92. යස්ස කායසඞ්ඛාරො නිරුජ්ඣිත්ථ තස්ස චිත්තසඞ්ඛාරො නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං කායසඞ්ඛාරො නිරුජ්ඣිත්ථ, නො ච තෙසං චිත්තසඞ්ඛාරො නිරුජ්ඣිස්සති. ඉතරෙසං තෙසං කායසඞ්ඛාරො ච නිරුජ්ඣිත්ථ, චිත්තසඞ්ඛාරො ච නිරුජ්ඣිස්සති.
යස්ස වා පන -පෙ- ආමන්තා.
93. යස්ස වචීසඞ්ඛාරො නිරුජ්ඣිත්ථ තස්ස චිත්තසඞ්ඛාරො නිරුජ්ඣිස්සතීති: පච්ඡිමචිත්තස්ස භඞ්ගක්ඛණෙ තෙසං වචීසඞ්ඛාරො නිරුජ්ඣිත්ථ, නො ච තෙසං චිත්තසඞ්ඛාරො නිරුජ්ඣිස්සති. ඉතරෙසං තෙසං වචීසඞ්ඛාරො ච නිරුජ්ඣිත්ථ, චිත්තසඞ්ඛාරො ච නිරුජ්ඣිස්සති.
යස්ස වා පන -පෙ- ආමන්තා. (අනුලොමපුග්ගල)
94-96. යත්ථ කායසඞ්ඛාරො නිරුජ්ඣිත්ථ -පෙ- (අනුලොමඔකාස)
97. යස්ස යත්ථ කායසඞ්ඛාරො නිරුජ්ඣිත්ථ තස්ස තත්ථ වචීසඞ්ඛාරො නිරුජ්ඣිස්සතීති: කාමාවචරෙ පච්ඡිමචිත්තස්ස භඞ්ගක්ඛණෙ දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො නිරුජ්ඣිත්ථ, නො ච තෙසං තත්ථ වචීසඞ්ඛාරො නිරුජ්ඣිස්සති. පඨමජ්ඣානං සමාපන්නානං, ඉතරෙසං කාමාවචරානං තෙසං තත්ථ කායසඞ්ඛාරො ච නිරුජ්ඣිත්ථ, වචීසඞ්ඛාරො ච නිරුජ්ඣිස්සති.
යස්ස වා පන යත්ථ වචීසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො නිරුජ්ඣිත්ථාති: රූපාවචරානං අරූපාවචරානං තෙසං තත්ථ වචීසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො නිරුජ්ඣිත්ථ. පඨමජ්ඣානං සමාපන්නානං, කාමාවචරානං තෙසං තත්ථ වචීසඞ්ඛාරො ච නිරුජ්ඣිස්සති, කායසඞ්ඛාරො ච නිරුජ්ඣිත්ථ.
98. යස්ස යත්ථ කායසඞ්ඛාරො නිරුජ්ඣිත්ථ තස්ස තත්ථ චිත්තසඞ්ඛාරො නිරුජ්ඣිස්සතීති: කාමාවචරෙ පච්ඡිමචිත්තස්ස භඞ්ගක්ඛණෙ තෙසං තත්ථ කායසඞ්ඛාරො නිරුජ්ඣිත්ථ, නො ච තෙසං තත්ථ චිත්තසඞ්ඛාරො නිරුජ්ඣිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං, ඉතරෙසං කාමාවචරානං තෙසං තත්ථ කායසඞ්ඛාරො ච නිරුජ්ඣිත්ථ, චිත්තසඞ්ඛාරො ච නිරුජ්ඣිස්සති.
යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො නිරුජ්ඣිත්ථාති: චතුත්ථජ්ඣානං සමාපන්නානං, රූපාවචරානං, අරූපාවචරානං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො නිරුජ්ඣිත්ථ. පඨමජ්ඣානං දුතියජ්ඣානං, තතියජ්ඣානං සමාපන්නානං කාමාවචරානං තෙසං තත්ථ චිත්තසඞ්ඛාරො ච නිරුජ්ඣිස්සති. කායසඞ්ඛාරො ච නිරුජ්ඣිත්ථ.
