Abyākataṁ dhammaṁ paccayā kusalo dhammo uppajjati sahajātapaccayā—vatthuṁ paccayā kusalā khandhā.
Yathā hetupaccayaṁ, evaṁ vitthāretabbaṁ.
Aññamañña
Kusalaṁ dhammaṁ paccayā kusalo dhammo uppajjati aññamaññapaccayā … ekaṁ.
Akusalaṁ dhammaṁ paccayā akusalo dhammo uppajjati aññamaññapaccayā … ekaṁ.
Abyākataṁ dhammaṁ paccayā abyākato dhammo uppajjati aññamaññapaccayā— vipākābyākataṁ kiriyābyākataṁ ekaṁ khandhaṁ paccayā tayo khandhā …pe… dve khandhe paccayā dve khandhā; paṭisandhikkhaṇe vipākābyākataṁ ekaṁ khandhaṁ paccayā tayo khandhā vatthu ca …pe… dve khandhe paccayā dve khandhā vatthu ca, khandhe paccayā vatthu, vatthuṁ paccayā khandhā; ekaṁ mahābhūtaṁ paccayā tayo mahābhūtā …pe… dve mahābhūte paccayā dve mahābhūtā; bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ ekaṁ mahābhūtaṁ paccayā tayo mahābhūtā …pe… dve mahābhūte paccayā dve mahābhūtā, cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā kiriyābyākatā khandhā.
Abyākataṁ dhammaṁ paccayā kusalo dhammo uppajjati aññamaññapaccayā—vatthuṁ paccayā kusalā khandhā.
Yathā ārammaṇapaccayaṁ, evaṁ vitthāretabbaṁ.
Nissaya
Kusalaṁ dhammaṁ paccayā kusalo dhammo uppajjati nissayapaccayā—kusalaṁ ekaṁ khandhaṁ paccayā tayo khandhā.
Yathā sahajātapaccayaṁ, evaṁ vitthāretabbaṁ.
Upanissaya
Kusalaṁ dhammaṁ paccayā kusalo dhammo uppajjati upanissayapaccayā—kusalaṁ ekaṁ khandhaṁ paccayā. (Ārammaṇapaccayasadisaṁ.)
Purejāta
Kusalaṁ dhammaṁ paccayā kusalo dhammo uppajjati purejātapaccayā—kusalaṁ ekaṁ khandhaṁ paccayā tayo khandhā …pe… dve khandhe paccayā dve khandhā. Vatthuṁ purejātapaccayā.
Akusalaṁ dhammaṁ paccayā akusalo dhammo uppajjati purejātapaccayā—akusalaṁ ekaṁ khandhaṁ paccayā tayo khandhā …pe… dve khandhe paccayā dve khandhā. Vatthuṁ purejātapaccayā.
Abyākataṁ dhammaṁ paccayā abyākato dhammo uppajjati purejātapaccayā— vipākābyākataṁ kiriyābyākataṁ ekaṁ khandhaṁ paccayā tayo khandhā …pe… dve khandhe paccayā dve khandhā, vatthuṁ purejātapaccayā, cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā kiriyābyākatā khandhā, vatthuṁ purejātapaccayā.
Abyākataṁ dhammaṁ paccayā kusalo dhammo uppajjati purejātapaccayā—vatthuṁ paccayā kusalā khandhā, vatthuṁ purejātapaccayā.
Abyākataṁ dhammaṁ paccayā akusalo dhammo uppajjati purejātapaccayā—vatthuṁ paccayā akusalā khandhā, vatthuṁ purejātapaccayā.
Kusalañca abyākatañca dhammaṁ paccayā kusalo dhammo uppajjati purejātapaccayā— kusalaṁ ekaṁ khandhañca vatthuñca paccayā tayo khandhā …pe… dve khandhe ca vatthuñca paccayā dve khandhā, vatthuṁ purejātapaccayā.
Akusalañca abyākatañca dhammaṁ paccayā akusalo dhammo uppajjati purejātapaccayā—akusalaṁ ekaṁ khandhañca vatthuñca paccayā tayo khandhā …pe… dve khandhe ca vatthuñca paccayā dve khandhā, vatthuṁ purejātapaccayā.
Āsevana
Kusalaṁ dhammaṁ paccayā kusalo dhammo uppajjati āsevanapaccayā—kusalaṁ ekaṁ khandhaṁ paccayā …pe….
