450. යස්ස යත්ථ ඝානායතනං නූප්පජ්ජිස්සති තස්ස තත්ථ මනායතනං න නිරුජ්ඣිස්සතීති: පච්ඡිමභවිකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නූප්පජ්ජිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ ඝානායතනඤ්ච නූප්පජ්ජිස්සති, මනායතනඤ්ච න නිරුජ්ඣිස්සති.
යස්ස වා පන යත්ථ මනායතනං -පෙ- ආමන්තා.
451. යස්ස යත්ථ ඝානායතනං නූප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති: පච්ඡිමභවිකානං කාමාවචරං උපපජ්ජන්තානං රූපාවචරානං, අරූපාවචරානං තෙසං තත්ථ ඝානායතනං නූප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ ඝානායතනඤ්ච නූප්පජ්ජිස්සති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං -පෙ- ආමන්තා. (ඝානායතනමූලකං)
452. යස්ස යත්ථ රූපායතනං නූප්පජ්ජිස්සති තස්ස තත්ථ මනායතනං න නිරුජ්ඣිස්සතීති: පච්ඡිමභවිකානං පඤ්චවොකාරං උපපජ්ජන්තානං, අරූපානං තෙසං තත්ථ රූපායතනං නූප්පජ්ජිස්සති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නූප්පජ්ජිස්සති, මනායතනඤ්ච න නිරුජ්ඣිස්සති.
යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං නූප්පජ්ජිස්සතීති: අසඤ්ඤසත්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං නූප්පජ්ජිස්සති. පරිනිබ්බන්තානං තෙසං තත්ථ මනායතනඤ්ච න නිරුජ්ඣිස්සති, රූපායතනඤ්ච නූප්පජ්ජිස්සති.
453. යස්ස යත්ථ රූපායතනං නූප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති: පච්ඡිමභවිකානං පඤ්චවොකාරං උපපජ්ජන්තානං අරූපානං තෙසං තත්ථ රූපායතනං නූප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නූප්පජ්ජිස්සති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං -පෙ- ආමන්තා. (රූපායතනමූලකං)
454. යස්ස යත්ථ මනායතනං නූප්පජ්ජිස්සති තස්ස තත්ථ ධම්මායතනං න නිරුජ්ඣිස්සතීති: පච්ඡිමභවිකානං උපපජ්ජන්තානං අසඤ්ඤසත්තානං තෙසං තත්ථ මනායතනං නූප්පජ්ජිස්සති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච නූප්පජ්ජිස්සති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං න නිරුජ්ඣිස්සති, තස්ස තත්ථ මනායතනං නූප්පජ්ජිස්සතීති: ආමන්තා. (පච්චනීකපුග්ගලොකාස)
අනාගතවාරො.
455. යස්ස චක්ඛායතනං උප්පජ්ජති තස්ස සොතායතනං නිරුජ්ඣිත්ථාති: ආමන්තා.
යස්ස වා පන සොතායතනං නිරුජ්ඣිත්ථ තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං නිරුජ්ඣිත්ථ, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච නිරුජ්ඣිත්ථ, චක්ඛායතනඤ්ච උප්පජ්ජති.
(යථා උප්පාදවාරෙ පච්චුප්පන්නා අතීතා පුච්ඡා විභත්තා, එවං උප්පාදනිරොධෙපි පච්චුප්පන්නා අතීතා පුච්ඡා අනුලොමම්පි පච්චනීකම්පි විභජිතබ්බා.) (අනුලොමපුග්ගල)
පච්චුප්පන්නාතීතවාරො.
456. යස්ස චක්ඛායතනං උප්පජ්ජති තස්ස සොතායතනං නිරුජ්ඣිස්සතීති: ආමන්තා.
යස්ස වා පන සොතායතනං නිරුජ්ඣිස්සති තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං නිරුජ්ඣිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං සොතායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
457. යස්ස චක්ඛායතනං උප්පජ්ජති තස්ස ඝානායතනං නිරුජ්ඣිස්සතීති: පච්ඡිමභවිකානං රූපාවචරං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ඝානායතනං නිරුජ්ඣිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, ඝානායතනඤ්ච නිරුජ්ඣිස්සති.
