යො වා පන වෙදනාක්ඛන්ධං පරිජානිස්සති, සො රූපක්ඛන්ධං පරිජානාතීති: නො.
10. යො රූපක්ඛන්ධං න පරිජානාති සො වෙදනාක්ඛන්ධං න පරිජානිස්සතීති: යෙ මග්ගං පටිලභිස්සන්ති තෙ රූපක්ඛන්ධං න පරිජානන්ති, නො ච වෙදනාක්ඛන්ධං න පරිජානිස්සන්ති. අරහා, යෙ ච පුථුජ්ජනා මග්ගං න පටිලභිස්සන්ති, තෙ රූපක්ඛන්ධං ච න පරිජානන්ති. වෙදනාක්ඛන්ධඤ්ච න පරිජානිස්සන්ති.
යො වා පන වෙදනාක්ඛන්ධං න පරිජානිස්සති සො රූපක්ඛන්ධං න පරිජානාතීති: අග්ගමග්ගසමඞ්ගී වෙදනාක්ඛන්ධං න පරිජානිස්සති. නො ච රූපක්ඛන්ධං න පරිජානාති. අරහා, යෙ ච පුථුජ්ජනා මග්ගං න පටිලභිස්සන්ති, තෙ වෙදනාක්ඛන්ධඤ්ච න පරිජානිස්සන්ති. රූපක්ඛන්ධඤ්ච න පරිජානන්ති.
පච්චුප්පන්නානාගතවාරො.
11. යො රූපක්ඛන්ධං පරිජානිත්ථ සො වෙදනාක්ඛන්ධං පරිජානිස්සතීති: නො.
යො වා පන වෙදනාක්ඛන්ධං පරිජානිස්සති සො රූපක්ඛන්ධං පරිජානිත්ථාති: නො.
12. යො රූපක්ඛන්ධං න පරිජානිත්ථ සො වෙදනාක්ඛන්ධං න පරිජානිස්සතීති: යෙ මග්ගං පටිලභිස්සන්ති, තෙ රූපක්ඛන්ධං න පරිජානිත්ථ. නො ච වෙදනාක්ඛන්ධං න පරිජානිස්සන්ති. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති තෙ රූපක්ඛන්ධඤ්ච න පරිජානිත්ථ. වෙදනාක්ඛන්ධඤ්ච න පරිජානිස්සන්ති.
යො වා පන වෙදනාක්ඛන්ධං න පරිජානිස්සති සො රූපක්ඛන්ධං න පරිජානිත්ථාති: අරහා වෙදනාක්ඛන්ධං න පරිජානිස්සති නො ච රූපක්ඛන්ධං න පරිජානිත්ථ. අග්ගමග්ගසමඞ්ගී යෙ ච පුථුජ්ජනා මග්ගං න පටිලභිස්සන්ති, තෙ වෙදනාක්ඛන්ධඤ්ච න පරිජානිස්සන්ති, රූපක්ඛන්ධඤ්ච න පරිජානිත්ථ.
අතීතානාගතවාරො.
පරිඤ්ඤාවාරො නිට්ඨිතො.
ඛන්ධයමකං නිට්ඨිතං.
3. ආයතනයමකං
1. පඤ්ඤත්ති උද්දෙසවාරො
ද්වාදසායතනානි: චක්ඛායතනං සොතායතනං ඝානායතනං ජිව්හායතනං කායායතනං රූපායතනං සද්දායතනං ගන්ධායතනං රසායතනං ඵොට්ඨබ්බායතනං මනායතනං ධම්මායතනං.
1. චක්ඛු චක්ඛායතනං, චක්ඛායතනං චක්ඛු, සොතං සොතායතනං, සොතායතනං සොතං, ඝානං ඝානායතනං, ඝානායතනං ඝානං, ජිව්හා ජිව්හායතනං, ජිව්හායතනං ජිව්හා, කායො කායායතනං, කායායතනං කායො.
