යස්ස වා පන -පෙ- ආමන්තා. (පච්චනීකපුග්ගල)
49-51. යත්ථ කායසඞ්ඛාරො නූප්පජ්ජිස්සති -පෙ- (පච්චනීකඔකාස)
52. යස්ස යත්ථ කායසඞ්ඛාරො නූප්පජ්ජිස්සති තස්ස තත්ථ වචීසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිස්සති, නො ච තෙසං තත්ථ වචීසඞ්ඛාරො නූප්පජ්ජිස්සති, පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිස්සති, වචීසඞ්ඛාරො ච නූස්සප්පජ්ජිති.
යස්ස වා පන යත්ථ වචීසඞ්ඛාරො නූප්පජ්ජිස්සති තස්ස තත්ථ කායසඞ්ඛාරො නූප්පජ්ජිස්සතීති: දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො නූප්පජ්ජිස්සති, නො ච තෙසං තත්ථ කායසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිස්සති, කායසඞ්ඛාරො ච නූප්පජ්ජිස්සති.
53. යස්ස යත්ථ කායසඞ්ඛාරො නූප්පජ්ජිස්සති තස්ස තත්ථ චිත්තසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිස්සති. නො ච තෙසං තත්ථ චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිස්සති, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ -පෙ- ආමන්තා.
54. යස්ස යත්ථ වචීසඞ්ඛාරො නූප්පජ්ජිස්සති තස්ස තත්ථ චිත්තසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං චතුත්ථජ්ඣානං සමාපන්නානං තෙසං තත්ථ වචීසඞ්ඛාරො නූප්පජ්ජිස්සති, නො ච තෙසං තත්ථ චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිස්සති, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ -පෙ- ආමන්තා. (පච්චනීකපුග්ගලොකාස)
අනාගතවාරො.
55. යස්ස කායසඞ්ඛාරො උප්පජ්ජති තස්ස වචීසඞ්ඛාරො උප්පජ්ජිත්ථාති: ආමන්තා.
යස්ස වා පන වචීසඞ්ඛාරො උප්පජ්ජිත්ථ තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො උප්පජ්ජිත්ථ, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජති.
56. යස්ස කායසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන චිත්තසඞ්ඛාරො උප්පජ්ජිත්ථ තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තසඞ්ඛාරො උප්පජ්ජිත්ථ, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජති.
57. යස්ස වචීසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන චිත්තසඞ්ඛාරො උප්පජ්ජිත්ථ තස්ස වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං චිත්තසඞ්ඛාරො උප්පජ්ජිත්ථ, නො ච තෙසං වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජති. (අනුලොමපුග්ගල)
58-60. යත්ථ කායසඞ්ඛාරො උප්පජ්ජති -පෙ- (අනුලොමඔකාස)
61. යස්ස යත්ථ කායසඞ්ඛාරො උප්පජ්ජති තස්ස තත්ථ වචීසඞ්ඛාරො උප්පජ්ජිත්ථාති: දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො උප්පජ්ජති, නො ච තෙසං තත්ථ වචීසඞ්ඛාරො උප්පජ්ජිත්ථ. පඨමජ්ඣානං සමාපන්නානං, කාමාවචරානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො ච උප්පජ්ජති, වචීසඞ්ඛාරො ච උප්පජ්ජිත්ථ.
යස්ස වා පන යත්ථ වචීසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජතීති: පඨමජ්ඣානං සමාපන්නානං කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජති. පඨමජ්ඣානං සමාපන්නානං, කාමාවචරානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජති.
62. යස්ස යත්ථ කායසඞ්ඛාරො උප්පජ්ජති තස්ස තත්ථ චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජති.
63. යස්ස යත්ථ වචීසඞ්ඛාරො උප්පජ්ජති තස්ස තත්ථ චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජති, විතක්කවිචාරානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජති. (අනුලොමපුග්ගලොකාස)
64. යස්ස කායසඞ්ඛාරො නූප්පජ්ජති තස්ස වචීසඞ්ඛාරො නූප්පජ්ජිත්ථාති: උප්පජ්ජිත්ථ.
