6. න චිත්තං න චිත්තසඞ්ඛාරොති: චිත්තසඞ්ඛාරො න චිත්තං. චිත්තසඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං, න ච චිත්තසඞ්ඛාරො. න චිත්තසඞ්ඛාරො න චිත්තන්ති: චිත්තං න චිත්තසඞ්ඛාරො, චිත්තං. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං, න ච චිත්තසඞ්ඛාරො. (පච්චනීකං)
පදසොධනවාරො.
7. කායො කායසඞ්ඛාරොති: නො. සඞ්ඛාරා වචීසඞ්ඛාරොති: වචීසඞ්ඛාරො සඞ්ඛාරො චෙව වචීසඞ්ඛාරො ච. අවසෙසා සඞ්ඛාරා සංඛාරා, න වචීසඞ්ඛාරො{1}.
8. කායො කායසඞ්ඛාරොති: නො. සඞ්ඛාරා චිත්තසඞ්ඛාරොති: චිත්තසඞ්ඛාරො සඞ්ඛාරො චෙව චිත්තසඞ්ඛාරො ච. අවසෙසා සඞ්ඛාරා සඞ්ඛාරා, න චිත්තසඞ්ඛාරො.
9. වචී සඞ්ඛාරොති: නො. සඞ්ඛාරා කායසඞ්ඛාරොති: කායසඞ්ඛාරො සඞ්ඛාරො චෙව කායසඞ්ඛාරො ච. අවසෙසා සඞ්ඛාරා සඞ්ඛාරා, න කායසඞ්ඛාරො.
10. වචී වචීසඞ්ඛාරොති: නො. සඞ්ඛාරා චිත්තසඞ්ඛාරොති: චිත්තසඞ්ඛාරො සඞ්ඛාරො චෙව චිත්තසඞ්ඛාරො ච. අවසෙසා සඞ්ඛාරා සඞ්ඛාරා, න චිත්තසඞ්ඛාරො.
11. චිත්තං චිත්තසඞ්ඛාරොති: නො. සඞ්ඛාරා කායසඞ්ඛාරොති: කායසඞ්ඛාරො සඞ්ඛාරො චෙව කායසඞ්ඛාරො ච. අවසෙසා සඞ්ඛාරා සඞ්ඛාරා, න කායසඞ්ඛාරො.
12. චිත්තං චිත්තසඞ්ඛාරොති: නො. සඞ්ඛාරා වචීසඞ්ඛාරොති: වචීසඞ්ඛාරො සඞ්ඛාරො චෙව වචීසඞ්ඛාරො ච. අවසෙසා සඞ්ඛාරා සඞ්ඛාරා, න වචීසඞ්ඛාරො. (අනුලොමං)
13. න කායො කාය සඞ්ඛාරොති: කායසඞ්ඛාරො න කායො. කායසඞ්ඛාරො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො න ච කායසඞ්ඛාරො. න සඞ්ඛාරා න වචීසඞ්ඛාරොති ආමන්තා.
14. න කායො න කායසඞ්ඛාරොති: කායසඞ්ඛාරො න කායො. කායසඞ්ඛාරො. කායඤ්ච කායසඞ්ඛාරඤ්ච ඨපෙත්වා අවසෙසා න චෙව කායො, න ච කායසඞ්ඛාරො. න සඞ්ඛාරා න චිත්තසඞ්ඛාරොති: ආමන්තා.
15. න වචී න වචීසඞ්ඛාරොති: වචීසඞ්ඛාරො න වචී, වචී සඞ්ඛාරො. වචීඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී, න වචීසඞ්ඛාරො. න සඞ්ඛාරා න කායසඞ්ඛාරොති: ආමන්තා.
16. න වචී න වචී සඞ්ඛාරොති: වචී සඞ්ඛාරො න වචී, වචී සඞ්ඛාරො. වචිඤ්ච වචීසඞ්ඛාරඤ්ච ඨපෙත්වා අවසෙසා න චෙව වචී, න ච වචීසඞ්ඛාරො. න සඞ්ඛාරා න චිත්තසඞ්ඛාරොති: ආමන්තා.
17. න චිත්තං න චිත්ත සඞ්ඛාරොති: චිත්තසඞ්ඛාරො න චිත්තං, චිත්ත සඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං, න ච චිත්තසඞ්ඛාරො. න සඞ්ඛාරා න කායසඞ්ඛාරොති: ආමන්තා.
