Nasaraṇaṁ nasanidassanaṁ dhammaṁ paṭicca araṇo sanidassano dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… vipāke ekaṁ …pe… avigate tīṇi.
Nasaraṇo naanidassano dhammo saraṇassa anidassanassa dhammassa ārammaṇapaccayena paccayo. Nasaraṇo naanidassano dhammo araṇassa anidassanassa dhammassa ārammaṇapaccayena paccayo. (Saṅkhittaṁ.) Ārammaṇe dve, adhipatiyā ekaṁ, upanissaye purejāte atthiyā avigate dve.
Nasaraṇaṁ nasappaṭighaṁ dhammaṁ paṭicca araṇo sappaṭigho dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… aññamaññe ekaṁ …pe… vipāke ekaṁ …pe… avigate tīṇi.
Nasaraṇaṁ naappaṭighaṁ dhammaṁ paṭicca araṇo appaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.
Nasaraṇaṁ narūpiṁ dhammaṁ paṭicca araṇo rūpī dhammo uppajjati hetupaccayā. Naaraṇaṁ narūpiṁ dhammaṁ paṭicca araṇo rūpī dhammo uppajjati hetupaccayā. (Saṅkhittaṁ.) Hetuyā dve, adhipatiyā dve …pe… aññamaññe ekaṁ …pe… vipāke ekaṁ …pe… avigate dve.
Nasaraṇaṁ naarūpiṁ dhammaṁ paccayā saraṇo arūpī dhammo uppajjati hetupaccayā. Nasaraṇaṁ naarūpiṁ dhammaṁ paccayā araṇo arūpī dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Nasaraṇaṁ nalokiyaṁ dhammaṁ paṭicca araṇo lokiyo dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.
Nasaraṇaṁ nalokuttaraṁ dhammaṁ paccayā araṇo lokuttaro dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nasaraṇaṁ nakenaci viññeyyaṁ dhammaṁ paṭicca araṇo kenaci viññeyyo dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… vipāke ekaṁ …pe… avigate pañca.
Nasaraṇaṁ nakenaci naviññeyyaṁ dhammaṁ paṭicca araṇo kenaci naviññeyyo dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… vipāke ekaṁ …pe… avigate pañca.
Paṭṭhānapakaraṇa
Dhammapaccanīyānuloma (4), Dukadukapaṭṭhānapāḷi (6)
24.20. Saraṇaduka, Āsavagocchakādi
Naaraṇaṁ naāsavaṁ dhammaṁ paṭicca saraṇo āsavo dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Naaraṇaṁ nasaññojanaṁ dhammaṁ paṭicca saraṇo saññojano dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Naaraṇaṁ naganthaṁ dhammaṁ paṭicca saraṇo gantho dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Naaraṇaṁ naoghaṁ dhammaṁ paṭicca saraṇo ogho dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Naaraṇaṁ noyogaṁ dhammaṁ paṭicca saraṇo yogo dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Naaraṇaṁ nanīvaraṇaṁ dhammaṁ paṭicca saraṇo nīvaraṇo dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Naaraṇaṁ naparāmāsaṁ dhammaṁ paṭicca saraṇo parāmāso dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ.
Paṭṭhānapakaraṇa
Dhammapaccanīyānuloma (4), Dukadukapaṭṭhānapāḷi (6)
24.21. Saraṇaduka, Mahantaradukādi
Nasaraṇaṁ nasārammaṇaṁ dhammaṁ paṭicca araṇo sārammaṇo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nasaraṇaṁ naanārammaṇaṁ dhammaṁ paṭicca araṇo anārammaṇo dhammo uppajjati hetupaccayā. Naaraṇaṁ naanārammaṇaṁ dhammaṁ paṭicca araṇo anārammaṇo dhammo uppajjati hetupaccayā. (Saṅkhittaṁ.) Hetuyā dve, adhipatiyā dve …pe… vipāke ekaṁ …pe… avigate dve.
Nasaraṇaṁ nacittaṁ dhammaṁ paṭicca araṇo citto dhammo uppajjati hetupaccayā. Naaraṇaṁ nacittaṁ dhammaṁ paṭicca saraṇo citto dhammo uppajjati hetupaccayā. (Saṅkhittaṁ.) Hetuyā dve …pe… vipāke ekaṁ …pe… avigate dve.