Akusalaṁ dhammaṁ paccayā akusalo dhammo uppajjati āsevanapaccayā—akusalaṁ ekaṁ khandhaṁ paccayā …pe….
Abyākataṁ dhammaṁ paccayā abyākato dhammo uppajjati āsevanapaccayā— kiriyābyākataṁ ekaṁ khandhaṁ paccayā tayo khandhā, tayo khandhe paccayā eko khandho, dve khandhe paccayā dve khandhā, vatthuṁ paccayā kiriyābyākatā khandhā.
Abyākataṁ dhammaṁ paccayā kusalo dhammo uppajjati āsevanapaccayā—vatthuṁ paccayā kusalā khandhā.
Abyākataṁ dhammaṁ paccayā akusalo dhammo uppajjati āsevanapaccayā—vatthuṁ paccayā akusalā khandhā.
Kusalañca abyākatañca dhammaṁ paccayā …pe….
Akusalañca abyākatañca dhammaṁ paccayā akusalo dhammo uppajjati āsevanapaccayā—akusalaṁ ekaṁ khandhañca vatthuñca paccayā tayo khandhā …pe….
Kamma
Kusalaṁ dhammaṁ paccayā kusalo dhammo uppajjati kammapaccayā—kusalaṁ ekaṁ khandhaṁ paccayā … tīṇi.
Akusalaṁ dhammaṁ paccayā akusalo dhammo uppajjati kammapaccayā … tīṇi.
Abyākataṁ dhammaṁ paccayā abyākato dhammo uppajjati kammapaccayā— vipākābyākataṁ kiriyābyākataṁ ekaṁ khandhaṁ paccayā …pe… paṭisandhikkhaṇe …pe… ekaṁ mahābhūtaṁ paccayā …pe… asaññasattānaṁ ekaṁ mahābhūtaṁ paccayā …pe… mahābhūte paccayā kaṭattārūpaṁ upādārūpaṁ, cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā kiriyābyākatā khandhā.
Abyākataṁ dhammaṁ paccayā kusalo dhammo uppajjati kammapaccayā—vatthuṁ paccayā kusalā khandhā.
Abyākataṁ dhammaṁ paccayā akusalo dhammo uppajjati kammapaccayā—vatthuṁ paccayā akusalā khandhā …pe….
Kusalañca abyākatañca dhammaṁ paccayā kusalo dhammo …pe… abyākato dhammo …pe… kusalo ca abyākato ca dhammā uppajjanti kammapaccayā …pe….
Akusalañca abyākatañca dhammaṁ paccayā akusalo dhammo …pe… abyākato dhammo …pe… akusalo ca abyākato ca dhammā uppajjanti kammapaccayā, akusalaṁ ekaṁ khandhañca vatthuñca paccayā …pe… akusale khandhe ca mahābhūte ca paccayā cittasamuṭṭhānaṁ rūpaṁ.
Vipāka
Abyākataṁ dhammaṁ paccayā abyākato dhammo uppajjati vipākapaccayā. Vipākābyākataṁ ekaṁ khandhaṁ paccayā …pe… paṭisandhikkhaṇe …pe… ekaṁ mahābhūtaṁ paccayā …pe… cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā khandhā.
Āhāra
Kusalaṁ dhammaṁ paccayā kusalo dhammo uppajjati āhārapaccayā—kusalaṁ ekaṁ khandhaṁ paccayā … tīṇi.
Akusalaṁ dhammaṁ paccayā … tīṇi.
Abyākataṁ dhammaṁ paccayā abyākato dhammo uppajjati āhārapaccayā …pe… paṭisandhikkhaṇe …pe… āhārasamuṭṭhānaṁ ekaṁ mahābhūtaṁ …pe… cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā kiriyābyākatā khandhā. (Paripuṇṇaṁ.)
Indriya
Kusalaṁ dhammaṁ paccayā kusalo dhammo uppajjati indriyapaccayā …pe… asaññasattānaṁ ekaṁ mahābhūtaṁ paccayā …pe… cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ, vatthuṁ paccayā vipākābyākatā kiriyābyākatā khandhā.
Indriyapaccayā yathā kammapaccayā, evaṁ vitthāretabbaṁ.