18. න චිත්තං න චිත්ත සඞ්ඛාරොති: චිත්ත සඞ්ඛාරො න චිත්තං, චිත්තසඞ්ඛාරො. චිත්තඤ්ච චිත්තසඞ්ඛාරඤ්ච ඨපෙත්වා අවසෙසා න චෙව චිත්තං, න ච චිත්තසඞ්ඛාරො. න සඞ්ඛාරා න වචීසඞ්ඛාරොති: ආමන්තා (පච්චනීකං)
පදසොධන මූලචක්කවාරො.
19. කායසඞ්ඛාරො වචිසංඛාරොති: නො. වචීසඞ්ඛාරො කායසඞ්ඛාරොති: නො.
20. කායසඞ්ඛාරො චිත්තසඞ්ඛාරොති: නො. චිත්තසඞ්ඛාරො කායසංඛාරොති: නො.
21. වචීසඞ්ඛාරො චිත්තසඞ්ඛාරොති: නො. චිත්තසඞ්ඛාරො වචීසඞ්ඛාරොති: නො. (අනුලොමං)
22. න කායසඞ්ඛාරො න වචීසඞ්ඛාරොති: වචීසඞ්ඛාරො න කායසඞ්ඛාරො, වචීසඞ්ඛාරො. කායසඞ්ඛාරඤ්ච වචීසංඛාරඤ්ච ඨපෙවා අවසෙසා න චෙව කායසඞ්ඛාරො, න ච වචීසඞ්ඛාරො. න වචීසඞ්ඛාරො න කයසංඛාරොති: කායසඞ්ඛාරො න වචීසංඛාරො, කායසඞ්ඛාරො. වචීසංඛාරඤ්ච කායසඞ්ඛාරඤ්ච ඨපෙත්වා අවසෙසා න චෙව වචීසඞ්ඛාරො. න ච කායසඞ්ඛාරො.
23. න කායසඞ්ඛාරො න චිත්තසඞ්ඛාරොති: චිත්තසඞ්ඛාරො න කායසඞ්ඛාරො, චිත්තසඞ්ඛාරො. කායසඞ්ඛාරඤ්ච චිත්තසඞ්ඛාරඤ්ච ඨපෙත්වා අවසෙසා න චෙව කායසඞ්ඛාරො, න ච චිත්තසඞ්ඛාරො. න චිත්තසඞ්ඛාරො න කායසඞ්ඛාරොති: කායසඞ්ඛාරො න චිත්තසඞ්ඛාරො, කායසඞ්ඛාරො. චිත්තසඞ්ඛාරඤ්ච කායසඞ්ඛාරඤ්ච ඨපෙත්වා අවසෙසා න චෙව චිත්තසඞ්ඛාරො, න ච කායසඞ්ඛාරො.
24. න වචීසඞ්ඛාරො න චිත්තසඞ්ඛාරොති: චිත්තසඞ්ඛාරො න වචීසංඛාරො, චිත්තසඞ්ඛාරො. වචීසඞ්ඛාරඤ්ච චිත්තසඞ්ඛාරඤ්ච ඨපෙත්වා අවසෙසා න චෙව වචීසඞ්ඛාරො, න ච චිත්තසඞ්ඛාරො. න චිත්තසඞ්ඛාරො න වචීසඞ්ඛාරොති: වචීසඞ්ඛාරො න චිත්තසඞ්ඛාරො. වචීසඞ්ඛාරො. චිත්තසඞ්ඛාරඤ්ච වචීසඞ්ඛාරඤ්ච ඨපෙත්වා අවසෙසා න චෙව චිත්තසඞ්ඛාරො. න ච වචීසඞ්ඛාරො. (පච්චනීකං)
සුද්ධසඞ්ඛාරවාරො.
පණ්ණත්තිනිද්දෙසවාරො නිට්ඨිතො.
3. පවත්ති උප්පාදවාරො
1. යස්ස කායසඞ්ඛාරො උප්පජ්ජති තස්ස වචීසඞ්ඛාරො උප්පජ්ජතීති: විනා විතක්කවිචාරෙහි අස්සාසපස්සාසානං උප්පාදක්ඛණො තෙසං කායසඞ්ඛාරො උප්පජ්ජති, නො ච තෙසං වචිසඞ්ඛාරෙ උප්පජ්ජති. පඨමජ්ඣානං සමාපන්නානං කාමාවචරානං අස්සාසපස්සාසානං උප්පාදක්ඛණෙ තෙසං කායසංඛාරො ච උප්පජ්ජති. වචීසඞ්ඛාරො ච උප්පජ්ජති.
