14. යත්ථ රූපක්ඛන්ධො නිරුජ්ඣිස්සති තත්ථ වෙදනාක්ඛන්ධො නිරුජ්ඣිස්සතීති: අසඤ්ඤසත්තෙ තත්ථ රූපක්ඛන්ධො නිරුජ්ඣිස්සති. නො ච තත්ථ වෙදනාක්ඛන්ධො නිරුජ්ඣිස්සති. පඤ්චවොකාරෙ තත්ථ වෙදනාක්ඛන්ධො නිරුජ්ඣිස්සති. පඤ්චවොකාරෙ තත්ථ රූපක්ඛන්ධො ච නිරුජ්ඣිස්සති, වෙදනාක්ඛන්ධො ච නිරුජ්ඣිස්සති.
යත්ථ වා පන වෙදනාක්ඛන්ධො නිරුජ්ඣිස්සති තත්ථ රූපක්ඛන්ධො නිරුජ්ඣිස්සතීති: අරූපෙ තත්ථ වෙදනාක්ඛන්ධො නිරුජ්ඣිස්සති. නො ච තත්ථ රූපක්ඛන්ධො නිරුජ්ඣිස්සති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිස්සති, රූපක්ඛන්ධො ච නිරුජ්ඣිස්සති. (අනුලොම ඔකාස)
15. යස්ස යත්ථ රූපක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො නිරුජ්ඣිස්සතීති: අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිස්සති නො ච තෙසං තත්ථ වෙදනාක්ඛන්ධො නිරුජ්ඣිස්සති. පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිස්සති. වෙදනාක්ඛන්ධො ච නිරුජ්ඣිස්සති.
යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣිස්සතීති: අරූපානං තෙසං තත්ථ වෙදනාක්ඛන්ධො නිරුජ්ඣිස්සති, නො ච තෙසං තත්ථ රූපක්ඛන්ධො නිරුජ්ඣිස්සති. පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති, රූපක්ඛන්ධො ච නිරුජ්ඣිස්සති. (අනුලොම පුග්ගලොකාස)
16. යස්ස රූපක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣිස්සතීති: පච්ඡිමභවිකානං අරූපං උපපජ්ජන්තානං, යෙ ච අරූපං උපපජ්ජිත්වා පරිනිබ්බායිස්සන්ති තෙසං, චවන්තානං තෙසං රූපක්ඛන්ධො න නිරුජ්ඣිස්සති. නො ච තෙසං වෙදනාක්ඛන්ධො න නිරුජ්ඣිස්සති, පරිනිබ්බන්තානං තෙසං රූපක්ඛන්ධො ච න නිරුජ්ඣිස්සති, වෙදනාක්ඛන්ධො ච න නිරුජ්ඣිස්සති.
යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣිස්සතීති: ආමන්තා. (පච්චනීක පුග්ගල)
17. යත්ථ රූපක්ඛන්ධො න නිරුජ්ඣිස්සති තත්ථ වෙදනාක්ඛන්ධො න නිරුජ්ඣිස්සතීති: නිරුජ්ඣිස්සති.
යත්ථ වා පන වෙදනාක්ඛන්ධො න නිරුජ්ඣිස්සති තත්ථ රූපක්ඛන්ධො න නිරුජ්ඣිස්සතීති: නිරුජ්ඣිස්සති. (පච්චනීක ඔකාස)
18. යස්ස යත්ථ රූපක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣිස්සතීති: අරූපානං තෙසං තත්ථ රූපක්ඛන්ධො න නිරුජ්ඣිස්සති. නො ච තෙසං තත්ථ වෙදනාක්ඛන්ධො න නිරුජ්ඣිස්සති. පරිනිබ්බන්තානං තෙසං තත්ථ රූපක්ඛන්ධො ච න නිරුජ්ඣිස්සති. වෙදනාක්ඛන්ධො ච න නිරුජ්ඣිස්සති.
යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣිස්සතීති: අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති. නො ච තෙසං තත්ථ රූපක්ඛන්ධො න නිරුජ්ඣිස්සති. පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති. රූපක්ඛන්ධො ච න නිරුජ්ඣිස්සති. (පච්චනීක පුග්ගලොකාස)
අනාගතවාරො.
19. යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣිත්ථාති: ආමන්තා.
යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො නිරුජ්ඣතීති: සබ්බෙසං උපපජ්ජන්තානං, අරූපා චවන්තානං තෙසං වෙදනාක්ඛන්ධො නිරුජ්ඣිත්ථ, නො ච තෙසං රූපක්ඛන්ධො නිරුජ්ඣති. පඤ්චවොකාරා චවන්තානං, අසඤ්ඤසත්තා චවන්තානං තෙසං වෙදනාක්ඛන්ධො ච නිරුජ්ඣිත්ථ, රූපක්ඛන්ධො ච නිරුජ්ඣති.
20. යස්ස වෙදනාක්ඛන්ධො නිරුජ්ඣති තස්ස සඤ්ඤාක්ඛන්ධො නිරුජ්ඣිත්ථාති: ආමන්තා.