යස්ස වා පන වචීසඞ්ඛාරො නූප්පජ්ජිත්ථ තස්ස කායසඞ්ඛාරො නූප්පජ්ජතීති: නත්ථි.
65. යස්ස කායසඞ්ඛාරො නූප්පජ්ජති තස්ස චිත්තසඞ්ඛාරො නූප්පජ්ජිත්ථාති: උප්පජ්ජිත්ථ.
යස්ස වා පන චිත්තසඞ්ඛාරො නූප්පජ්ජිත්ථ තස්ස කායසඞ්ඛාරො නූප්පජ්ජතීති: නත්ථි.
66. යස්ස වචීසඞ්ඛාරො නූප්පජ්ජති තස්ස චිත්තසඞ්ඛාරො නූප්පජ්ජිත්ථාති: උප්පජ්ජිත්ථ.
යස්ස වා පන -පෙ- නත්ථි. (පච්චනීකපුග්ගල)
67-69, යත්ථ කායසඞ්ඛාරො නූප්පජ්ජති -පෙ- (පච්චනීකඔකාස)
70. යස්ස යත්ථ කායසඞ්ඛාරො නූප්පජ්ජතී තස්ස තත්ථ වචීසඞ්ඛාරො නූප්පජ්ජිත්ථාති: පඨමජ්ඣානං සමාපන්නානං, කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, රූපාවචරානං, අරූපාවචරානං තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ වචීසඞ්ඛාරො නූප්පජ්ජිත්ථ. දුතියජ්ඣානං තතියජ්ඣානං සමාපන්නානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, වචීසඞ්ඛාරො ච නූප්පජ්ජිත්ථ.
යස්ස වා පන යත්ථ වචීසඞ්ඛාරො නූප්පජ්ජිත්ථ තස්ස තත්ථ කායසඞ්ඛාරො නූප්පජ්ජතීති: දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො නූප්පජ්ජිත්ථ, නො ච තෙසං තත්ථ කායසඞ්ඛාරො නූප්පජ්ජති. දුතියජ්ඣානං තතියජ්ඣානං සමාපන්නානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, චතුත්ථජ්ඣානං සමාපන්නානං, සුද්ධාවාසානං දුතියෙ චිත්තෙ වත්තමානො, අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිත්ථ, කායසඞ්ඛාරො ච නූප්පජ්ජති.
71. යස්ස යත්ථ කායසඞ්ඛාරො නූප්පජ්ජති තස්ස තත්ථ චිත්තසඞ්ඛාරො නූප්පජ්ජිත්ථාති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ චිත්තසඞ්ඛාරො නූප්පජ්ජිත්ථ. සුද්ධාවාසං උපපජ්ජන්තානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිත්ථ.
යස්ස වා පන යත්ථ චිත්තසඞ්ඛාරො නූප්පජ්ජිත්ථ තස්ස තත්ථ කායසඞ්ඛාරො නූප්පජ්ජතීති: ආමන්තා.
72. යස්ස යත්ථ වචීසඞ්ඛාරො නූප්පජ්ජති තස්ස තත්ථ චිත්තසඞ්ඛාරො නූප්පජ්ජිත්ථාති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, තෙසං තත්ථ වචීසඞ්ඛාරො නූප්පජ්ජති, නො ච තෙසං තත්ථ චිත්තසඞ්ඛාරො නූප්පජ්ජිත්ථ. සුද්ධාවාසං උපපජ්ජන්තානං, අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිත්ථ.
යස්ස වා පන යත්ථ -පෙ- ආමන්තා. (පච්චනීකපුග්ගලොකාස)
පච්චුප්පන්නාතීතවාරො.
73. යස්ස කායසඞ්ඛාරො උප්පජ්ජති තස්ස වචීසඞ්ඛාරො උප්පජ්ජිස්සතීති: ආමන්තා.
යස්ස වා පන වචීසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජති.
