පච්චුප්පන්නාතීතවාරො.
149. යස්ස චක්ඛායතනං උප්පජ්ජති තස්ස සොතායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති. නො ච තෙසං සොතායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, සොතායතනඤ්ච උප්පජ්ජිස්සති.
යස්ස වා පන සොතායතනං උප්පජ්ජිස්සති තස්ස චක්ඛායතනං උප්පජ්ජිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං සොතායතනං උප්පජ්ජිස්සති. නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං සොතායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
150. යස්ස චක්ඛායතනං උප්පජ්ජති තස්ස ඝානායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං, යෙ ච රූපාවචරං{1} උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති. නො ච තෙසං ඝානායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, ඝානායතනඤ්ච උප්පජ්ජිස්සති.
යස්ස වා පන ඝානායතනං උප්පජ්ජිස්සති තස්ස චක්ඛායතනං උප්පජ්ජතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං ඝානායතනං උප්පජ්ජිස්සති. නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං ඝානායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
151. යස්ස චක්ඛායතනං උප්පජ්ජති තස්ස රූපායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං චක්ඛායතනං උප්පජ්ජති. නො ච තෙසං රූපායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, රූපායතනඤ්ච උප්පජ්ජිස්සති.
යස්ස වා පන රූපායතනං උප්පජ්ජිස්සති තස්ස චක්ඛායතනං උප්පජ්ජතීති: සබ්බෙසං චවන්තානං අචක්ඛුකානං උපපජ්ජන්තානං තෙසං රූපායතනං උප්පජ්ජිස්සති. නො ච තෙසං චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං රූපායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
152. යස්ස චක්ඛායතනං උප්පජ්ජති, තස්ස මනායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං චක්ඛායතනං උප්පජ්ජති. නො ච තෙසං මනායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන මනායතනං උප්පජ්ජිස්සති තස්ස චක්ඛායතනං උප්පජ්ජතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං මනායතනං උප්පජ්ජිස්සති, නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං මනායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
153. යස්ස චක්ඛායතනං උප්පජ්ජති තස්ස ධම්මායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං චක්ඛායතනං උප්පජ්ජති. නො ච තෙසං ධම්මායතනං උප්පජ්ජිස්සති, ඉතරෙසං සචක්ඛුකානං උපපජ්ජන්තානං තෙසං චක්ඛායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන ධම්මායතනං උප්පජ්ජිස්සති තස්ස චක්ඛායතනං උප්පජ්ජතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං ධම්මායතනං උප්පජ්ජිස්සති. නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං ධම්මායතනඤ්ච උප්පජ්ජිස්සති, චක්ඛායතනඤ්ච උප්පජ්ජති. (චක්ඛායතනමූලකං)
154. යස්ස ඝානායතනං උප්පජ්ජති තස්ස රූපායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං යෙ ච අරූපං උපපජ්ජිත්වා පරිනිබ්බායිස්සන්ති තෙසං, උපපජ්ජන්තානං තෙසං ඝානායතනං උප්පජ්ජති. නො ච තෙසං රූපායතනං උප්පජ්ජිස්සති. ඉතරෙසං සඝානකානං උපපජ්ජන්තානං ඝානායතනඤ්ච උප්පජ්ජති, රූපායතනඤ්ච උප්පජ්ජිස්සති.
යස්ස වා පන රූපායතනං උප්පජ්ජිස්සති තස්ස ඝානායතනං උප්පජ්ජතීති: සබ්බෙසං චවන්තානං අඝානකානං උපපජ්ජන්තානං තෙසං රූපායතනං උප්පජ්ජිස්සති. නො ච තෙසං ඝානායතනං උප්පජ්ජති සඝානකානං උපපජ්ජන්තානං තෙසං රූපායතනඤ්ච උප්පජ්ජිස්සති, ඝානායතනඤ්ච උප්පජ්ජති.
155. යස්ස ඝානායතනං උප්පජ්ජති, තස්ස මනායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං ඝානායතනං උප්පජ්ජති. නො ච තෙසං මනායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං ඝානායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන මනායතනං උප්පජ්ජිස්සති තස්ස ඝානායතනං උප්පජ්ජතීති: සබ්බෙසං චවන්තානං, අඝානකානං උපපජ්ජන්තානං තෙසං මනායතනං උප්පජ්ජිස්සති. නො ච තෙසං ඝානායතනං උප්පජ්ජති, සඝානකානං උපපජ්ජන්තානං තෙසං මනායතනඤ්ච උප්පජ්ජිස්සති, ඝානායතනඤ්ච උප්පජ්ජති.