යස්ස වා පන වචීසඞ්ඛාරො උප්පජ්ජති තස්ස කායසඞ්ඛාරො උප්පජ්ජතීති: විනා අස්සාසපස්සාසෙහි විතක්කවිචාරානං උප්පාදක්ඛණෙ තෙසං වචීසඞ්ඛාරො උප්පජ්ජති, නො ච තෙසං කායසඞ්ඛාරො උප්පජ්ජති. පඨමජ්ඣානං සමාපන්නානං, කාමාවචරානං අස්සාසපස්සාසානං උප්පාදක්ඛණෙ තෙසං වචීසඞ්ඛාරො ච උප්පජ්ජති, කායසඞ්ඛාරො ච උප්පජ්ජති.
2. යස්ස කායසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජතීති: ආමන්තා.
යස්ස වා පන චිත්තසඞ්ඛාරො උප්පජ්ජති තස්ස කායසඞ්ඛාරො උප්පජ්ජතීති: විනා අස්සාසපස්සාසෙහි චිත්තස්ස උප්පාදක්ඛණෙ තෙසං චිත්තසඞ්ඛාරො උප්පජ්ජති, නො ච තෙසං කායසඞ්ඛාරො උප්පජ්ජති. අස්සාසපස්සාසානං උප්පාදක්ඛණෙ තෙසං චිත්තසඞ්ඛාරො ච උප්පජ්ජති, කායසඞ්ඛාරො ච උප්පජ්ජති.
3. යස්ස වචීසඞ්ඛාරො උප්පජ්ජති තස්ස චිත්තසඞ්ඛාරො උප්පජ්ජතීති: ආමන්තා.
යස්ස වා පන චිත්තසඞ්ඛාරො උප්පජ්ජති තස්ස වචීසඞ්ඛාරො උප්පජ්ජතීති: විනා විතක්කවිචාරෙහි චිත්තස්ස උප්පාදක්ඛණෙ තෙසං චිත්තසඞ්ඛාරො උප්පජ්ජති, නො ච තෙසං වචීසඞ්ඛාරො උප්පජ්ජති. විතක්කවිචාරානං උප්පාදක්ඛණෙ තෙසං චිත්තසඞ්ඛාරො ච උප්පජ්ජති, වචීසඞ්ඛාරො ච උප්පජ්ජති. (අනුලොමපුග්ගලං)
4. යත්ථ කායසඞ්ඛාරො උප්පජ්ජති තත්ථ වචීසඞ්ඛාරො උප්පජ්ජතීති: දුතියජ්ඣානෙ තතියජ්ඣානෙ තත්ථ කායසඞ්ඛාරො උප්පජ්ජති, නො ච තත්ථ වචීසඞ්ඛාරො උප්පජ්ජති. පඨමජ්ඣානෙ කාමාවචරෙ තත්ථ කායසඞ්ඛාරො ච උප්පජ්ජති, වචීසඞ්ඛාරො ච උප්පජ්ජති.
යත්ථ වා පන වචීසඞ්ඛාරො උප්පජ්ජති තත්ථ කායසඞ්ඛාරො උප්පජ්ජතීති: රූපාවචරෙ අරූපාවචරෙ තත්ථ වචීසඞ්ඛාරො උප්පජ්ජති, නො ච තත්ථ කායසඞ්ඛාරො උප්පජ්ජති. පඨමජ්ඣානෙ කාමාවචරෙ තත්ථ වචීසඞ්ඛාරො ච උප්පජ්ජති, කායසඞ්ඛාරො ච උප්පජ්ජති.
5. යත්ථ කායසඞ්ඛාරො උප්පජ්ජති තත්ථ චිත්තසඞ්ඛාරො උප්පජ්ජතීති: ආමන්තා.
