36. යෙ කෙචි අබ්යාකතමූලෙන එකමූලමූලකා ධම්මා සබ්බෙ තෙ අබ්යාකතමූලෙන අඤ්ඤමඤ්ඤමූලමූලකාති: මූලානි යානි එකතො උප්පජ්ජන්ති අබ්යාකතමූලානි එකමූලමූලකානි චෙව අඤ්ඤමඤ්ඤමූලමූලකානි ච, අවසෙසා අබ්යාකතමූලසහජාතා ධම්මා අබ්යාකතමූලෙන එකමූලමූලකා, න ච අඤ්ඤමඤ්ඤමූලමූලකා. යෙ වා පන අබ්යාකතමූලෙන අඤ්ඤමඤ්ඤමූලමූලකා සබ්බෙ තෙ ධම්මා අබ්යාකතාති: ආමන්තා.
අබ්යාකතපදනයචතුක්කං.
37. යෙ කෙචි නාමා ධම්මා සබ්බෙ තෙ නාමමූලාති: නචෙව නාමමූලානි, අවසෙසා නාමා ධම්මා න නාමමූලා, යෙ වා පන නාමමූලා සබ්බෙ තෙ ධම්මා නාමාති: ආමන්තා.
38. යෙ කෙචි නාමා ධම්මා සබ්බෙ තෙ නාමමූලෙන එකමූලාති: අහෙතුකං නාමං නාමමූලෙන න එකමූලං, සහෙතුකං නාමං නාමමූලෙන එකමූලං. යෙ වා පන නාමමූලෙන එකමූලා සබ්බෙ තෙ ධම්මා නාමාති: නාමසමුට්ඨානං රූපං නාමමූලෙන එකමූලං, න නාමං. නාමං නාමමූලෙන එකමූලඤ්චෙව නාමඤ්ච.
39. යෙ කෙචි නාමමූලෙන එකමූලා ධම්මා සබ්බෙ තෙ නාමමූලෙන අඤ්ඤමඤ්ඤමූලාති: මූලානි යානි එකතො උප්පජ්ජන්ති නාමමූලානි එකමූලානි චෙව අඤ්ඤමඤ්ඤමූලානි ච, අවසෙසා නාමමූලසහජාතා ධම්මා නාමමූලෙන එකමූලා න ච අඤ්ඤමඤ්ඤමූලා. යෙ වා පන නාමමූලෙන අඤ්ඤමඤ්ඤමූලා සබ්බෙ තෙ ධම්මා නාමාති: ආමන්තා.
40. යෙ කෙචි නාමා ධම්මා සබ්බෙ තෙ නාමමූලමූලාති: නචෙව නාමමූලමූලානි. අවසෙසා නාමා ධම්මා න නාමමූලමූලා. යෙ වා පන නාමමූලමූලා සබ්බෙ තෙ ධම්මා නාමාති: ආමන්තා.
41. යෙ කෙචි නාමා ධම්මා සබ්බෙ තෙ නාමමූලෙන එකමූලමූලාති: අහෙතුකං නාමං නාමමූලෙන න එකමූලමූලං, සහෙතුකං නාමං නාමමූලෙන එකමූලමූලං. යෙ වා පන නාමමූලෙන එකමූලමූලා සබ්බෙ තෙ ධම්මා නාමාති: නාමසමුට්ඨානං රූපං නාමමූලෙන එකමූලමූලං, න නාමං, නාමං. නාමමූලෙන එකමූලමූලඤ්චෙව නාමඤ්ච.
42. යෙ කෙචි නාමමූලෙන එකමූලමූලා ධම්මා සබ්බෙ තෙ නාමමූලෙන අඤ්ඤමඤ්ඤමූලමූලාති: මූලානි යානි එකතො උප්පජ්ජන්ති නාමමූලානි එකමූලමූලානි චෙව අඤ්ඤමඤ්ඤමූලමූලානි ච. අවසෙසා නාමමූලසහජාතා ධම්මා නාමමූලෙන එකමූලමූලා, න ච අඤ්ඤමඤ්ඤමූලමූලා. යෙ වා පන නාමමූලෙන අඤ්ඤමඤ්ඤමූලමූලා සබ්බෙ තෙ ධම්මා නාමාති: ආමන්තා.