යස්ස වා පන සඤ්ඤාක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣතීති: සබ්බෙසං උපපජ්ජන්තානං, අසඤ්ඤසත්තා චවන්තානං තෙසං සඤ්ඤාක්ඛන්ධො නිරුජ්ඣිත්ථ. නො ච තෙසං වෙදනාක්ඛන්ධො නිරුජ්ඣති, චතුවොකාරා, පඤ්චවොකාරා චවන්තානං තෙසං සඤ්ඤාක්ඛන්ධො ච නිරුජ්ඣිත්ථ, වෙදනාක්ඛන්ධො ච නිරුජ්ඣති. (අනුලොම පුග්ගල)
21. යත්ථ රූපක්ඛන්ධො නිරුජ්ඣති තත්ථ වෙදනාක්ඛන්ධො නිරුජ්ඣිත්ථාති: අසඤ්ඤසත්තෙ තත්ථ රූපක්ඛන්ධො නිරුජ්ඣති, නො ච තත්ථ වෙදනාක්ඛන්ධො නිරුජ්ඣිත්ථ, පඤ්චවොකාරෙ තත්ථ රූපක්ඛන්ධො ච නිරුජ්ඣති, වෙදනාක්ඛන්ධො ච නිරුජ්ඣිත්ථ.
යත්ථ වා පන වෙදනාක්ඛන්ධො නිරුජ්ඣිත්ථ තත්ථ රූපක්ඛන්ධො නිරුජ්ඣතීති: අරූපෙ තත්ථ වෙදනාක්ඛන්ධො නිරුජ්ඣිත්ථ, නො ච තත්ථ රූපක්ඛන්ධො නිරුජ්ඣති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣිත්ථ රූපක්ඛන්ධො ච නිරුජ්ඣති.
22. යත්ථ වෙදනාක්ඛන්ධො නිරුජ්ඣති තත්ථ සඤ්ඤාක්ඛන්ධො නිරුජ්ඣිත්ථාති: ආමන්තා.
යත්ථ වා පන සඤ්ඤාක්ඛන්ධො නිරුජ්ඣිත්ථ තත්ථ වෙදනාක්ඛන්ධො නිරුජ්ඣතීති: ආමන්තා (අනුලොම ඔකාස)
23. යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣිත්ථාති: සුද්ධාවාසෙ පරිනිබ්බන්තානං, අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති. නො ච තෙසං තත්ථ වෙදනාක්ඛන්ධො නිරුජ්ඣිත්ථ. ඉතරෙසං පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති, වෙදනාක්ඛන්ධො ච නිරුජ්ඣිත්ථ.
යස්ස වා පන යත්ථ වෙදනාක්ඛන්ධො නිරුජ්ඣිත්ථ තස්ස තත්ථ රූපක්ඛන්ධො නිරුජ්ඣතීති: පඤ්චවොකාරං උපපජ්ජන්තානං, අරූපානං තෙසං තත්ථ වෙදනාක්ඛන්ධො නිරුජ්ඣිත්ථ. නො ච තෙසං තත්ථ රූපක්ඛන්ධො නිරුජ්ඣති. පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣිත්ථ, රූපක්ඛන්ධො ච නිරුජ්ඣති.
24. යස්ස යත්ථ වෙදනාක්ඛන්ධො නිරුජ්ඣති තස්ස තත්ථ සඤ්ඤාක්ඛන්ධො නිරුජ්ඣිත්ථාති: සුද්ධාවාසෙ පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣති. නො ච තෙසං තත්ථ සඤ්ඤාක්ඛන්ධො නිරුජ්ඣිත්ථ. ඉතරෙසං චතුවොකාරා පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති, සඤ්ඤාක්ඛන්ධො ච නිරුජ්ඣති.
යස්ස වා පන යත්ථ සඤ්ඤාක්ඛන්ධො නිරුජ්ඣිත්ථ තස්ස තත්ථ වෙදනාක්ඛන්ධො නිරුජ්ඣතීති: චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිත්ථ. නො ච තෙසං තත්ථ වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං තත්ථ සඤ්ඤාක්ඛන්ධො ච නිරුජ්ඣිත්ථ, වෙදනාක්ඛන්ධො ච නිරුජ්ඣති. (අනුලොම පුග්ගලොකාස)
25. යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣිත්ථාති: නිරුජ්ඣිත්ථ.
යස්ස වා පන වෙදනාක්ඛන්ධො න නිරුජ්ඣිත්ථ තස්ස රූපක්ඛන්ධො න නිරුජ්ඣතීති: නත්ථි.
26. යස්ස වෙදනාක්ඛන්ධො න නිරුජ්ඣති තස්ස සඤ්ඤාක්ඛන්ධො න නිරුජ්ඣිත්ථාති: නිරුජ්ඣිත්ථ.