156. යස්ස ඝානායතනං උප්පජ්ජති තස්ස ධම්මායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං ඝානායතනං උප්පජ්ජති. නො ච තෙසං ධම්මායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං ඝානායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන ධම්මායතනං උප්පජ්ජිස්සති තස්ස ඝානායතනං උප්පජ්ජතීති: සබ්බෙසං චවන්තානං අඝානකානං උපපජ්ජන්තානං තෙසං ධම්මායතනං උප්පජ්ජිස්සති. නො ච තෙසං ඝානායතනං උප්පජ්ජති, සඝානකානං උප්පජ්ජන්තානං තෙසං ධම්මායතනඤ්ච උප්පජ්ජිස්සති, ඝානායතනඤ්ච උප්පජ්ජති. (ඝානායතනමූලකං)
157. යස්ස රූපායතනං උප්පජ්ජති තස්ස මනායතනං උප්පජ්ජිස්සතීති : පච්ඡිමභවිකානං පඤ්චවොකාරං උපපජ්ජන්තානං තෙසං රූපායතනං උප්පජ්ජති, නො ච තෙසං මනායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං රූපායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන මනායතනං උප්පජ්ජිස්සති තස්ස රූපායතනං උප්පජ්ජතීති: සබ්බෙසං චවන්තානං, අරූපකානං උපපජ්ජන්තානං තෙසං මනායතනං උප්පජ්ජිස්සති. නො ච තෙසං රූපායතනං උප්පජ්ජති, සරූපකානං උපපජ්ජන්තානං තෙසං මනායතනඤ්ච උප්පජ්ජිස්සති, රූපායතනඤ්ච උප්පජ්ජති.
158. යස්ස රූපායතනං උප්පජ්ජති තස්ස ධම්මායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං රූපායතනං උප්පජ්ජති, නො ච තෙසං ධම්මායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං රූපායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන ධම්මායතනං උප්පජ්ජිස්සති තස්ස රූපායතනං උප්පජ්ජතීති: සබ්බෙසං චවන්තානං, අරූපකානං උපපජ්ජන්තානං තෙසං ධම්මායතනං උප්පජ්ජිස්සති. නො ච තෙසං රූපායතනං උප්පජ්ජති, සරූපකානං උපපජ්ජන්තානං තෙසං ධම්මායතනඤ්ච උප්පජ්ජිස්සති, රූපායතනඤ්ච උප්පජ්ජති. (රූපායතනමූලකං)
159. යස්ස මනායතනං උප්පජ්ජති තස්ස ධම්මායතනං උප්පජ්ජිස්සතීති : පච්ඡිමභවිකානං උපපජ්ජන්තානං තෙසං මනායතනං උප්පජ්ජති. නො ච තෙසං ධම්මායතනං උප්පජ්ජිස්සති. ඉතරෙසං සචිත්තකානං උපපජ්ජන්තානං තෙසං මනායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන ධම්මායතනං උප්පජ්ජිස්සති තස්ස මනායතනං උප්පජ්ජතීති: සබ්බෙසං චවන්තානං, අචිත්තකානං උපපජ්ජන්තානං තෙසං ධම්මායතනං උප්පජ්ජිස්සති. නො ච තෙසං මනායතනං උප්පජ්ජති. සචිත්තකානං උපපජ්ජන්තානං තෙසං ධම්මායතනඤ්ච උප්පජ්ජිස්සති, මනායතනඤ්ච උප්පජ්ජති. (මනායතනමූලකං{1}. අනුලොම පුග්ගල)
160. යත්ථ චක්ඛායතනං උප්පජ්ජති -පෙ- (අනුලොම ඔකාස)
161. යස්ස යත්ථ චක්ඛායතනං උප්පජ්ජති තස්ස තත්ථ සොතායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ සොතායතනං උප්පජ්ජිස්සති, ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති, සොතායතනඤ්ච උප්පජ්ජිස්සති.
යස්ස වා පන යත්ථ සොතායතනං උප්පජ්ජිස්සති, තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං, අචක්ඛුකානං කාමාවචරං උපපජ්ජන්තානං තෙසං තත්ථ සොතායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ සොතායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
162. යස්ස යත්ථ චක්ඛායතනං උප්පජ්ජති තස්ස තත්ථ ඝානායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං රූපාවචරං උපපජ්ජන්තානං තෙසං තත්ථ චක්ඛායතනං උප්පජ්ජති, නො ච තෙසං තත්ථ ඝානායතනං උප්පජ්ජිස්සති. ඉතරෙසං සචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති. ඝානායතනඤ්ච උප්පජ්ජිස්සති.
යස්ස වා පන යත්ථ ඝානායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති: කාමාවචරා චවන්තානං, අචක්ඛුකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජිස්සති. නො ච තෙසං තත්ථ චක්ඛායතනං උප්පජ්ජති, සචක්ඛුකානං කාමාවචරං උපපජ්ජන්තානං තෙසං තත්ථ ඝානායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
163. යස්ස යත්ථ චක්ඛායතනං උප්පජ්ජති තස්ස තත්ථ රූපායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති. නො ච තෙසං තත්ථ රූපායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති, රූපායතනඤ්ච උප්පජ්ජිස්සති.