Jhāna-magga
Kusalaṁ dhammaṁ paccayā kusalo dhammo uppajjati jhānapaccayā …pe… maggapaccayā.
(Jhānapaccayāpi maggapaccayāpi yathā hetupaccayā, evaṁ vitthāretabbaṁ.)
Sampayutta
Kusalaṁ dhammaṁ paccayā kusalo dhammo uppajjati sampayuttapaccayā. (Ārammaṇapaccayasadisaṁ.)
Vippayutta
Kusalaṁ dhammaṁ paccayā kusalo dhammo uppajjati vippayuttapaccayā—kusalaṁ ekaṁ khandhaṁ paccayā tayo khandhā …pe… dve khandhe paccayā dve khandhā, vatthuṁ vippayuttapaccayā. Kusalaṁ dhammaṁ paccayā abyākato dhammo uppajjati vippayuttapaccayā—kusale khandhe paccayā cittasamuṭṭhānaṁ rūpaṁ, khandhe vippayuttapaccayā, kusalaṁ dhammaṁ paccayā kusalo ca abyākato ca dhammā uppajjanti vippayuttapaccayā—kusalaṁ ekaṁ khandhaṁ paccayā tayo khandhā cittasamuṭṭhānañca rūpaṁ …pe… dve khandhe paccayā dve khandhā cittasamuṭṭhānañca rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā.
Akusalaṁ dhammaṁ paccayā akusalo dhammo uppajjati vippayuttapaccayā—akusalaṁ ekaṁ khandhaṁ paccayā tayo khandhā …pe… dve khandhe paccayā dve khandhā, vatthuṁ vippayuttapaccayā. Akusalaṁ dhammaṁ paccayā abyākato dhammo uppajjati vippayuttapaccayā—akusale khandhe paccayā cittasamuṭṭhānaṁ rūpaṁ, khandhe vippayuttapaccayā. Akusalaṁ dhammaṁ paccayā akusalo ca abyākato ca dhammā uppajjanti vippayuttapaccayā—akusalaṁ ekaṁ khandhaṁ paccayā tayo khandhā cittasamuṭṭhānañca rūpaṁ …pe… dve khandhe paccayā dve khandhā cittasamuṭṭhānañca rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā.
Abyākataṁ dhammaṁ paccayā abyākato dhammo uppajjati vippayuttapaccayā— vipākābyākataṁ kiriyābyākataṁ ekaṁ khandhaṁ paccayā tayo khandhā cittasamuṭṭhānañca rūpaṁ …pe… dve khandhe paccayā dve khandhā cittasamuṭṭhānañca rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā, paṭisandhikkhaṇe vipākābyākataṁ ekaṁ khandhaṁ paccayā tayo khandhā kaṭattā ca rūpaṁ …pe… dve khandhe paccayā dve khandhā kaṭattā ca rūpaṁ, khandhā vatthuṁ vippayuttapaccayā, kaṭattārūpaṁ khandhe vippayuttapaccayā, khandhe paccayā vatthu, vatthuṁ paccayā khandhā, khandhā vatthuṁ vippayuttapaccayā, vatthu khandhe vippayuttapaccayā; ekaṁ mahābhūtaṁ paccayā …pe… mahābhūte paccayā cittasamuṭṭhānaṁ rūpaṁ kaṭattārūpaṁ upādārūpaṁ khandhe vippayuttapaccayā; cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ; vatthuṁ paccayā vipākābyākatā kiriyābyākatā khandhā, vatthuṁ vippayuttapaccayā.
Abyākataṁ dhammaṁ paccayā kusalo dhammo uppajjati vippayuttapaccayā—vatthuṁ paccayā kusalā khandhā, vatthuṁ vippayuttapaccayā.
Abyākataṁ dhammaṁ paccayā akusalo dhammo uppajjati vippayuttapaccayā—vatthuṁ paccayā akusalā khandhā, vatthuṁ vippayuttapaccayā.
Abyākataṁ dhammaṁ paccayā kusalo ca abyākato ca dhammā uppajjanti vippayuttapaccayā—vatthuṁ paccayā kusalā khandhā, mahābhūte paccayā cittasamuṭṭhānaṁ rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā.