43. යෙ කෙචි නාමා ධම්මා සබ්බෙ තෙ නාමමූලකාති: අහෙතුකං නාමං න නාමමූලකං, සහෙතුකං නාමං නාමමූලකං. යෙ වා පන නාමමූලකා සබ්බෙ තෙ ධම්මා නාමාති: නාමසමුට්ඨානං රූපං නාමමූලකං, න නාමං. නාමං නාමමූලකඤ්චෙව නාමඤ්ච.
44. යෙ කෙචි නාමා ධම්මා සබ්බෙ තෙ නාමමූලෙන එකමූලකාති: අහෙතුකං නාමං නාමමූලෙන න එකමූලකං, සහෙතුකං නාමං නාමමූලෙන එකමූලකං. යෙ වා පන නාමමූලෙන එකමූලකං සබ්බෙ තෙ ධම්මා නාමාති: නාමසමුට්ඨානං රූපං නාමමූලෙන එකමූලකං, න නාමං. නාමං නාමමූලෙන එකමූලකඤ්චෙව නාමඤ්ච.
45. යෙ කෙචි නාමමූලෙන එකමූලකා ධම්මා සබ්බෙ තෙ නාමමූලෙන අඤ්ඤමඤ්ඤමූලකාති: මූලානි යානි එකතො උප්පජ්ජන්ති නාමමූලානි එකමූලකානි චෙව අඤ්ඤමඤ්ඤමූලකානි ච. අවසෙසා නාමමූලසහජාතා ධම්මා නාමමූලෙන එකමූලකා, න ච අඤ්ඤමඤ්ඤමූලකා. යෙ වා පන නාමමූලෙන අඤ්ඤමඤ්ඤමූලකා සබ්බෙ තෙ ධම්මා නාමාති: ආමන්තා.
46. යෙ කෙචි නාමා ධම්මා සබ්බෙ තෙ නාමමූලමූලකාති: අහෙතුකං නාමං න නාමමූලමූලකං, සහෙතුකං නාමං නාමමූලමූලකං. යෙ වා පන නාමමූලමූලකා සබ්බෙ තෙ ධම්මා නාමාති: නාමසමුට්ඨානං රූපං නාමමූලමූලකං, න නාමං. නාමං නාමමූලමුලකඤ්චෙව නාමඤ්ච.
47. යෙ කෙචි නාමා ධම්මා සබ්බෙ තෙ නාමමූලෙන එකමූලමූලකාති: අහෙතුකං නාමං නාමමූලෙන න එකමූලමූලකං, සහෙතුකං නාමං නාමමූලෙන එකමූලමූලකං. යෙ වා පන නාමමූලෙන එකමූලමූලකා සබ්බෙ තෙ ධම්මා නාමාති: නාමසමුට්ඨානං රූපං නාමමූලෙන එකමූලමූලකං, න නාමං. නාමං නාමමූලෙන එකමූලමූලකඤ්චෙව නාමඤ්ච.
48. යෙ කෙචි නාමමූලෙන එකමූලමූලකා ධම්මා සබ්බෙ තෙ නාමමූලෙන අඤ්ඤමඤ්ඤමූලමූලකාති: මූලානි යානි එකතො උප්පජ්ජන්ති නාමමූලානි එකමූලමූලකානි චෙව අඤ්ඤමඤ්ඤමූලමූලකානි ච, අවසෙසා නාමමූලසහජාතා ධම්මා නාමමූලෙන එකමූලමූලකා, න ච අඤ්ඤමඤ්ඤමූලමූලකා. යෙ වා පන නාමමූලෙන අඤ්ඤමඤ්ඤමූලමූලකා සබ්බෙ තෙ ධම්මා නාමාති: ආමන්තා.
නාමපදනයචතුක්කං.
මූලවාරනිද්දෙසො.
49. යෙ කෙචි කුසලා ධම්මා සබ්බෙ තෙ කුසලහෙතූති: තයො එව කුසලහෙතු, අවසෙසා කුසලා ධම්මා න කුසලහෙතු -පෙ- කුසලනිදානා - කුසලසම්භවා - කුසලප්පභවා - කුසලසමුට්ඨානා - කුසලාහාරා - කුසලාරම්මණා - කුසලපච්චයා - කුසලසමුදයා: යෙ කෙචි අකුසලා ධම්මා -පෙ- යෙ කෙචි අබ්යාකතා ධම්මා -පෙ- යෙ කෙචි නාමා ධම්මා සබ්බෙ තෙ නාමහෙතූති -පෙ- නාමනිදානා - නාමසම්භයා - නාමප්පභවා - නාමසමුට්ඨානා - නාමාහාරා - නාමාරම්මණා - නාමපච්චයා - නාමසමුදයා:
මූලං හෙතුනිදානඤ්ච - සම්භවො පභවෙන ච සමුට්ඨානාහාරාරම්මණා - පච්චයො සමුදයෙන චාති.