රූපං රූපායතනං, රූපායතනං රූපං, සද්දො සද්දායතනං, සද්දායතනං සද්දො, ගන්ධො ගන්ධායතනං, ගන්ධායතනං ගන්ධො, රසො රසායතනං, රසායතනං රසො, ඵොට්ඨබ්බො ඵොට්ඨබ්බායතනං, ඵොට්ඨබ්බායතනං ඵොට්ඨබ්බො, මනො මනායතනං, මනායතනං මනො ධම්මො ධම්මායතනං, ධම්මායතනං ධම්මො. (අනුලොම)
2. න චක්ඛු න චක්ඛායතනං, න චක්ඛායතනං න චක්ඛු, න සොතං න සොතායතනං, න සොතායතනං න සොතං, න ඝානං න ඝානායතනං, න ඝානායතනං න ඝානං, න ජිව්හා න ජිව්හායතනං, න ජිව්හායතනං න ජිව්හා, න කායො න කායායතනං, න කායායතනං න කායො.
න රූපං න රූපායතනං, න රූපායතනං න රූපං, න සද්දො න සද්දායතනං, න සද්දායතනං න සද්දො, න ගන්ධො න ගන්ධායතනං, න ගන්ධායතනං න ගන්ධො, න රසො න රසායතනං, න රසායතනං න රසො, න ඵොට්ඨබ්බො න ඵොට්ඨබ්බායතනං, න ඵොට්ඨබ්බායතනං න ඵොට්ඨබ්බො, න මනො න මනායතනං, න මනායතනං න මනො, න ධම්මො න ධම්මායතනං, න ධම්මායතනං න ධම්මො. (පච්චනීක)
පදසොධනවාරො.
3. චක්ඛු චක්ඛායතනං, ආයතනා සොතායතනං, චක්ඛු චක්ඛායතනං, ආයතනා ඝානායතනං, චක්ඛු චක්ඛායතනං, ආයතනා ජිව්හායතනං -පෙ- චක්ඛු චක්ඛායතනං, ආයතනා ධම්මායතනං.
සොතං සොතායතනං, ආයතනා චක්ඛායතනං, සොතං සොතායතනං, ආයතනා ඝානායතනං -පෙ- සොතං සොතායතනං, ආයතනා ධම්මායතනං.
ඝානං ඝානායතනං, ආයතනා චක්ඛායතනං -පෙ- ඝානං ඝානායතනං, ආයතනා ධම්මායතනං -පෙ-
ධම්මො ධම්මායතනං, ආයතනා චක්ඛායතනං, ධම්මො ධම්මායතනං, ආයතනා සොතායතනං -පෙ- ධම්මො ධම්මායතනං, ආයතනා මනායතනං, (චක්කං බන්ධිතබ්බං. අනුලොම)
4. න චක්ඛු න චක්ඛායතනං, නායතනා න සොතායතනං න චක්ඛු න චක්ඛායතනං, නායතනා න ඝානායතනං -පෙ- න චක්ඛු න චක්ඛායතනං, නායතනා න ධම්මායතනං.
න සොතං න සොතායතනං, නායතනා න චක්ඛායතනං -පෙ- න සොතං න සොතායතනං, නායතනා න ධම්මායතනං.
න ඝානං න ඝානායතනං, නායතනා න චක්ඛායතනං -පෙ- න ඝානං න ඝානායතනං, නායතනා න ධම්මායතනං -පෙ-
න ධම්මො න ධම්මායතනං, නායතනා න චක්ඛායතනං, න ධම්මො න ධම්මායතනං, නායතනා න සොතායතනං -පෙ- න ධම්මො න ධම්මායතනං, නායතනා න මනායතනං. (චක්කං බන්ධිතබ්බං. පච්චනීක)
පදසොධන මූලචක්කවාරො.
5. චක්ඛු ආයතනං, ආයතනා චක්ඛු, සොතං ආයතනං ආයතනා සොතං, ඝානං ආයතනං, ආයතනා ඝානං, ජිව්හා ආයතනං. ආයතනා ජිව්හා, කායො ආයතනං, ආයතනා කායො.
රූපං ආයතනං, ආයතනා රූපං, සද්දො ආයතනං, ආයතනා සද්දො, ගන්ධො ආයතනං, ආයතනා ගන්ධො, රසො ආයතනං, ආයතනා රසො, ඵොට්ඨබ්බො ආයතනං, ආයතනා ඵොට්ඨබ්බො, මනො ආයතනං, ආයතනා මනො, ධම්මො ආයතනං. ආයතනා ධම්මො (අනුලොම)
6. න චක්ඛු නායතනං, නායතනා න චක්ඛු, න සොතං නායතනං, නායතනා න සොතං, න ඝානං නායතනං, නායතනා න ඝානං, න ජිව්හා නායතනං, නායතනා න ජිව්හා, න කායො නායතනං, නායතනං න කායො.