Abyākataṁ dhammaṁ paccayā akusalo ca abyākato ca dhammā uppajjanti vippayuttapaccayā—vatthuṁ paccayā akusalā khandhā, mahābhūte paccayā cittasamuṭṭhānaṁ rūpaṁ, khandhā vatthuṁ vippayuttapaccayā. Cittasamuṭṭhānaṁ rūpaṁ khandhe vippayuttapaccayā.
Kusalañca abyākatañca dhammaṁ paccayā kusalo dhammo uppajjati vippayuttapaccayā—kusalaṁ ekaṁ khandhañca vatthuñca paccayā tayo khandhā, tayo khandhe ca vatthuñca paccayā eko khandho, dve khandhe ca vatthuñca paccayā dve khandhā, vatthuṁ vippayuttapaccayā. Kusalañca abyākatañca dhammaṁ paccayā abyākato dhammo uppajjati vippayuttapaccayā—kusale khandhe ca mahābhūte ca paccayā cittasamuṭṭhānaṁ rūpaṁ, khandhe vippayuttapaccayā. Kusalañca abyākatañca dhammaṁ paccayā kusalo ca abyākato ca dhammā uppajjanti vippayuttapaccayā—kusalaṁ ekaṁ khandhañca vatthuñca paccayā tayo khandhā, tayo khandhe ca vatthuñca paccayā eko khandho, dve khandhe ca vatthuñca paccayā dve khandhā, kusale khandhe ca mahābhūte ca paccayā cittasamuṭṭhānaṁ rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā.
Akusalañca abyākatañca dhammaṁ paccayā akusalo dhammo uppajjati vippayuttapaccayā—akusalaṁ ekaṁ khandhañca vatthuñca paccayā tayo khandhā …pe… dve khandhe ca vatthuñca paccayā dve khandhā, vatthuṁ vippayuttapaccayā. Akusalañca abyākatañca dhammaṁ paccayā abyākato dhammo uppajjati vippayuttapaccayā—akusale khandhe ca mahābhūte ca paccayā cittasamuṭṭhānaṁ rūpaṁ, khandhe vippayuttapaccayā. Akusalañca abyākatañca dhammaṁ paccayā akusalo ca abyākato ca dhammā uppajjanti vippayuttapaccayā— akusalaṁ ekaṁ khandhañca vatthuñca paccayā tayo khandhā …pe… dve khandhā, akusale khandhe ca mahābhūte ca paccayā cittasamuṭṭhānaṁ rūpaṁ, khandhā vatthuṁ vippayuttapaccayā, cittasamuṭṭhānaṁ rūpaṁ khandhe vippayuttapaccayā.
Atthyādi
Kusalaṁ dhammaṁ paccayā kusalo dhammo uppajjati atthipaccayā …pe…. (Atthipaccayā sahajātapaccayasadisaṁ kātabbaṁ. Natthipaccayā vigatapaccayā ārammaṇapaccayasadisaṁ, avigatapaccayā sahajātapaccayasadisaṁ.)
Saṅkhyāvāra
Suddha
Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane satta, kamme sattarasa, vipāke ekaṁ, āhāre sattarasa, indriye sattarasa, jhāne sattarasa, magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa.
Hetuduka
Hetupaccayā ārammaṇe satta, adhipatiyā sattarasa, anantare satta, samanantare satta, sahajāte sattarasa …pe… avigate sattarasa.
Tika
Hetupaccayā ārammaṇapaccayā adhipatiyā satta (sabbattha satta) vipāke ekaṁ, avigate satta …pe….
Dvādasaka (sāsevana)
Hetupaccayā ārammaṇapaccayā adhipatipaccayā anantarapaccayā samanantarapaccayā sahajātapaccayā aññamaññapaccayā nissayapaccayā upanissayapaccayā purejātapaccayā āsevanapaccayā kamme satta, āhāre satta …pe… avigate satta …pe…
Bāvīsaka (sāsevana)
Hetupaccayā ārammaṇapaccayā …pe… purejātapaccayā āsevanapaccayā kammapaccayā āhārapaccayā …pe… vigatapaccayā avigate satta.
Terasaka (savipāka)
Hetupaccayā ārammaṇapaccayā …pe… purejātapaccayā kammapaccayā vipākapaccayā āhāre ekaṁ …pe… avigate ekaṁ.