යස්ස වා පන ඝානායතනං නිරුජ්ඣිස්සති තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං ඝානායතනං නිරුජ්ඣිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං ඝානායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
458. යස්ස චක්ඛායතනං උප්පජ්ජති තස්ස රූපායතනං නිරුජ්ඣිස්සතීති: ආමන්තා.
යස්ස වා පන රූපායතනං නිරුජ්ඣිස්සති තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං -පෙ- සචක්ඛුකානං උපපජ්ජන්තානං තෙසං රූපායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
459. යස්ස චක්ඛායතනං උප්පජ්ජති තස්ස මනායතනං නිරුජ්ඣිස්සතීති: ආමන්තා.
යස්ස වා පන මනායතනං නිරුජ්ඣිස්සති, තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං -පෙ- සචක්ඛුකානං උපපජ්ජන්තානං තෙසං මනායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
460. යස්ස චක්ඛායතනං උප්පජ්ජති තස්ස ධම්මායතනං නිරුජ්ඣිස්සතීති: ආමන්තා.
යස්ස වා පන ධම්මායතනං නිරුජ්ඣිස්සති තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං -පෙ- සචක්ඛුකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති. (චක්ඛායතනමූලකං)
461. යස්ස ඝානායතනං උප්පජ්ජති තස්ස රූපායතනං -පෙ- මනායතනං -පෙ- ධම්මායතනං නිරුජ්ඣිස්සතීති: ආමන්තා.
යස්ස වා පන ධම්මායතනං නිරුජ්ඣිස්සති තස්ස ඝානායතනං උප්පජ්ජතීති: සබ්බෙසං චවන්තානං අඝානකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති, ඝානායතනඤ්ච උප්පජ්ජති.
462. යස්ස රූපායතනං උප්පජ්ජති තස්ස මනායතනං -පෙ- ධම්මායතනං නිරුජ්ඣිස්සතීති: ආමන්තා.
යස්ස වා පන ධම්මායතනං නිරුජ්ඣිස්සති තස්ස රූපායතනං උප්පජ්ජතීති: සබ්බෙසං චවන්තානං අරූපකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං රූපායතනං උප්පජ්ජති. සරූපකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති, රූපායතනඤ්ච උප්පජ්ජති.
463. යස්ස මනායතනං උප්පජ්ජති තස්ස ධම්මායතනං නිරුජ්ඣිස්සතීති: ආමන්තා.
යස්ස වා පන ධම්මායතනං -පෙ- සබ්බෙසං චවන්තානං අචිත්තකානං උපපජ්ජන්තානං තෙසං ධම්මායතනං නිරුජ්ඣිස්සති, නො ච තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච නිරුජ්ඣිස්සති, මනායතනඤ්ච උප්පජ්ජති. (අනුලොම පුග්ගල)
464. යත්ථ චක්ඛායතනං උප්පජ්ජති -පෙ- (අනුලොමඔකාස)
465. යස්ස යත්ථ චක්ඛායතනං උප්පජ්ජති තස්ස තත්ථ සොතායතනං නිරුජ්ඣිස්සතීති: ආමන්තා.
යස්ස වා පන යත්ථ සොතායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ සොතායතනං නිරුජ්ඣිස්සති. නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ සොතායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
466. යස්ස යත්ථ චක්ඛායතනං උප්පජ්ජති තස්ස තත්ථ ඝානායතනං නිරුජ්ඣිස්සතීති: රූපාවචරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ඝානායතනං නිරුජ්ඣිස්සති. සචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති, ඝානායතනඤ්ච නිරුජ්ඣිස්සති.
යස්ස වා පන යත්ථ ඝානායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති: කාමාවචරා චවන්තානං, අචක්ඛුකානං කාමාවචරං උපපජ්ජන්තානං තෙසං තත්ථ ඝානායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං කාමාවචරං උපපජ්ජන්තානං තෙසං තත්ථ ඝානායතනඤ්ච නිරුජ්ඣිස්සති. චක්ඛායතනඤ්ච උප්පජ්ජති.
467. යස්ස යත්ථ චක්ඛායතනං උප්පජ්ජති තස්ස තත්ථ රූපායතනං නිරුජ්ඣිස්සතීති: ආමන්තා.