යස්ස වා පන සඤ්ඤාක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣිතීති: නත්ථි. (පච්චනීක පුග්ගල)
27-28. යත්ථ රූපක්ඛන්ධො න නිරුජ්ඣති (යත්ථකං පරිපුණ්ණං කාතබ්බං) (පච්චනීක ඔකාස)
29. යස්ස යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣිත්ථාති: පඤ්චවොකාරං උපපජ්ජන්තානං, අරූපානං තෙසං තත්ථ රූපක්ඛන්ධො න නිරුජ්ඣති. නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසං උපපජ්ජන්තානං අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති, වෙදනාක්ඛන්ධො ච න නිරුජ්ඣිත්ථ.
යස්ස වා පන යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ රූපක්ඛන්ධො න නිරුජ්ඣතීති: සුද්ධාවාසෙ පරිනිබ්බන්තානං, අසඤ්ඤසත්තා චවන්තානං තෙසං තත්ථ වෙදනාක්ඛන්ධො න නිරුජ්ඣිත්ථ. නො ච තෙසං තත්ථ රූපක්ඛන්ධො න නිරුජ්ඣති. සුද්ධාවාසං උපපජ්ජන්තානං, අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣිත්ථ, රූපක්ඛන්ධො ච න නිරුජ්ඣති.
30. යස්ස යත්ථ වෙදනාක්ඛන්ධො න නිරුජ්ඣති තස්ස තත්ථ සඤ්ඤාක්ඛන්ධො න නිරුජ්ඣිත්ථාති: චතුවොකාරං පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති. නො ච තෙසං තත්ථ සඤ්ඤාක්ඛන්ධො න නිරුජ්ඣිත්ථ. සුද්ධාවාසං උපපජ්ජන්තානං, අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣති. සඤ්ඤාක්ඛන්ධො ච නිරුජ්ඣිත්ථ.
යස්ස වා පන යත්ථ සඤ්ඤාක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣතීති: සුද්ධාවාසෙ පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිත්ථ. නො ච තෙසං තත්ථ වෙදනාක්ඛන්ධො න නිරුජ්ඣති. සුද්ධාවාසං උපපජ්ජන්තානං අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිත්ථ, වෙදනාක්ඛන්ධො ච න නිරුජ්ඣති. (පච්චනීක පුග්ගලොකාස)
පච්චුප්පන්නාතීතවාරො.
31. යස්ස රූපක්ඛන්ධො නිරුජ්ඣති තස්ස වෙදනාක්ඛන්ධො නිරුජ්ඣිස්සතීති: පඤ්චවොකාරෙ පරිනිබ්බන්තානං තෙසං රූපක්ඛන්ධො නිරුජ්ඣති. නො ච තෙසං වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරා චවන්තානං, අසඤ්ඤසත්තා චවන්තානං තෙසං රූපක්ඛන්ධො ච නිරුජ්ඣති, වෙදනාක්ඛන්ධො ච නිරුජ්ඣිස්සති.
යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣතීති: සබ්බෙසං උපපජ්ජන්තානං, අරූපා චවන්තානං තෙසං වෙදනාක්ඛන්ධො නිරුජ්ඣිස්සති. නො ච තෙසං රූපක්ඛන්ධො නිරුජ්ඣති. පඤ්චවොකාරා චවන්තානං, අසඤ්ඤසත්තා චවන්තානං තෙසං වෙදනාක්ඛන්ධො ච නිරුජ්ඣිස්සති, රූපක්ඛන්ධො ච නිරුජ්ඣති.
32. යස්ස වෙදනාක්ඛන්ධො නිරුජ්ඣති තස්ස සඤ්ඤාක්ඛන්ධො නිරුජ්ඣිස්සතීති: පරිනිබ්බන්තානං තෙසං වෙදනාක්ඛන්ධො නිරුජ්ඣති. නො ච තෙසං සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරා පඤ්චවොකාරා චවන්තානං තෙසං වෙදනාක්ඛන්ධො ච නිරුජ්ඣති, සඤ්ඤාක්ඛන්ධො ච නිරුජ්ඣිස්සති.
යස්ස වා පන සඤ්ඤාක්ඛන්ධො නිරුජ්ඣිස්සති තස්ස වෙදනාක්ඛන්ධො නිරුජ්ඣතීති: සබ්බෙසං උපපජ්ජන්තානං අසඤ්ඤසත්තා චවන්තානං තෙසං සඤ්ඤාක්ඛන්ධො නිරුජ්ඣිස්සති. නො ච තෙසං වෙදනාක්ඛන්ධො නිරුජ්ඣති. චතුවොකාරා පඤ්චවොකාරා චවන්තානං තෙසං සඤ්ඤාක්ඛන්ධො ච නිරුජ්ඣිස්සති, වෙදනාක්ඛන්ධො ච නිරුජ්ඣති. (අනුලොම පුග්ගල)
33-34. යත්ථ රූපක්ඛන්ධො නිරුජ්ඣති -පෙ-
35. යස්ස යත්ථ රූපක්ඛන්ධො නිරුජ්ඣති තස්ස තත්ථ වෙදනාක්ඛන්ධො නිරුජ්ඣිස්සතීති: පඤ්චවොකාරෙ පරිනිබ්බන්තානං, අසඤ්ඤසත්තා චවන්තානං තෙසං තත්ථ රූපක්ඛන්ධො නිරුජ්ඣති. නො ච තෙසං තත්ථ වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරා චවන්තානං තෙසං තත්ථ රූපක්ඛන්ධො ච නිරුජ්ඣති, වෙදනාක්ඛන්ධො ච නිරුජ්ඣිස්සති.
යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣතීති: පඤ්චවොකාරං උපපජ්ජන්තානං, අරූපානං තෙසං තත්ථ වෙදනාක්ඛන්ධො නිරුජ්ඣිස්සති. නො ච තෙසං තත්ථ වෙදනාක්ඛන්ධො ච නිරුජ්ඣිස්සති, රූපක්ඛන්ධො ච නිරුජ්ඣති.
36. යස්ස යත්ථ වෙදනාක්ඛන්ධො නිරුජ්ඣති තස්ස තත්ථ සඤ්ඤාක්ඛන්ධො නිරුජ්ඣිස්සතීති: පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣති. නො ච තෙසං තත්ථ සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරා, පඤ්චවොකාරා චවන්තානං තෙසං තත්ථ වෙදනාක්ඛන්ධො ච නිරුජ්ඣති, සඤ්ඤාක්ඛන්ධො ච නිරුජ්ඣිස්සති.
යස්ස වා පන යත්ථ සඤ්ඤාක්ඛන්ධො නිරුජ්ඣිස්සති තස්ස තත්ථ වෙදනාක්ඛන්ධො නිරුජ්ඣතීති: චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති. නො ච තෙසං තත්ථ වෙදනාක්ඛන්ධො නිරුජ්ඣති. චතුවොකාරා, පඤ්චවොකාරා චවන්තානං තෙසං තත්ථ සඤ්ඤාක්ඛන්ධො ච නිරුජ්ඣිස්සති, වෙදනාක්ඛන්ධො ච නිරුජ්ඣති. (අනුලොම පුග්ගලොකාස)
37. යස්ස රූපක්ඛන්ධො න නිරුජ්ඣති තස්ස වෙදනාක්ඛන්ධො න නිරුජ්ඣිස්සතීති: සබ්බෙසං උපපජ්ජන්තානං, අරූපා චවන්තානං තෙසං රූපක්ඛන්ධො න නිරුජ්ඣති. නො ච තෙසං වෙදනාක්ඛන්ධො න නිරුජ්ඣිස්සති. අරූපෙ පරිනිබ්බන්තානං තෙසං රූපක්ඛන්ධො ච න නිරුජ්ඣති, වෙදනාක්ඛන්ධො ච න නිරුජ්ඣිස්සති.
යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣතීති: පඤ්චවොකාරෙ පරිනිබ්බන්තානං තෙසං වෙදනාක්ඛන්ධො න නිරුජ්ඣිස්සති. නො ච තෙසං රූපක්ඛන්ධො න නිරුජ්ඣති. අරූපෙ පරිනිබ්බන්තානං තෙසං වෙදනාක්ඛන්ධො ච න නිරුජ්ඣිස්සති, රූපක්ඛන්ධො ච න නිරුජ්ඣති.
38. යස්ස වෙදනාක්ඛන්ධො න නිරුජ්ඣති තස්ස සඤ්ඤාක්ඛන්ධො න නිරුජ්ඣිස්සතීති: නිරුජ්ඣිස්සති.
යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣතීති: නිරුජ්ඣති. (පච්චනීක පුග්ගල)
39-40. යත්ථ රූපක්ඛන්ධො න නිරුජ්ඣති -පෙ- (පච්චනීක ඔකාස)
41. යස්ස යත්ථ රූපක්ඛන්ධො න නිරුජ්ඣති තස්ස තත්ථ වෙදනාක්ඛන්ධො න නිරුජ්ඣිස්සතීති: පඤ්චවොකාරං උපපජ්ජන්තානං, අරූපානං තෙසං තත්ථ රූපක්ඛන්ධො න නිරුජ්ඣති. නො ච තෙසං තත්ථ වෙදනාක්ඛන්ධො න නිරුජ්ඣිස්සති. අරූපෙ පරිනිබ්බන්තානං, අසඤ්ඤසත්තං උපපජ්ජන්තානං තෙසං තත්ථ රූපක්ඛන්ධො ච න නිරුජ්ඣති, වෙදනාක්ඛන්ධො ච න නිරුජ්ඣිස්සති.
යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣතීති: පඤ්චවොකාරෙ පරිනිබ්බන්තානං, අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති, රූපක්ඛන්ධො ච න නිරුජ්ඣති.
42. යස්ස යත්ථ වෙදනාක්ඛන්ධො න නිරුජ්ඣති, තස්ස තත්ථ සඤ්ඤාක්ඛන්ධො න නිරුජ්ඣිස්සතීති: චතුවොකාරං, පඤ්චවොකාරං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති. නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣති. සඤ්ඤාක්ඛන්ධො ච න නිරුජ්ඣිස්සති.
යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣතීති: පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිස්සති. නො ච තෙසං තත්ථ වෙදනාක්ඛන්ධො න නිරුජ්ඣති. අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣිස්සති. වෙදනාක්ඛන්ධො ච න නිරුජ්ඣති. (පච්චනීක පුග්ගලොකාස)
පච්චුප්පන්නානාගතවාරො.
43. යස්ස රූපක්ඛන්ධො නිරුජ්ඣිත්ථ තස්ස වෙදනාක්ඛන්ධො නිරුජ්ඣිස්සතීති: පරිනිබ්බන්තානං තෙසං රූපක්ඛන්ධො නිරුජ්ඣිත්ථ, නො ච තෙසං වෙදනාක්ඛන්ධො නිරුජ්ඣිස්සති, ඉතරෙසං තෙසං රූපක්ඛන්ධො ච නිරුජ්ඣිත්ථ වෙදනාක්ඛන්ධො ච නිරුජ්ඣිස්සති.
යස්ස වා පන වෙදනාක්ඛන්ධො නිරුජ්ඣිස්සති තස්ස රූපක්ඛන්ධො නිරුජ්ඣිත්ථාති: ආමන්තා.
44. යස්ස වෙදනාක්ඛන්ධො නිරුජ්ඣිත්ථ තස්ස සඤ්ඤාක්ඛන්ධො නිරුජ්ඣිස්සතීති: පරිනිබ්බන්තානං තෙසං වෙදනාක්ඛන්ධො නිරුජ්ඣිත්ථ. නො ච තෙසං සඤ්ඤාක්ඛන්ධො නිරුජ්ඣිස්සති. ඉතරෙසං තෙසං වෙදනාක්ඛන්ධො ච නිරුජ්ඣිත්ථ, සඤ්ඤාක්ඛන්ධො ච නිරුජ්ඣිස්සති,
යස්ස වා පන සඤ්ඤාක්ඛන්ධො නිරුජ්ඣිස්සති, තස්ස වෙදනාක්ඛන්ධො නිරුජ්ඣිත්ථාති: ආමන්තා. (අනුලොම පුග්ගල)
45-46. යත්ථ රූපක්ඛන්ධො නිරුජ්ඣිත්ථ -පෙ- (අනුලොම ඔකාස)
47. යස්ස යත්ථ රූපක්ඛන්ධො නිරුජ්ඣිත්ථ, තස්ස තත්ථ වෙදනාක්ඛන්ධො නිරුජ්ඣිස්සතීති: පඤ්චවොකාරෙ පරිනිබ්බන්තානං, අසඤ්ඤසත්තානං තෙසං තත්ථ රූපක්ඛන්ධො නිරුජ්ඣිත්ථ, නො ච තෙසං තත්ථ වෙදනාක්ඛන්ධො නිරුජ්ඣිස්සති. ඉතරෙසං පඤ්චවොකාරානං තෙසං තත්ථ රූපක්ඛන්ධො ච නිරුජ්ඣිත්ථ. වෙදනාක්ඛන්ධො ච නිරුජ්ඣිස්සති.
යස්ස වා පන යත්ථ වෙදනාක්ඛන්ධො නිරුජ්ඣිස්සති තස්ස තත්ථ රූපක්ඛන්ධො නිරුජ්ඣිත්ථාති: සුද්ධාවාසං උපපජ්ජන්තානං, අරූපානං තෙසං තත්ථ වෙදනාක්ඛන්ධො නිරුජ්ඣිස්සති. නො ච තෙසං තත්ථ රූපක්ඛන්ධො නිරුජ්ඣිත්ථ. ඉතරෙසං පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිස්සති. රූපක්ඛන්ධො ච නිරුජ්ඣිත්ථ.
48. යස්ස යත්ථ වෙදනාක්ඛන්ධො නිරුජ්ඣිත්ථ තස්ස තත්ථ සඤ්ඤාක්ඛන්ධො නිරුජ්ඣිස්සතීති: පරිනිබ්බන්තානං තෙසං තත්ථ වෙදනාක්ඛන්ධො නිරුජ්ඣිත්ථ. නො ච තෙසං තත්ථ සඤ්ඤාක්ඛන්ධො නිරුජ්ඣිස්සති. ඉතරෙසං චතුවොකාරානං, පඤ්චවොකාරානං තෙසං තත්ථ වෙදනාක්ඛන්ධො ච නිරුජ්ඣිත්ථ. සඤ්ඤාක්ඛන්ධො ච නිරුජ්ඣිස්සති.
යස්ස වා පන යත්ථ සඤ්ඤාක්ඛන්ධො නිරුජ්ඣිස්සති. තස්ස තත්ථ වෙදනාක්ඛන්ධො නිරුජ්ඣිත්ථාති: සුද්ධාවාසං උපපජ්ජන්තානං තෙසං තත්ථ සඤ්ඤාක්ඛන්ධො නිරුජ්ඣිස්සති. නො ච තෙසං තත්ථ වෙදනාක්ඛන්ධො නිරුජ්ඣිත්ථ. ඉතරෙසං චතුවොකාරානං, පඤ්චවොකාරානං තෙසං තත්ථ සඤ්ඤාක්ඛන්ධො ච නිරුජ්ඣිස්සති, වෙදනාක්ඛන්ධො ච නිරුජ්ඣිත්ථ. (අනුලොම පුග්ගලොකාස)
49. යස්ස රූපක්ඛන්ධො න නිරුජ්ඣිත්ථ තස්ස වෙදනාක්ඛන්ධො න නිරුජ්ඣිස්සතීති: නත්ථි.