74. යස්ස කායසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජිස්සතීති: ආමන්තා.
යස්ස වා පන චිත්තසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජති.
75. යස්ස වචීසඞ්ඛාරො උප්පජ්ජිස්සති තස්ස චිත්තසඞ්ඛාරො උප්පජ්ජිස්සතීති: සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං වචීසඞ්ඛාරො උප්පජ්ජිස්සති, නො ච තෙසං චිත්තසඞ්ඛාරො උප්පජ්ජිස්සති. ඉතරෙසං විතක්කවිචාරානං උප්පාදක්ඛණෙ තෙසං වචීසඞ්ඛාරො ච උප්පජ්ජති, චිත්තසඞ්ඛාරො ච උප්පජ්ජිස්සති.
යස්ස වා පන චිත්තසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං චිත්තසඞ්ඛාරො උප්පජ්ජිස්සති, නො ච තෙසං වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං චිත්තසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජති. (අනුලොමපුග්ගල)
76-78. යත්ථ කායසඞ්ඛාරො උප්පජ්ජති -පෙ- (අනුලොමඔකාස)
79. යස්ස යත්ථ කායසඞ්ඛාරො උප්පජ්ජති තස්ස තත්ථ වචීසඞ්ඛාරො උප්පජ්ජිස්සතීති: දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො උප්පජ්ජති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං කාමාවචරානං අස්සාසපස්සාසානං උප්පාදක්ඛණෙ තෙසං තත්ථ කායසඞ්ඛාරො ච උප්පජ්ජති, වචීසඞ්ඛාරො ච උප්පජ්ජිස්සති.
යස්ස වා පන යත්ථ වචීසඞ්ඛාරො උප්පජ්ජිස්සති, තස්ස තත්ථ කායසඞ්ඛාරො උප්පජ්ජතීති: පඨමජ්ඣානං සමාපන්නානං කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, රූපාවචරානං, අරූපාවචරානං තෙසං තත්ථ වචීසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජති. පඨමජ්ඣානං සමාපන්නානං, කාමාවචරානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජති.
80. යස්ස යත්ථ කායසඞ්ඛාරො උප්පජ්ජති තස්ස තත්ථ චිත්තසඞ්ඛාරො උප්පජ්ජිස්සතීති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජති.
81. යස්ස යත්ථ වචීසඞ්ඛාරො උප්පජ්ජති, තස්ස තත්ථ චිත්තසඞ්ඛාරො උප්පජ්ජිස්සතී’ති: සවිතක්කසවිචාර පච්ඡිමචිත්තස්ස උප්පාදක්ඛණෙ තෙසං තත්ථ වචීසඞ්ඛාරො උප්පජ්ජති, නො ච තෙසං තත්ථ චිත්තසඞ්ඛාරො උප්පජ්ජිස්සති. ඉතරෙසං විතක්කවිචාරානං උප්පාදක්ඛණෙ තෙසං තත්ථ වචීසඞ්ඛාරො ච උප්පජ්ජති. චිත්තසඞ්ඛාරො ච උප්පජ්ජිස්සති.
යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං තත්ථ චිත්තසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජති. (අනුලොමපුග්ගලොකාස)
82. යස්ස කායසඞ්ඛාරො නූප්පජ්ජති තස්ස වචීසඞ්ඛාරො නූප්පජ්ජිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං කායසඞ්ඛාරො නූප්පජ්ජති, නො ච තෙසං වචීසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, තෙසං කායසඞ්ඛාරො ච නූප්පජ්ජති, වචීසඞ්ඛාරො ච නූප්පජ්ජිස්සති.
යස්ස වා පන වචීසඞ්ඛාරො නූප්පජ්ජිස්සති තස්ස කායසඞ්ඛාරො නූප්පජ්ජිස්සතීති: ආමන්තා.
83. යස්ස කායසඞ්ඛාරො නූප්පජ්ජති තස්ස චිත්තසඞ්ඛාරො නූප්පජ්ජිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ, නිරොධසමාපන්නානං අසඤ්ඤසත්තානං තෙසං කායසඞ්ඛාරො නූප්පජ්ජති, නො ච තෙසං චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං තෙසං කායසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිස්සති.