නිද්දෙසවාරො නිට්ඨිතො.
මූලයමකං නිට්ඨිතං.
2. ඛන්ධයමකං
1. පඤ්ඤත්ති උද්දෙසවාරො
පඤ්චක්ඛන්ධා: රූපක්ඛන්ධො වෙදනාක්ඛන්ධො සඤ්ඤාක්ඛන්ධො සඞ්ඛාරක්ඛන්ධො විඤ්ඤාණක්ඛන්ධො.
1. රූපං රූපක්ඛන්ධො, රූපක්ඛන්ධො රූපං. වෙදනා වෙදනාක්ඛන්ධො, වෙදනාක්ඛන්ධො වෙදනා. සඤ්ඤා සඤ්ඤාක්ඛන්ධො සඤ්ඤාක්ඛන්ධො සඤ්ඤා. සඞ්ඛාරා සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා. විඤ්ඤාණං විඤ්ඤාණක්ඛන්ධො, විඤ්ඤාණක්ඛන්ධො විඤ්ඤාණං. (අනුලොමං.)
2. න රූපං න රූපක්ඛන්ධො, න රූපක්ඛන්ධො න රූපං. න වෙදනා න වෙදනාක්ඛන්ධො, න වෙදනාක්ඛන්ධො න වෙදනා. න සඤ්ඤා න සඤ්ඤාක්ඛන්ධො, න සඤ්ඤාක්ඛන්ධො න සඤ්ඤා. න සඞ්ඛාරා න සඞ්ඛාරක්ඛන්ධො, න සඞ්ඛාරක්ඛන්ධො න සඞ්ඛාරා. න විඤ්ඤාණං න විඤ්ඤාණක්ඛන්ධො, න විඤ්ඤාණක්ඛන්ධො න විඤ්ඤාණං. (පච්චනීකං.)
පදසොධනවාරො.
3. රූපං රූපක්ඛන්ධො, ඛන්ධා වෙදනාක්ඛන්ධො. රූපං රූපක්ඛන්ධො, ඛන්ධා සඤ්ඤාක්ඛන්ධො. රූපං රූපක්ඛන්ධො, ඛන්ධා සඞ්ඛාරක්ඛන්ධො, රූපං රූපක්ඛන්ධො, ඛන්ධා විඤ්ඤාණක්ඛන්ධො.
4. වෙදනා වෙදනාක්ඛන්ධො, ඛන්ධා රූපක්ඛන්ධො. වෙදනා වෙදනාක්ඛන්ධො, ඛන්ධා සඤ්ඤාක්ඛන්ධො. වෙදනා වෙදනාක්ඛන්ධො, ඛන්ධා සඞ්ඛාරක්ඛන්ධො. වෙදනා වෙදනාක්ඛන්ධො, ඛන්ධා විඤ්ඤාණක්ඛන්ධො.
5. සඤ්ඤා සඤ්ඤාක්ඛන්ධො, ඛන්ධා රූපක්ඛන්ධො. සඤ්ඤාසඤ්ඤාක්ඛන්ධො, ඛන්ධා වෙදනාක්ඛන්ධො. සඤ්ඤා සඤ්ඤාක්ඛන්ධො, ඛන්ධා සඞ්ඛාරක්ඛන්ධො. සඤ්ඤා සඤ්ඤාක්ඛන්ධො, ඛන්ධා විඤ්ඤාණක්ඛන්ධො.
6. සඞ්ඛාරා සඞ්ඛාරක්ඛන්ධො, ඛන්ධා රූපක්ඛන්ධො. සඞ්ඛාරා සඞ්ඛාරක්ඛන්ධො, ඛන්ධා වෙදනාක්ඛන්ධො. සඞ්ඛාරා සඞ්ඛාරක්ඛන්ධො, ඛන්ධා සඤ්ඤාක්ඛන්ධො. සඞ්ඛාරා සඞ්ඛාරක්ඛන්ධො, ඛන්ධා විඤ්ඤාණක්ඛන්ධො.