99. යස්ස යත්ථ වචීසඞ්ඛාරො නිරුජ්ඣිත්ථ තස්ස තත්ථ චිත්තසඞ්ඛාරො නිරුජ්ඣිස්සතීති: සවිතක්කසවිචාරභූමියං පච්ඡිමචිත්තස්ස භඞ්ගක්ඛණෙ තෙසං තත්ථ වචීසඞ්ඛාරො නිරුජ්ඣිත්ථ, නො ච තෙසං තත්ථ චිත්තසඞ්ඛාරො නිරුජ්ඣිස්සති. ඉතරෙසං සවිතක්කසවිචාරභූමියං තෙසං තත්ථ වචීසඞ්ඛාරො ච නිරුජ්ඣිත්ථ. චිත්තසඞ්ඛාරො ච නිරුජ්ඣිස්සති.
යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ වචීසඞ්ඛාරො නිරුජ්ඣිත්ථාති: අවිතක්කඅවිචාරභූමියං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ වචීසඞ්ඛාරො නිරුජ්ඣිත්ථ. සවිතක්කසවිචාරභූමියං තෙසං තත්ථ චිත්තසඞ්ඛාරො ච නිරුජ්ඣිස්සති, වචීසඞ්ඛාරො ච නිරුජ්ඣිත්ථ. (අනුලොමපුග්ගලොකාස)
100. යස්ස කායසඞ්ඛාරො න නිරුජ්ඣිත්ථ තස්ස වචීසඞ්ඛාරො න නිරුජ්ඣිස්සතීති: නත්ථි.
යස්ස වා පන වචීසඞ්ඛාරො න නිරුජ්ඣිස්සති තස්ස කායසඞ්ඛාරො න නිරුජ්ඣිත්ථාති: නිරුජ්ඣිත්ථ.
101. යස්ස කායසඞ්ඛාරො න නිරුජ්ඣිත්ථ තස්ස චිත්තසඞ්ඛාරො න නිරුජ්ඣිස්සතීති: නත්ථි.
යස්ස වා පන චිත්තසඞ්ඛාරො න නිරුජ්ඣිස්සති තස්ස කායසඞ්ඛාරො න නිරුජ්ඣිත්ථාති: නිරුජ්ඣිත්ථ.
102. යස්ස වචීසඞ්ඛාරො න නිරුජ්ඣිත්ථ තස්ස චිත්තසඞ්ඛාරො න නිරුජ්ඣිස්සතීති: නත්ථි.
යස්ස වා පන චිත්තසඞ්ඛාරො න නිරුජ්ඣිස්සති තස්ස වචීසඞ්ඛාරො න නිරුජ්ඣිත්ථාති: නිරුජ්ඣිත්ථ (පච්චනීකපුග්ගල)
103-105. යත්ථ කායසඞ්ඛාරො න නිරුජ්ඣිත්ථ -පෙ- (පච්චනීකඔකාස)
106. යස්ස යත්ථ කායසඞ්ඛාරො න නිරුජ්ඣිත්ථ තස්ස තත්ථ වචීසඞ්ඛාරො න නිරුජ්ඣිස්සතීති: රූපාවචරානං, අරූපාවචරානං තෙසං තත්ථ කායසඞ්ඛාරො න නිරුජ්ඣිත්ථ, නො ච තෙසං තත්ථ වචීසඞ්ඛාරො න නිරුජ්ඣිස්සති. රූපාවචරෙ, අරූපාවචරෙ සවිතක්කසවිචාර පච්ඡිමචිත්තස්ස භඞ්ගක්ඛණෙ, අවිතක්කඅවිචාර පච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච න නිරුජ්ඣිත්ථ, වචීසඞ්ඛාරො ච න නිරුජ්ඣිස්තති.
