නවින්ද්රියා අසංකිලිට්ඨසංකිලෙසිකා. දොමනස්සින්ද්රියං සංකිලිට්ඨසංකිලෙසිකං. තීණින්ද්රියා අසංකිලිට්ඨඅසංකිලෙසිකා. තීණින්ද්රියා සියා අසංකිලිට්ඨසංකිලෙසිකා, සියා අසංකිලිට්ඨඅසංකිලෙසිකා. ඡ ඉන්ද්රියා සියා සංකිලිට්ඨසංකිලෙසිකා, සියා අසංකිලිට්ඨසංකිලෙසිකා, සියා අසංකිලිට්ඨඅසංකිලෙසිකා.
නවින්ද්රියා අවිතක්කඅවිචාරා. දොමනස්සින්ද්රියං සවිතක්කසවිචාරං. උපෙක්ඛින්ද්රියං සියා සවිතක්කසවිචාරං, සියා අවිතක්කඅවිචාරං. එකාදසින්ද්රියා සියා සවිතක්කසවිචාරා, සියා අවිතක්කවිචාරමත්තා, සියා අවිතක්කඅවිචාරා.
එකාදසින්ද්රියා න වත්තබ්බා පීතිසහගතාති’පි සුඛසහගතාති’පි උපෙක්ඛාසහගතාති’පි. සොමනස්සින්ද්රියං සියා පීතිසහගතං, න සුඛසහගතං, න උපෙක්ඛාසහගතං, සියා න වත්තබ්බං පීතිසහගතන්ති. ඡ ඉන්ද්රියා සියා පීතිසහගතා, සියා සුඛසහගතා, සියා උපෙක්ඛාසහගතා. චත්තාරින්ද්රියා සියා පීතිසහගතා, සියා සුඛසහගතා, සියා උපෙක්ඛාසහගතා, සියා න වත්තබ්බා පීතිසහගතාති’පි සුඛසහගතාති’පි උපෙක්ඛාසහගතාති’පි.
පණ්ණරසින්ද්රියා නෙව දස්සනෙන න භාවනාය පහාතබ්බා. දොමනස්සින්ද්රියං සියා දස්සනෙන පහාතබ්බං, සියා භාවනාය පහාතබ්බං. ඡ ඉන්ද්රියා සියා දස්සනෙන පහාතබ්බා, සියා භාවනාය පහාතබ්බා, සියා නෙව දස්සනෙන න භාවනාය පහාතබ්බා.
පණ්ණරසින්ද්රියා නෙව දස්සනෙන න භාවනාය පහාතබ්බහෙතුකා. දොමනස්සින්ද්රියං සියා දස්සනෙන පහාතබ්බහෙතුකං, සියා භාවනාය පහාතබ්බහෙතුකං. ඡ ඉන්ද්රියා සියා දස්සනෙන පහාතබ්බහෙතුකා, සියා භාවනාය පහාතබ්බහෙතුකා, සියා නෙවදස්සනෙන න භාවනාය පහාතබ්බහෙතුකා.
දසින්ද්රියා නෙව ආචයගාමි නාපචයගාමිනො. දොමනස්සින්ද්රියං ආචයගාමි. අනඤ්ඤාතඤ්ඤස්සාමීතින්ද්රියං අපචයගාමි. අඤ්ඤින්ද්රියං සියා අපචයගාමි, සියා නෙවාචයගාමි නාපචයගාමි. නවින්ද්රියා සියා ආචයගාමිනො, සියා අපචයගාමිනො, සියා නෙව ආචයගාමි නාපචයගාමිනො.
දසින්ද්රියා නෙව සෙක්ඛා නාසෙක්ඛා. ද්වින්ද්රියා සෙක්ඛා. අඤ්ඤාතාවින්ද්රියං අසෙක්ඛං. නවින්ද්රියා සියා සෙක්ඛා, සියා අසෙක්ඛා, සියා නෙවසෙක්ඛා නාසෙක්ඛා.
දසින්ද්රියා පරිත්තා. තීණින්ද්රියා අප්පමාණා: නවින්ද්රියා සියා පරිත්තා, සියා මහග්ගතා, සියා අප්පමාණා.
සත්තින්ද්රියා අනාරම්මණා. ද්වින්ද්රියා පරිත්තාරම්මණා. තීණින්ද්රියා අප්පමාණාරම්මණා. දොමනස්සින්ද්රියං සියා පරිත්තාරම්මණං, සියා මහග්ගතාරම්මණං, න අප්පමාණාරම්මණං. සියා න වත්තබ්බං පරිත්තාරම්මණන්ති’පි මහග්ගතාරම්මණන්ති’පි. නවින්ද්රියා සියා පරිත්තාරම්මණා, සියා මහග්ගතාරම්මණා, සියා අප්පමාණාරම්මණා, සියා න වත්තබ්බා පරිත්තාරම්මණාති’පි මහග්ගතාරම්මණාති’පි අප්පමාණාරම්මණාති’පි.