න රූපං නායතනං, නායතනා න රූපං, න සද්දො නායතනං, නායතනා න සද්දො, න ගන්ධො නායතනං, නායතනා න ගන්ධො, න රසො නායතනං, නායතනා න රසො, න ඵොට්ඨබ්බො නායතනා න ඵොට්ඨබ්බො, න මනො නායතනං, නායතනා න මනො, න ධම්මො නායතනං, නායතනා න ධම්මො. (පච්චනීක)
සුද්ධායතන වාරො.
7. චක්ඛු ආයතනං, ආයතනා සොතං -පෙ- චක්ඛු ආයතනං, ආයතනා ධම්මො.
සොතං ආයතනං, ආයතනා චක්ඛු -පෙ- සොතං ආයතනං ආයතනා ධම්මො.
ඝානං ආයතනං, ආයතනා චක්ඛු -පෙ- ඝානං ආයතනං, ආයතනා ධම්මො -පෙ-
ධම්මො ආයතනං, ආයතනා චක්ඛු, ධම්මො ආයතනං, ආයතනා සොතං -පෙ- ධම්මො ආයතනං, ආයතනා මනො. (චක්කං බන්ධිතබ්බං. අනුලොම)
8. න චක්ඛු නායතනං, නායතනා න සොතං, න චක්ඛු නායතනං, නායතනා න ඝානං -පෙ- න චක්ඛු නායතනං, නායතනා න ධම්මො.
න සොතං නායතනං, නායතනා න චක්ඛු -පෙ- න සොතං නායතනං, නායතනා න ධම්මො.
න ඝානං නායතනං, නායතනා න චක්ඛු -පෙ- න ඝානං නායතනං, නායතනා න ධම්මො -පෙ-
න ධම්මො නායතනං, නායතනා න චක්ඛු, න ධම්මො නායතනං, නායතනා න සොතං -පෙ- න ධම්මො නායතනං, නායතනා න මනො. (චක්කං බන්ධිතබ්බං - පච්චනීකං)
සුද්ධායතන මූලචක්කවාරො.
පඤ්ඤත්ති උද්දෙසවාරො නිට්ඨිතො.
2. පඤ්ඤත්ති නිද්දෙසවාරො
1. චක්ඛු චක්ඛායතනන්ති: දිබ්බචක්ඛු පඤ්ඤාචක්ඛු චක්ඛු, න චක්ඛායතනං, චක්ඛායතනං චක්ඛු චෙව චක්ඛායතනඤ්ච. චක්ඛායතනං චක්ඛූති: ආමන්තා.
සොතං සොතායතනන්ති: දිබ්බසොතං තණ්හාසොතං සොතං, න සොතායතනං, සොතායතනං සොතඤ්චෙව සොතායතනඤ්ච. සොතායතනං සොතන්ති: ආමන්තා.
ඝානං ඝානායතනන්ති: ආමන්තා. ඝානායතනං ඝානන්ති: ආමන්තා.
ජිව්හා ජිව්හායතනන්ති: ආමන්තා. ජිව්හායතනං ජිව්හාති: ආමන්තා.
කායො කායායතනන්ති: කායායතනං ඨපෙත්වා අවසෙසො කායො{1} කායො, න කායායතනං, කායායතනං කායො චෙව කායායතනඤ්ච, කායායතනං කායොති: ආමන්තා.
රූපං රූපායතනන්ති: රූපායතනං ඨපෙත්වා අවසෙසං රූපං{2} රූපං, න රූපායතනං, රූපායතනං රූපඤ්චෙව රූපායතනඤ්ච, රූපායතනං රූපන්ති: ආමන්තා.
සද්දො සද්දායතනන්ති: ආමන්තා. සද්දායතනං සද්දොති: ආමන්තා.