යස්ස වා පන යත්ථ රූපායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං, අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ රූපායතනං උප්පජ්ජිස්සති. නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ රූපායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
164. යස්ස යත්ථ චක්ඛායතනං උප්පජ්ජති තස්ස තත්ථ මනායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති. නො ච තෙසං තත්ථ මනායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන යත්ථ මනායතනං උප්පජ්ජිස්සති තස්ස තත්ථ චක්ඛායතනං උප්පජ්ජතීති: පඤ්චවොකාරා චවන්තානං අචක්ඛුකානං කාමාවචරං උපපජ්ජන්තානං, අරූපානං තෙසං තත්ථ මනායතනං උප්පජ්ජිස්සති, නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති, චක්ඛායතනඤ්ච උප්පජ්ජති.
165. යස්ස යත්ථ චක්ඛායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ චක්ඛායතනං උප්පජ්ජති. නො ච තෙසං තත්ථ ධම්මායතනං උප්පජ්ජිස්සති. ඉතරෙසං සචක්ඛුකානං උපපජ්ජන්තානං තෙසං තත්ථ චක්ඛායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන යත්ථ ධම්මායතනං උප්පජ්ජිස්සති, තස්ස තත්ථ චක්ඛායතනං උප්පජ්ජතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති. නො ච තෙසං තත්ථ චක්ඛායතනං උප්පජ්ජති. සචක්ඛුකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති, චක්ඛායතනඤ්ච උප්පජ්ජති (චක්ඛායතනමූලකං)
166. යස්ස යත්ථ ඝානායතනං උප්පජ්ජති තස්ස තත්ථ රූපායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති. නො ච තෙසං තත්ථ රූපායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති, රූපායතනඤ්ච උප්පජ්ජිස්සති.
යස්ස වා පන යත්ථ රූපායතනං උප්පජ්ජිස්සති තස්ස තත්ථ ඝානායතනං උප්පජ්ජතීති: කාමාවචරා චවන්තානං අඝානකානං කාමාවචරං උපපජ්ජන්තානං, රූපාවචරානං තෙසං තත්ථ රූපායතනං උප්පජ්ජිස්සති. නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ රූපායතනඤ්ච උප්පජ්ජිස්සති, ඝානායතනඤ්ච උප්පජ්ජති.
167. යස්ස යත්ථ ඝානායතනං උප්පජ්ජති, තස්ස තත්ථ මනායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති. නො ච තෙසං තත්ථ මනායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන යත්ථ මනායතනං උප්පජ්ජිස්සති තස්ස තත්ථ ඝානායතනං උප්පජ්ජතීති: කාමාවචරා චවන්තානං, අඝානකානං කාමාවචරං උපපජ්ජන්තානං, රූපාවචරානං, අරූපාවචරානං තෙසං තත්ථ මනායතනං උප්පජ්ජිස්සති, නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති, ඝානායතනඤ්ච උප්පජ්ජති.
168. යස්ස යත්ථ ඝානායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ ඝානායතනං උප්පජ්ජති. නො ච තෙසං තත්ථ ධම්මායතනං උප්පජ්ජිස්සති. ඉතරෙසං සඝානකානං උපපජ්ජන්තානං තෙසං තත්ථ ඝානායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන යත්ථ ධම්මායතනං උප්පජ්ජිස්සති තස්ස තත්ථ ඝානායතනං උප්පජ්ජතීති: සබ්බෙසං චවන්තානං අඝානකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති. නො ච තෙසං තත්ථ ඝානායතනං උප්පජ්ජති. සඝානකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති, ඝානායතනඤ්ච උප්පජ්ජති. (ඝානායතනමූලකං)
169. යස්ස යත්ථ රූපායතනං උප්පජ්ජති තස්ස තත්ථ මනායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපායතනං උප්පජ්ජති. නො ච තෙසං තත්ථ මනායතනං උප්පජ්ජිස්සති. ඉතරෙසං පඤ්චවොකාරං උපපජ්ජන්තානං තෙසං තත්ථ රූපායතනඤ්ච උප්පජ්ජති, මනායතනඤ්ච උප්පජ්ජිස්සති.
යස්ස වා පන යත්ථ මනායතනං උප්පජ්ජිස්සති තස්ස තත්ථ රූපායතනං උප්පජ්ජතීති: පඤ්චවොකාරා චවන්තානං, අරූපානං{1} උප්පජ්ජන්තානං{2} තෙසං තත්ථ මනායතනං උප්පජ්ජිස්සති, නො ච තෙසං තත්ථ රූපායතනං උප්පජ්ජති. පඤ්චවොකාරං උපපජ්ජන්තානං තෙසං තත්ථ මනායතනඤ්ච උප්පජ්ජිස්සති, රූපායතනඤ්ච උපපජ්ජති.