නවින්ද්රියා මජ්ඣිමා. දොමනස්සින්ද්රියං හීනං. තීණින්ද්රියා පණීතා. තීණින්ද්රියා සියා මජ්ඣිමා, සියා පණීතා. ඡ ඉන්ද්රියා සියා හීනා, සියා මජ්ඣිමා, සියා පණීතා.
දසින්ද්රියා අනියතා. අනඤ්ඤාතඤ්ඤස්සාමීතින්ද්රියං සම්මත්තනියතං. චත්තාරින්ද්රියා සියා සම්මත්තනියතා, සියා අනියතා. දොමනස්සින්ද්රියං සියා මිච්ඡත්තනියතං, සියා අනියතං. ඡ ඉන්ද්රියා සියා මිච්ඡත්තනියතා, සියා සම්මත්තනියතා, සියා අනියතා.
සත්තින්ද්රියා අනාරම්මණා. චත්තාරින්ද්රියා න වත්තබ්බා මග්ගාරම්මණාති’පි මග්ගහෙතුකාති’පි මග්ගාධිපතිනොති’පි. අනඤ්ඤාතඤ්ඤස්සාමීතින්ද්රියං න මග්ගාරම්මණං, සියා මග්ගහෙතුකං, සියා මග්ගාධිපති, සියා න වත්තබ්බං මග්ගහෙතුකන්ති’පි මග්ගාධිපතීති’පි. අඤ්ඤින්ද්රියං න මග්ගාරම්මණං, සියා මග්ගහෙතුකං, සියා මග්ගාධිපති, සියා න වත්තබ්බං මග්ගහෙතුකන්ති’පි මග්ගාධිපතීති’පි. නවින්ද්රියා සියා මග්ගාරම්මණා, සියා මග්ගහෙතුකා, සියා මග්ගාධිපතිනො, සියා න වත්තබ්බා මග්ගාරම්මණාති’පි මග්ගහෙතුකාති’පි මග්ගාධිපතිනොති’පි.
දසින්ද්රියා සියා උප්පන්නා, සියා උප්පාදිනො, න වත්තබ්බා අනුප්පන්නාති. ද්වින්ද්රියා සියා උප්පන්නා, සියා අනුප්පන්නා, න වත්තබ්බා උප්පාදිනොති. දසින්ද්රියා සියා උප්පන්නා, සියා අනුප්පන්නා, සියා උප්පාදිනො.
සියා අතීතා, සියා අනාගතා, සියා පච්චුප්පන්නා.
සත්තින්ද්රියා අනාරම්මණා. ද්වීන්ද්රියා පච්චුප්පන්නාරම්මණා. තීණින්ද්රියා න වත්තබ්බා අතීතාරම්මණාතිපි අනාගතාරම්මණාති’පි පච්චුප්පන්නාරම්මණාති’පි. දසින්ද්රියා සියා අතීතාරම්මණා, සියා අනාගතාරම්මණා, සියා පච්චුප්පන්නාරම්මණා, සියා න වත්තබ්බා අතීතාරම්මණාති’පි අනාගතාරම්මණාති’පි පච්චුප්පන්නාරම්මණාති’පි.
සියා අජ්ඣත්තා, සියා බහිද්ධා, සියා අජ්ඣත්තබහිද්ධා.
සත්තින්ද්රියා අනාරම්මණා. තීණින්ද්රියා බහිද්ධාරම්මණා. චත්තාරින්ද්රියා සියා අජ්ඣත්තාරම්මණා, සියා බහිද්ධාරම්මණා, සියා අජ්ඣත්තබහිද්ධාරම්මණා. අට්ඨින්ද්රියා සියා අජ්ඣත්තාරම්මණා, සියා බහිද්ධාරම්මණා, සියා අජ්ඣත්තබහිද්ධාරම්මණා, සියා න වත්තබ්බා අජ්ඣත්තාරම්මණාති’පි බහිද්ධාරම්මණාති’පි අජ්ඣත්තබහිද්ධාරම්මණාති’පි.
පඤ්චින්ද්රියා අනිදස්සනසප්පටිඝා. සත්තරසින්ද්රියා අනිදස්සන අප්පටිඝා.
334. චත්තාරින්ද්රියා හෙතු. අට්ඨාරසින්ද්රියා න හෙතු.
සත්තින්ද්රියා සහෙතුකා. නවින්ද්රියා අහෙතුකා. ඡ ඉන්ද්රියා සියා සහෙතුකා, සියා අහෙතුකා.
සත්තින්ද්රියා හෙතුසම්පයුත්තා. නවින්ද්රියා හෙතුවිප්පයුත්තා. ඡ ඉන්ද්රියා සියා හෙතුසම්පයුත්තා, සියා හෙතුවිප්පයුත්තා.