ගන්ධො ගන්ධායතනන්ති: සීලගන්ධො සමාධිගන්ධො පඤ්ඤාගන්ධො ගන්ධො. න ගන්ධායතනං. ගන්ධායතනං ගන්ධො චෙව ගන්ධායතනඤ්ච. ගන්ධායතනං ගන්ධොති: ආමන්තා.
රසො රසායතනන්ති: අත්ථරසො ධම්මරසො විමුත්තිරසො රසො, න රසායතනං, රසායතනං රසො චෙව රසායතනඤ්ච. රසායතනං රසොති: ආමන්තා.
ඵොට්ඨබ්බො ඵොට්ඨබ්බායතනන්ති: ආමන්තා. ඵොට්ඨබ්බායතනං ඵොට්ඨබ්බොති: ආමන්තා.
මනො මනායතනන්ති: ආමන්තා. මනායතනං මනොති: ආමන්තා.
ධම්මො ධම්මායතනන්ති: ධම්මායතනං ඨපෙත්වා අවසෙසො ධම්මො{3} ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච, ධම්මායතනං ධම්මොති: ආමන්තා. (අනුලොම)
2. න චක්ඛු න චක්ඛායතනන්ති: ආමන්තා. න චක්ඛායතනං න චක්ඛූති: දිබ්බචක්ඛු පඤ්ඤාචක්ඛු න චක්ඛායතනං, චක්ඛු. චක්ඛුඤ්ච චක්ඛායතනඤ්ච ඨපෙත්වා අවසෙසං{1} න චෙව චක්ඛු න ච චක්ඛායතනං.
න සොතං න සොතායතනන්ති: ආමන්තා. න සොතායතනං න සොතන්ති: දිබ්බසොතං තණ්හාසොතං න සොතායතනං සොතං. සොතඤ්ච සොතායතනඤ්ච ඨපෙත්වා අවසෙසං න චෙව සොතං න ච සොතායතනං.
න ඝානං න ඝානායතනන්ති: ආමන්තා. න ඝානායතනං න ඝානන්ති: ආමන්තා.
න ජිව්හා න ජිව්හායතනන්ති: ආමන්තා. න ජිව්හායතනං න ජිව්හාති: ආමන්තා.
න කායො න කායායතනන්ති: ආමන්තා. න කායායතනං න කායොති: කායායතනං ඨපෙත්වා අවසෙසො කායො න කායායතනං, කායො. කායඤ්ච කායායතනඤ්ච ඨපෙත්වා අවසෙසං න චෙව කායො න ච කායායතනං.
න රූපං න රූපායතනන්ති: ආමන්තා. න රූපායතනං න රූපන්ති: රූපායතනං ඨපෙත්වා අවසෙසං න රූපායතනං, රූපං. රූපඤ්ච රූපායතනඤ්ච ඨපෙත්වා අවසෙසං න චෙව රූපං න ච රූපායතනං.
න සද්දො න සද්දායතනන්ති: ආමන්තා. න සද්දායතනං න සද්දොති: ආමන්තා.
න ගන්ධො න ගන්ධායතනන්ති: ආමන්තා. න ගන්ධායතනං න ගන්ධොති: සීලගන්ධො සමාධිගන්ධො පඤ්ඤාගන්ධො න ගන්ධායතනං, ගන්ධො. ගන්ධඤ්ච ගන්ධායතනඤ්ච ඨපෙත්වා අවසෙසං න චෙව ගන්ධො න ච ගන්ධායතනං.
න රසො න රසායතනන්ති: ආමන්තා. න රසායතනං න රසොති: අත්ථරසො ධම්මරසො විමුත්තිරසො න රසායතනං, රසො. රසඤ්ච රසායතනඤ්ච ඨපෙත්වා අවසෙසං න චෙව රසො න ච රසායතනං.
න ඵොට්ඨබ්බො න ඵොට්ඨබ්බායතනන්ති: ආමන්තා. න ඵොට්ඨබ්බායතනං න ඵොට්ඨබ්බොති: ආමන්තා.
න මනො න මනායතනන්ති: ආමන්තා. න මනායතනං න මනොති : ආමන්තා.
