයො ච කාමරාගානුසයො ච පටිඝානුසයො ච මානානුසයො ච අනුසෙන්ති, නො ච තෙසං දිට්ඨානුසයො අනුසෙති. පුථුජ්ජනස්ස අවිජ්ජානුසයො ච අනුසෙති, කාමරාගානුසයො ච පටිඝානුසයො ච මානානුසයො ච දිට්ඨානුසයො ච අනුසෙන්ති. (චතුක්කමූලකං)
34-35. යස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච අනුසෙන්ති තස්ස භවරාගානුසයො -පෙ- අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච අනුසෙන්තීති: අනාගාමිස්ස අවිජ්ජානුසයො ච මානානුසයො ච අනුසෙන්ති, නො ච තස්ස කාමරාගානුසයො ච පටිඝානුසයො ච දිට්ඨානුසයො ච විචිකිච්ඡානුසයො ච අනුසෙන්ති. ද්වින්නං පුග්ගලානං අවිජ්ජානුසයො ච කාමරාගානුසයො ච පටිඝානුසයො ච මානානුසයො ච අනුසෙන්ති, නො ච තෙසං දිට්ඨානුසයො ච විචිකිච්ඡානුසයො ච අනුසෙන්ති. පුථුජ්ජනස්ස අවිජ්ජානුසයො ච අනුසෙති, කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච අනුසෙන්ති. (පඤ්චකමූලකං)
36. යස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච භවරාගානුසයො ච අනුසෙන්ති තස්ස අවිජ්ජානුසයො අනුසෙතීති: ආමන්තා.
යස්ස වා පන අවිජ්ජානුසයො අනුසෙති තස්ස කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච භවරාගානුසයො ච අනුසෙන්තීති: අනාගාමිස්ස අවිජ්ජානුසයො ච මානානුසයො ච භවරාගානුසයො ච අනුසෙන්ති. නො ච තස්ස කාමරාගානුසයො ච පටිඝානුසයො ච දිට්ඨානුසයො ච විචිකිච්ඡානුසයො ච අනුසෙන්ති. ද්වින්නං පුග්ගලානං අවිජ්ජානුසයො ච කාමරාගානුසයො ච පටිඝානුසයො ච මානානුසයො ච භවරාගානුසයො ච අනුසෙන්ති, නො ච තෙසං දිට්ඨානුසයො ච විචිකිච්ඡානුසයො ච අනුසෙන්ති. පුථුජ්ජනස්ස අවිජ්ජානුසයො ච අනුසෙති. කාමරාගානුසයො ච පටිඝානුසයො ච මානානුසයො ච දිට්ඨානුසයො ච විචිකිච්ඡානුසයො ච භවරාගානුසයො ච අනුසෙන්ති. (ඡක්කමූලකං) (අනුලොමපුග්ගල)
37. යත්ථ කාමරාගානුසයො අනුසෙති තත්ථ පටිඝානුසයො අනුසෙතීති: නො.
යත්ථ වා පන පටිඝානුසයො අනුසෙති තත්ථ කාමරාගානුසයො අනුසෙතීති: නො.
38. යත්ථ කාමරාගානුසයො අනුසෙති තත්ථ මානානුසයො අනුසෙතීති: ආමන්තා.
යත්ථ වා පන මානානුසයො අනුසෙති තත්ථ කාමරාගානුසයො අනුසෙතීති: රූපධාතුයා අරූපධාතුයා එත්ථ මානානුසයො අනුසෙති, නො ච තත්ථ කාමරාගානුසයො අනුසෙති. කාමධාතුයා ද්විසුවෙදනාසු එත්ථ මානානුසයො ච අනුසෙති, කාමරාගානුසයො ච අනුසෙති.
39-40. යත්ථ කාමරාගානුසයො අනුසෙති තත්ථ දිට්ඨානුසයො -පෙ- විචිකිච්ඡානුසයො අනුසෙතීති: ආමන්තා.
යත්ථ වා පන විචිකිච්ඡානුසයො අනුසෙති තත්ථ කාමරාගානුසයො අනුසෙතීති: දුක්ඛාය වෙදනාය රූපධාතුයා අරූපධාතුයා එත්ථ විචිකිච්ඡානුසයො අනුසෙති, නො ච තත්ථ කාමරාගානුසයො අනුසෙති. කාමධාතුයා ද්වීසු වෙදනාසු එත්ථ විචිකිච්ඡානුසයො ච අනුසෙති, කාමරාගානුසයො ච අනුසෙති.
41. යත්ථ කාමරාගානුසයො අනුසෙති තත්ථ භවරාගානුසායො අනුසෙතීති: නො.
යත්ථ වා පන භවරාගානුසයො අනුසෙති තත්ථ කාමරාගානුසයො අනුසෙතීති: නො.
42. යත්ථ කාමරාගානුසයො අනුසෙති තත්ථ අවිජ්ජානුසයො අනුසෙතීති: ආමන්තා.
යත්ථ වා පන අවිජ්ජානුසයො අනුසෙති තත්ථ කාමරාගානුසයො අනුසෙතීති: දුක්ඛාය වෙදනාය රූපධාතුයා අරූපධාතුයා එත්ථ අවිජ්ජානුසයො අනුසෙති, නො ච තත්ථ කාමරාගානුසයො අනුසෙති. කාමධාතුයා ද්වීසු වෙදනාසු එත්ථ අවිජ්ජානුසයො ච අනුසෙති, කාමරාගානුසයො ච අනුසෙති.
43. යත්ථ පටිඝානුසයො අනුසෙති තත්ථ මානානුසයො අනුසෙතීති: නො.
යත්ථ වා පන මානානුසයො අනුසෙති තත්ථ පටිඝානුසයො අනුසෙතීති: නො.
44-45. යත්ථ පටිඝානුසයො අනුසෙති තත්ථ දිට්ඨානුසයො -පෙ- විචිකිච්ඡානුසයො අනුසෙතීති: ආමන්තා.
යත්ථ වා පන විචිකිච්ඡානුසයො අනුසෙති තත්ථ පටිඝානුසයො අනුසෙතීති: කාමධාතුයා ද්වීසු වෙදනාසු රූපධාතුයා අරූපධාතුයා එත්ථ විචිකිච්ඡානුසයො අනුසෙති, නො ච තත්ථ පටිඝානුසයො අනුසෙති. දුක්ඛාය වෙදනාය එත්ථ විචිකිච්ඡානුසයො ච අනුසෙති, පටිඝානුසයො ච අනුසෙති.
46. යත්ථ පටිඝානුසයො අනුසෙති තත්ථ භවරාගානුසයො අනුසෙතීති: නො.