චත්තාරින්ද්රියා හෙතූ චෙව සහෙතුකා ච. නවින්ද්රියා න වත්තබ්බා හෙතු චෙව සහෙතුකාති’පි, සහෙතුකා චෙව න ච හෙතූති’පි. තීණින්ද්රියා න වත්තබ්බා හෙතූ චෙව සහෙතුකාති, සහෙතුකා චෙව න ච හෙතූ. ඡ ඉන්ද්රියා න වත්තබ්බා හෙතූ චෙව සහෙතුකාති, සියා සහෙතුකා චෙව න ච හෙතූ, සියා න වත්තබ්බා සහෙතුකා චෙව න ච හෙතූති.
චත්තාරින්ද්රියා හෙතූ චෙව හෙතුසම්පයුත්තා ච. නවින්ද්රියා න වත්තබ්බා හෙතූ චෙව හෙතුසම්පයුත්තාති’පි හෙතුසම්පයුත්තා චෙව න ච හෙතූති’පි. තීණින්ද්රියා න වත්තබ්බා හෙතූ චෙව හෙතුසම්පයුත්තාති, හෙතුසම්පයුත්තා චෙව න ච හෙතූ. ඡ ඉන්ද්රියා න වත්තබ්බා හෙතූ චෙව හෙතුසම්පයුත්තාති, සියා හෙතුසම්පයුත්තා චෙව න ච හෙතූ, සියා න වත්තබ්බා හෙතුසම්පයුත්තා චෙව න ච හෙතූති.
නවින්ද්රියා න හෙතූ අහෙතුකා. තීණින්ද්රියා න හෙතූ සහෙතුකා. චත්තාරින්ද්රියා න වත්තබ්බා න හෙතූ සහෙතුකාති’පි න හෙතූ අහෙතුකාති’පි. ඡ ඉන්ද්රියා සියා න හෙතූ සහෙතුකා, සියා න හෙතූ අහෙතුකා.
335. සප්පච්චයා, සඞ්ඛතා, අනිදස්සනා.
පඤ්චින්ද්රියා සප්පටිඝා. සත්තරසින්ද්රියා අප්පටිඝා.
සත්තින්ද්රියා රූපා. චුද්දසින්ද්රියා අරූපා. ජීවිතින්ද්රියං සියා රූපං, සියා අරූපං.
දසින්ද්රියා ලොකියා. තීණින්ද්රියා ලොකුත්තරා. නවින්ද්රියා සියා ලොකියා, සියා ලොකුත්තරා.
කෙනචි විඤ්ඤෙය්යා කෙනචි න විඤ්ඤෙය්යා.
336. නො ආසවා.
දසින්ද්රියා සාසවා. තීණින්ද්රියා අනාසවා. නවින්ද්රියා සියා සාසවා, සියා අනාසවා.
පණ්ණරසින්ද්රියා ආසවවිප්පයුත්තා. දොමනස්සින්ද්රියං ආසවසම්පයුත්තං. ඡ ඉන්ද්රියා සියා ආසවසම්පයුත්තා, සියා ආසවවිප්පයුත්තා.
දසින්ද්රියා න වත්තබ්බා ආසවා චෙව සාසවාති, සාසවා චෙව නො ච ආසවාති. තීණින්ද්රියා න වත්තබ්බා ආසවා චෙව සාසවාති’පි සාසවා චෙව නො ච ආසවාති’පි. නවින්ද්රියා න වත්තබ්බා ආසවා චෙව සාසවාති, සියා සාසවා චෙව නො ච ආසවා. සියා න වත්තබ්බා සාසවා චෙව නො ච ආසවාති.
පණ්ණරසින්ද්රියා න වත්තබ්බා ආසවා චෙව ආසවසම්පයුත්තා’පි, ආසවසම්පයුත්තා චෙව නො ච ආසවාති’පි. දොමනස්සින්ද්රියං න වත්තබ්බං ආසවො චෙව ආසවසම්පයුත්තන්ති, ආසවසම්පයුත්තං චෙව නො ච ආසවො. ඡ ඉන්ද්රියා න වත්තබ්බා ආසවා චෙව ආසවසම්පයුත්තාති, සියා ආසවසම්පයුත්තා චෙව නො ච ආසවා, සියා න වත්තබ්බා ආසවසම්පයුත්තා චෙව නො ච ආසවාති.