න ධම්මො න ධම්මායතනන්ති: ආමන්තා. න ධම්මායතනං න ධම්මොති: ධම්මායතනං ඨපෙත්වා අවසොසො ධම්මො න ධම්මායතනං, ධම්මො. ධම්මඤ්ච ධම්මායතනඤ්ච ඨපෙත්වා අවසෙසං න චෙව ධම්මො න ච ධම්මායතනං. (පච්චනීක)
පදසොධනවාරො.
3. චක්ඛු චක්ඛායතනන්ති: දිබ්බචක්ඛු පඤ්ඤාචක්ඛු චක්ඛු, න චක්ඛායතනං. චක්ඛායතනං චක්ඛු චෙව චක්ඛායතනඤ්ච. ආයතනා සොතායතනන්ති: සොතායතනං ආයතනඤ්චෙව සොතායතනඤ්ච, අවසෙසා ආයතනා{1} ආයතනා, න සොතායතනං.
චක්ඛු චක්ඛායතනන්ති: දිබ්බචක්ඛු පඤ්ඤාචක්ඛු චක්ඛු, න චක්ඛායතනං. චක්ඛායතනං චක්ඛුචෙව චක්ඛායතනඤ්ච. ආයතනා ඝානායතනන්ති: -පෙ- ආයතනා ධම්මායතනන්ති: ධම්මායතනං ආයතනඤ්චෙව ධම්මායතනඤ්ච, අවසෙසා ආයතනා ආයතනා, න ධම්මායතනං.
සොතං සොතායතනන්ති: -පෙ- අවසෙසා ආයතනා ආයතනා. න ධම්මායතනං -පෙ-
ධම්මො ධම්මායතනන්ති: ධම්මායතනං ඨපෙත්වා අවසෙසො ධම්මො ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච, ආයතනා චක්ඛායතනන්ති: චක්ඛායතනං ආයතනඤ්චෙව චක්ඛායතනඤ්ච, අවසෙසා ආයතනා ආයතනා, න චක්ඛායතනං.
ධම්මො ධම්මායතනන්ති: ධම්මායතනං ඨපෙත්වා අවසෙසො ධම්මො ධම්මො, න ධම්මායතනං. ධම්මායතනං ධම්මො චෙව ධම්මායතනඤ්ච. ආයතනා සොතායතනන්ති: -පෙ- ආයතනා මනායතනන්ති: මනායතනං ආයතනඤ්චෙව මනායතනඤ්ච, අවසෙසා ආයතනා ආයතනා, න මනායතනං.
(එකෙකපදමූලකං චක්කං බන්ධිතබ්බං අසම්මොහන්තෙන. අනුලොමං)
4. න චක්ඛු න චක්ඛායතනන්ති: ආමන්තා. නායතනා න සොතායතනන්ති: ආමන්තා.
න චක්ඛු න චක්ඛායතනන්ති: ආමන්තා. නායතනා න ඝානායතනන්ති : ආමන්තා. -පෙ- නායතනා න ධම්මායතනන්ති: ආමන්තා.
න සොතං න සොතායතනන්ති: ආමන්තා. නායතනා න චක්ඛායතනං -පෙ- නායතනා න ධම්මායතනන්ති: ආමන්තා.
න ඝානං න ඝානායතනන්ති: -පෙ- නායතනා න ධම්මායතනන්ති: ආමන්තා -පෙ-
න ධම්මො න ධම්මායතනන්ති: ආමන්තා. නායතනා න චක්ඛායතනන්ති: ආමන්තා.
න ධම්මො න ධම්මායතනන්ති: ආමන්තා. නායතනා න සොතායතනං -පෙ- නායතනා න මනායතනන්ති: ආමන්තා. (චක්කං බන්ධන්තෙන සබ්බත්ථ ආමන්තාති කාතබ්බං - පච්චනීක)
පදසොධන මූලචක්කවාරො.
5. චක්ඛු ආයතනන්ති: ආමන්තා. ආයතනා චක්ඛායතනන්ති: චක්ඛායතනං ආයතනඤ්චෙව චක්ඛායතනඤ්ච. අවසෙසා ආයතනා ආයතනා, න චක්ඛායතනං.