170. යස්ස යත්ථ රූපායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ රූපායතනං උප්පජ්ජති. නො ච තෙසං තත්ථ ධම්මායතනං උප්පජ්ජිස්සති. ඉතරෙසං සරූපකානං උපපජ්ජන්තානං තෙසං තත්ථ රූපායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන යත්ථ ධම්මායතනං උප්පජ්ජිස්සති තස්ස තත්ථ රූපායතනං උප්පජ්ජතීති: සබ්බෙසං චවන්තානං අරූපකානං උපපජ්ජන්තානං තෙසං තත්ථ ධම්මායතනං උප්පජ්ජිස්සති. නො ච තෙසං තත්ථ රූපායතනං උප්පජ්ජති. සරූපකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති, රූපායතනඤ්ච උප්පජ්ජති. (රූපායතනමූලකං)
171. යස්ස යත්ථ මනායතනං උප්පජ්ජති තස්ස තත්ථ ධම්මායතනං උප්පජ්ජිස්සතීති: පච්ඡිමභවිකානං උපපජ්ජන්තානං තෙසං තත්ථ මනායතනං උප්පජ්ජති. නො ච තෙසං තත්ථ ධම්මායතනං උප්පජ්ජිස්සති. ඉතරෙසං සචිත්තකානං උපපජ්ජන්තානං තෙසං තත්ථ මනායතනඤ්ච උප්පජ්ජති, ධම්මායතනඤ්ච උප්පජ්ජිස්සති.
යස්ස වා පන යත්ථ ධම්මායතනං උපපජ්ජිස්සති තස්ස තත්ථ මනායතනං උප්පජ්ජතීති: සබ්බෙසං චවන්තානං, අචිත්තකානං, උපපජ්ජන්තානං තෙසං තත්ථ ධම්මායතනං උප්පජ්ජිස්සති. නො ච තෙසං තත්ථ මනායතනං උප්පජ්ජති, සචිත්තකානං උපපජ්ජන්තානං තෙසං තත්ථ ධම්මායතනඤ්ච උප්පජ්ජිස්සති, මනායතනඤ්ච උප්පජ්ජති. (මනායතනමූලකං. අනුලොම පුග්ගලොකාස)
172. යස්ස චක්ඛායතනං නූප්පජ්ජති, තස්ස සොතායතනං නූප්පජ්ජිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං සොතායතනං නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති, සොතායතනඤ්ච නූප්පජ්ජිස්සති.
යස්ස වා පන සොතායතනං නූප්පජ්ජිස්සති තස්ස චක්ඛායතනං නූප්පජ්ජිතීති: පච්ඡිමභවිකානං පඤ්චවොකාරං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං සොතායතනං නූප්පජ්ජිස්සති. නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං සොතායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
173. යස්ස චක්ඛායතනං නූප්පජ්ජති තස්ස ඝානායතනං නූප්පජ්ජිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං ඝානායතනං නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති, ඝානායතනඤ්ච නූප්පජ්ජිස්සති.
යස්ස වා පන ඝානායතනං නූප්පජ්ජිස්සති තස්ස චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං ඝානායතනං නූප්පජ්ජිස්සති. නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති තෙසං චවන්තානං තෙසං ඝානායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
174. යස්ස චක්ඛායතනං නූප්පජ්ජති තස්ස රූපායතනං නූප්පජ්ජිස්සතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං රූපායතනං නූප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පඤ්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං තෙසං චක්ඛායතනඤ්ච නූප්පජ්ජති. රූපායතනඤ්ච නූප්පජ්ජිස්සති.
යස්ස වා පන රූපායතනං නූප්පජ්ජිස්සති තස්ස චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං තෙසං රූපායතනං නූප්පජ්ජිස්සති, නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති, තෙසං චවන්තානං තෙසං රූපායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
175. යස්ස චක්ඛායතනං නූප්පජ්ජති තස්ස මනායතනං නූප්පජ්ජිස්සතීති: සබ්බෙසං චවන්තානං, අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං මනායතනං නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං චක්ඛායතනඤ්ච නූප්පජ්ජති, මනායතනඤ්ච නූප්පජ්ජිස්සති.
යස්ස වා පන මනායතනං නූප්පජ්ජිස්සති තස්ස චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං මනායතනං නූප්පජ්ජිස්සති, නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං මනායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
176. යස්ස චක්ඛායතනං නූප්පජ්ජති, තස්ස ධම්මායතනං නූප්පජ්ජිස්සතීති: සබ්බෙසං චවන්තානං අචක්ඛුකානං උපපජ්ජන්තානං තෙසං චක්ඛායතනං නූප්පජ්ජති, නො ච තෙසං ධම්මායතනං නූප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං චක්ඛායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන ධම්මායතනං නූප්පජ්ජිස්සති තස්ස චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං ධම්මායතනං නූප්පජ්ජිස්සති. නො ච තෙසං චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං ධම්මායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති. (චක්ඛායතනමූලකං)
177. යස්ස ඝානායතනං නූප්පජ්ජති, තස්ස රූපායතනං නූප්පජ්ජිස්සතීති: සබ්බෙසං චවන්තානං, අඝානකානං උපපජ්ජන්තානං තෙසං ඝානායතනං නූප්පජ්ජති. නො ච තෙසං රූපායතනං නූප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති, තෙසං චවන්තානං තෙසං ඝානායතනඤ්ච නූප්පජ්ජති, රූපායතනඤ්ච නූප්පජ්ජිස්සති.