නවින්ද්රියා ආසවවිප්පයුත්තසාසවා. තීණින්ද්රියා ආසවවිප්පයුත්තඅනාසවා. දොමනස්සින්ද්රියං න වත්තබ්බං ආසවවිප්පයුත්තසාසවන්ති’පි ආසවවිප්පයුත්තඅනාසවන්ති’පි. තීණින්ද්රියා සියා ආසවවිප්පයුත්තසාසවා, සියා ආසවවිප්පයුත්තඅනාසවා. ඡ ඉන්ද්රියා සියා ආසවවිප්පයුත්තසාසවා, සියා ආසවවිප්පයුත්තඅනාසවා, සියා න වත්තබ්බා ආසවවිප්පයුත්තසාසවාති’පි ආසවවිප්පයුත්තඅනාසවාති’පි.
337. නො සඤ්ඤොජනා.
දසින්ද්රියා සඤ්ඤොජනියා. තීණින්ද්රියා අසංයොජනියා. නවින්ද්රියා සියා සංයොජනියා, සියා අසංයොජනියා.
පණ්ණරසින්ද්රියා සංයොජනවිප්පයුත්තා. දොමනස්සින්ද්රියං සංයොජනසම්පයුත්තං. ඡ ඉන්ද්රියා සියා සංයොජනසම්පයුත්තා, සියා සංයොජනවිප්පයුත්තා.
දසින්ද්රියා න වත්තබ්බා සංයොජනා චෙව සංයොජනියාති, සංයොජනියා චෙව නො ච සංයොජනා. තීණින්ද්රියා න වත්තබ්බා සඤ්ඤොජනා චෙව සඤ්ඤොජනියාතිපි සඤ්ඤොජනියා චෙව නො ච සංයොජනාතිපි. නවින්ද්රියා න වත්තබ්බා සංයොජනාචෙව සංයොජනියාති, සියා සංයොජනියා චෙව නො ච සංයොජනා, සියා න වත්තබ්බා සංයොජනියා චෙව නො ච සංයොජනාති.
පණ්ණරසින්ද්රියා න වත්තබ්බා සංයොජනාචෙ’ව සංයොජනසම්පයුත්තාති’පි සංයොජනසම්පයුත්තා චෙව නො ච සංයොජනාතිපි. දොමනස්සින්ද්රියං න වත්තබ්බං සංයොජනං චෙව සංයොජනසම්පයුත්තන්ති, සංයොජනසම්පයුත්තං චෙව නො ච සංයොජනං. ඡ ඉන්ද්රියා න වත්තබ්බා සංයොජනා චෙව සඤ්ඤොජනසම්පයුත්තාති, සියා සඤ්ඤොජනසම්පයුත්තා චෙව නො ච සංයොජනා, සියා න වත්තබ්බා සංයොජනසම්පයුත්තා චෙව නො ච සංයොජනාති.
නවින්ද්රියා සංයොජනවිප්පයුත්තසංයොජනියා, තීණින්ද්රියා සංයොජනවිප්පයුත්තඅසංයොජනියා, දොමනස්සින්ද්රියං න වත්තබ්බං සංයොජනවිප්පයුත්තසංයොජනියන්තිපි සංයොජනවිප්පයුත්තඅසංයොජනියන්ති’පි. තීණින්ද්රියා සියා සංයොජනවිප්පයුත්තසංයොජනියා, සියා සංයොජනවිප්පයුත්තඅසංයොජනියා. ඡ ඉන්ද්රියා සියා සංයොජනවිප්පයුත්තසංයොජනියා, සියා සංයොජනවිප්පයුත්තඅසංයොජනියා, සියා න වත්තබ්බා සංයොජනවිප්පයුත්තසංයොජනියාති’පි සඤ්ඤොජනවිප්පයුත්තඅසංයොජනියාති’පි.
338. නො ගන්ථා.
දසින්ද්රියා ගන්ථනීයා. තීණින්ද්රියා අගන්ථනීයා. නවින්ද්රියා සියා ගන්ථනීයා, සියා අගන්ථනීයා.
පණ්ණරසින්ද්රියා ගන්ථවිප්පයුත්තා. දොමනස්සින්ද්රියං ගන්ථසම්පයුත්තං. ඡ ඉන්ද්රියා සියා ගන්ථසම්පයුත්තා, සියා ගන්ථවිප්පයුත්තා.
දසින්ද්රියා න වත්තබ්බා ගන්ථා චෙ’ව ගන්ථනීයාති, ගන්ථනීයා චෙව නො ච ගන්ථා. තීණින්ද්රියා න වත්තබ්බා ගන්ථා චෙව ගන්ථනීයාති’පි ගන්ථනීයා චෙව නො ච ගන්ථා’පි. නවින්ද්රියා න වත්තබ්බා ගන්ථා චෙව ගන්ථනීයාති, සියා ගන්ථනීයා චෙව නො ච ගන්ථා, සියා න වත්තබ්බා ගන්ථනීයා චෙව නො ච ගන්ථාති.