Bāvīsaka (savipāka)
Hetupaccayā ārammaṇapaccayā …pe… purejātapaccayā kammapaccayā vipākapaccayā āhārapaccayā …pe… vigatapaccayā avigate ekaṁ. Hetumūlakaṁ.
Ārammaṇaduka
Ārammaṇapaccayā hetuyā satta, adhipatiyā satta …pe…
Ārammaṇamūlakaṁ yathā hetumūlakaṁ, evaṁ vitthāretabbaṁ.
Adhipatiduka
Adhipatipaccayā hetuyā sattarasa …pe….
Anantara-samanantaraduka
Anantarapaccayā samanantarapaccayā hetuyā satta …pe….
Sahajātadukādi
Sahajātapaccayā …pe… aññamaññapaccayā … nissayapaccayā … upanissayapaccayā … purejātapaccayā …pe….
Āsevanapaccayā hetuyā satta, ārammaṇe satta, adhipatiyā satta, anantare satta, samanantare satta, sahajāte satta, aññamaññe satta, nissaye satta, upanissaye satta, purejāte satta, kamme satta, āhāre satta, indriye satta, jhāne satta, magge satta, sampayutte satta, vippayutte satta, atthiyā satta, natthiyā satta, vigate satta, avigate satta …pe….
Kamma-vipākaduka
Kammapaccayā …pe… vipākapaccayā hetuyā ekaṁ, ārammaṇe ekaṁ, adhipatiyā ekaṁ, anantare ekaṁ, samanantare ekaṁ, sahajāte ekaṁ, aññamaññe ekaṁ, nissaye ekaṁ, upanissaye ekaṁ, purejāte ekaṁ, kamme ekaṁ, āhāre ekaṁ, indriye ekaṁ, jhāne ekaṁ, magge ekaṁ, sampayutte ekaṁ, vippayutte ekaṁ, atthiyā ekaṁ, natthiyā ekaṁ, vigate ekaṁ, avigate ekaṁ …pe….
Āhāradukādi
Āhārapaccayā …pe… indriyapaccayā … jhānapaccayā … maggapaccayā … sampayuttapaccayā … vippayuttapaccayā … atthipaccayā natthipaccayā … vigatapaccayā …pe….
Avigatapaccayā hetuyā sattarasa, ārammaṇe satta …pe… vigate satta.
Paccayavāre anulomaṁ.
1.2.3.2. Paccayapaccanīya
Vibhaṅgavāra
Nahetu
Akusalaṁ dhammaṁ paccayā akusalo dhammo uppajjati na hetupaccayā— vicikicchāsahagate uddhaccasahagate khandhe paccayā vicikicchāsahagato uddhaccasahagato moho.
Abyākataṁ dhammaṁ paccayā abyākato dhammo uppajjati nahetupaccayā—ahetukaṁ vipākābyākataṁ kiriyābyākataṁ ekaṁ khandhaṁ paccayā tayo khandhā cittasamuṭṭhānañca rūpaṁ …pe… dve khandhe paccayā dve khandhā cittasamuṭṭhānañca rūpaṁ; ahetukapaṭisandhikkhaṇe vipākābyākataṁ ekaṁ khandhaṁ paccayā tayo khandhā kaṭattā ca rūpaṁ …pe… dve khandhe paccayā dve khandhā kaṭattā ca rūpaṁ; khandhe paccayā vatthu, vatthuṁ paccayā khandhā; ekaṁ mahābhūtaṁ paccayā tayo mahābhūtā …pe… mahābhūte paccayā cittasamuṭṭhānaṁ rūpaṁ kaṭattārūpaṁ upādārūpaṁ; bāhiraṁ … āhārasamuṭṭhānaṁ … utusamuṭṭhānaṁ … asaññasattānaṁ ekaṁ mahābhūtaṁ paccayā tayo mahābhūtā …pe… mahābhūte paccayā kaṭattārūpaṁ upādārūpaṁ. Cakkhāyatanaṁ paccayā cakkhuviññāṇaṁ …pe… kāyāyatanaṁ paccayā kāyaviññāṇaṁ; vatthuṁ paccayā ahetukā vipākābyākatā kiriyābyākatā khandhā.
Abyākataṁ dhammaṁ paccayā akusalo dhammo uppajjati nahetupaccayā—vatthuṁ paccayā vicikicchāsahagato uddhaccasahagato moho.