යස්ස වා පන -පෙ- ආමන්තා.
84. යස්ස වචීසඞ්ඛාරො නූප්පජ්ජති, තස්ස චිත්තසඞ්ඛාරො නූප්පජ්ජිස්සතීති: සබ්බෙසං චිත්තස්ස භඞ්ගක්ඛණෙ, විනා විතක්කවිචාරෙහි චිත්තස්ස උප්පාදක්ඛණෙ, නිරොධසමාපන්නානං, අසඤ්ඤසත්තානං තෙසං වචීසඞ්ඛාරො නූප්පජ්ජති, නො ච තෙසං චිත්තසඞ්ඛාරො නූප්පජ්ජිස්සති. සවිතක්කසවිචාර පච්ඡිමචිත්තස්ස භඞ්ගක්ඛණෙ, අවිතක්කඅවිචාරපච්ඡිමචිත්තස්ස උප්පාදක්ඛණෙ{1} තෙසං වචීසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිස්සති.
යස්ස වා පන චිත්තසඞ්ඛාරො නූප්පජ්ජිස්සති තස්ස වචීසඞ්ඛාරො නූප්පජ්ජතීති: සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං චිත්තසඞ්ඛාරො නූප්පජ්ජිස්සති, නො ච තෙසං වචීසඞ්ඛාරො නූප්පජ්ජති. සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාර පච්ඡිමචිත්තස්ස උප්පාදක්ඛණෙ{1} තෙසං චිත්තසඞ්ඛාරො ච නූප්පජ්ජිස්සති, වචීසඞ්ඛාරො ච නූප්පජ්ජති. (පච්චනීකපුග්ගල)
85-87. යත්ථ කායසඞ්ඛාරො නූප්පජ්ජති -පෙ- (පච්චනීකඔකාස)
88. යස්ස යත්ථ කායසඞ්ඛාරො නූප්පජ්ජති තස්ස තත්ථ වචීසඞ්ඛාරො නූප්පජ්ජිස්සතීති: පඨමජ්ඣානං සමාපන්නානං කාමාවචරානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාපස්සාසෙහි චිත්තස්ස උප්පාදක්ඛණෙ, රූපාවචරානං, අරූපාවචරානං තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ වචීසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්ක අවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං සමාපන්නානං අස්සාසපස්සාසානං භඞ්ගක්ඛණෙ, තෙසං යෙව විනා අස්සාසපස්සාසෙහි චිත්තස්ස උප්පාදක්ඛණෙ, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, වචීසඞ්ඛාරො ච නූප්පජ්ජිස්සති.
යස්ස වා පන යත්ථ වචීසඞ්ඛාරො නූප්පජ්ජිස්සති තස්ස තත්ථ කායසඞ්ඛාරො නූප්පජ්ජතීති: දුතියජ්ඣානං තතියජ්ඣානං සමාපන්නානං අස්සාසපස්සාසානං උප්පාදක්ඛණෙ තෙසං තත්ථ වචීසඞ්ඛාරො නූප්පජ්ජිස්සති, නො ච තෙසං තත්ථ කායසඞ්ඛාරො නූප්පජ්ජති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං සමාපන්නානං අස්සාසපස්සාසෙහි චිත්තස්ස උප්පාදක්ඛණෙ, චතුත්ථජ්ඣානං සමාපන්නානං අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිස්සති, කායසඞ්ඛාරො ච නූප්පජ්ජති.
89. යස්ස යත්ථ කායසඞ්ඛාරො නූප්පජ්ජති තස්ස තත්ථ චිත්තසඞ්ඛාරො නූප්පජ්ජිස්සතීති: සබ්බෙසං චිත්තස්ස භඞ්ගක්ඛණෙ, විනා අස්සාසපස්සාසෙහි චිත්තස්ස උප්පාදක්ඛණෙ තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ චිත්තසඞ්ඛාරො නූප්පජ්ජිස්සති තස්ස තත්ථ කායසඞ්ඛාරො නූප්පජ්ජතීති: ආමන්තා.