යස්ස වා පන යත්ථ වචීසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො න නිරුජ්ඣිත්ථාති: කාමාවචරෙ පච්ඡිමචිත්තස්ස භඞ්ගක්ඛණෙ, දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො න නිරුජ්ඣිත්ථ. රූපාවචරෙ, අරූපාවචරෙ සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ වචීසඞ්ඛාරො ච න නිරුජ්ඣිස්සති, කායසඞ්ඛාරො ච න නිරුජ්ඣිත්ථ,
107. යස්ස යත්ථ කායසඞ්ඛාරො න නිරුජ්ඣිත්ථ තස්ස තත්ථ චිත්තසඞ්ඛාරො න නිරුජ්ඣිස්සතීති: චතුත්ථජ්ඣානං සමාපන්නානං, රූපාවචරානං, අරූපාවචරානං තෙසං තත්ථ කායසඞ්ඛාරො න නිරුජ්ඣිත්ථ.
නො ච තෙසං තත්ථ චිත්තසඞ්ඛාරො න නිරුජ්ඣිසස්ති. රූපාවචරෙ, අරූපාවචරෙ පච්ඡිමචිත්තස්ස භඞ්ගක්ඛණෙ, අසඤ්ඤසත්තානං තෙසං තත්ථ කායසඞ්ඛාරො ච න නිරුජ්ඣිත්ථ, චිත්තසඞ්ඛාරො ච න නිරුජ්ඣිස්සති.
යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො න නිරුජ්ඣිත්ථාති: කාමාවචරෙ පච්ඡිමචිත්තස්ස භඞ්ගක්ඛණෙ තෙසං තත්ථ චිත්තසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො න නිරුජ්ඣිත්ථ. රූපාවචරෙ, අරූපාවචරෙ පච්ඡිමචිත්තස්ස භඞ්ගක්ඛණෙ, අසඤ්ඤසත්තානං තෙසං තත්ථ චිත්තසඞ්ඛාරො ච න නිරුජ්ඣිස්සති, කායසඞ්ඛාරො ච න නිරුජ්ඣිත්ථ.
108. යස්ස යත්ථ වචීසඞ්ඛාරො න නිරුජ්ඣිත්ථ තස්ස තත්ථ චිත්තසඞ්ඛාරො න නිරුජ්ඣිස්සතීති: අවිතක්කඅවිචාරභූමියං තෙසං තත්ථ වචීසඞ්ඛාරො න නිරුජ්ඣිත්ථ, නො ච තෙසං තත්ථ චිත්තසඞ්ඛාරො න නිරුජ්ඣිස්සති. අවිතක්කඅවිචාරභූමියං පච්ඡිමචිත්තස්ස භඞ්ගක්ඛණෙ, අසඤ්ඤසත්තානං, තෙසං තත්ථ වචීසඞ්ඛාරො ච න නිරුජ්ඣිත්ථ, චිත්තසඞ්ඛාරො ච න නිරුජ්ඣිස්සති.
යස්ස වා පන යත්ථ චිත්තසඞ්ඛාරො න නිරුජ්ඣිස්සති තස්ස තත්ථ වචීසඞ්ඛාරො න නිරුජ්ඣිත්ථාති: සවිතක්කසවිචාරභූමියං පච්ඡිමචිත්තස්ස භඞ්ගක්ඛණෙ තෙසං තත්ථ චිත්තසඞ්ඛාරො න නිරුජ්ඣිස්සති. නො ච තෙසං තත්ථ වචීසඞ්ඛාරො න නිරුජ්ඣිත්ථ. අවිතක්කඅවිචාරභූමියං පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ චිත්තසඞ්ඛාරො ච න නිරුජ්ඣිස්සති, වචීසඞ්ඛාරො ච න නිරුජ්ඣිත්ථ. (පච්චනීකපුග්ගලොකාස)
අතීතානාගතවාරො.
නිරොධවාරො නිට්ඨිතො.
5. උප්පාද නිරොධවාරො
109. යස්ස කායසඞ්ඛාරො උප්පජ්ජති තස්ස වචීසඞ්ඛාරො නිරුජ්ඣතීති: නො.
යස්ස වා පන වචීසඞ්ඛාරො නිරුජ්ඣති තස්ස කායසඞ්ඛාරො උප්පජ්ජතීති: නො.