යස්ස වා පන යත්ථ රූපායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ රූපායතනං නිරුජ්ඣිස්සති, නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ රූපායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
468. යස්ස යත්ථ චක්ඛායතනං උප්පජ්ජති තස්ස තත්ථ මනායතනං නිරුජ්ඣිස්සතීති: ආමන්තා.
යස්ස වා පන යත්ථ මනායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අරූපානං තෙසං තත්ථ මනායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති.
469. යස්ස යත්ථ චක්ඛායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති: ආමන්තා.
යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති, චක්ඛායතනඤ්ච උප්පජ්ජති. (චක්ඛායතනමූලකං)
470. යස්ස යත්ථ ඝානායතනං උප්පජ්ජති තස්ස තත්ථ රූපායතනං නිරුජ්ඣිස්සතීති: ආමන්තා.
යස්ස වා පන යත්ථ රූපායතනං නිරුජ්ඣිස්සති තස්ස තත්ථ ඝානායතනං උප්පජ්ජතීති: කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ රූපායතනං නිරුජ්ඣිස්සති, නො ච තෙසං තත්ථ ඝානායතනං උප්පජ්ජති. ඝානායතනං උපපජ්ජන්තානං තෙසං තත්ථ රූපායතනඤ්ච නිරුජ්ඣිස්සති, ඝානායතනඤ්ච උප්පජ්ජති.
471. යස්ස යත්ථ ඝානායතනං උප්පජ්ජති තස්ස තත්ථ මනායතනං නිරුජ්ඣිස්සතීති: ආමන්තා.
යස්ස වා පන යත්ථ මනායතනං -පෙ- කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ මනායතනං -පෙ- සඝානකානං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති, ඝානායතනඤ්ච උප්පජ්ජති.
472. යස්ස යත්ථ ඝානායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති: ආමන්තා.
යස්ස වා පන යත්ථ ධම්මායතනං -පෙ- සබ්බෙසං චවන්තානං අඝානකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති, ඝානායතනඤ්ච උප්පජ්ජති. (ඝානායතනමූලකං)
473. යස්ස යත්ථ රූපායතනං උප්පජ්ජති තස්ස තත්ථ මනායතනං නිරුජ්ඣිස්සතීති: අසඤ්ඤසත්තං උපපජ්ජන්තානං තෙසං තත්ථ රූපායතනං උප්පජ්ජති, නො ච තෙසං තත්ථ මනායතනං නිරුජ්ඣිස්සති. පඤ්චවොකාරං උපපජ්ජන්තානං තෙසං තත්ථ රූපායතනඤ්ච උප්පජ්ජති, මනායතනඤ්ච නිරුජ්ඣිස්සති.
යස්ස වා පන යත්ථ මනායතනං -පෙ- පඤ්චවොකාරා චවන්තානං අරූපානං තෙසං තත්ථ -පෙ- පඤ්චවොකාරං උපපජ්ජන්තානං තෙසං තත්ථ මනායතනඤ්ච නිරුජ්ඣිස්සති, රූපායතනඤ්ච උප්පජ්ජති.
474. යස්ස යත්ථ රූපායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති: ආමන්තා.
යස්ස වා පන යත්ථ ධම්මායතනං -පෙ- සබ්බෙසං චවන්තානං අරූපකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ රූපායතනං උප්පජ්ජති. සරූපකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති, රූපායතනඤ්ච උප්පජ්ජති.
475. යස්ස යත්ථ මනායතනං උප්පජ්ජති තස්ස තත්ථ ධම්මායතනං නිරුජ්ඣිස්සතීති: ආමන්තා.
යස්ස වා පන යත්ථ ධම්මායතනං නිරුජ්ඣිස්සති තස්ස තත්ථ මනායතනං උප්පජ්ජතීති: සබ්බෙසං චවන්තානං අචිත්තකානං උපපජ්ජන්තානං තෙසං තත්ථ ධම්මායතනං නිරුජ්ඣිස්සති, නො ච තෙසං තත්ථ මනායතනං උප්පජ්ජති. සචිත්තකානං උපපජ්ජන්තානං තෙසං තත්ථ ධම්මායතනඤ්ච නිරුජ්ඣිස්සති, මනායතනඤ්ච උප්පජ්ජති. (අනුලොම පුග්ගලොකාස)
476. යස්ස චක්ඛායතනං නූප්පජ්ජති තස්ස සොතායතනං න නිරුජ්ඣිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති, සොතායතනඤ්ච න නිරුජ්ඣිස්සති.