යස්ස වා පන රූපායතනං නූප්පජ්ජිස්සති තස්ස ඝානායතනං නූප්පජ්ජතීති: පච්ඡිමභවිකානං කාමාවචරං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං උපපජ්ජන්තානං, තෙසං රූපායතනං නූප්පජ්ජිස්සති. නො ච තෙසං ඝානායතනං නූප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං චවන්තානං, තෙසං රූපායතනඤ්ච නූප්පජ්ජිස්සති, ඝානායතනඤ්ච නූප්පජ්ජති.
178. යස්ස ඝානායතනං නූප්පජ්ජති තස්ස මනායතනං -පෙ- ධම්මායතනං නූප්පජ්ජිස්සතීති: සබ්බෙසං චවන්තානං අඝානකානං උපපජ්ජන්තානං තෙසං ඝානායතනං නූප්පජ්ජති, නො ච තෙසං ධම්මායතනං නූප්පජ්ජිස්සති. කාමාවචරෙ පරිනිබ්බන්තානං, රූපාවචරෙ අරූපාවචරෙ පච්ඡිමභවිකානං තෙසං ඝානායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන ධම්මායතනං නූප්පජ්ජිස්සති තස්ස ඝානායතනං නූප්පජ්ජතීති: පච්ඡිමභවිකානං කාමාවචරං උපපජ්ජන්තානං තෙසං ධම්මායතනං නූප්පජ්ජිස්සති. නො ච තෙසං ඝානායතනං නූප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං ධම්මායතනඤ්ච නූප්පජ්ජිස්සති, ඝානායතනඤ්ච නූප්පජ්ජති. (ඝානායතනමූලකං)
179. යස්ස රූපායතනං නූප්පජ්ජති තස්ස මනායතනං -පෙ- ධම්මායතනං නූප්පජ්ජිස්සතීති: සබ්බෙසං චවන්තානං, අරූපකානං උපපජ්ජන්තානං තෙසං රූපායතනං නූප්පජ්ජති, නො ච තෙසං ධම්මායතනං නූප්පජ්ජිස්සති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං රූපායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන ධම්මායතනං නූප්පජ්ජිස්සති තස්ස රූපායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං ධම්මායතනං නූප්පජ්ජිස්සති, නො ච තෙසං රූපායතනං නූප්පජ්ජති. පඤ්චවොකාරෙ පරිනිබ්බන්තානං, අරූපෙ පච්ඡිමභවිකානං තෙසං ධම්මායතනඤ්ච නූප්පජ්ජිස්සති, රූපායතනඤ්ච නූප්පජ්ජති. (රූපායතනමූලකං)
180. යස්ස මනායතනං නූප්පජ්ජති තස්ස ධම්මායතනං නූප්පජ්ජිස්සතීති: සබ්බෙසං චවන්තානං, අචිත්තකානං උපපජ්ජන්තානං තෙසං මනායතනං නූප්පජ්ජති. නො ච තෙසං ධම්මායතනං නූප්පජ්ජිස්සති. පරිනිබ්බන්තානං තෙසං මනායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන ධම්මායතනං නූප්පජ්ජිස්සති තස්ස මනායතනං නූප්පජ්ජතීති: පච්ඡිමභවිකානං උපපජ්ජන්තානං තෙසං ධම්මායතනං නූප්පජ්ජිස්සති. නො ච තෙසං මනායතනං නූප්පජ්ජති. පරිනිබ්බන්තානං තෙසං ධම්මායතනඤ්ච නූප්පජ්ජිස්සති. මනායතනඤ්ච නූප්පජ්ජති. (මනායතනමූලකං-පච්චනීකපුග්ගල)
181. යත්ථ චක්ඛායතනං නූප්පජ්ජති -පෙ- (පච්චනීකඔකාස)
182. යස්ස යත්ථ චක්ඛායතනං නූප්පජ්ජති තස්ස තත්ථ සොතායතනං නූප්පජ්ජිස්සතීති: පඤ්චවොකාරා චවන්තානං, අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ සොතායතනං නූප්පජ්ජිස්සති. පඤ්චවොකාරෙ පරිනිබ්බන්තානං, අසඤ්ඤසත්තානං, අරූපානං තෙසං තත්ථ චක්ඛායතනඤ්ච නුප්පජ්ජති, සොතායතනඤ්ච නූප්පජ්ජිස්සති.
යස්ස වා පන යත්ථ සොතායතනං නූප්පජ්ජිස්සති තස්ස තත්ථ චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ සොතායතනං නූප්පජ්ජිස්සති. නො ච තෙසං තත්ථ චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං, අසඤ්ඤසත්තානං, අරූපානං තෙසං තත්ථ සොතායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජිස්සති.
183. යස්ස යත්ථ චක්ඛායතනං නූප්පජ්ජති තස්ස තත්ථ ඝානායතනං නූප්පජ්ජිස්සතීති: කාමාවචරා චවන්තානං, අචක්ඛුකානං කාමාවචරං උපපජ්ජන්තානං තෙසං තත්ථ චක්ඛායතනං නූප්පජ්ජති. නො ච තෙසං තත්ථ ඝානායතනං නූප්පජ්ජිස්සති, කාමාවචරෙ පරිනිබ්බන්තානං, රූපාවචරා චවන්තානං, අසඤ්ඤසත්තානං අරූපානං තෙසං තත්ථ චක්ඛායතනඤ්ච නූප්පජ්ජති, ඝානායතනඤ්ච නූප්පජ්ජිස්සති.