110. යස්ස කායසඞ්ඛාරො උප්පජ්ජති තස්ස චිත්තසඞ්ඛාරො නිරුජ්ඣතීති: නො.
යස්ස වා පන චිත්තසඞ්ඛාරො නිරුජ්ඣති තස්ස කායසඞ්ඛාරො උප්පජ්ජතීති: නො.
111. යස්ස වචීසඞ්ඛාරො උප්පජ්ජති තස්ස චිත්තසඞ්ඛාරො නිරුජ්ඣතීති: නො.
යස්ස වා පන -පෙ- (අනුලොමපුග්ගල)
112-114. යත්ථ කායසඞ්ඛාරො උප්පජ්ජති තත්ථ වචීසඞ්ඛාරො නිරුජ්ඣතීති: දුතියජ්ඣානෙ තතියජ්ඣානෙ තත්ථ -පෙ-
(ඉතරෙසං යත්ථකානං සදිසං) (අනුලොමඔකාස)
115-117. යස්ස යත්ථ කායසඞ්ඛාරො උප්පජ්ජති -පෙ-
(යස්සකම්පි යස්සයත්ථකම්පි සදිසං) (අනුලොමපුග්ගලොකාස)
118. යස්ස කායසඞ්ඛාරො නූප්පජ්ජති තස්ස වචීසඞ්ඛාරො න නිරුජ්ඣතීති: විතක්කවිචාරානං භඞ්ගක්ඛණෙ තෙසං කායසඞ්ඛාරො නූප්පජ්ජති. නො ච තෙසං වචීසඞ්ඛාරො න නිරුජ්ඣති. විනා අස්සාසපස්සාසෙහි චිත්තස්ස උප්පාදක්ඛණෙ, විනා විතක්කවිචාරෙහි චිත්තස්ස භඞ්ගක්ඛණෙ, නිරොධසමාපන්නානං, අසඤ්ඤසත්තානං තෙසං කායසඞ්ඛාරො ච නූප්පජ්ජති, වචීසඞ්ඛාරො ච න නිරුජ්ඣති.
යස්ස වා පන වචීසඞ්ඛාරො න නිරුජ්ඣති තස්ස කායසඞ්ඛාරො නූප්පජ්ජතීති: අස්සාසපස්සාසානං උප්පාදක්ඛණෙ තෙසං වචීසඞ්ඛාරො න නිරුජ්ඣති, නො ච තෙසං කායසඞ්ඛාරො නූප්පජ්ජති. විනා අස්සාසපස්සාසෙහි චිත්තස්ස උප්පාදක්ඛණෙ, විනා විතක්කවිචාරෙහි චිත්තස්ස භඞ්ගක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො ච න නිරුජ්ඣති, කායසඞ්ඛාරො ච නූප්පජ්ජති.
119. යස්ස කායසඞ්ඛාරො නූප්පජ්ජති තස්ස චිත්තසඞ්ඛාරො න නිරුජ්ඣතීති: සබ්බෙසං චිත්තස්ස භඞ්ගක්ඛණෙ තෙසං කායසඞ්ඛාරො නූප්පජ්ජති, නො ච තෙසං චිත්තසඞ්ඛාරො න නිරුජ්ඣති. විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං කායසඞ්ඛාරො ච නූප්පජ්ජති, චිත්තසඞ්ඛාරො ච න නිරුජ්ඣති.
යස්ස වා පන චිත්තසඞ්ඛාරො න නිරුජ්ඣති තස්ස කාය සඞ්ඛාරො නූප්පජ්ජතීති: අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො න නිරුජ්ඣති, නො ච තෙසං කායසඞ්ඛාරො නූප්පජ්ජති. විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො ච න නිරුජ්ඣති, කායසඞ්ඛාරො ච නූප්පජ්ජති.
120. යස්ස වචීසඞ්ඛාරො නූප්පජ්ජති, තස්ස චිත්තසඞ්ඛාරො න නිරුජ්ඣතීති: සබ්බෙසං චිත්තස්ස භඞ්ගක්ඛණෙ තෙසං වචීසඞ්ඛාරො නූප්පජ්ජති, නො ච තෙසං චිත්තසඞ්ඛාරො න නිරුජ්ඣති. විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො ච නූප්පජ්ජති, චිත්තසඞ්ඛාරො ච න නිරුජ්ඣති.