පණ්ණරසින්ද්රියා න වත්තබ්බා ගන්ථා චෙව ගන්ථසම්පයුත්තාති’පි ගන්ථසම්පයුත්තා චෙව නො ච ගන්ථාති’පි. දොමනස්සින්ද්රියං න වත්තබ්බං ගන්ථො චෙව ගන්ථසම්පයුත්තන්ති, ගන්ථසම්පයුත්තං චෙව නො ච ගන්ථො. ඡ ඉන්ද්රියා න වත්තබ්බා ගන්ථා චෙව ගන්ථසම්පයුත්තාති, සියා ගන්ථසම්පයුත්තා චෙව නො ච ගන්ථා, සියා න වත්තබ්බා ගන්ථසම්පයුත්තා චෙව නො ච ගන්ථාති.
නවින්ද්රියා ගන්ථවිප්පයුත්තගන්ථනීයා. තීණින්ද්රියා ගන්ථවිප්පයුත්තඅගන්ථනීයා. දොමනස්සින්ද්රියං න වත්තබ්බං ගන්ථවිප්පයුත්තගන්ථනීයත්ති’පි ගන්ථවිප්පයුත්තඅගන්ථනියන්ති’පි. තීණින්ද්රියා සියා ගන්ථවිප්පයුත්තගන්ථනීයා, සියා ගන්ථවිප්පයුත්තඅගන්ථනීයා, ඡ ඉන්ද්රියා සියා ගන්ථවිප්පයුත්තගන්ථනීයා සියා ගන්ථවිප්පයුත්තඅගන්ථනීයා, සියා න වත්තබ්බා ගන්ථවිප්පයුත්තගන්ථනීයාති’පි ගන්ථවිප්පයුත්තඅගන්ථනීයාති’පි.
339-341. නො ඔඝා -පෙ- නො යොගා -පෙ- නො නීවරණා
දසින්ද්රියා නීවරණියා, තීණින්ද්රියා අනීවරණියා, නවින්ද්රියා සියා නීවරණියා, සියා අනීවරණියා.
පණ්ණරසින්ද්රියා නීවරණවිප්පයුත්තා. දොමනස්සින්ද්රියං නීවරණසම්පයුත්තං. ඡ ඉන්ද්රියා සියා නීවරණසම්පයුත්තා සියා නීවරණවිප්පයුත්තා.
දසින්ද්රියා න වත්තබ්බා නීවරණා චෙව නීවරණියාති, නීවරණියා චෙව නො ච නීවරණා. තීණින්ද්රියා න වත්තබ්බා නීවරණා චෙව නීවණියාති’පි නීවරණියා චෙව නො ච නීවරණාති’පි. නවින්ද්රියා න වත්තබ්බා නීවරණා චෙව නීවරණියාති. සියා නීවරණියා චෙව නො ච නීවරණා, සියා න වත්තබ්බා නීවරණියා චෙව නො ච නීවරණාති.
පණ්ණරසින්ද්රියා න වත්තබ්බා නීවරණා චෙව නීවරණසම්පයුත්තාති’පි නීවරණසම්පයුත්තා චෙව නො ච නීවරණාති’පි. දොමනස්සින්ද්රියං න වත්තබ්බං නීවරණං චෙව නීවරණසම්පයුත්තන්ති, නීවරණසම්පයුත්තං චෙව නො ච නීවරණං. ඡ ඉන්ද්රියා න වත්තබ්බා නීවරණා චෙව නීවරණසම්පයුත්තාති, සියා නීවරණසම්පයුත්තා චෙව නො ච නීවරණා, සියා න වත්තබ්බා නීවරණසම්පයුත්තා චෙව නො ච නීවරණාති.
නවින්ද්රියා නීවරණවිප්පයුත්තනීවරණියා. තීණින්ද්රියා නීවරණවිප්පයුත්තඅනීවරණියා. දොමනස්සින්ද්රියං න වත්තබ්බං නීවරණවිප්පයුත්තනීවරණියන්ති’පි, නීවරණවිප්පයුත්තඅනීවරණියන්ති’පි. තීණින්ද්රියා සියා නීවරණවිප්පයුත්තනීවරණියා, සියා නීවරණවිප්පයුත්තඅනීවරණියා. ඡ ඉන්ද්රියා සියා නීවරණවිප්පයුත්තනීවරණියා, සියා නීවරණවිප්පයුත්තඅනීවරණියා, සියා න වත්තබ්බා නීවරණවිප්පයුත්තනීවරණියාති’පි නීවරණවිප්පයුත්තඅනීවරණියාති’පි.
342. නො පරාමාසා.
දසින්ද්රියා පරාමට්ඨා. තීණින්ද්රියා අපරාමට්ඨා. නවින්ද්රියා සියා පරාමට්ඨා, සියා අපරාමට්ඨා.
සොළසින්ද්රියා පරාමාසවිප්පයුත්තා. ඡ ඉන්ද්රියා සියා පරාමාසසම්පයුත්තා, සියා පරාමාසවිප්පයුත්තා.