යත්ථ වා පන චිත්තසඞ්ඛාරො උප්පජ්ජති තත්ථ කායසඞ්ඛාරො උප්පජ්ජතීති: චතුත්ථජ්ඣානෙ රූපාවචරෙ අරූපාවචරෙ තත්ථ චිත්තසඞ්ඛාරො උප්පජ්ජති, නො ච තත්ථ කායසඞ්ඛාරො උප්පජ්ජති. පඨමජ්ඣානෙ දුතියජ්ඣානෙ තතියජ්ඣානෙ කාමාවචරෙ තත්ථ චිත්තසඞ්ඛාරො ච උප්පජ්ජති. කායසඞ්ඛාරො ච උප්පජ්ජති.
6. යත්ථ වචීසඞ්ඛාරො උප්පජ්ජති තත්ථ චිත්තසඞ්ඛාරො උප්පජ්ජතීති: ආමන්තා.
යත්ථ වා පන චිත්තසඞ්ඛාරො උප්පජ්ජති තත්ථ වචීසඞ්ඛාරො උප්පජ්ජතීති: දුතියජ්ඣානෙ තතියජ්ඣානෙ චතුත්ථජ්ඣානෙ තත්ථ චිත්තසඞ්ඛාරො උප්පජ්ජති, නො ච තත්ථ වචීසඞ්ඛාරො උප්පජ්ජති. පඨමජ්ඣානෙ කාමාවචරෙ රූපාවචරෙ අරූපාවචරෙ තත්ථ චිත්තසඞ්ඛාරො ච උප්පජ්ජති, වචීසඞ්ඛාරො ච උප්පජ්ජති. (අනුලොම ඔකාස)
7-9. යස්ස යත්ථ කායසඞ්ඛාරො උප්පජ්ජති -පෙ- අනුලොමපුග්ගලොකාස
(යස්සකම්පි යස්සයත්ථකම්පි සදිසං)
10. යස්ස කායසඞ්ඛාරො නූප්පජ්ජති තස්ස වචීසඞ්ඛාරො නූප්පජ්ජතීති: විනා අස්සාසපස්සාසෙහි විතක්කවිචාරානං උප්පාදක්ඛණෙ තෙසං කායසඞ්ඛාරො නූප්පජ්ජති, නො ච තෙසං වචීසඞ්ඛාරො නූප්පජ්ජති. සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි අවිතක්ක අවිචාරචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං කායසඞ්ඛාරොච නූප්පජ්ජති, වචීසඞ්ඛාරො ච නූප්පජ්ජති.
යස්ස වා පන වචීසඞ්ඛාරො නූප්පජ්ජති තස්ස කායසඞ්ඛාරො නූප්පජ්ජතීති: විනා විතක්කවිචාරෙහි අස්සාසපස්සාසානං උප්පාදක්ඛණෙ තෙසං වචීසඞ්ඛාරො නූප්පජ්ජති, නො ච තෙසං කායසඞ්ඛාරො නූප්පජ්ජති. සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි අවිතක්කඅවිචාරචිත්තස්ස උප්පාදක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො ච නූප්පජ්ජති, කායසඞ්ඛාරො ච නූප්පජ්ජති.
11. යස්ස කායසඞ්ඛාරො නූප්පජ්ජති තස්ස චිත්තසඞ්ඛාරො නූප්පජ්ජතීති: විනා අස්සාසපස්සාසෙහි චිත්තස්ස උප්පාදක්ඛණෙ තෙසං කායසඞ්ඛාරො නූප්පජ්ජති, නො ච තෙසං චිත්තසඞ්ඛාරො නූප්පජ්ජති. සබ්බෙසං චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං කායසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජති.
යස්ස වා පන චිත්තසඞ්ඛාරො නූප්පජ්ජති තස්ස කායසඞ්ඛාරො නූප්පජ්ජතීති: ආමන්තා.
12. යස්ස වචීසඞ්ඛාරො නූප්පජ්ජති තස්ස චිත්තසඞ්ඛාරො නූප්පජ්ජතීති: විනා විතක්කවිචාරෙහි චිත්තස්ස උප්පාදක්ඛණෙ තෙසං වචීසඞ්ඛාරො නූප්පජ්ජති, නො ච තෙසං චිත්තසඞ්ඛාරො නූප්පජ්ජති. සබ්බෙසං චිත්තස්ස භඞ්ගක්ඛණෙ නිරොධසමාපන්නානං අසඤ්ඤසත්තානං තෙසං වචීසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජති.