යස්ස වා පන චිත්තසඞ්ඛාරො න නිරුජ්ඣති තස්ස වචීසඞ්ඛාරො නූප්පජ්ජතීති: විතක්කවිචාරානං උප්පාදක්ඛණෙ තෙසං චිත්තසඞ්ඛාරො න නිරුජ්ඣති, නො ච තෙසං වචීසඞ්ඛාරො නූප්පජ්ජති. විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො ච න නිරුජ්ඣති, වචීසඞ්ඛාරො ච නූප්පජ්ජති. (පච්චනීකපුග්ගල)
121-123. යත්ථ කායසඞ්ඛාරො නූප්පජ්ජති -පෙ- (පච්චනීකඔකාස)
124-126. යස්ස යත්ථ කායසඞ්ඛාරො නූප්පජ්ජති -පෙ-
(යස්සකම්පි යස්සයත්ථකම්පි සදිසං, යස්ස යත්ථකෙ නිරොධසමාපන්නානංති න ලබ්භති.) (පච්චනීකපුග්ගලොකාස)
පච්චුප්පන්නවාරො.
127-129. යස්ස කායසඞ්ඛාරො උප්පජ්ජිත්ථ තස්ස වචීසඞ්ඛාරො නිරුජ්ඣිත්ථාති: ආමන්තා. (අනුලොමපුග්ගල)
(අතීතා පුච්ඡා උප්පාදවාරෙපි නිරොධවාරෙපි උප්පාදනිරොධවාරෙපි සදිසං විත්ථාරෙතබ්බා.)
අතීතවාරො.
130. යස්ස කායසඞ්ඛාරො උප්පජ්ජිස්සති තස්ස වචීසඞ්ඛාරො නිරුජ්ඣිස්සතීති: ආමන්තා.
යස්ස වා පන වචීසඞ්ඛාරො නිරුජ්ඣිස්සති, තස්ස කායසඞ්ඛාරො උප්පජ්ජිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ, අරූපාවචරෙ පච්ඡිමභවිකානං යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති. තෙසං චවන්තානං තෙසං වචීසඞ්ඛාරො නිරුජ්ඣිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං වචීසඞ්ඛාරො ච නිරුජ්ඣිස්සති, කායසඞ්ඛාරො ච උප්පප්ජිස්සති.
131. යස්ස කායසඞ්ඛාරො උප්පජ්ජිස්සති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස කායසඞ්ඛාරො උප්පජ්ජිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති. රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති. තෙසං චවන්තානං තෙසං චිත්තසඞ්ඛාරො නිරුජ්ඣිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජිස්සති.
132. යස්ස වචීසඞ්ඛාරො උප්පජ්ජිස්සති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස වචීසඞ්ඛාරො උප්පජ්ජිස්සතීති: පච්ඡිමචිත්තස්ස උප්පාදක්ඛණෙ යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං චිත්තසඞ්ඛාරො නිරුජ්ඣිස්සති, නො ච තෙසං වචීසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච නිරුජ්ඣිස්සති, වචීසඞ්ඛාරො ච උප්පජ්ජිස්සති. (අනුලොමපුග්ගල)
133-135. යත්ථ කායසඞ්ඛාරො උප්පජ්ජිස්සති -පෙ- (අනුලොමඔකාස)
136. යස්ස යත්ථ කායසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො නිරුජ්ඣිස්සතීති: දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො නිරුජ්ඣිස්සති. පඨමජ්ඣානං සමාපන්නානං කාමාවචරානං තෙසං තත්ථ කායසඞ්ඛාරො ච උප්පජ්ජිස්සති වචීසඞ්ඛාරො ච නිරුජ්ඣිස්සති.
