Hetu
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati hetupaccayā—sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati hetupaccayā—dukkhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati hetupaccayā—adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Ārammaṇādi
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati ārammaṇapaccayā … adhipatipaccayā (adhipatiyā paṭisandhi natthi) … anantarapaccayā … samanantarapaccayā … sahajātapaccayā … aññamaññapaccayā … nissayapaccayā … upanissayapaccayā … purejātapaccayā—sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho. Vatthuṁ purejātapaccayā. (Saṅkhittaṁ.)
Āsevanādi
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati āsevanapaccayā … kammapaccayā … vipākapaccayā—sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati vipākapaccayā—dukkhasahagataṁ kāyaviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati vipākapaccayā—adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Āhārādi
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati āhārapaccayā … indriyapaccayā … jhānapaccayā … maggapaccayā … sampayuttapaccayā … vippayuttapaccayā—sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; vatthuṁ vippayuttapaccayā; paṭisandhikkhaṇe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho. Vatthuṁ vippayuttapaccayā.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati vippayuttapaccayā—dukkhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho. Vatthuṁ vippayuttapaccayā.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati vippayuttapaccayā—adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; vatthuṁ vippayuttapaccayā; paṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho. Vatthuṁ vippayuttapaccayā. (Saṅkhittaṁ.)
Atthyādi
Atthipaccayā … natthipaccayā … vigatapaccayā … avigatapaccayā ….
Saṅkhyāvāra
Suddha
Hetuyā tīṇi, ārammaṇe tīṇi …pe… avigate tīṇi.
Hetudukādi
Hetupaccayā ārammaṇe tīṇi …pe… vipāke dve …pe… avigate tīṇi …pe….
Ārammaṇapaccayā adhipatipaccayā hetuyā tīṇi …pe… vipāke dve …pe… avigate tīṇi …pe….
Āsevanapaccayā hetuyā tīṇi …pe… kamme tīṇi, āhāre tīṇi …pe… avigate tīṇi …pe….
Vipākapaccayā hetuyā dve, ārammaṇe tīṇi, adhipatiyā dve …pe… purejāte tīṇi, kamme tīṇi …pe… jhāne dve, magge dve …pe… avigate tīṇi …pe….
Jhānapaccayā hetuyā tīṇi …pe… vipāke dve …pe… avigate tīṇi …pe….
Maggapaccayā hetuyā tīṇi …pe… vipāke dve …pe… avigate tīṇi …pe….
Avigatapaccayā hetuyā tīṇi …pe… natthiyā tīṇi, vigate tīṇi …pe….
Yathā kusalattikassa paccayagaṇanā, evaṁ vitthāretabbā.
1.3.1.2. Paccayapaccanīya
Vibhaṅgavāra
Nahetu
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati nahetupaccayā—ahetukaṁ sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati nahetupaccayā—dukkhasahagataṁ kāyaviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati nahetupaccayā—ahetukaṁ adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; ahetukapaṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.
Naadhipati
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati naadhipatipaccayā. (Nādhipati paripuṇṇaṁ paṭisandhikaṁ.)
Napurejāta
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati napurejātapaccayā—arūpe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati napurejātapaccayā—arūpe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Napacchājāta-naāsevana
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati napacchājātapaccayā … naāsevanapaccayā. (Napacchājātampi naāsevanampi paripuṇṇaṁ paṭisandhikaṁ.)
Nakamma
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati nakammapaccayā—sukhāya vedanāya sampayutte khandhe paṭicca sukhāya vedanāya sampayuttā cetanā.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati nakammapaccayā—dukkhāya vedanāya sampayutte khandhe paṭicca dukkhāya vedanāya sampayuttā cetanā.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati nakammapaccayā—adukkhamasukhāya vedanāya sampayutte khandhe paṭicca adukkhamasukhāya vedanāya sampayuttā cetanā.