යස්ස වා පන චිත්තසඞ්ඛාරො නූප්පජ්ජති තස්ස වචීසඞ්ඛාරො නූප්පජ්ජතීති: ආමන්තා. (පච්චනීකපුග්ගල)
13. යත්ථ කායසඞ්ඛාරො නූප්පජ්ජති තත්ථ වචීසඞ්ඛාරො නූප්පජ්ජතීති: රූපාවචරෙ අරූපාවචරෙ තත්ථ කායසඞ්ඛාරො නූප්පජ්ජති, නො ච තත්ථ වචීසඞ්ඛාරො නූප්පජ්ජති. චතුත්ථජ්ඣානෙ අසඤ්ඤසත්තෙ තත්ථ කායසඞ්ඛාරො ච නූප්පජ්ජති, වචීසඞ්ඛාරො ච නූප්පජ්ජති.
යත්ථ වා පන වචීසඞ්ඛාරො නූප්පජ්ජති තත්ථ කායසඞ්ඛාරො නූප්පජ්ජතීති: දුතියජ්ඣානෙ තතියජ්ඣානෙ තත්ථ වචීසඞ්ඛාරො නූප්පජ්ජති, නො ච තත්ථ කායසඞ්ඛාරො නූප්පජ්ජති. චතුත්ථජ්ඣානෙ අසඤ්ඤසත්තෙ තත්ථ වචීසඞ්ඛාරො ච නූප්පජ්ජති, කායසඞ්ඛාරො ච නූප්පජ්ජති.
14. යත්ථ කායසඞ්ඛාරො නූප්පජ්ජති තත්ථ චිත්තසඞ්ඛාරො නූප්පජ්ජතීති: චතුත්ථජ්ඣානෙ, රූපාවචරෙ අරූපාවචරෙ තත්ථ කායසඞ්ඛාරො නූප්පජ්ජති, නො ච තත්ථ චිත්තසඞ්ඛාරො නූප්පජ්ජති. අසඤ්ඤසත්තෙ තත්ථ කායසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජති.
යත්ථ වා පන -පෙ- ආමන්තා.
15. යත්ථ වචීසඞ්ඛාරො නූප්පජ්ජති තත්ථ චිත්තසඞ්ඛාරො නූප්පජ්ජතීති: දුතියජ්ඣානෙ තතියජ්ඣානෙ චතුත්ථජ්ඣානෙ තත්ථ වචීසඞ්ඛාරො නූප්පජ්ජති, නො ච තත්ථ චිත්තසඞ්ඛාරො නූප්පජ්ජති. අසඤ්ඤසත්තෙ තත්ථ වචීසඞ්ඛාරො ච නූප්පජ්ජති, චිත්තසඞ්ඛාරො ච නූප්පජ්ජති.
යත්ථ වා පන -පෙ- ආමන්තා. (පච්චනීකඔකාස)
16-18. යස්ස යත්ථ කායසඞ්ඛාරො නූප්පජ්ජති තස්ස තත්ථ වචීසඞ්ඛාරො නූප්පජ්ජතීති: විනා අස්සාසපස්සාසෙහි විතක්කවිචාරානං උප්පාදක්ඛණෙ තෙසං තත්ථ කායසඞ්ඛාරො නූප්පජ්ජති, නො ච තෙසං තත්ථ වචීසඞ්ඛාරො නූප්පජ්ජති. සබ්බෙසං චිත්තස්ස භඞ්ගක්ඛණෙ විනා අස්සාසපස්සාසෙහි අවිතක්කඅවිචාරචිත්තස්ස උප්පාදක්ඛණෙ අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජති, වචීසඞ්ඛාරො ච නූප්පජ්ජති.
යස්ස වා පන යත්ථ -පෙ- ආමන්තා. (පච්චනීකපුග්ගලොකාස)
(යස්සකම්පි යස්සයත්ථකම්පි සදිසං විත්ථාරෙතබ්බං. යස්සයත්ථකෙ නිරොධසමාපන්නානන්ති න ලබ්භති.)
පච්චුප්පන්නවාරො.
19. යස්ස කායසඞ්ඛාරො උප්පජ්ජිත්ථ තස්ස වචීසඞ්ඛාරො උප්පජ්ජිත්ථාති: ආමන්තා.
යස්ස වා පන වචීසඞ්ඛාරො -පෙ- ආමන්තා.
20. යස්ස කායසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන චිත්තසඞ්ඛාරො -පෙ- ආමන්තා.