යස්ස වා පන යත්ථ වචීසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො උප්පජ්ජිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරානං අරූපාවචරානං තෙසං තත්ථ වචීසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො උප්පජ්ජිස්සති. පඨමජ්ඣානං සමාපන්නානං, ඉතරෙසං කාමාවචරානං තෙසං තත්ථ වචීසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජිස්සති.
137. යස්ස යත්ථ කායසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො උප්පජ්ජිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, රූපාවචරානං, අරූපාවචරානං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො උප්පජ්ජිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං ඉතරෙසං කාමාවචරානං තෙසං තත්ථ චිත්තසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජිස්සති.
138. යස්ස යත්ථ කායසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ වචීසඞ්ඛාරො උප්පජ්ජිස්සතීති: පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං චතුත්ථජ්ඣානං සමාපන්නානං තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං, කාමාවචරානං ඉතරෙසං රූපාවචරානං අරූපාවචරානං තෙසං තත්ථ චිත්තසඞ්ඛාරො ච නිරුජ්ඣිස්සති, වචීසඞ්ඛාරො ච උප්පජ්ජිස්සති. (අනුලොමපුග්ගලොකාස)
139. යස්ස කායසඞ්ඛාරො නූප්පජ්ජිස්සති තස්ස වචීසඞ්ඛාරො න නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං, යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති තෙසං චවන්තානං තෙසං කායසඞ්ඛාරො නූප්පජ්ජිස්සති. නො ච තෙසං වචීසඞ්ඛාරො න නිරුජ්ඣිස්සති. සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, තෙසං කායසඞ්ඛාරො ච නූප්පජ්ජිස්සති, වචීසඞ්ඛාරො ච න නිරුජ්ඣිස්සති.
යස්ස වා පන -පෙ- ආමන්තා.
140. යස්ස කායසඞ්ඛාරො නූප්පජ්ජිස්සති තස්ස චිත්තසඞ්ඛාරො න නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති. තෙසං චවන්තානං, තෙසං කායසඞ්ඛාරො නූප්පජ්ජිස්සති, නො ච තෙසං චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං කායසඞ්ඛාරො ච නූප්පජ්ජිස්සති, චිත්තසඞ්ඛාරො ච න නිරුජ්ඣිස්සති.
යස්ස වා පන චිත්තසඞ්ඛාරො -පෙ- ආමන්තා.
141. යස්ස වචීසඞ්ඛාරො නූප්පජ්ජිස්සති තස්ස චිත්තසඞ්ඛාරො න නිරුජ්ඣිස්සතීති: අවිතක්කඅවිචාරපච්ඡිමචිත්තස්ස{1} උප්පාදක්ඛණෙ, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං වචීසඞ්ඛාරො නූප්පජ්ජිස්සති, නො ච තෙසං චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං වචීසඞ්ඛාරො ච නූප්පජ්ජිස්සති, චිත්තසඞ්ඛාරො ච න නිරුජ්ඣිස්සති.
යස්ස වා පන චිත්තසඞ්ඛාරො -පෙ- ආමන්තා. (පච්චනීකපුග්ගල)
142-144. යත්ථ කායසඞ්ඛාරො නූප්පජ්ජිස්සති -පෙ- (පච්චනීකඔකාස)
145. යස්ස යත්ථ කායසඞ්ඛාරො නූප්පජ්ජිස්සති තස්ස තත්ථ වචීසඞ්ඛාරො න නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිස්සති, නො ච තෙසං තත්ථ වචීසඞ්ඛාරො න නිරුජ්ඣිස්සති. සවිචක්කසවිචාරපච්ඡිමචිත්තස්ස භඞ්ගක්ඛණෙ අවිතක්ක අවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරපච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිස්සති, වචීසඞ්ඛාරො ච න නිරුජ්ඣිස්සති.
යස්ස වා පන යත්ථ වචීසඞ්ඛාරො න නිරුජ්ඣිස්සති තස්ස තත්ථ කායසඞ්ඛාරො නූප්පජ්ජිස්සතීති: දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො න නිරුජ්ඣිස්සති, නො ච තෙසං තත්ථ කායසඞ්ඛාරො නූප්පජ්ජිස්සති. සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්ක අවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ වචීසඞ්ඛාරො ච න නිරුජ්ඣිස්සති, කායසඞ්ඛාරො ච නූප්පජ්ජිස්සති.