යස්ස වා පන යත්ථ ඝානායතනං නූප්පජ්ජිස්සති තස්ස තත්ථ චක්ඛායතනං නූප්පජ්ජතීති: පච්ඡිමභවිකානං කාමාවචරං උපපජ්ජන්තානං රූපාවචරං උපපජ්ජන්තානං තෙසං තත්ථ ඝානායතනං නූප්පජ්ජිස්සති. නො ච තෙසං තත්ථ චක්ඛායතනං නූප්පජ්ජති. කාමාවචරෙ පරිනිබ්බන්තානං රූපාවචරා චවන්තානං, අසඤ්ඤසත්තානං, අරූපානං තෙසං තත්ථ ඝානායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
184. යස්ස යත්ථ චක්ඛායතනං නූප්පජ්ජති තස්ස තත්ථ රූපායතනං නූප්පජ්ජිස්සතීති: පඤ්චවොකාරා චවන්තානං, අචක්ඛුකානං කාමාවචරං උපපජ්ජන්තානං අසඤ්ඤසත්තානං තෙසං තත්ථ චක්ඛායතනං නූප්පජ්ජති. නො ච තෙසං තත්ථ රූපායතනං නූප්පජ්ජිස්සති, පඤ්චවොකාරෙ පරිනිබ්බන්තානං අරූපානං තෙසං තත්ථ චක්ඛායතනඤ්ච නූප්පජ්ජති, රූපායතනඤ්ච නූප්පජ්ජිස්සති.
යස්ස වා පන යත්ථ රූපායතනං නූප්පජ්ජිස්සති තස්ස තත්ථ චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ රූපායතනං නූප්පජ්ජිස්සති, නො ච තෙසං තත්ථ චක්ඛායතනං නූප්පජ්ජති පඤ්චවොකාරෙ පරිනිබ්බන්තානං අරූපානං තෙසං තත්ථ රූපායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
185. යස්ස යත්ථ චක්ඛායතනං නූප්පජ්ජති තස්ස තත්ථ මනායතනං නූප්පජ්ජිස්සතීති: පඤ්චවොකාරා චවන්තානං, අචක්ඛුකානං කාමාවචරං උපපජ්ජන්තානං අරූපානං තෙසං තත්ථ චක්ඛායතනං නූප්පජ්ජති, නො ච තෙසං තත්ථ මනායතනං නූප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තානං තෙසං තත්ථ චක්ඛායතනඤ්ච නූප්පජ්ජති, මනායතනඤ්ච නූප්පජ්ජිස්සති.
යස්ස වා පන යත්ථ මනායතනං නූප්පජ්ජිස්සති තස්ස තත්ථ චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ මනායතනං නූප්පජ්ජිස්සති, නො ච තෙසං තත්ථ චක්ඛායතනං නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තානං තෙසං තත්ථ මනායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති.
186. යස්ස යත්ථ චක්ඛායතනං නූප්පජ්ජති තස්ස තත්ථ ධම්මායතනං නූප්පජ්ජිස්සති: සබ්බෙසං චවන්තානං, අචක්ඛුකානං උපපජ්ජන්තානං තෙසං තත්ථ චක්ඛායතනං නූප්පජ්ජති. නො ච තෙසං තත්ථ ධම්මායතනං නූප්පජ්ජිස්සති, පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ චක්ඛායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන යත්ථ ධම්මායතනං නූප්පජ්ජිස්සති තස්ස තත්ථ චක්ඛායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ ධම්මායතනං නූප්පජ්ජිස්සති, නො ච තෙසං තත්ථ චක්ඛායතනං නූප්පජ්ජති, පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ ධම්මායතනඤ්ච නූප්පජ්ජිස්සති, චක්ඛායතනඤ්ච නූප්පජ්ජති. (චක්ඛායතනමූලකං)
187. යස්ස යත්ථ ඝානායතනං නූප්පජ්ජති තස්ස තත්ථ රූපායතනං නූප්පජ්ජිස්සතීති: කාමාවචරා චවන්තානං අඝානකානං කාමාවචරං උපපජ්ජන්තානං රූපාවචරානං තෙසං තත්ථ ඝානායතනං නූප්පජ්ජති, නො ච තෙසං තත්ථ රූපායතනං නූප්පජ්ජිස්සති. කාමාවචරෙ පරිනිබ්බන්තානං රූපාවචරෙ පච්ඡිමභවිකානං අරූපානං තෙසං තත්ථ ඝානායතනඤ්ච නූප්පජ්ජති, රූපායතනඤ්ච නූප්පජ්ජිස්සති.