90. යස්ස යත්ථ වචීසඞ්ඛාරො නූප්පජ්ජති තස්ස තත්ථ චිත්තසඞ්ඛාරො නූප්පජ්ජිස්සතීති: සබ්බෙසං චිත්තස්ස භඞ්ගක්ඛණෙ විනා විතක්කවිචාරෙහි චිත්තස්ස උප්පාදක්ඛණෙ තෙසං තත්ථ වචීසඞ්ඛාරො නූප්පජ්ජති, නො ච තෙසං තත්ථ චිත්තසඞ්ඛාරො නූප්පජ්ජිස්සති. සවිතක්කසවිචාර පච්ඡිමචිත්තස්ස භඞ්ගක්ඛණෙ අවිතක්ක අවිචාර පච්ඡිමචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ චිත්තසඞ්ඛාරො නූප්පජ්ජිස්සති තස්ස තත්ථ වචීසඞ්ඛාරො නූප්පජ්ජතීති: සවිතක්කසවිචාරපච්ඡිමචිත්තස්ස උප්පාදක්ඛණෙ තෙසං තත්ථ චිත්තසඞ්ඛාරො නූප්පජ්ජිස්සති, නො ච තෙසං තත්ථ වචීසඞ්ඛාරො නූප්පජ්ජති. සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාරපච්ඡිමචිත්තස්ස උප්පාදක්ඛණෙ, අසඤ්ඤසත්තානං තෙසං තත්ථ චිත්තසඞ්ඛාරො ච නූප්පජ්ජිස්සති, වචීසඞ්ඛාරො ච නූප්පජ්ජති. (පච්චනීකපුග්ගලොකාස)
පච්චුප්පන්නානාගතවාරො.
91. යස්ස කායසඞ්ඛාරො උප්පජ්ජිත්ථ, තස්ස වචීසඞ්ඛාරො උප්පජ්ජිස්සතීති: පච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො උප්පජ්ජිත්ථ, නො ච තෙසං වචීසඞ්ඛාරො උප්පජ්ජිස්සති. ඉතරෙසං තෙසං කායසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජිස්සති.
යස්ස වා පන -පෙ- ආමන්තා.
92. යස්ස කායසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිස්සතීති: පච්ඡිමචිත්තසමඞ්ගීනං තෙසං කායසඞ්ඛාරො උප්පජ්ජිත්ථ, නො ච තෙසං චිත්තසඞ්ඛාරො උප්පජ්ජිස්සති. ඉතරෙසං තෙසං කායසඞ්ඛාරො ච උප්පජ්ජිත්ථ, චිත්තසඞ්ඛාරො ච උප්පජ්ජිස්සති.
යස්ස වා පන -පෙ- ආමන්තා.
93. යස්ස වචීසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිස්සතීති: පච්ඡිමචිත්තසමඞ්ගීනං තෙසං වචීසඞ්ඛාරො උප්පජ්ජිත්ථ, නො ච තෙසං චිත්තසඞ්ඛාරො උප්පජ්ජිස්සති. ඉතරෙසං තෙසං වචීසඞ්ඛාරො ච උප්පජ්ජිත්ථ, චිත්තසඞ්ඛාරො ච උප්පජ්ජිස්සති.
යස්ස වා පන -පෙ- ආමන්තා. (අනුලොමපුග්ගල)
94-96. යත්ථ කායසඞ්ඛාරො උප්පජ්ජිත්ථ -පෙ- (අනුලොමඔකාස)
97. යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජිස්සතීති: කාමාවචරෙ පච්ඡිමචිත්තසමඞ්ගීනං දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං ඉතරොසං කාමාවචරානං තෙසං තත්ථ කායසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජිස්සති.
යස්ස වා පන යත්ථ වචීසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිත්ථාති: රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං තෙසං තත්ථ වචීසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිත්ථ.
98. යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජ්ජිස්සතීති: කාමාවචරෙ පච්ඡිමචිත්තසමඞ්ගීනං තෙසං තත්ථ කායසඞ්ඛාරො උප්පජ්ජිත්ථ, නො ච තෙසං තත්ථ චිත්තසඞ්ඛාරො උප්පජ්ජිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං, ඉතරෙසං කාමාවචරානං තෙසං තත්ථ කායසඞ්ඛාරො ච උප්පජ්ජිත්ථ, චිත්තසඞ්ඛාරො ච උප්පජ්ජිස්සති.
යස්ස වා පන යත්ථ චිත්තසඞ්ඛාරො උප්පජ්ජිස්සති, තස්ස තත්ථ කායසඞ්ඛාරො උප්පජ්ජිත්ථාති: චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං දුතියජ්ඣානං තතියජ්ඣානං සමාපන්නානං කාමාවචරානං තෙසං තත්ථ චිත්තසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිත්ථ.
99. යස්ස යත්ථ වචීසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජිස්සතීති: සවිතක්කසවිචාරභූමියං පච්ඡිමචිත්තසමඞ්ගීනං තෙසං තත්ථ වචීසඞ්ඛාරො උප්පජ්ජිත්ථ, නො ච තෙසං තත්ථ චිත්තසඞ්ඛාරො උප්පජ්ජිස්සති, ඉතරෙසං සවිතක්කසවිචාරභූමියං තෙසං තත්ථ වචීසඞ්ඛාරො ච උප්පජ්ජිත්ථ, චිත්තසඞ්ඛාරො ච උප්පජ්ජිස්සති.
යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජිත්ථාති: අවිතක්ක අවිචාරභූමියං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජිත්ථ, සවිතක්කසවිචාරභූමියං තෙසං තත්ථ චිත්තසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජිත්ථ. (අනුලොමපුග්ගලොකාස)
100. යස්ස කායසඞ්ඛාරො නූප්පජ්ජිත්ථ තස්ස වචීසඞ්ඛාරො නූප්පජ්ජිස්සතීති: නත්ථි.
යස්ස වා පන වචීසඞ්ඛාරො නූප්පජ්ජිස්සති තස්ස කායසඞ්ඛාරො නූප්පජ්ජිත්ථාති: උප්පජ්ජිත්ථ.
101. යස්ස කායසඞ්ඛාරො නූප්පජ්ජිත්ථ තස්ස චිත්තසඞ්ඛාරො නූප්පජ්ජිස්සතීති: නත්ථි.
යස්ස වා පන චිත්තසඞ්ඛාරො නූප්පජ්ජිස්සති තස්ස කායසඞ්ඛාරො නූප්පජ්ජිත්ථාති: උප්පජ්ජිත්ථ.
102. යස්ස වචීසඞ්ඛාරො නූප්පජ්ජිත්ථ තස්ස චිත්තසඞ්ඛාරො නූප්පජ්ජිස්සතීති: නත්ථි.
යස්ස වා පන චිත්තසඞ්ඛාරො නූප්පජ්ජිස්සති තස්ස වචීසඞ්ඛාරො නූප්පජ්ජිත්ථාති: උප්පජ්ජිත්ථ. (පච්චනීකපුග්ගල)
103-105. යත්ථ කායසඞ්ඛාරො නූප්පජ්ජිත්ථ -පෙ- (පච්චනීකඔකාස)
106. යස්ස යත්ථ කායසඞ්ඛාරො නූප්පජ්ජිත්ථ තස්ස තත්ථ වචීසඞ්ඛාරො නූප්පජ්ජිස්සතීති: රූපාවචරානං, අරූපාවචරානං තෙසං තත්ථ කායසඞ්ඛාරො නූප්පජ්ජිත්ථ, නො ච තෙසං තත්ථ වචීසඞ්ඛාරො නූප්පජ්ජිස්සති. රූපාවචරෙ, අරූපාවචරෙ සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාර පච්ඡිමචිත්තසමඞ්ගීනං{1}, යස්ස චිත්තස්ස අනන්තරා අවිතක්ක අවිචාරං පච්ඡිමචිත්තං{2} උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිත්ථ, වචීසඞ්ඛාරොච නූප්පජ්ජිස්සති.