Nasaraṇaṁ nacetasikaṁ dhammaṁ paṭicca araṇo cetasiko dhammo uppajjati hetupaccayā. Naaraṇaṁ nacetasikaṁ dhammaṁ paṭicca saraṇo cetasiko dhammo uppajjati hetupaccayā. (Saṅkhittaṁ.) Hetuyā dve …pe… vipāke ekaṁ …pe… avigate dve.
Nasaraṇaṁ nacittasampayuttaṁ dhammaṁ paṭicca araṇo cittasampayutto dhammo uppajjati hetupaccayā. Naaraṇaṁ nacittasampayuttaṁ dhammaṁ paṭicca saraṇo cittasampayutto dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Nasaraṇaṁ nacittasaṁsaṭṭhaṁ dhammaṁ paṭicca araṇo cittasaṁsaṭṭho dhammo uppajjati hetupaccayā. Naaraṇaṁ nacittasaṁsaṭṭhaṁ dhammaṁ paṭicca saraṇo cittasaṁsaṭṭho dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Paṭṭhānapakaraṇa
Dhammapaccanīyānuloma (4), Dukadukapaṭṭhānapāḷi (6)
24.22. Saraṇaduka, Piṭṭhiduka
24.22.1. Sauttarapada
24.22.1.1–6. Paṭiccādivāra
Nasaraṇaṁ nadassanena pahātabbaṁ dhammaṁ paṭicca saraṇo dassanena pahātabbo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Naaraṇaṁ nanadassanena pahātabbaṁ dhammaṁ paṭicca araṇo nadassanena pahātabbo dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.
Nasaraṇaṁ nasauttaraṁ dhammaṁ paṭicca araṇo sauttaro dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.
(Sahajātavārampi paccayavārampi nissayavārampi saṁsaṭṭhavārampi sampayuttavārampi paṭiccavārasadisaṁ.)
24.22.1.7. Pañhāvāra
Hetu-ārammaṇa
Nasaraṇo nasauttaro dhammo araṇassa sauttarassa dhammassa hetupaccayena paccayo … ekaṁ.
Nasaraṇo nasauttaro dhammo araṇassa sauttarassa dhammassa ārammaṇapaccayena paccayo … ekaṁ. (Saṅkhittaṁ.)
Hetuyā ekaṁ, ārammaṇe ekaṁ, adhipatiyā ekaṁ …pe… avigate ekaṁ.
Paccanīyuddhāra
Nasaraṇo nasauttaro dhammo araṇassa sauttarassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo … (Saṅkhittaṁ.)
Nahetuyā ekaṁ, naārammaṇe ekaṁ …pe… noavigate ekaṁ.
Hetupaccayā naārammaṇe ekaṁ. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Yathā kusalattike pañhāvāraṁ evaṁ vitthāretabbaṁ.)
24.22.2. Anuttarapada
Hetu-anantara
Nasaraṇaṁ naanuttaraṁ dhammaṁ paccayā araṇo anuttaro dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nasaraṇo naanuttaro dhammo araṇassa anuttarassa dhammassa anantarapaccayena paccayo. (Saṅkhittaṁ.) Anantare ekaṁ, samanantare ekaṁ, nissaye ekaṁ, upanissaye dve, purejāte ekaṁ, āsevane ekaṁ, vippayutte ekaṁ, atthiyā ekaṁ, natthiyā ekaṁ, vigate ekaṁ, avigate ekaṁ.
Paccanīyuddhāra
Nasaraṇo naanuttaro dhammo araṇassa anuttarassa dhammassa upanissayapaccayena paccayo … purejātapaccayena paccayo.
Naaraṇo naanuttaro dhammo araṇassa anuttarassa dhammassa upanissayapaccayena paccayo. (Saṅkhittaṁ.) Nahetuyā dve, naārammaṇe dve …pe… naupanissaye ekaṁ, napurejāte dve …pe… noavigate dve.
Upanissayapaccayā nahetuyā dve. (Saṅkhittaṁ.)
Nahetupaccayā upanissaye dve, purejāte ekaṁ …pe… atthiyā ekaṁ …pe… avigate ekaṁ. (Saṅkhittaṁ.)
(Yathā kusalattike pañhāvāraṁ evaṁ vitthāretabbaṁ.)
Anulomadukatikapaṭṭhānato paṭṭhāya yāva pariyosānā tiṁsamattehi bhāṇavārehi paṭṭhānaṁ.
Dhammapaccanīyānulome dukadukapaṭṭhānaṁ niṭṭhitaṁ.
Paccanīyānulomapaṭṭhānaṁ niṭṭhitaṁ.
Paṭṭhānapakaraṇaṁ niṭṭhitaṁ.