යස්ස වා පන යත්ථ රූපායතනං නූප්පජ්ජිස්සති තස්ස තත්ථ ඝානායතනං නූප්පජ්ජතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ රූපායතනං නූප්පජ්ජිස්සති, නො ච තෙසං තත්ථ ඝානායතනං නූප්පජ්ජති, කාමාවචරෙ පරිනිබ්බන්තානං රූපාවචරෙ පච්ඡිමභවිකානං අරූපානං තෙසං තත්ථ රූපායතනඤ්ච නූප්පජ්ජිස්සති, ඝානායතනඤ්ච නූප්පජ්ජති.
188. යස්ස යත්ථ ඝානායතනං නූප්පජ්ජති තස්ස තත්ථ මනායතනං නූප්පජ්ජිස්සතීති: කාමාවචරා චවන්තානං, අඝානකානං කාමාවචරං උපපජ්ජන්තානං රූපාවචරානං අරූපාවචරානං තෙසං තත්ථ ඝානායතනං නූප්පජ්ජති, නො ච තෙසං තත්ථ මනායතනං නූප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ ඝානායතනඤ්ච නූප්පජ්ජති, මනායතනඤ්ච නූප්පජ්ජිස්සති.
යස්ස වා පන යත්ථ මනායතනං නූප්පජ්ජිස්සති තස්ස තත්ථ ඝානායතනං නූප්පජ්ජිස්සතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ මනායතනං නූප්පජ්ජිස්සති, නො ච තෙසං තත්ථ ඝානායතනං නූප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං අසඤ්ඤසත්තානං තෙසං තත්ථ මනායතනඤ්ච නූප්පජ්ජිස්සති, ඝානායතනඤ්ච නූප්පජ්ජති.
189. යස්ස යත්ථ ඝානායතනං නූප්පජ්ජති තස්ස තත්ථ ධම්මායතනං නූප්පජ්ජිස්සතීති: සබ්බෙසං චවන්තානං, අඝානකානං උපපජ්ජන්තානං තෙසං තත්ථ ඝානායතනං නූප්පජ්ජති, නො ච තෙසං තත්ථ ධම්මායතනං නූප්පජ්ජිස්සති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං තත්ථ ඝානායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන යත්ථ ධම්මායතනං නූප්පජ්ජිස්සති තස්ස තත්ථ ඝානායතනං නූප්පජ්ජතීති: පච්ඡිමභවිකානං කාමාවචරං උපපජ්ජන්තානං තෙසං තත්ථ ධම්මායතනං නූප්පජ්ජිස්සති, නො ච තෙසං තත්ථ ඝානායතනං නූප්පජ්ජති. කාමාවචරෙ පරිනිබ්බන්තානං රූපාවචරෙ අරූපාවචරෙ පච්ඡිමභවිකානං තෙසං තත්ථ ධම්මායතනඤ්ච නූප්පජ්ජිස්සති, ඝානායතනඤ්ච නූප්පජ්ජති. (ඝානායතනමූලකං)
190. යස්ස යත්ථ රූපායතනං නූප්පජ්ජති තස්ස තත්ථ මනායතනං නූප්පජ්ජිස්සතීති: පඤ්චවොකාරා චවන්තානං, අරූපානං තෙසං තත්ථ රූපායතනං නූප්පජ්ජති, නො ච තෙසං තත්ථ මනායතනං නූප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තා චවන්තානං තෙසං තත්ථ රූපායතනඤ්ච නූප්පජ්ජති, මනායතනඤ්ච නූප්පජ්ජිස්සති.
යස්ස වා පන යත්ථ මනායතනං නූප්පජ්ජිස්සති තස්ස තත්ථ රූපායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ මනායතනං නූප්පජ්ජිස්සති, නො ච තෙසං තත්ථ රූපායතනං නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං අසඤ්ඤසත්තං චවන්තානං තෙසං තත්ථ මනායතනඤ්ච නූප්පජ්ජිස්සති, රූපායතනඤ්ච නූප්පජ්ජති.
191. යස්ස යත්ථ රූපායතනං නූප්පජ්ජති තස්ස තත්ථ ධම්මායතනං නූප්පජ්ජිස්සතීති: සබ්බෙසං චවන්තානං, අරූපානං{1} උපපජ්ජන්තානං තෙසං තත්ථ රූපායතනං නූප්පජ්ජති, නො ච තෙසං තත්ථ ධම්මායතනං නූප්පජ්ජිස්සති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ රූපායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන යත්ථ ධම්මායතනං නූප්පජ්ජිස්සති තස්ස තත්ථ රූපායතනං නූප්පජ්ජතීති: පච්ඡිමභවිකානං පඤ්චවොකාරං උපපජ්ජන්තානං තෙසං තත්ථ ධම්මායතනං නූප්පජ්ජිස්සති, නො ච තෙසං තත්ථ රූපායතනං නූප්පජ්ජති. පඤ්චවොකාරෙ පරිනිබ්බන්තානං අරූපෙ පච්ඡිමභවිකානං තෙසං තත්ථ ධම්මායතනඤ්ච නූප්පජ්ජිස්සති, රූපායතනඤ්ච නූප්පජ්ජති. (රූපායතනමූලකං)
192. යස්ස යත්ථ මනායතනං නූප්පජ්ජති තස්ස තත්ථ ධම්මායතනං නූප්පජ්ජිස්සතීති: සබ්බෙසං චවන්තානං, අචිත්තකානං උපපජ්ජන්තානං තෙසං තත්ථ මනායතනං නූප්පජ්ජති, නො ච තෙසං තත්ථ ධම්මායතනං නූප්පජ්ජිස්සති. පරිනිබ්බන්තානං තෙසං තත්ථ මනායතනඤ්ච නූප්පජ්ජති, ධම්මායතනඤ්ච නූප්පජ්ජිස්සති.