යස්ස වා පන සොතායතනං න නිරුජ්ඣිස්සති තස්ස චක්ඛායතනං නූප්පජ්ජතීති: ආමන්තා.
477. යස්ස චක්ඛායතනං නූප්පජ්ජති තස්ස ඝානායතනං න නිරුජ්ඣිස්සතීති: සබ්බෙසං චවන්තානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං ඝානායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති, ඝානායතනඤ්ච න නිරුජ්ඣිස්සති.
යස්ස වා පන ඝානායතනං න නිරුජ්ඣිස්සති තස්ස චක්ඛායතනං නූප්පජ්ජතීති: පච්ඡිමභවිකානං රූපාවචරං උපපජ්ජන්තානං තෙසං ඝානායතනං න නිරුජ්ඣිස්සති, නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච න නිරුජ්ඣිස්සති, චක්ඛායතනඤ්ච නූප්පජ්ජති.
478. යස්ස චක්ඛායතනං නූප්පජ්ජති තස්ස රූපායතනං න නිරුජ්ඣිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති, රූපායතනඤ්ච න නිරුජ්ඣිස්සති.
යස්ස වා පන රූපායතනං -පෙ- ආමන්තා.
479. යස්ස චක්ඛායතනං නූප්පජ්ජති තස්ස මනායතනං -පෙ- ධම්මායතනං න නිරුජ්ඣිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං චක්ඛායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන ධම්මායතනං -පෙ- ආමන්තා. (චක්ඛායතනමූලකං)
480. යස්ස ඝානායතනං නූප්පජ්ජති තස්ස රූපායතනං න නිරුජ්ඣිස්සතීති: සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නූප්පජ්ජති, නො ච තෙසං රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච නූප්පජ්ජති, රූපායතනඤ්ච න නිරුජ්ඣිස්සති.
යස්ස වා පන රූපායතනං -පෙ- ආමන්තා.
481. යස්ස ඝානායතනං නූප්පජ්ජති තස්ස මනායතනං -පෙ- ධම්මායතනං න නිරුජ්ඣිස්සතීති: සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නූප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං ඝානායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන ධම්මායතනං -පෙ- ආමන්තා. (ඝානායතනමූලකං)
482. යස්ස රූපායතනං නූප්පජ්ජති තස්ස මනායතනං -පෙ- ධම්මායතනං න නිරුජ්ඣිස්සතීති: සබ්බෙසං චවන්තානං අරූපකානං උපපජ්ජන්තානං තෙසං රූපායතනං නූප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං රූපායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන ධම්මායතනං -පෙ- ආමන්තා.
483. යස්ස මනායතනං නූප්පජ්ජති තස්ස ධම්මායතනං න නිරුජ්ඣිස්සතීති: සබ්බෙසං චවන්තානං අචිත්තකානං උපපජ්ජන්තානං තෙසං මනායතනං නූප්පජ්ජති, නො ච තෙසං ධම්මායතනං න නිරුජ්ඣිස්සති. පරිනිබ්බන්තානං තෙසං රූපායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන ධම්මායතනං න නිරුජ්ඣිස්සති තස්ස මනායතනං නූප්පජ්ජතීති: ආමන්තා. (පච්චනීක පුග්ගල)
484. යත්ථ චක්ඛායතනං නූප්පජ්ජති -පෙ- (පච්චනීකඔකාස)
485. යස්ස යත්ථ චක්ඛායතනං නූප්පජ්ජති තස්ස තත්ථ සොතායතනං න නිරුජ්ඣිස්සතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ සොතායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නූප්පජ්ජති, සොතායතනඤ්ච න නිරුජ්ඣිස්සති.
යස්ස වා පන යත්ථ සොතායතනං න නිරුජ්ඣිස්සති තස්ස තත්ථ චක්ඛායතනං නූප්පජ්ජතීති: ආමන්තා.