7. විඤ්ඤාණං විඤ්ඤාණක්ඛන්ධො, ඛන්ධා රූපක්ඛන්ධො. විඤ්ඤාණං විඤ්ඤාණක්ඛන්ධො, ඛන්ධා වෙදනාක්ඛන්ධො. විඤ්ඤාණං විඤ්ඤාණක්ඛන්ධො, ඛන්ධා සඤ්ඤාක්ඛන්ධො. විඤ්ඤාණං විඤ්ඤාණක්ඛන්ධො, ඛන්ධා සඞ්ඛාරක්ඛන්ධො. (අනුලොමං)
8. න රූපං න රූපක්ඛන්ධො, න ඛන්ධා න වෙදනාක්ඛන්ධො. න රූපං න රූපක්ඛන්ධො. න ඛන්ධා න සඤ්ඤාක්ඛන්ධො. න රූපං න රූපක්ඛන්ධො, න ඛන්ධා න සඞ්ඛාරක්ඛන්ධො. න රූපං න රූපක්ඛන්ධො, න ඛන්ධා න විඤ්ඤාණක්ඛන්ධො.
9. න වෙදනා න වෙදනාක්ඛන්ධො, න ඛන්ධා න රූපක්ඛන්ධො. න වෙදනා න වෙදනාක්ඛන්ධො, න ඛන්ධා න සඤ්ඤාක්ඛන්ධො. න වෙදනා න වෙදනාක්ඛන්ධො, න ඛන්ධා න සඛ්ඛාරක්ඛන්ධො. න වෙදනා න වෙදනාක්ඛන්ධො, න ඛන්ධා න විඤ්ඤාණක්ඛන්ධො.
10. න සඤ්ඤා න සඤ්ඤාක්ඛන්ධො, න ඛන්ධා න රූපක්ඛන්ධො. න සඤ්ඤා න සඤ්ඤාක්ඛන්ධො, න ඛන්ධා න වෙදනාක්ඛන්ධො. න සඤ්ඤා න සඤ්ඤාක්ඛන්ධො, න ඛන්ධා න සඞ්ඛාරක්ඛන්ධො. න සඤ්ඤා න සඤ්ඤාක්ඛන්ධො, න ඛන්ධා න විඤ්ඤාණක්ඛන්ධො.
11. න සඞ්ඛාරා න සඞ්ඛාරක්ඛන්ධො, න ඛන්ධා න රූපක්ඛන්ධො. න සඞ්ඛාරා න සඞ්ඛාරක්ඛන්ධො, න ඛන්ධා න වෙදනාක්ඛන්ධො. න සඞ්ඛාරා න සඞ්ඛාරක්ඛන්ධො, න ඛන්ධා න සඤ්ඤාක්ඛන්ධො. න සඞ්ඛාරා න සඞ්ඛාරක්ඛන්ධො, න ඛන්ධා න විඤ්ඤාණක්ඛන්ධො.
12. න විඤ්ඤාණං න විඤ්ඤාණක්ඛන්ධො, න ඛන්ධා න රූපක්ඛන්ධො. න විඤ්ඤාණං න විඤ්ඤාණක්ඛන්ධො, න ඛන්ධා න වෙදනාක්ඛන්ධො. න විඤ්ඤාණං න විඤ්ඤාණක්ඛන්ධො, න ඛන්ධා න සඤ්ඤාක්ඛන්ධො. න විඤ්ඤාණං න විඤ්ඤාණක්ඛන්ධො, න ඛන්ධා න සඞ්ඛාරක්ඛන්ධො. (පච්චනීකං)
පදසොධන මූලචක්කවාරො.
13. රූපං ඛන්ධො, ඛන්ධා රූපං. වෙදනා ඛන්ධො, ඛන්ධා වෙදනා, සඤ්ඤා ඛන්ධො, ඛන්ධා සඤ්ඤා. සඞ්ඛාරා ඛන්ධො, ඛන්ධා සඞ්ඛාරා. විඤ්ඤාණං ඛන්ධො, ඛන්ධා විඤ්ඤාණං. (අනුලොමං.)