21. යස්ස වචීසඞ්ඛාරො උප්පජ්ජිත්ථ තස්ස චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන -පෙ- ආමන්තා. (අනුලොමපුග්ගල)
22-24. යත්ථ කායසඞ්ඛාරෙ උප්පජ්ජිත්ථ -පෙ- (අනුලොමඔකාස)
(යත්ථකම්පි සබ්බත්ථ එකසදිසං)
25. යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජිත්ථාති; දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජිත්ථ. පඨමජ්ඣානං සමාපන්නානං, කාමාවචරානං තෙසං තත්ථ කායසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජිත්ථ.
යස්ස වා පන යත්ථ වචීසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජිත්ථාති: රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං තෙසං තත්ථ වචීසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජිත්ථ.
26. යස්ස යත්ථ කායසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ කායසඞ්ඛාරො උප්පජ්ජිත්ථාති: චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ කායසඞ්ඛාරො උප්පජ්ජිත්ථ. පඨමජ්ඣානං දුතියජ්ඣානං තතියජ්ඣානං සමාපන්නානං කාමාවචරානං තෙසං තත්ථ චිත්තසඞ්ඛාරො ච උප්පජ්ජිත්ථ, කායසඞ්ඛාරො ච උප්පජ්ජිත්ථ.
27. යස්ස යත්ථ වචීසඞ්ඛාරො උප්පජ්ජිත්ථ තස්ස තත්ථ චිත්තසඞ්ඛාරො උප්පජ්ජිත්ථාති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිත්ථ තස්ස තත්ථ වචීසඞ්ඛාරො උප්පජ්ජිත්ථාති: දුතියජ්ඣානං තතියජ්ඣානං චතුත්ථජ්ඣානං සමාපන්නානං, සුද්ධාවාසානං දුතියෙ චිත්තෙ වත්තමානෙ තෙසං තත්ථ චිත්තසඞ්ඛාරො උප්පජ්ජිත්ථ, නො ච තෙසං තත්ථ වචීසඞ්ඛාරො උප්පජ්ජිත්ථ. පඨමජ්ඣානං සමාපන්නානං කාමාවචරානං ඉතරෙසං රූපාවචරානං අරූපාවචරානං තෙසං තත්ථ චිත්තසඞ්ඛාරො ච උප්පජ්ජිත්ථ, වචීසඞ්ඛාරො ච උප්පජ්ජිත්ථ. (අනුලොමපුග්ගලොකාස)
28. යස්ස කායසඞ්ඛාරො නූප්පජ්ජිත්ථ තස්ස වචීසඞ්ඛාරො නූප්පජ්ජිත්ථාති: නත්ථි.
යස්ස වා පන වචීසඞ්ඛාරො නූප්පජ්ජිත්ථ තස්ස කායසඞ්ඛාරො නූප්පජ්ජිත්ථාති: නත්ථි.
29. යස්ස කායසඞ්ඛාරො නූප්පජ්ජිත්ථ තස්ස චිත්තසඞ්ඛාරො නූප්පජ්ජිත්ථාති: නත්ථි.
යස්ස වා පන -පෙ- නත්ථි.
30. යස්ස වචීසඞ්ඛාරො නූප්පජ්ජිත්ථ තස්ස චිත්තසඞ්ඛාරො නූප්පජ්ජිත්ථාති: නත්ථි.
යස්ස වා පන -පෙ- නත්ථි. (පච්චනීකපුග්ගල)
31-33. යත්ථ කායසඞ්ඛාරො නූප්පජ්ජිත්ථ -පෙ- (පච්චනීකඔකාස)
34. යස්ස යත්ථ කායසඞ්ඛාරො නූප්පජ්ජිත්ථ තස්ස තත්ථ වචීසඞ්ඛාරො නූප්පජ්ජිත්ථාති: රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිත්ථ, නො ච තෙසං තත්ථ වචීසඞ්ඛාරො නූප්පජ්ජිත්ථ. චතුත්ථජ්ඣානං සමාපන්නානං, සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිත්ථ වචීසඞ්ඛාරො ච නූප්පජ්ජිත්ථ.