146. යස්ස යත්ථ කායසඞ්ඛාරො නූප්පජ්ජිස්සති තස්ස තත්ථ චිත්තසඞ්ඛාරො න නිරුජ්ඣිස්සතීති: කාමාවචරානං පච්ඡිමචිත්තස්ස උප්පාදක්ඛණෙ යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිස්සති, නො ච තෙසං තත්ථ චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිස්සති, චිත්තසඞ්ඛාරො ච න නිරුජ්ඣිස්සති.
යස්ස වා පන යත්ථ චිත්තසඞ්ඛාරො -පෙ- ආමන්තා.
147. යස්ස යත්ථ වචීසඞ්ඛාරො නූප්පජ්ජිස්සති තස්ස තත්ථ චිත්තසඞ්ඛාරො න නිරුජ්ඣිස්සතීති: අවිතක්කඅවිචාරපච්ඡිමචිත්තස්ස උප්පාදක්ඛණෙ, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, දුතියජ්ඣානං, තතියජ්ඣානං, චතුත්ථජ්ඣානං සමාපන්නානං තෙසං තත්ථ වචීසඞ්ඛාරො නූප්පජ්ජිස්සති, නො ච තෙසං තත්ථ චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිස්සති, චිත්ත සඞ්ඛාරො ච න නිරුජ්ඣිස්සති.
යස්ස වා පන යත්ථ -පෙ- ආමන්තා. (පච්චනීකපුග්ගලොකාස)
අනාගතවාරො.
148-150. යස්ස කායසඞ්ඛාරො උප්පජ්ජති තස්ස වචීසඞ්ඛාරො නිරුජ්ඣිත්ථාති: ආමන්තා.
යස්ස වා පන වචීසඞ්ඛාරො නිරුජ්ඣිත්ථ තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො නිරුජ්ඣිත්ථ, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච නිරුජ්ඣිත්ථ, කායසඞ්ඛාරො ච උප්පජ්ජති -පෙ-
(යථා උප්පාදවාරෙ{1} පච්චුප්පන්නා අතීතා පුච්ඡා අනුලොමම්පි පච්චනීකම්පි විභත්තා, එවං උප්පාදනිරොධවාරෙපි පච්චුප්පන්නා අතීතාපුච්ඡා අනුලොමම්පි පච්චනීකම්පි විභාවිතබ්බා.) (අනුලොමපුග්ගල)
පච්චුප්පන්නාතීතවාරො.
151. යස්ස කායසඞ්ඛාරො උප්පජ්ජති තස්ස වචීසඞ්ඛාරො නිරුජ්ඣිස්සතීති: ආමන්තා.
යස්ස වා පන වචීසඞ්ඛාරො නිරුජ්ඣිස්සති තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො නිරුජ්ඣිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජති.
152. යස්ස කායසඞ්ඛාරො උප්පජ්ජති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො නිරුජ්ඣිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො ච නිරුජ්ඣිස්සති. කායසඞ්ඛාරො ච උප්පජ්ජති.
153. යස්ස වචීසඞ්ඛාරො උප්පජ්ජති තස්ස චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො නිරුජ්ඣිස්සති, නො ච තෙසං වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං චිත්තසඞ්ඛාරො ච නිරුජ්ඣිස්සති. වචීසඞ්ඛාරො ච උප්පජ්ජති. (අනුලොමපුග්ගල)
154-156. යත්ථ කායසඞ්ඛාරො උප්පජ්ජති -පෙ- (අනුලොමඔකාස)
157. යස්ස යත්ථ කායසඞ්ඛාරො උප්පජ්ජති තස්ස තත්ථ වචීසඞ්ඛාරො නිරුජ්ඣිස්සතීති: දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො උප්පජ්ජති, නො ච තෙසං තත්ථ වචීසඞ්ඛාරො නිරුජ්ඣිස්සති. පඨමජ්ඣානං සමාපන්නානං කාමාවචරානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො ච උප්පජ්ජති, වචීසඞ්ඛාරො ච නිරුජ්ඣිස්සති.