දසින්ද්රියා න වත්තබ්බා පරාමාසා චෙව පරාමට්ඨාති, පරාමට්ඨා චෙව නො ච පරාමාසා. තීණින්ද්රියා න වත්තබ්බා පරාමාසා චෙව පරාමට්ඨාති’පි, පරාමට්ඨා චෙව නො ච පරාමාසාති’පි. නවින්ද්රියා න වත්තබ්බා පරාමාසා චෙව පරාමට්ඨාති, සියා පරාමට්ඨා චෙව නො ච පරාමාසා, සියා න වත්තබ්බා පරාමට්ඨා චෙව නො ච පරාමාසාති.
දසින්ද්රියා පරාමාසවිප්පයුත්තපරාමට්ඨා. තීණින්ද්රියා පරාමාසවිප්පයුත්තඅපරාමට්ඨා, තීණින්ද්රියා සියා පරාමාසවිප්පයුත්තපරාමට්ඨා සියා පරාමාසවිප්පයුත්තඅපරාමට්ඨා. ඡ ඉන්ද්රියා සියා පරාමාසවිප්පයුත්තපරාමට්ඨා, සියා පරාමාසවිප්පයුත්තඅපරාමට්ඨා, සියා න වත්තබ්බා පරාමාසවිප්පයුත්තපරාමට්ඨාති’පි පරාමාසවිප්පයුත්තඅපරාමට්ඨාති’පි.
343. සත්තින්ද්රියා අනාරම්මණා. චුද්දසින්ද්රියා සාරම්මණා. ජීවිතින්ද්රියං සියා සාරම්මණං, සියා අනාරම්මණං.
එකවීසතින්ද්රියා නො චිත්තා. මනින්ද්රියං චිත්තං.
තෙරසින්ද්රියා චෙතසිකා. අට්ඨින්ද්රියා අචෙතසිකා. ජීවිතින්ද්රියං සියා චෙතසිකං, සියා අචෙතසිකං.
තෙරසින්ද්රියා චිත්තසම්පයුත්තා. සත්තින්ද්රියා චිත්තවිප්පයුත්තා. ජීවිතින්ද්රියං සියා චිත්තසම්පයුත්තං, සියා චිත්තවිප්පයුත්තං. මනින්ද්රියං න වත්තබ්බං චිත්තෙන සම්පයුත්තන්ති’පි චිත්තෙන විප්පයුත්තන්ති’පි.
තෙරසින්ද්රියා චිත්තසංසට්ඨා. සත්තින්ද්රියා චිත්තවිසංසට්ඨා. ජීවිතින්ද්රියං සියා චිත්තසංසට්ඨං, සියා චිත්තවිසංසට්ඨං. මනින්ද්රියං න වත්තබ්බං චිත්තෙන සංසට්ඨන්ති’පි චිත්තෙන විසංසට්ඨන්ති’පි.
තෙරසින්ද්රියා චිත්තසමුට්ඨානා. අට්ඨින්ද්රියා නො චිත්තසමුට්ඨානා. ජීවිතින්ද්රියං සියා චිත්තසමුට්ඨානං, සියා නො චිත්තසමුට්ඨානං.
තෙරසින්ද්රියා චිත්තසහභුනො. අට්ඨින්ද්රියා නො චිත්තසහභුනො. ජීවිතින්ද්රියං සියා චිත්තසහභූ සියා නො චිත්තසහභූ.
තෙරසින්ද්රියා චිත්තානුපරිවත්තිනො. අට්ඨින්ද්රියා නො චිත්තානුපරිවත්තිනො. ජීවිතින්ද්රියං සියා චිත්තානුපරිවත්ති, සියා නො චිත්තානුපරිවත්ති.
තෙරසින්ද්රියා චිත්තසංසට්ඨසමුට්ඨානා. අට්ඨින්ද්රියා නො චිත්තසංසට්ඨසමුට්ඨානා. ජීවිතින්ද්රියං සියා චිත්තසංසට්ඨසමුට්ඨානං, සියා නො චිත්තසංසට්ඨසමුට්ඨානං.
තෙරසින්ද්රියා චිත්තසංසට්ඨසමුට්ඨානසහභුනො. අට්ඨින්ද්රියා නො චිත්තසංසට්ඨසමුට්ඨානසහභුනො. ජීවිතින්ද්රියං සියා චිත්තසංසට්ඨසමුට්ඨානසහභූ, සියා නො චිත්තසංසට්ඨසමුට්ඨානසහභූ.
තෙරසින්ද්රියා චිත්තසංසට්ඨසමුට්ඨානානුපරිවත්තිනො. අට්ඨින්ද්රියා නො චිත්තසංසට්ඨසමුට්ඨානානුපරිවත්තිනො. ජීවිතින්ද්රියං සියා චිත්තසංසට්ඨසමුට්ඨානානුපරිවත්ති, සියා නො චිත්තසංසට්ඨසමුට්ඨානානුපරිවත්ති.