යස්ස වා පන යත්ථ වචීසඞ්ඛාරො නූප්පජ්ජිත්ථ තස්ස තත්ථ කායසඞ්ඛාරො උප්පජ්ජිත්ථාති: දුතියජ්ඣානං තතියජ්ඣානං සමාපන්නානං තෙසං තත්ථ වචීසඞ්ඛාරො නූප්පජ්ජිත්ථ, නො ච තෙසං තත්ථ කායසඞ්ඛාරො නූප්පජ්ජිත්ථ. චතුත්ථජ්ඣානං සමාපන්නානං සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ වචී සඞ්ඛාරො ච නූප්පජ්ජිත්ථ, කායසඞ්ඛාරො ච නූප්පජ්ජිත්ථ.
35. යස්ස යත්ථ කායසඞ්ඛාරො නූප්පජ්ජිත්ථ තස්ස තත්ථ චිත්තසඞ්ඛාරො නූප්පජ්ජිත්ථාති: චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ කායසඞ්ඛාරො නූප්පජ්ජිත්ථ. නො ච තෙසං තත්ථ චිත්තසඞ්ඛාරො නූප්පජ්ජිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ කායසඞ්ඛාරො ච නූප්පජ්ජිත්ථ, චිත්තසඞ්ඛාරො ච නූප්පජ්ජිත්ථ.
යස්ස වා පන යත්ථ -පෙ- ආමන්තා.
36. යස්ස යත්ථ වචීසඞ්ඛාරො නූප්පජ්ජිත්ථ තස්ස තත්ථ චිත්තසඞ්ඛාරො නූප්පජ්ජිත්ථාති: දුතියජ්ඣානං, තතියජ්ඣානං, චතුත්ථජ්ඣානං සමාපන්නානං, සුද්ධාවාසානං දුතියෙ චිත්තෙ වත්තමානෙ තෙසං තත්ථ වචීසඞ්ඛාරො නූප්පජ්ජිත්ථ, නො ච තෙසං තත්ථ චිත්තසඞ්ඛාරො නූප්පජ්ජිත්ථ. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ වචීසඞ්ඛාරො ච නූප්පජ්ජිත්ථ, චිත්තසඞ්ඛාරො ච නූප්පජ්ජිත්ථ.
යස්ස වා පන යත්ථ -පෙ- ආමන්තා. (පච්චනීකපුග්ගලොකාස)
අතීතවාරො.
37. යස්ස කායසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජිස්සතීති: ආමන්තා.
යස්ස වා පන යත්ථ වචීසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිත්ථාති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං, යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති තෙසං වචන්තානං තෙසං වචීසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං වචීසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිස්සති.
38. යස්ස කායසඞ්ඛාරො උප්පජ්ජිස්සති තස්ස චිත්තසඞ්ඛාරො උප්පජ්ජිස්සතී’ති: ආමන්තා.
යස්ස වා පන චිත්තසඞ්ඛාරො උප්පජ්ජිස්සති තස්ස කායසඞ්ඛාරො උප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං, යෙ ච රූපාවචරං අරූපාවචරං උප්පජ්ජිත්වා පරිනිබ්බායිස්සන්ති තෙසං වචන්තානං තෙසං චිත්තසඞ්ඛාරො උප්පජ්ජිස්සති, නො ච තෙසං කායසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිස්සති.
39. යස්ස වචීසඞ්ඛාරො උප්පජ්ජිස්සති තස්ස චිත්තසඞ්ඛාරො උප්පජ්ජිස්සතීති: ආමන්තා.
යස්ස වා පන චිත්තසඞ්ඛාරො උප්පජ්ජිස්සති තස්ස වචීසඞ්ඛාරො උප්පජ්ජිස්සතීති: යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං චිත්තසඞ්ඛාරො උප්පජ්ජිස්සති, නො ච තෙසං වචීසඞ්ඛාරො උප්පජ්ජිස්සති. ඉතරෙසං තෙසං චිත්තසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජිස්සති. (අනුලොමපුග්ගල)
40-42. යත්ථ කායසඞ්ඛාරො උප්පජ්ජිස්සති -පෙ- (අනුලොම ඔකාස)
43. යස්ස යත්ථ කායසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජිස්සතී’ති: දුතියජ්ඣානං තතියජ්ඣානං සමාපන්නානං තෙසං තත්ථ කායසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජිස්සති. පඨමජ්ඣානං සමාපන්නානං කාමාවචරානං සෙං තත්ථ කායසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජිස්සති.