යස්ස වා පන යත්ථ වචීසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො උප්පජ්ජතීති: පඨමජ්ඣානං සමාපන්නානං, කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, රූපාවචරානං, අරූපාවචරානං තෙසං තත්ථ වචීසඞ්ඛාරො නිරුජ්ඣිස්සති. නො ච තෙසං තත්ථ කායසඞ්ඛාරො උප්පජ්ජති. පඨමජ්ඣානං සමාපන්නානං, කාමාවචරානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජති.
158. යස්ස යත්ථ කායසඞ්ඛාරො උප්පජ්ජති තස්ස තත්ථ චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන යත්ථ චිත්තසඞ්ඛාරො නිරුජ්ඣිස්සති තස්ස තත්ථ කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො නිරුජ්ඣිස්සති, නො ච තෙසං තත්ථ කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං තත්ථ චිත්තසඞ්ඛාරො ච නිරුජ්ඣිස්සති, කායසඞ්ඛාරො ච උප්පජ්ජති.
159. යස්ස යත්ථ වචීසඞ්ඛාරො උප්පජ්ජති තස්ස තත්ථ චිත්තසඞ්ඛාරො නිරුජ්ඣිස්සතීති: ආමන්තා.
යස්ස වා පන චිත්තසඞ්ඛාරො නිරුජ්ඣිස්සති තස්ස වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, තෙසං තත්ථ චිත්තසඞ්ඛාරො නිරුජ්ඣිස්සති. නො ච තෙසං තත්ථ වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං තත්ථ චිත්තසඞ්ඛාරො ච නිරුජ්ඣිස්සති. වචීසඞ්ඛාරො ච උප්පජ්ජති. (අනුලොමපුග්ගලොකාස)
160. යස්ස කායසඞ්ඛාරො නූප්පජ්ජති තස්ස වචීසඞ්ඛාරො න නිරුජ්ඣිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං අසඤ්ඤසත්තානං තෙසං කායසඞ්ඛාරො නූප්පජ්ජති, නො ච තෙසං වචීසඞ්ඛාරො න නිරුජ්ඣිස්සති, සවිතක්කසවිචාරපච්ඡිමචිත්තස්ස භඞ්ගක්ඛණෙ අවිතක්කඅවිචාරපච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො ච නූප්පජ්ජති, වචීසඞ්ඛාරො ච න නිරුජ්ඣිස්සති.
යස්ස වා පන වචීසඞ්ඛාරො න නිරුජ්ඣිස්සති තස්ස කායසඞ්ඛාරො නූප්පජ්ජතීති: ආමන්තා.
161. යස්ස කායසඞ්ඛාරො නූප්පජ්ජති තස්ස චිත්තසඞ්ඛාරො න නිරුජ්ඣිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං කායසඞ්ඛාරො නූප්පජ්ජති. නො ච තෙසං චිත්තසඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං කායසඞ්ඛාරො ච නූප්පජ්ජති. චිත්තසඞ්ඛාරො ච න නිරුජ්ඣිස්සති.
යස්ස වා පන චිත්තසඞ්ඛාරො න නිරුජ්ඣිස්සති තස්ස කායසඞ්ඛාරො නූප්පජ්ජතීති: ආමන්තා.
162. යස්ස වචීසඞ්ඛාරො නූප්පජ්ජති තස්ස චිත්තසඞ්ඛාරො න නිරුජ්ඣිස්සතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො නූප්පජ්ජති, නො ච තෙසං චිත්ත සඞ්ඛාරො න නිරුජ්ඣිස්සති. පච්ඡිමචිත්තස්ස භඞ්ගක්ඛණෙ තෙසං වචීසඞ්ඛාරො ච නූප්පජ්ජති, චිත්තසඞ්ඛාරො ච න නිරුජ්ඣිස්සති.