යස්ස වා පන යත්ථ වචීසඞ්ඛාරො නූප්පජ්ජිස්සති තස්ස තත්ථ කායසඞ්ඛාරො නූප්පජ්ජිත්ථාති: කාමාවචරෙ පච්ඡිමචිත්තසමඞ්ගීනං, දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො නූප්පජ්ජිස්සති, නො ච තෙසං තත්ථ කායසඞ්ඛාරො නූප්පජ්ජිත්ථ. රූපාවචරෙ අරූපාවචරෙ සවිතක්කසවිචාරපච්ඡිමචිත්තස්ස භඞ්ගක්ඛණෙ, අවිතක්කඅවිචාර පච්ඡිමචිත්තසමඞ්ගීනං, යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං, අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිස්සති, කායසඞ්ඛාරො ච නූප්පජ්ජිත්ථ.
107. යස්ස යත්ථ කායසඞ්ඛාරො නූප්පජ්ජිත්ථ තස්ස තත්ථ චිත්තසඞ්ඛාරො නූප්පජ්ජිස්සතීති: චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිත්ථ, නො ච තෙසං තත්ථ චිත්තසඞ්ඛාරො නූප්පජ්ජිස්සති. රූපාවචරෙ අරූපාවචරෙ පච්ඡිමචිත්තසමඞ්ගීනං, අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිත්ථ, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ චිත්තසඞ්ඛාරො නූප්පජ්ජිස්සති, තස්ස තත්ථ කායසඞ්ඛාරො නූප්පජ්ජිත්ථාති: කාමාවචරෙ පච්ඡිමචිත්තසමඞ්ගීනං තෙසං තත්ථ චිත්තසඞ්ඛාරො නූප්පජ්ජිස්සති, නො ච තෙසං තත්ථ කායසඞ්ඛාරො නූප්පජ්ජිත්ථ. රූපාවචරෙ, අරූපාවචරෙ පච්ඡිමචිත්තසමඞ්ගීනං, අසඤ්ඤසත්තානං තෙසං තත්ථ චිත්තසඞ්ඛාරො ච නූප්පජ්ජිස්සති, කායසඞ්ඛාරො ච නූප්පජ්ජිත්ථ.
108. යස්ස යත්ථ වචීසඞ්ඛාරො නූප්පජ්ජිත්ථ තස්ස තත්ථ චිත්තසඞ්ඛාරො නූප්පජ්ජිස්සතීති: අවිතක්කඅවිචාරභූමියං තෙසං තත්ථ වචීසඞ්ඛාරො නූප්පජ්ජිත්ථ, නො ච තෙසං තත්ථ චිත්තසඞ්ඛාරො නූප්පජ්ජිස්සති. අවිතක්කඅවිචාරභූමියං පච්ඡිමචිත්තසමඞ්ගීනං, අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිත්ථ, චිත්තසඞ්ඛාරො ච නූප්පජ්ජිස්සති.
යස්ස වා පන යත්ථ චිත්තසඞ්ඛාරො නූප්පජ්ජිස්සති තස්ස තත්ථ වචීසඞ්ඛාරො නූප්පජ්ජිත්ථාති: සවිතක්කසවිචාරභූමියං පච්ඡිමචිත්තසමඞ්ගීනං තෙසං තත්ථ වචීසඞ්ඛාරො නූප්පජ්ජිත්ථ, අවිතක්ක අවිචාරභූමියං පච්ඡිමචිත්තසමඞ්ගීනං, අසඤ්ඤසත්තානං තෙසං තත්ථ චිත්තසඞ්ඛාරො ච නූප්පජ්ජිස්සති, වචීසඞ්ඛාරො ච නූප්පජ්ජිත්ථ. (පච්චනීකපුග්ගලොකාස)
අතීතානාගතවාරො.
උප්පාදවාරො නිට්ඨිතො.