ඡ ඉන්ද්රියා අජ්ඣත්තිකා. සොළසින්ද්රියා බාහිරා.
සත්තින්ද්රියා උපාදා. චුද්දසින්ද්රියා නො උපාදා. ජීවිතින්ද්රියං සියා උපාදා, සියා නොඋපාදා.
නවින්ද්රියා උපාදින්නා. චත්තාරින්ද්රියා අනුපාදින්නා. නවින්ද්රියා සියා උපාදින්නා, සියා අනුපාදින්නා.
344. නො උපාදානා.
දසින්ද්රියා උපාදානියා. තීණින්ද්රියා අනුපාදානියා. නවින්ද්රියා සියා උපාදානියා, සියා අනුපාදානියා.
සොළසින්ද්රියා උපාදානවිප්පයුත්තා, ඡ ඉන්ද්රියා සියා උපාදානසම්පයුත්තා සියා උපාදානවිප්පයුත්තා.
දසින්ද්රියා න වත්තබ්බා උපාදානා චෙව උපාදානියාති, උපාදානියා චෙව නො ච උපාදානා. තීණින්ද්රියා න වත්තබ්බා උපාදානා චෙව උපාදානියාති’පි, උපාදානියා චෙව නො ච උපාදානාති’පි. නවින්ද්රියා න වත්තබ්බා උපාදානා චෙව උපාදානියාති, සියා උපාදානියා චෙව නො ච උපාදානා, සියා න වත්තබ්බා උපාදානියා චෙව නො ච උපාදානාති.
සොළසින්ද්රියා න වත්තබ්බා උපාදානා චෙව උපාදානසම්පයුත්තාති’පි උපාදානසම්පයුත්තා චෙව නො ච උපාදානාති’පි. ඡ ඉන්ද්රියා න වත්තබ්බා උපාදානා චෙව උපාදානසම්පයුත්තාති, සියා උපාදානසම්පයුත්තා චෙව නො ච උපාදානා, සියා න වත්තබ්බා උපාදානසම්පයුත්තා චෙව නො ච උපාදානාති.
දසින්ද්රියා උපාදානවිප්පයුත්තඋපාදානියා. තීණින්ද්රියා උපාදානවිප්පයුත්තඅනුපාදානියා. තීණින්ද්රියා සියා උපාදානවිප්පයුත්තඋපාදානියා, සියා උපාදානවිප්පයුත්තඅනුපාදානියා. ඡ ඉන්ද්රියා සියා උපාදානවිප්පයුත්තඋපාදානියා, සියා උපාදානවිප්පයුත්තඅනුපාදානියා, සියා න වත්තබ්බා උපාදානවිප්පයුත්තඋපාදානියාති’පි උපාදානවිප්පයුත්තඅනුපාදානියාති’පි.
345. නො කිලෙසා.
දසින්ද්රියා සංකිලෙසිකා, තීණින්ද්රියා අසංකිලෙසිකා, නවින්ද්රියා සියා සංකිලෙසිකා, සියා අසංකිලෙසිකා.
පණ්ණරසින්ද්රියා අසංකිලිට්ඨා, දොමනස්සින්ද්රියං සංකිලිට්ඨං, ඡ ඉන්ද්රියා සියා සංකිලිට්ඨා සියා අසංකිලිට්ඨා.
පණ්ණරසින්ද්රියා කිලෙසවිප්පයුත්තා, දොමනස්සින්ද්රියං කිලෙසම්පයුත්තං, ඡ ඉන්ද්රියා සියා කිලෙසසම්පයුත්තා, සියා කිලෙසවිප්පයුත්තා.
දසින්ද්රියා න වත්තබ්බා කිලෙසා චෙව සංකිලෙසිකාති, සංකිලෙසිකා චෙව නො ච කිලෙසා. තීණින්ද්රියා න වත්තබ්බා කිලෙසා චෙව සංකිලෙසිකාති’පි සංකිලෙසිකා චෙව නො ච කිලෙසාති’පි. නවින්ද්රියා න වත්තබ්බා කිලෙසා චෙව සංකිලෙසිකාති, සියා සංකිලෙසිකා චෙව නො ච කිලෙසා සියා න වත්තබ්බා සංකිලෙසිකා චෙව නො ච කිලෙසාති.
පණ්ණරසින්ද්රියා න වත්තබ්බා කිලෙසා චෙව සංකිලිට්ඨාති’පි සංකිලිට්ඨා චෙව නො ච කිලෙසාති’පි. දොමනස්සින්ද්රියං න වත්තබ්බං කිලෙසො චෙව සංකිලිට්ඨන්ති, සංකිලිට්ඨඤ්චෙව නො ච කිලෙසො. ඡ ඉන්ද්රියා න වත්තබ්බා කිලෙසා චෙව සංකිලිට්ඨාති, සියා සංකිලිට්ඨා චෙව නො ච කිලෙසා. සියා න වත්තබ්බා සංකිලිට්ඨා චෙව නො ච කිලෙසාති.