14. න රූපං න ඛන්ධො, න ඛන්ධා න රූපං. න වෙදනා න ඛන්ධො, න ඛන්ධා න වෙදනා. න සඤ්ඤා න ඛන්ධො, න ඛන්ධා න සඤ්ඤා. න සඞ්ඛාරා න ඛන්ධො, න ඛන්ධා න සඞ්ඛාරා. න විඤ්ඤාණං න ඛන්ධො, න ඛන්ධා න විඤ්ඤාණං. (පච්චනීකං.)
සුද්ධඛන්ධවාරො.
15. රූපං ඛන්ධො, ඛන්ධා වෙදනා. රූපං ඛන්ධො, ඛන්ධා සඤ්ඤා. රූපං ඛන්ධො, ඛන්ධා සඞ්ඛාරා. රූපං ඛන්ධො, ඛන්ධා විඤ්ඤාණං.
16. වෙදනා ඛන්ධො, ඛන්ධා රූපං. වෙදනා ඛන්ධො, ඛන්ධා සඤ්ඤා. වෙදනා ඛන්ධො, ඛන්ධා සඞ්ඛාරා. වෙදනා ඛන්ධො, ඛන්ධා විඤ්ඤාණං.
17. සඤ්ඤා ඛන්ධො, ඛන්ධා රූපං. සඤ්ඤා ඛන්ධො, ඛන්ධා වෙදනා, සඤ්ඤා ඛන්ධො, ඛන්ධා සඞ්ඛාරා. සඤ්ඤා ඛන්ධො, ඛන්ධා විඤ්ඤාණං.
18. සඞ්ඛාරා ඛන්ධො, ඛන්ධා රූපං. සඞ්ඛාරා ඛන්ධො, ඛන්ධා වෙදනා. සඞ්ඛාරා ඛන්ධො, ඛන්ධා සඤ්ඤා. සඞ්ඛාරා ඛන්ධො, ඛන්ධා විඤ්ඤාණං.
19. විඤ්ඤාණං ඛන්ධො, ඛන්ධා රූපං. විඤ්ඤාණං ඛන්ධො, ඛන්ධා වෙදනා. විඤ්ඤාණං ඛන්ධො, ඛන්ධා සඤ්ඤා. විඤ්ඤාණං ඛන්ධො, ඛන්ධා සඞ්ඛාරා. (අනුලොමං.)
20. න රූපං න ඛන්ධො, න ඛන්ධා න වෙදනා. න රූපං න ඛන්ධො. න ඛන්ධා න සඤ්ඤා. න රූපං න ඛන්ධො, න ඛන්ධා න සඞ්ඛාරා. න රූපං න ඛන්ධො, න ඛන්ධා න විඤ්ඤාණං.
21. න වෙදනා න ඛන්ධො, න ඛන්ධා න රූපං. න වෙදනා න ඛන්ධො, න ඛන්ධා න සඤ්ඤා. න වෙදනා න ඛන්ධො. න ඛන්ධා න සඞ්ඛාරා. න වෙදනා න ඛන්ධො, න ඛන්ධා න විඤ්ඤාණං.
22. න සඤ්ඤා න ඛන්ධො, න ඛන්ධා න රූපං. න සඤ්ඤා න ඛන්ධො, න ඛන්ධා න වෙදනා. න සඤ්ඤා න ඛන්ධො, න ඛන්ධා න සඞ්ඛාරා. න සඤ්ඤා න ඛන්ධො, න ඛන්ධා න විඤ්ඤාණං.
23. න සඞ්ඛාරා න ඛන්ධො, න ඛන්ධා න රූපං. න සඞ්ඛාරා න ඛන්ධො, න ඛන්ධා න වෙදනා. න සඞ්ඛාරා න ඛන්ධො, න ඛන්ධා න සඤ්ඤා. න සඞ්ඛාරා න ඛන්ධො, න ඛන්ධා න විඤ්ඤාණං.
24. න විඤ්ඤාණං න ඛන්ධො, න ඛන්ධා න රූපං. න විඤ්ඤාණං න ඛන්ධො, න ඛන්ධා න වෙදනා. න විඤ්ඤාණං න ඛන්ධො, න ඛන්ධා න සඤ්ඤා. න විඤ්ඤාණං න ඛන්ධො, න ඛන්ධා න සඞ්ඛාරා. (පච්චනීකං)
සුද්ධ ඛන්ධ මූලචක්කවාරො
උද්දෙසවාරො නිට්ඨිතො.