486. යස්ස යත්ථ චක්ඛායතනං නූප්පජ්ජති තස්ස තත්ථ සොතායතනං න නිරුජ්ඣිස්සතීති: කාමාවචරා චවන්තානං අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ ඝානායතනං න නිරුජ්ඣිස්සති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ චක්ඛායතනඤ්ච නූප්පජ්ජති, ඝානායතනඤ්ච න නිරුජ්ඣිස්සති.
යස්ස වා පන යත්ථ ඝානායතනං න නිරුජ්ඣිස්සති තස්ස තත්ථ චක්ඛායතනං නූප්පජ්ජතීති: රූපාවචරං උපපජ්ජන්තානං තෙසං තත්ථ ඝානායතනං න නිරුජ්ඣිස්සති, නො ච තෙසං තත්ථ චක්ඛායතනං නූප්පජ්ජති. කාමාවචරෙ පරිනිබ්බන්තානං රූපාවචරා චවන්තානං අසඤ්ඤසත්තානං අරූපානං තෙසං තත්ථ ඝානායතනඤ්ච න නිරුජ්ඣිස්සති, චක්ඛායතනඤ්ච නූප්පජ්ජති.
487. යස්ස යත්ථ චක්ඛායතනං නූප්පජ්ජති තස්ස තත්ථ රූපායතනං න නිරුජ්ඣිස්සතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච නූප්පජ්ජති, රූපායතනඤ්ච න නිරුජ්ඣිස්සති.
යස්ස වා පන යත්ථ රූපායතනං න නිරුජ්ඣිස්සති තස්ස තත්ථ චක්ඛායතනං නූප්පජ්ජතීති: ආමන්තා.
488. යස්ස යත්ථ චක්ඛායතනං නූප්පජ්ජති තස්ස තත්ථ මනායතනං න නිරුජ්ඣිස්සතීති: පඤ්චවොකාරා චවන්තානං අචක්ඛුකානං කාමාවචරං උපපප්ජන්තානං අරූපානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තානං තෙසං තත්ථ චක්ඛායතනඤ්ච නූප්පජ්ජති, මනායතනඤ්ච න නිරුජ්ඣිස්සති.
යස්ස වා පන යත්ථ මනායතනං න නිරුජ්ඣිස්සති, තස්ස තත්ථ චක්ඛායතනං නූප්පජ්ජතීති: ආමන්තා.
489. යස්ස යත්ථ චක්ඛායතනං නූප්පජ්ජති තස්ස තත්ථ ධම්මායතනං න නිරුජ්ඣිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ චක්ඛායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ චක්ඛායතනං නූප්පජ්ජතීති: ආමන්තා. (චක්ඛායතනමූලකං)
490. යස්ස යත්ථ ඝානායතනං නූප්පජ්ජති තස්ස තත්ථ රූපායතනං න නිරුජ්ඣිස්සතීති: කාමාවචරා චවන්තානං, අඝානකානං කාමාවචරං උපපජ්ජන්තානං, රූපාවචරානං තෙසං තත්ථ ඝානායතනං නූප්පජ්ජති, නො ච තෙසං තත්ථ රූපායතනං න නිරුජ්ඣිස්සති. පඤ්චවොකාරෙ පරිනිබ්බන්තානං අරූපානං තෙසං තත්ථ ඝානායතනඤ්ච නූප්පජ්ජති, රූපායතනඤ්ච න නිරුජ්ඣිස්සති.
යස්ස වා පන යත්ථ රූපායතනං න නිරුජ්ඣිස්සති තස්ස තත්ථ ඝානායතනං නූප්පජ්ජතීති: ආමන්තා.
491. යස්ස යත්ථ ඝානායතනං නූප්පජ්ජති තස්ස තත්ථ මනායතනං න නිරුජ්ඣිස්සතීති: කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නූප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං, අසඤ්ඤසත්තානං තෙසං තත්ථ ඝානායතනඤ්ච නූප්පජ්ජති, මනායතනඤ්ච න නිරුජ්ඣිස්සති.
යස්ස වා පන යත්ථ මනායතනං න නිරුජ්ඣිස්සති තස්ස තත්ථ ඝානායතනං නූප්පජ්ජතීති: ආමන්තා.