යස්ස වා පන වෙදනාක්ඛන්ධො න නිරුජ්ඣිස්සති තස්ස රූපක්ඛන්ධො න නිරුජ්ඣිත්ථාති: නිරුජ්ඣිත්ථ.
50. යස්ස වෙදනාක්ඛන්ධො න නිරුජ්ඣිත්ථ තස්ස සඤ්ඤාක්ඛන්ධො න නිරුජ්ඣිස්සතීති. නත්ථි.
යස්ස වා පන සඤ්ඤාක්ඛන්ධො න නිරුජ්ඣිස්සති තස්ස වෙදනාක්ඛන්ධො න නිරුජ්ඣිත්ථාති: නිරුජ්ඣිත්ථ. (පච්චනීක පුග්ගල)
51-52. යත්ථ රූපක්ඛන්ධො න නිරුජ්ඣිත්ථ -පෙ- (පච්චනීක ඔකාස)
53. යස්ස යත්ථ රූපක්ඛන්ධො න නිරුජ්ඣිත්ථ තස්ස තත්ථ වෙදනාක්ඛන්ධො න නිරුජ්ඣිස්සතීති: සුද්ධාවාසං උපපජ්ජන්තානං අරූපානං තෙසං තත්ථ රූපක්ඛන්ධො න නිරුජ්ඣිත්ථ, නො ච තෙසං තත්ථ වෙදනාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං, අරූපෙ පරිනිබ්බන්තානං තෙසං තත්ථ රූපක්ඛන්ධො ච න නිරුජ්ඣිත්ථ, වෙදනාක්ඛන්ධො ච න නිරුජ්ඣිස්සති.
යස්ස වා පන යත්ථ වෙදනාක්ඛන්ධො න නිරුජ්ඣිස්සති තස්ස තත්ථ රූපක්ඛන්ධො න නිරුජ්ඣිත්ථාති: පඤ්චවොකාරෙ පරිනිබ්බන්තානං අසඤ්ඤසත්තානං තෙසං තත්ථ වෙදනාක්ඛන්ධො න නිරුජ්ඣිස්සති, නො ච තෙසං තත්ථ රූපක්ඛන්ධො න නිරුජ්ඣිත්ථ. සුද්ධාවාසෙ පරිනිබ්බන්තානං, අරූපෙ පරිනිබ්බන්තානං තෙසං තත්ථ වෙදනාක්ඛන්ධො ච න නිරුජ්ඣිස්සති, රූපක්ඛන්ධො ච න නිරුජ්ඣිත්ථ.
54. යස්ස යත්ථ වෙදනාක්ඛන්ධො න නිරුජ්ඣිත්ථ තස්ස තත්ථ සඤ්ඤාක්ඛන්ධො න නිරුජ්ඣිස්සතීති: සුද්ධාවාසං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣිත්ථ. නො ච තෙසං තත්ථ සඤ්ඤාක්ඛන්ධො න නිරුජ්ඣිස්සති. සුද්ධාවාසෙ පරිනිබ්බන්තානං, අසඤ්ඤසත්තානං තෙසං තත්ථ වෙදනාක්ඛන්ධො ච න නිරුජ්ඣිත්ථ, සඤ්ඤාක්ඛන්ධො ච න නිරුජ්ඣිස්සති.
යස්ස වා පන යත්ථ සඤ්ඤාක්ඛන්ධො න නිරුජ්ඣිස්සති තස්ස තත්ථ වෙදනාක්ඛන්ධො න නිරුජ්ඣිත්ථාති: පඤ්චවොකාරෙ{1} පරිනිබ්බන්තානං තෙසං තත්ථ සඤ්ඤාක්ඛන්ධො න නිරුජ්ඣිස්සති, නො ච තෙසං තත්ථ වෙදනාක්ඛන්ධො න නිරුජ්ඣිත්ථ. සුද්ධාවාසෙ පරිනිබ්බන්තානං තෙසං{2} තත්ථ සඤ්ඤාක්ඛන්ධො ච න නිරුජ්ඣිස්සති, වෙදනාක්ඛන්ධො ච න නිරුජ්ඣිත්ථ. (පච්චනීක පුග්ගලොකාස)
පවත්ති නිරොධවාරො නිට්ඨිතො.
5. උප්පාද නිරොධවාරො
1. යස්ස රූපක්ඛන්ධො උප්පජ්ජති තස්ස වෙදනාක්ඛන්ධො නිරුජ්ඣතීති: නො.
යස්ස වා පන වෙදනාක්ඛන්ධො නිරුජ්ඣති තස්ස රූපක්ඛන්ධො උප්පජ්ජතීති: නො.
2. යස්ස වෙදනාක්ඛන්ධො උප්පජ්ජති තස්ස සඤ්ඤාක්ඛන්ධො නිරුජ්ඣතීති: නො.