2. පඤ්ඤත්ති නිද්දෙසවාරො
1. රූපං රූපක්ඛන්ධොති: පියරූපං සාතරූපං රූපං, න රූපක්ඛන්ධො, රූපක්ඛන්ධො රූපඤ්චෙව රූපක්ඛන්ධො ච. රූපක්ඛන්ධො රූපන්ති ආමන්තා.
වෙදනා වෙදනාක්ඛන්ධොති: ආමන්තා. වෙදනාක්ඛන්ධො වෙදනාති: ආමන්තා.
සඤ්ඤා සඤ්ඤාක්ඛන්ධොති: දිට්ඨි සඤ්ඤා සඤ්ඤා, න සඤ්ඤාක්ඛන්ධො, සඤ්ඤාක්ඛන්ධො සඤ්ඤාචෙව සඤ්ඤාක්ඛන්ධො ච. සඤ්ඤාක්ඛන්ධො සඤ්ඤාති: ආමන්තා.
සඞ්ඛාරා සඞ්ඛාරක්ඛන්ධොති: සඞ්ඛාරක්ඛන්ධං ඨපෙත්වා අවසෙසා සඞ්ඛාරා{1} න සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච. සඞ්ඛාරක්ඛන්ධො සඞ්ඛාරාති: ආමන්තා.
විඤ්ඤාණං විඤ්ඤාණක්ඛන්ධොති: ආමන්තා. විඤ්ඤාණක්ඛන්ධො විඤ්ඤාණන්ති: ආමන්තා. (අනුලොමං.)
2. න රූපං න රූපක්ඛන්ධොති: ආමන්තා. න රූපක්ඛන්ධො න රූපන්ති: පියරූපං සාතරූපං න රූපක්ඛන්ධො, රූපං. රූපඤ්ච රූපක්ඛන්ධඤ්ච ඨපෙත්වා අවසෙසා න චෙව රූපං න ච රූපක්ඛන්ධො.
න වෙදනා න වෙදනාක්ඛන්ධොති: ආමන්තා. න වෙදනාක්ඛන්ධො න වෙදනාති: ආමන්තා.
න සඤ්ඤා න සඤ්ඤාක්ඛන්ධොති: ආමන්තා. න සඤ්ඤාක්ඛන්ධො න සඤ්ඤාති: දිට්ඨිසඤ්ඤා න සඤ්ඤාක්ඛන්ධො, සඤ්ඤා. සඤ්ඤඤ්ච සඤ්ඤාක්ඛන්ධඤ්ච ඨපෙත්වා අවසෙසා න චෙව සඤ්ඤා න ච සඤ්ඤාක්ඛන්ධො.
න සඞ්ඛාරා න සඞ්ඛාරක්ඛන්ධොති: ආමන්තා. න සඞ්ඛාරක්ඛන්ධො න සඞ්ඛාරාති: සඞ්ඛාරක්ඛන්ධං ඨපෙත්වා අවසෙසා න සඞ්ඛාරක්ඛන්ධො, සඞ්ඛාරා. සඞ්ඛාරෙ ච සඞ්ඛාරක්ඛන්ධඤ්ච ඨපෙත්වා අවසෙසා න චෙව සඞ්ඛාරා න ච සඞ්ඛාරක්ඛන්ධො.
න විඤ්ඤාණං න විඤ්ඤාණක්ඛන්ධොති: ආමන්තා. න විඤ්ඤාණක්ඛන්ධො න විඤ්ඤාණන්ති: ආමන්තා. (පච්චනීකං.)
පදසොධනවාරො.
3. රූපං රූපක්ඛන්ධොති: පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච. ඛන්ධා වෙදනාක්ඛන්ධොති: වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා{1}, න වෙදනාක්ඛන්ධො.
රූපං රූපක්ඛන්ධොති: පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච. ඛන්ධා සඤ්ඤාක්ඛන්ධොති: සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා, න සඤ්ඤාක්ඛන්ධො.
රූපං රූපක්ඛන්ධොති: පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච. ඛන්ධා සඞ්ඛාරක්ඛන්ධොති: සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා, න සඞ්ඛාරක්ඛන්ධො.
රූපං රූපක්ඛන්ධොති: පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච. ඛන්ධා විඤ්ඤාණක්ඛන්ධොති: විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා, න විඤ්ඤාණක්ඛන්ධො.