පණ්ණරසින්ද්රියා න වත්තබ්බා කිලෙසා චෙව කිලෙසසම්පයුත්තාති’පි කිලෙසසම්පයුත්තා චෙව නො ච කිලෙසාති’පි. දොමනස්සින්ද්රියං න වත්තබ්බං කිලෙසො චෙව කිලෙසසම්පයුත්තන්ති, කිලෙසසම්පයුත්තං චෙව නො ච කිලෙසො. ඡ ඉන්ද්රියා න වත්තබ්බා කිලෙසා චෙව කිලෙසසම්පයුත්තාති, සියා කිලෙසසම්පයුත්තා චෙව නො ච කිලෙසා, සියා න වත්තබ්බා කිලෙසසම්පයුත්තා චෙව නො ච කිලෙසාති.
නවින්ද්රියා කිලෙසවිප්පයුත්තසංකිලෙසිකා. තීණින්ද්රියා කිලෙසවිප්පයුත්තඅසංකිලෙසිකා. දොමනස්සිඉන්ද්රියං න වත්තබ්බං කිලෙසවිප්පයුත්තසංකිලෙසිකන්ති’පි. තීණින්ද්රියා සියා කිලෙසවිප්පයුත්තසඞ්කිලෙසිකා, සියා කිලෙසවිප්පයුත්තඅසංකිලෙසිකා. ඡ ඉන්ද්රියා සියා කිලෙසවිප්පයුත්තසංකිලෙසිකා, සියා කිලෙසවිප්පයුත්තඅසංකිලෙසිකා, සියා න වත්තබ්බා කිලෙසවිප්පයුත්තසඞ්කිලෙසිකාති’පි කිලෙසවිප්පයුත්තඅසඞ්කිලෙසිකාති’පි.
346. පණ්ණරසින්ද්රියා න දස්සනෙන පහාතබ්බා. සත්තින්ද්රියා සියා දස්සනෙන පහාතබ්බා සියා න දස්සනෙන පහාතබ්බා.
පණ්ණරසින්ද්රියා න භාවනාය පහාතබ්බා. සත්තින්ද්රියා සියා භාවනාය පහාතබ්බා, සියා න භාවනාය පහාතබ්බා.
පණ්ණරසින්ද්රියා න දස්සනෙන පහාතබ්බහෙතුකා. සත්තින්ද්රියා සියා දස්සනෙන පහාතබ්බහෙතුකා, සියා න දස්සනෙන පහාතබ්බහෙතුකා.
පණ්ණරසින්ද්රියා න භාවනාය පහාතබ්බහෙතුකා. සත්තින්ද්රියා සියා භාවනාය පහාතබ්බහෙතුකා, සියා න භාවනායපහාතබ්බහෙතුකා.
නවින්ද්රියා අවිතක්කා. දොමනස්සින්ද්රියං සවිතක්කං. ද්වාදසින්ද්රියා සියා සවිතක්කා, සියා අවිතක්කා.
නවින්ද්රියා අවිචාරා. දොමනස්සින්ද්රියං සවිචාරං. ද්වාදසින්ද්රියා සියා සවිචාරා, සියා අවිචාරා.
එකාදසින්ද්රියා අප්පීතිකා. එකාදසින්ද්රියා සියා සප්පීතිකා සියා අප්පීතිකා.
එකාදසින්ද්රියා න පීතිසහගතා. එකාදසින්ද්රියා සියා පීතිසහගතා, සියා න පීතිසහගතා.
ද්වාදසින්ද්රියා න සුඛසහගතා. දසින්ද්රියා සියා සුඛසහගතා, සියා න සුඛසහගතා.
ද්වාසින්ද්රියා න උපෙක්ඛාසහගතා. දසින්ද්රියා සියා උපෙක්ඛාසහගතා සියා න උපෙක්ඛාසහගතා.
දසින්ද්රියා කාමාවචරා. තීණින්ද්රියා න කාමාවචරා. නවින්ද්රියා සියා කාමාවචරා, සියා න කාමාවචරා.
තෙරසින්ද්රියා න රූපාවචරා. නවින්ද්රියා සියා රූපාවචරා, සියා න රූපාවචරා.
චුද්දසින්ද්රියා අරූපාවචරා. අට්ඨින්ද්රියා සියා අරූපාවචරා සියා න අරූපාවචරා,
දසින්ද්රියා පරියාපන්නා. තීණින්ද්රියා අපරියාපන්නා. නවින්ද්රියා සියා පරියාපන්නා සියා අපරියාපන්නා.