යස්ස වා පන සඤ්ඤාක්ඛන්ධො නිරුජ්ඣති තස්ස වෙදනාක්ඛන්ධො උප්පජ්ජතීති: නො (අනුලොම පුග්ගල)
3. යත්ථ රූපක්ඛන්ධො උප්පජ්ජති තත්ථ වෙදනාක්ඛන්ධො නිරුජ්ඣතීති: අසඤ්ඤසත්තෙ තත්ථ රූපක්ඛන්ධො උප්පජ්ජති. නො ච තත්ථ වෙදනාක්ඛන්ධො නිරුජ්ඣති. පඤ්චවොකාරෙ තත්ථ රූපක්ඛන්ධො ච උප්පජ්ජති වෙදනාක්ඛන්ධො නිරුජ්ඣති.
යත්ථ වා පන වෙදනාක්ඛන්ධො නිරුජ්ඣති තත්ථ රූපක්ඛන්ධො උප්පජ්ජතීති: අරූපෙ තත්ථ වෙදනාක්ඛන්ධො නිරුජ්ඣති, නො ච තත්ථ රූපක්ඛන්ධො උප්පජ්ජති. පඤ්චවොකාරෙ තත්ථ වෙදනාක්ඛන්ධො ච නිරුජ්ඣති, රූපක්ඛන්ධො ච උප්පජ්ජති.
4. යත්ථ වෙදනාක්ඛන්ධො උප්පජ්ජති තත්ථ සඤ්ඤාක්ඛන්ධො නිරුජ්ඣතීති: ආමන්තා.
යත්ථ වා පන සඤ්ඤාක්ඛන්ධො නිරුජ්ඣති තත්ථ වෙදනාක්ඛන්ධො උප්පජ්ජතීති: ආමන්තා. (අනුලොම ඔකාස)
5. යස්ස යත්ථ රූපක්ඛන්ධො උප්පජ්ජති තස්ස තත්ථ වෙදනාක්ඛන්ධො නිරුජ්ඣතීති: නො.
යස්ස වා පන යත්ථ වෙදනාක්ඛන්ධො නිරුජ්ඣති තස්ස තත්ථ රූපක්ඛන්ධො උප්පජ්ජතීති: නො.
6. යස්ස යත්ථ වෙදනාක්ඛන්ධො උප්පජ්ජති තස්ස තත්ථ සඤ්ඤාක්ඛන්ධො නිරුජ්ඣතීති: නො.
යස්ස වා පන යත්ථ සඤ්ඤාක්ඛන්ධො නිරුජ්ඣති තස්ස තත්ථ වෙදනාක්ඛන්ධො උප්පජ්ජතීති: නො. (අනුලොම පුග්ගලොකාස)
7. යස්ස රූපක්ඛන්ධො නූප්පජ්ජති තස්ස වෙදනාක්ඛන්ධො න නිරුජ්ඣතීති: චතුවොකාරා පඤ්චවොකාරා චවන්තානං තෙසං රූපක්ඛන්ධො නූප්පජ්ජති. නො ච තෙසං වෙදනාක්ඛන්ධො න නිරුජ්ඣති. අරූපං උපපජ්ජන්තානං, අසඤ්ඤසත්තා චවන්තානං තෙසං රූපක්ඛන්ධො ච නූප්පජ්ජති, වෙදනාක්ඛන්ධො ච න නිරුජ්ඣති.
යස්ස වා පන වෙදනාක්ඛන්ධො න නිරුජ්ඣති තස්ස රූපක්ඛන්ධො නූප්පජ්ජතීති: පඤ්චවොකාරං උපපජ්ජන්තානං අසඤ්ඤසත්තං උපපජ්ජන්තානං තෙසං වෙදනාක්ඛන්ධො න නිරුජ්ඣති, නො ච තෙසං රූපක්ඛන්ධො නූප්පජ්ජති. අරූපං උපපජ්ජන්තානං, අසඤ්ඤසත්තා චවන්තානං තෙසං වෙදනාක්ඛන්ධො ච න නිරුජ්ඣති, රූපක්ඛන්ධො ච නූප්පජ්ජති.
8. යස්ස වෙදනාක්ඛන්ධො නූප්පජ්ජති තස්ස සඤ්ඤාක්ඛන්ධො න නිරුජ්ඣතීති: චතුවොකාරා පඤ්චවොකාරා චවන්තානං තෙසං වෙදනාක්ඛන්ධො නූප්පජ්ජති. නො ච තෙසං සඤ්ඤාක්ඛන්ධො න නිරුජ්ඣති. අසඤ්ඤසත්තානං තෙසං වෙදනාක්ඛන්ධො ච නූප්පජ්ජති. සඤ්ඤාක්ඛන්ධො ච න නිරුජ්ඣති.