4. වෙදනා වෙදනාක්ඛන්ධොති: ආමන්තා. ඛන්ධා රූපක්ඛන්ධොති: රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා, න රූපක්ඛන්ධො.
වෙදනා වෙදනාක්ඛන්ධොති: ආමන්තා. ඛන්ධා සඤ්ඤාක්ඛන්ධොති: සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා, න සඤ්ඤාක්ඛන්ධො.
වෙදනා වෙදනාක්ඛන්ධොති: ආමන්තා. ඛන්ධා සඞ්ඛාරක්ඛන්ධොති: සඞ්ඛාරක්ඛන්ධො ඛන්ධොචෙව සඞ්ඛාරක්ඛන්ධො ච. අවසෙසා ඛන්ධා න සඞ්ඛාරක්ඛන්ධො.
වෙදනා වෙදනාක්ඛන්ධොති: ආමන්තා. ඛන්ධා විඤ්ඤාණක්ඛන්ධොති: විඤ්ඤාණක්ඛන්ධො ඛන්ධොචෙව විඤ්ඤාණක්ඛන්ධො ච. අවසෙසා ඛන්ධා න විඤ්ඤාණක්ඛන්ධො.
5. සඤ්ඤා සඤ්ඤාක්ඛන්ධොති: දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච. ඛන්ධා රූපක්ඛන්ධොති: රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා, න රූපක්ඛන්ධො.
සඤ්ඤා සඤ්ඤාක්ඛන්ධොති: දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච. ඛන්ධා වෙදනාක්ඛන්ධොති: වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා, න වෙදනාක්ඛන්ධො.
සඤ්ඤා සඤ්ඤාක්ඛන්ධොති: දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච. ඛන්ධා සඞ්ඛාරක්ඛන්ධොති: සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා, න සඞ්ඛාරක්ඛන්ධො.
සඤ්ඤා සඤ්ඤාක්ඛන්ධොති: දිට්ඨිසඤ්ඤා සඤ්ඤා, න සඤ්ඤාක්ඛන්ධො, සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච. ඛන්ධා විඤ්ඤාණක්ඛන්ධොති: විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා, න විඤ්ඤාණක්ඛන්ධො.
6. සඞ්ඛාරා සඞ්ඛාරක්ඛන්ධොති: සඞ්ඛාරක්ඛන්ධං ඨපෙත්වා අවසෙසා සඞ්ඛාරා සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච. ඛන්ධා රූපක්ඛන්ධොති: රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා, න රූපක්ඛන්ධො.
සඞ්ඛාරා සඞ්ඛාරක්ඛන්ධොති: සඞ්ඛාරක්ඛන්ධං ඨපෙත්වා අවසෙසා සඞ්ඛාරා න සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච. ඛන්ධා වෙදනාක්ඛන්ධොති: වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා, න වෙදනාක්ඛන්ධො.
සඞ්ඛාරා සඞ්ඛාරක්ඛන්ධොති: සඞ්ඛාරක්ඛන්ධං ඨපෙත්වා අවසෙසා සඞ්ඛාරා න සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච. ඛන්ධා සඤ්ඤාක්ඛන්ධොති: සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. ඛන්ධා සඤ්ඤාක්ඛන්ධොති: සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා, න සඤ්ඤාක්ඛන්ධො.
සඞ්ඛාරා සඞ්ඛාරක්ඛන්ධොති: සඞ්ඛාරක්ඛන්ධං ඨපෙත්වා අවසෙසා සඞ්ඛාරා න සඞ්ඛාරක්ඛන්ධො, සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච. ඛන්ධා විඤ්ඤාණක්ඛන්ධොති: විඤ්ඤාණක්ඛන්ධො ඛන්ධො චෙව විඤ්ඤාණක්ඛන්ධො ච. අවසෙසා ඛන්ධා, න විඤ්ඤාණක්ඛන්ධො.
7. විඤ්ඤාණං විඤ්ඤාණක්ඛන්ධොති: ආමන්තා. ඛන්ධා රූපක්ඛන්ධොති: රූපක්ඛන්ධො ඛන්ධො චෙව රූපක්ඛන්ධො ච. අවසෙසා ඛන්ධා, න රූපක්ඛන්ධො.