සොතං ආයතනන්ති: ආමන්තා. -පෙ- ඝානං - ජිව්හා - කායො - රූපං - සද්දො - ගන්ධො - රසො - ඵොට්ඨබ්බො - මනො -පෙ-
ධම්මො ආයතනන්ති: ආමන්තා. ආයතනා ධම්මායතනන්ති: ධම්මායතනං ආයතනඤ්චෙව ධම්මායතනඤ්ච. අවසෙසා ආයතනා ආයතනා, න ධම්මායතනං. (අනුලොම)
6. න චක්ඛු ආයතනන්ති: චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා. නායතනා න චක්ඛායතනන්ති: ආමන්තා.
න සොතං නායතනන්ති: සොතං ඨපෙත්වා -පෙ- ඝානං ඨපෙත්වා -පෙ- ජිව්හං ඨපෙත්වා -පෙ- න ච ආයතනා. නායතනා න ජිව්හායතනන්ති: ආමන්තා.
න කායො නායතනන්ති: ආමන්තා. නායතනා න කායායතනන්ති: ආමන්තා.
න රූපං නායතනන්ති: රූපං ඨපෙත්වා -පෙ- සද්දා ඨපෙත්වා -පෙ- ගන්ධං ඨපෙත්වා -පෙ- රසං ඨපෙත්වා -පෙ- ඵොට්ඨබ්බං ඨපෙත්වා -පෙ- න ච ආයතනා. නායතනා න ඵොට්ඨබ්බායතනන්ති: ආමන්තා.
න මනො නායතනන්ති: මනං ඨපෙත්වා අවසෙසා ආයතනා න මනො, ආයතනා. මනඤ්ච ආයතනඤ්ච ඨපෙත්වා අවසෙසා න චෙව මනො න ච ආයතනා. නායතනා න මනායතනන්ති: ආමන්තා.
න ධම්මො නායතනන්ති: ආමන්තා. නායතනා න ධම්මායතනන්ති: ආමන්තා. (පච්චනීක)
සුද්ධායතනවාරො.
7. චක්ඛු ආයතනන්ති: ආමන්තා. ආයතනා සොතායතනන්ති: සොතායතනං ආයතනඤ්චෙව සොතායතනඤ්ච, අවසෙසා ආයතනා ආයතනා, න සොතායතනං.
චක්ඛු ආයතනන්ති: ආමන්තා. ආයතනා ඝානායතනං -පෙ- ආයතනා ධම්මායතනන්ති: ධම්මායතනං ආයතනඤ්චෙව ධම්මායතනනඤ්ච, අවසෙසා ආයතනා ආයතනා, න ධම්මායතනං.
සොතං ආයතනන්ති: ආමන්තා. ආයතනා චක්ඛායතනන්ති: -පෙ- න චක්ඛායතනං -පෙ- ආයතනා ධම්මායතනන්ති -පෙ- න ධම්මායතනං.
ඝානං ආයතනන්ති: ආමන්තා. ආයතනා චක්ඛායතනන්ති: -පෙ- ආයතනා ධම්මායතනන්ති -පෙ- න ධම්මායතනං -පෙ-
ධම්මො ආයතනන්ති: ආමන්තා. ආයතනා චක්ඛායතනං -පෙ- ආයතනා මනායතනන්ති: මනායතනං ආයතනඤ්චෙව මනායතනඤ්ච, අවසෙසා ආයතනා ආයතනා, න මනායතනං. (චක්කං බන්ධිතබ්බං අනුලොම)
8. න චක්ඛු නායතනන්ති: චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා. නායතනා න සොතායතනන්ති: ආමන්තා.
න චක්ඛු නායතනන්ති: චක්ඛුං ඨපෙත්වා අවසෙසා ආයතනා න චක්ඛු, ආයතනා. චක්ඛුඤ්ච ආයතනඤ්ච ඨපෙත්වා අවසෙසා න චෙව චක්ඛු න ච ආයතනා. නායතනා න ඝානායතනං -පෙ- නායතනා න ධම්මායතනන්ති: ආමන්තා.
න සොතං නායතනන්ති: සොතං ඨපෙත්වා -පෙ- ඝානං ඨපෙත්වා -පෙ- ජිව්හං ඨපෙත්වා -පෙ- න ච ආයතනා, නායතනා න ධම්මායතනන්ති: ආමන්තා.