යස්ස වා පන සඤ්ඤාක්ඛන්ධො න නිරුජ්ඣති තස්ස වෙදනාක්ඛන්ධො නූප්පජ්ජතීති: චතුවොකාරං පඤ්චවොකාරං උපපජ්ජන්තානං තෙසං සඤ්ඤාක්ඛන්ධො න නිරුජ්ඣති. නො ච තෙසං වෙදනාක්ඛන්ධො නූප්පජ්ජති. අසඤ්ඤසත්තානං තෙසං සඤ්ඤාක්ඛන්ධො ච න නිරුජ්ඣති. වෙදනාක්ඛන්ධො ච නූප්පජ්ජති. (පච්චනීක පුග්ගල)
9. යත්ථ රූපක්ඛන්ධො නූප්පජ්ජති තත්ථ වෙදනාක්ඛන්ධො න නිරුජ්ඣතීති: නිරුජ්ඣති.
යත්ථ වා පන වෙදනාක්ඛන්ධො න නිරුජ්ඣති තත්ථ රූපක්ඛන්ධො නූප්පජ්ජතීති: උප්පජ්ජති.
10. යත්ථ වෙදනාක්ඛන්ධො නූප්පජ්ජති තත්ථ සඤ්ඤාක්ඛන්ධො න නිරුජ්ඣතීති: ආමන්තා.
යත්ථ වා පන සඤ්ඤාක්ඛන්ධො න නිරුජ්ඣති තත්ථ වෙදනාක්ඛන්ධො නූප්පජ්ජතීති: ආමන්තා. (පච්චනීක ඔකාස)
11. යස්ස යත්ථ රූපක්ඛන්ධො නූප්පජ්ජති තස්ස තත්ථ වෙදනාක්ඛන්ධො න නිරුජ්ඣතීති: චතුවොකාරා පඤ්චවොකාරා චවන්තානං තෙසං තත්ථ රූපක්ඛන්ධො නූප්පජ්ජති. නො ච තෙසං තත්ථ වෙදනාක්ඛන්ධො න නිරුජ්ඣති. අරූපං උපපජ්ජන්තානං, අසඤ්ඤසත්තා චවන්තානං තෙසං තත්ථ රූපක්ඛන්ධො ච නූප්පජ්ජති. වෙදනාක්ඛන්ධො ච න නිරුජ්ඣති.
යස්ස වා පන යත්ථ වෙදනාක්ඛන්ධො න නිරුජ්ඣති තස්ස තත්ථ රූපක්ඛන්ධො නූප්පජ්ජතීති: පඤ්චවොකාරං උපපජ්ජන්තානං, අසඤ්ඤසත්තං උපපජ්ජන්තානං තෙසං තත්ථ වෙදනාක්ඛන්ධො න නිරුජ්ඣති. නො ච තෙසං තත්ථ රූපක්ඛන්ධො නූප්පජ්ජති. අරූපං උපපජ්ජන්තානං, අසඤ්ඤසත්තා චවන්තානං තෙසං තත්ථ වෙදනාක්ඛන්ධො ච න නිරුජ්ඣති, රූපක්ඛන්ධො ච නූප්පජ්ජති.
12. යස්ස යත්ථ වෙදනාක්ඛන්ධො නූප්පජ්ජති තස්ස තත්ථ සඤ්ඤාක්ඛන්ධො න නිරුජ්ඣතීකි: චතුවොකාරා පඤ්චවොකාරා චවන්තානාං තෙසං තත්ථ වෙදනාක්ඛන්ධො නූප්පජ්ජති. නො ච තෙසං තත්ථ සඤ්ඤාක්ඛන්ධො න නිරුජ්ඣති. අසඤ්ඤසත්තානං තෙසං තත්ථ වෙදනාක්ඛන්ධො ච නූප්පජ්ජති. සඤ්ඤාක්ඛන්ධො ච න නිරුජ්ඣති.
යස්ස වා පන යත්ථ සඤ්ඤාක්ඛන්ධො න නිරුජ්ඣති තස්ස තත්ථ වෙදනාක්ඛන්ධො නූප්පජ්ජතීති: චතුවොකාරං පඤ්චවොකාරං උපපජ්ජන්තානං තෙසං තත්ථ සඤ්ඤාක්ඛන්ධො න නිරුජ්ඣති. නො ච තෙසං තත්ථ වෙදනාක්ඛන්ධො නූප්පජ්ජති. අසඤ්ඤසත්තානං තෙසං තත්ථ සඤ්ඤාක්ඛන්ධො ච න නිරුජ්ඣති වෙදනාක්ඛන්ධො ච නූප්පජ්ජති. (පච්චනීක පුග්ගලොකාස)
පච්චුප්පන්නවාරො.
13. යස්ස රූපක්ඛන්ධො උප්පජ්ජිත්ථ තස්ස වෙදනාක්ඛන්ධො නිරුජ්ඣිත්ථාති: ආමන්තා.
යස්ස වා පන වෙදනාක්ඛන්ධො නිරුජ්ඣිත්ථ තස්ස රූපක්ඛන්ධො උප්පජ්ජිත්ථාති: ආමන්තා.
14. යස්ස වෙදනාක්ඛන්ධො උප්පජ්ජිත්ථ තස්ස සඤ්ඤාක්ඛන්ධො නිරුජ්ඣිත්ථාති: ආමන්තා.