විඤ්ඤාණං විඤ්ඤාණක්ඛන්ධොති: ආමන්තා. ඛන්ධා වෙදනාක්ඛන්ධොති: වෙදනාක්ඛන්ධො ඛන්ධො චෙව වෙදනාක්ඛන්ධො ච. අවසෙසා ඛන්ධා, න වෙදනාක්ඛන්ධො.
විඤ්ඤාණං විඤ්ඤාණක්ඛන්ධොති: ආමන්තා. ඛන්ධා සඤ්ඤාක්ඛන්ධොති: සඤ්ඤාක්ඛන්ධො ඛන්ධො චෙව සඤ්ඤාක්ඛන්ධො ච. අවසෙසා ඛන්ධා, න සඤ්ඤාක්ඛන්ධො.
විඤ්ඤාණං විඤ්ඤාණක්ඛන්ධොති: ආමන්තා. ඛන්ධා සඞ්ඛාරක්ඛන්ධොති: සඞ්ඛාරක්ඛන්ධො ඛන්ධො චෙව සඞ්ඛාරක්ඛන්ධො ච. අවසෙසා ඛන්ධා, න සඞ්ඛාරක්ඛන්ධො. (අනුලොමං)
8. න රූපං න රූපක්ඛන්ධොති: ආමන්තා. න ඛන්ධා න වෙදනාක්ඛන්ධොති: ආමන්තා.
න රූපං න රූපක්ඛන්ධොති: ආමන්තා. න ඛන්ධා න සඤ්ඤාක්ඛන්ධොති: ආමන්තා.
න රූපං න රූපක්ඛන්ධොති: ආමන්තා. න ඛන්ධා න සඞ්ඛාරක්ඛන්ධොති: ආමන්තා.
න රූපං න රූපක්ඛන්ධොති: ආමන්තා. න ඛන්ධා න විඤ්ඤාණක්ඛන්ධොති: ආමන්තා.
9. න වෙදනා න වෙදනාක්ඛන්ධොති: ආමන්තා. න ඛන්ධා න රූපක්ඛන්ධොති: ආමන්තා.
න වෙදනා න වෙදනාක්ඛන්ධොති: ආමන්තා. න ඛන්ධා න සඤ්ඤාක්ඛන්ධොති: ආමන්තා.
න වෙදනා න වෙදනාක්ඛන්ධොති: ආමන්තා. න ඛන්ධා න සඞ්ඛාරක්ඛන්ධොති: ආමන්තා.
න වෙදනා න වෙදනාක්ඛන්ධොති: ආමන්තා. න ඛන්ධා න විඤ්ඤාණක්ඛන්ධොති: ආමන්තා.
10. න සඤ්ඤා න සඤ්ඤාක්ඛන්ධොති: ආමන්තා. න ඛන්ධා න රූපක්ඛන්ධොති: ආමන්තා.
න සඤ්ඤා න සඤ්ඤාක්ඛන්ධොති: ආමන්තා. න ඛන්ධා න වෙදනාක්ඛන්ධොති: ආමන්තා.
න සඤ්ඤා න සඤ්ඤාක්ඛන්ධොති: ආමන්තා. න ඛන්ධා න සඞ්ඛාරක්ඛන්ධොති: ආමන්තා.
න සඤ්ඤා න සඤ්ඤාක්ඛන්ධොති: ආමන්තා. න ඛන්ධා න විඤ්ඤාණක්ඛන්ධොති: ආමන්තා.
11. න සඞ්ඛාරා න සඞ්ඛාරක්ඛන්ධොති: ආමන්තා. න ඛන්ධා න රූපක්ඛන්ධොති: ආමන්තා.
න සඞ්ඛාරා න සඞ්ඛාරක්ඛන්ධොති: ආමන්තා. න ඛන්ධා න වෙදනාක්ඛන්ධොති: ආමන්තා.
න සඞ්ඛාරා න සඞ්ඛාරක්ඛන්ධොති: ආමන්තා. න ඛන්ධා න සඤ්ඤාක්ඛන්ධොති: ආමන්තා.
ස සඞ්ඛාරා න සඞ්ඛාරක්ඛන්ධොති: ආමන්තා. න ඛන්ධා න විඤ්ඤාණක්ඛන්ධොති: ආමන්තා.