4. පවත්ති නිරොධවාරො
1. යස්ස කායසඞ්ඛාරො නිරුජ්ඣති තස්ස වචීසඞ්ඛාරො නිරුජ්ඣතීති: විනා විතක්කවිචාරෙහි අස්සාසපස්සාසානං භඞ්ගක්ඛණෙ තෙසං කායසඞ්ඛාරො නිරුජ්ඣති, නො ච තෙසං වචීසඞ්ඛාරො නිරුජ්ඣති. පඨමජ්ඣානං සමාපන්නානං, කාමාවචරානං අස්සාසපස්සාසානං භඞ්ගක්ඛණෙ තෙසං කායසඞ්ඛාරො ච නිරුජ්ඣති, වචීසඞ්ඛාරො ච නිරුජ්ඣති.
යස්ස වා පන වචීසඞ්ඛාරො නිරුජ්ඣති තස්ස කායසඞ්ඛාරො නිරුජ්ඣතීති: විනා අස්සාසපස්සාසෙහි විතක්කවිචාරානං භඞ්ගක්ඛණෙ තෙසං වචීසඞ්ඛාරො නිරුජ්ඣති, නො ච තෙසං කාසඞ්ඛාරො නිරුජ්ඣති. පඨමජ්ඣානං සමාපන්නානං, කාමාවචරානං අස්සාසපස්සාසානං භඞ්ගක්ඛණෙ තෙසං වචීසඞ්ඛාරො ච නිරුජ්ඣති, කායසඞ්ඛාරො ච නිරුජ්ඣති.
2. යස්ස කායසඞ්ඛාරො නිරුජ්ඣති තස්ස චිත්තසඞ්ඛාරො නිරුජ්ඣතීති: ආමන්තා.
යස්ස වා පන චිත්තසඞ්ඛාරො නිරුජ්ඣති තස්ස කායසඞ්ඛාරො නිරුජ්ඣතීති: විනා අස්සාසපස්සාසෙහි චිත්තස්ස භඞ්ගක්ඛණෙ තෙසං චිත්තසඞ්ඛාරො නිරුජ්ඣති, නො ච තෙසං කායසඞ්ඛාරො නිරුජ්ඣති. අස්සාසපස්සාසානං භඞ්ගක්ඛණෙ තෙසං චිත්තසඞ්ඛාරො ච නිරුජ්ඣති, කායසඞ්ඛාරො ච නිරුජ්ඣති.
3. යස්ස වචීසඞ්ඛාරො නිරුජ්ඣති තස්ස චිත්තසඞ්ඛාරො නිරුජ්ඣතීති: ආමන්තා.
යස්ස වා පන චිත්තසඞ්ඛාරො නිරුජ්ඣති තස්ස වචීසඞ්ඛාරො නිරුජ්ඣතීති: විනා විතක්කවිචාරෙහි චිත්තස්ස භඞ්ගක්ඛණෙ තෙසං චිත්තසඞ්ඛාරො නිරුජ්ඣති, නො ච තෙසං වචීසඞ්ඛාරො නිරුජ්ඣති. විතක්කවිචාරානං භඞ්ගක්ඛණෙ තෙසං චිත්තසඞ්ඛාරො ච නිරුජ්ඣති, වචීසඞ්ඛාරො ච නිරුජ්ඣති. (අනුලොමපුග්ගල)
4-6. යත්ථ කායසඞ්ඛාරො නිරුජ්ඣති තත්ථ වචීසඞ්ඛාරො නිරුජ්ඣතීති: දුතියජ්ඣානෙ තතියජ්ඣානෙ තත්ථ කායසඞ්ඛාරො නිරුජ්ඣති, නො ච තත්ථ වචීසඞ්ඛාරො නිරුජ්ඣති. -පෙ- (අනුලොමඔකාස)
7-9. යස්ස යත්ථ කායසඞ්ඛාරො නිරුජ්ඣති තස්ස තත්ථ වචීසඞ්ඛාරො නිරුජ්ඣතීති: -පෙ- (අනුලොමපුග්ගලොකාස)