යස්ස වා පන යත්ථ වචීසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරානං අරූපාවචරානං තෙසං තත්ථ වචීසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උපජ්ජිස්සති. පඨමජ්ඣානං සමාපන්නානං ඉතරෙසං කාමාවචරානං තෙසං තත්ථ වචීසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිස්සති.
44. යස්ස යත්ථ කායසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො උප්පජ්ජිස්සතීති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ කායසඞ්ඛාරො උප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, චතුත්ථජ්ඣානං සමාපන්නානං රූපාවචරානං අරූපාවචරානං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ කායසඞ්ඛාරො උප්පජ්ජිස්සති. පඨමජ්ඣානං දුතියජ්ඣානං තතියජ්ඣානං සමාපන්නානං ඉතරෙසං කාමාවචරානං තෙසං තත්ථ චිත්තසඞ්ඛාරො ච උප්පජ්ජිස්සති, කායසඞ්ඛාරො ච උප්පජ්ජිස්සති.
45. යස්ස යත්ථ වචීසඞ්ඛාරො උප්පජ්ජිස්සති තස්ස තත්ථ චිත්තසඞ්ඛාරො උප්පජ්ජිස්සතීති: ආමන්තා.
යස්ස වා පන යත්ථ චිත්තසඞ්ඛාරො උප්පජ්ජිස්සති තස්ස තත්ථ වචීසඞ්ඛාරො උප්පජ්ජිස්සතීති: යස්ස චිත්තස්ස අනන්තරා අවිතක්ක අවිචාරං පච්ඡිමචිත්තං උප්පජ්ජිස්සති, දුතියජ්ඣානං තතියජ්ඣානං චතුත්ථජ්ඣානං සමාපන්නානං තෙසං තත්ථ චිත්තසඞ්ඛාරො උප්පජ්ජිස්සති, නො ච තෙසං තත්ථ වචීසඞ්ඛාරො උප්පජ්ජිස්සති, පඨමජ්ඣානං සමාපන්නානං කාමාවචරානං ඉතරෙසං රූපාවචරානං අරූපාවචරානං තෙසං තත්ථ චිත්තසඞ්ඛාරො ච උප්පජ්ජිස්සති, වචීසඞ්ඛාරො ච උප්පජ්ජිස්සති. (අනුලොමපුග්ගලොකාස)
46. යස්ස කායසඞ්ඛාරො නූප්පජ්ජිස්සති තස්ස වචීසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, තෙසං චවන්තානං තෙසං කායසඞ්ඛාරො නූප්පජ්ජිස්සති, නො ච තෙසං වචීසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං කායසඞ්ඛාරො ච නූප්පජ්ජිස්සති, වචීසඞ්ඛාරො ච නූප්පජ්ජිස්සති.
යස්ස වා පන -පෙ- ආමන්තා.
47. යස්ස කායසඞ්ඛාරො නූප්පජ්ජිස්සති තස්ස චිත්තසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා කාමාවචරානං පච්ඡිමචිත්තං උප්පජ්ජිස්සති, රූපාවචරෙ අරූපාවචරෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, තෙසං චවන්තානං තෙසං කායසඞ්ඛාරො නූප්පජ්ජිස්සති, නො ච තෙසං චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං තෙසං කායසඞ්ඛාරො ච නූප්පජ්ජිස්සති, චිත්තසඞ්ඛාරො ච නූප්පජ්ජිස්සති.
යස්ස වා පන චිත්තසඞ්ඛාරො -පෙ- ආමන්තා.
48. යස්ස වචීසඞ්ඛාරො නූප්පජ්ජිස්සති තස්ස චිත්තසඞ්ඛාරො නූප්පජ්ජිස්සතීති: යස්ස චිත්තස්ස අනන්තරා අවිතක්කඅවිචාරං පච්ඡිමචිත්තං උප්පජ්ජිස්සති තෙසං වචීසඞ්ඛාරො නූප්පජ්ජිස්සති, නො ච තෙසං චිත්තසඞ්ඛාරො නූප්පජ්ජිස්සති. පච්ඡිමචිත්තසමඞ්ගීනං තෙසං වචීසඞ්ඛාරො ච නූප්පජ්ජිස්සති, චිත්තසඞ්ඛාරො ච නූප්පජ්ජිස්සති.