යස්ස වා පන යත්ථ ධම්මායතනං නූප්පජ්ජිස්සති තස්ස තත්ථ මනායතනං නූප්පජ්ජතීති: පච්ඡිමභවිකානං උපපජ්ජන්තානං තෙසං තත්ථ ධම්මායතනං නූප්පජ්ජිස්සති, නො ච තෙසං තත්ථ මනායතනං නූප්පජ්ජති. පරිනිබ්බන්තානං තෙසං තත්ථ ධම්මායතනඤ්ච නූප්පජ්ජිස්සති, මනායතනඤ්ච නූප්පජ්ජති. (මනායතනමූලකං. පච්චනීකපුග්ගලොකාස)
පච්චුප්පන්නානාගතවාරො.
193. යස්ස චක්ඛායතනං උප්පජ්ජිත්ථ තස්ස සොතායතනං උප්පජ්ජිස්සතීති: පච්ඡිමභවිකානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං චක්ඛායතනං උප්පජ්ජිත්ථ. නො ච තෙසං සොතායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ, සොතායතනඤ්ච උප්පජ්ජිස්සති.
යස්ස වා පන සොතායතනං උප්පජ්ජිස්සති තස්ස චක්ඛායතනං උප්පජ්ජිත්ථාති: ආමන්තා.
194. යස්ස චක්ඛායතනං උප්පජ්ජිත්ථ තස්ස ඝානායතනං උප්පජ්ජිස්සතීති: පච්ඡිමභවිකානං, යෙ ච රූපාවචරං අරූපාවචරං උපපජ්ජිත්වා පරිනිබ්බායිස්සන්ති, තෙසං චක්ඛායතනං උප්පජ්ජිත්ථ, නො ච තෙසං ඝානායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ, ඝානායතනඤ්ච උප්පජ්ජිස්සති.
යස්ස වා පන -පෙ- උප්පජ්ජිත්ථාති: ආමන්තා.
195. යස්ස චක්ඛායතනං උප්පජ්ජිත්ථ තස්ස රූපායතනං උප්පජ්ජිස්සතීති: පච්ඡිමභවිකානං යෙ ච අරූපං උපපජ්ජිත්වා පරිනිබ්බායිස්සන්ති තෙසං, චක්ඛායතනං උප්පජ්ජිත්ථ. නො ච තෙසං රූපායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ, රූපායතනඤ්ච උප්පජ්ජිස්සති.
යස්ස වා පන -පෙ- උප්පජ්ජිත්ථාති: ආමන්තා.
196. යස්ස චක්ඛායතනං උප්පජ්ජිත්ථ තස්ස මනායතනං -පෙ- ධම්මායතනං උප්පජ්ජිස්සතීති: පච්ඡිමභවිකානං තෙසං චක්ඛායතනං උප්පජ්ජිත්ථ. නො ච තෙසං ධම්මායතනං උප්පජ්ජිස්සති. ඉතරෙසං තෙසං චක්ඛායතනඤ්ච උප්පජ්ජිත්ථ, ධම්මායතනඤ්ච උප්පජ්ජිස්සති.
යස්ස වා පන -පෙ- උප්පජ්ජිත්ථාති: ආමන්තා. (චක්ඛායතනමූලකං)
197. යස්ස ඝානායතනං උප්පජ්ජිත්ථ තස්ස රූපායතනං උප්පජ්ජිස්සතීති: පච්ඡිමභවිකානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං ඝානායතනං උප්පජ්ජිත්ථ. නො ච තෙසං රූපායතනං උප්පජ්ජිස්සති. ඉතරෙසං තෙසං ඝානායතනඤ්ච උප්පජ්ජිත්ථ, රූපායතනඤ්ච උප්පජ්ජිස්සති.
යස්ස වා පන -පෙ- උප්පජ්ජිත්ථාති: ආමන්තා.
198. යස්ස ඝානායතනං උප්පජ්ජිත්ථ තස්ස මනායතනං -පෙ- ධම්මායතනං උප්පජ්ජිස්සතීති: පච්ඡිමභවිකානං තෙසං ඝානායතනං උප්පජ්ජිත්ථ. නො ච තෙසං ධම්මායතනං උප්පජ්ජිස්සති. ඉතරෙසං තෙසං ඝානායතනඤ්ච උප්පජ්ජිත්ථ, ධම්මායතනඤ්ච උප්පජ්ජිස්සති.
යස්ස වා පන ධම්මායතනං -පෙ- උප්පජ්ජිත්ථාති: ආමන්තා.