492. යස්ස යත්ථ ඝානායතනං නූප්පජ්ජති තස්ස තත්ථ ධම්මායතනං න නිරුජ්ඣිස්සතීති: සබ්බෙසං චවන්තානං, අඝානකානං උපපජ්ජන්තානං තෙසං තත්ථ ඝානායතනං නූප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ ඝානායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ ඝානායතනං නූප්පජ්ජතීති: ආමන්තා. (ඝානායතනමූලකං)
493. යස්ස යත්ථ රූපායතනං නූප්පජ්ජති තස්ස තත්ථ මනායතනං න නිරුජ්ඣිස්සතීති: පඤ්චවොකාරා චවන්තානං, අරූපානං තෙසං තත්ථ රූපායතනං නූප්පජ්ජති, නො ච තෙසං තත්ථ මනායතනං න නිරුජ්ඣිස්සති. පරිනිබ්බන්තානං අසඤ්ඤසත්තා චවන්තානං තෙසං තත්ථ රූපායතනඤ්ච නූප්පජ්ජති, මනායතනඤ්ච න නිරුජ්ඣිස්සති.
යස්ස වා පන යත්ථ මනායතනං න නිරුජ්ඣිස්සති තස්ස තත්ථ රූපායතනං නූප්පජ්ජතීති: අසඤ්ඤසත්තං උපපජ්ජන්තානං තෙසං තත්ථ මනායතනං න නිරුජ්ඣිස්සති, නො ච තෙසං තත්ථ රූපායතනං නූප්පජ්ජති. පරිනිබ්බන්තානං අසඤ්ඤසත්තා චවන්තානං තෙසං තත්ථ මනායතනඤ්ච න නිරුජ්ඣිස්සති, රූපායතනඤ්ච නුප්පජ්ජති.
494. යස්ස යත්ථ රූපායතනං නූප්පජ්ජති තස්ස තත්ථ ධම්මායතනං න නිරුජ්ඣිස්සතීති: සබ්බෙසං චවන්තානං අරූපකානං උපපජ්ජන්තානං තෙසං තත්ථ රූපායතනං නූප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ රූපායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ රූපායතනං නූප්පජ්ජතීති: ආමන්තා. (රූපායතනමූලකං)
495. යස්ස යත්ථ මනායතනං නූප්පජ්ජති තස්ස තත්ථ ධම්මායතනං න නිරුජ්ඣිස්සතීති: සබ්බෙසං චවන්තානං, අචිත්තකානං උපපජ්ජන්තානං තෙසං තත්ථ මනායතනං නූප්පජ්ජති, නො ච තෙසං තත්ථ ධම්මායතනං න නිරුජ්ඣිස්සති. පරිනිබ්බන්තානං තෙසං තත්ථ මනායතනඤ්ච නූප්පජ්ජති, ධම්මායතනඤ්ච න නිරුජ්ඣිස්සති.
යස්ස වා පන යත්ථ ධම්මායතනං න නිරුජ්ඣිස්සති තස්ස තත්ථ මනායතනං නූප්පජ්ජතීති: ආමන්තා. (පච්චනීක පුග්ගලොකාස)
පච්චුප්පන්නානාගතවාරො.
496. යස්ස චක්ඛායතනං උප්පජ්ජිත්ථ තස්ස සොතායතනං නිරුජ්ඣිස්සතීති: පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං චක්ඛායතනං උප්පජ්ජිත්ථ. නො ච තෙසං සොතායතනං නිරුජ්ඣිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ, සොතායතනඤ්ච නිරුජ්ඣිස්සති.
යස්ස වා පන සොතායතනං නිරුජ්ඣිස්සති තස්ස චක්ඛායතනං උප්පජ්ජිත්ථාති: ආමන්තා. (අනුලොම පුග්ගල)
(යථා නිරොධවාරෙ අතීතානාගතා පුච්ඡා යස්සකම්පි යත්ථකම්පි අනුලොමම්පි පච්චනීකම්පි විභත්තං. එවං උප්පාදනිරොධෙපි අතීතානාගතා පුච්ඡා විභජිතබ්බා.)
අතීතානාගතවාරො.
උප්පාදනිරොධවාරො.
පවත්තිවාරො නිට්ඨිතො.