Navipāka-najhāna
Sukhāya vedanāya sampayuttaṁ dhammaṁ paṭicca sukkhāya vedanāya sampayutto dhammo uppajjati navipākapaccayā … najhānapaccayā—sukhasahagataṁ kāyaviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati najhānapaccayā—dukkhasahagataṁ kāyaviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati najhānapaccayā—catuviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Namagga
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati namaggapaccayā—ahetukaṁ sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Dukkhāya vedanāya sampayuttaṁ dhammaṁ paṭicca dukkhāya vedanāya sampayutto dhammo uppajjati namaggapaccayā—dukkhasahagataṁ kāyaviññāṇasahagataṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati namaggapaccayā—ahetukaṁ adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho; ahetukapaṭisandhikkhaṇe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Navippayutta
Sukhāya vedanāya sampayuttaṁ dhammaṁ paṭicca sukhāya vedanāya sampayutto dhammo uppajjati navippayuttapaccayā—arūpe sukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Adukkhamasukhāya vedanāya sampayuttaṁ dhammaṁ paṭicca adukkhamasukhāya vedanāya sampayutto dhammo uppajjati navippayuttapaccayā—arūpe adukkhamasukhāya vedanāya sampayuttaṁ ekaṁ khandhaṁ paṭicca dve khandhā, dve khandhe paṭicca eko khandho.
Saṅkhyāvāra
Suddha
Nahetuyā tīṇi, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve.
1.2. Paccayapaccanīya
Vibhaṅgavāra
Nahetuduka
Nahetupaccayā naadhipatiyā tīṇi, napurejāte ekaṁ, napacchājāte tīṇi, naāsevane tīṇi, nakamme dve, navipāke dve, najhāne tīṇi, namagge tīṇi, navippayutte ekaṁ …pe….
Catukka
Nahetupaccayā naadhipatipaccayā napurejātapaccayā napacchājāte ekaṁ, naāsevane ekaṁ, nakamme ekaṁ, navipāke ekaṁ, namagge ekaṁ, navippayutte ekaṁ …pe….
Navaka
Nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namaggapaccayā navippayutte ekaṁ. (Saṅkhittaṁ.)
Naadhipatiduka
Naadhipatipaccayā nahetuyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve. (Saṅkhittaṁ.)
Napurejātaduka
Napurejātapaccayā nahetuyā ekaṁ, naadhipatiyā dve, napacchājāte dve, naāsevane dve, nakamme dve, navipāke dve, namagge ekaṁ, navippayutte dve.
Tika
Napurejātapaccayā nahetupaccayā naadhipatiyā ekaṁ, napacchājāte ekaṁ, naāsevane ekaṁ, nakamme ekaṁ, navipāke ekaṁ, namagge ekaṁ, navippayutte ekaṁ. (Saṅkhittaṁ.)
Napacchājātadukādi
Napacchājātapaccayā … naāsevanapaccayā … nakammapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, navipāke tīṇi, namagge dve, navippayutte dve.
Tika
Nakammapaccayā nahetupaccayā naadhipatiyā dve, napurejāte ekaṁ, napacchājāte dve, naāsevane dve, navipāke dve, namagge dve, navippayutte ekaṁ …pe….
Pañcaka
Nakammapaccayā nahetupaccayā naadhipatipaccayā napurejātapaccayā napacchājāte ekaṁ, naāsevane ekaṁ, navipāke ekaṁ, namagge ekaṁ, navippayutte ekaṁ. (Saṅkhittaṁ.)
Navipākaduka
Navipākapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, namagge dve, navippayutte dve.
Navipākapaccayā. (Nakammapaccayasadisaṁ.)
Najhānaduka
Najhānapaccayā nahetuyā tīṇi, naadhipatiyā tīṇi, napacchājāte tīṇi, naāsevane tīṇi, namagge tīṇi …pe….
Chakka
Najhānapaccayā nahetupaccayā naadhipatipaccayā napacchājātapaccayā naāsevanapaccayā namagge tīṇi. (Saṅkhittaṁ.)
Namaggaduka
Namaggapaccayā nahetuyā tīṇi, naadhipatiyā tīṇi, napurejāte ekaṁ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṁ.
Tika
Namaggapaccayā nahetupaccayā naadhipatiyā tīṇi, napurejāte ekaṁ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṁ …pe….
Pañcaka
Namaggapaccayā nahetupaccayā naadhipatipaccayā napurejātapaccayā napacchājāte ekaṁ, naāsevane ekaṁ, nakamme ekaṁ, navipāke ekaṁ, navippayutte ekaṁ. (Saṅkhittaṁ.)
Navippayuttaduka
Navippayuttapaccayā nahetuyā ekaṁ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, namagge ekaṁ.
Tika
Navippayuttapaccayā nahetupaccayā naadhipatiyā ekaṁ, napurejāte ekaṁ, napacchājāte ekaṁ, naāsevane ekaṁ, nakamme ekaṁ, navipāke ekaṁ, namagge ekaṁ …pe….
Navaka
Navippayuttapaccayā nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namagge ekaṁ. (Saṅkhittaṁ.)
Paccanīyagaṇanā.
1.3.1.3. Paccayānulomapaccanīya